Қазақстан Республикасының Үкіметі жанынан Стратегиялық объектілер жөнінде комиссия құру туралы
Қазақстан Республикасы Үкіметінің 2007 жылғы 23 қарашадағы № 1125 Қаулысы
(2010.18.06. берілген өзгерістер мен толықтыруларымен)
Осы редакция 2010 жылғы 28 желтоқсанда енгізілген өзгерістеріне дейін қолданылды
«Қазақстан Республикасының ұлттық қауіпсіздігі туралы» Қазақстан Республикасының 1998 жылғы 26 маусымдағы Заңының 11-бабына сәйкес Қазақстан Республикасының Үкіметі ҚАУЛЫ ЕТЕДІ:
1. Қазақстан Республикасының Үкіметі жанынан Стратегиялық объектілер жөніндегі комиссия (бұдан әрі - Комиссия) құрылсын.
2. Қоса беріліп отырған:
1) Комиссияның құрамы;
2) Комиссия туралы ереже бекітілсін.
3. Осы қаулы қол қойылған күнінен бастап қолданысқа енгізіледі.
| Қазақстан Республикасының Премьер-Министрі | К. Мәсімов |
ҚР Үкіметінің 2008.15.04. № 345 Қаулысымен (бұр.ред.қара); 2008.31.12 № 1327 Қаулысымен (бұр. ред. қара); 2009.25.05 № 767 Қаулысымен (бұр.ред.қара); 2009.18.07 № 1095 Қаулысымен (бұр.ред.қара); 2009.09.12 № 2053 Қаулысымен (бұр.ред.қара); 2010.18.06. № 612 қаулысымен (бұр.ред.қара) құрам өзгертілді
Қазақстан Республикасы
Үкіметінің
2007 жылғы 23 қарашадағы
№ 1125 қаулысымен
бекітілген
Қазақстан Республикасының Үкіметі жанындағы Стратегиялық объектілер жөніндегі комиссияның
құрамы
| Шөкеев Өмірзақ Естайұлы | - Қазақстан Республикасы Премьер-Министрінің бірінші орынбасары, төраға |
| Шварцкопф Илона Альбертовна | - Қазақстан Республикасының Экономикалық даму және сауда министрлігі Мемлекеттік активтерді басқару саясаты департаментінің директоры, хатшы, |
| Ақылбай Серік Байсейітұлы | - Қазақстан Республикасы Парламентінің Сенаты Заңнама және құқықтық мәселелер комитетінің хатшысы (келісім бойынша) |
| Котович Валерий Николаевич | - Қазақстан Республикасы Парламентінің Мәжілісі Экология және табиғатты пайдалану мәселелері комитетінің хатшысы (келісімбойынша) |
| Сабильянов Нұртай Салихұлы | - Қазақстан Республикасы Парламентінің Мәжілісі Қаржы және бюджет комитетінің мүшесі (келісім бойынша) |
| Өтемісов Шавхат Әнесұлы | - Қазақстан Республикасы Парламентінің Мәжілісі Экологиялық реформа және өңірлікдаму комитетінің мүшесі (келісім бойынша) |
| Ақшолақов Болат Оралұлы | - «Самұрық-Қазына» ұлттық әл-ауқат қоры» акционерлік қоғамының басқарушы директоры (келісім бойынша) |
| Мағауов Әсет Маратұлы | - Қазақстан Республикасының Мұнай және газ вице-министрі; |
| Дүйсембаев Еркін Сейдеғалиұлы | - Қазақстан Республикасының Көлік және коммуникация вице-министрі |
| Кұсдәулетов Дулат Рашитұлы | - Қазақстан Республикасының Әділет вице-министрі |
| Дәленов Руслан Ерболатұлы | - Қазақстан Республикасының Қаржы вице-министрі |
| Кулинич Александр Васильевич | - Қазақстан Республикасы Ішкі істер министрінің орынбасары; |
| Шаймағамбетов Еркін Мұстафаұлы | - Қазақстан Республикасы Ұлттық ғарыш агенттігі төрағасының орынбасары |
| Смағұлов Қайрат Молдрахманұлы | - Қазақстан Республикасы Табиғи монополияларды реттеу агенттігі төрағасының орынбасары |
| Беккер Владимир Робертович | - Қазақстан Республикасы Төтенше жағдайлар министрлігінің Өртке қарсы қызмет комитеті төрағасының орынбасары |
| Бишімбаев Қуандық Уәлиханұлы | - Қазақстан Республикасының Экономикалық даму және сауда вице-министрі, төрағаның орынбасары, |
| Квятковский Эдуард Олегович | - Қазақстан Республикасы Индустрия және жаңа технологиялар министрлігінің жауапты хатшысы, |
| Сарыбеков Махметғали Нұрғалиұлы | - Қазақстан Республикасының Білім және ғылым вице-министрі, |
| Сәрсенов Сәкен Сейітжаппарұлы | - Қазақстан Республикасының Байланыс және ақпарат вице-министрі, |
| Жігітеков Нұржан Рахметханұлы | - Қазақстан Республикасының Ұлттық қауіпсіздік комитеті төрағасының бірінші орынбасары (келісім бойынша); |
Қазақстан Республикасы
Үкіметінің
2007 жылғы 23 қарашадағы
№ 1125 қаулысымен
бекітілген
Қазақстан Республикасының Үкіметі жанындағы стратегиялық объектілер жөніндегі комиссия туралы
ереже
1. Жалпы ережелер
1. Қазақстан Республикасының Үкіметі жанындағы Стратегиялық объектілер жөніндегі комиссия (бұдан әрі - Комиссия) Қазақстан Республикасының Үкіметі жанындағы консультативтік-кеңесші орган болып табылады.
2. Комиссия өз қызметінде Қазақстан Республикасының Конституциясы мен заңдарын, Қазақстан Республикасының өзге де нормативтік құқықтық актілерін, сондай-ақ осы Ережені басшылыққа алады.
2. Комиссияның міндеттері мен құқықтары
ҚР Үкіметінің 2010.19.05. № 448 Қаулысымен 3-тармақ өзгертілді (бұр.ред.қара)
3. Комиссияның негізгі міндеттері:
1) мыналар:
стратегиялық объектілерге үшінші тұлғалардың құқықтарымен ауыртпалық салу;
стратегиялық объектілерді иеліктен шығару және оларды стратегиялық объект меншігінде немесе кепілінде тұрған жеке және заңды тұлғалардан мемлекеттің сатып алуы;
жеке және заңды тұлғаларға тиесілі стратегиялық объектілермен Қазақстан Республикасының ұлттық мүддесіне қауіп төндіруі мүмкін азаматтық-құқықтық мәмілелер жасасуға рұқсат беру немесе рұқсат беруден бас тарту;
иеліктен шығарудың ерекше шарттары және стратегиялық объектіні сатып алушыларға қойылатын қосымша талаптар жөнінде ұсынымдар мен ұсыныстар әзірлеу;
2) ұлттық холдингтердің және (немесе) ұлттық компаниялардың не олардың аффилиирленген тұлғаларының, сондай-ақ мемлекет қатысатын өзге заңды тұлғалардың жарғылық капиталына берілген және (немесе) олардың меншігіндегі стратегиялық объектілердің және мемлекетпен аффилиирленбеген заңды тұлғалардың, сондай-ақ жеке тұлғалардың меншігіндегі стратегиялық объектілердің тізбелерін қалыптастыру жөнінде ұсыныстар әзірлеу;
3) Қазақстан Республикасы Үкіметінің қарауына ұсыныстар енгізу болып табылады.
4. Өз міндеттеріне сәйкес Комиссия:
1) орталық атқарушы және басқа да мемлекеттік органдармен және ұйымдармен өзара іс-қимыл жасасуға;
2) Комиссияның құзыретіне кіретін мәселелер бойынша Комиссияның отырыстарына мемлекеттік органдардың және ұйымдардың өкілдерін, сондай-ақ Қазақстан Республикасының жеке тұлғаларын шақыруға және тыңдауға;
3) заңнамада белгіленген тәртіппен мемлекеттік және басқа да ұйымдардан, сондай-ақ жеке тұлғалардан Комиссияның міндеттерін іске асыру үшін қажетті материалдарды сұратуға және алуға құқылы.
3. Комиссияның қызметін ұйымдастыру
5. Комиссияны төраға - Қазақстан Республикасы Премьер-Министрінің орынбасары басқарады. Комиссияның төрағасы оның қызметіне басшылық жасайды, Комиссияның отырыстарында төрағалық етеді, оның жұмысын жоспарлайды, оның шешімдерінің іске асырылуын жалпы бақылауды жүзеге асырады және Комиссия жүзеге асыратын қызмет, сондай-ақ салааралық және ведомствоаралық үйлестіру үшін және Комиссия әзірлейтін шешімдер үшін қолданыстағы заңнамаға сәйкес дербес жауап береді.
Төраға болмаған уақытта оның функцияларын орынбасары орындайды.
ҚР Үкіметінің 2010.18.06. № 612 қаулысымен 6-тармақ өзгертілді (бұр.ред.қара)
6. Қазақстан Республикасы Экономикалық даму және сауда министрлігі Комиссияның жұмыс органы болып табылады, ол Комиссияның қызметін ұйымдық-ақпараттық қамтамасыз етуді жүзеге асырады.
7. Комиссия отырысының күн тәртібі бойынша ұсыныстар және Комиссияның отырысына басқа да қажетті материалдар дайындауды оларды Комиссия мүшелеріне отырысқа дейін кемінде 3 күн бұрын жіберетін Комиссия хатшысы жүзеге асырады. Комиссия отырысының хаттамасын ресімдеуді Комиссия хатшысы жүзеге асырады.
8. Комиссия отырыстары қажеттілігіне қарай өткізіледі. Комиссия отырысы Комиссия мүшелерінің жалпы санының кемінде үштен екісі қатысқан жағдайда заңды болып саналады.
9. Комиссияның шешімдері ашық дауыс беру арқылы қабылданады және егер оған Комиссия мүшелерінің жалпы санының көпшілігі дауыс берген жағдайда қабылданды деп есептеледі. Дауыстар тең болған жағдайда төраға дауыс берген шешім қабылданды деп саналады.
Комиссия мүшелерінің ерекше пікір білдіруге құқығы бар, ол білдірген жағдайда жазбаша түрде айыпталуы және Комиссия хаттамасына қоса берілуі тиіс.
10. Комиссияның отырыстарын өткізу нәтижелері бойынша оның барлық мүшелері қол қоятын хаттама жасалады.
Жұмыс органы Комиссия отырысының хаттамасын Қазақстан Республикасының Үкіметіне жібереді.
11. Комиссия өз қызметін Қазақстан Республикасы Үкіметінің шешімі негізінде тоқтатады.
