Қазақстан Республикасы Бiлiм және ғылым министрлігінiң «Бөбек» республикалық оқу-сауықтыру орталығы» республикалық мемлекеттік қазыналық кәсiпорнын қайта атау туралы
Қазақстан Республикасы Үкіметінің 2004 жылғы 30 қыркүйектегі № 1005 қаулысы
(2013.05.08. берілген өзгерістермен)
Қазақстан Республикасының Үкіметі қаулы етеді:
1. Қазақстан Республикасы Білiм және ғылым министрлігінiң «Бөбек» республикалық оқу-сауықтыру орталығы» республикалық мемлекеттік қазыналық кәсіпорны Қазақстан Республикасы Бiлiм және ғылым министрлігінiң «Бөбек» ұлттық ғылыми-практикалық білім беру және сауықтыру орталығы» республикалық мемлекеттік қазыналық кәсiпорны болып қайта аталсын.
2. Қазақстан Республикасының Бiлiм және ғылым министрлігі осы қаулыдан туындайтын шараларды қабылдасын.
3. Қазақстан Республикасы Үкіметінiң кейбір шешiмдерiне мынадай өзгерістер мен толықтыру енгiзілсiн:
1) ҚР Үкіметінің 2013.05.08. № 796 Қаулысымен күші жойылды (бұр.ред.қара)
2) «Қазақстан Республикасы Бiлiм және ғылым министрлігінiң жекелеген ұйымдарын қайта ұйымдастыру туралы» Қазақстан Республикасы Үкіметінiң 2002 жылғы 17 мамырдағы № 533 қаулысына (Қазақстан Республикасының ПҮКЖ-ы, 2002 ж., № 14, 146-құжат):
2-тармақ мынадай мазмұндағы 4) тармақшамен толықтырылсын:
«4) ғылыми зерттеулер, ғылыми-педагогикалық мамандар мен кадрлар даярлау.»;
3) ҚР Үкіметінің 28.10.04 ж. № 1111 қаулысымен күші жойылды (бұр. ред. қара)
4. Осы қаулы қол қойылған күнiнен бастап күшiне енедi.
Қазақстан Республикасының
| Премьер-Министрі | Д.К. Ахметов
|
