қаржы ұйымдарына аудит жүргізетін ұйымдардың бірінші басшысының жəне оның орынбасарының, дербес құрылымдық бөлімшесі басшысының немесе басшысы орынбасарының;»;
6-тармақтың он екінші бөлігіндегі «он үшінші» деген сөздер «он төртінші» деген сөздермен ауыстырылсын;
8-тармақтың бірінші бөлігінің 3) тармақшасындағы «сегізінші» деген сөз «тоғызыншы» деген сөзбен ауыстырылсын;
9-тармақтың алтыншы бөлігіндегі «сегізінші» деген сөз «тоғызыншы» деген сөзбен ауыстырылсын;
14-тармақта:
«банк холдингінің басшы қызметкерлері» деген сөздер «Қазақстан Республикасының резидент - банк холдингінің басшы қызметкерлері» деген сөздермен ауыстырылсын;
мынадай мазмұндағы екінші бөлікпен толықтырылсын:
«Осы Заңның 17-1-бабы 6-1-тармағының екінші бөлігінде көрсетілген адамдар Қазақстан Республикасының бейрезидент - банк холдингінің басшы қызметкерлері болып танылады.»;
15-тармақтың екінші абзацындағы «бірінің А» деген сөздер «бірінің «А-» деген сөздермен ауыстырылсын;
15) 21-бап мынадай редакцияда жазылсын:
«21-бап. Қазақстан Республикасы бейрезиденттерінің қатысуымен банк құруға қойылатын қосымша талаптар
Банктің құрылтайшысы болып табылатын Қазақстан Республикасының бейрезидент - заңды тұлғасы осы Заңның 19-бабында көрсетілген құжаттардан басқа, банк ашуға рұқсат беру туралы өтінішке өтініш беруші резиденті болып табылатын мемлекеттің қаржылық қадағалау органы берген, Қазақстан Республикасының аумағында өз қызметін жүзеге асыратын банктің акцияларын иеленуге келісімнің (рұқсаттың) көшірмесін не өтініш беруші резиденті болып табылатын мемлекеттің қаржылық қадағалау органынан мұндай келісімнің (рұқсаттың) талап етілмейтіні туралы растаманың көшірмесін қоса беруге міндетті.
Микроқаржы ұйымын банкке айналдыру нысанында ерікті түрде қайта ұйымдастыру шеңберінде құрылған банктің құрылтайшысы болып табылатын Қазақстан Республикасының бейрезидент - заңды тұлғасы микроқаржы ұйымын банкке айналдыру нысанында ерікті түрде қайта ұйымдастыруға рұқсат беру туралы өтінішке өтініш беруші резиденті болып табылатын мемлекеттің қаржылық қадағалау органы берген, Қазақстан Республикасының аумағында өз қызметін жүзеге асыратын банктің акцияларын иеленуге келісімнің (рұқсаттың) көшірмесін не өтініш беруші резиденті болып табылатын мемлекеттің қаржылық қадағалау органынан мұндай келісімнің (рұқсаттың) талап етілмейтіні туралы растаманың көшірмесін қоса беруге міндетті.».
16) 24-баптың 1-тармағы мынадай редакцияда жазылсын:
«1. Банк ашуға рұқсат беруден бас тарту мынадай негіздердің кез келгені бойынша жүргізіледі:
1) банк атауының осы Заңның 15-бабы 2, 3 жəне 4-тармақтарының талаптарына сəйкес келмеуі;
2) банк құрылтайшыларының қаржылық жағдайының орнықсыздығы.
Қаржылық жағдайдың орнықсыздығы деп осы Заңның 17-1-бабының 10-тармағында белгіленген белгілердің болуы түсініледі;
3) құрылтайшы - жеке тұлғаның не құрылтайшы - заңды тұлғаның атқарушы органының не басқару органының бірінші басшысының:
жойылмаған немесе алынбаған сотталғандығының болуы;
уəкілетті орган немесе Қазақстан Республикасының бейрезидент - қаржы ұйымы резиденті болып табылатын мемлекеттің қаржылық қадағалау органы банкті төлемге қабілетсіз банктер санатына жатқызу не оның акцияларын мəжбүрлеп сатып алу, қаржы ұйымын, оның ішінде Қазақстан Республикасының бейрезидент - қаржы ұйымын таратуға жəне (немесе) олардың қаржы нарығындағы қызметін жүзеге асыруын тоқтатуға алып келген, оларды лицензиядан айыру туралы шешім қабылдағанға дейін не Қазақстан Республикасының заңнамасында немесе Қазақстан Республикасының бейрезидент - қаржы ұйымы резиденті болып табылатын мемлекеттің заңнамасында белгіленген тəртіппен қаржы ұйымын, оның ішінде Қазақстан Республикасының бейрезидент - қаржы ұйымын мəжбүрлеп тарату немесе оны банкрот деп тану туралы сот актісі заңды күшіне енгенге дейін бір жылдан аспайтын кезеңде қаржы ұйымының, оның ішінде Қазақстан Республикасының бейрезидент - қаржы ұйымының басқару органының бірінші басшысы, атқарушы органының бірінші басшысы немесе оның орынбасары, бас бухгалтері, бас бухгалтерінің орынбасары лауазымын атқаруы. Көрсетілген талап уəкілетті орган немесе Қазақстан Республикасының бейрезидент - қаржы ұйымы резиденті болып табылатын мемлекеттің қаржылық қадағалау органы банкті төлемге қабілетсіз банктер санатына жатқызу не оның акцияларын мəжбүрлеп сатып алу, қаржы ұйымын, оның ішінде Қазақстан Республикасының бейрезидент - қаржы ұйымын таратуға жəне (немесе) олардың қаржы нарығында қызметін жүзеге асыруын тоқтатуға алып келген, оларды лицензиядан айыру туралы шешім қабылдағаннан кейін не Қазақстан Республикасының заңнамасында немесе Қазақстан Республикасының бейрезидент - қаржы ұйымы резиденті болып табылатын мемлекеттің заңнамасында белгіленген тəртіппен қаржы ұйымын, оның ішінде Қазақстан Республикасының бейрезидент - қаржы ұйымын мəжбүрлеп тарату немесе оны банкрот деп тану туралы сот актісі заңды күшіне енгеннен кейін бес жыл ішінде қолданылады. Осы тармақшаның мақсаттары үшін қаржы ұйымы деп Қазақстан Республикасының бейрезидент - банкінің филиалы да, Қазақстан Республикасының бейрезидент - сақтандыру (қайта сақтандыру) ұйымының филиалы да, Қазақстан Республикасының бейрезидент - сақтандыру брокерінің филиалы да түсініледі;
4) осы Заңның 17-1-бабы талаптарының сақталмауы;
5) осы Заңның 17-бабында белгіленген шектеулердің сақталмауы;
6) уəкілетті органның банктің ірі қатысушысы, банк холдингі мəртебесін иеленуге келісім беруден бас тартуы;
7) банктің еншілес ұйымын құруға (иеленуге) рұқсат беруден бас тарту;
8) рұқсат алу үшін ұсынылған құжаттардағы мəліметтер мен ақпараттың анық еместігі.»;
17) 26-баптың 2, 2-1 жəне 2-2-тармақтары мынадай редакцияда жазылсын:
«2. Уəкілетті органның банк (Қазақстан Республикасының бейрезидент - банкінің филиалын) ашуға рұқсаты берілген күннен бастап бір жыл ішінде өтініш беруші уəкілетті органға уəкілетті органның нормативтік құқықтық актісінде белгіленген нысан бойынша банк операциялары мен өзге де операцияларды жүргізуге лицензия алуға өтініш беруге тиіс.
Банк операциялары мен өзге де операцияларды жүргізуге лицензия алуға өтініш бергенге дейін өтініш беруші жоспарланып отырған банк операциялары мен өзге де операцияларды жүзеге асыруды бастауға байланысты барлық ұйымдастырушылық-техникалық іс-шараларды орындауға, оның ішінде:
уəкілетті органның жəне Қазақстан Республикасы Ұлттық Банкінің нормативтік құқықтық актілерінің талаптарына сəйкес келетін үй-жайды, жабдықты жəне бухгалтерлік есепке алу мен бас бухгалтерлік кітапты жүргізуді автоматтандыру бойынша бағдарламалық қамтылымды дайындауға;
осы Заңның 31-бабының 1-тармағында көзделген операциялар жүргізудің жалпы шарттарын айқындайтын қағидаларды жəне өзге де ішкі қағидаларды бекітуге;
уəкілетті органның нормативтік құқықтық актілерінде белгіленген талаптарға сəйкес банк қызметі мен өзге де қызметті жүзеге асыруға байланысты, оның ішінде тəуекелдерді басқару жəне ішкі бақылау жүйесін қалыптастыру үшін қажетті ішкі құжаттарды бекітуге тиіс.
2-1. Қазақстан Республикасының резидент - заңды тұлғаларының банк операцияларын жəне өзге де операцияларды жүргізуге арналған лицензияны алғаш рет алуы үшін қажетті құжаттардың тізбесі:
1) өтініш, онда өтініш беруші жоспарланып отырған банк қызметі мен өзге де қызметті жүзеге асыруды бастауға байланысты барлық ұйымдастырушылық-техникалық іс-шараның орындалғанын растайды;
2) өтініш беруші жарғысының нотариат куəландырған көшірмесі;
3) «электрондық үкімет» төлем шлюзі арқылы төлеу жағдайларын қоспағанда, жекелеген қызмет түрлерімен айналысу құқығына лицензиялық алымның бюджетке төленгенін растайтын құжат;
4) осы Заңның 20-бабының талаптарына сəйкес банктің басшы қызметкерлері лауазымдарына ұсынылатын адамдарды келісу үшін көзделген құжаттар;
5) уəкілетті органның тəуекелдерді басқару жəне ішкі бақылау жүйесіне қойылатын талаптарына сəйкес келетін өтініш берушінің таяу үш жылға арналған даму стратегиясының көшірмесі.
Өтініш берушінің даму стратегиясына өтініш берушінің ұйымдастырушылық құрылымы туралы, өтініш берушінің өтініш берілетін қаржы жылына арналған бюджеті туралы ақпарат, оның ішінде өтініш берушінің пруденциялық нормативтерді орындағаны туралы болжамды деректер, сондай-ақ, егер өтініш берушінің бас ұйымының банк холдингі мəртебесін иеленуі банк конгломератын құруға алып келсе, құрамына өтініш беруші кіретін банк конгломератының пруденциялық нормативтерінің болжамды есебі енгізіледі.
Егер өтініш қаржы жылы аяқталғанға дейін екі айдан аз уақыт бұрын берілсе, өтініш берушінің даму стратегиясына осы тармақшаның екінші бөлігінде көзделген өтініш берілетін жылдан кейінгі қаржы жылына арналған ақпарат қосымша енгізіледі;
6) қызметкерлердің тегі, аты жəне əкесінің аты (егер ол жеке басын куəландыратын құжаттарда көрсетілсе) көрсетілген штат кестесі;
7) уəкілетті органның нормативтік құқықтық актісінде ең төмен мөлшері белгіленген жарғылық капиталдың төленгенін растайтын құжаттардың көшірмелері;
8) адамның өтініш беруге өкілеттігін растайтын құжаттардың жəне оған қоса берілетін құжаттарды көшірмелері.
2-2. Қазақстан Республикасының бейрезидент - банкі филиалының банк операцияларын жəне өзге операцияларды жүргізуге арналған лицензияны алғаш рет алуы үшін қажетті құжаттардың тізбесі:
1) осы баптың 2-1-тармағының 1), 3), 4), 5) жəне 8) тармақшаларында көзделген құжаттар;
2) Қазақстан Республикасының бейрезидент - банкінің басқару органы бекіткен филиал туралы ереженің көшірмесі;
3) Қазақстан Республикасының бейрезидент - банкінің Қазақстан Республикасының аумағында өзінің филиалының қызметін жүзеге асыру процесінде туындайтын міндеттемелер бойынша жауапкершілікті қабылдау туралы жəне мұндай міндеттемелерді Қазақстан Республикасының бейрезидент - банкінің балансында есепке алу туралы жазбаша міндеттемесі (растауы);
4) лицензияның (рұқсаттың) шеңберінде рұқсат етілген банк операцияларының жəне өзге де операциялардың тізбесі көрсетіліп, Қазақстан Республикасының бейрезидент - банкі резиденті болып табылатын мемлекеттің қаржылық қадағалау органы берген Қазақстан Республикасының бейрезидент - банкінің банк операцияларын жəне өзге де операцияларды жүргізуге арналған қолданыстағы лицензиясының (қолданыстағы рұқсатының) көшірмесі - осы Заңның 13-1-бабының 2-тармағында көзделген Қазақстан Республикасының бейрезидент - банкінің филиалын ашуға рұқсат беру туралы өтініш берілгеннен кейін Қазақстан Республикасының бейрезидент - банкі жүзеге асыруға құқылы банк операцияларының жəне өзге де операциялардың тізбесі өзгерген немесе Қазақстан Республикасының бейрезидент - банкі жаңа лицензия (жаңа рұқсат) алған жағдайда беріледі.»;
18) 27-баптың 1-тармағында:
2-2) тармақша мынадай редакцияда жазылсын:
«2-2) Қазақстан Республикасының бейрезидент - банкінде Қазақстан Республикасының бейрезидент - банкі резиденті болып табылатын мемлекеттің қаржылық қадағалау органы берген, мəні бойынша Қазақстан Республикасының бейрезидент - банкі Қазақстан Республикасының аумағында жүзеге асыруды жоспарлап отырған банк операцияларына жəне өзге де операцияларға ұқсас банк операцияларын жəне өзге де операцияларды жүргізуге арналған қолданыстағы лицензиясы (қолданыстағы рұқсаты) болмаған;»;
мынадай мазмұндағы 2-3), 2-4) жəне 4-1) тармақшалармен толықтырылсын:
«2-3) банк, Қазақстан Республикасының бейрезидент - банкінің филиалын ашуға бұрын берілген рұқсаттың күші жойылған;
2-4) өтініш берушінің даму стратегиясы жəне (немесе) өзге де ұсынылған құжаттар уəкілетті органның тəуекелдерді басқару жəне ішкі бақылау жүйесіне қойылатын талаптарына сəйкес келмеген жəне (немесе) мыналарды:
алғашқы үш қаржы (операциялық) жылы өткеннен кейін өтініш беруші қызметінің рентабельді болатынын;
өтініш берушінің жəне (немесе) құрамына өтініш беруші кіретін банк конгломератының пруденциялық нормативтерді орындайтынын;
өтініш берушіде оның қызметінің жоспарларына сəйкес келетін ұйымдастырушылық құрылымның бар екенін растайтын мəліметтер ұсынылмаған;»;
«4-1) лицензия алу үшін ұсынылған құжаттардағы мəліметтер мен ақпарат анық емес болған;»;
19) 30-баптың 2-1-тармағында:
бірінші бөліктегі «2-тармағының 1), 2), 3), 4), 5), 6), 7), 8), 12), 13), 14), 15) жəне 16) тармақшаларында,» деген сөздер «2-тармағында жəне» деген сөздермен ауыстырылсын;
екінші бөлік мынадай редакцияда жазылсын:
«Қазақстан Республикасының бейрезидент - банкінің филиалы уəкілетті органның лицензиясы болған кезде Қазақстан Республикасының аумағында осы баптың 12-тармағында көрсетілген бағалы қағаздар нарығындағы кəсіби қызмет түрлерін жүзеге асыруға да құқылы.»;
20) 31-баптың 2-тармағында:
бірінші бөлікте:
7) тармақшадағы «тəртібі;» деген сөз «тəртібі болуға тиіс.» деген сөздермен ауыстырылып, мынадай мазмұндағы екінші жəне үшінші бөліктермен толықтырылсын:
«Клиенттің жолданымын қарау мерзімі банкке, банк операцияларының жекелеген түрлерін жүзеге асыратын ұйымға жолданым келіп түскен күннен бастап он бес жұмыс күнінен аспауға тиіс.
Жолданымды дұрыс қарау үшін маңызы бар нақты мəн-жайларды анықтау қажеттілігіне байланысты жолданымды қарау мерзімі он бес жұмыс күніне ұзартылуы мүмкін, бұл туралы клиентке жолданымды қарау мерзімі ұзартылған күннен бастап үш жұмыс күні ішінде хабарланады;»;
6-тармағы 20) тармақшасының алтыншы және жетінші абзацтары 2026 ж. 2 шілдеден бастап қолданысқа енгізіледі
10) тармақша мынадай редакцияда жазылсын:
«10) клиенттермен жұмыс істеу тəртібі туралы ереже, оның ішінде мүгедектігі бар адамдарға жəне халықтың жүріп-тұруы шектеулі басқа да топтарына көрсетілетін қызметтерді ұсыну бойынша қаржы ұйымдары бөлімшелерінің қолжетімділігі жөніндегі ұлттық стандарттың талаптары ескеріле отырып, мүгедектігі бар адамдарға жəне халықтың жүріп-тұруы шектеулі топтарына көрсетілетін қызметтерді ұсыну тəртібін, сондай-ақ мүгедектігі бар адамдарға жəне сенім білдірілген адамның қатысуымен халықтың жүріп-тұруы шектеулі топтарына көрсетілетін қызметтерді ұсыну ерекшеліктерін қамтитын ереже;»;
екінші бөлік мынадай редакцияда жазылсын:
«Операцияларды жүргізудің жалпы шарттарын айқындайтын қағидалар көрсетілетін банктік қызметтерді ұсыну, ақпаратты жария ету жəне банктердің, банк операцияларының жекелеген түрлерін жүзеге асыратын ұйымдардың уəкілетті органның нормативтік құқықтық актісінде айқындалатын көрсетілетін банктік қызметтерді ұсыну процесінде туындайтын клиенттердің жолданымдарын қарау тəртібіне сəйкес келуге тиіс.»;
21) 31-1-баптың екінші бөлігі «құжаттардың» деген сөзден кейін «жəне хабарламада көрсетілетін бекітілген қаржы өнімдері жөніндегі мəліметтердің» деген сөздермен толықтырылсын;
6-тармағының 22) тармақшасы 2025 ж. 1 шілдеден бастап қолданысқа енгізілді
22) 33-баптың 3-тармағының бірінші бөлігіндегі «жəне 74-3-бабы 5-тармағының» деген сөздер «, 74-3-бабы 5-тармағының, 74-5-бабы 2, 3, 4, 5 жəне 6-тармақтарының» деген сөздермен ауыстырылсын;
23) 34-бапта:
3-2-тармақтың екінші бөлігіндегі «банктердің, банк операцияларының жекелеген түрлерін жүзеге асыратын ұйымдардың» деген сөздер «кредиттік бюролардың» деген сөздермен ауыстырылсын;
мынадай мазмұндағы 3-3-тармақпен толықтырылсын:
«3-3. Банк, банк операцияларының жекелеген түрлерін жүзеге асыратын ұйым банктік қарыз беру туралы шешім қабылдағанға дейін алған, мерзімді əскери қызметтегі əскери қызметшінің кредиттік есебінде оны мерзімді əскери қызметке шақыру туралы ақпарат болған кезде банктің, банк операцияларының жекелеген түрлерін жүзеге асыратын ұйымның осындай əскери қызметшілерге Қазақстан Республикасының Қарулы Күштерінде, басқа да əскерлері мен əскери құралымдарында мерзімді əскери қызмет өткеруі кезеңінде банктік қарыздар беруіне тыйым салынады.
Мерзімді əскери қызметке шақырылған əскери қызметшілер, сондай-ақ оларды қызметтен шығару туралы мəліметтер алмасу Қазақстан Республикасы Қорғаныс министрлігімен келісу бойынша уəкілетті орган айқындаған тəртіппен мемлекеттік органдар мен кредиттік бюролардың ақпараттық жүйелерінің өзара іс-қимылын қамтамасыз ету арқылы жүзеге асырылады.
Осы тармақтың екінші бөлігінде көзделген жағдайларда дербес деректерді жинау, өңдеу жəне пайдалану Қазақстан Республикасының заңнамасына сəйкес жүзеге асырылады.
Банк, банк операцияларының жекелеген түрлерін жүзеге асыратын ұйым банктік қарыз беру туралы шешім қабылдағанға дейін алған, мерзімді əскери қызметтегі əскери қызметшінің кредиттік есебінде оны мерзімді əскери қызметке шақыру туралы ақпарат болған кезде банк, банк операцияларының жекелеген түрлерін жүзеге асыратын ұйым осындай əскери қызметшіге банктік қарыз берген жағдайда, банк, банк операцияларының жекелеген түрлерін жүзеге асыратын ұйым мұндай банктік қарыз бойынша міндеттемелердің орындалуын талап етуге құқылы емес жəне мұндай банктік қарыз беру фактісі анықталған күннен бастап үш жұмыс күнінен кешіктірмей, осы баптың 5-2-тармағының тоғызыншы бөлігінде көзделген шараларды қабылдайды.»;
5-1 жəне 5-2-тармақтар мынадай редакцияда жазылсын:
«5-1. Жеке тұлға банктік қарыздар алудан ерікті түрде бас тартуын кредиттік бюрода, «электрондық үкімет» веб-порталы не банктің, банк операцияларының жекелеген түрлерін жүзеге асыратын ұйымның «электрондық үкімет» шлюзінде орналастырылған сервистермен интеграцияланған ақпараттандыру объектілері арқылы тегін белгілеуге не оны алып тастауға құқылы.
5-2. Банк, банк операцияларының жекелеген түрлерін жүзеге асыратын ұйым банктік қарыз беру туралы шешім қабылданғанға дейін алған жеке тұлғаның кредиттік есебінде оның банктік қарыз алудан ерікті түрде бас тартуын белгілегені туралы ақпарат болған кезде банктің, банк операцияларының жекелеген түрлерін жүзеге асыратын ұйымның оған банктік қарыздар беруіне тыйым салынады.
Банктің, банк операцияларының жекелеген түрлерін жүзеге асыратын ұйымның алу тəртібі жəне келісу қажет болатын тұтынушылық банктік қарыздың ең төмен мөлшері уəкілетті органның нормативтік құқықтық актісінде айқындалатын, тіркелуге жататын мүлік кепілімен қамтамасыз етілмеген тұтынушылық банктік қарыздарды жеке тұлғаға жұбайының (зайыбының) келісімінсіз беруіне тыйым салынады.
Банктің, банк операцияларының жекелеген түрлерін жүзеге асыратын ұйымның бұрын алынған банктік қарыздар жəне (немесе) микрокредиттер туралы ақпарат кредиттік есебінде жоқ жеке тұлғамен мүлік кепілімен қамтамасыз етілмеген тұтынушылық банктік қарыз шартын банкте, банк операцияларының жекелеген түрлерін жүзеге асыратын ұйымда өзінің қатысуынсыз жасасуына тыйым салынады. Жасасу үшін жеке тұлғаның өзінің қатысуы қажет болатын тұтынушылық банктік қарыз шарты бойынша банктік қарыздың ең төмен мөлшері уəкілетті органның осы баптың 2-тармағында көрсетілген нормативтік құқықтық актісінде айқындалады.
6-тармағы 23) тармақшасының он үшінші абзацының күші банктік қарыздарды (микрокредиттерді), оның ішінде талаптарында ақшаны толық көлемде немесе бөліктермен беру көзделген бұрын жасалған шарт шеңберінде берілетін банктік қарыздарды (микрокредиттерді) беруге қолданылады
Банк, банк операцияларының жекелеген түрлерін жүзеге асыратын ұйым уəкілетті органның осы баптың 2-тармағында көрсетілген нормативтік құқықтық актісінде көзделген жағдайларда жəне тəртіппен жеке тұлғамен мүлік кепілімен қамтамасыз етілмеген тұтынушылық банктік қарыз шартын осындай шарт жасасуға оның келісімін алғаннан кейін ғана жасасады. Көрсетілген шарт Интернет арқылы жасалған жағдайда, оны жасауға келісім кредиттік бюрода, «электрондық үкімет» веб-порталында не банктің, банк операцияларының жекелеген түрлерін жүзеге асыратын ұйымның «электрондық үкімет» шлюзінде орналастырылған сервистермен интеграцияланған ақпараттандыру объектілері арқылы ресімделеді.
Осы тармақтың үшінші бөлігінде көзделген талап банктік қарыз шартын жасасу, сондай-ақ тұтынушылық банктік қарыз сомасын тауарларды, жұмыстар мен көрсетілетін қызметтерді сатушының (өнім берушінің) банктік шотына қарыз алушы (сатып алушы) алғанын растайтын тауарларды, жұмыстар мен көрсетілетін қызметтерді сатып алу мақсаттарына беру жағдайларына қолданылмайды.
6-тармағы 23) тармақшасының он бесінші - он сегізінші абзацтары 2025 ж. 30 қыркүйектен бастап қолданысқа енгізілді
6-тармағы 23) тармақшасының он бесінші - он сегізінші абзацтарының күші банктік қарыздарды (микрокредиттерді), оның ішінде талаптарында ақшаны толық көлемде немесе бөліктермен беру көзделген бұрын жасалған шарт шеңберінде берілетін банктік қарыздарды (микрокредиттерді) беруге қолданылады
Банк, банк операцияларының жекелеген түрлерін жүзеге асыратын ұйым Интернет арқылы жасалған, мөлшері уəкілетті органның осы баптың 2-тармағында көрсетілген нормативтік құқықтық актісінде айқындалған ең төмен мөлшерден асатын банктік қарыз шарты негізінде мүлік кепілімен қамтамасыз етілмеген тұтынушылық банктік қарыз бойынша қарыз алушыға ақша беруді мынадай талаптарды сақтай отырып:
1) шартқа қол қойылған не банктік қарыз сомасы ұлғайтылған кезден бастап жиырма төрт сағаттан кейін;
2) қарыз алушы осы бөліктің 1) тармақшасында көрсетілген мерзім өткеннен кейін уəкілетті органның осы баптың 2-тармағында көрсетілген нормативтік құқықтық актісінде көзделген талаптарға сəйкес ресімделген тұтынушылық банктік қарызды алуға келісім бергеннен кейін жүзеге асырады.
Қарыз алушыға мүлік кепілімен қамтамасыз етілмеген, сомасы қосу нəтижесінде уəкілетті органның осы баптың 2-тармағында көрсетілген нормативтік құқықтық актісінде айқындалған ең төмен мөлшерден асатын бірнеше тұтынушылық қарыз Интернет арқылы берілген жағдайда банк, банк операцияларының жекелеген түрлерін жүзеге асыратын ұйым тəуекелдерді басқару жəне ішкі бақылау рəсімдеріне сəйкес осы тармақтың алтыншы бөлігінің 1) тармақшасында көзделген талапты сақтайды.
Осы тармақтың бірінші, төртінші жəне алтыншы бөліктерінде көзделген талаптар тұтынушылық банктік қарыз сомасын тауарларды, жұмыстар мен көрсетілетін қызметтерді сатушының (өнім берушінің) банктік шотына қарыз алушы (сатып алушы) алғанын растайтын тауарларды, жұмыстар мен көрсетілетін қызметтерді сатып алу мақсаттарына жəне (немесе) банктің, банк операцияларының жекелеген түрлерін жүзеге асыратын ұйымның сол банкте, банк операцияларының жекелеген түрлерін жүзеге асыратын ұйымда алынған банктік қарыз бойынша қарыз алушының берешегін өтеу мақсаттарына жəне (немесе) республикалық бюджет туралы заңда тиісті қаржы жылына белгіленген айлық есептік көрсеткіштің бір жүз елу еселенген мөлшерінен аспайтын мөлшерде төлем картасы бойынша белгіленген кредиттік лимит шеңберінде беру жағдайларына қолданылмайды.
Банк, банк операцияларының жекелеген түрлерін жүзеге асыратын ұйым осы тармақтың екінші бөлігінде көзделген талаптарды сақтамай банктік қарыз берген жағдайда, банк, банк операцияларының жекелеген түрлерін жүзеге асыратын ұйым жеке тұлғадан мұндай банктік қарыз бойынша міндеттемелердің орындалуын талап етуге құқылы емес. Банк, банк операцияларының жекелеген түрлерін жүзеге асыратын ұйым осы тармақтың екінші бөлігінде көзделген талаптар сақталмай банктік қарыз беру фактісі анықталған күннен бастап үш жұмыс күнінен кешіктірмей мынадай шараларды қабылдайды:
клиенттің осындай банктік қарыз бойынша берешегін есептен шығару туралы шешім қабылдайды;
клиенттің осындай банктік қарыз бойынша берешегін өндіріп алуды жəне талап-арыз жұмысын тоқтатады;
осындай банктік қарыз бойынша ақпарат туралы жазбаларды жою арқылы клиенттің кредиттік бюролардағы кредиттік тарихына түзетулер енгізеді;
осындай банктік қарыз бойынша сыйақының жəне (немесе) тұрақсыздық айыбының бұрын ұсталған (төленген) сомаларын клиентке қайтаруды жүзеге асырады.
Осы тармақтың тоғызыншы бөлігінде көзделген шаралар банк, банк операцияларының жекелеген түрлерін жүзеге асыратын ұйым осы баптың 15-тармағының екінші бөлігінде көрсетілген құқық қорғау органдарының процестік құжаттарын алған жағдайда, осы тармақтың бірінші, үшінші, төртінші, алтыншы жəне жетінші бөліктерінде көзделген талаптардың кез келгенін сақтамай банктік қарыз беру жағдайларына қолданылады.»;
6-тармағы 23) тармақшасының жиырма алтыншы және жиырма жетінші абзацтарының күші 2024 ж. 23 қазаннан бастап жасалған шарттардан туындаған құқықтық қатынастарға қолданылады
5-5-тармақ мынадай мазмұндағы екінші бөлікпен толықтырылсын:
«Банк, банк операцияларының жекелеген түрлерін жүзеге асыратын ұйым осы тармақтың бірінші бөлігінде белгіленген талаптарды сақтамай, Интернет арқылы жеке тұлғамен банктік қарыз шартын жасасқан жағдайда, банк, банк операцияларының жекелеген түрлерін жүзеге асыратын ұйым мұндай банктік қарыз бойынша міндеттемелердің орындалуын талап етуге құқылы емес жəне мұндай банктік қарыз беру фактісі анықталған күннен бастап үш жұмыс күнінен кешіктірмей осы баптың 5-2-тармағының оныншы бөлігінің талаптарын ескере отырып, тоғызыншы бөлігінде көзделген шараларды қабылдайды.»;
