(БҰРЫНҒЫ РЕДАКЦИЯ) ҚР ҮКІМЕТІНІҢ 18.06.04 Ж. № 669 ҚАУЛЫСЫ

Газ таратушы газ құбырлардың техникалық жай-күйi. Газ құбыры жүйесiнiң технологиялық құрамдас бөлiгі оның басты қызметi ең аз шығыстармен тұтынушыға газды жеткізу және өткiзiлетiн газдың қатаң есепке алынуын қамтамасыз ететiн, орта және төмен қысымдағы деп аталатын газ құбырларының өңiрлiк таратушы жүйелерi болып табылады. Алайда, газ таратушы құбырлардың ағымдағы техникалық жай-күйi негізгі құралдар мен жабдықтардың тым тозуымен сипатталады.

Мысалы, "Өңiрлiк газ тасымалы жүйесi" ЖАҚ ("ӨГЖ" ЖАҚ) құрылымдық бөлiмшелерi пайдаланатын газ таратушы тораптар бойынша газ құбырларының шамамен 40%-ы апат алдындағы жағдайда, бұл ретте құрал-жабдықтар мен тұрба құбырларының 26%-дан астамы болат тұрбаларды пайдалануының нормативтiк мерзiмдерi 25 жыл болған кезде 35 жылдан астам уақыт пайдаланылуда. Оның үстiне газ құбырларының шамамен 40% ұзындығы бойына электр химия қорғанышы жүйесiнсiз пайдаланылғандықтан газ құбырларының шапшаң тозады. Газ тарату станцияларының (ГТС) жартысы дерлiк және шкафты тарату пункттерiнiң (ШТП) үштен бiрi жөндеудi немесе ауыстыруды талап етедi.

Газ тарату жүйесіндегі газды жоғалтулардың талдауы көрсеткендей газ сату көлемiнiң 3-5% аспайтын шаманы құрайтын нормативтiк шығыстардан едәуiр асып кететiнiн көрсетедi. Бiрқатар газ тарату компанияларында, мысалы, Оңтүстiк Қазақстан облысында өз қажеттілiктерiне және шығындар деп аталатын газ шығыны (СНиП) жеткiзiлетiн газдың көлемiнiң 30%-на дейiн жеттi. Оның үстiне Жамбыл облысында газ құбырларының әбден тозуынан газ құбырлары трассасы бойында тұтану қаупiн төндiретiн газдың әуеге шығу оқиғалары бiрнеше рет тiркелдi.

Газ тарату құбырларын пайдалану байқау және апаттық өтiнiштердi қанағаттандыру жиiлiгiн арттыру есебiнен қосымша шығыстарды талап етедi. Жердегi жұмыстардың көлемi көбейедi, бұл қосымша құрылыс техникасын сатып алу қажеттілiгі техникалық персонал штатының кеңеюi, апаттық қосалқы тұрбалар мен тығындауыш арматураны сатып алумен iлесе жүргізiледi. Газ құбырларының бұзылуы, әсiресе, жер сiлкiну қаупi бар аудандар мен таттану белсендiлiгі жоғары топырақты жерлерде жаппай сипатталуы мүмкiн. Газ құбырларының апаттық iстен шығуы газ шығынымен және қосарлы коммуникацияларда, үйлердiң подвалдарында, құдықтарда және т.б. жарылыс қауiптi қоспаларды жасаумен байланысты. Газ құбырларында жүргізiлетін күрделi жөндеулер тұтастай алғанда газ таратушы тораптардың пайдалану мерзiмiн ұзартудың кепiлдiгiн қамтамасыз етпейдi.

Таратушы тораптардың техникалық қайта құрылымдау қажеттiлiгi сонымен бiрге, совет кезеңiнде салынған қалалар мен елдi мекендердi жабдықтаудың қолданыстағы схемалары газ шығынын есептеу құралдарынсыз теңгермелiк әдiспен үздiксiз газ жабдықтауға есептелген және жекелеген тұтынушыларды жедел айыруды бақылау схемалары, әдетте сақиналық схемамен орындауға есептелмегендiгінде. Бұдан басқа өндiрiлген жаңа материалдар мен газды тасымалдау технологияларын сыннан өткізу үлкен диаметрлi, төмен қысымды газ құбырларын бұрынғы қауiпсiздiк деңгейiн сақтай отырып, кiшi диаметрлi орташа қысымды газ құбырларымен алмастыруды жүзеге асыруға мүмкiндiк бередi, ол өз кезегiнде тұрбаларды, реттеушi және бақылау-өлшеу жабдықтарын сатып алу шығындарын азайтуға жеткізеді.

Сайып келгенде, газ құбырлары мен олардың құрылғыларының жай-күйiн қысқаша талдау олардың жұмыс iстеуi кезінде техникалық сенiмдiлігі мен экологиялық қауiпсiздігін көтеру, жоғарғы нормативтi технологиялық рәсуаларды азайту және газ құбырларының жобалық қуаттарын қалпына келтiру үшін, өңiрлiк газ тарату тораптарын қоса алғанда, газ тасымалдаудың барлық газ-көлiктiк жүйесiн қайта жаңарту мен жаңғырту жөніндегі кешендi бағдарламаны iске асыру қажеттiгін көрсетедi.

1.5. Табиғи және сұйытылған газдың халықаралық рыногы

Табиғи газдың әлемдiк қорлары 146 трлн. текше м. деп бағаланады. Алайда, табиғи газдың дәлелденген негiзгi қорлары негізiнен екi өңiрде шоғырланған: ТМД (38,4 %) және Таяу Шығыс елдерiнде (33,6 %). Батыс Еуропаның елдерiне әлемдiк қордың небәрi 3 %-ы ғана тиесiлi, оның көп бөлiгi Норвегияның құрлықтық айлағына тиедi.

Евразия құрлығында, Қазақстан газын жеткізуде мүдделерi бар өңiрлерге газды жеткізушiлер және негiзгi өндiрушiлер Ресей, Түркiменстан, Өзбекстан, Таяу Шығыс елдерi, Алжир және Норвегия болып табылады. Тұтыну рыногының, бiрiншi кезекте табиғи газдың дамуымен бiр мезгілде, Еуропа Одағы мен Азия-Тынық мұхит өңiрiнiң елдерi газ тұрба құбырларымен тасымалдауда шартты дамушы болып қалып отыр.

Еуропаның газ рыногы елеулi құрылымдық өзгерiстердi бастан кешiрiп отыр. Еуропалық Одақ соңғы жылдары нәтижесiнде жеткізушiлер мен еуропалық тұтынушыларға құбыр өткiзгіш көлiкке қол жеткізуге және газ жеткiзiлiмiне келісім-шарттар жасауға тең мүмкiндiктер беруi тиіс газ рыногын ырықтандыруға дәйектi бағыт ұстады. Мәселен, 1998 жылғы 11 мамырда ЕО энергетикасы министрлерiнiң кеңесi Табиғи газдың iшкi рыноктағы бiрегей ережесін енгізу туралы директивасын (EO "газ директивасын") бекiттi. Қазiргi уақытта Еуропаның газ импортына сұранысы 162 млрд. текше м. деңгейiнде қалыптасып отыр, 2010 жылға бұл көрсеткiштiң өсуi 427 млрд. текше м. дейiн болады деп болжанады.

Еуропалық Одақтың аумағында табиғи газ рыногы 10 жыл iшiнде толығымен ырықтандырылады және 2008 жылға таман еуропалық газ рыногының 43% бәсекелестiк үшiн ашық болады деп болжануда. Табиғи газбен бiрге СТГ сұранысы өсе түскендiгi байқалғанын атап өткен жөн. Егер 1995 жылы 26 млн. тонна СТГ тұтынылса, онда 2000 жылы бұл тұтыну 28,5 млн. тоннаны құрады, ал 2005 жылы сұранымның артуы жылына 33 млн. тонна болады деп күтiлуде.

Мұнай мен газды тасымалдаудың көптеген жобаларының белсендi қатысушысы Түркия болып табылады. Қазiргi кезде Түркияға табиғи газды жеткізу Ресейден Трансбалкан газ құбыры және "Көгiлдiр ағын" газ құбыры арқылы жылдық көлемi сәйкесінше 6 және 8 млрд. текше м. жүзеге асырылады. Бұдан басқа, келешекте Ираннан - 10 млрд. текше м. газ, Алжирден - 4 млрд. текше м. дейiн сұйытылған табиғи газ және Нигериядан 1,2 млрд. текше м. дейiн газ жеткізудi көбейту жоспарланып отыр.

2002 жылы Түркияның газды тұтынуы 17,6 млрд.текше м. құрады, оның 11,6 млрд. Ресейден жеткiзiлдi. Түркиядағы газды негiзгi тұтынушылар электр энергиясын шығаратын компаниялар болып табылады, олардың үлесiне 2002 жылы елдегi жалпы газды тұтынудың 66%-ы тиесiлi болды. Болжам бойынша жалпы сұраным 2005 жылы 32 млрд. текше м. құраса, бұл көрсеткiш 2010 жылы - 55 және 2020 жылы 80 млрд. текше м. дейiн өсуi мүмкiн.

Бiрақ та, егер қазiргi уақытта алынатын газ көлемi iшкi сұранысты қанағаттандыруға арналса, жақын арада Түркия газды еуропаға жеткізушi "көлiктiк" коридор болуға үмiт артады, соған орай бiр қатар газ тасымалдау жобаларымен жұмыстар белсендi жүргiзiлуде. Қазақстан Түркия үшiн газ жеткізу үшiн де және Қазақстаннан Түркияға 20 млрд. текше м. газ жеткiзiлуi мүмкiндiгi шартталған "Баку-Джейхан" мұнай құбыры жобасына қатысушы елдер арасындағы Анкара декларациясын есепке алғанда, үшiншi елдерге газ транзитi үшiн де тартымды.

Қытай. Қытайдың өзiндiк өндiруi қазiргi уақытта 22 млрд. текше м. құрайды. Бiрақ, орташа алғанда 8% IYӨ жыл сайынғы өсiмiн ескергенде Қытай экономикасын дамыту мемлекеттік бағдарламасы табиғи газды тұтынудың көбеюiн қазiргi уақыттағы 25 млрд. текше м. 2005 жылы 50 млрд. текше м., ал 2010 жылы - 100 млрд. текше м. дейiн көбейтудi көздеп отыр. Осы көлемнiң 40 % шамасындайы электр станцияларына жеткiзiледi деп күтiлуде. Көмiрсутектерiнiң өсiп келе жатқан зәрулiгiн ескерiп, Қытай Таяу Шығыстан тәуелдiлiгiн азайта отырып, импорттық жеткiзiлімдердi әртараптандыруға тырысуда. Географиялық орналасуы тұрғысынан көмiрсутектi экспортқа шығарушы елдер арасынан Қытай үшiн басты орынды Қазақстан мен Ресей алып отыр.

Мәселен, 2005 жылы ҚХР-да Ресей мен Орталық Азияның болашақ экспорттық тұрба құбырларына 2006-2010 жылдары қосу мүмкiндiгiн есепке алатын төрт магистралды газ құбыры iске қосылатын болады. Атап айтқанда, "Батыс-Шығыс" газ құбыры жобасын iске асыру Қытайды газбен жабдықтаудың бiртұтас жүйесiн қалыптастырудың негiзi болады, ол Ресей мен Қазақстан үшiн ҚХР энергетикалық рыногын игерудiң және тұтастай алғанда азиат-тынықмұхит аймағына табиғи және сұйытылған газ жеткiзiлiмдерiнiң жаңа мүмкіндіктерін ашады.

Ресей әлемдегi iрi газ қорының иегерi. Ресей газының үлесiне Батыс Еуропада газ тұтынудың жалпы көлемiнiң 28% тиедi. Кейбір елдерде бұл үлес 60-70%-ке дейiн жетедi, мысалы, Австрияда, Польшада, Германиядағы секiлдi стратегия Еуропада рыноктарды кеңейту мен дамытуға және көлiктiк тiзбектердiң негiзгi буындарын бақылауға негiзделген.

2002 жылы Ресейде газ өндiру 595,3 млрд. текше м. құрады, оның 51,9%-ы өз өндiруiнiң 90% артығын Батыс Сiбiрде жүргiзетiн "ГАЗПРОМ" ААҚ-на тиесiлi. "Газпром" ААҚ 17,3 трлн. текше м. барланған қоры бар 69 кен орындарын әзiрлейдi. Тек Батыс Сiбiрдегi 10 кен орнында 14,0 трлн. текше м. (78%) газ қоры бар. Алайда, Еуропаға газ экспорты мүмкiндiгiнiң өсуi фонында Ресейдегi газ өндiру қарқынының өсуiнiң кейбір артта қалулары, Түркiменстанмен қатар Қазақстанның да құрылу үстіндегі газ альянстары негiзiнде Еуропаға газ экспорттаудың бiрлескен жобаларына қатынасуына мүмкiндiк жасайды.

Сонымен бiр уақытта Ресейде сұйытылған газдың өндiрiсiне мүдделiлiк арта түсуде. Мәселен, Сахалинде жылына 9 млн. тонна қуаты бар СТГ өндiрiсi бойынша зауыттың жобасы iске асырыла бастады және Корсаков мұз қатпайтын портында СТГ экспорттық терминалының құрылысы басталды.

Түркiменстан ТМД елдерiнiң арасында алынатын қорлар мен газ өндiрудің деңгейi бойынша екiншi орынды иеленедi және негізгi 100 газ газконденсаттық кен орындарында шоғырланған құрлықтағы 3 трлн. текше метрден астам жалпы қорға ие. Республика бұдан басқа Каспий теңiзi қайраңы бойынша шамамен 5,5 трлн.текше м. бағаланған қорға ие. Салыстыру бойынша iшкi тұтынудың төмен жағдайында мұндай газ ресурсы республикаға газ экспортының 60-70 млрд. текше м. деңгейiнде әлеуеттiк мүмкiндiк бередi.

Газдың артық қорларының болуы Түркiменстанға түрiк-еуропалық та, шығыс-азиаттық бағытта да Пәкiстан, Үндiстан және Қытай секiлдi елдердiң рыногына шығуымен, газдың экспорттық газ құбырларының жаңа бағыттарын зерттеу бойынша бiрқатар халықаралық жобаларға қатысуға мүмкiндiк бередi. Түркiменстан мен Қазақстанның газды кен орындарының географиялық орналасуы және газды өткізу рыногындағы мүдделердiң тоқайласуы Түркiменстанмен бiрге экспорттық бағыттарды әзiрлеу үшiн Қазақстанның қатынасуына алғышарттар жасайды.

Өзбекстан 52 әзiрленетiн кен орындарында шамамен 3 трлн.текше м. құрайтын барланған газ қорлары бойынша ТМД-да үшiншi орынды иеленедi. Бұл ретте осы қорлардың шамамен 90% Бұхара-Хиуа аумағында шоғырланған. 2002 жылдың басына дәлелденген қорлар 1,87 трлн.текше м. құрады. Соңғы он жылдықта газ өндiру 1,4 есеге артты және 1999 жылы 55,6 млрд. текше м. жеттi. Сарапшылар өзбек газын тек жұмыс iстеп тұрған "Орта Азия-Орталық" магистралды құбыр өткiзгiш жүйесi арқылы экспорттау мүмкiндiгi қарастыруда. Сондай-ақ, Өзбекстан аумағының басым бөлiгi, атап айтқанда Арал маңы аймағының әлі жеткіліксіз барланғаны секілді дәйекті де ескерген жөн.

Сайып келгенде, қазақстандық газдың экспорттық мүмкіндіктері стратегиясын әзірлеу кезінде мына бағыттар: ресей-еуропа, түркімен-түрік және қытай-азиат бағыттары басым ретінде қарастырылуы мүмкін.

2. Бағдарламаның мақсаттары мен міндеттері

Елiмiздiң 2030 жылға дейінгі ұзақ мерзiмдi даму Стратегиясына және Қазақстан Республикасының 2004-2006 жылдарға арналған әлеуметтiк экономикалық дамуының индикативтiк жоспарына сәйкес, сондай-ақ, Қазақстан Республикасының Үкіметі мақұлдаған Қазақстан Республикасының газ саласын 2015 жылға дейiн дамыту тұжырымдамасында елдiң қолда бар газ ресурстарын пайдалану мәселелерiне көзқарасты сапалық өзгерту көзделген. Мұнайды өндiрудiң одан әрi өсуiн, өндiру саласын кiдiртушi фактор ретiнде өндiрiлетiн iлеспе газды кәдеге жарату проблемасын шешумен байланысты газды өндiру, өңдеу және сату ел экономикасының негiзгi базалық саласының бiрi болуы тиiс.

Сондықтан Қазақстан Республикасындағы газ саласын дамыту Бағдарламасын iске асырудың негiзгi мақсаты газдың iшкi ресурстарын өндiрудi ұлғайту және ұтымды пайдаланудан әлеуметтiк-экономикалық тиiмдiлiктi, сондай-ақ, iшкi рыноктың сұраныстарын мейлiнше толық қамтамасыз ету мүддесiнде газ-көлiктiк жүйесiнiң транзиттiк мүмкiндiктерiн еселеп арттыру және елдiң экспорттық әлеуетiн мына бағыттар бойынша одан әрi ұлғайту болып табылады:

Кен орындарындағы iлеспе өндiрiлетiн газдың барынша кәдеге жаратылуын қамтамасыз ету және қажеттi экологиялық талаптарды қамтамасыз ете отырып, мұнай мен газ конденсатын өндiру бойынша қуаттылықтарды одан әрi арттыру мүмкiндiгiн жасау;

Электр энергиясын, табиғи және сұйытылған газ жеткiзiлiмдерi бойынша елдiң энергетикалық тәуелсiздiгіне қол жеткізу, сондай-ақ мұнайхимия өнiмдерiнiң жекелеген түрлерi бойынша импорт алмастыру бағдарламасын iске асыру;

Республика халқын және өнеркәсiп кәсiпорындарын табиғи газдың бұрынғы қалыптасқан тұтыну деңгейлерiн қайта қалпына келтiре және жаңа өңiрлердi газдандыру есебiнен газ рыногын одан әрi дамыта отырып табиғи газбен апатсыз және үздiксiз жабдықтауды қамтамасыз ету;

Табиғи газдың халықаралық транзитiнiң өсiп келе жатқан көлемдерiн қамтамасыз ету және тұрба құбырлары жүйесiнiң жұмыс iстеп тұрған активтерiн тиiмдiрек пайдалану үшiн республиканың газ көліктiк магистралдарының транзиттiк қуаттарын дамыту;

Табиғи және сұйытылған газ, сондай-ақ өндiрiлген газдың iлеспе компоненттерi мен газды тереңдете өңдеу өнiмдерiнiң жеткiзiлiмдерi бойынша елдiң экспорттық әлеуетiн арттыру;

Халықты еңбекпен қамтуды арттыру және газ саласын біліктi кадрлар персоналымен қамтамасыз ету.

Жоғарыда көрсетiлген мақсаттарға қол жеткізу үшiн Бағдарлама аясында мынадай мiндеттердi шешудi көздейтiн бiрқатар нақты ұйымдастырушылық-техникалық iс-шаралар мен инвестициялық жобаларды iске асыру болжанып отыр:

Газ запасы бойынша ресурстық әлеуеттi өсiру және iлеспе газды кәдеге жарату жөніндегі iс-шараларды енгізумен жаңа газ және мұнай-газ кен орындарын әзiрлеумен оны өндiру бойынша қуаттылықтарды дамыту;

Импорт алмастыру бағдарламасының шеңберiнде сұйытылған газ шығару және мұнай химия өнiмдерiнiң көлемiн арттырумен өндiрiлетiн газды өңдеу және кәдеге жарату бойынша жұмыс iстеп тұрғандарын қайта жаңарту және жаңа қуаттылықтар жасау;

Жаңа аумақтарды газдандырудың өңiрлiк бағдарламаларын әзiрлеу мен iске асыру және коммуналдық шаруашылықта, электр энергетикасында, автокөлiктерде және т.б. газды пайдалану аясын кеңейтудiң;

Олардың пайдаланылуы кезіндегі техникалық және экологиялық қауiпсiздiктi қамтамасыз ету үшiн газ-көлiк жүйесi объектiлерiн техникалық қайта құрылымдау жөніндегі шараларды iске асыру, сондай-ақ жаңа газ жаңарту құбырларын салу және табиғи газды сыртқы рыноктарға тасымалдау жөніндегі экспорттық бағыттарды пысықтау;

Газ саласының нормативтiк базасын қайта қарау, газ-көлiк жүйесi субъектiлерiнiң ұйымдастырушылық құрылымын оңтайландыру және табиғи газды тасымалдау кезіндегі тариф құрау жүйесiн жетiлдiру.

Салаға мамандар тарту үшiн оқыту, қайта оқыту және жағдай жасау.

3. Бағдарламаны іске асырудың негізгі

бағыттары мен оны іске асыру тетігі

3.1. Газды өндiру мен өңдеу жөніндегі қуаттылықтарды дамыту

3.1.1. Газ саласының ресурстық әлеуетiн дамыту

Соңғы жылдары жыл сайын газ өндiрудiң 6-8% орташа өсуi кезiнде 2002 жылдың қорытындысы бойынша өндiру көлемiнiң артуы 24,17% құрады бұл 1995 жылғы газ өндiру деңгейiнен екi еседен астам жоғары. Бұл бiрiншi кезекте Қарашығанақ, Теңiз және Жаңажол-Қожасай кен орындары тобында көмiрсутек шикiзатын өндiру көлемiнiң артуымен байланысты (3.1-кесте).

Бұл ретте кейбір дәстүрлi мұнайлы өңiрлерде, мысалы, Маңғыстау облысында ескi кен орындарында газ өндiру бiртiндеп төмендеп келе жатқанын ескеру қажет. Бiрақ мұнай кен орындарын дамыту бағдарламасын талдаудың негiзiнде және дәлелденген қорларға сәйкес 2010 жылға арналған iлеспе газ өндiру серпiнi бойынша болжам негiзiнен бiрқатар базалық кен орындарын бұдан әрi игеру есебiнен ұсынылды.

"Теңiзшевройл" БК 2005 жылы кейiн газ өңдеу көлемiн арттырумен шикi газды қабат коллекторына керi айдау жөніндегі жобаны iске асыруға кiрiседi деп жоспарлануда. Бұл жоба, бастапқы кезеңде тазаланған газды айдау бойынша объектi салумен екi кезеңмен iске асырылады деп көзделуде. Оң нәтиже берген жағдайда екiншi кезеңде айдауға күкiртсутегiн алдын ала тазалаусыз шикi газды пайдалану болжамдалып отыр.

2002 жылдың ортасында Каспий теңiзiнiң қазақстандық секторында 1.0 трлн. текше м. жалпы қорымен Қашаған кен орны коммерциялық табылым деп танылған болатын. Кен орнының тәжiрибелiк-өнеркәсiптiк әзiрленiмнiң жобасы үш кезеңдi қамтиды деп болжануда, оның бiрiншiсi - тiкелей тәжiрибелiк өнеркәсiптiк әзiрленiмдi, екiншiсi мен үшiншiсi - кен орнының толық ауқымды әзiрленiмiн қарастырады.

Тұтастай алғанда игерудiң бiрiншi кезеңiнде мұнаймен үлестес осы кен орнын игеруде 6 млрд. текше м. газ алынатын болады, ал өндiру процесi және мұнай мен iлеспе газды бөлу жолға қойылғаннан, сондай-ақ газды тасымалдау мәселесi шешiлгеннен кейiн газ өндiру деңгейi 24 млрд. текше м. жететiн болады. Кен орнынан мұнай қорын шығару едәуiр шамада газды керi айдау деңгейiне байланысты болады. Пайдаланудың бiрiншi кезегiнде өндiрiлген газдың 80%-ы қабатқа керi айдалады деп болжануда. Газды қабатқа айдаудың оңтайлы нұсқасы ретiнде газдың жылына шамамен 3-4 млрд. текше м. көлемi болжамдалады.

ҚР кен орындары бойынша шикi газ

өндiру және тауарлық газды шығару көлемдерiнiң

2004-2010 жылдарға арналған болжамдық теңгерімi

3.1.-кесте (млрд. м3)

  Кен орындарының  

     атаулары      

Болжам 

 2010  

 2003 

(нақ. 

 ты)  

2004 

2005 

2006 

2007 

2008 

2009

 1. Теңiз - жалпы                                                    

 өндiру:             6,83  6,85  6,86  8,31  12,73 12,82 12,63 14,16 

 1.1. Шикi газды                                                     

 қабатқа айдау       0,00  0,00  1,20  1,30   2,20  2,20  2,20  2,90 

 1.2. Тауарлық                                                       

 газды шығару        4,48  4,60  4,70  5,00   7,40  7,50  6,80  6,40 

 2. "Өзенмұнайгаз"                                                   

 ААҚ-барлық өндіру   1,16 1,10  1,10  1,00   1,00  0,90  0,90  0,80  

  Тауарлық газды                                                     

 шығару (ҚазГӨЗ)     0,94  0,94  0,94  0,85   0,85  0,77  0,77  0,68 

 3. "Қашаған" барлық                                                 

 өндiру:             0,00  0,00  0,00  0,00   0,00  1,80  7,00 11,50 

 3.1 Ш.г. қабатқа ай.                                                

 далуы мүмкін көлемi 0,00  0,00  0,00  0,00   0,00  1,00  2,40  6,10 

 3.2 Тауарлық газдың                                                 

 мүмкін көлемі       0,00  0,00  0,00  0,00   0,00  0,47  3,16  4,09 

 4. "Теңге", барлық                                                  

 өндiру:             0,06  0,06  0,06  0,06   0,08  0,10  0,15  0,20 

 4.1. Тауарлық газды                                                 

 шығару              0,06  0,05  0,05  0,05   0,07  0,09  0,13  0,17 

 5. "Қарашығанақ",                                                   

 барлық өндіру:      5,78 11,80 13,90 13,90  14,80 18,00 19,30 20,50 

 5.1. Шикі газды                                                     

 қабатқа айдау       0,18  4,20  6,60  6,60   6,60  7,60  7,80  8,60 

 5.2. Тауарлық газ   5,10  7,20  6,50  6,30   7,20  9,40 10,50 10,90 

 6. Толқын           0,50  0,73  0,73  0,73   0,73  0,73  0,69  0,61 

 6.1. Тауарлық газ                                                   

 шығару              0,50  0,72  0,72  0,72   0,72  0,72  0,68  0,60 

 7. "Чинаревск" және                                                 

 "Тепл.-Токаревск.",                                                 

 барлық өндіру       0,00  0,10  0,10  0,20   0,30  0,50  1,00  1,50 

 7.1. Тауарлық газды                                                 

 шығару              0,00  0,00  0,00  0,00   0,00  0,40  0,80  1,20 

 8. Жаңажол, бар.                                                    

 лық жалпы өндіру:   1,41  1,20  1,40  1,70   2,30  2,50  3,00  3,40 

 8.1. Тауарлық газды                                                 

 шығару              0,92  0,60  1,00  1,20   1,30  1,40  1,30  1,30 

 9. Әлібекмола,                                                      

 Қожасай және                                                        

 Өріктау, барлығы                                                    

 өндіру:             0,00  0,13  0,60  0,60   0,60  0,64  2,30  2,60 

 9.1. Шикі газды                                                     

 қабатқа айдау*      0,00  0,13  0,60  0,60   0,60  0,64  0,60  0,60 

 9.2. Тауарлық газды                                                 

 шығару              0,00  0,00  0,00  0,00   0,00  0,00  1,7   2,00 

 10. Амангелді,                                                      

 барлық өндіру:      0,02  0,30  0,50  0,70   0,70  0,70  0,70  0,70 

 10.1. Тауарлық газ  0,02  0,30  0,43  0,60   0,60  0,60  0,60  0,60 

 11. Оңтүстік Торғай                                                 

 ойпаты кен орны     0,87  0,90  1,10  1,00   0,85  0,75  0,65  0,60 

 11.1. Қызылордаға                                                   

 тауарлы газ         0,00  0,00  0,15  0,30   0,30  0,25  0,22  0,20 

 12. Басқа кен орын.                                                 

 дары (ҚнжЕ, жағу)   0,57  0,60  0,65  0,70   0,75  0,80  0,85  0,90 

 Шикі газ көлемінің                                                  

 барлығы            17,20 23,77 27,00 28,90  34,84 40,24 49,17 57,47 

 Тауарлық газ көле.                                                  

 мінің барлығы      12,02 14,41 14,48 15,02  18,43 21,58 26,65 28,14 

 Технологиялық                                                       

 қажеттіліктер мен                                                   

 жоғалтулар**        5,00  5,43  5,82  6,38   8,01  8,22 10,52 12,13