Қазақстан Республикасы Үкіметінің кейбір шешімдеріне толықтырулар мен өзгерістер енгізу және күші жойылды деп тану туралы
Қазақстан Республикасы Үкіметінің 2009 жылғы 10 желтоқсандағы № 2071 Қаулысы
Осы редакция 2015 жылғы 25 желтоқсанда енгізілген өзгерістеріне дейін қолданылды
Қазақстан Республикасының Үкіметі ҚАУЛЫ ЕТЕДІ:
1. Қазақстан Республикасы Үкіметінің кейбір шешімдеріне мынадай толықтырулар мен өзгерістер енгізілсін:
1) «Техникалық регламенттерді әзірлеу, сараптау, қабылдау, өзгерту және жою ережесін бекіту туралы» Қазақстан Республикасы Үкіметінің 2007 жылғы 20 маусымдағы № 517 қаулысында (Қазақстан Республикасының ПҮАЖ-ы, 2007 ж., № 20, 231-құжат):
көрсетілген қаулымен бекітілген техникалық регламенттерді әзірлеу, сараптау, қабылдау, өзгерту және жою ережесінде:
мынадай мазмұндағы 1-тармақпен толықтырылсын:
«1. Техникалық регламенттер техникалық реттеу жүйесіне көшуді жүзеге асыру үшін Ведомствоаралық комиссия мақұлдаған тұжырымдама болған кезде әзірленеді.
Тұжырымдама:
1) техникалық регламенттің атауын;
2) техникалық регламенттің қолданылу саласы мен объектілерін;
3) жағымсыз әсерді барынша азайту үшін реттеу белгіленуі қажет проблемалар туралы ақпаратты;
4) қауіпті факторларды (қатерлерді);
5) Қазақстан Республикасының нормативтік құқықтық базасының болуы және оның жай-күйі туралы ақпаратты (техникалық регламент объектісіне қойылатын талаптарды белгілейтін заңдар, қаулылар, санитарлық, құрылыс, өрт және басқа нормалар мен ережелер);
6) халықаралық деңгейдегі нормативтік құжаттардың болуы туралы ақпаратты (халықаралық шарттар, директивалар, басқа елдердің техникалық регламенттері және басқалар);
7) өндіріс, сынақ базасының және жалпы саланың жай-күйі туралы ақпаратты;
8) техникалық регламентті енгізу үшін қабылдануы қажет шаралар туралы ақпаратты;
9) техникалық регламентті енгізуден күтілетін нәтижелерді қамтиды.»;
1-тармақ 1-1-тармақ деп есептелсін;
9-тармақтың төртінші абзацында «ғалымдар мен мамандар арасынан сарапшыларды тарта отырып тиісті бейіндегі ұйымдар» деген сөздер «тиісті бейіндегі ғалымдар мен мамандар арасынан сарапшыларды тарта отырып, өз қызметін техникалық реттеу және метрология саласында жүзеге асыратын ұйым» деген сөздермен ауыстырылсын;
10-тармақтың екінші абзацында:
«растайтын құжат» деген сөздер «растайтын құжаттар» деген сөздермен ауыстырылсын;
«жарияланғанын» деген сөзден кейін «, техникалық регламенттердің жобалары бойынша бұқаралық талқылау ұйымдастырылғанын және өткізілгенін, үйлестірілген стандарттардың тізбесін, техникалық регламенттерді енгізу жөніндегі іс-шаралар жоспарын» деген сөздермен толықтырылсын;
11-тармақтағы «қабылдау, өзгерістер енгізу,» деген сөздер «қабылдау және» деген сөздермен ауыстырылсын;
мынадай мазмұндағы 12-тармақпен толықтырылсын:
«12. Техникалық регламенттерге өзгерістер мен толықтырулар енгізу осы Ереженің 2 және 3-бөлімдеріне сәйкес жүзеге асырылады.»;
2) «Сәйкестікті растау рәсімдері» техникалық регламентін бекіту туралы» Қазақстан Республикасы Үкіметінің 2008 жылғы 4 ақпандағы № 90 қаулысында (Қазақстан Республикасының ПҮАЖ-ы, 2008 ж., № 4, 48-құжат):
көрсетілген қаулымен бекітілген «Сәйкестікті растау рәсімдері» техникалық регламентінде:
Техникалық регламентке 1-қосымшада:
«Сертификаттау схемаларын қолдану» деген бөлімнің 8-тармағы мынадай редакцияда жазылсын:
«8. Егер ұсынылған құжаттар бойынша өнім қауіпсіздігін анықтау мүмкін болса, 9-схеманы жеке қажеттілік үшін өнімнің шағын көлемді партиясын, өндірісті немесе, өндірістік және өзге объектілерді жарақтандыруға арналған нысаналы мақсатпен сатып алынатын бірлі-жарым бұйымды (бұйымдар жиынтығын) сертификаттаған жағдайда импортталатын өнімдер үшін қолдану ұсынылады.»;
3) тармақша алғаш рет ресми жарияланған күнінен бастап алты ай өткен соң қолданысқа енгізілді
3) «Буып-түюге, таңбалауға, затбелгі жапсыруға және оларды дұрыс түсіруге қойылатын талаптар» техникалық регламентін бекіту туралы» Қазақстан Республикасы Үкіметінің 2008 жылғы 21 наурыздағы № 277 қаулысында (Қазақстан Республикасының ПҮАЖ-ы, 2008 ж., № 16, 146-құжат):
көрсетілген қаулымен бекітілген «Буып-түюге, таңбалауға, затбелгі жапсыруға және оларды дұрыс түсіруге қойылатын талаптар» деген техникалық регламентте:
10-тармақтағы «(тағам өнімдері үшін),» деген сөздерден кейін «энергия тұтынуына (энергия тұтынатын жабдықтар үшін),» деген сөздермен толықтырылсын.
2. Қосымшаға сәйкес Қазақстан Республикасы Үкіметінің кейбір шешімдерінің күші жойылды деп танылсын.
3. Осы қаулының 1-тармағының алғаш рет ресми жарияланған күнінен бастап алты ай өткен соң қолданысқа енгізілетін 3) тармақшасын қоспағанда, осы қаулы алғаш рет ресми жарияланған күнінен бастап он күнтізбелік күн өткен соң қолданысқа енгізіледі.
| Қазақстан Республикасының Премьер-Министрі | К. Мәсімов |
Қазақстан Республикасы
Үкіметінің
2009 жылғы 10 желтоқсандағы
№ 2071 қаулысына
қосымша
Қазақстан Республикасы Үкіметінің күші жойылған кейбір шешімдерінің
тізбесі
1. «Тауарлардың заттаңбаларына (этикеткаларына) мемлекеттік және орыс тілдерінде ақпарат енгізу жөніндегі талаптар туралы» Қазақстан Республикасы Үкіметінің 1999 жылғы 31 тамыздағы № 1274 қаулысы (Қазақстан Республикасының ПҮАЖ-ы, 1999 ж., № 43, 395-құжат).
2. «Қазақстан Республикасының 1999 жылғы 31 тамыздағы № 1274 қаулысына өзгерістер енгізу туралы» Қазақстан Республикасы Үкіметінің 2000 жылғы 11 қаңтардағы № 44 қаулысы (Қазақстан Республикасының ПҮАЖ-ы, 2000 ж., № 1, 15-құжат).
3. «Қазақстан Республикасы Үкіметінің 1999 жылғы 31 тамыздағы № 1274 қаулысына өзгерістер енгізу туралы» Қазақстан Республикасы Үкіметінің 2000 жылғы 24 қаңтардағы № 121 қаулысы (Қазақстан Республикасының ПҮАЖ-ы, 2000 ж., № 3, 45-құжат).
4. «Қазақстан Республикасы Үкіметінің 1999 жылғы 31 тамыздағы № 1274 қаулысына өзгерістер мен толықтырулар енгізу туралы» Қазақстан Республикасы Үкіметінің 2008 жылғы 19 тамыздағы № 760 қаулысы (Қазақстан Республикасының ПҮАЖ-ы, 2008 ж., № 35, 372-құжат).
