3-тармақта:
6) тармақша алып тасталсын;
13) тармақша мынадай редакцияда жазылсын:
"13) қылмыстық-атқару жүйесінің түзеу мекемелеріндегі жалпы білім беретін әрі кәсіптік мектептерді және мектепке дейінгі тәрбие және оқыту ұйымдарын қоспағанда, мемлекеттік білім беру ұйымдарына қолдау көрсетеді және оларды материалдық-техникалық қамтамасыз етуге жәрдемдеседі;";
21) тармақша "Қазақстан" деген сөздің алдынан "мектепке дейінгі білім беру ұйымдарын қоспағанда," деген сөздермен толықтырылсын;
мынадай мазмұндағы 25) тармақшамен толықтырылсын:
"25) мектепке дейінгі тәрбие және оқыту ұйымдарына қажетті әдістемелік және консультациялық көмек көрсетеді.";
4-тармақта:
5) және 6) тармақшалар мынадай редакцияда жазылсын:
"5) білім беру қызметін лицензиялауды, сондай-ақ жалпы бастауыш, жалпы негізгі немесе жалпы орта білім берудің негізгі және қосымша білім беру бағдарламаларын (арнайы және мамандандырылған білім беру бағдарламаларын, спорт бойынша балалар мен жасөспірімдерге арналған қосымша білім беру бағдарламаларын қоспағанда) іске асыратын заңды тұлғаларды, сондай-ақ мектепке дейінгі және мектептен тыс ұйымдарды мемлекеттік аттестаттаудан өткізуді ұйымдастырады;
6) қылмыстық-атқару жүйесінің түзеу мекемелеріндегі жалпы білім беретін және кәсіптік мектептерді, бастауыш кәсіптік және орта кәсіптік білім беретін білім беру ұйымдарын, арнайы, мамандандырылған және мектепке дейінгі тәрбие және оқыту ұйымдарын қоспағанда, мемлекеттік білім беру ұйымдарына қолдау көрсетеді және оларды материалдық-техникалық қамтамасыз етуге жәрдемдеседі;";
11) тармақша "Қазақстан" деген сөздің алдынан "мектепке дейінгі білім беру ұйымдарын қоспағанда," деген сөздермен толықтырылсын;
мынадай мазмұндағы 16) тармақшамен толықтырылсын:
"16) мектепке дейінгі тәрбие және оқыту ұйымдарына және отбасыларға қажетті әдістемелік және консультациялық көмек көрсетеді.";
5-тармақтың бірінші бөлігі мынадай редакцияда жазылсын:
"5. Қаладағы ауданның, облыстық, аудандық маңызы бар қаланың, кенттің, ауылдың (селоның), ауылдық (селолық) округтің әкімі:
1) мектеп жасына дейінгі балаларды есепке алуды ұйымдастырады;
2) мектепке дейінгі тәрбие мен білім беруді қамтамасыз етеді, соның ішінде Қазақстан Республикасының заңнамасында белгіленген тәртіппен мектепке дейінгі тәрбие және оқыту ұйымдарына медициналық қызмет көрсетуді ұйымдастырады.";
3) 35-1-баптың 2-тармағындағы "білім беруді басқарудың жергілікті мемлекеттік органдары" деген сөздер "жергілікті атқарушы органдар" деген сөздермен ауыстырылсын;
4) 36-баптың 10-тармағының бірінші бөлігіндегі "жергілікті атқарушы органдардың" деген сөздер "облыстардың (республикалық маңызы бар қаланың, астананың) жергілікті атқарушы органдарының" деген сөздермен ауыстырылсын.
18. "Бұқаралық ақпарат құралдары туралы" 1999 жылғы 23 шілдедегі Қазақстан Республикасының Заңына (Қазақстан Республикасы Парламентінің Жаршысы, 1999 ж., № 21, 771-құжат; 2001 ж., № 10, 122-құжат; 2003 ж., № 24, 175-құжат; 2005 ж., № 13, 53-құжат):
1) 1-баптың 19) тармақшасы мынадай редакцияда жазылсын:
"19) бұқаралық ақпарат құралдары саласындағы уәкілетті орган - бұқаралық ақпарат құралдары саласында мемлекеттік реттеуді жүзеге асыратын мемлекеттік орган (бұдан әрі - уәкілетті орган).";
2) мынадай мазмұндағы 1-1-тараумен толықтырылсын:
"1-1-тарау. Бұқаралық ақпарат құралдары
саласындағы мемлекеттік реттеу
4-1-бап. Бұқаралық ақпарат құралдары саласындағы
мемлекеттік реттеу
1. Бұқаралық ақпарат құралдары саласындағы мемлекеттік реттеу телевизия және (немесе) радио хабарларын таратуды ұйымдастыру жөніндегі қызметті құқықтық қамтамасыз ету, лицензиялау, Қазақстан Республикасының бұқаралық ақпарат құралдары саласындағы заңнамасының сақталуын бақылау арқылы жүзеге асырылады.
2. Қазақстан Республикасының бұқаралық ақпарат құралдары туралы заңнамасының сақталуын мемлекеттік бақылауды уәкілетті орган мен басқа да мемлекеттік органдар Қазақстан Республикасының заңнамасында белгіленген өздерінің құзыреті шегінде жүзеге асырады.
4-2-бап. Қазақстан Республикасы Үкіметінің бұқаралық
ақпарат құралдары саласындағы құзыреті
Қазақстан Республикасының Үкіметі:
1) бұқаралық ақпарат құралдары саласындағы мемлекеттік саясаттың негізгі бағыттарын әзірлейді және олардың іске асырылуын қамтамасыз етеді;
2) Қазақстан Республикасында таратылатын шетелдік бұқаралық ақпарат құралдарын есепке алуды жүзеге асыру тәртібін айқындайды;
3) телевизия және (немесе) радио хабарларын таратуды ұйымдастыру жөніндегі қызметті лицензиялау тәртібін бекітеді.
4-3-бап. Уәкілетті органның құзыреті
Уәкілетті орган:
1) бұқаралық ақпарат құралдары саласында мемлекеттік саясатты қалыптастыру мен іске асыруды қамтамасыз етеді;
2) бұқаралық ақпарат құралдарын есепке алуды жүзеге асырады;
3) телерадио хабарларын тарату құқығын алуға конкурстар өткізу ережесін бекітеді;
4) телевизия және (немесе) радио хабарларын тарату үшін радио жиіліктер номиналдарын бөлу жөніндегі ашық конкурстар өткізуді ұйымдастырады;
5) Қазақстан Республикасының лицензиялау туралы заңнамасында белгіленген тәртіппен телевизия және (немесе) радио хабарларын таратуды ұйымдастыру жөніндегі қызметті лицензиялауды жүзеге асырады;
6) лицензиаттың лицензияда көрсетілген шарттарды сақтауын бақылауды жүзеге асырады және Қазақстан Республикасының заңнамасында белгіленген тәртіппен лицензияның қолданысын тоқтата түру туралы шешім қабылдайды;
7) Қазақстан Республикасының заңнамасында белгіленген тәртіппен республикалық деңгейде мемлекеттік ақпарат саясатын жүргізу жөніндегі мемлекеттік тапсырысты қалыптастырады, орналастырады және оның жүзеге асырылуын бақылайды;
8) бұқаралық ақпарат құралдары саласындағы халықаралық ынтымақтастықты жүзеге асырады;
9) Қазақстан Республикасының аумағында таратылатын шетелдік бұқаралық ақпарат құралдарын есепке алудың бірыңғай тізілімін жүргізеді;
10) бұқаралық ақпарат құралдары саласындағы мемлекеттік және салалық (секторалдық) бағдарламаларды әзірлейді және іске асырады;
11) тарихи және (немесе) мәдени құндылығы бар жазылымдарды сақтау тәртібін айқындайды;
12) журналистерді аккредиттеу ережесін бекітеді;
13) жергілікті атқарушы органдардың Қазақстан Республикасының бұқаралық ақпарат құралдары саласындағы заңнамасының сақталуын бақылауды жүзеге асыруы жөніндегі қызметін үйлестіреді;
14) орталық және жергілікті атқарушы органдардың бұқаралық ақпарат құралдары мәселелері жөніндегі қызметін үйлестіреді.
4-4-бап. Облыстардың (республикалық маңызы бар қаланың,
астананың) жергілікті атқарушы органдарының құзыреті
Облыстардың (республикалық маңызы бар қаланың, астананың) жергілікті атқарушы органдары:
1) өңірлік бұқаралық ақпарат құралдары арқылы мемлекеттік ақпараттық саясатты іске асырады;
2) облыстың (республикалық маңызы бар қаланың, астананың) аумағында таратылатын шетелдік бұқаралық ақпарат құралдарын есепке алуды жүзеге асырады;
3) арнайы стационарлық үй-жайларды орналастыру тәртібін және онда эротикалық сипаттағы материалдар жариялайтын мерзімді баспасөз өнімін өткізу ережесін бекітеді;
4) Қазақстан Республикасының заңнамасында белгіленген тәртіппен өңірлік деңгейде мемлекеттік ақпараттық саясатты жүргізу жөніндегі мемлекеттік тапсырысты қалыптастырады, орналастырады және оның жүзеге асырылуын бақылайды;
5) тиісті әкімшілік-аумақтық бірлікте бұқаралық ақпарат құралдарының Қазақстан Республикасының заңнамасын сақтауын бақылауды жүзеге асырады;
6) уәкілетті органға статистикалық деректерді, шетелдік бұқаралық ақпарат құралдарын есепке алу жөніндегі ақпараттарды, сондай-ақ Қазақстан Республикасының заңнамасын сақтау жөніндегі мәліметтерді табыс етеді.";
3) 10-баптың 4-тармағы алып тасталсын;
4) 13-баптың 5-тармағының бірінші бөлігіндегі және 16-баптың 1-тармағындағы "бұқаралық ақпарат құралдары істері жөніндегі" деген сөздер алып тасталсын;
5) 22-баптың 5-тармағы алып тасталсын.
19. "Астық туралы" 2001 жылғы 19 қаңтардағы Қазақстан Республикасының Заңына (Қазақстан Республикасы Парламентінің Жаршысы, 2001 ж., № 2, 12-құжат; № 15-16, 232-құжат; 2003 ж., № 19-20, 148-құжат; 2004 ж., № 23, 142-құжат):
1) 6-бап мынадай редакцияда жазылсын:
"6-бап. Уәкілетті органның құзыреті
Уәкілетті органның құзыретіне мыналар кіреді:
1) астық нарығы саласында мемлекеттік саясатты қалыптастыру және іске асыру, оған қатысушылардың қызметін үйлестіру және реттеу;
2) астық сақтау жөніндегі лицензияланатын қызметті жүзеге асыратын заңды тұлғаларға қойылатын біліктілік талаптарын әзірлеу;
3) астық қабылдау кәсіпорындарының:
мемлекеттік ресурстар астығы бойынша - тоқсан сайын уәкілетті органның облыстық аумақтық органдарының бастықтары бекіткен мемлекеттік ресурстар астығының сақтауын тексеру кестелері негізінде, сондай-ақ астық нарығына қатысушылардың ресми жолданымдары (шағымдары) болған кезде (дерегі жоқ шағымдарды қоспағанда);
өзге де иеленушілердің астығы бойынша - астық нарығына қатысушылардың ресми жолданымдары (шағымдары) негізінде (дерегі жоқ шағымдарды қоспағанда) астықтың сандық-сапалық есебін жүргізу, астық сақтау, астық қолхаттарының берілуі, айналымы және өтелуі ережелерін сақтауын бақылау;
4) Қазақстан Республикасының астық туралы заңнамасының бұзылуы туралы нұсқамалар беру, Қазақстан Республикасының әкімшілік құқық бұзушылық туралы заңнамасына сәйкес әкімшілік құқық бұзушылық туралы істерді қарау;
5) астық нарығының мониторингін жүзеге асыру;
6) астық сапасын мемлекеттік бақылау;
7) жыл сайын техникалық реттеу саласындағы уәкілетті орган бекіткен кестелер негізінде, сондай-ақ астық нарығына қатысушылардың ресми жолданымдары (шағымдары) болған кезде (дерегі жоқ шағымдарды қоспағанда), астық сапасының сараптамасы жөнінде аккредиттелген зертханалардың астық сапасын сараптау мен техникалық реттеу саласындағы уәкілетті органмен және оның аумақтық бөлімшелерімен бірлесе отырып, уәкілетті орган белгілеген астық сапасы сертификатын беру тәртібін және техникалық реттеудің мемлекеттік жүйесі талаптарын сақтауы тұрғысынан олардың қызметін бақылау;
8) осы Заңның 28-бабының 2-тармағында көзделген негіздер болған кезде астық қабылдау кәсіпорнынан астықты көліктің кез келген түрімен тиеп-жөнелтуге тыйым салу;
9) ауыл шаруашылығы техникасының және жабдықтарының лизингін ұйымдастыру, селекцияны және тұқым шаруашылығын, дәнді дақылдар өсіру технологиясы, топырақ құнарлылығын сақтау, өсімдіктер қорғау және 1 карантині жөнінде бағдарламалар әзірлеу;
10) техникалық реттеу саласындағы уәкілетті органмен келісе отырып астық сапасын сараптау және астық сапасы сертификатын беру тәртібіне талаптар әзірлеу;
11) астық (тұқым) сапасы бойынша стандарттарды, техникалық шарттарды, басқа да нормативтік құжаттарды жетілдіру жөнінде ұсыныстар енгізу;
12) астықтың сандық-сапалық есепке алынуы, сақталуы; астық қолхаттарының берілуі, айналымы және өтелуі; астық нарығының мониторингін жүргізу; астық қабылдау кәсіпорнын уақытша басқаруды жүргізу; астық қабылдау кәсіпорындары есептілігінің үлгі нысандары жөнінде нормативтік құқықтық актілер, мемлекеттік астық инспекторлары туралы ереже әзірлеу және бекіту;
13) астық қабылдау кәсіпорындарында астық сақтау жөніндегі қызметті лицензиялау ережелерін әзірлеу және бекіту;
14) астық өндірушілерді қорғау үшін демпингке қарсы шаралар қолдану жөнінде ұсыныстар әзірлеу;
15) астық қолхаты жазылатын бланкілерге, оларды шығару, алу, сақтау, айналдыру, өтеу және жою тәртібіне талаптар, сондай-ақ астық қолхаттарының үлгілеріне талаптар белгілеу;
16) астықтың сандық-сапалық есебін жүргізу және астық қолхаттары тізілімі мәліметтеріне сәйкес астықтың сақталуын қамтамасыз ету жөніндегі талаптарды сақтау тұрғысынан астық қабылдау кәсіпорындарының қызметін инспекциялау (тексеру);
17) осы Заңның 33-бабы 1-тармағының 2) тармақшасына сәйкес астық қабылдау кәсіпорнына уақытша басқаруды енгізу туралы, сондай-ақ уақытша басқаруды мерзімінен бұрын аяқтау туралы шешім қабылдау;
18) Қазақстан Республикасының Үкіметі айқындайтын өкілеттіктер шегінде мемлекеттік астық ресурстарын басқаруды бақылау;
19) мемлекеттік астық ресурстарын тиеп жіберуге және тасымалдауға (орнын ауыстыруға) бақылау.";
2) мынадай мазмұндағы 6-1 және 6-2-баптармен толықтырылсын:
"6-1-бап. Облыстың жергілікті атқарушы органының құзыреті
Облыстың жергілікті атқарушы органының құзыретіне мыналар кіреді:
1) селекция және тұқым шаруашылығын, дәнді дақылдарды өсіру технологиясын дамыту, топырақ құнарлылығын сақтау және қалпына келтіру жөніндегі бағдарламаларды іске асыру;
2) астық сақтау жөніндегі қызметті лицензиялау;
3) астық нарығы мониторингін уәкілетті орган бекітетін ережелерге сәйкес жүзеге асыру;
4) астықтың (тұқымның) сапасы бойынша стандарттарды, техникалық шарттарды, басқа да нормативтік құжаттарды жетілдіру жөнінде ұсыныстар енгізу;
5) табиғи-климаттық жағдайларды және нарық конъюнктурасын ескере отырып, астық өндірісі құрылымын оңтайландыру, астық өндіру, сақтау және өткізу технологиясын жетілдіру;
6) астық өндіру мен сақтаудың жаңа озық технологияларын енгізу;
7) астық қолхаттарының тиімді айналымы үшін жағдайлар жасау;
8) бюджеттік бағдарламаларға сәйкес отандық ауыл шаруашылығы тауарын өндірушілерге минералдық тыңайтқыштар, тұқым улағыштар мен гербицидтер құнын арзандатуды жүзеге асыру;
9) ішкі нарықтың мұнай өнімдеріне қажеттіктерін уақтылы қамтамасыз ету жөнінде қажетті шаралар қолдану;
10) өңірлерде астық өндірушілерге сертификаттық қызметтер көрсету бойынша бәсекелестік орта құру жөнінде шаралар қолдану;
11) астық қабылдау кәсіпорындарын бақылау, ол мыналарды қамтиды:
бекітілген кестелерге сәйкес жаңа егіннің астығын қабылдауға дайындығы тұрғысынан астық қабылдау кәсіпорындарын лицензиядан кейінгі жыл сайынғы тексеру;
астық қабылдау кәсіпорындарын тексеру актілерін ресімдеу;
12) осы Заңның 26-бабында белгіленген негіздемелер бойынша астық сақтау жөніндегі қызметті жүзеге асыру құқығы лицензиясының қолданылуын тұтастай немесе жекелеген операцияларды жүзеге асыру бөлігінде алты айға дейінгі мерзімге тоқтата тұру.
6-2-бап. Мемлекеттік астық ресурстарын басқару жөніндегі
агенттің функциялары
Мемлекеттік астық ресурстарын басқару жөніндегі агент:
1) отандық ауыл шаруашылығы тауар өндірушілерінен мемлекеттік астық ресурстарына астықты нарықтық бағамен сатып алу;
2) мемлекеттік астық ресурстарын сақтау үшін белгіленген тәртіппен астық қабылдау кәсіпорындарын таңдау;
3) отандық ауыл шаруашылығы тауар өндірушілеріне мемлекеттік тұқым ресурстарынан және жемдік астықтың мемлекеттік ресурстарынан тұқымдық және жемдік астық несиелерін беру функцияларын жүзеге асырады.";
3) 7-баптың 3-тармағы мынадай редакцияда жазылсын:
"3. Астық сапасының мемлекеттік бақылауы мыналарды қамтиды:
1) астық қабылдау кәсіпорындарына қабылдау және тиеп жіберу кезінде астық нарығына қатысушылардың ресми жолданымдары (шағымдары) негізінде (дерегі жоқ шағымдарды қоспағанда) астық сапасының көрсеткіштерін айқындауды бақылау;
2) астықтың сандық-сапалық жай-күйін бақылау, соның ішінде:
мемлекеттік ресурстар астығы бойынша - тоқсан сайын уәкілетті органның облыстық аумақтық органдарының бастықтары бекіткен мемлекеттік ресурстар астығының сақталуын тексеру кестелері негізінде, сондай-ақ астық нарығына қатысушылардың ресми жолданымдары (шағымдары) (дерегі жоқ шағымдарды қоспағанда) болған кезде;
өзге де иеленушілердің астығы бойынша - астық нарығына қатысушылардың ресми жолданымдары (шағымдары) (дерегі жоқ шағымдарды қоспағанда) негізінде.";
4) 10-баптың 12) тармақшасы алып тасталсын;
5) 13-баптың 3-тармағының бірінші абзацындағы "Уәкілетті органның тиісті" деген сөздер "Тиісті" деген сөзбен ауыстырылсын;
6) 17-баптың бірінші абзацы мынадай редакцияда жазылсын:
"Астықты сақтау, астық иелерінің мүдделерін қорғау жөніндегі қызметті лицензиялау кезінде астық қабылдау кәсіпорындарының саралану талаптарына сәйкес келуін қамтамасыз ету мақсатында астық қабылдау кәсіпорындарының қызметін реттеу:";
3) тармақшасындағы "жүзеге асырады" деген сөздер "жүзеге асырылады" деген сөздермен ауыстырылсын;
7) 24-1-бапта:
2-тармақтың 4) тармақшасындағы "жасауға;" деген сөз "жасауға құқығы бар." деген сөздермен ауыстырылып, 3) және 5) тармақшалары алып тасталсын;
мынадай мазмұндағы 3-тармақпен толықтырылсын:
"3. Уәкілетті органның мемлекеттік астық инспекторы мынадай функцияларды жүзеге асырады:
1) астық қабылдау кәсіпорындарында астық сапасын анықтауды бақылау;
2) астықтың, соның ішінде мемлекеттік ресурстар астығының сандық-сапалық жай-күйін бақылау;
3) бас лицензияларды растау үшін астық қабылдау кәсіпорындарының саралану талаптарына сәйкестігін жыл сайын тексеруге қатысады;
4) астық сақтау жөніндегі қызметті жүзеге асыру құқығына лицензияның күшін тоқтата тұру және (немесе) кері қайтарып алу туралы облыстың жергілікті атқарушы органына ұсыныстар енгізеді;
5) астық қабылдау кәсіпорнын уақытша басқаруды енгізу жөнінде ұсыныс енгізеді;
6) астық сапасын сараптау жөніндегі аккредиттелген зертханалардың қызметін бақылау;
7) астық қолхаттарын ұстаушыларға астық қабылдау кәсіпорнын уақытша басқару жөніндегі комиссия құрамына енгізу үшін кандидатуралар ұсыну туралы хабарлама жібереді;
8) Қазақстан Республикасының астық туралы заңнамасын бұзу анықталған жағдайда, астық қабылдау кәсіпорындарына уәкілетті орган бекіткен нысан бойынша нұсқама береді;
9) уәкілетті орган белгілеген нысан бойынша әкімшілік құқық бұзушылықтар туралы хаттамалар жасайды және астық қабылдау кәсіпорындары мен олардың лауазымды адамдарына Қазақстан Республикасының астық туралы заңнамасын бұзғаны үшін айыппұл салу және оны Қазақстан Республикасының әкімшілік құқық бұзушылық туралы заңнамасына сәйкес өндіріп алу туралы ұсыныстар енгізеді.";
8) 25-бапта:
1-тармақтың 2) тармақшасы алып тасталсын;
2-тармақтағы "уәкілетті органның тиісті лицензиясынсыз" деген сөздер "тиісті лицензиясыз" деген сөздермен ауыстырылсын;
9) 30-баптың 1-тармағы "органның" деген сөзден кейін "облыстың жергілікті атқарушы органының," деген сөздермен толықтырылсын;
10) 33-баптың 3-тармағындағы "қайтарып алады" деген сөздер "кері қайтарып алу туралы ұсыныс енгізеді" деген сөздермен ауыстырылсын;
11) 39-бапта:
3-тармақтың 1) тармақшасындағы "уәкілетті орган" деген сөздер "облыстың жергілікті атқарушы органы" деген сөздермен ауыстырылсын;
8-тармақтағы "уәкілетті органға" деген сөздер "облыстың жергілікті атқарушы органына" деген сөздермен ауыстырылсын;
9-тармақтағы "уәкілетті органға" деген сөздер "облыстың жергілікті атқарушы органына" деген сөздермен ауыстырылсын.
20. "Қазақстан Республикасындағы жергілікті мемлекеттік басқару туралы" 2001 жылғы 23 қаңтардағы Қазақстан Республикасының Заңына (Қазақстан Республикасы Парламентінің Жаршысы, 2001 ж., № 3, 17-құжат; № 9, 86-құжат; № 24, 338-құжат; 2002 ж., № 10, 103-құжат; 2004 ж., № 10, 56-құжат; № 17, 97-құжат; № 23, 142-құжат; № 24, 144-құжат; 2005 ж., № 7-8, 23-құжат):
1) мәтіндегі "орталық атқарушы органдарының барлық аумақтық бөлімшелерінің", "орталық атқарушы органның аумақтық бөлімшесі", "орталық атқарушы органдардың жергілікті бюджеттен қаржыландырылатын аумақтық бөлімшелерінің", "орталық атқарушы органдар аумақтық бөлімшелерінің", "орталық атқарушы органдардың аумақтық бөлімшелерінің", "орталық атқарушы органның аумақтық бөлімшесінің" деген сөздер тиісінше "орталық мемлекеттік органдардың барлық аумақтық бөлімшелерінің", "орталық мемлекеттік органның аумақтық бөлімшесі", "орталық мемлекеттік органдардың жергілікті бюджеттен қаржыландырылатын аумақтық бөлімшелерінің", "орталық мемлекеттік органдар аумақтық бөлімшелерінің", "орталық мемлекеттік органдардың аумақтық бөлімшелерінің", "орталық мемлекеттік органның аумақтық бөлімшесінің" деген сөздермен ауыстырылсын;
2) 6-баптың 5-тармағындағы "қоршаған ортаның ластану лимиттерін айқындайды (аудандар мен қалалар бөлігінде)," деген сөздер алып тасталсын;
3) 27-баптың 1-тармағында:
мынадай мазмұндағы 8-1) тармақшамен толықтырылсын:
"8-1) Қазақстан Республикасының заңнамасына сәйкес су қатынастарын реттеуді жүзеге асырады;";
9) тармақша мынадай редакцияда жазылсын:
"9) өз құзыреті шегінде мемлекеттік экологиялық сараптама жүргізеді, табиғат қорғау іс-шараларын жүргізеді, табиғат пайдалануды реттейді;";
16) тармақшадағы "және іске асырады" деген сөздер алып тасталсын;
19-1) тармақша:
"лимиті" деген сөзден кейін "және нормативтері" деген сөздермен толықтырылсын;
орыс тіліндегі мәтінге түзету енгізілді, қазақ тіліндегі мәтін өзгермейді;
22) тармақшада:
"лимиті" деген сөзден кейін "және нормативтері" деген сөздермен толықтырылсын;
орыс тіліндегі мәтінге түзету енгізілді, қазақ тіліндегі мәтін өзгермейді;
22-2) тармақша мынадай редакцияда жазылсын:
"22-2) "Салық және бюджетке төленетін басқа да міндетті төлемдер туралы (Салық кодексі)" Қазақстан Республикасының кодексіне сәйкес біржолғы талондар беру жөніндегі жұмысты ұйымдастырады және облыстың (республикалық маңызы бар қаланың, астананың) жергілікті атқарушы органы белгілеген тәртіппен оларды өткізуден түсетін сомалардың толық жиналуын қамтамасыз етеді;";
22-3) тармақша "жүзеге асырады," деген сөздерден кейін "мемлекеттік аттестаттауды өткізеді;" деген сөздермен толықтырылсын;
4) 30-баптың 3-тармағындағы екінші сөйлем алып тасталсын;
5) 31-баптың 1-тармағында:
10) тармақша мынадай редакцияда жазылсын:
"10) Қазақстан Республикасының жер заңнамасына сәйкес жер қатынастарын реттеуді жүзеге асырады;";
13) тармақшадағы "іске асыруға қатысады" деген сөздер "іске асырады" деген сөздермен ауыстырылсын;
20) тармақша "лимиті" деген сөзден кейін "және Қазақстан Республикасының Үкіметі белгілеген нормативтер" деген сөздермен толықтырылсын;
6) 33-баптың 1-тармағының 2) тармақшасындағы "және облыстық бюджеттен қаржыландырылатын атқарушы органның аумақтық бөлімшесінің" деген сөздер алып тасталсын;
орыс тіліндегі мәтінге түзету енгізілді, қазақ тіліндегі мәтін өзгермейді;
7) 35-баптың 1-тармағының 18) тармақшасы мынадай редакцияда жазылсын:
"18) республикалық маңызы бар қалада, астанада, облыстық маңызы бар қалаларда орналасқан мәдениет мекемелерін қоспағанда, мектепке дейін тәрбие беретін және оқытатын ұйымдардың, мәдениет мекемелерінің қызметін қамтамасыз етеді;".
21. "Қазақстан Республикасындағы сәулет, қала құрылысы және құрылыс қызметі туралы" 2001 жылғы 16 шілдедегі Қазақстан Республикасының Заңына (Қазақстан Республикасы Парламентінің Жаршысы, 2001 ж., № 17-18, 243-құжат; 2004 ж., № 23, 142-құжат; 2005 ж., № 6, 10-құжат; № 7-8, 19-құжат):
1) 1-бапта:
11-тармақ "Үкіметі" деген сөзден кейін "қандай да бір өзге қызметті жүзеге асыру құқығынсыз" деген сөздермен толықтырылсын;
13-тармақ "жүзеге асыратын" деген сөздерден кейін "орталық" деген сөзбен толықтырылсын;
57 және 58-тармақтар мынадай редакцияда жазылсын:
"57. Республикалық маңызы бар объект - жоспарлануы, жобалануы және салынуы қаржыландыру көздеріне қарамастан, облысаралық, жалпы республикалық, мемлекетаралық (халықаралық) маңызы бар және екі және одан көп облыстың (республикалық маңызы бар қаланың, астананың) мүдделерін немесе Қазақстан Республикасының және басқа да мемлекеттердің мүдделерін қозғайтын, стратегиялық немесе өзге де маңызды жалпымемлекеттік міндеттерді шешумен байланысты объект.
58. Жергілікті маңызы бар объект - жоспарлануы, жобалануы және құрылысы қаржыландыру көздеріне қарамастан, осы облыстың (республикалық маңызы бар қаланың, астананың) міндеттерін орындаумен байланысты және стратегиялық немесе өзге де маңызды жалпымемлекеттік міндеттерді шешу мақсаты жоқ объект.";
мынадай мазмұндағы 61 және 62-тармақтармен толықтырылсын:
"61. Объектінің техникалық күрделілігі - объектінің функционалдық қызметіне, оның тіректі және қоршау конструкцияларының ерекшеліктеріне, қабаттар (конструкциялық қатарлар) санына, сейсмикалық қауіптілігіне немесе салынатын жерінің (ауданының) өзге де айрықша геологиялық, гидрогеологиялық, геотехникалық жағдайларына қарай мемлекеттік және (немесе) мемлекетаралық (халықаралық) нормативтермен белгіленетін, табандары мен конструцияларының сенімділігі мен беріктігіне қойылатын техникалық талаптардың дәрежесі бойынша құрылыс объектісінің жауапкершілік деңгейі, олар:
