Телефон үшін абоненттік ақы тарифтерiнің арттырылуына өтемақы төлеудiң
кейбір мәселелерi туралы Қазақстан Республикасы Үкіметінің 2004 жылғы 9
қыркүйектегі № 949 қаулысы
(ҚР Үкіметінiң 08.12.04 ж. № 1284 қаулысымен енгізілген өзгерістерімен)
Осы редакция ҚР Үкіметінің 2005 жылғы 25 сәуірдегі № 386 қаулысымен енгізілген өзгерістеріне дейін қолданылды
Бұрынғы редакцияларды қара
ҚР Үкіметінiң 08.12.04 ж. № 1284 қаулысымен тақырыбы өзгертілді (бұр. ред. қара)
"Байланыс туралы" Қазақстан Республикасының 2004 жылғы 5 шілдедегi Заңын орындау үшiн Қазақстан Республикасының Үкіметі қаулы етеді:
1. Қоса берiлiп отырған Қалалық телекоммуникация желілерiнiң абоненттерi болып табылатын әлеуметтiк қорғалатын азаматтарға телефон үшiн абоненттiк ақы тарифтерiнiң арттырылуына өтемақы төлеу ережесi (бұдан әрi - Ереже) бекітілсiн.
2. Облыстар, Астана және Алматы қалаларының әкiмдерi:
қолданыстағы тұрғын үй көмегін көрсету тәртібіне, қалалық телекоммуникациялар желiлерiне қосылған телефон үшiн абоненттiк ақының ұлғаю сомасын тұрғын үй ұстауға, коммуналдық қызметтердi және байланыс қызметтерiн тұтыну ақысы жөнiндегі шығыстардың құрылымына енгізу бөлiгiне өзгерістер мен толықтырулар енгізсiн және жергiлiктi өкiлдi органдарға бекiтуге ұсынсын;
Ережеге сәйкес тұрғын үй көмегiнiң уақытылы төленуiн қамтамасыз етсiн.
ҚР Үкіметінiң 08.12.04 ж. № 1284 қаулысымен 2-1-тармақпен толықтырылды
2-1. Қазақстан Республикасы Қаржы министрлігі Қазақстан Республикасының заңнамасына сәйкес Қазақстан Республикасы Ақпараттандыру және байланыс агенттiгiне (бұдан әрi - Агенттік) қалалық телекоммуникация желiлерiнiң абоненттері болып табылатын, әлеуметтік қорғалатын азаматтарға телефон үшін абоненттік ақы тарифiнің арттырылуына өтемақы төлеуге 2004 жылға арналған республикалық бюджетте осы мақсаттарға көзделген қаражаттан, белгiленген тәртiппен бекiтілген 2004 жылға арналған республикалық бюджетті қаржыландырудың жиынтық жоспарына сәйкес 476784000 (төрт жүз жетпіс алты миллион жеті жүз сексен төрт мың) теңге сомасында мақсатты трансферттер бөлсiн.
ҚР Үкіметінiң 08.12.04 ж. № 1284 қаулысымен 2-2-тармақпен толықтырылды
2-2. Осы қаулының 2-1-тармағында көрсетілген қаражат қосымшаға сәйкес облыстық бюджеттерге, Астана және Алматы қалаларының бюджеттерiне бөлiнсiн.
ҚР Үкіметінiң 08.12.04 ж. № 1284 қаулысымен 2-3-тармақпен толықтырылды
2-3. Қазақстан Республикасы Қаржы министрлігі мақсатты трансферттердің пайдаланылуын бақылауды қамтамасыз етсiн.
3. Осы қаулы қол қойылған күнінен бастап күшiне енедi.
Қазақстан Республикасының
| Премьер-Министрі | | | | | | | | | Д.К. Ахметов |
Қазақстан Республикасы
Үкіметінің
2004 жылғы 9 қыркүйектегі
№ 949 қаулысымен
бекітілген
Қалалық телекоммуникация желілерінің абоненттерi
болып табылатын, әлеуметтiк қорғалатын азаматтарға
телефон үшін абоненттік ақы тарифтерiнiң
арттырылуына өтемақы төлеу ережесi
1. Негiзгі ережелер
Осы Қалалық телекоммуникация желiлерiнiң абоненттерi болып табылатын, әлеуметтiк қорғалатын азаматтарға телефон үшiн абоненттiк ақы тарифтерiнiң арттырылуына өтемақы төлеу ережесi (одан әрi - Ереже) "Байланыс туралы" Қазақстан Республикасының 2004 жылғы 5 шiлдедегі Заңына сәйкес әзiрлендi және телефон үшiн абоненттік ақы тарифтерiнің арттырылуы бөлiгiнде байланыс қызметтерiн өтеу тәртібін белгiлейдi.
1. Осы Ережеде мынадай негiзгі ұғымдар пайдаланылады:
1) қалалық телекоммуникация желiсiнiң абонентi (бұдан әрi абонент) - қалалық телекоммуникация желілерiнiң байланыс қызметтерiн, осы мақсаттар үшiн абоненттiк нөмiр немесе сәйкестендiру коды бөлiнген кезде осындай қызметтер көрсету туралы шарт негiзiнде пайдаланушы жеке тұлға;
2) әкiмшi - "Облыстық бюджеттерге, Астана және Алматы қалаларының бюджеттерiне қалалық телекоммуникация желілерiнiң абоненттерi болып табылатын, әлеуметтік қорғалатын азаматтарға телефон үшiн абоненттік ақы тарифтерiнің арттырылуына өтемақы төлеуге мақсатты трансферттер" республикалық бюджеттік бағдарламаның әкiмшiсi;
ҚР Үкіметінiң 08.12.04 ж. № 1284 қаулысымен 3) тармақша толықтырылды
3) тұрғын үй көмегiн мақсатты және төлеу жөніндегі қалалық уәкiлеттi органдар (Астана және Алматы қалаларындағы аудандық) (бұдан әрi - қалалық уәкілетті органдар) - халықты әлеуметтiк қорғау жөніндегі қалалық атқарушы органдар (Астана және Алматы қалаларындағы аудандық);
ҚР Үкіметінiң 08.12.04 ж. № 1284 қаулысымен 4) тармақша өзгертілді (бұр. ред. қара)
4) қалалық телекоммуникациялар желiсiнiң абоненттерi болып табылатын әлеуметтік қорғалатын азаматтарға телефон үшiн абоненттік ақы тарифтерiнiң арттырылуына өтемақы төлеу (бұдан әрi - телефон үшiн абоненттiк ақы тарифтерінің арттырылуына өтемақы төлеу) - тұрғын үй ұстауға және коммуналдық қызметтерді тұтынуға төлеу жөніндегі тұрғын үй көмегiнiң құрамына кiретiн, телефон үшін абоненттік ақы тарифтерiнің арттырылу шығындарын өтеуге арналған және қолданылып жүрген тариф пен 2004 жылғы қыркүйектегі жағдай бойынша қалыптасқан тариф арасындағы айырма ретiнде белгіленетін ақшалай өтемақы;
ҚР Үкіметінiң 08.12.04 ж. № 1284 қаулысымен 5) тармақша өзгертілді (бұр. ред. қара)
5) тұрғын үй көмегiн тағайындау және төлеу жөніндегі облыстық уәкілеттi орган (Астана және Алматы қалаларындағы қалалық) (бұдан әрi - облыстық уәкілеттi орган) - халықты әлеуметтік қорғау жөніндегі (облыстық, республикалық маңызы бар қала, астана) атқарушы орган (Астана және Алматы қалаларындағы қалалық).
2. Телефон үшiн абоненттiк ақы
тарифтерiнiң арттырылу өтемақысы
ҚР Үкіметінiң 08.12.04 ж. № 1284 қаулысымен 2-тармақ толықтырылды
2. Абоненттерге телефон үшiн абоненттiк ақы тарифтерiнiң арттырылу өтемақысы қолданылып жүрген тариф пен 2004 жылғы қыркүйектегі жағдай бойынша қалыптасқан тариф арасындағы айырма ретінде белгіленетiн телефон үшiн абоненттік ақының арттырылған айырмасын тұрғын үйдi ұстауға және коммуналдық қызметтердi тұтынуға арналған шығыстардың сомасына қосу жолымен жүзеге асырылады.
3. Телефон үшiн абоненттiк ақы тарифтерi арттырылуының өтемақысы үшiн абонент тұрғын үй көмегiн тағайындау үшін қажеттi құжаттармен тұрғылықты тұратын жерi бойынша қалалық уәкiлеттi органға өтiнiшпен барады.
Тұрғын үй көмегiн тағайындау үшiн жергiлiктi өкiлдi органдар бекiтетiн құжаттардың негiзгі пакетiне қалалық телекоммуникациялар желiсiнiң абонентi болып табылу фактiсiн растайтын (шарт не түбiртек телекоммуникация көрсеткен қызметтерi үшiн есеп) құжатты қоса бередi.
4. Тұрғын үй көмегiнiң абоненттiк ақы тарифiнiң арттырылу бөлiгіндегi мөлшерi телефон үшiн абоненттiк ақының көбеюi айырмасынан асырылмайды.
5. Қалалық уәкілеттi органдар есепті айдан кейiнгi айдың 5-не дейiнгі мерзiмде телефон үшiн абоненттік ақы тарифiнiң арттырылуына өтемақы төлеуге ақшалай қаражат қажеттілігін жасайды және облыстық уәкiлетті органға жiбередi.
6. Облыстық уәкілетті орган үш күндiк мерзiмде ақшалай қаражатқа жиынтық қажеттiлiктi әкiмшiге жiбередi.
ҚР Үкіметінiң 08.12.04 ж. № 1284 қаулысымен 6-1-тармақпен толықтырылды
6-1. Телефон үшін абоненттiк ақы тарифінің арттырылуына өтемақы төлеу бюджет және тұрғын үй заңнамаларына сәйкес жүзеге асырылады.
ҚР Үкіметінiң 08.12.04 ж. № 1284 қаулысымен 7-тармақ жаңа редакцияда (бұр. ред. қара)
7. Телефон үшiн абоненттік ақы тарифінің арттырылуына өтемақы төлеуге қаражатты аумақтық қазынашылық органдарына аудару кезiнде уәкiлетті орган төлеуге арналған шотты төлемдердiң кезеңi мен сомалары көрсетiлген абоненттердiң тiзiмiмен қоса ұсынады.
ҚР Үкіметінiң 08.12.04 ж. № 1284 қаулысымен 8-тармақ жаңа редакцияда (бұр. ред. қара)
8. Қалалық уәкілеттi органдар тоқсан сайын есептi тоқсаннан кейiнгi айдың 5-күнiне облыстық уәкілеттi органдарға телефон үшін абоненттік ақы тарифiнің арттырылуына төленген өтемақы сомалары бойынша ақпарат ұсынады.
ҚР Үкіметінiң 08.12.04 ж. № 1284 қаулысымен 9-тармақ жаңа редакцияда (бұр. ред. қара)
9. Облыстық уәкілетті органдар есептi тоқсаннан кейiнгі айдың 10-күнiнен кешіктірмей әкімшіге мақсатты трансферттер қаражатының пайдаланылуы туралы тоқсан сайынғы ақпаратты ұсынады.
ҚР Үкіметінiң 08.12.04 ж. № 1284 қаулысымен 10-тармақ жаңа редакцияда (бұр. ред. қара)
10. Әкімшi қажеттілiкті алғаннан кейiнгi 3 күн iшiнде ақы төлеуге арналған шоттың негізiнде және Қазақстан Республикасы Қаржы министрлігі берген деректемелер бойынша облыстардың, Астана және Алматы қалаларының жергілiктi атқарушы органдарына қалалық телекоммуникация желiлерінің абоненттерi болып табылатын, әлеуметтiк қорғалатын азаматтарға телефон үшін абоненттік ақы тарифтерінің арттырылуына өтемақы төлеуге арналған мақсатты трансферттердiң сомасын аударады. Аудару белгiленген тәртіппен бекітілген "Қалалық телекоммуникация желілерінің абоненттерi болып табылатын, әлеуметтiк қорғалатын азаматтарға телефон үшін абоненттік ақы тарифтерiнің арттырылуына өтемақы төлеуге облыстық бюджеттерге, Астана және Алматы қалаларының бюджеттерiне берілетін мақсатты трансферттер" республикалық бюджеттік бағдарламасын қаржыландыру жоспарына және қаулының 2-2-тармағына сәйкес тарифтiң арттырылуына өтемақы төлеуге арналған мақсатты трансферттерді облыстық бюджеттерге, Астана және Алматы қалаларының бюджеттерiне бөлуге сәйкес жүргiзiледi.
ҚР Үкіметінiң 08.12.04 ж. № 1284 қаулысымен 11-тармақ жаңа редакцияда (бұр. ред. қара)
11. Облыс бюджетін атқару жөніндегі уәкілеттi орган трансферттердi төмен деңгейде тұрған бюджетке тарифтiң арттырылуына өтемақы төлеуге арналған қаражат қажеттілігiне сәйкес және белгіленген тәртiппен бекітілген облыстық бюджеттi қаржыландырудың жиынтық жоспары шегiнде аударады.
Қазақстан Республикасы ?кіметінің
2004 жылғы 9 қыркүйектегі № 949 қаулысына
қосымша
ҚР Үкіметінiң 08.12.04 ж. № 1284 қаулысымен қосымшамен толықтырылды
Қалалық телекоммуникация желілерiнiң абоненттерi
болып табылатын, әлеуметтiк қорғалатын азаматтарға
телефон үшiн абоненттiк ақы тарифiнiң арттырылуына
өтемақы төлеуге арналған мақсатты трансферттерді
облыстық бюджеттерге, Астана және Алматы
қалаларының бюджеттерiне бөлу
Облыс | Мақсатты трансферттердiң сомасы, теңге |
Ақмола облысы | 11243822 |
Ақтөбе облысы | 30844924 |
Алматы облысы | 5602279 |
Атырау облысы | 774856 |
Шығыс Қазақстан облысы | 24185113 |
Жамбыл облысы | 89725602 |
Батыс Қазақстан облысы | 38471968 |
Қарағанды облысы | 33782972 |
Қостанай облысы | 103123159 |
Қызылорда облысы | 62722207 |
Маңғыстау облысы | 4127995 |
Павлодар облысы | 12658270 |
Солтүстiк Қазақстан облысы | 19726003 |
Оңтүстiк Қазақстан облысы | 3442469 |
Астана қаласы | 18254537 |
Алматы қаласы | 18097824 |
Барлығы: | 476784000 |
