Бюджет саясаты мемлекеттің түрлi экономика салаларына қатысты тиiмділігін бағалауға негізделген және мемлекеттің қатысуы тән емес немесе орынсыз бағыттар бойынша бюджет қаражатын жұмсауды қысқартуға бағытталған. Бұл ретте ағымдағы мiндеттемелердi бір мезгілде орындай отырып бюджет ресурстарын түйiндi стратегиялық мiндеттердi кешендi шешуге шоғырландыру маңызды болып табылды.
Фискалдық саясаттың мiндеттерiн iске асыру шеңберiнде мемлекеттiң қаржы ресурстарын мемлекеттік басқару функцияларының барынша тиiмдi әрi толық орындалуын қамтамасыз ететiндей түрде тарату қажет. Бұл үшін экономикалық және бюджеттік жоспарлаудың нарықтық экономика жағдайларына бейiмделген тұтас жүйесiн құру қажет. Бағдарламалық құжаттарды оңтайландыру және бірiздендiру, олардың iс-шараларының бюджет шығыстарымен нақты өзара байланысын белгiлеу бұл жұмыстың ажырамас бөлігі болып табылады.
Жоспарлаудың бағдарламалық-мақсатты әдiсiн одан әрi жетілдiру мақсатында мемлекеттік, салалық (секторалдық) бағдарламаларды iске асырудың тиiмдiлігін, олардың республиканың әлеуметтік-экономикалық дамуына әсерiн бағалау жүйесi әзiрленедi. Бұл бюджет қаражатын пайдалану тиiмдiлiгiн едәуiр арттыруға мүмкiндiк бередi.
Қазақстан Республикасы Президентінің "Бәсекеге қабiлеттi Қазақстан үшiн, бәсекеге қабiлеттi экономика үшiн, бәсекеге қабiлетті халық үшiн" атты Қазақстан халқына Жолдауына сәйкес, Қазақстан Республикасы Yкіметінiң 2003-2006 жылдарға арналған бағдарламасы, Қазақстан Республикасының әлеуметтiк-экономикалық дамуының 2005-2007 жылдарға арналған орта мерзiмдi жоспары, мемлекеттік және салалық (секторалдық) бағдарламалар негiзiнде орта мерзiмдi кезеңдер бюджет шығыстарының мынадай басымдықтары айқындалды:
денсаулық сақтауды реформалау және дамыту;
білім берудi дамыту;
әлеуметтік реформаларды одан әрi тереңдету;
индустриялық-инновациялық даму;
аграрлық секторды дамыту;
жаңа тұрғын үй саясатын iске асыру;
Астана қаласын дамыту.
2005-2007 жылдарға арналған мемлекеттік бюджет шығыстары мемлекет функцияларының орындалуын, мемлекеттік саясаттың iске асырылуын көрсететiн салалық белгілерi мен функционалдық бағыты бойынша бірiктiрiлген. Мемлекеттік бюджет шығыстарының ЖIӨ-ге пайызбен болжанып отырған көлемi функционалдық бөлiнiстегі Қосымшада көрсетiлген.
2007 жылы шығыстардың жалпы көлемiнiң болжамды номиналды өсу қарқыны 2005 жылға қатысты 24 %-ды құрайды. Бұл ретте мемлекеттік бюджет шығыстарының өсу қарқыны ЖIӨ-нiң өсу қарқынынан төмен. Бұл әлемдiк, әсiресе мұнай-газ секторындағы қолайлы конъюнктураға байланысты ЖIӨ-нiң жоғары болжамды өсу қарқынымен негізделген. Мұнайдың жоғары әлемдiк бағалары жағдайларында фискалдық саясат үстеме кiрiстердiң бір бөлiгін Ұлттық қорда шоғырландыру және кейiннен әлемдiк қаржы рыноктарына орналастыру жолымен оларды айналыстан шығаруға бағытталады. Бұл инфляцияның өсуiне және экономиканың "тым қызып кетуiне" жол бермеуге мүмкiндiк бередi.
Мұндай ұстанымның дұрыстығын мұнай экспорттаушы елдердiң көп жылдық тәжiрибесi растайды. Ол жекелеген қолайлы жылдардағы шамадан тыс жоғары мемлекеттік шығыстар кейiннен, мұнай бағаларының циклдық төмендеу жылдарында көбiнесе, экономикадағы макроэкономикалық теңгерiмсiздiк салдарынан төменгi тұрмыс деңгейiне және мемлекеттік кiрiстер мен шығыстардың тұрақты теңгерiмiнiң бұзылуына алып келетiндiгін көрсетеді. Мұның алдын алу үшін жекелеген уақыт кезеңдерiнде табиғи ресурстардан түсетiн кiрiстердi пайдалану теңгерiмiне қол жеткізу жөнiндегі шараларды үнемi қабылдау және жетілдiру қажет.
Жалпы сипаттағы мемлекеттік қызметтер көрсету
"Жалпы сипаттағы мемлекеттік қызметтер көрсету" функционалдық тобы бойынша шығыстар 2005-2007 жылдары ЖIӨ-нiң 1,5 %-ы деңгейiнде болжанып отыр.
Жоғары технологиялы дамудың және Қазақстан азаматтарының әл-ауқатының негiзi болып табылатын iргелi және қолданбалы ғылыми зерттеулердi қаржыландыруды ұлғайтудың маңызы басым болады. Ұзақ мерзiмдi перспективада тиiстi инфрақұрылымды дамыта отырып, ғылым мен инновацияға арналған шығыстарды дамыған елдер деңгейiне дейiн ұлғайту қажет.
Қазақстан Республикасының Президентi Қазақстан халқына Жолдауында атап өткендей: "мемлекеттiң бәсекелестiк қабiлетi елдiң халықаралық аренадағы рөлi мен беделiнiң артуынан, мемлекеттiң өз азаматтарының өзектi проблемаларын шешу қабілетiнен, мемлекет ұсынатын қызметтер сапасының артуынан көрiнедi".
Сондықтан мемлекеттік қызмет жүйесiн жетiлдiру - мемлекеттік қызметтер көрсету сапасын халықаралық стандарттарға көшiру, қазiргi заманғы ақпараттық технологияларды пайдалану, мемлекеттік қызметшілердiң кәсiпқойлығын айтарлықтай арттыру және оларды даярлау мен қайта даярлаудың тиiмдi жүйесiн құру арқылы мемлекеттік басқарудың жинақы аппаратын қалыптастыру мәселелерiн шешу жақын арадағы перспективада неғұрлым өзектi болады.
Мемлекеттік қызметтің қоғамдағы беделiн арттыру мемлекеттік қызметшілердiң мәртебесi мен әлеуметтiк қорғалуын күшейту саясатын мақсатты жүргiзу жолымен iске асырылады.
Бұдан басқа, мемлекеттік басқару функцияларын орталықсыздандыруға байланысты мемлекеттік кадр саясатын жетілдiрудің жаңа міндеттерi Мемлекеттік қызмет академиясының материалдық-техникалық базасын нығайту, даярлау және біліктіліктi арттыру жүйесiн жетiлдiру, мемлекеттік қызметшiлердi оқытудың бірыңғай стандарттарын енгізу арқылы өңiрлiк деңгейде шешiлетiн болады.
Әкiмшiлiк реформа тұрғысынан ақпараттандыру мемлекеттік басқаруды жаңғырту мақсаттарына қол жеткізу үшiн маңызды құрал болып табылады.
Мiндет - бірқатар мемлекеттік қызметтер мен мемлекеттік органдардың функционалдық мiндеттерiн автоматтандырылған режимге ауыстыруда. Бұл жұмыс сапасы мен жеделдiгiн, олар қабылдаған шешiмдердiң тиiмділігiн арттыруға мүмкiндiк бередi.
Қазақстан Республикасының Ұлттық ақпараттық инфрақұрылымын қалыптастырудың және дамытудың мемлекеттік бағдарламасына сәйкес 2005-2007 жылдары ақпараттандыру саласында:
ұлттық бірiздендiру жүйесiн, мемлекеттік органдардың барлық электронды қызметтерi мен ақпараттық ресурстарына "бірыңғай қол жетiмділiк нүктесiн" бiлдiретiн "электронды Үкiметтiң" бірыңғай шлюзiн (порталын) iске асыруды қоса алғанда, "электронды Үкiмет" инфрақұрылымының негізгі құрамдауыштарын қалыптастыруды, сондай-ақ Куәландырушы орталық құруды;
орталық және өңiрлiк ведомстволық, ведомствоаралық ақпараттық жүйелердi құруды және дамытуды, оларды республиканың ұлттық ақпараттық инфрақұрылымына бірiктiрудi;
байланыс операторларының қатысуымен қазiргi заманғы технологиялар базасында мемлекеттік органдардың қорғалған бірыңғай мультсервистiк көлiктiк ортасын құруды көздейтiн инвестициялық жобаларды iске асыру шығыстардың негiзгi бағыттары болады.
"Электрондық ?кімет" шеңберiнде қазiргі заманғы техникалық шешiмдер негізiнде перспективалы ақпараттық кедендiк технологиялардың қолданыстағыларын жетілдiру, жаңаларын енгізу есебiнен Қазақстан Республикасы кеден қызметiнiң тиiмдi жұмыс iстеуiн арттыруға бағытталған "электрондық кеденнiң" ақпараттық жүйесiн құру ұйғарылып отыр.
Осыған байланысты: қолдағы ақпараттық ресурстарды бірiктiру және электрондық паспорттар, қол қою, құжат айналымы, сатып алу мен төлемдер жүйесiнiң құрамында инфрақұрылымды қалыптастыру; мемлекеттік ақпараттық ресурстар мен қызметтерге әмбебап қол жеткізудiң қоғамдық инфрақұрылымын құру; мемлекеттік органдардың қызметiн олардың өзара, сондай-ақ жұртшылықпен ақпарат айырбасын оңтайландыру бағытында қайта ұйымдастыру талап етiледi.
"Электрондық Үкiмет" iс-шаралары мемлекеттік аппараттың функциялары мен штатын оңтайландыруға және оның жұртшылықпен өзара iс-қимыл жасау нысандарын демократияландыруға әкелуi тиiс.
Мемлекеттік басқаруды функционалдық қайта ұйымдастыру, ақпарат беру үшiн қорғалған бірыңғай орта құру және интернетке қол жетiмдiлiктiң қоғамдық орталықтарын ұйымдастыру қажеттiгін ескере отырып, осы бағдарламаны iске асыру мемлекеттік қызметшiлердiң біліктілігін едәуір арттыруды, мемлекеттік органдар iшiнде функцияларды қайта бөлудi және босаған құралдарды олардың қызмет ету процестерiн автоматтандыруға қайта жiберудi, сондай-ақ әзiрленiп жатқан Қазақстан Республикасының "электрондық Үкiметін" қалыптастырудың мемлекеттік бағдарламасына сәйкес жоғарыда аталған iс-шараларға қосымша қаражат бөлудi талап етедi.
Орта мерзiмдi кезеңде барлық деңгейдегi мемлекеттік органдарды толық компьютерлендiрудi жүзеге асыру, оларды электрондық почтаға қосу және мемлекеттік органдардың бірыңғай электрондық құжат айналымы жүйесiн құру қажет.
Жаңа мүмкiндiктер арқылы барлық мемлекеттік органдарда, ұлттық компанияларда және республикалық мемлекеттік кәсiпорындарда орта мерзiмдi жоспарлаудың көп деңгейлi тұтас жүйесi қалыптасады.
Қорғаныс
"Қорғаныс" функционалдық тобы бойынша шығыстар өзiне қорғаныс қажеттілiктерiне, төтенше жағдайлардың алдын алуды және жоюды ұйымдастыруға, қорғалатын тұлғалардың қауiпсiздiгін қамтамасыз етуге және салтанатты рәсiмдердi орындауға арналған шығыстарды қамтиды және ЖIӨ-ге 2005 және 2006 жылдары 1,2%-ды 2007 жылы - 1,5%-ды құрайды.
Қазақстан Республикасы Президентінің Жарлығымен бекiтілген Қазақстан Республикасының Әскери доктринасы қорғаныс мұқтаждарына арналған шығыстарды жоспарлаудың негізi болып табылады, бұған сәйкес қорғанысқа арналған шығыстардың көлемi кемiнде ЖIӨ-нiң 1%-ы мөлшерiнде көзделедi, Қазақстан Республикасының Қарулы Күштерiн құру, реформалау кезеңдерi мен әскери-экономикалық қамсыздандырудың негiзгi бағыттары айқындалған.
Тұжырымдалған шараларды iске асыру мақсатында қорғаныс мұқтаждарына арналған шығыстар көлемiн 2005-2006 жылдары ЖIӨ-нiң 1,0%-ы, 2007 жылы - 1,2% деңгейiнде белгілеу ұйғарылып отыр.
Қарулы Күштердi жасақтау мен қалыптастырудың келісім-шарттық жүйесiне көшу жолымен армияны кәсiбилендiру болжанып отырған шаралардың негiзгi мiндетi ретiнде қойылады, оның мақсаттары бөлiмдер мен бөлiмшелердiң әскери дайындығын жоғарылату, әскери-оқытылған резервтi дайындау, әскери қызметтiң және тұтастай Қарулы Күштердiң беделiн арттыру болып табылады.
Қазақстан Республикасының Қарулы Күштерiн құру мен дамытудың өткен кезеңдегi тәжiрибесi мерзiмдi қызметтегi әскери қызметшілердi "келісім-шарттағыларға" ауыстыру армия қызметiне оң әсер ететiнiн көрсеттi. Мысалы, Қарулы Күштердегi адам шығыны мен қылмыс саны азаяды, моральдық-психологиялық ахуал жақсарады.
Армияны жасақтаудың келісім-шарттық жүйесiне көшудің бастапқы кезеңiнде қосымша бюджет шығындары талап етіледi. Бұл көшу кейiннен халық үшiн қосымша жұмыс орындарын құрудан көрiнетiн оң экономикалық әсерге ие болады. Айтарлықтай үнемдеудi жергілiктi бюджеттер алуы тиіс, өйткенi 17-ден 27-ге дейiнгi жастағы еркек жынысты азаматтар жылына екi рет мiндеттi медициналық куәландырудан өткiзілетiн мерзiмдi әскери қызметке шақыруды ұйымдастыруға арналған шығыстар және онымен байланысты басқа да шығыстар қысқарады.
Қазақстан Республикасының Қарулы Күштерiн жасақтаудың келісім-шарттық жүйесiне көшудi 2005 жылы солдаттар мен сержант лауазымындағы келісім-шарт қызметiнiң әскери қызметшілерiнiң сандық құрамын штаттың 65%-ына дейiн ұлғайту жолымен жүзеге асыру және 2007 жылға дейiн осы пайыздық ара қатынасты тұрақтандыру көзделіп отыр.
Жоспарланып отырған кезеңде Қарулы Күштердiң материалдық-техникалық базасын жақсарту көзделуде. Бұл үшін қару-жарақ пен әскери техника санын оңтайландыру жөнiнде шаралар қабылдау керек.
Ұлттық қауiпсiздiкке төнетiн қауiпке, атап айтқанда, табиғи және техногендi сипаттағы төтенше жағдайлар, iндеттер мен эпизоотийлер жатады. Сондықтан халықты, қоршаған орта мен шаруашылық жүргізушi объектiлердi дүлей апаттардан, авариялар мен опаттардан қорғау, олардың салдарын жою мемлекеттiң ұлттық қауiпсiздігін қамтамасыз ету жүйесiндегі мемлекеттік саясаттың басым салаларының бірi болып табылады.
Қазақстан Республикасының халқын, экономикалық әлеуетi мен қоршаған ортасын табиғи және техногендiк сипаттағы төтенше жағдайлар әсерiнен тиiмдi қорғауды арттыруға және қамтамасыз етуге, олардың салдарының, оның iшiнде iрi көлемдi жер сiлкiнiстерiнiң, су тасқындарының, селдiң және жер көшкiннiң алдын алу, залалды төмендету мен жою үшiн күштер мен құралдарды дамытуға қол жеткізу мақсаттарында Табиғи және техногендiк сипаттағы төтенше жағдайлардың алдын алудың және оларды жоюдың 2005-2010 жылдарға арналған мемлекеттік бағдарламасы әзiрленуде.
Осы Мемлекеттік бағдарламаны iске асыруға 2005-2006 жылдары республикалық бюджеттен 4 млрд. теңгеден астам мөлшерде қаражат көзделедi.
Қоғамдық тәртiп және қауiпсiздiк
"Қоғамдық тәртiп және қауiпсiздігі" функционалдық тобы бойынша шығыстарды 2005 жылы ЖIӨ-нiң 2,3 %-ы, 2006 жылы - 2,2 %-ы және 2007 жылы - 2,2 %-ы деңгейiнде болжау ұйғарылып отыр.
Жеке тұлғаның, қоғам мен мемлекеттiң өмiрлiк маңызды мүдделерiнiң сыртқы және iшкi қауiптерден қорғалуын қамтамасыз ету үшiн әлемдегi террорлық агрессия жағдайларында мемлекеттiң қауiпсiздігін қамтамасыз ету мәселелерiнiң зор маңызы бар.
Жоспарланып отырған орта мерзiмдi кезеңде түзеу мекемелерiнде ұсталатын сотталғандарды ұстау жағдайларын; қоғамнан оқшаулауға байланысты емес жазаларды орындаудың сапасын; қылмыстық-атқару жүйесi қызметкерлерiнiң кәсiби даярлығын жақсартуға бағытталған қазiргi уақытта қолданыстағы Қазақстан Республикасының қылмыстық-атқару жүйесiн одан әрi дамытудың 2004-2006 жылдарға арналған бағдарламасының iс-шараларын iске асыру жалғасады.
2005-2006 жылдары осы бағдарламаны iске асыруға шамамен 5 млрд. теңге бөлiнедi.
Экономика саласындағы құқық бұзушылықтарға тиiмдi қарсы тұру арқылы елдiң экономикалық қауiпсiздiгін қамтамасыз ету жөніндегі шаралар жүйесiн одан әрi қалыптастыруға, оның өсуiне ықпал етуге, адал кәсiпкерлiктi дамытуға және бәсеке ортасын жақсартуға бағытталған әзiрленетін Қазақстан Республикасында экономика саласындағы құқық бұзушылықтарға қарсы күрестiң 2005-2007 жылдарға арналған бағдарламасын iске асыру ұйғарылып отыр.
Білім беру
"Білім беру" функционалдық тобы бойынша шығыстарды 2005 жылы ЖІӨ-нің 3,6%-ы, 2006 жылы - 3,6 %-ы және 2007 жылы - 4,0 %-ы деңгейiнде болжау ұйғарылып отыр.
Қазақстан Республикасы Президентінің Қазақстан халқына Жолдауына сәйкес білім беру саласындағы бюджет саясаты көп деңгейлi үздiксiз білім берудің әлемдiк білiм беру кеңiстiгiне бірiктiрiлген әрi тұлға мен қоғам қажеттіліктерін қанағаттандыратын ұлттық моделiн қалыптастыруға, сондай-aқ ғылым мен өндірісті біріктіруге бағытталады.
Осы мақсаттарда аталған бағыттағы негізгі стратегиялық мiндеттердi көздейтін білім берудi дамытудың 2010 жылға дейiнгі мемлекеттік бағдарлама әзiрленуде.
Mәселен, орта мерзiмдi кезеңде жоғары сатыдағы оқушыларды кәсiптiк оқытуды көздейтін он екі жылдық білім беруге көшу жөніндегі шаралар қабылданатын болады.
Білім беру ұйымдарында оқитындардың білім сапасын жоғарылату мақсатында 2004 жылы білім беру сапасын бағалаудың ұлттық жүйесі құрамдастарының бірi - ЖОО-ға қабылдау емтихандарымен бірiктiрiлген оқып жатқандарды қорытынды мемлекеттік аттестаттау нысаны ретiнде ұлттық бірыңғай тестілеудi құру жөніндегі жұмыс басталды. Бұл iс-шараны енгізу білім беру санасын объективті бағалау әрi жоғары және орта кәсіптiк білімге қол жетімділіктің әлеуметтік әдiлдiгi үшін бірыңғай өлшеу материалдарының көмегiмен білім беру сапасын мемлекеттік бақылауды және басқаруды қамтамасыз етуге мүмкіндік береді.
Қазақстан Республикасының білім беру жүйесiн ақпараттандыру жақсармайынша, білім сапасын жоғарылату мен оны әлемдiк ақпараттық білім беру кеңiстiгiне бірiктiру мүмкiн емес.
Қазіргі уақытта мемлекеттік деңгейдегі ақпараттандыру білім берудiң тек бір деңгейін - орта білім берудi ғана қамтыған. Осы уақытқа дейiн мектепке дейінгі тәрбие мен білім беруде, жоғары кәсiптік және ЖОО-дан кейiн кәсіптiк білім беруде ақпараттандыру бойынша мақсатты жұмыс жүргiзiлген емес, оқыту процесінде қолданылатын ақпараттық технологиялардың мониторингi жүзеге асырылмаған.
Бастауыш және орта кәсіптiк білім беретiн оқу орындары жүйесiн ақпараттандыру бағдарламасын iске асыру нәтижесiнде компьютерлік техникамен қамтамасыз етiлу республика бойынша орта есеппен бір компьютерге 64 оқушыны құрады және ТМД елдерi арасында eң жоғарғы көрсеткiш болып табылады.
Компьютерлендiрумен қатар мектептердi "Интернет" ғаламдық жүйесiне кезең-кезеңмен қосу процесi жүзеге асырылды. Бүгiнгi күнi 3495 мектеп немесе жалпы мектептер санының 44%-ы Интернетке қосылды, мұның 2208-i ауылдық мектеп болып табылады.
Алайда, ауыл оқушыларының сапалы білім алудағы бастапқы мүмкiндiктерiн теңестiру үшiн облыстардың, республикалық маңызы бар қаланың және астананың әкiмдерi 2004 жылы телефондандыру жүргiзеді және 2971 мектептiң Интернетке қосылуын қамтамасыз етедi.
Қазақстан Республикасы Президентінің Қазақстан халқына жолдауына сәйкес 2005 жылы 75%-дан кем емес мектептердi Интернетке қосу қамтамасыз етіледi. 2005 жылы жалпы орта білім беретiн мемлекеттік мекемелердi Интернет желісіне қосуға және оның трафигін төлеуге 0,5 млрд. теңге сомасында қаражат көзделедi.
2005-2007 жылдары барлық деңгейдегі білім беру стандарттары қайта әзiрленедi, ғылыми-педагогикалық және педагог кадрлардың жаңа буынын даярлау басталады, оқулықтар мен оқу-әдiстемелiк кешендердi жаңарту процесi жалғасады, менеджмент пен сапаны бақылау жүйесi енгізiледi, бүкiл білім беру жүйесiн одан әрi демократияландыру жүзеге асырылады.
Осы жылдары білім берудiң әлемдiк стандарттарының талаптарына сәйкес келетiн, білім сапасын кешендi емтихандар арқылы бағалауға, оқушылар мен білім беру ұйымдарының даму серпiнiн байқау үшiн білім сапасының мониторингiн жүзеге асыруға, түйiндi құрамдауыштары оқушылардың оқу жетiстiктерi болып табылатын білім сапасын үнемi байқаудың кешендi жүйесiн құруға мүмкiндiк беретiн барлық деңгейдегi білім беру сапасын бағалаудың Ұлттық жүйесi енгізiледi.
Аталған iс-шараларды iске асыруға қосымша шамамен 2 млрд. теңге жұмсалады.
Жоғары және жоғары оқу орнынан кейiнгi білім беруде Қазақстанның Болон процесiне қосылуы және кадрлар даярлаудың (бакалавриат - магистратура - докторантура) тұтас жүйесiне толық көшу, аспирантурадан, дәстүрлi докторантурадан кезең-кезеңмен бас тарту, тиiстi халықаралық аккредитациясы бар шетелдiк алдыңғы қатарлы жоғары оқу орындарымен бірге алдыңғы қатарлы жоғары оқу орындары базасында PhD даярлау бағдарламасын ашу жүргізiледi.
Аталған мақсаттарға қосымша 3,1 млрд. теңге бөлу жоспарланып отыр.
Бұл ретте, жаңа сатыдағы педагогтарды даярлау мақсатында 2005/2006 оқу жылынан бастап педагог кадрларды даярлауға мемлекеттік білім беру тапсырысы 5000 бірлiкке ұлғаяды, бұған шамамен 2,9 млрд. теңге бөлу көзделiп отыр.
Кемтар балаларды қолдау мақсатында әлеуметтiк және медициналық-педагогикалық түзеу арқылы қолдау шаралары әзiрленетiн болады.
Қазiргi уақытта білiм беру ұйымдарының материалдық-техникалық базасын едәуiр жаңарту және оқу құралдарымен және жабдықпен жарақтандыру қажеттігі пiсiп-жетілдi.
Жалпы білiм беретін және кәсiптiк мектептердiң, білім беру жүйесiнiң қызметкерлерiн қайта даярлаудың республикалық және өңiрлiк институттарының материалдық-техникалық базасын кезең-кезеңмен жаңартуды жүзеге асыру үшiн мемлекеттік бюджеттен 4,1 млрд. теңге бөлу ұйғарылып отыр.
Осыған байланысты, облыстардың, республикалық маңызы бар қаланың және астананың әкiмдерi мектептердiң материалдық-техникалық базасын нығайтуға бағытталған өңiрлiк бағдарламаларды қабылдауы тиiс.
Қалалар мен облыс орталықтарында аса маңызды білім беру объектілерін салуға 2005-2007 жылдары республикалық бюджеттен жыл сайын 2,5 млрд. теңге бөлу ұйғарылып отыр.
Денсаулық сақтау
"Денсаулық сақтау" функционалдық тобы бойынша шығыстарды 2005 жылы ЖIӨ-нiң 2,8%-ы, 2006 жылы - 2,9 %-ы, 2007 жылы - 3,0 %-ы деңгейiнде болжау ұйғарылып отыр.
Денсаулық сақтау саласындағы бюджет саясаты халықтың салауатты өмiр салтын қалыптастыруға, оның артықшылықтары туралы хабардар болуын жоғарылатуға, мемлекет пен азаматтардың ортақ жауапкершілiгiне, медициналық сақтандыруды дамытуды ынталандыруға және бастапқы медициналық-санитарлық көмек деңгейiнде денсаулықты, аурулардың алдын алу жүйесiн нығайтуға, халық денсаулығын азаматтардың сапалы медициналық және дәрiлiк көмекке қол жетімділігін арттыру жолымен жақсартуға бағытталады.
Осы мақсаттарға қол жеткізуге "Халық денсаулығы" мемлекеттік бағдарламасы, "Салауатты өмiр салты" кешендi бағдарламасы, Қазақстан Республикасында ЖҚТБ iндетiне қарсы әрекет ету жөніндегі бағдарлама, Қазақстан Республикасында туберкулезге қарсы күрестi күшейтудің 2004-2006 жылдарға арналған бағдарламасы бағытталған.
Бұдан басқа, Қазақстан Республикасының денсаулық сақтауды реформалаудың және дамытудың 2005-2010 жылдарға арналған мемлекеттік бағдарламасы әзiрлендi, оны iске асыруға 2005-2007 жылдары мемлекеттік бюджетте 114,1 млрд. теңге сомасында қосымша қаражат көзделедi.
Осы бағдарламаның шеңберiнде мынадай басымды iс-шаралар көзделген.
Сапалы бастапқы медициналық-санитарлық көмекпен (БМСК) қамтамасыз
ету
БМСК-тiң негiзгi бағыттарының бірi кейiннен серпiндi қадағалай отырып әрі сауықтыра отырып профилактикалық медициналық қарауларды жүзеге асыру болып табылады, бұл мемлекеттік бюджеттен 10,1 млрд. теңге бөлудi талап етедi.
2005 жылдан бастап амбулаторлық-емханалық және стационарлық деңгейлерде емдеу диагностикасының мерзiмдi медициналық-экономикалық хаттамаларын енгізу арқылы БМСК деңгейіндегі медициналық қызметтердiң сапасын арттыруға және ауруханаға негiзсiз жатқызуды болдырмауға қол жеткiзiледi.
БМСК ұйымдарының қамтамасыз етiлу деңгейi біртiндеп медициналық жабдықпен, медициналық мақсаттағы бұйымдармен және санитарлық автокөлiкпен жарақтандырудың ең төменгі нормативiне дейiн жеткiзiледi мемлекеттік бюджет шығыстары шамамен 13,9 млрд. теңге, оның iшiнде ауылдық жерлерде 10,1 млрд. теңге құрайды.
Ауыл халқына сапалы медициналық қызмет көрсету үшiн 2007 жылы ауылдық денсаулық сақтауда ұтқыр және телемедицинаны енгізу ұйғарылып отыр - 2005-2006 жылдары республикалық бюджет шығыстары шамамен 3,3 млрд. теңгенi құрайды.
Көрсетiлген iс-шараларды iске асыру нәтижесiнде халықтың негiзгi аурулармен сырқаттануы азаяды, бұл амбулаторлық емдеуге деген ниет жүйесiмен қатар ауруханаға жатқызуды 10-15 пайызға азайтуды көздейдi.
Туберкулезбен сырқаттануды 2003 жылғы 160,4-тен 2007 жылы 150-гe дейiн 100000 адамға азайту жоспарлануда. Жыныс жолдарымен берiлетiн инфекциялармен сырқаттануды жыл сайын орта есеппен 10%-ға азайту жоспарланып отыр.
Ана мен баланың денсаулығын нығайту
Жекелеген ауру түрлерi бойынша амбулаторлық деңгейде емделiп жатқан 5 жасқа дейiнгі балаларды тегін дәрiлiк заттармен қамтамасыз ету ұйғарылып отыр, бұл үш жыл iшiнде республикалық бюджеттен шамамен 1,7 млрд. теңге қаражат бөлудi көздейдi.
Амбулаторлық емдеу кезiнде диспансерлiк есепте тұрған балалар мен жасөспiрiмдердi тегiн дәрiлiк заттармен қамтамасыз ету ұйғарылып отыр, бұл 2,1 млрд. теңге сомасында қаражат бөлудi көздейдi.
Сондай-ақ, жүктi әйелдердi құрамында темір және йод бар препараттармен тегiн қамтамасыз ету үшiн 2,3 млн. теңге сомасында қаржы көзделген.
Астана қаласында Ана мен баланың республикалық орталығын салу басталды. Алдын ала есептеулер бойынша бұл iс-шараны iске асыруға 18,6 млрд. теңге қажет.
Балалар ұйымдары мен босануға жәрдем көрсететiн ұйымдардың жарақтандырылу деңгейi медициналық жабдықпен жарақтандырудың ең төменгі нормативiне дейiн жеткiзiледi, бұл ретте 2005-2007 жылдары қажетті қаражат сомасы шамамен 5,4 млрд. теңгенi құрайды.
Көрсетiлген iс-шараларды iске асыру республика бойынша ана өлiмiн орта есеппен 2003 жылғы 42,1-ден 2007 жылы 38,2-ге дейiн 100000 тiрi туған балаға және сәбилердiң шетiнеуiн 13,9-ға дейiн 1000 тiрi туған балаға азайтуға мүмкiндiк бередi, сондай-ақ бұл көрсеткiштердi одан әрi жақсартуды қамтамасыз етедi.
Ел халқының қауіпсiз, тиiмдi және сапалы дәрiлiк препараттарға қол
жеткізуiн қамтамасыз ету
2005 жылдан бастап фармацевтикалық саланы кезең-кезеңмен халықаралық стандарттарға көшiру жоспарланып отыр.
Контрафактық және контрабандалық өнiмдердiң кiргiзiлуiн алдын алуға, фармакотерроризмдi азайтуға бағытталған шараларды әзiрлеу жоспарланып отыр.
