(БҰРЫНҒЫ РЕДАКЦИЯ) ҚР ҮКІМЕТІНІҢ 2006.15.12 № 1220 ҚАУЛЫСЫ (ҮЗІНДІ)

су ресурстарын басқаруының әдістерін әзірлеу арқылы су және жер ресурстарын қолдану тиімділігін 15-20 пайызға дейін көтерілуі қамтамасыз етуіне;

агроөнеркәсіп кешенінің салаларына арналған ресурс сақтайтын жүйелерін, технологияларын және машиналарын шығару арқылы ауыл шаруашылығы өнімін өндіретін және қайта өңдейтін кәсіпорындарының рентабельділігін қамтамасыз етуіне, себепші болады.

Қаржылық-экономикалық нәтиже: АӨК-нің саласындағы бір тақырыпта жүргізілетін қолданбалы ғылыми-зерттеу және тәжірибе-конструкторлық жұмыстық орташа құны 4782,6 мың теңгені құрайды.

Уақтылығы: жыл ағымында жасалған шарттарға сәйкес.

Сапасы: ғылыми-зерттеу және тәжірибе-конструкторлық жұмыстар ғылыми-зерттеу ұйымдардың ғылыми кеңестерінде бекітілген бағдарламаларға және методикаларға, сонымен қатар күнтізбелік ғылыми-зерттеу жұмыстардың жоспарларына сәйкес жүргізіледі; бағдарламаның шегінде сатып алынатын лабораториялық құралдар және жаңа үлгідегі жабдықтар ғылыми жасауларды тиісті және сапалы деңгейде жасалуын қамтамасыз етеді. Басым әлемдік генотиптерді қолдану негізінде асыл тұқымды ауыл шаруашылығы жануарлардың өнімділік сапасы әлемдік стандарттарға сәйкес көтеріледі және мал мен құс шаруашылығы өнімінің сапасы және бәсекеге қабілеттігі жақсарады.

Қазақстан Республикасы Үкіметінің

2006 жылғы 15 желтоқсандағы

№1220 қаулысына

137-ҚОСЫМША

212 - Қазақстан Республикасы Ауыл шаруашылығы министрлігі

Бюджеттік бағдарламаның әкімшісі

2007 жылға арналған

«Ауыл шаруашылығын институционалдық дамыту»

деген 043 республикалық бюджеттік бағдарламаның

ПАСПОРТЫ

1. Құны: 23689400 мың теңге (жиырма үш миллиард алты жүз сексен тоғыз миллион төрт жүз мың теңге).

2. Бюджеттік бағдарламаның нормативтік құқықтық негізі: «Астық туралы» Қазақстан Республикасының 2001 жылғы 19 қаңтардағы Заңының 16-бабы; «Агроөнеркәсіптік кешенді және ауылдық аумақтарды дамытуды мемлекеттік реттеу туралы» Қазақстан Республикасының 2005 жылғы 8 шілдедегі Заңының 3 , 6 , 9 , 10, 11, 14, 15-баптары; «Қазақстан Республикасының ауылдық аумақтарын дамытудың 2004-2010 жылдарға арналған мемлекеттік бағдарламасы туралы» Қазақстан Республикасы Президентінің 2003 жылғы 10 шілдедегі № 1149 Жарлығы; «Мемлекеттік басқару жүйесін жетілдіруге бағытталған шараларды іске асыру жөніндегі «Іс-шаралар жоспары туралы» Қазақстан Республикасы Президентінің 2006 жылғы 11 қыркүйектегі № 66 өкімі; "Мемлекеттік астық ресурстарын қалыптастыру, сақтау, жаңарту, орнын ауыстыру және пайдалану ережесін бекіту туралы" Қазақстан Республикасы Үкіметінің 2001 жылғы 28 наурыздағы № 394 қаулысы;«Аграрлық секторға кредит беру мәселелері туралы» Қазақстан Республикасы Үкіметінің 2001 жылғы 25 қаңтардағы № 137 қаулысы; «Мал өнімдері корпорациясы» акционерлік қоғамын құру туралы" Қазақстан Республикасы Үкіметінің 2001 жылғы 8 қыркүйектегі № 1168 қаулысы; Қазақстан Республикасы Үкіметінің 2003 жылғы 28 ақпандағы № 220»"Қазагромаркетинг" акционерлік қоғамын құру туралы" қаулысы; «Астық қолхаттары бойынша міндеттемелерді орындауға кепілдік беру жүйесінің кейбір мәселелері туралы» Қазақстан Республикасы Үкіметінің 2004 жылғы 27 сәуірдегі № 470 қаулысы; «2006-2010 жылдарға арналған Қазақстан Республикасының аграрлық өнеркәсіп кешенін тұрақты дамыту тұжырымдамасын іске асыру бойынша іс-шаралар жоспары туралы» Қазақстан Республикасы Үкіметінің 2005 жылғы 30 маусымдағы № 654 қаулысы; "2006-2010 жылдарға арналған Қазақстан Республикасының аграрлық өнеркәсіп кешенін тұрақты дамыту тұжырымдамасын іске асыру бойынша 2006-2008 жылдарға арналған бірінші кезектегі шаралар бағдарламасын бекіту туралы" Қазақстан Республикасы Үкіметінің 2006 жылғы 6 наурыздағы № 149 қаулысы; «Қазақстан Республикасының ауыл шаруашылығы тауарын өндірушілерге кредит беру үшін шағын кредит ұйымдарының желісін дамыту тұжырымдамасы туралы» Қазақстан Республикасы Үкіметінің 2006 жылғы 28 сәуірдегі № 337 қаулысы; «Азық-түлік келісім-шарт корпорациясы акционерлік қоғамын дамытудың 2006-2008 жылдарға арналған жоспарын бекіту туралы» Қазақстан Республикасы Үкіметінің 2006 жылғы 13 қаңтардағы № 41 қаулысы.

3. Бюджеттік бағдарламаны қаржыландыру көздері: республикалық бюджеттің қаражаты.

4. Бюджеттік бағдарламаның мақсаты: тиімді ауылдық кредит серіктестіктері жүйесін одан әрі дамыту;

қаржылық жағдайы тұрақты ауыл шаруашылығы тауарын өндірушілерді және ауыл шаруашылығы өнімін қайта өңдеу жөніндегі кәсіпорындарды жеңілдетілген кредит ресурстарымен қамтамасыз ету;

өнімді қайта өңдеу, сақтау және өткізу мәселелерін бірлесіп шешу мақсатында, ауылда тиімді инфрақұрылым қалыптастыруға көмек көрсету, тауарлық-материалдық құндылықтармен жабдықтау;

өндіріс тұрақтылығының негізгі шарты және оның өнімдеріне баға деңгейін қолдаудың сенімді тетігі болып табылатын өндіріс теңгеріміне қол жеткізу және өткізу мақсатында, ауыл шаруашылығы өнімін және оны өңдеу өнімдерін сату көлемін ұлғайту үшін қажетті жағдай жасау;

ауыл халқының тұрмыс жағдайын жақсарту және жұмыспен қамтамасыз ету үшін ауылда ауыл шаруашылығына жатпайтын кәсіпкерлік қызмет түрлерін дамыту бойынша тиімді инфрақұрылым қалыптастыру;

мал өнімдері экспортының нарығын кеңейту;

агроөнеркәсіп кешенінде бюджет қаражатын инвестициялаудың нарықтық тетіктерін пайдалану негізінде аграрлық азық-түлік секторының тиімді жүйесін қалыптастыру;

ауыл тұрғындары мен агроөнеркәсіптік кешен субъектілеріне ақпаратты-маркетингтік және консультациялық қолдау көрсету;

жаңадан құрылған «ҚазАгро» Ұлттық холдингі» акционерлік қоғам қызмет етуін қамтамасыз ету.

5. Бюджеттік бағдарламаның міндеттері: жеңілдікті кредит ресурстарымен қамтамасыз етілген ауыл шаруашылығы тауарын өндірушілерді және ауыл шаруашылығы өнімін қайта өңдеу жөніндегі кәсіпорындарды 20 пайызға дейін ұлғайту;

сату, сақтау және қайта өндіру бойынша инфрақұрылым дамуын ынталандыру, тауарлық-материалдық құндылықтармен жабдықтау;

кредит беру жүйесін жетілдіру арқылы, аграрлық өнеркәсіп кешенінің бәсекеге қабілетті экспортқа бағытталған және импорттың орнын басатын өндірісін дамытуға бағытталған экономиканың аграрлық секторын оңтайлы мемлекеттік қолдаумен қамтамасыз ету;

ауылда шағын бизнесті әрі қарай дамыту үшін жеңілдікті кредит ресурстарымен ауыл кәсіпкерлерін қамтуды ұлғайту;

агроөнеркәсіп кешені субъектілерін лизингтік негізде қазіргі заманғы және жаңа ауыл шаруашылығы техникасымен,, арнайы техникамен және технологиялық жабдықтармен қамтамасыз ету арқылы, сонымен қатар ауыл шаруашылығы және балық өнімін қайта өңдеу бойынша жабдықтар сатып алуды қаржыландыру арқылы инфрақұрылым жүйесін ұйымдастыру;

өндіру (өсіру) және қайта өңдеудің қазіргі заманғы технологияларды пайдалану негізінде қазақстандық ауыл шаруашылығы және балық өнімінің сапасы мен бәсекеге қабілеттілігін арттыру;

Баку портында диірмен кешенін салуды қаржыландыру, Ақтау портындағы астық терминалының тиеу жабдығын жаңарту;

сыртқы мал өнімі рыноктарының мониторингі және қазақстандық өнімге сұраныс қалыптастыру жолдары:

аукциондар мен жәрмеңкелерге және көрмелерге қатысу;

мал өнімдерін сыртқы рыноктарға шығару үшін, жарнама ақпарат жұмыстарын жүргізу;

мал өнімдерінің қазақстандық брендін қалыптастыру және ұлғайту;

мал өнімінің экспорты және отандық мал өнімінің бәсекеге қабілеттілігін жақсарту жөніндегі шараларды жүзеге асыру және оны сыртқы рыноктарға шығару жолдары:

- дайындау пункттары және ауыл шаруашылығы малдарын бордақылау алаңдары жүйесін ұйымдастыру арқылы мал өнімін өндіруді және оны қайта өңдеу жөніндегі жұмыстар мен көрсетілетін қызметтерді жүзеге асыру;

- заңды тұлға құрмай бірлесіп әрекет жасау шартымен мал өнімін қайта өңдейтін кәсіпорындарды үшінші тараптар ретінде қатыстырып мал өнімін дайындауды және қайта өңдеуді ұйымдастыру;

- астық қолхаттарын ұстаушылардың құқығын және заңды мүдделерін қорғауды және астық саласында инвестициялық белсенділіктің өсуін қамтамасыз ету;

- өз бизнесін құру және дамыту үшін экономикалық белсенді ауыл халқын шағын кредиттермен қамтамасыз ету;

- ауыл халқына кәсіпкерліктің негіздерін және шағын кредитті экономикалық тиімді пайдалануды оқытуды ұйымдастыру;

- ауыл тұрғындары мен агроөнеркәсіптік кешен субъектілеріне ақпараттық-маркетингтік және консультациялық қолдауды кеңейту;

- «ҚазАгро» ұлттық холдингі" акционерлік қоғамының әкімшілік шығындарын жабу және негізгі жабдықтарды сатып алу.

6. Бюджеттік бағдарламаны іске асыру жөніндегі іс-шаралар жоспары:

7. Бюджеттік бағдарламаны орындаудан күтілетін нәтижелер:

Ауыл шаруашылығы өндірісін кредиттеу жүйесін ұйымдастыру:

Тікелей нәтиже: жеңілдікті кредит ресурстарымен қамтамасыз етілген ауыл шаруашылығы тауарын өндірушілерді және ауыл шаруашылығы өнімдерін қайта өңдеу жөніндегі кәсіпорындарды 20% дейін ұлғайту;

ауылдық тұтынушы кооперативтер және жауапкершілігі шектеулі серіктестік ретінде ауыл шаруашылық бірлестіктерді құру және көтермелеу;

ауылда шағын бизнесті әрі қарай дамыту үшін жеңілдікті кредит ресурстарымен ауыл кәсіпкерлерін қамтуды ұлғайту.

Түпкі нәтиже: ауылдық кредит серіктестіктері жүйесін әрі қарай дамыту үшін жағдай жасау және жеңілдігі бар кредит ресурстарымен қамтамасыз ету;

жеңілдікпен кредит беру арқылы жауапкершілігі шектеулі серіктестіктер мен ауылдық тұтынушылдық кооперативтер түрінде ауыл шаруашылық бірлестіктерді көтермелеу;

ауыл шаруашылығы өнімдерін дайындау, қайта өңдеу, сақтау және өткізу жөніндегі инфрақұрылым субъектілеріне кредит беру арқылы экономиканың аграрлық секторын оңтайлы мемлекеттік қолдаумен қамтамасыз ету, тауарлы-материалдық құндылықтармен жабдықтау;

жеңілдікпен кредит ресурстарын беру арқылы ауылда шағын бизнес объектілерінің санын ұлғайту.

Қаржылық-экономикалық нәтиже: мынадай бағыттар бойынша бюджет қаражатын игеру жоспарын орындау:

ауылдық кредит серіктестіктеріне кредит беру - 6 508,9 млн. теңге;

ауыл шаруашылығы өнімдерін өткізу, сақтау және қайта өңдеу жөніндегі инфрақұрылымға, тауарлы-материалдық құндылықтармен жабдықтауға кредит беру - 2 000 млн. теңге;

ауылдық жерде ауыл шаруашылығына жатпайтын кәсіпкерлік қызметтің түрлеріне кредит беру - 1 000 млн. теңге.

Уақтылығы: 2007 жылғы қыркүйектің соңына дейін ауылдық кредит серіктестіктері жүйесі арқылы ауыл шаруашылығы өнімдерін өндіретін ауыл шаруашылығы өндірісіне және өнеркәсіпке кредит беру;

2007 жылғы қарашаның соңына дейін ауыл шаруашылығы өнімдерін өткізу, сақтау және қайта өңдеу жөніндегі инфрақұрылымға, тауарлы-материалдық құндылықтарды жабдықтауға кредит беру;

2007 жылғы желтоқсанның соңына дейін ауылдық жерде ауыл шаруашылығына жатпайтын кәсіпкерлік қызметтің түрлеріне кредит беру.

Сапасы: тиімді ауылдық кредит серіктестіктері желісін құру;

импорттық ауыл шаруашылығы өнімдері үлесін азайту және экспорт үлесін ұлғайту;

ауылда ауыл шаруашылығына жатпайтын бизнесті дамыту бойынша тиімді инфрақұрылым қалыптастыру.

Ауыл шаруашылығы өндірісіне техникалық қызмет көрсету бойынша инфрақұрылымды ұйымдастыру:

Тікелей нәтиже: машина-трактор паркін және ауыл шаруашылығы өнімін қайта өңдейтін жабдықтарды 4,9%-ға жаңарту;

ауыл шаруашылығы және балық өнімдерін қайта өңдеу бойынша бәсекеге қабілетті өндірісті құру;

нақты және моральдік тұрғыдан ескірген машина-трактор паркті қысқарту.

Түпкі нәтиже: қазақстандық ауыл шаруашылығы өнімдерін өндірушілер өнімінің бәсекеге қабілеттілігін жоғарлату;

отандық тауарлардың сапасын және бәсеке қабілеттілігін жақсарту есебінен ауыл шаруашылығы қайта өңдеу өнімдерінің импорт алмастыру деңгейін жоғарлату.

Қаржылық-экономикалық нәтиже: өсірілетін ауыл шаруашылығы дақылдарын өндірудің және өнімділіктің көлемін жоғарлату;

өнімділігі жоғары техниканы қолдану есебінен өнімді жинау кезіндегі болатын шығындарды төмендету;

ауыл шаруашылығы және балық өнімдерін қайта өңдеу саласында жаңа технологиялардың дамуы;

жаңа жоғарғы технологиялық ауыл шаруашылығы техникасын және жабдықтарды қолдану есебінен еңбек өнімділігін жоғарлату;

аграрлық сектордың машина-трактор паркін ауқымды жаңарту және оған техникалық қызмет көрсету (кепілдік және кепілдіктен кейінгі) бойынша тұрақты қызмет ететін және нәтижелі инфрақұрылымды құру.

Уақтылығы: ауыл шаруашылығы техникасы тиісті ауыл шаруашылық агротехнологиялық операцияларды іске асырудың басталуына жеткізіледі.

Сапасы: техниканы және жабдықтарды агроөнеркәсіп қаржылық тұрақты субъектілеріне ғана беру мүмкіндігінің болуы;

техника және жабдықтар агроөнеркәсіп субъектілерінің қажеттіліктеріне сәйкес сұранымдар бойынша жеткізіледі;

ауыл шаруашылығы техникасын және жабдықтарды сатып алу, негізінен, тікелей өндіруші зауыттарда нарықтық бағалардан төмен бағамен және кепілдік қызметпен сатып алынады.

Өсімдік шаруашылығы өнімі нарығын дамыту және өндірісін қолдау:

Тікелей нәтиже: Ақтау портындағы астық терминалының өткізу мүмкіндігін арттыру;

Баку портында диірмен кешенін салу;

Түпкі нәтиже: Қазақстанның экспорттық мүмкіндіктерін арттыру, Ақтау, Баку порттарындағы астық терминалдары теңіз жолдарымен тасымалдау кезінде астықты Каспий өңірі аймағындағы елдерге және олар арқылы транзитпен Грузияға, Молдавияға және еуропалық елдерге үздіксіз асыру мүмкіндігін қамтамасыз етеді, қазақстандық астық экспорттаушыларының мүмкіндіктерін кеңейтеді, Қазақстан Республикасы экономикасының бүкіл астық секторының тұрақтануы мен дамуына септігін тигізеді, Әзірбайжанға, Грузияға Қазақстандық астықты экспорттау және осы елдерде қазақстандық астықтың қайта өңдеу өнімдерін сату.

Қаржылық-экономикалық нәтиже: Ақтау портындағы терминалдың нақты өткізу мүмкіндігін жылына 500-600 мың тонна астыққа дейін арттыру (қазіргі өткізу мүмкіндігі - жылына 300-350 мың тонна), бұл қазақстандық астықтың экспорттау көлемдерін арттыру үшін қажет;

тақау жылдарда Әзірбайжан Республикасына жыл сайын, тұрақты түрде шамамен 100 мың тонна астықты экспортқа шығарып отыру, жыл сайын Әзірбайжан рыногы үшін 25-тен 75 мың тоннаға дейін астықтың әртүрлі жоғары сапалы қайта өңдеу өнімдерін өндіру, Баку портындағы астық қабылдау терминалының құрылысы мен жабдықталуын 0,4 млрд. теңге сомасына қаржыландыру»"Азық-түлік келісім-шарт корпорациясы" акционерлік қоғамының әзірбайжан тарапымен бірлескен кәсіпорынға қатысуын 50%-ға қаржыландыруға мүмкіндік береді.

Уақтылығы: Іс-шаралар жоспарын құрылыс кестесіне сай жүргізу.

Сапасы: Ақтау теңіз портындағы астық терминалының өткізу мүмкіндігін арттыру;

Ақтау портындағы астық терминалының тақау онжылдықтарда астықты Каспий өңірі мен Кавказ арты елдеріне экспортқа шығару жөніндегі негізгі асыру пунктына айналуы мүмкіндігі бар;

Баку портында диірмен кешенін салу.

Мал шаруашылығы өнімін өндіруді, қайта өңдеуді және өткізуді қолдау:

Тікелей нәтиже: ауыл шаруашылық өндірушілеріне, ауыл тұрғындарына және өңдеу өнеркәсіптеріне, қызмет көрсетуді ұлғайту және жаппай өндіру кезеңінде мал өнімдерін дайындауды және өңдеуді төмен бағамен жүзеге асыру; отандық мал өнімдерінің экспортының үлесін ұлғайту, оның көлемін экспортта ет бойынша жеткізу - 25%, сүт өнімдері - 35%, жүн 8% және мал терісі - 11% дейін;

дайындау және мал өнімдерінің өндірісін ұйымдастыру өздігімен оны сатып алу, оның үлесін өндірісте жеткізу ет бойынша - 0,7%, сүт - 1,6%, жүн - 5,1% және де мал терісі - 7,1% дейін;

Корпорацияның импортты алмастыратын өнімдерінің өндірісін ұйымдастыру үлесін республика бойынша ұлғайту:

сары май - 10%, құрғақ сүт - 50%, ірімшік және сүзбе - 7% дейін;

жүн, тері дайындау бойынша 16 пункттер ұйымдастыру жолымен мал шаруашылығы өнімдерінің экспорттық инфрақұрылымын қалыптастыру.

Түпкі нәтиже: аграрлы-өнеркәсіп кешені малшаруашылық секторының, бәсекеге қабілеттілігін тиімділігін дамыту және арттыру.

Қаржылық-экономикалық нәтиже: осы бағдарлама бойынша бюджеттік қаржының бөлінуі мал өнімдерін сатып алуды екі есеге ұлғайтады және мал өнімдерінің экспорттық потенциалын көтереді;

импортты алмастыратын өңделген мал өнімдерін өндіруді өсіру.

Уақтылығы: мал өнімдерін сатып алуды және өндірістік өңдеуді 2007 жылдың желтоқсан айына дейін ұйымдастыру.

Сапасы: ауылшаруашылық тауар өндірушілер мен ауыл тұрғындары өңдеу кәсіпорындарына делдалсыз мал шикізатын және өнімдерді өткізу мүмкіндігін алады, сонымен қатар ауылшаруашылық тауар өндірушілерінің табысын ұлғайтады;

республикада мал өнімдерін дайындау, өңдеу, сақтау үшін дайындау инфрақұрылымын дамыту;

бәсекелесе алатын импортты алмастыру өнімдерді өндіруді ұйымдастыру;

импорттық мал өнімдерінің үлесін төмендету және экспорттың үлесін ұлғайту.

Астық қол хаттары бойынша міндеттемелердің орындалуын қамтамасыз ету:

Тікелей нәтиже: қордың қатысушылары - астық қабылдаушы кәсіпорындардың астық қолхаттары бойынша міндеттемелерді орындауға кепілдік беру көлемін көбейту.

Түпкі нәтиже: астық қолхаттарын кепілге қою арқылы ауыл шаруашылығы тауарын өндірушілерді өнім жинағаннан кейінгі несиелендіру көлемін ұлғайту.

Қаржылық-экономикалық нәтиже: қорға қатысушылар - астық қабылдау кәсіпорындарындағы 2500,0 мың тонна мөлшеріндегі астықтың сақталуын қамтамасыз ету.

Уақтылығы: республикалық бюджеттен бөлінген бюджет қаражаттарын толықтай және дер уақытында игеру.

Сапасы: қордың қатысушылары - астық қабылдау кәсіпорындарындағы астық сапасының төмендеу немесе оны жоғалту фактілеріне жол бермеу және астық қолхаттары бағдарламасы бойынша несиелендіру көлемін көбейту.

Ауыл тұрғындарына микрокредит беру жүйесін ұйымдастыру:

Тікелей нәтиже: қор филиалдары арқылы шағын кредит алған үй шаруашылығының саны: 2007 жылы - 9 692 адам, 2008 жылы - 16154 адам;

кәсіпкерліктің негіздерін үйренген ауыл халқының санын ұлғайту 2007 жылы - 26 000 адам;

шағын кредиттік ұйымдардың желісін ауылдық жерлерде құру және дамыту.

Түпкі нәтиже: ауыл халқының табысын ұлғайту, қосымша жұмыс орындарын құру, ауыл халқының кәсіпкерлік қабілетін жетілдіру.

Қаржылық-экономикалық нәтиже: 1 қарыз алушыға шағын кредит беру бойынша Қордың шығындары: 2007 жылы - 7,5 мың теңге, 2008 жылы - 5,3 мың теңге.

Уақтылығы: республикалық бюджеттің қаражатын игеру 100%;

жоспарға сәйкес өткізілген семинарлардың саны: 2007 жылы - 1 300.

Сапасы: үй шаруашылығын Қор филиалдары арқылы шағын кредитпен қамту: 2007 жылы - 0,9%, 2008 жылы - 1,6%.

"ҚазАгро" Ұлттық холдингі акционерлік қоғамының қызметін қамтамасыз ету:

Тікелей нәтиже: жоғары кәсіби мамандарды жалдау, материалдық-техникалық құндылықтарды (кеңсе жиһазы, көлік, ұйымдастыру техникасы және т.б.) және қызметтерді (кеңсе жалдау,  коммуналдық қызметтер және т.б.) сатып алу.

Түпкі нәтиже: «ҚазАгро» Ұлттық холдинг» акционерлік қоғамының тиімді жұмыс істеуін қамтамасыз ету, арнайы ұйымдарға қаржылық және басқару менеджментін жүзеге асыру, арнайы ұйымдардың»"ҚазАгро" Ұлттық холдинг" акционерлік қоғамына берілген қызметін ынталандыру.

Қаржылық-экономикалық нәтиже: синергетикалық тиім есебінен аграрлық сектордың инвестициялық тартымдылығын арттыру.

Уақыттылығы: белгіленген мерзімдерде «ҚазАгро» Ұлттық холдинг» акционерлік қоғамына жүктелген мәселелерді орындау және шұғыл шығындарды жабу.

Сапасы: корпоративті басқару және траспаренттік принциптер негізінде мемлекеттік басқаруды модернизациялау.

Ауылда ақпараттық инфрақұрылымды енгізу және дамыту:

Тікелей нәтиже: 16 облыстық өкілдіктерге ғимарат сатып алу және әдістемелік орталық құру арқылы "Казагромаркетинг" акционерлік қоғамының жүйесінің тиімді жұмыс атқаруын қамтамасыз ету.