«пайдаланылуына» деген сөз «іске асырылуына» деген сөздермен ауыстырылсын;
3-тармақ мынадай редакцияда жазылсын:
«3. Облыстық бюджеттік бағдарламалардың, республикалық маңызы бар қаланың, астананың бюджеттік бағдарламаларының әкімшілері болып табылатын облыстың, республикалық маңызы бар қаланың, астананың ішкі істер органдарын қоспағанда, мемлекеттік органдардың құрылымдық және аумақтық бөлімшелері бюджеттік бағдарламалардың әкімшілері бола алмайды.»;
18) 31-бап «мемлекеттік органдар» деген сөздерден кейін «Қазақстан Республикасының заңдарында белгіленген өздерінің функцияларына сәйкес» деген сөздермен толықтырылсын;
19) 32-баптың 2 және 3-тармақтары мынадай редакцияда жазылсын:
«2. Облыстар, республикалық маңызы бар қала, астана әкімдерінің және мәслихаттарының аппараттары, облыстардың, республикалық маңызы бар қаланың, астананың әкімдіктері уәкілеттік берген атқарушы органдар және облыстардың, республикалық маңызы бар қаланың, астананың ішкі істер органдары Қазақстан Республикасының заңдарында белгіленген өздерінің функцияларына сәйкес облыстық бюджеттік бағдарламалардың, республикалық маңызы бар қаланың, астананың бюджеттік бағдарламаларының әкімшілері болып табылады.
3. Аудан (облыстық маңызы бар қала) әкімінің және мәслихатының аппараттары, ауданның (облыстық маңызы бар қаланың) әкімдігі уәкілеттік берген атқарушы органдар Қазақстан Республикасының заңдарында белгіленген өздерінің функцияларына сәйкес аудандық (қалалық) бюджеттік бағдарламалардың әкімшілері болып табылады.»;
20) 33-бап мынадай редакцияда жазылсын:
«33-бап. Бюджеттік бағдарламалардың анықтамасы
1. Бюджеттік бағдарлама - мемлекеттік басқару функцияларын, республиканы немесе өңірді дамытудың стратегиялық, орта мерзімді бағдарламалары мен жоспарларын іске асыру үшін қабылданған, бюджет қаражатымен қамтамасыз етілетін міндеттер.
2. Бюджеттік бағдарлама мемлекеттік басқару функцияларын, республиканы немесе өңірді дамытудың стратегиялық, орта мерзімді бағдарламалары мен жоспарларын іске асыру үшін қабылданған, бюджет қаражатымен қамтамасыз етілетін міндеттерді бюджеттік бағдарлама шеңберінде нақтылайтын ішкі бағдарламаларға бөлінуі мүмкін.
3. Бюджеттік бағдарламаның іске асырылу нәтижелерін көрсететін мақсаты, міндеттері және индикаторлары болуға тиіс.
Бюджеттік бағдарламаның мақсаты бюджеттік бағдарламаны орындау кезінде қол жеткізілуге тиіс белгілі бір түпкі нәтиже болып табылады. Бюджеттік бағдарламаның мақсаты айқын, нақтылы және қол жететіндей болуға тиіс.
Бюджеттік бағдарламаның мақсаты жекелеген міндеттерге бөлінеді, олар бюджеттік бағдарламаның мақсатына қол жеткізудің жолдары болып табылады.
Сегізінші, тоғызыншы абзацтары 2007 жылғы 1 қаңтардан бастап қолданысқа енгізілді
Индикаторлар мақсатқа сай және оңай есептелетін болуға тиіс.
4. Бюджеттік бағдарламаның атауы Қазақстан Республикасының заңнамасымен қабылданған мемлекеттік функциялардың мақсаттарын, стратегиялық, орта мерзімді бағдарламалар мен даму жоспарларының міндеттерін бейнелеуге тиіс.
Бюджеттік бағдарламаның мазмұны Қазақстан Республикасының заңнамасымен қабылданған, мемлекет көрсететін тиісті қызметтерді бейнелейтін мемлекеттік функцияларға, республиканың стратегиялық, орта мерзімді бағдарламалары мен даму жоспарлары міндеттерінің іс-шараларына сәйкес болуға тиіс.»;
21) 34-бапта:
1-тармақ мынадай редакцияда жазылсын:
«1. Ағымдағы бюджеттік бағдарламалар - нәтижелері:
1) бюджеттік бағдарламалар әкімшілерінің Қазақстан Республикасының заңнамалық актілеріне сәйкес мемлекеттік басқару функциялары мен мемлекеттің міндеттемелерін орындау жөніндегі тұрақты сипаты бар қызметін қамтамасыз етуге;
2) республиканың немесе өңірдің стратегиялық, орта мерзімді бағдарламалары мен даму жоспарларының мақсатына қол жеткізуге, олардың нақты міндеттері мен іс-шараларын шешуге бағытталған бюджеттік бағдарламалар.
Бюджеттік даму бағдарламалары - нәтижелері республиканың немесе өңірдің стратегиялық, орта мерзімді бағдарламаларының, даму жоспарларының мақсатына қол жеткізу дәрежесіне және олардың міндеттері мен іс-шараларын шешуге тікелей ықпал ететін, экономикалық пайда алуға немесе әлеуметтік-экономикалық тиімділікке қол жеткізуге бағытталған бюджеттік бағдарламалар.»;
3-тармақтың 2) тармақшасындағы «Қазақстан Республикасы Үкіметінің қаулысымен немесе жергілікті атқарушы органның нормативтік құқықтық актісімен белгіленеді» деген сөздер «Қазақстан Республикасының Үкіметі айқындайтын тәртіппен жүзеге асырылады» деген сөздермен ауыстырылсын;
22) 35-бап мынадай редакцияда жазылсын:
«35-бап. Бюджеттік бағдарламалардың тиімділігін бағалау
1. Бюджеттік бағдарламалардың тиімділігін бағалау оларды әзірлеу, республикалық және жергілікті бюджеттерді жоспарлау, оларды іске асыру, іске асырылуын бақылауды жүзеге асыру сатыларында жүзеге асырылады.
2. Бюджеттік бағдарламалардың тиімділігін бюджеттік бағдарламаны әзірлеу сатысында бағалауды бюджеттік бағдарламаның әкімшісі бюджеттік бағдарламаны қалыптастыру және жоспарлау сапасын айқындау арқылы жүзеге асырады.
Бюджеттік бағдарламаны қалыптастыру сапасын айқындау:
1) мақсатты, міндеттер мен іс-шараларды белгілеудің қазіргі бар проблемаларға сәйкес келуін;
2) бюджеттік бағдарлама мақсатының, міндеттері мен іс-шараларының айқын және нақты жазылуын;
3) қазіргі бар проблемаларды ықтимал баламалы шешу жолдарының болуын, оларды шешудің ұсынылып отырған жолдарын таңдаудың дұрыстығы мен шешу жолдарының тиімділік өлшемдерінің айқындалуын;
4) күтілетін нәтижелер мен индикаторлардың бюджеттік бағдарламаның алға қойған мақсаттарына, мемлекет көрсететін қызметтерді алушылардың мүдделері мен сұраныстарына сәйкес келуін;
5) бюджеттік бағдарламаның мақсаттары мен міндеттеріне және мемлекет көрсететін қызметтерді алушылардың сұраныстарына стратегиялық мақсаттардың сәйкес келу тұрғысынан индикаторлардың дұрыс таңдалуын талдауды қамтиды.
Бюджеттік бағдарламаны жоспарлау сапасын айқындау:
1) мемлекеттік мекемелердің бюджеттік бағдарламаның мақсаттарына қол жеткізу және міндеттерін орындау үшін ресурстарға қажеттігін;
2) мемлекеттік мекемелер қажеттігінің құнын бюджеттік бағдарламаның (ішкі бағдарламаның) заттай нормалар ескеріле отырып айқындалатын экономикалық құрылымы бойынша нормативтік, сандық және құндық көрсеткіштеріне сәйкес жоспарлануын талдауды қамтиды.
3. Бюджеттік жоспарлау жөніндегі орталық және жергілікті уәкілетті органдар бюджеттік бағдарламалардың тиімділігін бюджетті жоспарлау сатысында бағалауды:
1) болжанатын қаржы жылына арналған бюджеттік бағдарлама бойынша паспорттардың жобалары, қаржыландыру жоспарларының жылдық сомалары, шығыстар есептері;
2) бюджеттік бағдарламаның әкімшісі жүргізген бюджеттік бағдарламаның тиімділігін бағалау нәтижелері негізінде жүргізеді.
Бюджеттік бағдарламалардың тиімділігін бағалау:
1) республиканың немесе өңірдің тиісті болжанатын жылдарға арналып қабылданған стратегиялық, орта мерзімді бағдарламаларына және әлеуметтік-экономикалық даму жоспарларына;
2) егер алдағы қаржы жылында осы бағдарламаны іске асыру көзделсе, бюджеттік бағдарламалардың өткен және ағымдағы жылдарда іске асырылуын талдауға сәйкестігі бойынша жүзеге асырылады.
Бюджеттік жоспарлау жөніндегі орталық және жергілікті уәкілетті органдар тиімділікті республикалық және жергілікті бюджеттерді жоспарлау сатысында бағалау нәтижелері негізінде ағымдағы қаржы жылының 1 маусымына дейінгі мерзімде үш жылдық кезеңге арналған басым бюджеттік бағдарламалардың (ішкі бағдарламалардың) тізбесін жасайды.
4. Тиімділікті бюджеттік бағдарламаларды іске асыру сатысында бағалауды бюджеттік бағдарламаның әкімшісі, бюджеттік жоспарлау жөніндегі орталық және жергілікті уәкілетті органдар бюджеттік бағдарламаны іске асыруды басқару сапасы мен оның нәтижелілігін айқындау арқылы жүзеге асырады.
Бюджеттік бағдарламаны іске асыруды басқарудың сапасын айқындау:
1) бюджеттік бағдарламаның әкімшісінде бюджеттік бағдарламаны іске асырудың тиімділігін бағалау нәтижелерінің болуын;
2) бюджеттік бағдарламаның тиімділігін бағалауды жүргізудің уақтылылығын;
3) бюджеттік бағдарламаның паспортына сәйкес оның іс-шараларын іске асырудың уақтылылығын;
4) бюджеттік бағдарлама әкімшісінің бюджеттік бағдарламаны одан әрі іске асыру немесе оны іске асырудан бас тарту жөнінде шешім қабылдауының уақтылылығын;
Жиырма жетінші абзац 2007 жылғы 1 қаңтардан бастап қолданысқа енгізілді
5) бюджеттік бағдарламаның тиімділігін арттыру және мақсаттарға, міндеттер мен күтілетін нәтижелерге, индикаторларға қол жеткізу жөніндегі уақтылы іс-әрекеттерді;
6) бюджеттік бағдарламаны іске асыруға қатысатын адамдардың есептілігін талдауды қамтиды.
Бюджеттік бағдарламаларды іске асырудың нәтижелілігін айқындау:
Отызыншы абзац 2008 жылғы 1 қаңтардан бастап қолданысқа енгізілді
1) алынған нәтижелер мен индикаторларға қол жеткізу деңгейін;
2) алынған нәтижелердің тиісті стратегиялық мақсаттар мен міндеттерге, сондай-ақ бюджеттік бағдарламаның өзінің мақсаттары мен міндеттеріне сәйкес келуін;
3) алынған нәтижелердің мемлекет көрсететін қызметтерді алушылардың мүдделері мен сұраныстарына сәйкес келуін;
4) бюджеттік бағдарламаның нәтижелеріне қойылатын жоғарыда тізіп көрсетілген талаптарды растайтын құжаттардың болуын талдауды қамтиды.
Бюджеттік бағдарламалардың тиімділігіне оларды іске асыру сатысында бағалау жүргізу кезінде мемлекет көрсететін қызметтердің сапасы туралы олардың алушыларына сауал жүргізу негізінде алынған үкіметтік емес ұйымдардың (қоғамдық бірлестіктердің) ақпараты пайдаланылуы мүмкін.
5. Бюджеттік бағдарламалардың іске асырылуын сыртқы бақылау кезінде бюджеттік бағдарламалардың тиімділігін бағалауды жүргізу тәртібін Республикалық бюджеттің атқарылуын бақылау жөніндегі есеп комитеті айқындайды.
6. Бюджеттік бағдарламалардың іске асырылуын ішкі бақылау кезінде бюджеттік бағдарламалардың тиімділігін бағалауды жүргізу тәртібін Қазақстан Республикасының Yкіметі айқындайды.»;
23) 38-бапта:
1-тармақ мынадай редакцияда жазылсын:
«1. Бюджет процесіндегі республикалық, облыстық бюджеттер, республикалық маңызы бар қаланың, астананың, аудандардың (облыстық маңызы бар қалалардың) бюджеттері арасындағы және республикалық бюджет пен Қазақстан Республикасының Ұлттық қоры арасындағы қатынастар бюджетаралық қатынастар болып табылады.»;
5-тармақтағы «бюджеттер деңгейлері» деген сөздер «республикалық, облыстық бюджеттер, республикалық маңызы бар қаланың, астананың, аудандардың (облыстық маңызы бар қалалардың) бюджеттері» деген сөздермен ауыстырылсын;
мынадай мазмұндағы 8-тармақпен толықтырылсын:
«8. Жоғары тұрған органдардың жалпы сипаттағы трансферттердің үш жылдық көлемінің қолданылу кезеңінде шығыстардың ұлғаюына және (немесе) кірістердің азаюына әкеп соқтыратын нормативтік құқықтық актілерді қабылдауынан туындайтын төмен тұрған бюджеттердің ысырабын өтеу міндетті түрде жоғары тұрған бюджеттен ағымдағы нысаналы трансферттер бөлу арқылы жүргізіледі.»;
24) 39-бапта:
7) тармақша мынадай редакцияда жазылсын:
Үшінші абзац 2007 жылғы 1 қаңтардан бастап қолданысқа енгізілді
«7) республикалық бюджеттік бағдарлама әкімшісінің республикалық бюджеттен алынатын нысаналы трансферттер мен кредиттер есебінен қаржыландырылатын облыстық бюджеттік бағдарламалардың күтілетін нәтижелері мен индикаторларына қол жеткізу үшін жауаптылығы;»;
мынадай мазмұндағы 8), 9) және 10) тармақшалармен толықтырылсын:
«8) облыстың, республикалық маңызы бар қаланың, астананың жергілікті атқарушы органдарының республикалық бюджеттен алынатын трансферттер мен кредиттердің тиімді әрі нысаналы пайдаланылуы үшін жауаптылығы;
Алтыншы абзац 2007 жылғы 1 қаңтардан бастап қолданысқа енгізілді
9) облыстық бюджеттік бағдарлама әкімшісінің облыстық бюджеттен алынатын нысаналы трансферттер мен кредиттер есебінен қаржыландырылатын аудандық бюджеттік бағдарламалардың күтілетін нәтижелері мен индикаторларына қол жеткізу үшін жауаптылығы;
10) ауданның (облыстық маңызы бар қаланың) жергілікті атқарушы органдарының облыстық бюджеттен алынатын нысаналы трансферттер мен кредиттердің тиімді әрі нысаналы пайдаланылуы үшін жауаптылығы.»;
25) 40-бапта:
1-тармақтың 1) және 2) тармақшаларындағы «ресми» деген сөздер алып тасталсын;
2-тармақтағы «Ресми трансферттер» деген сөздер «трансферттер» деген сөзбен ауыстырылсын;
6-тармақта:
екінші бөлікте:
«трансферттер мен кредиттердің» деген сөздер «трансферттердің» деген сөзбен, «трансферттер мен кредиттерді» деген сөздер «трансферттерді» деген сөзбен ауыстырылсын;
«он күн» деген сөздер «бір ай» деген сөздермен ауыстырылсын;
«аяқталғаннан кейін» деген сөздерден кейін «бюджет қаражатының бос қалдықтары есебінен» деген сөздермен толықтырылсын;
мынадай мазмұндағы төртінші бөлікпен толықтырылсын:
«Нысаналы трансферттердің қаржы жылы ішінде пайдаланылмаған (толық пайдаланылмаған) сомаларын оларды бөлген жоғары тұрған бюджетке ағымдағы қаржы жылының желтоқсанында қайтаруға жол беріледі. Мұндай сомаларды қайтару қаржы жылының қорытындылары бойынша төленбеген міндеттеме болып танылады.»;
мынадай мазмұндағы 7-тармақпен толықтырылсын:
«7. Өткен қаржы жылында Қазақстан Республикасының Ұлттық қорынан республикалық бюджетке аударылмаған кепілдік берілген трансферт сомасын Республикалық бюджет комиссиясының шешімі бойынша Қазақстан Республикасының Үкіметі айқындаған тәртіппен олардың ағымдағы қаржы жылының басындағы толық пайдаланылмаған сомасынан аспайтын көлемде алдыңғы жылғы республикалық бюджеттік даму бағдарламаларын қаржыландыру үшін ағымдағы қаржы жылында Қазақстан Республикасы Үкіметінің пайдалануға құқығы бар.»;
26) 41 және 42-баптардың тақырыбындағы және мәтініндегі «ресми» деген сөздер алып тасталсын;
27) 43-бапта:
1-тармақтағы «ресми» деген сөз алып тасталсын;
2-тармақ алып тасталсын;
28) 44-бап мынадай редакцияда жазылсын:
«44-бап. Дамуға арналған нысаналы трансферттер
Жоғары тұрған бюджеттер:
1) мемлекеттік және салалық (секторлық) бағдарламалар немесе өңірлік бағдарламалар негізінде жергілікті атқарушы органдар ұсынатын жергілікті бюджеттік инвестициялық жобаларды (бағдарламаларды) іске асыру;
2) республиканың стратегиялық, орта мерзімді бағдарламалары мен даму жоспарларының жоғары тұрған мемлекеттік басқару органдарының құзыретіне жататын, экономикалық пайда алуға немесе әлеуметтік-экономикалық тиімділікке қол жеткізуге бағытталған іс-шараларын төмен тұрған мемлекеттік басқару органдарының орындауы үшін республикалық немесе жергілікті бюджеттерде бекітілген сомалар шегінде төмен тұрған бюджеттерге беретін трансферттер дамуға арналған нысаналы трансферттер болып табылады.»;
29) 45-баптың 1-тармағындағы «кассалық алшақтықты жабуға» деген сөздер «қолма-қол ақшаның болжамды тапшылығы жағдайында» деген сөздермен ауыстырылсын;
30) 7-тараудың тақырыбы мынадай редакцияда жазылсын:
«7-тарау. Бюджетке түсетін түсімдерді республикалық, облыстық
бюджеттер, республикалық маңызы бар қаланың, астананың, ауданның (облыстық маңызы бар қаланың) бюджеттері мен Қазақстан Республикасының Ұлттық қоры арасында бөлу»;
31) 46-бапта:
1-тармақта:
1) және 5) тармақшалар мынадай редакцияда жазылсын:
«1) мұнай секторы кәсіпорындарынан түсетін түсімдерді қоспағанда, корпорациялық табыс салығы;»;
«5) мұнай секторы кәсіпорындарынан түсетін түсімдерді қоспағанда, үстеме пайдаға салынатын салық;»;
6) тармақша алып тасталсын;
7) және 8) тармақшалар мынадай редакцияда жазылсын:
«7) мұнай секторы кәсіпорындарынан түсетін түсімдерді қоспағанда, бонустар;
8) мұнай секторы кәсіпорындарынан түсетін түсімдерді қоспағанда, роялти;»;
9) тармақшадағы «Қазақстан Республикасының» деген сөздердің алдынан «мұнай секторы кәсіпорындарынан түсетін түсімдерді қоспағанда,» деген сөздермен толықтырылсын;
4-тармақта:
бірінші абзацтағы және 1) тармақшадағы «ресми» деген сөздер алып тасталсын;
2) тармақшадағы «нысаналы» деген сөз алып тасталсын;
32) 47-баптың 4-тармағындағы «ресми» деген сөздер алып тасталсын;
33) 48-бапта:
3-тармақтың 2) тармақшасы мынадай редакцияда жазылсын:
«2) ауыл шаруашылығы мақсатындағы жер учаскелерін қоспағанда, жер учаскелерін сатудан түсетін түсімдер;»;
4-тармақтағы «ресми» деген сөздер алып тасталсын;
34) 49-бапта:
3-тармақтың 2) тармақшасы мынадай редакцияда жазылсын:
«2) ауыл шаруашылығы мақсатындағы жер учаскелерін қоспағанда, жер учаскелерін сатудан түсетін түсімдер;»;
4-тармақтағы «ресми» деген сөздер алып тасталсын;
35) мынадай мазмұндағы 49-1-баппен толықтырылсын:
«49-1-бап. Қазақстан Республикасының Ұлттық қорына
жіберілетін бюджет түсімдерi
Қазақстан Республикасы Ұлттық қорына жіберілетін бюджет түсімдері:
1) мұнай секторы кәсіпорындарынан алынатын тікелей салықтардан (жергілікті бюджеттердің есебіне жатқызылатын салықтарды қоспағанда) құралады, оларға:
корпорациялық табыс салығы, үстеме пайдаға салынатын салық;
роялти, бонустар, өнімді бөлу бойынша үлес;
экспортталатын шикі мұнайға, газ конденсатына рента салығы жатады;
2) республикалық меншіктегі және тау-кен өндіру мен өңдеу салаларына жататын мемлекеттік мүлікті жекешелендіруден түсетін түсімдерден;
3) ауыл шаруашылығы мақсатындағы жер учаскелерін сатудан түсетін түсімдерден тұрады.»;
36) 50-баптың 1-тармағында:
1) тармақша мынадай мазмұндағы жиырмасыншы абзацпен толықтырылсын:
«Алматы қаласының өңірлік қаржы орталығының қызметін реттеу;»;
12) тармақшада:
екінші абзацтағы «ресми» деген сөз алып тасталсын;
үшінші абзац алып тасталсын;
мынадай мазмұндағы жетінші абзацпен толықтырылсын:
«мемлекеттің кепілгерлігі бойынша міндеттемелерді орындау.»;
37) 51-баптың 1-тармағының 12) тармақшасындағы «ресми» деген сөздер алып тасталсын;
38) 52-баптың 1-тармағының 12) тармақшасында:
екінші абзацтағы «ресми» деген сөз алып тасталсын;
төртінші абзац алып тасталсын;
39) 53-бапта:
1-тармақтың 9) тармақшасында:
екінші абзац алып тасталсын;
үшінші абзацтағы «ресми» деген сөз алып тасталсын;
4-тармақта:
4) тармақшадағы «ұйымдарының қызметін қамтамасыз ету» деген сөздер «ұйымдарын қолдау» деген сөздермен ауыстырылсын;
13) тармақша мынадай редакцияда жазылсын:
«13) жергілікті деңгейдегі мәдени-демалыс жұмысын қолдау;»;
40) 55-бап мынадай мазмұндағы 8-1) тармақшамен толықтырылсын:
«8-1) мемлекеттік бағдарламаларды әзірлеу, іске асыру және олардың тиімділігін бағалау тәртібін айқындайды;»;
41) 58-бапта:
7) тармақша алып тасталсын;
мынадай мазмұндағы 7-1) тармақшамен толықтырылсын:
«7-1) салалық (секторлық), өңірлік және бюджеттік бағдарламаларды әзірлеу, іске асыру және олардың тиімділігін бағалау тәртібін айқындайды;»;
9) тармақша «бюджеттік» деген сөздің алдынан «жергілікті» деген сөзбен толықтырылсын;
мынадай мазмұндағы 12-1) және 14-1) тармақшалармен толықтырылсын:
«12-1) Қазақстан Республикасы Үкіметінің мемлекеттік емес қарыздар бойынша мемлекет кепілгерлігін беру тәртібін, мемлекет кепілгерлігі аясында тартылатын қарыздарды алу, пайдалану, өтеу, оларды тіркеу мен есепке алу, мемлекет кепілгерлігі бойынша борыштың мониторингі мен оны басқару тәртібін айқындайды;»;
«14-1) республикалық және жергілікті бюджеттерден алынатын субсидияларды төлеу тәртібін айқындайды;»;
16) тармақшадағы «рұқсат етілген қаржылық активтердің және, материалдық емес активтерді қоспағанда, өзге мүліктің» деген сөздер «, материалдық емес активтерді қоспағанда, рұқсат етілген шетелдік қаржы құралдарының» деген сөздермен ауыстырылсын;
19) тармақшадағы «ресми» деген сөз алып тасталсын;
23) тармақша алып тасталсын;
26) тармақшадағы «және жергілікті атқарушы органдардың штат саны лимитін» деген сөздер «, жергілікті атқарушы органдардың штат санының лимиттері мен нормативтерін» деген сөздермен ауыстырылсын;
42) 59-бапта:
мынадай мазмұндағы 1-1) және 7-1) тармақшалармен толықтырылсын:
«1-1) басым бюджеттік бағдарламаларды (ішкі бағдарламаларды) бөліп көрсете отырып, мемлекеттік функцияларға, мемлекеттік, салалық (секторлық) және өңірлік бағдарламаларға, Қазақстан Республикасы Президентінің Қазақстан халқына жыл сайынғы Жолдауына, сондай-ақ мемлекеттік мекемелердің, Қазақстан Республикасының Yкіметі мен жергілікті атқарушы органдардың ақысы төленбеген міндеттемелеріне сәйкес алдағы қаржы жылы іске асырылатын бюджеттік бағдарламалар (ішкі бағдарламалар) тізбесінің жобасын қалыптастырады;»;
«7-1) мұнай секторы кәсіпорындарының тізбесіне өзгерістер мен толықтырулар енгізу жөнінде ұсыныстар әзірлеп, Қазақстан Республикасының Үкіметіне енгізеді;»;
10) тармақшадағы «бюджеттік бағдарламалардың» деген сөздер «бағдарламаларды әзірлеу және іске асыру» деген сөздермен ауыстырылсын;
11) тармақша «борышты» деген сөзден кейін «, сондай-ақ мемлекет кепілгерлігі жөніндегі борышты» деген сөздермен толықтырылсын;
мынадай мазмұндағы 12-1) және 12-2) тармақшалармен толықтырылсын:
«12-1) республикалық бюджеттен қаржыландырылатын мемлекеттік органдар аппараттарының штат кестелерін әзірлеу жөніндегі әдіснамалық басшылықты талдап-жасайды;
12-2) бюджеттік жоспарлау жөніндегі әдіснамалық басшылықты жүзеге асырады;»;
43) 60-бап мынадай мазмұндағы 1-1) және 1-2) тармақшалармен толықтырылсын:
«1-1) экономикалық жоспарлау жүйесін жетілдіру жөнінде ұсыныстарды талдап-жасайды;
1-2) республиканың әлеуметтік-экономикалық дамуының орта мерзімді жоспарларын әзірлеу мен іске асыру әдістемесін айқындайды;»;
44) 61-бапта:
10) тармақшадағы «банктік шоттардан» деген сөздер «Қазақстан Республикасының Ұлттық Банкімен келісім бойынша бюджетті атқару жөніндегі орталық уәкілетті органның банктік шоттарынан» деген сөздермен ауыстырылсын;
16) тармақша «кепілдіктері» деген сөзден кейін «және мемлекет кепілгерліктері» деген сөздермен толықтырылсын;
18) тармақша алып тасталсын;
мынадай мазмұндағы 22-1) және 22-2) тармақшалармен толықтырылсын:
«22-1) түсімдер сомаларын кейіннен қолма-қол ақшаның тиісті бақылау шоттарының есебіне жатқыза отырып, осы Кодекске сәйкес оларды республикалық, жергілікті бюджеттер мен Қазақстан Республикасы Ұлттық қорының арасында бөлуді жүзеге асырады;
22-2) Қазақстан Республикасының Ұлттық қорына жіберілетін бюджет түсімдері сомаларын Қазақстан Республикасы Үкіметінің Қазақстан Республикасының Ұлттық Банкіндегі шоттарына аударуды жүзеге асырады;»;
45) 64-бап мынадай редакцияда жазылсын:
«64-бап. Облыс, республикалық маңызы бар қала, астана
әкімдігінің құзыретi
Облыс, республикалық маңызы бар қала, астана әкімдігі:
1) облыстың, республикалық маңызы бар қаланың, астананың, ауданның (облыстық маңызы бар қаланың) бюджеттік жоспарлау және бюджетті атқару жөніндегі жергілікті уәкілетті органының жұмысын үйлестіреді;
2) тиісті қаржы жылына арналған облыстық бюджеттің, республикалық маңызы бар қала, астана бюджеттерінің жобасын тиісті мәслихатқа табыс етеді;
3) облыстық бюджеттің, республикалық маңызы бар қала, астана бюджеттерінің атқарылуы туралы жылдық есепті тиісті мәслихатқа табыс етеді;
4) облыстық мәслихаттың және республикалық маңызы бар қала, астана мәслихаттарының тиісті қаржы жылына арналған тиісті жергілікті бюджеттер туралы шешімдерін іске асыру туралы қаулы қабылдайды;
5) облыстың, республикалық маңызы бар қаланың, астананың жергілікті атқарушы органының орта мерзімді фискалдық саясатын бекітеді;
6) облыстың, республикалық маңызы бар қаланың, астананың экономикалық, бюджеттік жоспарлау, бюджетті атқару жөніндегі жергілікті уәкілетті органдарын құрады;
7) облыстың, республикалық маңызы бар қаланың, астананың бюджет комиссиясын құрады, ол туралы ережені бекітеді, оның құрамын айқындайды;
8) осы Кодексте көзделген жағдайларда тиісті қаржы жылының бірінші тоқсанына арналған облыстық қаржы жоспарын және республикалық маңызы бар қаланың, астананың қаржы жоспарларын бекітеді;
9) Қазақстан Республикасының заңдарына сәйкес өзге де өкілеттіктерді жүзеге асырады.»;
46) мынадай мазмұндағы 64-1, 64-2, 64-3 және 64-4-баптармен толықтырылсын:
«64-1-бап. Аудан (облыстық маңызы бар қала) әкімдігінің құзыретi
Аудан (облыстық маңызы бар қала) әкімдігі:
1) аудан (облыстық маңызы бар қала) бюджетінің атқарылуын қамтамасыз етеді және ауданның (облыстық маңызы бар қаланың) бюджеттік жоспарлау және бюджетті атқару жөніндегі жергілікті уәкілетті органдарының жұмысын үйлестіреді;
2) аудан (облыстық маңызы бар қала) бюджетінің атқарылуы туралы жылдық есепті тиісті мәслихатқа табыс етеді;
3) аудан (облыстық маңызы бар қала) мәслихатының тиісті қаржы жылына арналған тиісті бюджеттер туралы шешімдерін іске асыру туралы қаулы қабылдайды;
4) ауданның (облыстық маңызы бар қаланың) атқарушы органының орта мерзімді фискалдық саясатын бекітеді;
5) ауданның (облыстық маңызы бар қаланың) экономикалық, бюджеттік жоспарлау, бюджетті атқару жөніндегі жергілікті уәкілетті органдарын құрады;
6) ауданның (облыстық маңызы бар қаланың) бюджет комиссиясын құрады, ол туралы ережені бекітеді, оның құрамын айқындайды;
7) осы Кодексте көзделген жағдайларда ауданның (облыстық маңызы бар қаланың) тиісті қаржы жылының бірінші тоқсанына арналған қаржы жоспарын бекітеді.
64-2-бап. Облыстың, республикалық маңызы бар қаланың,
астананың, ауданның (облыстық маңызы бар қаланың)
бюджеттік жоспарлау жөніндегі жергілікті уәкілеттi
органының құзыретi
Облыстың, республикалық маңызы бар қаланың, астананың, ауданның (облыстық маңызы бар қаланың) бюджеттік жоспарлау жөніндегі жергілікті уәкілетті органы:
1) облыстың, республикалық маңызы бар қаланың, астананың, ауданның (облыстық маңызы бар қаланың) атқарушы органының тиісті қаржы жылына арналған орта мерзімді фискалдық саясатының жобасын әзірлейді;
