Қазақстан Республикасы Индустрия және сауда министрлігінiң мәселелерi
Қазақстан Республикасы Үкіметінің 2002 ж. 12 қыркүйектегі № 996 қаулысы
(2004.28.10. берілген өзгерістер мен толықтырулармен)
Осы редакция 2013 жылғы 5 тамызда енгізілген өзгерістеріне дейін қолданылды
ҚР Үкіметінің 2005.24.08. № 871 қаулысымен күші жойылды, 1-тармақтың 3) тармақшасын және 3-тармақты қоспағанда
Қазақстан Республикасы Президентінің «Қазақстан Республикасының мемлекеттік басқару жүйесiн одан әрi жетiлдiру жөніндегі шаралар туралы» 2002 жылғы 28 тамыздағы № 931 Жарлығына (бұдан әрi - Жарлық) сәйкес Қазақстан Республикасының Yкіметі қаулы етеді:
1. Қоса берiлiп отырған:
1) Қазақстан Республикасының Индустрия және сауда министрлігі туралы ереже;
2) Қазақстан Республикасы Индустрия және сауда министрлiгінiң қарамағындағы ұйымдардың тiзбесi;
3) Қазақстан Республикасы Yкіметінiң кейбір шешiмдерiне өзгерістер мен толықтырулар енгізу бекітілсiн.
ҚР Үкіметінің 29.07.03 ж. № 759 қаулысымен; 2-тармақ өзгертілді
2. Қазақстан Республикасы Индустрия және сауда министрінің бес, соның iшiнде бiр бiрiншi вице-министрi болуға рұқсат берiлсiн.
ҚР Үкіметінің 20.05.03 ж. № 467 қаулысымен 3-тармақ өзгертілді
3. Мыналар құрылсын:
Қазақстан Республикасы Индустрия және сауда министрлiгінiң Сауда комитетi;
Қазақстан Республикасы Индустрия және сауда министрлігінiң Шағын бизнестi қолдау жөніндегі комитетi;
Қазақстан Республикасы Индустрия және сауда министрлігінiң Инвестициялар жөніндегі комитетi;
Қазақстан Республикасы Индустрия және сауда министрлiгінiң Құрылыс iстерi жөнiндегі комитетi;
Қазақстан Республикасы Индустрия және сауда министрлiгінiң Қорғаныс өнеркәсiбi комитетi;
Қазақстан Республикасы Индустрия және сауда министрлігінiң Стандарттау, метрология және сертификаттау жөніндегі комитетi.
ҚР Үкіметінің 18.09.03 ж. № 951 қаулысымен 4-тармақ алынып тасталды
4. Қазақстан Республикасы Экономика және сауда министрлігінiң Құрылыс iстерi және Стандарттау, метрология және сертификаттау жөніндегі комитеттерiнiң мемлекеттік мекемелерi - аумақтық бөлiмшелерi Қазақстан Республикасы Индустрия және сауда министрлігінiң облыстар, Астана және Алматы қалалары бойынша мемлекеттік мекемелерi - аумақтық органдарына қосу жолымен қайта ұйымдастырылсын.
5. Қазақстан Республикасының Индустрия және сауда министрлігін ұстауға арналған шығыстарын қаржыландыру қайта ұйымдастырылған Қазақстан Республикасының Экономика және сауда, Энергетика және минералдық ресурстар, Сыртқы iстер министрлiктерiн және Қазақстан Республикасының Табиғи монополияларды реттеу, бәсекелестiктi қорғау және шағын бизнестi қолдау агенттiгін ұстауға арналған 2002 жылға республикалық бюджетте көзделген қаражат есебiнен берiлетiн штат санының шегiнде жүзеге асырылады деп белгiленсiн.
6. Қазақстан Республикасының Сыртқы iстер, Энергетика және минералдық ресурстар министрлiктерi, Қазақстан Республикасының Табиғи монополияларды реттеу, бәсекелестiктi қорғау және шағын бизнестi қолдау агенттiгi берiлетiн функциялар мен өкiлеттіктер шегiнде, Жарлыққа қол қойылған күнi берiлетiн бөлiмшелер қызметкерлерiнiң пайдалануындағы мүлiктi қоса алғанда, құрылымдық бөлiмшелердi Қазақстан Республикасының Индустрия және сауда министрлігіне берудi қамтамасыз етсiн.
7. Қазақстан Республикасы Индустрия және сауда министрлігі осы қаулыны iске асыру жөнiнде шаралар қабылдасын.
8. Осы қаулы қол қойылған күнінен бастап күшіне енеді.
Қазақстан Республикасының
| Премьер-Министрі | И.Тасмағамбетов |
Қазақстан Республикасы
Үкіметінің
2002 жылғы 12 қыркүйектегi
№ 996 қаулысымен
бекітілген
Қазақстан Республикасының
Индустрия және сауда министрлігі туралы
epeже
1. Жалпы ережелер
ҚР Үкіметінің 06.10.03 ж. № 1027 (бұр. ред. қара); 05.12.03 ж. № 1235 (бұр. ред. қара); 23.12.03 ж. № 1302 қаулыларымен 1-тармақ өзгертілді
1. Қазақстан Республикасының Индустрия және сауда министрлігі (бұдан әрi - Министрлiк) басшылықты, сондай-ақ заңнамамен көзделген шекте өнеркәсіпті, сауданы, құрылысты, тұрғын үй-коммуналдық саланы, стандарттауды, метрологияны және сертификаттауды басқару, шағын бизнестi және инвестицияларды мемлекеттік қолдау, мемлекеттік қорғаныстық тапсырысты қалыптастыру, орналастыру және орындау, елдің инновациялық дамуы саласында мемлекеттік саясат әзiрлеудi және оны iске асыруды салааралық үйлестiрудi, сондай-ақ оның жүзеге асырылуын бақылауды жүзеге асыратын орталық атқарушы орган болып табылады.
2. Министрлiк өз қызметiн Қазақстан Республикасының Конституциясы мен заңдарына, Қазақстан Республикасы Президентінің, Қазақстан Республикасы Yкіметінiң кесiмдерiне, өзге де нормативтік құқықтық кесiмдерге, сондай-ақ осы Ережеге сәйкес жүзеге асырады.
3. Министрлiк мемлекеттік мекеменiң ұйымдық-құқықтық нысандағы заңды тұлға болып табылады, өз атауы мемлекеттік тiлде жазылған мөрi мен мөртаңбалары, белгiленген үлгiдегi бланкiлерi, сондай-ақ заңнамаға сәйкес Қазақстан Республикасы Қаржы министрлігінiң Қазынашылық органдарында және банктерде шоттары болады.
Министрлiк өз атынан азаматтық-құқықтық қатынастарға түседі.
Министрлiктiң, егер оған заңнамаға сәйкес өкiлеттік берiлсе, мемлекет атынан азаматтық-құқықтық қатынастар тарабы болуға құқығы бар.
4. Министрлiктiң штат санының лимитiн Қазақстан Республикасының Үкіметі бекiтедi.
5. Министрлiктiң заңды мекен-жайы: Астана қаласы, Жеңiс даңғылы, 33.
6. Министрлiктiң толық атауы - «Қазақстан Республикасының Индустрия және сауда министрлігі» мемлекеттік мекемесi.
7. Осы Ереже Министрлiктiң құрылтай құжаты болып табылады.
8. Министрлiктiң қызметiн қаржыландыру республикалық бюджет қаражатының есебiнен жүзеге асырылады.
Министрлiкке өзiнiң функциялары болып табылатын мiндеттердi орындау тұрғысында кәсiпкерлiк субъектiлерiмен шарттық қатынастарға түсуге тыйым салынады.
Егер заңнамалық кесiмдермен Министрлiкке кірістер әкелетiн қызметтi жүзеге асыру құқығы берiлсе, онда мұндай қызметтен алынған кiрiстер республикалық бюджеттiң кiрiсiне жiберіледi.
2. Министрлiктiң негiзгі мiндеттерi, функциялары және құқықтары
ҚР Үкіметінің 06.10.03 ж. № 1027 (бұр. ред. қара); 05.12.03 ж. № 1235 (бұр. ред. қара); 23.12.03 ж. № 1302 қаулыларымен 9-тармақ өзгертілді
9. Министрлiктiң негiзгi мiндеттерi:
1) индустрия саласында, соның ішінде өнеркәсіптің тау-кен металлургия, химия, өңдеу салаларында, саудада, сәулетте және құрылыста, тұрғын үй-коммуналдық салада, стандарттауда, метрологияда және сертификаттауда, инвестициялық және инновациялық қызметте мемлекеттік саясат әзiрлеу және оны iске асыруға қатысу;
2) шағын бизнестi, инвестициялар мен инновациялық қызмет субъектiлерiн мемлекеттік қолдау;
3) ресурстық және технологиялық базаны қайта құру негізiнде өз құзыретi шегінде өнеркәсіп, құрылыс және тұрғын үй-коммуналдық салаларды дамыту және реформалау бағдарламаларын әзiрлеу;
4) сауда қызметiн мемлекеттік реттеу саласында басымдықтар әзiрлеу;
5) өз құзыреті шегiнде Қазақстанның Дүниежүзiлiк сауда ұйымына (ДСҰ) кіру және Еуразия Экономикалық Қоғамдастығына (ЕурАзЭҚ) және өзге де халықаралық сауда ұйымдары мен одақтарға мүшелiк мәселелерi жөнiнде саясат әзiрлеу және жүргiзу;
6) тауарлар импорты кезiнде iшкi рынокты қорғау жөнiнде шаралар кешенiн жүргiзу;
7) адамның өмiр сүруiнiң және тыныс-тiршiлiгiнiң толыққанды ортасын қалыптастыру, әлеуметтiк өндiрiстiк, көлiктiк инженерлiк және коммуникациялық инфрақұрылымын дамыту бағдарламаларын әзiрлеуге қатысу;
8) өнеркәсiп саласында Қазақстан Республикасының ғылыми-техникалық және технологиялық дамуының негiзгi бағыттарын әзiрлеуге қатысу және iске асырылуын қамтамасыз ету;
9) мемлекеттік қорғаныстық тапсырыс пен конверсиялық бағдарламаларды қалыптастыру, орналастыру және орындау саласындағы мемлекеттік саясатты iске асыруға қатысу;
9-1) қорғаныс-өнеркәсіп кешенiнің мәселелерi бойынша мемлекетаралық әскери-техникалық ынтымақтастыққа қатысу;
10) тарифтiк және тарифтiк емес реттеу әдiстерiмен сыртқы сауда қызметiн реттеуге қатысу;
11) отандық өндiрушiлердi қорғау жөнiнде демпингке қарсы бақылауды және шаралар кешенiн жүргiзуi қамтамасыз ету;
12) мемлекеттік активтердi тиiмдi басқару саясатын жүргізуге қатысу;
13) экспорттық бақылау саласында мемлекеттік органдардың қызметiн үйлестіру;
14) мемлекеттік органдардың шағын бизнестi қолдау саласындағы iс-қимылын үйлестiру;
15) кәсiпкерлердiң құқықтарын қорғауға бағытталған заңнаманың сақталуын бақылауды жүзеге асыру;
16) өнеркәсiп, жобалау және құрылыс өнiмiн қоса алғанда, өнiм сапасын мемлекеттік бақылауды жүзеге асыру;
17) ғылыми-техникалық салада кәсiпкерлiктi, инновациялық қызметті дамыту, ғылыми-техникалық өнiм рыногын қалыптастыру үшiн қажеттi жағдайлар жасау;
18) Қазақстан Республикасында инвестициялық саясаттың даму стратегиясын, сондай-ақ инвестициялық ахуалды жақсарту жөніндегі шараларды әзiрлеу және iске асыру;
19) мүдделі мемлекеттік органдармен бiрлесiп, ықтимал инвесторларды тарту және инвестициялық және инновациялық жобаларды iске асыру жөнiнде ұйымдарға жәрдемдесу;
19-1) инновациялық қызметтi дамытуды және инновациялық қызмет субъектілерінің мүдделерiн қорғауды қамтамасыз ететiн нормативтік құқықтық базаны қалыптастыру;
19-2) Қазақстан Республикасының экономикасы үшiн стратегиялық маңызы бар инновацияларды және инновациялық қызметтің мамандандырылған субъектiлерiн құруға қатысу;
19-3) инновациялық қызметті дамыту жөніндегі мемлекеттік органдардың қызметiн үйлестiру;
19-4) инновациялық қызмет саласындағы халықаралық ынтымақтастыққа жәрдемдесу;
20) оған заңнамамен жүктелген өзге де мiндеттер болып табылады.
ҚР Үкіметінің 08.04.03 ж. № 334; (бұр. ред. қара); 06.10.03 ж. № 1027 (бұр. ред. қара); 05.12.03 ж. № 1235 (бұр. ред. қара); 23.12.03 ж. № 1302 қаулыларымен 10-тармақ өзгертілді
10. Министрлiк өз құзыреті шегiнде және заңнамамен белгіленген тәртiппен мынадай функцияларды жүзеге асырады:
1) индустрия, оның iшiнде өнеркәсіптің кен металлургия, химия, өңдеу салаларында, тұрғын үй-коммуналдық саладағы, сауда, құрылыс, стандарттау, метрология және сертификаттау, инвестициялық және инновациялық қызмет салаларында мемлекеттік саясатты әзiрлейдi және iске асырады;
2) шағын бизнесті, инвестициялар мен инновациялық қызмет субъектiлерiн мемлекеттік қолдауды жүзеге асырады;
3) Министрлiктiң құзыретiне кiретiн бағыттар бойынша мемлекеттік және салалық (секторальдық) бағдарламаларды әзiрлейдi және үйлестiредi;
4) Қазақстан Республикасы Үкіметінiң Регламентiне сәйкес нормативтiк құқықтық кесiмдер жобаларының сараптамасын жүзеге асырады;
5) инвестициялық жобалардың және құрылыс жобаларының сараптамасын жүргiзедi;
6) өз қызметi саласында заңнаманың қолданылу практикасын талдайды және қорытады, оны жетiлдiру жөнiнде ұсыныстар әзiрлейдi, нормативтiк құқықтық кесiмдер жобаларын әзiрлеуге қатысады, оларды Қазақстан Республикасы Үкіметінiң қарауына енгiзедi;
7) мемлекеттік активтердi тиiмдi басқару саясатын жасауға және оны iске асыруға қатысады;
8) өз құзыретi шегінде тауарлардың (жұмыстардың, қызметтер көрсетудiң) және өзге де қызмет түрлерiнiң экспорты мен импортын лицензиялауды, сондай-ақ лицензиаттардың белгiленген біліктiлiк талаптарының және лицензиялық ережелердiң орындалуын бақылауды жүзеге асырады;
9) Қазақстан Республикасының және басқа да елдердiң ұйымдарымен келiссөздер жүргізеді және шарттар жасасады;
10) индустрияны басқару саласында:
индустрия және инновация саясатын iске асыру жөніндегі iс-қимылдардың салааралық жоспарларын әзiрлеудi және ұйымдастыруды жүзеге асырады;
елдiң өнеркәсiп және құрылыс кешендерiнiң даму жоспарларын әзiрлейдi;
ғылыми-техникалық зерттеулердiң даму жағдайына және серпiнiне талдау жүргізедi, зерттеу нәтижелерiнiң технологиялық сараптамасын жүзеге асырады және оларды өнеркәсiптiк игеру және енгізу үшiн ұсынымдар бередi;
конкурстық негiзде қолданбалы ғылыми-техникалық зерттеулер бағдарламаларын, инновациялық бағдарламаларды қалыптастыруды жүзеге асырады;
ғылыми сыйымды өндiрiс құруға және оқытуға бағытталған ғылыми-техникалық бағдарламаларды орындаушы ұйымдардың республикалық бюджеттiң қаражаты есебiнен жүргiзiлетiн ғылыми, конструкторлық, технологиялық және инновациялық жұмыстардың жүргiзiлуiн үйлестiредi;
қорғаныс өнеркәсiбiн конверсиялау және дамыту бағдарламасын iске асырады;
әскери және қосарлы мақсаттағы өнiмдi жасаудың, өндiрудің және жоюдың ағымдағы және ұзақ мерзiмдi бағдарламаларының iске асырылуын бақылауды жүзеге асырады;
мемлекеттік қорғаныстық тапсырысты қалыптастыру, орналастыру және орындау саласындағы мемлекеттік саясатты iске асырады;
қорғаныс тапсырысы тапсырмаларын салааралық үйлестiрудi және орындалуын бақылауды жүзеге асырады;
11) сауданы басқару саласында:
сыртқа сауда саласында басымдықтар әзiрлейдi және мүдделi орталық және жергiлiктi атқарушы органдардың қатысуымен Қазақстан Республикасы басқа мемлекеттермен, халықаралық ұйымдармен жасалатын сауда-экономикалық ынтымақтастық саласындағы шарттар мен келісімдер бойынша ұсыныстар енгізедi;
Қазақстанның ДСҰ-ға мүшелiк мәселелерi бойынша саясат әзiрлеуде және жүргiзуде орталық және жергiлiктi атқарушы органдардың қызметiн үйлестiредi және өз құзыретi шегiнде ЕурАзЭҚ-ға және өзге де халықаралық сауда ұйымдары мен одақтарға қатысады;
Қазақстанның халықаралық экономикалық және қаржы ұйымдарының қызметiне қатысуына байланысты мәселелер бойынша мемлекеттік саясатты қалыптастыруға және iске асыруға, шет елдермен сауда ынтымақтастығы жөнiнде ұсыныстар дайындауға қатысады;
тарифтiк және тарифтiк емес әдiстермен сыртқы экономикалық қызметтi реттеу жөнiнде шаралар әзiрлейдi;
сауда қызметін дамыту және тауарларды өндіру және сату үшiн қолайлы жағдайлар жасау жөнiнде ұсыныстар әзiрлейдi;
iшкі және сыртқы тауар рыноктарының конъюнктурасын зерделейдi және экспорт пен импорт құрылымын жетiлдiру жөнiнде ұсыныстар енгізедi;
импорттың немесе демпингтiк немесе субсидияланған бағалар бойынша импорттың өсуiмен отандық тауар өндiрушiлерге келетiн нұқсанды аластау мәселелерi бойынша салааралық үйлестiрудi жүзеге асырады;
демпингке қарсы, өтемақылық және арнайы қорғау баждарын, сандық шектеулер енгізу мәселелерi бойынша басқа елдердiң мүдделi органдарымен және халықаралық ұйымдармен өзара iс-қимыл жасайды;
тауарлар импорты мен экспортын реттеу жөнiнде шаралар әзiрлейдi;
сыртқы рыноктарға қазақстан тауарларының жетуiн шектейтiн сыртқы сауда дауларын реттеу жөнiнде шаралар әзiрлейді;
экспорттың өсуiне және әртараптануына ықпал етедi;
мүдделi мемлекеттік органдардың қатысуымен шет мемлекеттер рыноктарында өздерiнiң экономикалық мүдделерiн қорғау мәселелерi бойынша қазақстандық өндірушiлер мен экспорттаушыларға әдiстемелiк және ұйымдық көмек көрсетедi;
сауданы дамытумен байланысты мемлекетаралық сауда көрмелерiн, жәрмеңкелерiн, аукциондарын, жарнама және басқа да iс-шараларын жүргiзудi үйлестiредi және оған қатысады;
Қазақстан Республикасының шет елдердегi сауда өкiлдiктерiнiң қызметiне басшылық етедi, сондай-ақ оларды кадрлық қамтамасыз етудi және қаржыландыруды жүзеге асырады;
экспорттық бақылау жүйесiнiң мемлекеттік саясатын iске асыруды қамтамасыз етедi;
12) сәулеттi, қала құрылысын және құрылысты, тұрғын үй-коммуналдық саланы басқару саласында:
сәулеттi, қала құрылысын және құрылыс қызметiн, сондай-ақ тұрғын үй-коммуналдық саланы мемлекеттік басқару саласында басшылықты жүзеге асырады;
осы салада Қазақстан Республикасы аумағында нормативтiк құқықтық кесiмдер талаптарының, мемлекеттік нормативтердiң сақталуына мемлекеттік бақылауды жүзеге асырады;
13) стандарттауды, метрологияны және сертификаттауды басқару саласында:
халықаралық талаптарға сәйкес стандарттау, метрология және сертификаттау саласында бiртұтас ғылыми-техникалық саясатты iске асырады;
осы салада мемлекеттік органдардың, сондай-ақ өзге ұйымдардың және жеке тұлғалардың қызметін үйлестiредi;
14) шағын бизнесті қолдау саласында:
шағын бизнестiң дамуына ықпал жасайды;
республика аймақтарында шағын бизнестiң (кәсiпкерлiктiң) инфрақұрылымын қалыптастыруға және дамытуға ықпал жасайды;
шағын бизнестiң (кәсiпкерлiктiң) жай күйiне және мемлекеттік қолдау шараларының тиiмдiлiгіне талдау жүргiзедi;
шағын бизнесті (кәсiпкерлiктi) дамытудың аймақтық бағдарламаларына талдау жүргiзедi;
шағын бизнесті (кәсiпкерлiктi) қолдауға және дамытуға бағытталған мемлекеттік қаржы қаражатты пайдалану тиiмдiлiгiн бақылауды жүзеге асыруға қатысады;
шағын кәсiпкерлiк субъектiлерiнен сатып алу жүзеге асырылуы тиiс тауарлар (жұмыстар, қызметтер көрсету) түрлерiнiң номенклатурасы және олардың көлемi бойынша ұсыныстар дайындайды;
шағын кәсiпкерлiк субъектiлерiнiң мемлекеттік қаржы, материалдық-техникалық және ақпарат ресурстарын, сондай-ақ ғылыми-техникалық әзiрлемелерді және технологияларды пайдалануының жеңілдiктi жағдайларын жасау туралы ұсыныстар дайындайды;
шағын кәсiпкерлiк субъектiлерiнiң қызметiмен байланысты проблемаларды шешуде орталық және жергiлiктi мемлекеттік органдардың өзара iс-қимылын ұйымдастырады;
оларды қолдауды қамтамасыз ету мақсатында шағын кәсiпкерлiк субъектiлерiне қатысты салық салу жүйесiн жетiлдiру, қаржы және кредит саясатын өзгерту жөнiнде Үкiметке ұсыныстар енгiзедi;
мемлекеттік меншiктегi ғимараттарды, құрылыстарды, өндiрiс үй-жайларын және өзге де мүлiктi шағын кәсiпкерлiк субъектiлерiне жеңiлдiктi беру бойынша ұсыныстар дайындайды;
шағын кәсiпкерлiктiң дамуына жәрдемдесетiн шетелдiк әрiптестермен сауда, ғылыми-техникалық, өндiрiстiк және өзге де байланыстардың дамуын қоса алғанда, шағын кәсiпкерлiктi, оның субъектiлерiнiң сыртқы экономикалық қызметiн мемлекеттік қолдауды жүзеге асырады;
Қазақстан Республикасының Президентi мен Үкіметін шағын кәсiпкерлiктi қорғау және мемлекеттік қолдау мәселелерi жөніндегі заңнаманың бұзылуына ықпал ететiн себептер мен жағдайларды жою жөнiнде қабылданған шаралар туралы хабардар етедi;
15) инвестицияларды мемлекеттік қолдауды жүзеге асырады;
15-1) елдiң инновациялық дамуы саласында:
елдiң инновациялық даму болжамдарын әзiрлейдi;
инновациялық қызметті дамыту жөніндегі мемлекеттік органдардың қызметiн үйлестiрудi жүзеге асырады;
Қазақстан Республикасының экономикасы үшiн стратегиялық маңызы бар салааралық инновациялық бағдарламаларды, инновациялар мен инновациялық қызметтiң мамандандырылған субъектiлерін құру жөніндегі ұсыныстарды әзiрлейдi және оларды Қазақстан Республикасының Үкіметіне бекітуге енгiзедi;
Қазақстан Республикасының заңнамасына сәйкес инновациялық қызметтi қаржыландыру және ынталандыру, инновацияларды құруға мемлекеттік тапсырысты орналастыру жөніндегi нормативтiк құқықтық кесiмдердiң жобаларын әзірлейді;
үлгi құжаттардың нысандарын, мемлекеттік сараптаманы ұйымдастыру мен өткізу тәртібін, инновациялық жобаларды конкурстық іріктеу және қаржыландыру ережелерiн әзiрлейдi;
16) оған заңнамамен жүктелген өзге де функцияларды жүзеге асырады.
ҚР Үкіметінің 06.10.03 ж. № 1027 (бұр. ред. қара); 05.12.03 ж. № 1235 (бұр. ред. қара); 23.12.03 ж. № 1302 қаулыларымен 11-тармақ өзгертілді
11. Министрлiк өзiне жүктелген мiндеттердi iске асыру және өз функцияларын жүзеге асыру үшiн заңнамада белгiленген тәртiппен:
1) Қазақстан Республикасының Үкіметіне өнеркәсiптi, сауданы, құрылысты, тұрғын үй-коммуналдық саланы, стандарттауды, метрологияны және сертификаттауды басқару, шағын бизнестi және инвестицияларды мемлекеттік қолдау, мемлекеттік қорғаныстық тапсырысты қалыптастыру, орналастыру және орындау, елдің инновациялық дамуы саласындағы мемлекеттік саясаттың негiзгi бағыттары бойынша ұсыныстар енгізуге;
2) өз құзыретi шегінде орталық және жергiлiктi атқарушы органдардан қажеттi ақпаратты сұрауға және алуға;
3) өз құзыретi шегiнде нормативтiк құқықтық кесiмдер шығаруға;
4) өз құзыретіндегi мәселелер бойынша халықаралық ұйымдармен және шетелдiк заңды тұлғалармен келiссөздер жүргiзуге және келісімдер жасасуға;
5) сараптамалар және консультациялар жүргiзу үшін орталық және жергiлiктi атқарушы органдардың мамандарын, сондай-ақ тәуелсiз сарапшыларды тартуға;
6) Қазақстан Республикасының басқа мемлекеттермен, халықаралық ұйымдармен жасасатын сауда-экономикалық шарттары мен келісімдерi бойынша ұсыныстар енгізуге;
7) Министрлiктiң ведомстволық бағынысындағы ұйымдар банкроттығының алдын алу жөнiнде ұсыныстар енгізуге;
8) қорғаныс өнеркәсiбi конверсиясын iске асыруға қатысуға;
9) iшкi және сыртқы рыноктарда отандық тауар өндiрушiлер өнiмiнiң бәсекелестiк қабiлетiн бағалауға және жылжуына мемлекеттік қолдауды қамтамасыз етуге, өнеркәсiптiң импорт алмастыру және бәсекелестiк қабiлеттiлiгiн арттыру саясатын iске асыру шеңберiнде тиiстi бағдарламалар әзiрлеуге;
10) ведомстволық бағыныстағы ұйымдарды құру, қайта ұйымдастыру және тарату мәселелерi бойынша ұсыныстар енгізуге;
11) Министрлiктiң қарауындағы республикалық мемлекеттік кәсiпорындарды мемлекеттік басқару органы болуға;
12) Үкiмет шешімдерi бойынша Министрлiктiң құзыретi аясында қызметiн жүзеге асыратын заңды тұлғалар акцияларының мемлекеттік үлестерін және пакеттерiн иелену және пайдалану жөніндегі функцияларды жүзеге асыруға;
13) заңнамамен жүктелген өзге де құқықтарды жүзеге асыруға құқығы бар.
3. Министрлiктiң мүлкi
12. Министрлiктiң жедел басқару құқығында оқшауланған мүлкі болады.
Министрлiктiң мүлкi оған мемлекет берген мүлiктiң, сондай-ақ құны Министрлiктiң теңгерiмiнде көрсетiлетiн өзге де мүлiктен тұрады.
13. Министрлiкке бекітілген мүлiк республикалық меншiкке жатады.
14. Егер заңнамалық кесiммен өзге белгiленбесе, Министрлiк өзiне бекітілген мүлiктi және оған смета бойынша бөлiнген қаражат есебiнен сатып алынған мүлiктi өздiгiнен шеттетуге немесе өзге тәсiлмен билiк етуге құқығы жоқ.
4. Министрлiктiң қызметiн ұйымдастыру
ҚР Үкіметінің 29.07.03 ж. № 759 қаулысымен 15-тармақ өзгертілді
15. Министрлiктi Қазақстан Республикасының Президентi қызметке тағайындайтын және қызметтен босататын Министр басқарады.
Қазақстан Республикасының Үкіметі Министрдiң өз ұсынысы бойынша қызметке тағайындайтын және қызметтен босататын бес орынбасары (вице-министрлерi), соның iшiнде бiр бiрiншi вице-министрi болады.
16. Министр Министрлiктiң жұмысын ұйымдастырады және басшылық жасайды және Министрлiкке жүктелген мiндеттердiң орындалуына және оның өз функцияларының жүзеге асырылуына жеке жауап бередi.
17. Министр осы мақсаттарда:
1) өз орынбасарларының және Министрлiктiң құрылымдық бөлiмшелерi басшыларының мiндеттерi мен өкiлеттiктерiн белгiлейдi;
2) заңнамаға сәйкес Министрлiк қызметкерлерiн лауазымдарға тағайындайды және лауазымдардан босатады;
3) заңнамамен белгiленген тәртiппен Министрлiк қызметкерлерiн көтермелеу, материалдық көмек көрсету мәселелерiн шешедi және тәртiптiк жаза қолданады;
4) бұйрықтарға қол қояды;
5) өз құзыретi шегiнде Министрлiктiң құрылымын және құрылымдық бөлiмшелерi туралы ережелердi бекiтедi;
6) Министрлiктi барлық мемлекеттік органдарда және өзге ұйымдарда бiлдiредi;
7) Министрліктің жұмыс регламентін бекітеді;
8) заңнамаға сәйкес өзге де өкiлеттiктердi жүзеге асырады.
18. Министрлiк қабылдайтын шешiмдер Министрдiң бұйрықтарымен ресiмделедi.
19. Министрлiктiң Министр жанындағы консультативтiк-кеңесшi орган болып табылатын Алқасы болады. Министр Алқаның сандық және дербес құрамын Министрліктің құрылымдық бөлімшелері басшыларының қатарынан бекітеді.
5. Министрлікті қайта ұйымдастыру және тарату
20. Министрлікті қайта ұйымдастыру және тарату заңнамада белгіленген тәртіппен жүргізіледі.
Қазақстан Республикасы
Yкіметінiң
2002 жылғы 12 қыркүйектегi
№ 996 қаулысымен
бекітілген
Қазақстан Республикасы Индустрия және сауда министрлігінiң
қарауындағы ұйымдардың тiзбесi
ҚР Үкіметінің 21.11.02 ж. N 1233; 12.05.03 ж. № 442; 20.05.03 ж. № 467; 22.01.04 ж. № 68; 10.03.04 ж. № 295; 21.05.04 ж. № 570; 31.08.04 ж. № 921 қаулыларымен тізбе өзгертілді
Республикалық мемлекеттік кәсiпорындар
1. «Қазақстан Республикасы Индустрия және сауда министрлігінiң Машина жасауды болжау жөніндегі ғылыми-зерттеу орталығы» республикалық мемлекеттік қазыналық кәсiпорны, Қарағанды қаласы;
2. «Қазақстан Республикасы Индустрия және сауда министрлігінiң «Машина жасау» салааралық ғылыми-технологиялық орталығы» республикалық мемлекеттік қазыналық кәсiпорны, Алматы қаласы;
3. «Қазақстан Республикасының Индустрия және сауда министрлігі Қазақстан Республикасының минералдық шикiзатын кешендi қайта өңдеу жөніндегі ұлттық орталығы» республикалық мемлекеттік қазыналық кәсiпорны (шаруашылық жүргiзу құқығында), Алматы қаласы;
