Жауапкершілігі шектеулі серіктестіктерде мемлекеттiң атынан акциялардың
мемлекеттік пакеттерiне және қатысудың мемлекеттік үлестерiне иелiк ету
және пайдалану құқықтарын жүзеге асырудың жекелеген мәселелерi Қазақстан
Республикасы Үкіметінің 1999 ж. 29 маусымдағы № 882 қаулысы
(ҚР Үкіметінің 30.06.99 ж. № 908; 07.02.00 ж. № 177; 28.12.02 ж.
№ 1405 қаулыларымен енгізілген өзгерістерімен)
ҚР Үкіметінің 2004 ж. 20 мамырдағы № 565 қаулысымен күші жойылды
Мемлекеттік меншiктi тиiмдi басқару мақсатында Қазақстан Республикасының Үкіметі қаулы етеді:
ҚР Үкіметінің 30.06.99 ж. № 908 қаулысымен 1-тармақ толықтырылды; ҚР Үкіметінің 07.02.00 ж. № 177; 28.12.02 ж. № 1405 қаулыларымен 1-тармақ өзгертілді
1. Министрліктер мен агенттіктер жауапкершілігі шектеулі серіктестіктерде мемлекеттің атынан акциялардың мемлекеттік пакеттеріне және мемлекеттік қатысудың үлестеріне иелік ету және пайдалану құқықтарын жүзеге асыру кезінде:
1) Қазақстан Республикасы Қаржы министрлігінiң Мемлекеттік мүлiк және жекешелендiру комитетiмен (бұдан әрi - Комитет) мемлекеттiң қатысуымен акционерлік қоғамдардың (бұдан әрi - қоғам) жалпы жиналыстарында қабылдау үшiн ұсынылатын мына мәселелер:
акционерлік қоғамның үлгiсiн өзгерту;
қоғамды ерiктi қайта ұйымдастыру және тарату;
жарияланған жарғылық капиталдың мөлшерiн өзгерту;
таза кiрiстi қайта бөлудiң тәртібі;
қоғамға тиесілi барлық активтердiң жиырма бес және одан көп процентiн құрайтын сомада активтердiң бөлiгін немесе бiрнеше бөлiгiн беру жолымен қоғамның өзге заңды тұлғаларды құруға немесе олардың қызметiне қатысуы туралы шешiм қабылдау;
қоғамның мiндеттемелерiн қоғамның меншiк капиталы мөлшерiнiң жиырма бес және одан көп процентiн құрайтын сомаға арттыру туралы шешiм қабылдау;
қоғамның жарғысына сәйкес iрi мәмiлелердi бекіту жөніндегі күн тәртібінiң мазмұны мен шешiмдердiң жобаларын алдын ала жазбаша келiссiн;
қоғамның директорлар кеңесiн сайлау, оның сандық құрамын айқындау және оның мүшелерінің өкiлеттiктерiн мерзiмiнен бұрын тоқтату.
алтын акцияны" енгізу және жою;
1-1) заңдардың талаптарын ескере отырып акционерлік қоғамдардың бiрінші басшыларын (басқармаларының төрағаларын) сайлау және олардың өкiлеттiктерiн мерзiмiнен бұрын тоқтату мәселелерiн Комитетпен келiсудi қамтамасыз етсiн.
2) Комитет өкiлдерiнiң мемлекеттiң жүз проценттiк қатысуымен акционерлік қоғамдардың, сондай-ақ мемлекет акцияларының бақылау пакеттерiне ие акционерлік қоғамдардағы директорлар қеңестерiнiң, тексеру комиссияларының құрамына кiруiн қамтамасыз етсiн.
3) Комитеттiң өкiлдерiн осы тармақтың 2) тармақшасында көрсетілмеген акционерлік қоғамдар директорлар кеңестерiнiң, тексеру комиссияларының құрамына енгізу жөнiнде қажеттi шаралар қабылдасын;
4) мемлекеттiң үлестiк қатысуымен жауапкершілігі шектеулі серіктестіктерге қатысушылардың жалпы жиналыстарында қабылдау үшiн ұсынылатын мына мәселелер:
жауапкершілігі шектеулі серіктестіктердің атқарушы органын құру және оның өкiлеттiгiн мерзiмiнен бұрын тоқтату, сондай-ақ серiктестiктi немесе оның мүлкiн сенiмдi басқаруға беру туралы шешiм қабылдау және мұндай берулердiң шарттарын айқындау;
байқау кеңесiн және (немесе) тексеру комиссиясын (тексерушiнi) сайлау және оның өкiлеттiгін мезгiлiнен бұрын тоқтату;
жауапкершілігі шектеулі серіктестікті қайта ұйымдастыру немесе тарату;
жауапкершілігі шектеулі серіктестікті бүкiл мүлкiнiң кепiлi туралы шешiм;
қатысушыдан үлестердi мәжбүрлеп сатып алу туралы шешiм;
таза кiрiстi бөлу жөніндегі күн тәртібінiң мазмұны мен шешiмдердiң жобаларын жазбаша келiссiн;
4-1) қосымшаға сәйкес Комитетке ақпарат беруді қамтамасыз етсін.
ҚР Үкіметінің 07.02.00 ж. № 177; 28.12.02 ж. № 1405 қаулыларымен 2-тармақ өзгертілді
2. Комитет жауапкершілігі шектеулі серіктестіктердегі акциялардың мемлекеттік пакеттерi мен қатысудың мемлекеттік үлестерiн сенiмдi басқаруға берудi және сатуды салалық министрлiктер (өзге де мемлекеттік органдар) өкiлдерiнiң тiкелей қатысуы кезiнде жүзеге асырсын.
3. Осы қаулы қол қойылған күнiнен бастап күшiне енедi.
Қазақстан Республикасының
Премьер-Министрі
Қазақстан Республикасы
Үкіметінің 1999 жылғы
29 маусымдағы № 882
қаулысына қосымша
ҚР Үкіметінің 07.02.00 ж. № 177 қаулысымен қаулы қосымшамен толықтырылды; ҚР Үкіметінің 28.12.02 ж. № 1405 қаулысымен қосымша өзгертілді
Министрліктер мен агенттіктердің Қазақстан Республикасы
Қаржы министрлігінің Мемлекеттік мүлік және жекешелендіру
комитетіне ақпарат беруінің
кестесі
N | Ақпарат | Беру мерзімдері |
1- 2- 3- 4- 5- 6- 7- 8- 9- 10- 11- | | жыл сайын, жиналыс өткі- зілгеннен кейін 5 күннің ішінде жыл сайын, тексеру өткі- зілгеннен кейін 5 күннің ішінде жыл сайын, аудит жүргі- зілгеннен кейін 5 күн- нің ішінде өткізілуіне орай, жина- лыс өткізілгеннен кейін 5 күннің ішінде өткізілуіне орай, отыр- ыстан кейін 7 күннің ішінде соттың шешімін (айқында- масын) алғаннан кейін 3 күннің ішінде тоқсан сайын, келесі ай- дың 5-күніне дейін шарттарға қол қойылған- нан кейін 5 күннің ішінде жарты жылдық, жыл аяқтал- ғаннан кейін 45 күннің ішінде бекітілуіне қарай жоспарларының алдындағы жылдың 1 мамырына дейін |
