(f) (a) - (e) - тармақтарына сәйкес, сандық сипаттағы ақпаратты ашып көрсетуді дәлелдейтін және түсіндіретін сапалы ақпарат.
42F Егер ұйым танылуы тоқтатылған қаржы активінде бірнеше түрлі жалғаспалы қатысуға ие болса белгілі бір активке қатысты ақпаратты ашу туралы 42E бабына сәйкес, ұйым жалғаспалы қатысудың бір түрі бойынша агрегацияланған ақпарат ұсына алады.
42G Осыдан өзге, ұйым жалғаспалы қатысудың әрбір түрі бойынша келесі ақпаратты ұсынуы тиіс:
(а) активтерді өткізу күніне танылған табыс және кіріс.
(b) ұйымның танылуы тоқтатылған (мысалы, туынды құралдар өзгерісінің әділ құны) қаржы активтеріндегі жалғаспалы қатысуы бойынша есептік кезеңде және жиынтығында танылған кірістері мен шығыстары.
(c) егер есептік кезең бойы есептік кезеңдегі активтерді (тануды тоқтату талаптарына сәйкес келетін) өткізу бойынша операциялардан түсетін жалпы сома тең бөлінбесе (мысалы, егер активтерді өткізу бойынша операция көлемінің басым бөлігі есептік кезеңнің соңына тура келсе) ұйым:
(і) есептік кезеңнің қай уақытында активтерді өткізу бойынша ең ірі операция орын алғаны (мысалы, есептік кезеңнің аяқталуына бес күн қалғанда),
(іі) есептік кезеңнің аталған бөлігіндегі активтерді беру бойынша операцияға қатысты танылған сома (мысалы, тиісті пайда мен залал), және
(ііі) есептік кезеңнің аталған бөлігіндегі активтерді беру бойынша операциядан түскен түсімдердің жалпы сомасы туралы ақпаратты әрбір кезеңде берілетін жиынтық табыс туралы есепте ұсынуы тиіс.
Қосымша ақпарат
42Н Ұйым 42В -тармағындағы ақпаратты ашу мақсаттарын орындау үшін қажет деп тапқан кез келген қосымша ақпаратты ашыуы тиіс.
Күшіне ену күні және қолдануға көшу
43 Ұйым осы Стандартты 2007 жылдың 1 қаңтарынан басталатын жылдық кезеңдерге қатысты және осы күннен кейін қолдануға міндетті. Ертерек қолдану құпталады. Егер ұйым осы Стандартты неғұрлым ерте кезеңге қатысты қолданса, ол бұл фактіні ашып көрсетуге міндетті.
44 Егер ұйым осы Стандартты 2006 жылғы 1 қаңтарға дейін басталатын жылдық кезеңдерге қатысты қолданса, ол қаржы құралдарына байланысты туындайтын тәуекелдіктердің сипаты мен дәрежесі туралы 31-42-тармақтар талап ететін ашып көрсету үшін салыстырмалы ақпаратты табыс етуге міндетті емес.
44А 1 ХҚЕС (IAS) (2007 жылғы редакция)бойынша ХҚЕС-тарда (IFRS) қолданылған терминологияға түзету енгізілді. Сонымен бірге 20, 21, 23(с) және (d),27(с)- тармақтарына және В Қосымшасының В5 -тармағына түзетулер енгізілді. Ұйым осы түзетулерді жылдық кезеңдер үшін 2009 жылдың 1 қаңтарынан немесе осы күннен кейін бастап қолдануы тиіс. Егер ұйым 1 ХҚЕС-ын (IAS) (2007 жылғы редакция) ертерек мерзімде қолданса, осы түзетулер сол ертерек мерзім ішінде қолданылуы тиіс.
44В 3 ХҚЕС (IFRS) (2008 жылғы редакция) бойынша 3(с)-тармағы алынып тасталды. Ұйым осы түзетулерді жылдық кезеңдер үшін 2009 жылдың 1 шілдесінен немесе осы күннен кейін бастап қолдануы тиіс. Егер ұйым 3 ХҚЕС-ын (IFRS) (2008 жылғы редакция) ертерек мерзімде қолданса, осы түзетулер сол ертерек мерзім ішінде қолданылуы тиіс. Алайда, бұл өзгерту сатып алу күні 3 ХҚЕС (IFRS) (2008 жылғы редакция) қолдану күнінен бұрын болған ұйымдар біріктірілулерінен туындаған шартты міндеттемелерге қолданылмайды. Оның орнына, ұйым осындай өтеулер үшін 3 ХҚЕС-ның (IFRS) (2010 өзгертулер бойынша) 65A-65E тармақтарына сәйкес есептеуі тиіс.
44С Осы 3 - тармақтағы түзетуді ұйым 2009 жылдың 1 қаңтарынан немесе бұдан кейінгі күннен бастап жылдық кезеңдер үшін қолдануы тиіс. Егер ұйым 2008 жылдың ақпанында шығарылған Жоюдан соң туындайтын мерзімнен бұрын өтеу құқығы бар қаржы құралдары және міндеттемелер (32 ХҚЕС-қа (IAS) және 1ХҚЕС-қа (IAS) түзетулер) құжатын ертерек мерзім ішінде қолданса, 3-тармақтағы түзетуді сол ертерек мерзім ішінде қолдануы тиіс.
44D 3(а)-тармағына 2008 жылдың мамырында шығарылған ХҚЕС-тарына (IFRS) жетілдірулер бойынша түзетулер енгізілді. Осы түзетулерді ұйым 2009 жылдың 1 қаңтарынан немесе бұдан кейінгі күннен бастап жылдық кезеңдер үшін қолдануы тиіс. Бұдан ертерек қолданысқа рұқсат етіледі. Егер ұйым түзетулерді ертерек мерзім ішінде қолданса, бұл деректі ашып көрсетуі тиіс және сол ертерек мерзім ішінде 2008ж. мамырында шығарылған 28 ХҚЕС-ының (IAS) 1-тармағына, 31 ХҚЕС-ының (IAS) 1-тармағына және 32 ХҚЕС-ының (IAS) 4-тармағына енгізілген түзетулерді қолдануы тиіс. Ұйымның осы түзетулерді проспективті түрде қолдануына рұқсат етіледі.
44Е -
44F [Жойылған]
44G 2009 жылдың наурызында шығарылған Қаржылық құралдар жөнінде ақпаратты ашып көрсетулерді жетілдіруде (7 ХҚЕС (IFRS) Түзетулер) 27, 39 және B11- тармақтары түзетіліп, 27A, 27B, B10A және B11A-B11F-тармақтары қосылды. Осы түзетулерді ұйым 2009 жылдың 1 қаңтарынан немесе бұдан кейінгі күннен бастап жылдық кезеңдер үшін қолдануы тиіс. Төмендегі түзетулер бойынша ұйым ақпаратты ашып көрсетуге тиісті емес:
(a) 2009 жылдың 31 желтоқсанына дейінгі жылдық салыстымалы мерзім ішінде берілген қаржы жағдайы туралы кез-келген есепті қоса жылдық немесе аралық мерзімдегі есептерде, немесе
(b) 2009 жылдың 31 желтоқсанына дейінгі салыстымалы мерзім басында берілген қаржы жағдайы туралы кез-келген есепте.
Ерте қолданыс рұқсат етіледі. Егер ұйым ертерек мерзім ішінде енгізілген түзетулерді қолданса, бұл туралы жариялауы тиіс.[1]
44H [Жойылған]
44I Ұйым 9 ХҚЕС (IFRS) бірінші рет қолданғанда, бастапқы қолдану күні әрбір қаржылық актив класы үшін ашып көрсетуі тиіс:
(a) 39 ХҚЕС (IAS) сәйкес анықталған бастапқы бағалау категориясы мен қаржылық жағдай туралы есептік құнын;
(b) 9 ХҚЕС-қа (IFRS) сәйкес анықталған жаңа бастапқы бағалау категориясы мен қаржылық жағдай туралы есептік құнын;
(c) Бұрын пайда немесе залал арқылы әділ құны бойынша бағалатындар ретінде жіктелген бірақ енді олай жіктелмейтін қаржы активтерінің қаржылық қаржылық жағдай туралы есептердегі сомасы, қайта жіктелуін ұйымнан 9 ХҚЕС (IFRS) талап ететін және қайта жіктеуді ұйымның өзі таңдайтын активтер арасында айыру арқылы.
Ұйым осы сандық сипаттағы ашып көрсетулерді кестелер түрінде, басқа форматтың қолданылуы тиісті болатын жағдайлардан басқа, ұсынуы тиіс.
44J Ұйым 9 ХҚЕС(IFRS) бірінші рет қолданғанда, пайдаланушылардың түсінуін ынталандыру үшін сапалық сипаттағы ақпаратты ашып көрсетуі тиіс:
(a) 9 ХҚЕС (IFRS) қолдану нәтижесінде жіктелуі өзгерген қаржылық активтерге 9 ХҚЕС (IFRS) талап ететін жіктеуді қалай қолданғаны.
(b) пайда немесе залал арқылы әділ құны бойынша бағалатындар ретінде қаржылық активтер мен қаржылық міндеттемелердің жіктелу немесе кері жіктелу себептерін.
44K 2010 жылдың мамырында шығарылған ХҚЕС-на (IFRS) Жетілдірулер 44B тармағын өзгертті. Ұйым осы түзетулерді 2010 жылдың 1 шілдесінен бастап не одан кейінгі кезеңде қолданысқа енгізуі тиіс. Бұдан ертерек қолданысқа рұқсат етіледі.
44L 2010 жылдың мамырында шығарылған ХҚЕС-на (IFRS) Жетілдірулер 32A тармағын қосты және 34 және 36-38 тармақтарын өзгертті. Ұйым осы түзетулерді 2011 жылдың 1 қаңтарынан бастап не одан кейінгі кезеңде қолданысқа енгізуі тиіс. Бұдан ертерек қолданысқа рұқсат етіледі. Егер ұйым түзетулерді ертерек мерзім ішінде қолданса, бұл деректі ашып көрсетуі тиіс.
44М 2010 жылдың қазанында шығарылған Қаржылық құралдарды өткізу - ақпаратты ашып көрсету (7 ХҚЕС (IFRS) Түзетулер) стандарты 13 -тармақты жойып, 42A-42H және B29-B39 тармақтарын қосты. Ұйым осы түзетулерді 2010 жылдың 1 шілдесінен бастап не одан кейінгі кезеңде қолданысқа енгізуі тиіс. Бұдан ертерек қолданысқа рұқсат етіледі. . Егер ұйым түзетулерді ертерек мерзім ішінде қолданса, бұл деректі ашып көрсетуі тиіс. Егер ұйым ертерек мерзім ішінде есеп беқотін болса, онда ол деректі ашып көрсетуге тиісті емес.
44N ХҚЕС (IFRS) 9 «Қаржы құралдары», 2010 жылы қазан айында шығарылған стандарты 2-5, 8-10, 11, 14, 20, 28, 30 тармақтарына, A, B1, B5, B10(a), B22 и B27 қосымшаларына түзетулер енгізді, 10A, 11A, 11B, 12B-12D, 20A, 44I және 44J тармақтары енгізілді, және 12, 12A, 29(b), 44H, B4 және D Қосымшасы жойылды. Ұйым осы стандартты қолданғанда жоғарыда көрсетілген түзетулерді басшылыққа алуы тиіс.
44O 2011 жылдың мамырында шығарылған 10 және 11ХҚЕС-на (IFRS) 3 тармағын қосты. Ұйым осы түзетулерді 10 және 11 ХҚЕС қолданысқа енгізуі тиіс.
44P 2011 жылдың мамырында шығарылған 13ХҚЕС-на (IFRS) 3,28,29 және А қосымшасын қосты және 27-27В тармақтарын жойды. Ұйым осы түзетулерді 13 ХҚЕС қолданысқа енгізуі тиіс.
44Q 2011 жылдың маусымында шығарылған 1ХҚЕС-на (IFRS) 27В тармағын қосты. Ұйым осы түзетулерді 1 ХҚЕС қолданысқа енгізуі тиіс.
44R 2011 жылдың желтоқсанында шығарылған Қаржылық ативтер мен қаржылық міндеттемелерарасындағы төлемдер - ақпаратты ашып көрсету (7 ХҚЕС (IFRS) Түзетулер) стандарты, 13A-13F и B40-B53 тармақтарын қосты. Ұйым осы түзетулерді 2013 жылдың 1 қаңтарынан бастап не одан кейінгі кезеңде қолданысқа енгізуі тиіс. Кәсiпорын түзетулерге сәйкес ашылуды қамтамасыз етуi керек.
44S Ұйым алғаш рет 9 ХҚЕС классификация және бағалау талаптарын қолданғанда, осы ХҚЕС-тағы 44T-44W тармақтарындағы ақпаратты ашуды қолдану керек,сонымен қатар қажет болғанда 9 ХҚЕС (9ХҚЕС 8.2.12 тармақтарын қараңыз (2009) және 9 ХҚЕС 7.2.14 тармақтарын қараңыз (2010)) ақпараттарды ашу керек.
44T 44S тармақтарына сәйкес 9 ХҚЕС алғашқы қолдану мерзімі қажет болғанда, ұйым қаржылық міндеттемелер мен қаржылық активтердің классификациясының өзгерісін бөлек ашып көрсетуі тиіс:
(а) 39 ХҚЕС категория өлшемдері негіздеріне баланстық құнның өзгерісі сәйкес (9-шы ХҚЕСға өткелдiң атрибуты өлшемдері өзгерiсінің нәтижесiнде емес) және
(b) 39 ХҚЕС категория өлшемдері негіздеріне баланстық құнның өзгерісі сәйкес39 ХҚЕС категория өлшемдері негіздеріне баланстық құнның өзгерісіне сәйкес.
9 ХҚЕС қолданылатын тармақтардағы ақпараттардың ашылуы, жылдық мерзімнен кейін жасалмауы керек.
44U 9 ХҚЕС есептілік мерзімінде ұйым келесі ақпараттарды 9 ХҚЕС өткендегі амортизациялық құн бағалауын қаржылық активтер мен қаржылық міндеттемелерге ашу керек:
(а) есептілік мерзім соңындағы қаржылық активтер мен қаржылық міндеттемелердің әділ құны;
(b) табыс және шығыстар есептілігінде,сонымен қатар жиынтық табыс есептілігіндегі табыс немесе шығынның әділ құны;
(с) тиiмдi пайыздық жалақы қайта классификациялау мерзімінде анықталады; және
(d) пайыздық табыстар және шығыстар танылады.
Егер ұйым қаржылық активтер мен қаржылық міндеттемелер әділ құнына, бастапқы тапсырыс мерзімінің амортизациялық құны (9 ХҚЕС 8.2.10 тармақтарына қараңыз (2009) және 9 ХҚЕС 7.2.10 тармақтарына қараңыз (2010)), (с) және (д) тармақтарының ашылуы әрбір есептілік мерзім кезінде танылады. Әйтсе де,осы тармақтардағы ақпараттардың ашылуы, есептілік мерзімінен кейін жасалмауы тиіс.
44V Егер ұйым 9 ХҚЕС алғашқы мерзім қолдануындағы 44S-44U тармақтары ақпараттарының ашылуына мүкіндік береді,8 ХҚЕС 28 тармақтарындағы ақпаратты ашу есептік мерзімде:
(а) 9 ХҚЕС (IFRS) мен 39 ХҚЕС (IAS)сәйкес категория өлшемдері; және
(b) Қаржылық есептілікте көрсетілген айқындамалар.
44W Егер ұйым 9 ХҚЕС алғашқы мерзім қолдануындағы 44S-44U тармақтары ақпараттарының ашылуына мүкіндік береді,осы ХҚЕС 25 тармақтарындағы ақпаратты ашу есептік мерзімде:
(а) 9 ХҚЕС мен 39 ХҚЕС сәйкес категория өлшемдері; және
(b) бастапқы мерзімдегі қаржылық құралдардың класстары.
44X 2012 жылы қазан айында жарияланған Инвестициялық ұйымдар (10-шы ХҚЕС-ке (IFRS), 12-ші ХҚЕС-ке (IFRS) және 27-ші ХҚЕС-ке (IAS) енгізілген өзгертулер 3-ші тармаққа түзету енгізді. Осы ХҚЕС (IFRS) тек 2014 жылдың 1 қаңтарында немесе одан кейін басталатын жылдық есепті кезеңнің басында қолданылуы тиіс. Бұл мерзімнен ерте қолданылу рұқсат етіледі. Егер ұйым өзгерістерді ерте мерзімдер үшін қолданса, Инвестициялық ұйым-ға енгізілген барлық түзетулерді қолдану қажет.
45 Осы Стандарт 30 Банктер мен ұқсас қаржы ұйымдарының қаржы есептілігіндегі ақпаратты ашып көрсету ХҚЕС (ІAS) Халықаралық қаржылық есептіліктің стандартын ауыстырады.
А Қосымшасы
Терминдердің анықтамалары
Осы Қосымша Стандарттың ажырамас бөлігі болып табылады.
| несиелік тәуекелдік | Бір тараптың қаржы құралы жөніндегі міндеттемесінің орындамауына екінші тараптың қаржылық шығыны туындауына әкеп соғатын тәуекелдік. |
| валюталық тәуекелдік | Қаржы құралына байланысты болашақ ақша қаражаты ағындарының әділ құны валюта-айырбас бағамдарының өзгерістеріне орай айырбаста болатын тәуекелдік. |
| пайыздық тәуекелдік | Қаржы құралына байланысты болашақ ақша қаражаты ағындарының әділ құны пайыздың нарықтық мөлшерлемелерінің өзгерістеріне орай айырбаста болатын тәуекелдік. |
| өтімділік тәуекелдігі | Қаржы міндеттемелері бойынша қаржы міндеттемелерін орындаған кезде ақша қаражаттары немесе басқа қаржы активтерімен байланысты ұйым қиыншылыққа киліккендегі тәуекелдік. |
| тартылған қарыздар бойынша берешек | Қарыздар бойынша несиелік берешек, несиелеудің қалыпты жағдайлары кезіндегі негізгі қызмет бойынша қысқа мерзімді несиелік берешектен басқа, қаржылық міндеттемелер болып табылады. |
| нарықтық тәуекелдік | Қаржы құралына байланысты болашақ ақша қаражаты ағындарының әділ құны нарықтық бағалардың өзгерістеріне орай өзгеруде болатын тәуекелдік. Нарықтық тәуекелдіктің мынадай үш түрі бар: валюталық тәуекелдік, пайыздық тәуекелдік және өзге де бағалық тәуекелдік. |
| өзге де нарықтық тәуекелдік | Ақша қаражаты ағындарының қаржы құралдарына байланысты әділ құны нарықтық бағалардың өзгерістері нәтижесінде өзгеруде болатын тәуекелдік (пайыздық немесе валюталық тәуекелдіктен туындағанынан басқа), бұл осы өзгерістер жеке бағалы қағаз немесе оның эмитенті үшін ерекше факторлардан немесе нарықта айналыстағы барлық қаржы құралдарына әсер ететін факторлардан туындады ма, оған байланысты емес. |
| мерзімі өткен актив | Басқа тарап шартта белгіленген мерзімде төлем жасамаса, қаржы активінің мерзімі өткен деп есептеледі. |
32-ХҚЕС-тың (ІAS) 11 тармағында, 39-ХҚЕС-тың (ІAS) 9 тармағында немесе А қосымшасында және 32-ХҚЕС-да (ІAS), 39-ХҚЕС-да (ІAS), 9-ХҚЕС-да (IFRS) айқындалған мәндерде пайдаланылады:
- қаржы активінің немесе қаржылық міндеттеменің амортизацияланған құны;
- тануды тоқтату;
- туынды құрал;
- пайыздың тиімді мөлшерлемесінің әдісі;
- меншікті капитал құралы;
- әділ құн;
- қаржы активі;
- қаржы кепілдік келісімшарттары;
- қаржы құралы;
- қаржы міндеттемесі;
- пайда немесе залал арқылы әділ құны бойынша бағаланатын қаржы міндеттемесі;
- болжанылатын мәміле;
- хеджирлеу құралы;
- сату үшін қолда бар қаржы активтері;
- қайта сыныптау күні
- сатып алу немесе сату жөніндегі үлгі мәміле.
В Қосымшасы
Қолдану жөніндегі нұсқама
Осы Қосымша Стандарттың ажырамас бөлігі болып табылады.
Қаржы құралдарының сыныптары және ашып көрсету дәрежесі (6-тармақ)
В1 6-тармақтың талабына сәйкес ұйым қаржы құралдарын ашып көрсетілетін ақпараттың сипатына сәйкес келетін және сол қаржы құралдарының сипаттамаларын ескеретін сыныптарға топтастыруы тиіс. 6-тармақта сипатталған қаржы құралдарының сыныптарын ұйымның өзі айқындайды және, демек, олар 9 ХҚЕС-та (IFRS) айтылатын қаржы құралдарының санаттарынан өзгеше болады (қаржы құралдарын бағалау қалай жүргізілетінін және әділ құндағы өзгерістер қай жерде танылатынын анықтайды).
В2 Қаржы құралдарының сыныптарын айқындаған кезде ұйым кем дегенде мыналарды:
(а) амортизациялық құны бойынша бағаланылатын құралдар мен әділ құны бойынша бағаланылатын құралдар арасында айырма жүргізуге;
(b) осы Стандартты ХҚЕС (IFRS) қолдану аясынан тыс жатқан қаржы құралдарын жеке сынып немесе сыныптар ретінде қарастыруға міндетті.
В3 Ұйым қалыптасқан жағдайларды ескере отырып, осы Стандарттың ХҚЕС (IFRS) талаптарын орындау үшін ол қаншалық егжей-тегжейлі ақпарат беретін болады, сол талаптардың әртүрлі түйіндеріне ол қандай тұжырым жасайтын болады, әртүрлі сипаттамалары бар ақпаратты бір жерге тоғыстырмай, жалпы сұлбаны көрсету үшін ол ақпаратты қалай біріктіретінін шешеді. Қаржы есептілігін пайдаланушыларға тек қана бөгет жасайтын артық нәрселермен және маңызды ақпаратты бүркейтін тым кең тұжырымдармен қаржы есептілігін ауырлату арасында теңгерме қажет. Мысалы, ұйым елеулі емес егжей-тегжейлі деректердің көп болуы маңызды ақпаратты бүркемеу жағдайын қамтамасыз етуге міндетті. Осыған ұқсас, ұйым осылайша біріктірілген, жеке мәмілелер немесе ілеспе тәуекелдіктер арасындағы маңызды айырмаларды тұмшалайтын ақпаратты ашып көрсетуге құқылы емес.
Ұйымның қаржылық жағдайы мен қызметінің нәтижелері тұрғысында қаржы құралдарының маңызы
В4 [Жойылған]
Өзге де ақпаратты ашып көрсету - есеп саясаты (21-тармақ)
В5 21-тармаққа сәйкес қаржы есептілігін жасау кезінде пайдаланылған бағалардың, сондай-ақ қаржы есептілігін түсінуге ықпал ететін есеп саясатының басқа да түйіндерінің негізін (немесе негіздерін) ашып көрсету талап етіледі. Қаржы құралдарына орай мұндай ашып көрсету мыналарды қамти алады:
(а) пайда немесе залал арқылы әділ құны бойынша бағалатындар ретінде жіктелген қаржы активтеріне немесе қаржылық міндеттемелерге орай:
(і) пайда немесе залал арқылы әділ құны бойынша бағаланатындар ретінде ұйым таныған қаржы активтерінің немесе қаржылық міндеттемелердің сипаты;
(іі) соларға сәйкес мұндай қаржы активтері немесе қаржылық міндеттемелер бастапқы тану кезінде нақ осылайша тануға өлшемдер; және
(ііі) 9 ХҚЕС-ының (IFRS) 4.2.2 -тармағында белгілеген тану шарттарын ұйымның қанағаттандыру деңгейі.
(aa) пайда немесе залал арқылы әділ құны бойынша бағалатындар ретінде жіктелген қаржы активтеріне:
(i) пайда немесе залал арқылы әділ құны бойынша бағаланатындар ретінде ұйым таныған қаржы активтерінің сипаты;
(ii) 9 ХҚЕС-ының (IFRS) 4.1.5 -тармағында белгілеген тану шарттарын ұйымның қанағаттандыру деңгейі.
(b) [жойылған]
(с) мәміле жасау уақытына немесе есеп айырысу уақытына қаржы активтерін сатып алу және сату жөнінде үлгі мәмілелерді есепке алу жүргізілетінін (9 ХҚЕС-тың (IFRS) 3.1.2 -тармағын қараңыз);
(d) кредиттік залал салдарынан құнсызданған қаржы активтерінің қаржылық жағдай туралы есептік құнын кеміту үшін бағалау резерві пайдаланылғанда:
(і) құнсызданған қаржы активтерінің қашан тікелей кемитінін (немесе, есептен шығаруды реверсирлендірілген жағдайда), ал бағалау резервінің қашан пайдаланылатынын анықтауға мүмкіндік талаптары; және
(іі) құнсызданған қаржы активтерінің қаржылық жағдай туралы есептік құнына қарағанда бағалау резервінің шотына есептелген сомаларды есептеп шығару талаптары (қараңыз, 16-тармақ).
(е) қаржы құралдарының әрбір санаты бойынша таза пайданы немесе таза залалды айқындау тәсілі (20(а)-тармағын қараңыз). Мысалы, пайыздық немесе дивидендтік кіріс пайда немесе залал арқылы әділ құны бойынша бағаланатын баптар бойынша таза пайдаға немесе таза залалға қосылатыны;
(f) құнсызданудан болатын шығынның объективті белгілерін табу үшін ұйым қолданатын өлшемдер (20(е)-тармағын қараңыз);
(g) қаржы активтерімен байланысты шарттарда қайта қарау кезінде, бұлар керісінше жағдайда мерзімі өткен немесе құнсызданған болуы, жылғы редакция шарттардың мәні болып табылатын қаржы активтері жөніндегі есеп саясатын (36(d)-тармағын қараңыз).
1 ХҚЕС-тың (ІAS) (2007 жылғы редакция) 122-тармағы сондай-ақ ұйымдардан: есеп саясатының аса маңызды түйіндерін немесе бағалау пайымдауларын және ұйым басшылығы есеп саясатын қолдану барысында жасаған және қаржы есептілігінде танылған сомаларға едәуір әсер еткен пайымдаулардан басқа өзге де ескертулердің қысқаша сипаттамасын ашып көрсетуді талап етеді.
Қаржы құралдарына байланысты туындаған тәуекелдіктердің сипаты мен дәрежесі (31-42-тармақтар)
В6 31-42-тармақтарда талап етілетін ашып көрсетулер не қаржы есептілігінің өзінде жүргізілуі не онда есептіліктің басқа нысандарына түйіскен сілтемелер түрінде болуы тиіс, мысалы, басшылықтың түсініктемелері немесе тәуекелдіктер туралы есеп берулері. Бұларға қаржы есептілігін пайдаланушылардың бір жағдайда және сол бір уақытта қолы жетеді. Түйіскен сілтемелер жасалған ақпарат болмағанда қаржы есептілігі толық емес деп есептеледі.
Сандық сипаттағы ашып көрсету (34-тармақ)
В7 34(а)-тармақ оның жетекші басқарушы қызметкерлеріне ішкі арналар бойынша берілген ақпаратқа негізделген тәуекелдіктерге ұйымның килігуі туралы қорытылған сандық деректерді ашып көрсетуді талап етеді. Ұйым тәуекелдікке килігуді басқарудың бірнеше әдісін пайдаланғанда ол ашып көрсетуді әдістің немесе әдістердің көмегімен жүргізуге міндетті. Бұлар ең мәнді әрі сенімді ақпараттың берілуін қамтамасыз етеді. Мәнділік және сенімділік мәселелері 8 Есеп саясаты, бухгалтерлік есеп бағалауларында болатын өзгерістер және қателер ХҚЕС-та (ІAS) талқыланады.
В8 34(с)-тармағына сәйкес тәуекелдіктің шоғырлануы туралы ақпаратты ашып көрсету керек. Тәуекелдіктің шоғырлануы сипаттамалары ұқсас келетін әрі экономикалық және басқа да жағдайлардың өзгерістеріне ұқсас ықпал ететін қаржы құралдарына байланысты туындайды. Тәуекелдіктің шоғырлануларын бір ізге түсіру ұйым тап болған жағдайларды ескере отырып, кәсіби пайымдауды талап етеді. Тәуекелдік шоғырлануларын ашып көрсетуге мыналар қамтылуы тиіс:
