(БҰРЫНҒЫ РЕДАКЦИЯ)

«2006 жылға арналған республикалық бюджеттік бағдарламалардың
паспорттарын бекіту туралы (Қазақстан Республикасының Экономика және
бюджеттік жоспарлау министрлігі)»
(ҚР Үкіметінің 2005.12.12. № 1235 Қаулысына 198-207-қосымшалар)
(үзінді)

Осы редакция  2006 ж. 30 мамырдағы  енгізілген өзгерістеріне   дейін  қолданылды

Қазақстан Республикасының 2004 жылғы 24 сәуірдегі Бюджет кодексіне сәйкес Қазақстан Республикасының Үкіметі қаулы етедi:

1. Мыналардың:

198, 199, 200 (құпия), 201, 202, 203, 204, 205, 206, 207-қосымшаларға сәйкес Қазақстан Республикасы Экономика және бюджеттік жоспарлау министрлігінің;

2. Осы қаулы 2006 жылғы 1 қаңтардан бастап қолданысқа енгізіледі.

Қазақстан Республикасының

Қазақстан Республикасы Үкіметінің

2005 жылғы 12 желтоқсандағы

№ 1235 қаулысына

198-қосымша

220 - Қазақстан Республикасы Экономика және бюджеттік

жоспарлау министрлігi

Бюджеттік бағдарламаның әкімшісi

2006 жылға арналған

"Стратегиялық, орта мерзімді экономикалық және бюджеттік жоспарлау

саласындағы уәкілетті органның қызметін қамтамасыз ету"

деген 001 республикалық бюджеттік бағдарламаның

ПАСПОРТЫ

1. Құны: 597547 мың теңге (бес жүз тоқсан жеті миллион бес жүз қырық жеті мың теңге).

2. Бюджеттік бағдарламаның нормативтік құқықтық негізi: "Мемлекеттік қызмет туралы" 1999 жылғы 23 шілдедегі Қазақстан Республикасының Заңы; "Электрондық құжат және электрондық цифрлық қолтаңба туралы" 2003 жылғы 7 қаңтардағы Қазақстан Республикасының Заңы; "Ақпараттандыру туралы" 2003 жылғы 8 мамырдағы Қазақстан Республикасының Заңы; "Республикалық бюджет комиссиясы туралы ережені бекіту туралы" Қазақстан Республикасы Президентінің 2004 жылғы 24 тамыздағы № 1426 Жарлығы; "Қызмет телефондары мен мемлекеттік органдардың аппаратын орналастыруға арналған алаң нормалары туралы" Қазақстан Республикасы Үкіметінің 1996 жылғы 3 қазандағы № 1217 қаулысы; "Қазақстан Республикасының мемлекеттік органдарына көлік қызметін көрсету үшін қызметтік жеңіл автомобильдерді пайдалануды ретке келтіру туралы" Қазақстан Республикасы Yкіметінің 1999 жылғы 27 мамырдағы № 663 қаулысы; "Мемлекеттік бюджеттің есебінен ұсталатын мемлекеттік мекемелер қызметкерлерінің, сондай-ақ, Қазақстан Республикасының Парламенті депутаттарының Қазақстан Республикасының шегіндегі қызметтік іссапарлары туралы ережені бекіту туралы" Қазақстан Республикасы Үкіметінің 2000 жылғы 22 қыркүйектегі № 1128 қаулысы; "Қазақстан Республикасы Экономика және бюджеттік жоспарлау министрлігінің мәселелері" Қазақстан Республикасы Үкіметінің 2004 жылғы 28 қазандағы № 1116 қаулысы.

3. Бюджеттік бағдарламаны қаржыландыру көздерi: республикалық бюджеттің қаражаты.

4. Бюджеттік бағдарламаның мақсаты: Қазақстан Республикасының басымды әлеуметтік-экономикалық дамуын тиімді іске асыруға ықпал ететін мемлекеттік жоспарлау жүйесін құру және дамыту.

5. Бюджеттік бағдарламаның міндеттерi: Қазақстан Республикасының әлеуметтік-экономикалық дамуының стратегиялық мақсаттары мен басымдықтарын, негізгі бағыттарын қалыптастыру, мемлекеттің әлеуметтік-экономикалық дамуы мен ақша-кредит саясатының басымдықтармен өзара әрекет етуі үшін фискалдық, кедендік және бюджеттік инвестициялық саясатты, сондай-ақ халықаралық экономикалық және қаржылық қатынастар саласындағы саясатты қалыптастыру, экономиканың секторларындағы мемлекеттік активтерді басқару саласында мемлекеттік саясатты қалыптастыру, тиісті қаржы жылына арналған республикалық бюджетті қалыптастыру, өзінің лауазымдық міндеттерін тиімді орындау және кәсіптік шеберлігін жетілдіру үшін біліктілік талаптарына сәйкес кәсіптік қызмет саласындағы білім беру бағдарламалары бойынша теориялық және практикалық білімді, шеберлікті және дағдыны жаңарту.

6. Бюджеттік бағдарламаны іске асыру жөніндегі іс-шаралар жоспары:

7. Бюджеттік бағдарламаны орындаудан күтілетін нәтижелер:

Тікелей нәтиже:

Бюджетті жоспарлаудың негізгі қағидаттарына сәйкес және өткен кезеңдегі бюджеттік бағдарламалардың тиімділігін бағалау нәтижелері бойынша республикалық бюджетті қалыптастыру, бекітілген 406 адамдық штат санына сәйкес Экономика және бюджеттік жоспарлау министрлігі аппаратының жұмыс істеуін қамтамасыз ету; кәсіби деңгейін жоғарылату; мемлекеттік және ағылшын тілдерін оқыту; министрліктің материалдық-техникалық жарақтандырылуын 100%-қамтамасыз ету; компьютерлік техника паркін 15%-ға жаңарту; компьютерлік, телекоммуникациялық жабдықтың және ақпараттық жyйелердің жұмысқа қабілеттілігін қолдау.

Түпкі нәтиже:

Мемлекеттік әлеуметтік-экономикалық саясаттың негізгі бағыттарын әзірлеуді барынша салааралық және өңіраралық үйлестіру; экономикалық қызметтің түрлерін жүзеге асыруды регламенттейтін Қазақстан Республикасындағы стратегиялық, орта мерзімді экономикалық, бюджеттік жоспарлау және рұқсат ету жүйесін жетілдіру; Қазақстан Республикасының әлеуметтік-экономикалық дамуының орта мерзімді жоспарының, Қазақстан Республикасы Үкіметінің орта мерзімді фискалдық саясатының жобаларын, тиісті қаржы жылына арналған республикалық бюджет туралы, бюджетке өзгерістер мен толықтырулар енгізу туралы заңдарды, тиісті қаржы жылындағы республикалық бюджет туралы заңды іске асыру туралы Қазақстан Республикасы Үкіметінің қаулыларын, бірыңғай бюджеттік сыныптаманы әзірлеу, инвестициялық климатты жақсарту, мемлекеттік бағдарламалар мен басым инвестициялық жобаларды іске асыру үшін шетелдік инвестицияларды тартуға жәрдемдесу; мемлекеттік қызметшілердің біліктілік деңгейін арттыруға қажеттігін 5%-ға, мемлекеттік қызметшілерге мемлекеттік тілді оқытуға қажеттілікті 20%-ға, мемлекеттік қызметшілерге ағылшын тілін оқытуға қажеттілікті 10%-ға арттыру.

Қаржы-экономикалық нәтиже:

Экономика және бюджеттік жоспарлау министрлігі аппаратының бір  қызметкерді қамтамасыз етуге арналған шығыны орташа алғанда 1282 мың теңгені құрайды; бір мемлекеттік қызметшінің біліктілігін арттыруға арналған орташа шығындар 24,35 мың теңге; бір мемлекеттік қызметшіге мемлекеттік тілді оқытуға арналған орташа шығындар 12,62 мың теңге; бір мемлекеттік қызметшіге ағылшын тілді оқытуға арналған орташа шығындар 11,00 мың теңге; Министрліктің ақпараттық жүйелерінің жұмыс істеуін қамтамасыз ету бойынша шығындардың және ақпараттық-техникалық қамтамасыз етудің орташа көлемі - 5785 мың теңге.

Уақтылығы: кестемен бекітілген мерзімдерге сәйкес жоспарланған іс-шараларды орындау.

Сапасы:

стратегиялық мақсаттар мен басымдықтарды, Қазақстан Республикасының әлеуметтік-экономикалық дамуының негізгі бағыттарын сапалы қалыптастыру; мемлекеттің әлеуметтік-экономикалық дамуы мен қаржы-кредиттік саясатының, сондай-ақ халықаралық экономикалық және қаржылық қатынастар саласындағы саясаттың басымдықтарымен бірге өзара әрекет етудің мемлекеттік фискалдық, кедендік және бюджеттік инвестициялық саясатын қалыптастыру;

экономика секторларындағы мемлекеттік активтерді басқару саласында мемлекеттік саясатты қалыптастыру; республикалық бюджетке негізделмеген шығыстар мен тиімсіз инвестициялық жобалардың қосылуына жол бермеу;

кәсіби деңгейін арттыру жолымен мемлекеттік қызметшілерге көрсетілетін қызметтерді жетілдіру.

Қазақстан Республикасы Үкіметінің

2005 жылғы 12 желтоқсандағы

№ 1235 қаулысына

199-қосымша

220 - Қазақстан Республикасы Экономика және бюджеттік

жоспарлау министрлігi

Бюджеттік бағдарламаның әкімшісi

2006 жылға арналған

"Республикалық бюджеттік инвестициялық жобалардың (бағдарламалардың)

техникалық-экономикалық негіздемелерін әзірлеу және сараптау"

деген 004 республикалық бюджеттік бағдарламаның

ПАСПОРТЫ

1. Құны: 700000 мың теңге (жеті жүз миллион теңге).

2. Бюджеттік бағдарламаның нормативтік құқықтық негізі: Қазақстан Республикасының 2004 жылғы 24 сәуірдегі Бюджет кодексінің 150-бабы; "Бюджеттік инвестициялық жобаларды (бағдарламаларды) қарау ережесі" Қазақстан Республикасы Үкіметінің 2005 жылғы 18 наурыздағы № 245 қаулысы.

3. Бюджеттік бағдарламаны қаржыландыру көздерi: республикалық бюджеттің қаражаты.

4. Бюджеттік бағдарламаның мақсаты: республиканың әлеуметтік-экономикалық дамуының тиісті үш жылдың кезеңге арналған орта мерзімді жоспарында белгіленген мемлекеттік инвестициялық саясатты іске асыру.

5. Бюджеттік бағдарламаның міндеттерi: республиканың әлеуметтік-экономикалық дамуының тиісті үш жылдың кезеңге арналған орта мерзімді жоспарында белгіленген бюджеттік инвестициялық басымдықтарға сәйкес инвестициялық жобаларды уақтылы дайындау, атап айтқанда:

республикалық бюджеттік инвестициялық жобалардың (бағдарламалардың) техникалық-экономикалық негіздемелерін әзірлеу;

республикалық бюджеттік инвестициялық жобалардың (бағдарламалардың) техникалық-экономикалық негіздемелерінің заңнамада көзделген сараптамаларын өткізу.

6. Бюджеттік бағдарламаны іске асыру жөніндегі іс-шаралар жоспары:

7. Бюджеттік бағдарламаны орындаудан күтілетін нәтижелер:

Тікелей нәтиже: республикалық бюджеттік инвестициялық жобалардың (бағдарламалардың) техникалық-экономикалық негіздемелерін әзірлеуді, республикалық бюджеттік инвестициялық жобалардың (бағдарламалардың) техникалық-экономикалық негіздемелеріне сараптама жүргізуді қаржыландыру.

Түпкі нәтиже: республикалық бюджеттік инвестициялық жобалардың (бағдарламалардың) тізбесіне 2008 жылы іске асырыла бастайтын республикалық бюджеттік инвестициялық жобаларды (бағдарламаларды) енгізу.

Уақтылығы: техникалық-экономикалық негіздемелерді әзірлеуді және оған сараптама жүргізуді 700 000 мың теңге сомасына қаржыландыру 2006 жыл бойы жүзеге асырылады.

Сапасы: әзірленген техникалық-экономикалық негіздемелер мен жүргізілген сараптамалардың 100%-ы белгіленген талаптарға сай келеді.

Қазақстан Республикасы Үкіметінің

2005 жылғы 12 желтоқсандағы

№ 1235 қаулысына

200-қосымша (құпия)

Қазақстан Республикасы Үкіметінің

2005 жылғы 12 желтоқсандағы

№ 1235 қаулысына

201-қосымша

220 - Қазақстан Республикасы Экономика және бюджеттік

жоспарлау министрлігi

Бюджеттік бағдарламаның әкімшісi

2006 жылға арналған

"Қаржылық сілкіністерді ерте табу, аумақтық дамуды жоспарлау жүйесін

құру және қаржы-экономикалық сектор қызметкерлерінің

кәсіби деңгейін жоғарылату"

деген 007 республикалық бюджеттік бағдарламаның

ПАСПОРТЫ

1. Құны: 274661 мың теңге (екі жүз жетпіс төрт миллион алты жүз алпыс бір мың теңге).

2. Бюджеттік бағдарламаның нормативтік құқықтық негізi: "Қазақстан Республикасының Индустриялық-инновациялық дамуының 2003-2015 жылдарға арналған стратегиясы туралы" Қазақстан Республикасы Президентінің 2003 жылғы 17 мамырдағы № 1096 Жарлығы.

3. Бюджеттік бағдарламаны қаржыландыру көздерi: республикалық бюджеттің қаражаты.

4. Бюджеттік бағдарламаның мақсаты: аумақтық даму процестеріне және теңгерімділігіне Қазақстанның, оның өңірлерінің, халқының мүддесінде қаржы-бюджет саясатының нақты әсер етуге қабілетті экономикалық және ұйымдық-құқықтық тетігі жүйесін құру.

5. Бюджеттік бағдарламаның міндеттерi: Қазақстан Республикасының әлеуметтік-экономикалық дамуының өзекті бағыттары бойынша стратегиялық ғылыми-зерттеу және талдамалық зерттеулерді орындау және өңірлік ассиметриялықты жеңу және Қазақстан Республикасындағы үлкен саяси және экономикалық интеграция үшін тиімді өңірлік саясаттың негізгі ережелерін әзірлеу; мемлекеттік қызмет қызметкерлерін даярлау және қайта даярлау жөніндегі арнаулы тренингтік бағдарламалар өткізу, сондай-ақ ҚР Экономика және бюджеттік жоспарлау министрлігінің қызметіне өңірлік дамуды жоспарлау және қаржы-бюджет саясатындағы теңгерімсіздікті болжамдау мәселелері бойынша мамандандырылған ақпараттық жүйе енгізу; басымдылықтың, негізділіктің, нәтижеліктің және бақылаудың басында өңірлік дамуды мемлекеттік реттеу жүйесін жаңарту.

6. Бюджеттік бағдарламаны іске асыру жөніндегі іс-шаралар жоспары:

7. Бюджеттік бағдарламаны орындаудан күтілетін нәтижелер: Тікелей нәтиже: ғылыми-зерттеу және талдамалық зерттеулер жүргізу және бағдарламаны іске асыру барысы туралы екі жарты жылдық есеп пен ұсынымдар дайындау; әлемдік тәжірибені зерттеу және экономика мен қаржы саласындағы халықаралық сарапшылармен іскерлік байланыс  орнату; орталықтардың жұмысын ұйымдастыру және семинарлар, конференциялар өткізу үшін шетелдік консультанттарды тарту және т.б.

Түпкі нәтиже: бюджеттік бағдарламаны іске асырудың нәтижелері:

өңірлік дамуды жоспарлаудың басым бағыттары бойынша ғылыми-инновациялық және өнеркәсіптік саясатты жүргізуге негізделген ұстанымдарды айқындауды; қаржылық сілкіністерді ерте табуды; сандық және сапалық әртүрлі өңірлік шаруашылық және әлеуметтік-мәдени кешендерді біртұтас (рыноктық) экономикалық кеңістікке интеграциялауды қамтамасыз ететін Республиканың өңірлік дамуының моделін жасауды; экономика мен қаржының маңызды секторларындағы мемлекеттік қызметшілердің білім деңгейі мен біліктілігін өсіруді, Қазақстан мен Орталық Азия өңірінің мамандарын кәсіптік дамытуға ықпал ететін озық білімді және тәжірибені қолдануды қамтамасыз етеді.

Қаржы-экономикалық нәтиже: бағдарламаны іске асыру барысында әзірленген әдістеме өңірлердің тұтастай елдің өңірлік дамуын жоспарлауды талдау мен болжамдау міндеттерін жедел шешуді арттыру және маңызды экономикалық және әлеуметтік көрсеткіштер бойынша өңірлік сәйкессіздікті азайту міндеттерін шешу үшін негіз болады.

Уақтылығы: бағдарламаны іске асыруға бөлінген қаражатты нысаналы және тиімді пайдалану, бағдарламаны іске асыру барысы туралы белгіленген тәртіппен есептер беру.

Сапасы: мемлекеттік басқарудың (мемлекеттік реттеудің, мемлекеттік қызметтердің) бәсекеге қабілеттілігін арттыруға, экономиканың білікті мамандарға қажеттілігін қамтамасыз ететін жүйе қалыптастыруға арналған бағдарламаны іске асыру.

Қазақстан Республикасы Үкіметінің

2005 жылғы 12 желтоқсандағы

№ 1235 қаулысына

202-қосымша

220 - Қазақстан Республикасы Экономика және бюджеттік

жоспарлау министрлігi

Бюджеттік бағдарламаның әкімшісi

2006 жылға арналған

"Қазақстан Республикасының егемен кредиттік рейтингін қайта

қарау мәселелері бойынша халықаралық рейтинг агенттіктерімен

өзара іс-қимыл жасау"

деген 010 республикалық бюджеттік бағдарламаның

ПАСПОРТЫ

1. Құны: 25730 мың теңге (жиырма бес миллион жеті жүз отыз мың теңге).

2. Бюджеттік бағдарламаның нормативтік құқықтық негізi:

"Қазақстан Республикасы Экономика және бюджеттік жоспарлау министрлігінің мәселелері" Қазақстан Республикасы Үкіметінің 2004 жылғы 28 қазандағы № 1116 қаулысының 11-тармағы.

3. Бюджеттік бағдарламаны қаржыландыру көздерi: республикалық бюджеттің қаражаты.

4. Бюджеттік бағдарламаның мақсаты: Қазақстан Республикасының инвестициялық беделін қалыптастыру.

5. Бюджеттік бағдарламаның міндеттерi: Қазақстан Республикасының егемен кредиттік рейтингін жыл сайын беру және қайта қарау мәселелері бойынша халықаралық рейтингтік агенттіктермен өзара іс-қимыл жасау.

6. Бюджеттік бағдарламаны іске асыру жөніндегі іс-шаралар жоспары:

7. Бюджеттік бағдарламаны орындаудан күтілетін нәтижелер:

Тікелей нәтиже:

Халықаралық рейтингтік агенттіктер көрсеткен қызметтерге уақтылы төлем жасау.

Түпкі нәтиже:

Қазақстан Республикасының резиденті болып табылатын қарыз алушы - компаниялардың (екінші деңгейдегі банктер, ірі компаниялар) корпоративтік кредиттік рейтингіне әсер ететін Қазақстан Республикасының егемен кредиттік рейтингін қайта қарау және бекіту. Қаржы-экономикалық нәтиже:

халықаралық рейтингтік агенттіктердің қызметіне мынадай көлемде төлем жасау: Standard and Poor's International Services, Inc. - 6350,0 мың теңге, Fitch Ratings Ltd. - 13030,0 мың теңге; Moody's Investors Service - 6350,50 мың теңге.

Сапасы:

Қазақстан Республикасының сұранысын мынадай деңгейде қанағаттандыру; Қазақстан Республикасының міндеттемелеріне төмен инвестициялық тәуекелділік, Қазақстан Республикасының инвесторлық базасын кеңейту;

Егемен еврооблигациялар орналастырылған жағдайда қарыз алу бағасын төмендету.

Қазақстан Республикасы Үкіметінің

2005 жылғы 12 желтоқсандағы

№ 1235 қаулысына

203-қосымша

220 - Қазақстан Республикасы Экономика және бюджеттік

жоспарлау министрлігi

Бюджеттік бағдарламаның әкімшісi

2006 жылға арналған

"Әлеуметтік-экономикалық дамудың талдамалық зерттеулері"

деген 011 республикалық бюджеттік бағдарламаның

ПАСПОРТЫ

1. Құны: 1965720 мың теңге (бір миллиард тоғыз жүз алпыс бес миллион жеті жүз жиырма мың теңге).

2. Бюджеттік бағдарламаның нормативтік құқықтық негізi: 2004 жылғы 24 сәуірдегі Қазақстан Республикасы Бюджет кодексінің 35-бабы; "Кеден одағы және Біртұтас экономикалық кеңістік туралы шартты бекіту туралы" 1999 жылғы 24 маусымдағы Қазақстан Республикасының Заңы; "Кеден одағы мен Біртұтас экономикалық кеңістікті қалыптастыруды құқықтық қамтамасыз ету туралы келісімді бекіту туралы" 2001 жылғы 22 маусымдағы Қазақстан Республикасының Заңы; "Қазақстанның 2030 жылға дейінгі даму стратегиясын одан әрі іске асыру жөніндегі шаралар туралы" Қазақстан Республикасы Президентінің 2001 жылғы 4 желтоқсандағы № 735 Жарлығы; "Қазақстан Республикасының Индустриялы-инновациялық дамуының 2003-2015 жылдарға арналған стратегиясы туралы" Қазақстан Республикасы Президентінің 2003 жылғы 17 мамырдағы № 1096 Жарлығы; "Шанхай ынтымақтастық ұйымының Хартиясын бекіту туралы" 2003 жылғы 4 шілдедегі № 465 Қазақстан Республикасының Заңы; "Бірыңғай экономикалық кеңістік құру туралы келісімді бекіту туралы" 2004 жылғы 28 сәуірдегі № 549 Қазақстан Республикасының Заңы; "Қазақстан-2030 Барлық Қазақстандықтардың өсіп-өркендеуі, қауіпсіздігі және әл-ауқатының артуы" Президенттің 1997 жылғы Қазақстан халқына Жолдауы; Қазақстан Республикасы Yкіметінің 2003 жылғы 10 ақпандағы № 147 қаулысымен мақұлданған Мемлекеттік басқа деңгейлері арасындағы өкілеттіктерді ажырату және бюджетаралық қатынастарды жетілдіру тұжырымдамасы; Қазақстан Республикасы Президентінің 2005 жылғы 18 ақпандағы "Қазақстан экономикалық, әлеуметтік және саяси жаңару жолында" Қазақстан халқына Жолдауы; Қазақстан Республикасы Үкіметінің 2005 жылғы 5 наурыздағы № 210 қаулысымен бекітілген Мемлекет басшысының "Қазақстан экономикалық, әлеуметтік және саяси жаңару жолында" Қазақстан халқына 2005 жылғы 18 ақпандағы Жолдауын іске асыру жөніндегі Жалпыұлттық іс-шаралар жоспарын орындаудың желілік кестесінің 41, 43, 44-тармақтары, "Қазақстан Республикасының Үкіметі мен Халықаралық Қайта Құру және Даму Банкі арасында Бірлескен экономикалық зерттеулер бағдарламасын әзірлеу және іске асыру жөніндегі техникалық ынтымақтастық туралы келісімге қол қою туралы" Қазақстан Республикасы Үкіметінің 2002 жылғы 5 желтоқсандағы № 1285 қаулысы; "Бюджеттік бағдарламалардың тиімділігін бағалауды жүргізу ережесін бекіту туралы" Қазақстан Республикасы Үкіметінің 2004 жылы 21 шілдедегі № 779 қаулысы; "Қазақстан Республикасы Үкіметінің заң жобалау жұмыстарының 2006-2007 жылдарға арналған перспективалық жоспарын бекіту туралы" Қазақстан Республикасы Yкіметінің 2004 жылғы 3 тамыздағы № 824 қаулысы, "Қазақстан Республикасы Экономика және бюджеттік жоспарлау министрлігінің мәселелері" Қазақстан Республикасы Yкіметінің 2004 жылғы 28 қазандағы № 1116 қаулысының 11-тармағы; "2002 жылғы 6 желтоқсандағы Қазақстан Республикасының Үкіметі мен Халықаралық Қайта Құру және Даму Банкі арасында Бірлескен экономикалық зерттеулер бағдарламасын әзірлеу және іске асыру жөніндегі техникалық ынтымақтастық туралы келісімге өзгерістер мен толықтырулар енгізу туралы хаттамаға қол қою туралы" Қазақстан Республикасы Үкіметінің 2004 жылғы 16 қарашадағы № 1203 қаулысы; "2006 жылы байланысты гранттарды тартуға басымдығы бар өтінімдердің тізбесін бекіту туралы" Қазақстан Республикасы Үкіметінің 2005 жылғы 10 қарашадағы № 1116 қаулысы, "Рейтингтік агенттіктерге  ақпарат беру жөніндегі мемлекеттік органдардың қызметін үйлестірудің кейбір мәселелері туралы" Қазақстан Республикасы Yкіметінің 2002 жылғы 31 шілдедегі № 116-ө өкімі; "Тәуелсіз Мемлекеттер Достастығын құру туралы келісімді бекіту туралы" Қазақстан Республикасы Жоғары Кеңесінің 1991 жылғы 23 желтоқсандағы қаулысы.