Қазақстан Республикасының резиденттері - жеке және заңды тұлғалардың КСРО
Сыртқыэкономбанкі шоттарында оқшауландырылған қаражаттарын қайтару
мәселелері жөніндегі ведомствоаралық комиссия туралы Қазақстан
Республикасы Үкіметінің 2001 ж. 16 мамырдағы № 644 қаулысы
(2006.25.09. берілген өзгерістер мен толықтыруларымен)
Осы редакция 2007 жылғы 12 қазандағы енгізілген өзгерістеріне дейін қолданылды
Қазақстан Республикасының резиденттері - жеке және заңды тұлғалардың КСРО Сыртқыэкономбанкі шоттарында оқшауландырылған қаражаттарын қайтару жөнінде амал әзірлеу мақсатында Қазақстан Республикасының Үкіметі қаулы етеді:
ҚР Үкіметінің 11.04.02 ж. № 416; 09.11.02 ж. № 1187;22.09.03 ж. № 964 ; 2005.06.05 № 434 (бұр. ред. қара); 2006.25.09. № 908 (бұр.ред.қара) қаулыларымен 1-тармақ өзгертілді
1. Қазақстан Республикасының резиденттері - жеке және заңды тұлғалардың КСРО Сыртқыэкономбанкі шоттарында оқшауландырылған қаражаттарын қайтару мәселелері жөніндегі ведомствоаралық комиссия мына құрамда құрылсын:
Коржова - Қазақстан Республикасының Қаржы
Наталья Артемовна министрі, төрайым
Елемесов - Қазақстан Республикасының Қаржы
Асқар Раушанұлы вице-министрі, төрайымның орынбасары
Есімқұлов - Қазақстан Республикасы Қаржы
Ерлан Тұрланғазыұлы министрлігінің Үкіметтік қарыздарды
тарту департаменті халықаралық
ынтымақтастық басқармасының бастығы,
хатшы
Исабеков - Қазақстан Республикасы Әділет
Тимур Шамсатұлы министрлігі Халықаралық құқық,
мемлекеттің мүліктік құқықтарын
қорғау, шарттар және талап қою-қуыну
жұмыстары департаментінің директоры
Кәкiмжанов - Қазақстан Республикасының Қаржы Зейнолла Халидоллаұлы министрi, төраға Иванов - Қазақстан Республикасының Қаржы Леонид Александрович вице-министрi, төрағаның орынбасары
Мәмештегі - "ТұранӘлемБанкi" акционерлік
Сәдуақас Халықсоветұлы қоғамы басқармасының төрағасы
(келісім бойынша)
Әблязова - "ТұранӘлемБанк" акционерлік
Ақмарал Насырқызы қоғамы басқармасы төрағасының
орынбасары (келісім бойынша)
Байбағысова - Қазақстан Республикасы Ұлттық
Айсұлу Сәпиқызы Банкінің Халықаралық қатынастар
басқармасы бастығының орынбасары
(келісім бойынша)
Әкежанов - Қазақстан Республикасының Әдiлет Қуат Балқашұлы министрлігі Мемлекеттiң мүлiктiк
құқықтары, шарттар және талап
қою-қуыну жұмыстары басқармасының
бастығы
Әбжанов - "ТұранӘлем Банкi" акционерлік
Дәулет Көбенұлы қоғамы Директорлар кеңесiнiң мүшесi
(келісім бойынша)
Сартбаев - Қазақстан Республикасы Ұлттық Банкi
Медет Мақсұтұлы Төрағасының орынбасары
Сағындықов - Қазақстан Республикасы Экономика және
Самат Алпысұлы бюджеттік жоспарлау министрлігi
Инвестициялық саясат және жоспарлау
департаментінің директоры
2. Қоса беріліп отырған Қазақстан Республикасының резиденттері - жеке және заңды тұлғалардың КСРО Сыртқыэкономбанкі шоттарында оқшауландырылған қаражаттарын қайтару жөніндегі ведомствоаралық комиссия туралы ереже бекітілсін.
3. Осы қаулы қол қойылған күнінен бастап күшіне енеді.
Қазақстан Республикасының
| Премьер-Министрі | Қ.Тоқаев |
Қазақстан Республикасы
Үкіметінің
2001 жылғы 16 мамырдағы
№ 644 қаулысымен
бекітілген
Қазақстан Республикасының резиденттері - жеке және заңды
тұлғалардың КСРО Сыртқыэкономбанкі шоттарында
оқшауландырылған қаражаттарын қайтару жөніндегі
ведомствоаралық комиссия туралы
Ереже
1. Жалпы ережелер
1. Осы Ереже Қазақстан Республикасы Үкіметінің жанындағы консультативтік-кеңесші орган болып табылатын Қазақстан Республикасының резиденттері - жеке және заңды тұлғалардың КСРО Сыртқыэкономбанкі шоттарында оқшауландырылған қаражаттарын қайтару жөніндегі ведомствоаралық комиссияның (бұдан әрі - Комиссия) қызметін реттейді.
ҚР Үкіметінің 2006.25.09. № 908 Қаулысымен 2-тармақ өзгертілді (бұр.ред.қара)
2. Комиссия өз қызметінде Қазақстан Республикасының Конституциясын, Азаматтық кодексті, Қазақстан Республикасының Бюджет кодексін Қазақстан Республикасының өзге де нормативтік құқықтық кесімдерін және осы Ережені басшылыққа алады.
2. Комиссияның негізгі міндеттері мен функциялары
3. Комиссияның негізгі міндеті Қазақстан Республикасының резиденттері - жеке және заңды тұлғалардың КСРО Сыртқыэкономбанкі шоттарында оқшауландырылған қаражаттарын қайтару амалы жөніндегі ұсыныстарды әзірлеу болып табылады.
4. Комиссияның функциялары:
1) Қазақстан Республикасының резиденттері - жеке және заңды тұлғалардан КСРО Сыртқыэкономбанкі шоттарында оқшауландырылған қаражаттары қалдықтарының сомасын түпкілікті салыстыру мен анықтау туралы есепті қарау және оны Қазақстан Республикасы Үкіметінің қабылдауы жөнінде ұсыныстар әзірлеу;
2) мыналар жөнінде ұсыныстар әзірлеу:
- Ресей Сыртқыэкономбанкінің Қазсыртқыэкономбанкі алдындағы міндеттемелерінің сомасын және Қазсыртқыэкономбанкінің Ресей Сыртқыэкономбанкі алдындағы міндеттемелерінің сомасын айқындау кезінде туындаған бағамдық айырмашылық мәселесін шешу;
- Қазақстан Республикасының резиденттері - жеке және заңды тұлғалардың КСРО Сыртқыэкономбанкі шоттарында оқшауландырылған қаражаттарын қайтару амалы;
- Қазақстан Республикасының резиденттері - жеке және заңды тұлғалардың КСРО Сыртқыэкономбанкі шоттарында оқшауландырылған қаражаттарын қайтаруды қаржыландыру көздерін айқындау.
3. Комиссияның жұмыс тәртібі
5. Комиссияның органдары:
1) жұмыс органы;
2) Комиссияның төрағасы;
3) төрағаның орынбасары;
4) хатшы.
6. Комиссияның төрағасы оның қызметіне басшылық жасайды, Комиссияның мәжілістерінде төрағалық етеді, оның жұмысын жоспарлайды, оның шешімдерінің іске асырылуын жалпы бақылауды жүзеге асырады және Комиссия жүзеге асыратын қызмет үшін жауап береді.
7. Төраға болмаған уақытта оның функцияларын орынбасары орындайды.
8. Комиссияның хатшысы Комиссия мәжілісінің күн тәртібі бойынша ұсыныстарды, қажетті құжаттарды, материалдарды дайындайды және ол өткізілгеннен кейін хаттамаларды ресімдейді.
9. Комиссияның шешімдері ашық дауыс берумен қабылданады және егер оларға Комиссияның қатысқан мүшелері жалпы санының көпшілік дауысы берілсе, қабылданған болып саналады. Дауыстар тең болған жағдайда төраға дауыс берген шешім қабылданған болып саналады.
10. Комиссияның мүшелері ерекше пікір білдіруге құқылы, оны білдірген жағдайда, жазбаша түрде жазылуы және Комиссия мәжілісінің хаттамасына және есеп-хатына қоса берілуі тиіс.
11. Комиссия жұмыс органының функциялары Қазақстан Республикасының Қаржы министрлігіне жүктеледі.
12. Комиссияның жұмыс кестесін Комиссия айқындайды.
13. Комиссияның мәжілістері нақты проблемалар мен мәселелер бойынша өткізіледі.
14. Комиссия мәжілістерін өткізу нәтижелері бойынша мәжіліске қатысқан оның мүшелері қол қоятын хаттама жасалады.
15. Комиссияның әрбір мәжілісінен кейін Премьер-Министрдің Кеңсесіне қаралған мәселелер бойынша ұсыныстармен бірге жұмыс қорытындысы туралы есеп жіберіледі.
4. Комиссия қызметінің тоқтатылуы
16. Қазақстан Республикасы Үкіметінің шешімі Комиссия қызметінің тоқтатылуы үшін негіз болып табылады.
