2. Мыналар:
1) Ұлы Отан соғысына қатысушылар және оларға теңестiрiлген адамдар;
2) I және ІІ топтағы мүгедектер;
3) бөлек тұрып жатқан зейнеткерлер;
4) Қазақстан Республикасының азаматтығын алғанға дейiн репатрианттар (оралмандар) алым төлеушiлер болмайды;
5) кадрларды даярлаумен және оқытумен шұғылданатын шағын кәсiпкерлiк субъектiлерi мемлекеттік тiркелген кезден бастап үш жыл iшiнде жылжымайтын мүлiкке құқықтарды тiркегенi үшiн төлемнен босатылады.
406-бап. Алымды есептеу, төлеу және төленген сомаларды қайтару тәртібі
1. Алым сомасы Қазақстан Республикасының Үкіметі белгiлеген ставкалар бойынша есептеледi және тiркеушi органға тиiстi құжаттарды бергенге дейiн төленедi.
2. Алым сомасы тiркеу жүзеге асырылған жер бойынша бюджетке енгiзiледi.
3. Алымды төлеген тұлғалар тiркеушi органға тиiстi құжаттарды бергенге дейiн тiркеу жасаудан бас тартқан жағдайларды қоспағанда, төленген алым сомасы қайтарылмайды.
Бұл орайда алым сомасы тиiстi тiркеу органы берген, тiркеу iс-әрекеттерiн жасауға арналған құжаттарды аталған тұлғаның табыс етпегенiн растайтын құжатты төлеушi табыс еткеннен кейiн қайтарылады.
13.12.04 ж. № 11-III (01.01.05 ж. бастап қолданысқа енгізілді) ҚР Заңымен 70-1-тараумен толықтырылды
70-1-тарау. Жылжымалы мүлiк кепiлiн мемлекеттік
тiркегенi үшiн алым
406-1-бап. Жалпы ережелер
1. Жылжымалы мүлiк кепiлiн мемлекеттік тiркегенi үшiн алым (бұдан әрi - алым) жылжымалы мүлiк кепiлiн мемлекеттік тiркеу кезiнде, сондай-ақ мемлекеттік тiркеудi (бұдан әрi - тiркеу) куәландыратын құжаттың дубликатын алған кезде алынады.
2. Тiркеудi Қазақстан Республикасының заң актiсiнде белгiленген тәртiппен және жағдайларда уәкiлеттi орган (бұдан әрi тiркеушi орган) жүзеге асырады.
406-2-бап. Алым төлеушiлер
1. Қазақстан Республикасының заң актiсiне сәйкес тiркелуге тиiс жылжымалы мүлiк кепiлiн тiркеудi жүзеге асыратын жеке және заңды тұлғалар алым төлеушiлер болып табылады.
2. Мыналар:
1) Ұлы Отан соғысына қатысушылар және оларға теңестiрiлген адамдар;
2) I және II топтағы мүгедектер;
3) Қазақстан Республикасының азаматтығын алғанға дейiн репатрианттар (оралмандар) алым төлеушiлер болып табылмайды.
406-3-бап. Алымды есептеу, төлеу және төленген сомаларды
қайтару тәртібі
1. Алым сомасы Қазақстан Республикасының Үкіметі белгiлеген ставкалар бойынша есептеледi және тiркеушi органға тиiстi құжаттарды бергенге дейiн төленедi.
2. Алым сомасы тiркеу жүзеге асырылатын жер бойынша бюджетке енгiзiледi.
3. Алымды төлеген тұлғалар тiркеушi органға тиiстi құжаттарды бергенге дейiн тiркеу жасаудан бас тартқан жағдайларды қоспағанда, төленген алым сомасын қайтару жүргiзiлмейдi.
Бұл ретте қайтару тиiстi тiркеу органы берген, тiркеу iс-әрекеттерiн жасауға арналған құжаттарды көрсетiлген тұлғаның табыс етпегенiн растайтын құжатты төлеушi табыс еткеннен кейiн жүргiзiледi.
71-тарау. Радиоэлектрондық құралдарды
және жоғары жиіліктегі құрылғыларды
мемлекеттік тіркегені үшін алым
407-бап. Жалпы ережелер
1. Радиоэлектрондық құралдарды және жоғары жиiлiктегi құрылғыларды мемлекеттік тiркегенi үшiн алым (бұдан әрi - алым) радиоэлектрондық құралдар мен жоғары жиiлiктегi құрылғыларды тiркеу кезiнде, сондай-ақ мемлекеттік тiркеудi (бұдан әрi - тiркеу) куәландыратын құжаттың дубликатын алған кезде алынады.
2. Тiркеудi Қазақстан Республикасының заң актілерінде белгiленген тәртiппен және жағдайларда байланыс саласындағы уәкiлеттi орган (бұдан әрi - тiркеушi орган) жүзеге асырады.
408-бап. Алым төлеушiлер
1. Тiркеушi орган тiркеген кезде мүдделерi көзделетiн жеке және заңды тұлғалар алым төлеушiлер болып табылады.
2. Мемлекеттік мекемелер алым төлеушiлер болмайды.
409-бап. Алымды есептеу, төлеу және төленген сомаларды қайтару тәртібі
1. Алым сомасын Қазақстан Республикасының Үкіметі белгiлеген ставкалар бойынша тiркеушi орган есептейдi.
2. Алым сомасы тiркеу жүзеге асырылғанға дейiн тiркеу жүзеге асырылған жер бойынша бюджетке енгiзiледi.
3. Алымды төлеген тұлғалар тiркеушi органға тиiстi құжаттарды бергенге дейiн тiркеу жасаудан бас тартқан жағдайларды қоспағанда, төленген алым сомасы қайтарылмайды.
Бұл орайда алым сомасы тиiстi тiркеу органы берген, тiркеу iс-әрекеттерiн жасауға арналған құжаттарды аталған тұлғаның табыс етпегенiн растайтын құжатты төлеушi табыс еткеннен кейiн қайтарылады.
72-тарау. Механикалық көлік құралдары мен
тіркемелерді мемлекеттік тіркегені
үшін алым
410-бап. Жалпы ережелер
1. Механикалық көлiк құралдары мен тiркемелердi мемлекеттік тiркегенi (қайта тiркегенi) үшiн алым (бұдан әрi - алым) механикалық көлiк құралдары мен тiркемелердi мемлекеттік тiркеу (бұдан әрi - тiркеу) кезiнде, сондай-ақ мемлекеттік тiркеудi куәландыратын құжаттың дубликатын алған кезде алынады.
2. Тiркеудi Қазақстан Республикасының заңдарында белгiленген тәртіппен және жағдайларда уәкiлеттi орган (бұдан әрi - тiркеушi орган) жүзеге асырады.
411-бап. Алым төлеушiлер
Тiркеуге жататын механикалық көлiк құралдарымен тiркемелердi пайдаланатын жеке және заңды тұлғалар алым төлеушiлер болып табылады.
412-бап. Алымды есептеу, төлеу және төленген сомаларды қайтару тәртібі
1. Алым сомасы Қазақстан Республикасының Үкіметі белгiлеген ставкалар бойынша есептеледi және тиiстi құжаттарды тiркеушi органға бергенге дейiн төленедi.
2. Алым сомасы тiркеу жүзеге асырылған жер бойынша бюджетке енгiзiледi.
3. Алымды төлеген тұлғалар тiркеушi органға тиiстi құжаттарды бергенге дейiн тiркеу жасаудан бас тартқан жағдайларды қоспағанда, төленген алым сомасы қайтарылмайды.
Бұл орайда алым сомасы тиiстi тiркеу органы берген, тiркеу iс-әрекеттерiн жасауға арналған құжаттарды аталған тұлғаның табыс етпегенiн растайтын құжатты төлеушi табыс еткеннен кейiн қайтарылады.
73-тарау. Теңіз, өзен кемелері мен шағын көлемді
кемелерді мемлекеттік тіркегені үшін алым
413-бап. Жалпы ережелер
1. Теңiз, өзен кемелерi мен шағын көлемдi кемелердi мемлекеттік тiркегенi (қайта тiркегенi) үшiн алым (бұдан әрi - алым) теңiз, өзен кемелерi мен шағын көлемдi кемелердi мемлекеттік тiркеу (бұдан әрi тiркеу) кезiнде, сондай-ақ мемлекеттік тiркеудi куәландыратын құжаттың дубликатын алған кезде алынады.
2. Тiркеудi Қазақстан Республикасының заңдарында белгiленген тәртiппен және жағдайларда көлiк саласындағы уәкiлеттi орган (бұдан әрi тiркеушi орган) жүзеге асырады.
414-бап. Алым төлеушiлер
Тiркеуге жататын кемелерi бар заңды және жеке тұлғалар алым төлеушілер болып табылады.
415-бап. Алымды есептеу, төлеу және төленген сомаларды қайтару тәртібі
1. Алым сомасы Қазақстан Республикасының Үкіметі белгiлеген ставкалар бойынша есептеледi және тиiстi құжаттарды тiркеушi органға бергенге дейiн төленедi.
2. Алым сомасы тiркеу жүзеге асырылған жер бойынша бюджетке енгiзiледi.
3. Алымды төлеген тұлғалар тiркеушi органға тиiстi құжаттарды бергенге дейiн тiркеу жасаудан бас тартқан жағдайларды қоспағанда, төленген алым сомасы қайтарылмайды.
Бұл орайда алым сомасы тиiстi тiркеу органы берген, тiркеу iс-әрекеттерiн жасауға арналған құжаттарды аталған тұлғаның табыс етпегенiн растайтын құжатты төлеушi табыс еткеннен кейiн қайтарылады.
ҚР 22.10.04 ж. № 601-II Заңымен 73-1-тараумен толықтырылды
73-1-тарау. Кеменiң немесе жасалып жатқан кеменiң
ипотекасын мемлекеттік тiркеу үшін алым
415-1-бап. Жалпы ережелер
1. Кеменiң немесе жасалып жатқан кеменiң ипотекасын мемлекеттік тiркеу үшiн алым (бұдан әрi - алым) кеменiң немесе жасалып жатқан кеменiң ипотекасын мемлекеттік тiркеген кезде, сондай-ақ мемлекеттік тiркеуді (бұдан әрі - тiркеу) куәландыратын құжаттың дубликатын алған кезде алынады.
2. Тiркеудi көлiк саласындағы уәкiлеттi орган (бұдан әрі тiркеушi орган) Қазақстан Республикасының заңдарында белгiленген тәртiппен және жағдайларда жүзеге асырады.
415-2-бап. Алым төлеушілер
Кеменiң немесе жасалып жатқан кеменiң ипотека шартын жасасқан жеке және заңды тұлғалар алым төлеушілер болып табылады.
415-3-бап. Алымды есептеу, төлеу және төленген сомаларды қайтару тәртібі
1. Алым сомасы Қазақстан Республикасының Үкіметі белгiлеген ставкалар бойынша есептеледі және тiркеушi органға тиiстi құжаттар берiлгенге дейiн төленеді.
2. Алым сомасы тiркеу жүзеге асырылған жер бойынша бюджетке енгiзiледi.
3. Алымды төлеген тұлғалардың тіркеушi органға тиiстi құжаттарды бергенге дейiн тiркеу жасаудан бас тартқан жағдайларын қоспағанда, төленген алым сомасы қайтарылмайды.
Бұл ретте қайтару аталған тұлғаның тiркеу әрекеттерiн жасауға арналған құжаттарды табыс етпегенiн растайтын тиiстi тiркеу органы берген құжатты төлеушi табыс еткеннен кейiн жүргiзiледi.
74-тарау. Азаматтық әуе кемелерін мемлекеттік
тіркегені үшін алым
416-бап. Жалпы ережелер
1. Азаматтық әуе кемелерiн мемлекеттік тiркегенi (қайта тiркегенi) үшiн алым (бұдан әрi - алым) азаматтық әуе кемелерiн мемлекеттік тiркеу (бұдан әрi - тiркеу) кезiнде, сондай-ақ мемлекеттік тiркеудi куәландыратын құжаттың дубликатын алған кезде алынады.
2. Тiркеудi Қазақстан Республикасының заң актiсiнде белгiленген тәртiппен және жағдайларда көлiк саласындағы уәкiлеттi орган (бұдан әрi - тiркеушi орган) жүзеге асырады.
417-бап. Алым төлеушiлер
Тiркеуге жататын азаматтқ әуе кемелерi бар жеке және заңды тұлғалар алым төлеушiлер болып табылады.
418-бап. Алымды есептеу, төлеу және төленген сомаларды қайтару тәртібі
1. Алым сомасы Қазақстан Республикасының Yкіметі белгiлеген ставкалар бойынша есептеледi және тиiстi құжаттарды тiркеу органына бергенге дейiн төленедi.
2. Алым сомасы тiркеу жүзеге асырылған жер бойынша бюджетке енгiзiледi.
3. Алымды төлеген тұлғалар тiркеушi органға тиiстi құжаттарды бергенге дейiн тiркеу жасаудан бас тартқан жағдайларды қоспағанда, төленген алым сомасы қайтарылмайды.
Бұл орайда алым сомасы тиiстi тiркеу органы берген, тiркеу iс-әрекеттерiн жасауға арналған құжаттарды аталған тұлғаның табыс етпегенiн растайтын құжатты төлеушi табыс еткеннен кейiн қайтарылады.
75-тарау. Дәрі-дәрмек құралдарын мемлекеттік
тіркегені үшін алым
419-бап. Жалпы ережелер
1. Дәрi-дәрмек құралдарын мемлекеттік тiркегенi үшiн алым (бұдан әрi - алым) Қазақстан Республикасының заңдарына сәйкес Қазақстан Республикасында қолдануға рұқсат етiлген дәрi-дәрмек құралдарын мемлекеттік тiркеу (қайта тiркеу) кезiнде, сондай-ақ мемлекеттік тiркеудi (бұдан әрi - тiркеу) растайтын құжаттың дубликатын берген кезде алынады.
2. Тiркеудi дәрi-дәрмек құралдарына бақылау жасау саласындағы уәкiлеттi орган (бұдан әрi - тiркеушi орган) Қазақстан Республикасының заңдарында белгiленген тәртiппен және жағдайларда жүзеге асырады.
420-бап. Алым төлеушiлер
Дәрi-дәрмек құралдарын тiркеушi органға тiркеуге ұсынған жеке және заңды тұлғалар алым төлеушiлер болып табылады.
421-бап. Алым ставкалары
Алым ставкаларын Қазақстан Республикасының Үкіметі белгiлейдi.
422-бап. Алымды есептеу, төлеу және төленген сомаларды қайтару тәртібі
1. Алым сомасы белгiленген ставкалар бойынша есептеледi және тиiстi құжаттарды тiркеушi органға бергенге дейiн төленедi.
2. Алым сомасы салық төлеушiнiң есепке тiркелген жерi бойынша бюджетке енгiзiледi.
3. Алым төлеген тұлғалар тiркеушi органға тиiстi құжаттарды бергенге дейiн тiркеу жасаудан бас тартқан жағдайларды қоспағанда, төленген алым сомасы қайтарылмайды.
Бұл орайда алым сомасы тиiстi тiркеу органы берген, тiркеу iс-әрекеттерiн жасауға арналған құжаттарды аталған тұлғаның табыс етпегенiн растайтын құжатты төлеушi табыс еткеннен кейiн қайтарылады.
76-тарау. Автокөлік құралдарының Қазақстан
Республикасының аумағы бойынша жүргені
үшін алым
423-бап. Жалпы ережелер
1. Қазақстан Республикасының аумағы бойынша автокөлiк құралдарының жүргенi үшiн алым (бұдан әрi - алым):
1) халықаралық қатынастарда жолаушылар мен жүктердi тасымалдауды жүзеге асыратын отандық автокөлiк құралдарының Қазақстан Республикасының аумағынан кетуi;
2) халықаралық қатынастарда жолаушылар мен жүктердi тасымалдауды жүзеге асыратын шетел автокөлiк құралдарының Қазақстан Республикасы аумағына келуi (кетуi), Қазақстан Республикасы аумағы бойынша транзитi;
3) iрi көлемдi және (немесе) ауыр салмақты отандық және шетелдiк автокөлiк құралдарының Қазақстан Республикасының аумағы бойынша жүруi;
4) отандық және шетелдiк автокөлiк құралдарының Қазақстан Республикасының ақылы мемлекеттік автомобиль жолдары бойынша жүруi үшiн өндiрiп алынады.
2. Қазақстан Республикасының аумағы бойынша автомобиль құралдарының жүруi, егер ақылы мемлекеттік автомобиль жолдары бойынша жүру үшiн Қазақстан Республикасының заңдарында өзгеше көзделмесе, көлік саласындағы уәкiлеттi орган берген рұқсат құжаттары негiзiнде жүзеге асырылады.
Қазақстан Республикасының аумағы бойынша автокөлiк құралдарының жүру және рұқсат құжаттарын беру тәртібін Қазақстан Республикасының Үкіметі белгiлейдi.
424-бап. Алым төлеушiлер
Осы Кодекстiң 419-бабының 1-тармағында белгiленген жағдайларда, Қазақстан Республикасының аумағы бойынша автокөлiк құралдарының жүруiн жүзеге асыратын жеке және заңды тұлғалар алым төлеушiлер болып табылады.
ҚР 04.07.03 ж. № 475-II (бұр. ред. қара) Заңдарымен 425-бап өзгертілді
425-бап. Алымды есептеу мен төлеу тәртібі
1. Алым сомасы Қазақстан Республикасының Yкіметі белгiлеген ставкалар бойынша есептеледi және рұқсат құжаттарын алғанға дейiн төленедi.
Қазақстан Республикасының ақылы мемлекеттік автомобиль жолдарын пайдаланған кезде алым сомасы осындай автомобиль жолдарымен жүргенге дейiн төленедi.
2. Алым банктер немесе банк операцияларының жекелеген түрлерiн жүзеге асыратын ұйымдар арқылы бюджетке аудару жолымен не көлiк саласындағы уәкiлеттi органның арнаулы пункттерiнде қатаң есеп бланкiлерi негiзiнде қолма-қол ақшамен төленедi.
Қатаң есеп бланкiлерiнiң нысанын және қолма-қол ақшамен енгiзiлген алымдар сомасын бюджетке есептеудің тәртібін Қазақстан Республикасының Қаржы министрлігі белгілейдi.
3. Алым сомасы рұқсат құжаттары алынған жер бойынша немесе ақылы мемлекеттік автомобиль жолдарын пайдалану орны бойынша бюджетке енгiзiлуге тиiс.
4. Алымдардың төленген сомалары қайтарылмайды.
77-тарау. Аукциондардан алынатын алым
426-бап. Жалпы ережелер
Аукциондардан алынатын алым (бұдан әрi - алым) аукциондарда мүлiктi (оның iшiнде мүлiктiк құқықтарды) сату кезiнде алынады.
427-бап. Алым төлеушiлер
Аукциондарда мүлiктi (оның iшiнде мүлiктiк құқықтарды) сатуға шығаратын жеке және заңды тұлғалар алым төлеушiлер болып табылады.
23.11.02 ж. 358-ІІ; 29.11.03 ж. № 500-II (бұр. ред. қара); 13.12.04 ж. № 11-III (01.01.05 ж. бастап қолданысқа енгізілді) (бұр. ред. қара) ҚР Заңдарымен 428-бап өзгертілді
428-бап. Салық салу объектiсi
1. Мүлiктi (мүлiктiк құқықтарды) сатудың аукцион өткізу нәтижелерi бойынша белгiленген құны алым алу объектiсi болып табылады.
2. Сатылатын мүлiк (мүлiктiк құқықтар) құнына:
1) мемлекеттік мүлiк объектiлерiн иелену, пайдалану және оған билiк ету құқығын жүзеге асыратын уәкiлеттi мемлекеттік орган, оның аумақтық органдары өткiзетiн аукциондардан;
2) мемлекет пайдасына атқарушы құжаттарды мәжбүрлеп орындату бойынша атқарушы iс жүргiзу органдары өткiзетiн аукциондардан;
3) мыналарды:
салық органдары иелiк етудi шектеген мүлiктi;
салық мiндеттемелерiн қамтамасыз ету мақсатында кепiлге салынған мүлiктi;
соттың шешiмi бойынша мәжбүрлеп шығарылған жарияланған акцияларды орналастыруды сату бөлiгiнде мамандандырылған ашық аукциондардан;
4) мыналарды:
соттардың атқарушы құжаттарының негiзiнде мемлекет кiрiсiне тәркiленген мүлiктi;
белгiленген тәртiппен иесiз деп танылған мүлiктi;
белгiленген тәртiппен мемлекетке өткен мүлiктi сату жөніндегіаукциондардан;
5) банкрот кәсiпорындардың конкурстық массасын сату жөніндегі аукциондардан;
6) Қазақстан Республикасының заңдарына сәйкес өз қызметін жүзеге асыратын қор биржасындағы сауда-саттықта;
7) бағалы қағаздарды сату бойынша аукциондардан алым алынбайды.
429-бап. Алым ставкалары
Алым ставкасы аукцион өткізу нәтижелерi бойынша белгiленген мүлiктi (мүлiктiк құқықтарды) сату құнының 3 процентi мөлшерiнде белгiленедi.
13.12.04 ж. № 11-III (01.01.05 ж. бастап қолданысқа енгізілді) ҚР Заңымен 430-бап өзгертілді (бұр. ред. қара)
430-бап. Алымды есептеу мен төлеу тәртібі
1. Төлеушiлер алым сомасын салық салу объектiсiне ставка қолдану арқылы дербес есептейдi.
2. Атқарушы құжаттар арқылы атқарушы iс жүргiзу органдары өткiзетiн аукциондар бойынша алым сомасын есептеу кезiнде бюджетке есептелетiн атқару санкциясының сомасына қарай салық салынатын объектiге түзету жүргiзiледi.
3. Алымды төлеу аукцион өткiзгеннен кейiн он бес күнтiзбелiк күннен кешiктiрiлмей жүзеге асырылады.
4. Сот аукцион заттарын сатып алу-сату мәмiлелерi жарамсыз деп таныған жағдайларды қоспағанда, төленген алым сомалары қайтарылуға жатпайды.
431-бап. Салық декларациясы
1. Алым төлеушiлер аукциондар өткiзгеннен кейiн он күнтiзбелiк күннен кешiктiрмей салық төлеушi ретiнде мемлекеттік тiркеу орны бойынша салық органдарына алым жөнiнде декларация тапсырады.
2. Аукцион ұйымдастырушылар тоқсан iшiнде өткiзiлген аукциондар бойынша тоқсан сайын есептi тоқсаннан кейiнгi айдың 15-не дейiнгi мерзiмде уәкiлеттi мемлекеттік орган белгiлеген нысан бойынша ақпаратты салық төлеушi ретiнде мемлекеттік тiркелген жерi бойынша салық органдарына табыс етуге мiндеттi.
78-тарау. Елтаңбалық алым
ҚР 23.11.02 ж. 358-ІІ Заңымен 78-тарау алынып тасталды
432-бап. Жалпы ережелер
1. Аударымдық және жай вексельдер (бұдан әрi - вексельдер) жасау, Қазақстан Республикасының аумағына әкелiнетiн вексельдер (индоссациялау, авальдық акцепт, инкассоға беру және басқалары) бойынша құқықтар мен мiндеттердiң туындауына, өзгертiлуiне немесе тоқтатылуына бағытталған алғашқы iс-қимылды Қазақстан Республикасының аумағында жасау кезiнде, сондай-ақ вексель қағазын дайындаушылардан немесе вексель қағазын Қазақстан Республикасының аумағына әкелушi адамдардан Қазақстан Республикасының аумағында вексель қағазын сатып алу кезiнде елтаңбалық алым төленедi.
2. Вексельден туындайтын құқықтар Қазақстан Республикасы аумағында елтаңбалық алымды төлемеген немесе толық төлемеген жағдайда, елтаңбалық алымның бүкiл сомасы төленгенге дейiн тоқтатыла тұрады және елтаңбалық алымның толық сомасының бюджетке енгiзiлгендiгiн растайтын құжат қоса тiркелiп, елтаңбалық алым сомасы толық төленген кезден бастап жаңғыртылады.
3. Вексель қағазы - белгiлi бiр дәрежеде қорғанышы бар және оған вексель толтыруға арналған елтаңбалық қағаздың бiр түрi.
Қазақстан Республикасының аумағында шығарылатын және Қазақстан Республикасының аумағына әкелiнетiн вексель қағазының мазмұны мен нысанына, қорғаныш дәрежесiне және оған баспахана әдiсiмен мiндеттi түрде вексель сомасын көрсетуге қойылатын талаптарды Қазақстан Республикасының Ұлттық Банкi белгiлейдi.
4. Қазақстан Республикасы аумағында вексельдер жай қағазбен де жасалуы мүмкiн.
5. Шетел валютасымен жасалған вексельдер бойынша елтаңбалық алым сомасы Қазақстан Республикасы Ұлттық Банкінің елтаңбалық алым сомасын төлеу күнiне белгілеген ресми бағамы бойынша анықталады.
433-бап. Елтаңбалық алым төлеушiлер
1. Мыналар:
1) жай қағазға толтырылған вексельдер бойынша вексель беретiн;
2) Қазақстан Республикасының аумағына әкелiнген вексельдер (индоссациялау, авальдау, акцепт, инкассоға беру және басқалары) бойынша құқықтар мен мiндеттердiң туындауына, өзгертiлуiне немесе тоқтатылуына бағытталған алғашқы iс-қимылды Қазақстан Республикасының аумағында жасайтын;
3) вексель қағазын дайындаушылардан немесе вексель қағазын Қазақстан Республикасының аумағына әкелушi адамдардан Қазақстан Республикасының аумағында вексель қағазын сатып алатын жеке және заңды тұлғалар елтаңбалық алым төлеушiлер болып табылады.
2. Мыналар:
1) Қазақстан Республикасының шегiнен тыс жерлерде толтырылған және оның аумағына әкелiнген вексельдер бойынша, осы вексельдер бойынша құқықтар мен мiндеттердiң туындауына, өзгертiлуiне немесе тоқтатылуына бағытталған алғашқы iс-қимыл жасалған кезде - Қазақстан Республикасының Ұлттық Банкi және оның бөлiмшелерi;
2) Қазақстан Республикасы Yкіметінiң белгiлi бiр бағдарламаларына орай сатып алынған тауарларға вексельдер толтыру кезiнде - Қазақстан Республикасының Yкіметі;
3) егер Қазақстан Республикасының Yкіметі вексельдер бойынша авальшы болса, осы тармақтың 2) тармақшасында көзделген негiздер бойынша осы вексельдердi толтыру кезiнде - Қазақстан Республикасының Қаржы министрлігі елтаңбалық алым төлеушiлер болып табылмайды.
434-бап. Елтаңбалық алым ставкалары
Егер осы Кодекстiң 435-бабында өзгеше көзделмесе, елтаңбалық алым ставкасы вексель сомасының 0,1 процентi мөлшерiнде белгiленедi.
435-бап. Елтаңбалық алымды есептеу мен төлеу тәртібі
1. Төленуге тиiстi елтаңбалық алымды есептеу кезiнде жаздырып алынған вексель сомасы толық 10 мың теңге болмаса соған жеткiзiп толықтырылып алынады.
2. Вексель қағазына вексель толтыру кезiнде, егер оның сомасы 10 мың теңгеден аспаса, елтаңбалық алым толық төлендi деп есептеледi.
Вексель қағазына вексель толтыру кезiнде, егер оның сомасы 10 мың теңгеден асса, елтаңбалық алым он мың теңге сомасында төлендi деп есептеледi, елтаңбалық алымның толық сомасы мен төленген сомасы арасындағы айырма бюджетке төленуге тиiс.
3. Вексель қағазын дайындаушылар және оны Қазақстан Республикасының аумағына әкелушiлер елтаңбалық алым сомасын вексель қағазын сатып алушы тұлғалардан ұстап қалады және вексель қағазы сатылған кезден бастап үш күннен кешiктiрмей бюджетке аударады.
4. Елтаңбалық алым сомасы төленбеген немесе толық төленбеген жағдайда, оны төлеудi (қосымша төлеудi) вексель берушi де, вексель ұстаушылар немесе басқа тұлғалар да жүргiзуi мүмкiн. Бұл орайда елтаңбалық алым сомасын төлеген тұлғаның Қазақстан Республикасының заңдарында белгiленген тәртiппен вексель берушiден төленген елтаңбалық алым сомасын өтеудi талап етуге құқығы бар.
Осы тармақтың ережелерi вексель қағазын дайындаушылар мен оны Қазақстан Республикасының аумағына әкелушi тұлғалардың Қазақстан Республикасының аумағында вексель қағазын сатып алған тұлғалардан елтаңбалық алым сомасын ұстап қалу және бюджетке аудару жөніндегі мiндеттемелерiне қолданылмайды.
5. Төленген елтаңбалық алым сомасы қайтарылмауға тиiс.
436-бап. Салық кезеңi
Вексель қағазын дайындаушылар мен оны Қазақстан Республикасының аумағына әкелушi тұлғалардың ұстап қалған елтаңбалық алым сомалары бойынша салық декларациясын тапсыруға арналған салық кезеңi күнтiзбелiк ай болып табылады.
437-бап. Салық декларациясы
Вексель қағазын дайындаушылар мен оны Қазақстан Республикасының аумағына әкелушi тұлғалар ағымдағы күнтiзбелік ай iшiнде ұстап қалынған елтаңбалық алым сомасы бойынша салық декларациясын есептi айдан кейiнгi айдың 10-ынан кешiктiрмей табыс етедi.
79-тарау. Жекелеген қызмет түрлерімен айналысу
құқығы үшін лицензиялық алым
438-бап. Жалпы ережелер
1. Жекелеген қызмет түрлерiмен айналысу құқығы үшiн лицензиялық алым (бұдан әрi - алым) Қазақстан Республикасының заңдарына сәйкес лицензиялануға тиiстi белгiлi бiр қызмет түрiмен айналысуға лицензия (лицензияның дубликатын) беру кезiнде алынады.
2. Лицензия берудi Қазақстан Республикасының заң актiсiнде белгіленген тәртiппен және жағдайларда уәкiлетті орган (бұдан әрi лицензиар) жүзеге асырады.
439-бап. Алым төлеушiлер
Лицензия алатын жеке және заңды тұлғалар алым төлеушiлер болып табылады.
440-бап. Алымды есептеу, төлеу және төленген сомаларды қайтару тәртібі
1. Алым сомасы Қазақстан Республикасының Yкіметі белгiлеген ставкалар бойынша есептеледi және лицензиарға тиiстi құжаттарды бергенге дейiн төленедi.
2. Алым сомасы алым төлеушiнiң салық төлеушi ретiнде мемлекеттік тiркелген жерi бойынша бюджетке енгiзiледi.
3. Алым төлеген тұлғалар лицензиарға тиiстi құжаттарды бергенге дейiн лицензия алудан бас тартқан жағдайларды қоспағанда, төленген алым сомасы қайтарылмайды.
Бұл орайда алым сомасы тиiстi лицензиар берген, лицензия алуға арналған құжаттарды аталған тұлғаның табыс етпегенiн растайтын құжатты төлеушi табыс еткеннен кейiн қайтарылады.
80-тарау. Телевизия және радио хабарларын
тарату ұйымдарына радиожиілік спектрін
пайдалануға рұқсат бергені үшін алым
441-бап. Жалпы ережелер
1. Телевизия және радио хабарларын тарату ұйымдарына радиожиiлiк спектрiн пайдалануға рұқсат бергенi үшiн алым (бұдан әрi - алым) байланыс саласындағы уәкiлеттi орган Қазақстан Республикасының телевизия және радио хабарларын тарату ұйымдарына радиожиiлiк спектрiн пайдалануға рұқсат (рұқсат дубликаты) (бұдан әрi - рұқсат) берген кезде алынады.
Осы тараудың ережелерi бұқаралық ақпарат құралдары жөніндегі уәкiлеттi органмен келiсе отырып байланыс саласындағы уәкiлеттi орган берген лицензия негiзiнде жұмыс iстейтiн Қазақстан Республикасының телевизия және радио хабарларын тарату ұйымдарына қолданылады.
2. Рұқсат беру тәртібін Қазақстан Республикасының Үкіметі белгiлейдi.
3. Радиожиiлiк спектрiнiң белдеулерiн (номиналдарын) бөлу Қазақстан Республикасының заңдарына сәйкес конкурстық негiзде жүргізілуі мүмкін.
Радиожиiлiк спектрiнiң белдеулерiн (номиналдарын) конкурс өткізу арқылы бөлу кезiнде алынатын бiр жолғы сомалар осы тарауға сәйкес төленуге тиiстi алымның есебiне жатқызылмайды.
4. Байланыс саласындағы уәкiлеттi орган тоқсан сайын, есептi тоқсаннан кейiнгi айдың 15-iнен кешiктiрмей, салық төлеушiнi есепке алып, тiркеген жер бойынша салық органына уәкiлеттi мемлекеттік орган белгiлеген нысанда ақпарат табыс етедi.
