Ауыл шаруашылық өнімдерін өндіруші заңды тұлғаларға арналған арнаулы салық режимін қолдануға патент беру Мемлекеттік қызмет көрсету ұсынудың пилоттық регламенті ( Қазақстан Республикасының Қаржы министрлігі Салық комитетінің Төрағасының 2007 жылғы 4 сәуірдегі № 201 бұйрығымен бекітілді) (күші жойылды)

ҚР Қаржы Министрілігінің Салық комитетінің 2009 жылғы 30 сәуірдегі № 148 бұйрығымен; ҚР Қаржы министрлігі Салық комитеті Төрағасының 2012 жылғы 30 қазандағы № 402 бұйрығымен  күші жойылды

«Қазақстан Республикасының мемлекеттік басқару жүйесін жаңғырту жөніндегі шаралар туралы» Қазақстан Республикасы Президентінің  2007 жылғы 13 қаңтардағы № 273 Жарлығының 2.2-тармағын орындау үшін және «Салық және бюджетке төленетін басқа да міндетті төлемдер туралы» Қазақстан Республикасының Кодексіне (Салық кодексі) сәйкес Қазақстан Республикасы Қаржы Министрлігінің Салық комитеті

мемлекеттік қызмет көрсету бойынша мына ПИЛОТТЫҚ РЕГЛАМЕНТТЕР бекітілді:

- Қазақстан Республикасының салық төлеушілерін тіркеу;

- қосылған құн салығын төлеуші ретінде тіркеу;

- жеке кәсіпкер ретінде тіркеу;

- ауыл шаруашылық өнімдерін өндіруші заңды тұлғаларға арналған арнаулы салық режимін қолдануға патент беру;

- жеке кәсіпкердің арнаулы салық режимін қолдануына патент беру;

- салық есептілігін тапсыру;

- Қазақстан Республикасы бойынша салық төлеушінің салық берешегінің, міндетті зейнетақы жарналары және әлеуметтік аударымдар бойынша берешегінің болмауы туралы анықтама және салық төлеушінің (салық агентінің) дербес шотынан көшірме жазба алу.

Алматы қаласы бойынша салық комитеті Алмалы, Әуезов, Бостандық, Жетісу, Медеу, Түркісіб аудандары бойынша ағымдағы және мақсаты белгілеген көрсеткіштерінің сапасын бағалау деректері белгіленді.

Қазақстан Республикасы Қаржы министрлігінің
Салық комитеті
 
Біздің мақсат - жоғары сапалы қызмет көрсету

Ауыл шаруашылық өнімдерін

өндіруші заңды тұлғаларға

арналған арнаулы салық режимін

қолдануға патент беру

Мемлекеттік қызмет көрсету ұсынудың пилоттық регламенті

2007 жыл

Біздің басты мақсат

Халыққа мемлекеттік қызмет көрсетулер ұсынудың сапасын үнемі арттыру салық қызметі органдарының жұмысындағы маңызды міндеттердің бірі болып табылады.

Жалпы ережелер

·                    Ауыл шаруашылық өнiмдерiн өндiрушi заңды тұлғаларға арналған арнаулы салық режимi заңды тұлғалардың акцизделетiн өнiмдi өндiру бойынша қызметті қоспағанда өзі өндірісінің ауылшаруашылық өнімдерін өндіру, ұқсату және өткізу бойынша қызметіне қолданылады.

Сондай-ақ режим өз өндірісінің құс шаруашылығы, асыл тұқымды мал шаруашылығы өнімдерін өндіруге, ұқсатуға және өткізуге қолданылады.

·  Осы арнаулы салық режимiн қолданатын салық төлеушiлер, қосылған құн салығын қоспағанда, патент құны есебiне енгiзiлген салық және жер участкесін пайдаланғаны үшін ақы төлеу жөніндегі есептілік тапсырудан босатылады.

Патент құнын есептеу кезінде салық және жер участкесін пайдаланғаны үшін төлемдерінің сомалары 80 процентке азайтылады.

·  Арнаулы салық режимін қолдану туралы шешім әр күнтізбелік жылға қабылданады.

Ауыл шаруашылық өнімдерін өндіруші заңды тұлғаларға

арналған арнаулы салық режимін қолдану шарттары

·                    Арнаулы салық режимін акцизделетін өнімдер өндірісін қоспағанда ауыл шаруашылығы өнімдерін өндіруді, өз өндірісін ұқсату және өткізуді жүзеге асыратын заңды тұлғалар қолдануға құқылы.

·                    Мыналардың:

1) еншiлес ұйымдары, филиалдары мен өкiлдiктерi бар заңды тұлғалардың;

2) филиалдардың, өкілдіктердің;

3) осы арнаулы салық режимiн қолданатын басқа заңды тұлғалардың аффилиирлендiрiлген тұлғалары болып табылатын заңды тұлғалардың осы режимді қолдануға құқығы жоқ.

·                    Аталған арнаулы салық режимі қолданылмайтын қызмет түрлерін жүзеге асыратын заңды тұлғалар жер учаскесіне құқығы туындаған жағдайда салық салудың осы режимін қолдануға құқылы.

Патент беру тәртібі

Арнаулы салық режимін қолдануға патент алу үшін өтініш мерзімі.

·                    Осы арнаулы салық режимін қолдану үшін өтінішті жыл сайын 20 ақпаннан кешіктірмей беру қажет.

·                    Егер арнаулы салық режимін қолдану құқығы 20 ақпаннан кейін туындаған жағдайда, Сіз мынадай мерзімдерге өтініш беруіңіз керек:

-    жаңадан құрылған салық төлеушілер үшін - мемлекеттік тіркеу сәтінен бастап 30 күнтізбелік күн ішінде

-    жер учаскесіне құқық туындаған кезде - жер учаскесі орналасқан жер бойынша тіркеу есебіне тұрған сәттен бастап 30 күнтізбелік күн ішінде

·                    Салық төлеушiнiң көрсетiлген мерзiмде өтiнiш бермеуi оның салықты және жер учаскелерiн пайдаланғаны үшiн төлемақыны жалпы белгiленген тәртiппен есептеуге және төлеуге келiскенi болып есептеледi.

Патент беру тәртібі

·        Арнаулы салық режимін қолдануға патент алу үшін Сізге жер учаскесі орналасқан жер бойынша салық органдарының Ақпарат қабылдау және өңдеу орталықтарына белгіленген мерзімде 932.00 нысан бойынша өтініш беру қажет.

·        Өтінішке салық төлеуші қол қояды және салық төлеушінің мөрімен куәландырылады.

·        Осы арнаулы салық режимiн қолданған алғашқы салық кезеңінде Сізге салық органына өтінішпен бірге мынадай құжаттарды тапсыру керек:

1) заңды тұлғаны мемлекеттік тіркеу туралы куәліктің нотариалды куәландырылған көшірмесі;

2) нотариат немесе селолық (поселкелік) атқарушы органдар куәландырған жер пайдалануға құқық беретiн құжаттардың көшірмелері;

3) лицензия (лицензияланатын қызмет түрін жүзеге асырған жағдайда);

4) салық төлеушінің (жаңадан құрылғандарды қоспағанда) жылдық жиынтық кіріс пен табыс түрінде жарияланған жұмысшылар санына төленетін жұмыс берушінің шығыстарын қоса алғанда, шығындарды растау үшін қажет алдыңғы үш-бес жылдың есептерінің көшірмелері;

5) 931.00 нысан бойынша патент құнының есебі.

Кейінгі салық кезеңдерінде 1-4 тармақтарда көрсетілген құжаттар оларға деректер өзгерген кезде ғана табыс ету керек.

·                      Патент алуға өтінішті электронды түрде беретін салық төлеушілер 1)-4) тармақшаларда көрсетілген құжаттарды табыс етпейді.

·  Өтініш және есеп бланкілерін салық органдарында типографиялық ұйымдарға сату үшін арнайы белгіленген орындардан сатып алуға болады.

·  Арнаулы салық режимiн қолдану туралы оң шешім қабылданған кезде ауыл шаруашылық өнiмдерiн өндiрушi заңды тұлғаларға арналған арнаулы салық режимiн қолдануға патент беріледі.

Патент үлгісі

·                    Сіз патентті алар кезде салық органдарының Ақпарат қабылдау және өңдеу орталықтарында ауыл шаруашылық өнiмдерiн өндiрушi заңды тұлғаларға берілген патенттерді тіркеу Журналына қол қоюыңыз керек.

·  Патент беру әр күнтізбелік жылда жүргізіледі.

Салық органдарының қызмет көрсету мерзімдері

Құжаттарды қарау мен патент беруді жер учаскесі орналасқан жер бойынша салық органдары өтініш пен басқа да қажетті құжаттарды бергеннен кейін 5 жұмыс күні ішінде жүргізеді.

Салық төлеушілерге қосымша қызмет көрсетулер

Сапаның басты көрсеткіштері

Төменде Алматы қаласының Алмалы, Әуезов, Бостандық, Жетісу, Медеу, Түрксіб аудандары бойынша салық қызметі органдары қол жеткізген қызмет көрсетудің сапасы деңгейінің және оларды арттыру үшін қойылған мақсаттардың көрсеткіштері келтірілген.

Бізге, Сізге қызмет көрсетудің сапасы ұнады ма хабарлаңыз

·  Егер Сізге Салық органдарының ақпаратты қабылдау және өңдеу орталықтарындағы қызмет көрсетудің сапасы ұнамаса, Сіз мынадай жолмен салық қызметі органдары қызметкерлерінің әрекетіне (әрекетсіздігіне) шағымдана аласыз не қызмет көрсету жағадайларын және сапасын жақсарту бойынша ұсыныс бере аласыз:

- Аудандық салық комитеттердің төрағаларына тікелей

- Қабылдау орталықтарындаға қызмет көрсетудің сапасы бойынша салық төлеушілердің көзқарасы сауланамасын арнайы бланкін толтыру; толтырылған бланкті шағымдар мен ұсыныстарға арналған арнайы жәшікке тастау қажет.

-  «Сенім» телефонына жүгіну

- call-e-tax@mgd.kz мекен-жайы бойынша электрондық шағым кітабына жүгіну.

  Егер қабылданған шаралар Сізді қанағаттандырмаса немесе мәселе жоғары тұрған инстанцияда қарауды талап етсе, Сіз шағымды Алматы қ, Абылайхан даңғ. 93/95  мекен-жайы бойынша  Алматы қаласыны бойынша Салық  комитетіне жазбаша жібере аласыз.

Сіздің шағымыңыз міндетті түрде қаралады және ол бойынша шешім ол келіп түскен күннен бастап 30 күнтізбелік күнінің ішінде қабылданады. Сізідің жүгінісіңізді қарау мерзімі ұзартылған жағдайда, Сізге бұл туралы жазбаша хабарланады.

Егер Сіз Алматы қаласыны бойынша Салық
комитетінің жауабына қанағаттанбасаңыз, Сіз өзіңіздің хатыңызды Астана қаласы, Жеңіс даңғылы, 11, мекен-жайы бойынша ҚР Қаржы министірлігінің Салық комитетіне жібере аласыз. Сіздің жүгінісіңізді қарау мерзімі Алматы қаласыны бойынша Салық комитеті үшін белгіленгенмен бірдей.

·  Сонымен қатар Сіз келесі телефондар бойынша қабылдау бөлмесіне қоңырау шалып аудандық Салық комитеті Төрағасының орынбасарына қабылдауға жазыла аласыз

Байланыс ақпараты

Біздің мекен-жайлар мен телефондар

Егер Сізге қосымша ақпарат қажет болса

·  ҚР Қаржы министрлігі Салық комитетінің сайтында www.nalog.kz мекен-жайы бойынша Сіз қолданыстағы заңнамалық, нормативтік, құқықтық актілер туралы ақпарат ала ала аласыз, салық органдарының жұмысына түсініктемелер мен ұсыныстар қалдыра аласыз.