(а) сол арқылы ұйым басшылығы сондай шоғырландыруларды айқындайтын тәсілдің сипатталуы;
(b) әрбір шоғырландыруды сәйкестендіретін жалпы сипаттаманы сипаттау (мысалы, контрагент, географиялық өңір, валюталар немесе нарық); және
(с) барлық қаржы құралдарымен байланысты тәуекелдіктің шамасы, бұлар үшін мұндай сипаттама жалпы сипаттама болып табылады.
Несиелік тәуекелдікке барынша ұшырау мүмкіндігі (36(а)-тармақ)
В9 36(а)-тармақ несиелік тәуекелдікке ұйымның барынша ұшырауын жоғары дәрежеде көрсететін шаманы ашып көрсетуді талап етеді. Қаржы активіне орай мұндай шама, әдетте, шегеруден былай жиынтық қаржылық жағдай туралы есептік құны болып табылады:
(а) 32 ХҚЕС-қа (ІAS) сәйкес есепке алынатын кез келген сомалар; және
(b) 39 ХҚЕС-қа (ІAS) сәйкес танылған құнсызданудан болған кез келген залалдар.
В10 Кредиттік тәуекелдіктің туындауына апаратын және несиелік тәуекелдікке барынша килігуге байланысты операциялар, соның ішінде, мыналарды қамтиды:
(а) клиенттерге несиелер мен дебиторлық берешектер беру және басқа ұйымдарда депозиттер орналастыру. Мұндай жағдайларда кредиттік тәуекелдікке барынша килігу тиісті қаржы активтерінің қаржылық жағдай туралы есептік құнына тең болады;
(b) туынды шарттар, мысалы, айырбас контрактілерін, пайыздық своптар мен туынды несиелік шарттар жасау. Актив жиыны әділ құны бойынша бағаланғанда кредиттік тәуекелдікке борынша килігу есепті уақыттағы жағдай бойынша қаржылық жағдай туралы есептік құнына тең болады;
(с) қаржылық кепілдіктер беру. Бұл жағдайда несиелік тәуекелдікке килігу барынша сома болады. Оны кепілдік қолданылған кезде ұйым төлеуге тиісті еді және ол едәуір дәрежеде міндеттеме ретінде танылған сомадан артық болар еді.
(d) кредиторлық берешекті қабылдау, ол елеулі қолайсыз өзгеріс болғаннан басқа жағдайда, кредиттік келісімнің қолданысының бүкіл мерзімі ішінде қайтарып алына алмайды. Егер эмитент кредиторлық берешекті (үстеме талаптарды) ақша қаражатын немесе өзге қаржы құралын есепке алу жолымен реттей алмаса, онда несиелік тәуекелдікке барынша ұшырау үшін сондай міндеттеменің бүкіл шамасы қабылданады. Бұл болашақта несиенің кез келген таңдалмаған бөлігін пайдалану мүмкіндігіне қатысты неғайбілдіктің салдары болып табылады. Бұл бөлік міндеттеме таныған сомадан едәуір дәрежеде асып кетуі мүмкін.
Сандық сипаттағы өтімділік тәуекелдікке ашып көрсетулер (34 (a) және 39 (a) және (b) тармақтары)
B10A 34 (a)-тармағына сәйкес ұйым өтімділік тәуекелдік ықтималдығы жөнінде мазмұндайтын сандық сипаттағы мәліметті ең маңызды басқару персоналына ішінара қамтамасыз етілетін ақпарат негізінде ашып көрсетеді. Ұйым осы мәлімет қалай анықталғанын түсіндіріп беруі тиіс. Егер сол мәліметке кіретін ақша шығыстары (немесе басқа қаржылық актив) болуы мүмкін:
(a) мәліметте көрсетілген күннен әлдеқайда бұрын пайда болса, немесе
(b) мәліметте берілген сомалардан өте өзгеше сомалар үшін (мысалы мәліметте таза мәміле негізіндегі туынды үшін бірақ қарсы тараптың жиынтық мәмілені талап ету опциясы), ұйым бұл туралы хабарлауы тиіс және қаржылық есептіліктерді пайдаланушыларға өтімділік тәуекелдігінің пайда болуы мен көлемін бағалауға ынталандыратын сандық сипаттағы ақпаратты, 39 (a) немесе (b)-тармақтарында талап етілгендей шартты өтілу туралы талдауға осы ақпарат кірмесе, қамтамасыз етуі тиіс.
В11 Қаржылық міндеттемелерді өтеудің шарттық мерзімдері туралы талдамалы деректерді әзірлеу кезінде, 39 (а)- және (b)- тармағының талабына сәйкес, ұйым өз пайымдауы негізінде уақыт диапазондардың тиесілі санын белгілеуі тиіс. Мысалы, ұйым мынадай уақытша диапазондар сақтау керек екенін белгілей алады:
(а) бір айдан кеш емес;
(b) бір ай өткен, бірақ үш айдан артық емес;
(с) үш ай өткен, бірақ бір жылдан артық емес; және
(d) бір жыл өткен, бірақ бес жылдан артық емес.
B11A 39 (a) және (b) -тармақтарына сәйкес ұйым гибридтік (біріккен) қаржылық құралдардан өндірілген туындыны жекелемеуі тиіс. Осындай құрал үшін ұйым 39 (a) -тармағын қолдануы тиіс.
B11B 39 (b)-тармағы өтеудің шарттық мерзімдері ақша ағымдарының уақытын анықтауды түсіну үшін маңызды болып табылатын өтеудің шарттық мерзімдері әлі аяқталмаған туынды қаржылық міндеттемелер үшін өтелуі туралы сандық сипаттағы талдамалы деректерді ашып көрсетуді талап етеді. Мысалы, бұл келесі жағдайға тиісті:
(a) өзгермелі мөлшерлеме қаржылық актив немесе міндеттеменің ақша ағынының хеджисіндегі өтеу мерзімі бес жыл болатын пайыздық мөлшерлеме.
(b) барлық несие келісімдері.
B11C 39 (a) және (b)- тармақтары кейбір қаржылық міндеттемелердің шартты өтеу мерзімдерін көрсететін қаржылық міндеттемелер үшін өтелуі туралы сандық сипаттағы талдамалы деректерді ұйымның ашып көрсетуін талап етеді. Осы ашып көрсетуде:
(a) қарсы тарап соманың қашан төленетініне байланысты таңдау жасай алса, міндеттеме ұйымнан төлем жасауды талап ететін ең ерте мерзімге тіркеледі. Мысалы, ұйым талап бойынша (мысалы талап депозиттері) төлеуге тиісті қаржылық міндеттемелер ең ерте уақыт аралығына қосылады.
(b) сомаларды жеке төлемдер ретінде жасауға келісім берген жағдайда әрбір жеке төлем ұйымнан төлем жасауды талап етілетін ең ерте мерзімге тіркеледі. Мысалы, бас тартылмаған несие келісімі бас тарту мүмкін болатын ең ерте күнді қамтитын уақыт аралығына кіреді.
(c) шығарылған қаржылық кепілдік келісімдері үшін кепілдіктің ең жоғарғы сомасы кепілдік шақырыла алатын ең ерте мерзімге тіркеледі.
B11D 39 (a) және (b) тармақтарының талабына сай өтеу мерзімдерін талдауда ашып көрсетілген шартты сомалар жеңілдетілмеген (дисконтталмаған) ақша ағындары болып табылады, мысалы:
(a) жиынтық қаржылық жалдау міндеттемелер (қаржылық шығындарды шығарғанға дейін);
(b) ақша қаражатына қаржы активтерін сатып алуға арналған форвардтық келісімде айтылған бағалар;
(c) өзгеру бойынша төленетін және тіркелген пайыздық мөлшерлеме бойынша алынатын своптар бойынша таза сомалар, бұларға таза ақша ағындары айырбасталынады;
(d) туынды қаржы құралы (мысалы, валюталық своп) арқылы айырбасталуға жататын шартта көзделген сомалар, оған ақша қаражатының жалпы ағындары айырбасталады; және
(e) жиынтық кредиттік міндеттемелер.
Ақша қаражатының мұндай дисконтталмаған ағындары қаржылық жағдай туралы есепте көрсетілген сомамен үйлеспейді, өйткені бұл қаржылық жағдай туралы есептік сома дисконтталған ақша ағындарына негізделген. Төленетін сома белгіленбеген болса, бұл сома қаржылық есептілік мерзімінің соңында бар болған шарттарға сілтеме арқылы анықталады. Мысалы, төленетін сома индекстегі өзгерістерге байланысты өзгерсе, ашып көрсетілетін сома мерзім соңындағы индекс дәрежесіне негізделуі мүмкін.
B11E 39(c) - тармағы ұйымнан 39(a) және (b) -тармақтары талап ететін сандық сипаттағы ашып көрсетулерде айқындалған баптарға тән өтімділік тәуекелдігін қалай басқаратынын суреттеуін талап етеді. Ұйым иеленген қаржылық активтерінің өтелуі туралы талдауды өтімділік (мысалы сатуға дайын немесе қаржылық міндеттемелерді өтеу үшін ақша ағындарын өндіру күтілетін қаржылық активтер) тәуекелдігін басқару үшін ашып көрсетуі тиіс, егер осы ақпарат қаржылық есептіліктерді пайдаланушыларға өтімділік тәуекелдігінің пайда болуы мен көлемін бағалауға мүмкіндік туғызса.
B11F Ұйым 39(c)- тармағында талап етілетін ашып көрсетуді дайындауда ескере алатын басқа факторлар, бірақ бұлармен ғана шектелмейтін, ұйым:
(a) өтімділік қажеттіліктерін өтеу үшін қарызға алу мекемелерін (мысалы сауда қағаздары мекемелері) немесе басқа несиелік бағыттарды (мысалы тұрақты несие мекемелері) игеруге келісім берген;
(b) өтімділік қажеттіліктерін өтеу үшін орталық банкте депозит иеленген;
(c) түрлі демеулік көздері бар;
(d) активтерінде немесе демеулік көздерінде өтімділік тәуекелдігі шоғырлануының басым болуы;
(e) өтімділік тәуекелдігін басқару үшін ішшінара қадағалау үрдістері мен шартты жоспарлары бар;
(f) үдеулі қайта төлем шарртары ішке кіретін (мысалы ұйымның несиелік бағалануының төменделуіне);
(g) кепілді қамтамасыз етуді бетке шығаруды талап ететін құралдары бар (мысалы белгіленген туындыларға шақырулар);
(h) ақша (немесе басқа қаржылық актив) жеткізу арқылы немесе өз үлестерін жеткізу арқылы қаржылық міндеттемелерді өтеу не өтемеуді таңдауға рұқсат беретін құралдары бар; немесе
(i) таза иеліктегі келісімдер бойынша жұмыс жасайтын құралдары бар.
B12-
B16 [Жойылған]
Нарықтық тәуекелдік - сезімталдылықты талдау (40 және 41-тармақтар)
В17 40(а)-тармақта ұйым ұшыраған нарықтық тәуекелдіктің әрбір түріне сезімталдықты талдау талабы бар. В3-тармағына сәйкес ұйым жалпы сұлбаны көрсету үшін ақпаратты өзі қалай тоғыстыруды шешеді. Бұл ретте әр тарапты экономикалық орталардан едәуір дәрежеде шығатын тәуекелдіктерге ұшырау туралы әртүрлі сипаттамалардағы ақпаратты біріктірмейді. Мысалы:
(а) қаржы құралдарымен операция жүргізетін ұйым мұндай ақпаратты сауда үшін арналған және арналмаған қаржы құралдары үшін жеке ашып көрсете алады.
(b) ұйым өзінің нарықтық тәуекелдіктерге ұшыраған гиперинфляция өңірлерінде, сол нарықтық тәуекелдіктерге ұшыраған инфляциясы өте төмен өңірлерде тоғыстыруға тиісті емес.
Егер ұйым нарықтық тәуекелдіктің бір түріне ғана, бір экономикалық ортада ғана ұшыраса, ол тоғыстырылмаған ақпарат табыс етуге тиісті емес.
В18 40(а)-тармақ сезімталдықты талдау пайдаға немесе залалға, сондай-ақ капиталға ықпал етуін көрсетуді талап етеді, тәуекелдіктің өзгеруіне сәйкес мүмкін болатын өзгерістер ақылға сыйымды (мысалы, пайыздың нарықтық мөлшерлемелеріндегі, валюталық бағамдарда, акциялар бағамдарында немесе биржалық тауарлар бағаларында белең алу). Осы мақсатпен:
(а) егер тәуекелдіктің тиісті ауыспалы құралдары өзгеше болса, кезең ішінде пайданың немесе залалдың шамасы қандай болғанын айқындау ұйымдардан талап етілмейді. Мұның орнына ұйымдар есеп беру уақытындағы жағдай бойынша пайданың немесе залалдың ықпал етуін ашып көрсетуге тиіс, есеп беру уақытында тәуекелдіктің тиісті ауыспалы құрамына ақылға сыйымды мүмкін болатын өзгеріс орын алды, ол сол уақытта болған тәуекелдікке ұшырауға қолданылды деген топшылау бойынша осылай. Мысалы, егер жыл аяғында ұйымның өзгермелі мөлшерлемесі бар міндеттемесі болса, ол ағымдағы жыл үшін, егер пайыздық мөлшерлемелер ақылға сыйымды мүмкін болатын шамаға өзгерсе, пайдаға немесе залалға ықпал етуді (яғни пайыздық залал) ашуға тиіс;
(b) ұйымдар тәуекелдіктің тиісті ауыспалы құрамына ақылға сыйымды мүмкін болатын өзгерістер диапазоны шеңберіндегі әрбір өзгерістің пайдаға немесе залалға ықпал етуін ашып көрсетуге міндетті емес. Мұндай ақылға сыйымды мүмкін болатын диапазонның ақтық нүктелерінде тіркелген өзгерістердің ықпал етуін ашып көрсету жеткілікті болады.
В19 Тәуекелдіктің тиісті ауыспалы құрамына ақылға сыйымды мүмкін болатын өзгерісті айқындаған кезде ұйым мыналарды назарға алуға тиіс:
(а) ол өз қызметін жүзеге асыратын экономикалық ортаны. Ақылға сиымды мүмкін болатын өзгеріс ықтималдылығы аз немесе «ең қолайсыз» сценарийлерді немесе «стресс-тестілеуді» қамтымауға тиіс. Оның үстіне, егер тәуекелдіктің базистік ауыспалы өзгерістерінің қарқыны тұрақты болса, ұйым таңдап алған тәуекелдіктің тиісті ауыспалы құрамына ақылға сыйымды өзгерістерін ауыстыруға міндетті емес. Мысалы, айталық, мөлшерлеме 5 пайызды құрайды, ал ұйым ±50 базистік пункт диапазонындағы пайыздық мөлшерлемелердің мүмкін болатын ауытқуы ақылға сыйымды деп есептейді. Егер пайыздық мөлшерлемелердің 4,5 немесе 5,5 пайызға дейінгі өзгерулері күтілсе, ұйым пайдаға немесе залалға және капиталға ықпал етуді ашып көрсетеді. Келесі кезеңде пайыздық мөлшерлемелер 5,5 пайызға дейін ұлғайды. Ұйым пайыздық мөлшерлемелер ±50 базистік пунктке өзгеретін болады деп одан әрі есептейді (яғни пайыздық мөлшерлемелердың өзгеру қарқыны тұрақты). Егер пайыздық мөлшерлемелердің 5 немесе 6 пайызға дейін өзгеруі күтілсе, ұйым пайдаға немесе залалға және капиталға ықпал етуді ашып көрсетеді. Пайыздық мөлшерлемелер ±50 базистік пункттерге өзгере алғанда, ұйым өз бағалауын қайта қарауға тиісті емес, пайыздық мөлшерлемелердің едәуір анағұрлым қозғалыстағы белгілерінің болуы басқа жағдайлар;
(b) соның шегінде бағалау жүргізілетін уақытша интервал. Сезімталдық талдауы өзгерістердің ықпал етуін көрсетуге тиіс. Бұлар ұйым мұндай ашып көрсетулерді келесі табыс еткенге дейінгі кезең бойында ақылға сыйымды мүмкін болатын жәйттер ретінде қарастырылады. Мұның өзі, әдетте, келесі жылдық есепті кезеңде жүргізіледі.
В20 41-тармақ ұйымға сезімталдықтың мұндай талдауын қолдануға рұқсат етеді. Ол тәуекелдіктің ауыспалы құрамдары арасындағы өзара тәуекелділікті, егер ол қаржы тәуекелдігіне өзінің килігуін басқару үшін осындай талдау қолданса, тәуекелдік құнын талдау әдіснамасын көрсетер еді. Бұл ереже осындай әдіснаманың көмегімен әлеуетті табыс емес, әлеуетті шығын ғана бағаланатын жағдайлардың өзінде де дұрыс. Мұндай ұйым 41(а)-тармағының талаптарын орындай алады. Ол тәуекелдік бойынша құнды моделдеудің пайдаланылатын әдіс үлгісін аша отырып (мысалы, осы моделдеу Монте-Карло әдісі бойынша жүргізіле ме, соны айтып), сондай-ақ бұл модель қалай жұмыс істейді және негізгі жол берулері неде екенін түсіндіреді (мысалы, иелену кезеңі мен сенім деңгейі жөнінде). Ұйымдар сондай-ақ байқаудың тарихи интервалын және осындай интервал шегінде байқаулардың нәтижелері бойынша салмақты бағалауларды ашып көрсете алады, нұсқаулар қалай оқылатынын және волатилдік пен корреляциялық (немесе, баламалар ретінде, Монте-Карло әдісін қолдана отырып, ықтималдылықтың бөлінуін моделдеу) қандай мәнде пайдаланылатынын түсіндіре алады.
В21 Сол ретте, ұйым сезімталдық талдауларын өзінің бүкіл қызметіне орай табыс етуге міндетті. Ол қаржы құралдарының әртүрлі сыныптары бойынша әртүрлі талдамалы деректерді табыс етуге құқылы.
Пайыздық тәуекелдігі
В22 Қаржылық жағдай туралы есепте танылған пайыздық қаржы құралдары бойынша (мысалы, кредиторлық, дебиторлық берешек және шығарылған борыш құралдары), сондай-ақ қаржылық жағдай туралы есепте танылмаған кейбір қаржы құралдары (мысалы, кейбір несиелік міндеттемелер) бойынша пайыздық тәуекелдік туындайды.
Валюталық тәуекелдік
В23 Шетелдік валютада, яғни сол құралдар өлшенетін функционалдық валютадан айрықша валютада білдірілетін қаржы құралдары бойынша туындайтын валюталық тәуекелдік (валюта бағамы өзгеруінің тәуекелдігі). Осы Стандарт тұрғысында ақшалы емес баптарды білдіретін қаржы құралдары бойынша да, функционалдық валютада білдірілетін қаржы құралдары бойынша да валюталық тәуекелдік туындамайды.
В24 Сезімталдық талдауы сол бойынша ұйым тәуекелдікке едәуір килігетін әрбір валюта бойынша болады.
Өзге бағалық тәуекелдік
В25 Өзгерістерге, мысалы, биржалық тауарлар бағаларының немесе акциялар бағамының өзгерістеріне байланысты қаржы құралдары бойынша өзге бағалық тәуекелдік туындайды. 40-тармақты орындау үшін ұйым нақтылы биржалық индекстің, биржалық тауар бағасының кему салдарын немесе тәуекелдіктің басқа да ауыспалы құрамын ашып көрсетеді. Мысалы, егер ұйым қаржы құралдары болып табылатын қалдық құнына кепілдік берсе, онда ол осы кепілдік жататын активтер құнының ұлғаюын немесе кемуін ашып көрсетуге тиіс.
В26 Акциялар бағамы тәуекелдігінің туындауына әкелетін қаржы құралдарының екі мысалы мыналар болып табылады: басқа ұйымның борыштық бағалы қағаздарын иелену және трастқа инвестициялар салу, соңғысы өз кезегінде борыштық құралдардағы инвестицияларды иеленеді. Басқа мысалдар қатарына мыналарды келтіруге болады: борыштық құралдардың нақтылы санын сатып алуға немесе сатуға арналған форвардтық шарттар және акциялардың бағаларына қосылған своптар. Мұндай қаржы құралдарының әділ құнына негіздерін құраушы борыштық құралдардың нарықтық бағасының өзгерістері әсер етеді.
В27 40(а)-тармағына сәйкес пайданың немесе шығынның сезілімдігі (мысалы, пайда немесе залал арқылы әділ құны бойынша бағаланатын ретінде сыныпталған құралдар бойынша және сату үшін қолда бар қаржы активтерінің құнсыздануына байланысты туындаған) капиталдың сезімталдығынан (мысалы, сату үшін қолда бары ретінде сыныпталған құралдар бойынша туындаған) бөлек ашып көрсетіледі.
В28 Ұйым борыштық ретінде жіктеген қаржы құралдары қайта бағалауға жатпайды. Мұндай борыштық құралдардың биржалық бағамының өзгерісі тәуекелдігінің пайда немесе залал үшін де, капитал үшін де зардабы болмайды. Тиісінше, сезімталдық талдауын жүргізу туралы талап қойылмайды.
Ұйымның қатысуының жалғасуы (42C- тармағы)
B29 42E-42H - тармақтарында көрсетілгендей ақпаратты ашып көрсету талабын орындау мақсатында өткізілген қаржы активтерінде ұйымның жалғаспалы қатысуын бағалау есеп алушы ұйым деңгейінде жүргізеді. Мысалы, еншілес ұйым өзіне байланысты емес үшінші тұлғаға қаржы активтерін өткізеді. Ал, бұл активтерде аналық ұйымның қатысуы жалғасулы болып табылады. Бұл тұста еншілес ұйым өзінің жеке қаржылық есебінде өткізілген активтерін бағалауда аналық ұйымның қатысуының жалғасуын ескермейді (яғни, бұл жерде еншілес ұйым есеп алушы ұйым болып табылады). Дегенмен, аналық ұйым шоғырландырылған қаржылық есебінде еншілес ұйымның жалғаспалы қатысуын анықтауд үшін (яғни, есеп алушы топ болып табылады) еншілес ұйымға өткізген қаржылық активтеріндегі жалғаспалы қатысуын ескеретін болады (немесе топтың басқа бір мүшесінің жалғаспалы қатысуын).
B30 Өткізілген қаржы активтеріне қатысты егер ұйым өткізілген активтер шеңберінде ешбір құқығын немесе міндеттемелерін сақтамаса, онда оның бұл өткізілген қаржы активтерінде қатысуының жалғасуы болмайды. Сондықтанда ұйымның осы өткізілген активтері бойынша жаңа құқық немесе міндеттемелерді мойынына алмайды. Егер ұйым өткізген активтері бойынша келешек пайдадан үлес алмаса, онда оның ол активтерде қатысуының жалғасуы да жоқ болып табылады. Сондықтан да ол ұйым өткізілген активтерга қатысты қандай да бір төлемдер жасаудың қажеттілігі туындаса, ол ұйымның ешқандай міндеттілігі жоқ болып табылады.
B31 Өткізілген қаржы активтерінде қатысудың жалғасуы активті алушыға немесе үшінші тұлғаға өткізу жөнінде жасалған келісім нәтижесінде активті өткізу мәмілесі негізінде жасалады.
Танылуы толықтай тоқтатылмаған өткізілген қаржы активтері
В32 Өткізілген қаржы активтерінің бір бөлігі немесе барлығы қайта танылуға жатпаса 42D-тармағы бойыеша ақпаратты ашып көрсетілу талап етіледі. Ұйымнан өткізілген қаржы активтерін тануды жалғастыру ісінде өткізі операциясы қашан болғанына қарамастан әрбір есеп беруі күнінде осы ақпараттың ашып көрсетілуі талап етіледі.
Қатысу жалғасуының түрлері (42E-42H - тармақтары)
B33 42E-42H - тармақтары қаржы активтеріде танылуы тоқтатылған қатысудың жалғасуының әрбір түрі бойынша сандық-сапалық сипаты туралы ақпаратты толықтай ашып көрсетуді талап етеді. Ұйымды тәуекелге әкеліп соқтыратын жалғаспалы қатысу түрлерін агрегаттауы тиіс. Мысалы, ұйым қаржы құралы түрлері бойынша жалғаспалы қатысуын(мысалы, кепілдік немесе сатып алуға құқығы бар опцион) немесе өткізу түрі бойынша (мысалы, дебиторлық қарыз факторингі, секьюритизация және құнды қағаздарды несиелеу ) агрегаттай алады.
Өткізілген активтерге сатып алуға бөлінген дисконтталмаған ақша қорының бөліну кезеңдеріне талдау (42E(e) тармағы)
B34 42E(e)- тармағына сай ұйым танылуы тоқтатылған қаржы активтерін сатып алуға бөлінген дисконтталмаған ақша қорының бөліну кезеңдеріне талдау жүргізуі тиіс, немесе танылуы тоқтатылған өткізілген активтерге қатысты алушының төлем жасауға бөлінген басқа да сомасы. Бұл жерде аталған активтерде ұйымның жалғаспалы қатысуының қалған келісілген мерзімі көрсетілуі тиіс. Бұл талдауда төленуге тиісті ақша қорының ағымы (мысалы, форвардты келісімдер), ұйымға төлеуге тура келетін ақша қорының ағымы (мысалы, сатылған қайтарымды сыйақылы мәміле) және ұйым қалауы бойынша төлейтін ақша қорының ағымы (мысалы, сатып алуға құқығы бар сатып алынған опцион).
B35 42E(e) - тармағына сай талдауды даярлау мерзімін нақты тиесілі уақыт аралығын анықтауда ұйым өз пікірін қолдануға міндетті. Мысалы, ұйым келесі уақыт аралықтары оған қолайлы болатындығын шеше алады:
(a) бір айдан көп емес;
(b) бір айдан жоғары, бірақ үш айдан көп емес;
(c) бір айдан жоғары, бірақ алты айдан көп емес;
(d) алты айдан жоғары, бірақ бір жылдан көп емес;
(e) бір жылдан жоғары, бірақ үш жылдан көп емес;
(f) үш жылдан жоғары, бірақ бес жылдан көп емес; және
(g) бес жылдан жоғары.
B36 Ықтималды мерзімнің диапазоны болған жағдайда ақшы қорының ағымы ұйым төлем жасай алу міндеттемесін немесе құқығын орындай алатын ең ерте мерзімде қарастырылудан басталады.
Сапалық сипаты туралы ақпарат (42E(f) -тармағы)
B37 42E(f) - тармағына сай сапалық сипаты туралы ақпарат танылуы тоқтатылған қаржы активтерін түсіндіруді қамтиды. Сондай-ақ мұнда осындай өткізілген активтерде қатысу сақталынып қалған жалғаспалы қатысудың сипаты мен мақсаты да беріледі. Сондай-ақ, тәуекелге ұрынуы мүмкін ұйымның алдындағы тәуекелдерді де қоса көрсетілуі тиіс:
