Азаматтарға шетелде жұмысқа орналасу жөнінде делдалдық көмек көрсетудің кейбір мәселелері туралы
Қазақстан Республикасы Үкіметінің 1999 жылғы 25 маусымдағы № 862 қаулысы
(2007.11.06. берілген өзгерістер мен толықтыруларымен)
ҚР Үкіметінің 2012 жылғы 19 қаңтардағы № 124 Қаулысымен күші жойылды
ҚР Үкіметінің 2007.11.06 № 480 Қаулысымен тақырыб редакцияда жазылды (2007 жылғы 9 тамыздан бастап қолданысқа енгізілді) (бұр.ред.қара)
ҚР Үкіметінің 2005.22.06. № 612 (бұр. ред. қара); ҚР Үкіметінің 2007.11.06 № 480 (2007 жылғы 9 тамыздан бастап қолданысқа енгізілді) (бұр.ред.қара) қаулылармен кіріспе өзгертілді
Қазақстан Республикасының "Көшi-қон туралы" және «Халықтың жұмыспен қамтылуы туралы» Заңдарын iске асыру мақсатында Қазақстан Республикасының Үкіметі қаулы етеді:
ҚР Үкіметінің 19.06.01 ж. № 836 қаулысымен; ҚР Үкіметінің 2006.24.04 № 316 Қаулысымен (бұр. ред. қара); ҚР Үкіметінің 2007.11.06 № 480 Қаулысымен (2007 жылғы 9 тамыздан бастап қолданысқа енгізілді) (бұр.ред.қара) 1-тармақ өзгертілді
1. Қоса берiлiп отырған:
Шетелдiк жұмыс күшiн тартуға және жұмыс күшiн Қазақстан Республикасынан шетелге шығаруға байланысты қызметке лицензия берудiң тәртібі;
2. Қазақстан Республикасының Еңбек және халықты әлеуметтiк қорғау министрлігі:
қажет болған жағдайда Қазақстан Республикасының Сыртқы iстер министрлігімен келісім бойынша Қазақстан Республикасының Үкіметіне Қазақстан Республикасы азаматтарының шетелдегi еңбек қызметiнiң мәселелерi жөнiнде халықаралық шарттар жасасу туралы ұсыныс енгізсін;
жыл сайын жұмыс берушiлер Қазақстан Республикасынан тысқары жерлерде жалдайтын шетелдiк азаматтарды тұтастай алғанда және мамандықтар тобы бойынша республиканың аумағында жұмыс істеу үшiн тартуға арналған квотаны Қазақстан Республикасының Үкіметіне бекiтуге енгiзсiн;
жыл сайын жұмыс қорытындысы бойынша Қазақстан Республикасының Үкіметіне шетелдiк жұмыс күшiн тарту және жұмыс күшiн Қазақстан Республикасынан шетелге шығару туралы ақпарат ұсынсын.
ҚР Үкіметінің 2005.22.06. № 612 қаулысымен 3-тармақ өзгертілді (бұр. ред. қара)
3. Қазақстан Республикасының Сыртқы iстер министрлігі шетелдiк азаматтарға жергілiктi атқарушы орган берген шетелдiк жұмыс күшiн тартуға рұқсаты болған жағдайда келу визаларын берудi жүргiзсiн.
4. "Қазақстан Республикасына шетелдiк жұмыс күшiн тартуға, сондай-ақ жұмыс күшiн Қазақстан Республикасынан шетелге шығаруға байланысты қызметті лицензиялау туралы" Қазақстан Республикасы Үкiметінің 1997 жылғы 4 маусымдағы № 924 қаулысының Қазақстан Республикасының ПҮАЖ-ы, 1997 ж., № 24, 215-құжат) күшi жойылды деп танылсын.
5. Осы қаулы 1999 жылдың 1 шiлдесiнен бастап қолдануға енгізiледi және жариялауға жатады.
Қазақстан Республикасының
| Премьер-Министрі | Н. Балғымбаев |
Қазақстан Республикасы
Yкіметінiң
1999 жылғы 25 маусымдағы
№ 862 қаулысымен
бекітілген
Шетелдiк жұмыс күшiн тартуға және жұмыс күшiн Қазақстан Республикасынан шетелге шығаруға
байланысты қызметке лицензиялар берудiң
тәртібі
1. Шетелдiк жұмыс күшiн тартуға және жұмыс күшін Қазақстан Республикасынан шетелге шығаруға
байланысты қызметке лицензиялар берудiң тәртібі
1. Заңды және жеке тұлғалардың шетелдiк жұмыс күшiн тартуға және жұмыс күшiн Қазақстан Республикасынан шетелге шығаруға байланысты қызметтi жүзеге асыру үшiн осындай қызметтi жүзеге асыруға арналған лицензиясы болуы тиiс.
ҚР Үкіметінің 2005.22.06. № 612 қаулысымен 2-тармақ өзгертілді (бұр. ред. қара)
2. Шетелдiк жұмыс күшiн тартуға және жұмыс күшiн Қазақстан Республикасынан шетелге шығаруға байланысты қызметке лицензия берудi Қазақстан Республикасы Еңбек және халықты әлеуметтік қорғау министрлігінiң Көшi-қон комитеті (Алматы қаласы бойынша - Алматы қаласының атқарушы органы) жүргiзедi.
3. Шетелдiк жұмыс күшiн тартуға және жұмыс күшiн Қазақстан Республикасынан шетелге шығаруға байланысты қызметке арналған лицензия:
1) қызмет ауқымы бойынша - қолданылу мерзiмi шектеусiз берiлетiн бас лицензия болып табылады;
ҚР Үкіметінің 2005.22.06. № 612 қаулысымен 2-тармақ өзгертілді (бұр. ред. қара)
2) аумақтық сала бойынша - Қазақстан Республикасы Еңбек және халықты әлеуметтік қорғау министрлігінiң Көшi-қон комитеті берген шетелдiк жұмыс күшiн әкелуге арналған лицензия Қазақстан Республикасының шетелдiк азаматтардың келуiне ашық барлық аумағында және Қазақстан Республикасынан тыс жерлерде (Алматы қаласынан басқа) қолданылады. Алматы қаласының атқарушы органы берген лицензияның күшi Алматы қаласының аумағында және Қазақстан Республикасынан тыс жерлерде қолданылады.
4. Лицензия алу үшiн мынадай құжаттар:
1) белгiленген үлгiдегi өтiнiш;
2) лицензиаттың қызметтiң лицензияланатын түрiмен айналысу құқығына арналған біліктiлiк талаптарына сай екендiгiн растайтын құжаттар;
ҚР Үкіметінің 2005.22.06. № 612 қаулысымен 2-1) тармақшамен толықтырылды
2-1) мемлекеттік тiркелгенi туралы куәліктің (заңды тұлғалар үшiн) немесе жеке кәсiпкер ретінде есепке қойылғаны туралы куәліктің көшiрмесi;
3) қызметтiң жекелеген түрлерiмен айналысу құқығы үшiн алым енгiзгенін растайтын құжат ұсыну қажет.
5. Шетелдiк заңды және жеке тұлғалар, егер Қазақстан Республикасының заң актілерінде өзгедей көзделмесе, лицензияны Қазақстан Республикасының заңды және жеке тұлғалары сияқты шарттармен алады.
6. Заңды тұлғалардың өтінішi бойынша шешiм бiр ай мерзiмнен, ал шағын кәсiпкерлiк субъектiлерi үшiн өтiнiш берiлген күнінен бастап он күндiк мерзiмнен кешiктiрiлмей қабылданады.
7. Лицензия, егер:
1) қызметтің белгiлi бiр түрiн жүзеге асыруға аталған субъектi үшiн заң актілерімен тиым салынса;
ҚР Үкіметінің 2005.22.06. № 612 қаулысымен 2) тармақша өзгертілді (бұр. ред. қара)
2) лицензиялар туралы заңдарға сәйкес талап етілетiн барлық құжаттар ұсынылмаса. Өтініш берушi көрсетiлген кедергiлердi жойған кезде өтiнiш жалпы негiзде қаралады;
3) кәсiпкерлiк қызметтiң жекелеген түрлерiмен айналысу құқығына алым енгiзiлмесе;
4) өтiнiш берушi белгiленген біліктiлiк талаптарына сай жауап бермесе;
5) өтiнiш берушiге қатысты соттың оған қызметтiң осы түрiмен айналысуға тыйым салатын шешiмi болса берiлмейдi.
8. Лицензия беруден бас тарту туралы шешiм лицензия беру үшiн белгiленетiн мерзiмде өтiнiш иесiне жазбаша түрде жiберiледi.
ҚР Үкіметінің 2005.22.06. № 612 қаулысымен 8-1- тармақпен толықтырылды
8-1. Егер лицензия белгіленген мерзiмде берiлмесе немесе өтiнiш берушіге бас тарту негiзсiз болып көрінсе, ол бiр ай мерзiмде бұл iс-әрекеттерге сот тәртібiмен шағымдануға құқылы.
9. Лицензия иелiктен шығарылмайтын, яғни лицензиат басқа жеке немесе заңда тұлғаға бере алмайтын болып табылады.
ҚР Үкіметінің 2005.22.06. № 612 қаулысымен 9-1- тармақпен толықтырылды
9-1. Лицензия өзiнiң қолданылуын:
1) лицензиялар керi қайтарып алынған;
2) азаматтың кәсiпкерлiк қызметi тоқтатылған, бiр түрдегі заңды тұлғаның басқа түрдегi заңды тұлға болып қайта құрылуын (ұйымдық-құқықтық нысанының өзгеруiн) қоспағанда, заңды тұлға қайта ұйымдастырылған немесе таратылған;
3) лицензия лицензиарға ерiктi түрде қайтарылған жағдайларда ғана тоқтатады.
10. Лицензияны керi қайтарып алу:
1) лицензиат лицензиядағы талаптарды орындамаған;
2) сот лицензиатқа қызметтiң оның жүзеге асыруға лицензиясы бар түрiмен айналысуға тыйым салған;
3) ол бойынша лицензиар лицензияның қолданылуын уақытша тоқтатқан себептерi жойылмаған жағдайларда, сот тәртібімен жүргiзiледi;
ҚР Үкіметінің 2005.22.06. № 612 қаулысымен 4) тармақшамен толықтырылды
4) лицензия алу кезiнде лицензиат көрiнеу жалған ақпарат берген;
11. Лицензиар тоқтата тұрудың себептерiн көрсете отырып, лицензияның қолданылуын алты ай мерзiмге дейiн тоқтата тұруға құқылы.
ҚР Үкіметінің 2005.22.06. № 612 қаулысымен 11-1 тармақпен толықтырылды
11-1. Сот шағын кәсiпкерлiк субъектісi лицензиясының қолданылуын тоқтата тұруды лицензиардың, бақылау және қадағалау функцияларын жүзеге асыратын мемлекеттік органдардың өтінiшi бойынша жүргiзедi.
Қазақстан Республикасының заңнамасында белгіленген ерекше жағдайларда көрсетілген мерзiмде сотқа қуыным өтiнiшiн мiндетті түрде ұсына отырып, 3 күннен аспайтын мерзiмге шағын кәсiпкерлiк субъектісi лицензиясының қолданылуын сот шешiмінсiз тоқтата тұруға жол беріледi. Бұл ретте тоқтата тұру туралы акт сот шешiмi шығарылғанға дейiн қолданылады.
12. Лицензияның қолданылуы анықталған жолсыздықтар жойылғаннан кейiн лицензиардың шешiмi бойынша жаңартылады, ол туралы лицензиарға жазбаша түрде хабарланады.
13. Лицензия керi қайтарылып алынған немесе оның қолданылуы тоқтатыла тұрған жағдайларда кәсiпкерлiк қызметтiң жекелеген түрлерiмен айналысу құқығына арналған алым қайтарылуға жатпайды.
14. Лицензиаттың лицензияның тоқтатыла тұруына және керi қайтарылуына байланысты барлық мәселелер бойынша лицензиардан жазбаша түрде растау алуға құқығы бар.
15. Лицензиар лицензияның берiлуi, керi қайтарылып алынуы, қолданылуының тоқтатыла тұруы және жаңартылуы туралы Қазақстан Республикасының Iшкi iстер министрлігіне, Сыртқы iстер министрлігіне, Қорғаныс министрлігіне және Ұлттық қауiпсiздiк комитетiне ақпарат бередi.
16. Лицензияны жоғалтып алған (жоғалған) жағдайда, көшiрме лицензиар белгiлеген шарттарға сәйкес берiледi.
2. Лицензиялық ережелердің сақталуына
жауапкершiлiк және оны бақылау
ҚР Үкіметінің 2005.22.06. № 612 қаулысымен 17-тармақ өзгертілді (бұр. ред. қара)
17. Лицензиялық нормалар мен ережелердiң сақталуын бақылау Қазақстан Республикасы Еңбек және халықты әлеуметтік қорғау министрлiгінiң Көшi-қон комитетi мен оның аумақтық органдарына (Алматы қаласы бойынша Алматы қаласының атқарушы органына) жүктеледi.
18. Лицензия алмастан шетелдiк жұмыс күшiн тартуға және жұмыс күшiн шетелге шығаруға байланысты қызметке тыйым салынады.
19. Лицензиялық нормалар мен осы Тәртiптi бұзу - Қазақстан Республикасының заңдарына сәйкес жауаптылыққа әкеп соқтырады.
3. Қызметтiң лицензияланатын түрiне
қойылатын білiктiлiк талаптары
ҚР Үкіметінің 15.05.00 ж. № 709 қаулысымен 20-тармақ өзгерді; ҚР Үкіметінің 2005.22.06. № 612 қаулысымен 20-тармақ жаңа редакцияда (бұр. ред. қара)
20. Шетелдiк жұмыс күшiн тартуға және жұмыс күшiн Қазақстан Республикасынан шетелге шығаруға байланысты қызметке лицензия алуға үмiткер заңды немесе жеке тұлғаға (бұдан әрi - өтінiш берушi) қойылатын біліктілiк талаптары:
1) жоғары немесе орта арнаулы заңгерлiк білiмi бар қызметкерлердiң;
2) офис үшін меншiкті немесе жалға алған жұмыс орнының;
3) еңбек биржаларымен, Жұмыспен қамту мәселелерi жөніндегі ақпараттық-талдау орталығымен өзара iс-әрекетті қамтамасыз ететiн компьютерлер мен телекоммуникациялық жабдықтардың;
4) шетелдiк жұмыспен қамту агенттіктерiмен ынтымақтастығы туралы шарт көшiрмесiнiң немесе шетелдiк жұмыс берушінің өтінiш берушімен ынтымақтасу ниетi туралы растамасының (жұмыс күшін Қазақстан Республикасынан шетелге шығаруға байланысты қызметке арналған) болуын қамтиды.
ҚР Үкіметінің 15.05.00 ж. № 709 қаулысымен 21-тармақ өзгерді
21. ҚР Үкіметінің 2005.22.06. № 612 қаулысымен алынып тасталды (бұр. ред. қара)
ҚР Үкіметінің 19.06.01 ж. № 836 қаулысымен ереже күшін жойды
ҚР Үкіметінің 19.06.01 ж. № 836 қаулысымен 1-қосымша күшін жойды
ҚР Үкіметінің 19.06.01 ж. № 836 қаулысымен 2-қосымша күшін жойды
ҚР Үкіметінің 19.06.01 ж. № 836 қаулысымен 3-қосымша күшін жойды
ҚР Үкіметінің 2006 ж. 24 сәуірдегі № 316 Қаулысымен Кепiлдiктi және кепiл жарналарды енгізудің тәртібі, шарттары және мөлшерлерi күшін жойды (бұр. ред. қара)
Қазақстан Республикасы
Үкiметінің
1999 ж. 26 маусымдағы
№ 862 қаулысымен
бекітілген
Азаматтарға шетелде жұмысқа орналастыру жөнiнде
делдалдық көмек көрсетудiң тәртібі
1. Жалпы ережелер
1. Осы Тәртiпте пайдаланылатын негiзгi ұғымдар:
1) шетелдiк жұмыс берушi - қызметкер еңбек қатынасында тұратын шетелдiк заңды немесе жеке тұлға;
2) еңбек делдалдығы - жұмыспен қамту мәселелерi жөніндегі уәкiлеттi органның, сондай-ақ еңбек делдалдығымен айналысатын меншіктің кез келген нысанындағы жеке заңды тұлғалардың тарапынан еңбекке орналастыру кезiнде халыққа жәрдем көрсету;
3) жұмыспен қамту мәселелерi жөніндегі уәкiлеттi орган - аймақтық (облыстық, қалалық, қалалардағы аудандық, аудандық) деңгейде жұмыспен қамту саласында мемлекеттік саясатты iске асыруды қамтамасыз ететiн мемлекеттік орган (бұдан әрi - уәкiлеттi органы);
4) орталық атқарушы орган - Қазақстан Республикасының Еңбек және халықты әлеуметтiк қорғау министрлігі.
2. Шетелге жұмысқа орналасуға делдалдық
көмек көрсетудiң тәртібі
2. Азаматтардың шетелде өз бетiмен жұмыс iздеуге және еңбекке орналасуға құқығы бар.
3. Қазақстан Республикасынан шетелге жұмыс күшiн шығаруға байланысты қызметке лицензиясы бар жеке және заңды тұлғалар азаматтарға шетелге еңбекке орналастыруда делдалдық көмек көрсете алады.
4. Жеке және заңды тұлғалардың азаматтарға шетелге еңбекке орналастыру жөніндегі делдалдық көмегi:
1) шетелге жұмысқа тұру мүмкiндігi мен жұмыс жағдайлары туралы азаматтарды бұқаралық ақпарат құралдары арқылы және жеке, толық және анық ақпараттандырудан;
2) шетелдiк жұмыс күшiн жалдағысы келетiн шетелдегі жұмыс берушiлер туралы мәлiметтер жинаудан;
3) шетелге еңбекке орналасқысы келетiн азаматтар туралы мәлiметтер жинаудан;
4) шетелдiк жұмыс берушi мен азаматтың арасындағы келісім-шартты ресiмдеуден;
5) азаматтарды шетелге шығаруға арналған рұқсат құжаттарын ресiмдеуден;
6) шет елдердегi заңдар мен өзiн өзi ұстау жөнiнде консультациялар беруден тұрады.
ҚР Үкіметінің 2006 ж. 24 сәуірдегі № 316 Қаулысымен 6 тармақ толықтырылды
6. Жеке және заңды тұлғалар шетелдiк жұмыс берушiмен жұмысшы таңдауда делдалдық қызмет көрсету туралы шарт жасасады.
Шарт жұмысқа орналастыратын елдің банктеріне кепілдік берілген және кепіл жарна енгізілгені туралы құжаттармен расталатын, қызметкерлердің Қазақстан Республикасына қайтып келу кепілдігі туралы шетелдік жұмыс берушінің міндеттемесін қамтуға тиіс.
7. Шетелге еңбекке орналасқысы келетін азаматтар заңды немесе жеке тұлғалармен жұмыс таңдауда делдалдық қызмет көрсету туралы шарт жасасады.
8. Азаматтарға шетелде еңбекке орналасуда делдалдық көмек көрсететін жеке және заңды тұлғалар орналасқан жері бойынша уәкілетті органға ай ай сайын жұмыс күшін шетелге шығару туралы ақпарат жолдауы тиiс.
9. Шетелде еңбекке орналасу жөнiнде делдалдық көмек көрсететiн жеке және заңды тұлғалар азаматтардың Қазақстан Республикасындағы тұрақты тұратын жерiне қайтып келуiне кепiлдiк беруi тиiс.
10. Шетелге шығарылатын азаматтардың жасы 18-ден жас болмауы керек.
11. Уәкiлеттi орган тоқсан сайын орталық, атқарушы органға шығарылатын жұмыс күшi туралы есеп ұсынуға мiндетті.
12. Осы Тәртiптi бұзу - Қазақстан Республикасының заңдарына сәйкес жауаптылыққа әкеп соқтырады.
