Мүгедектерді әлеуметтік қорғау саласындағы үйлестіру кеңесін қуру туралы
Қазақстан Республикасы Үкіметінің 2005 жылғы 21 желтоқсандағы № 1266 Қаулысы
(2019.18.04. берілген өзгерістер мен толықтыруларымен)
Осы редакция 2020 жылғы 29 шілдеде енгізілген өзгерістеріне дейін қолданылды
«Қазақстан Республикасында мүгедектерді әлеуметтік қорғау туралы» Қазақстан Республикасының 2005 жылға 13 сәуірдегі Заңының 6-бабына сәйкес Қазақстан Республикасының Үкіметі қаулы етеді:
1. Мүгедектерді әлеуметтік қорғау саласындағы үйлестіру кеңесі (бұдан әрі - Үйлестіру кеңесі) құрылсын.
2. Қоса беріліп отырған:
1) Мүгедектерді әлеуметтік қорғау саласындағы үйлестіру кеңесі туралы ереже;
2) Үйлестіру кеңесінің құрамы бекітілсін.
3. Осы қаулы қол қойылған күнінен бастап қолданысқа енгізіледі.
Қазақстан Республикасының
| Премьер-Министрі | Д. Ахметов |
ҚР Үкіметінің 2019.18.04. № 204 Қаулысымен ереже жаңа редакцияда (бұр.ред.қара)
Қазақстан Республикасы
Үкіметінің
2005 жылғы 21 желтоқсандағы
№ 1266 қаулысымен
бекітілген
Мүгедектерді әлеуметтік қорғау саласындағы үйлестіру кеңесі туралы
ереже
1-тарау. Жалпы ережелер
1. Мүгедектерді әлеуметтік қорғау саласындағы үйлестіру кеңесі (бұдан әрі - Үйлестіру кеңесі) Қазақстан Республикасының Үкіметі жанындағы консультациялық-кеңесші орган болып табылады.
2. Мүгедектердің құқықтарын іске асыру, олардың тыныс-тіршілігі мен қоғамға етене араласуы үшін тең мүмкіндіктер жасау мәселелері бойынша орталық және жергілікті атқарушы органдардың, ұйымдардың, мүгедектердің қоғамдық бірлестіктерінің қызметін үйлестіру бойынша ұсыныстар әзірлеу Үйлестіру кеңесі қызметінің мақсаты болып табылады.
3. Үйлестіру кеңесі өз қызметінде Қазақстан Республикасының Конституциясын, заңдарын және өзге де нормативтік құқықтық актілерін, сондай-ақ осы Ережені басшылыққа алады.
4. Қазақстан Республикасының Еңбек және халықты әлеуметтік қорғау министрлігі Үйлестіру кеңесінің жұмыс органы болып табылады.
5. Үйлестіру кеңесінің отырыстары қажеттілігіне қарай өткізіледі.
2-тарау. Үйлестіру кеңесінің негізгі міндеттері
6. Үйлестіру кеңесінің негізгі міндеті:
1) «Мүгедектердің құқықтары туралы конвенцияны ратификациялау туралы» 2015 жылғы 20 ақпандағы Қазақстан Республикасының Заңымен ратификацияланған Мүгедектердің құқықтары туралы конвенцияда көзделген іс-шаралардың орындалуын қамтамасыз ету;
2) мүгедектерді әлеуметтік қорғау саласындағы мемлекеттік саясатты, заңнамалық және өзге де нормативтік құқықтық актілерді жетілдіру;
3) мүгедектерді әлеуметтік қорғау және олардың құқықтарын іске асыру мәселелері бойынша орталық және жергілікті атқарушы органдардың қызметін үйлестіру, халықаралық және өзге де ұйымдармен, мүгедектердің қоғамдық бірлестіктерімен өзара іс-қимылды қамтамасыз ету жөнінде ұсыныстар әзірлеу болып табылады.
3-тарау. Үйлестіру кеңесінің қызметін ұйымдастыру
7. Үйлестіру кеңесінің жұмысын ұйымдастыру және оның тәртібі Қазақстан Республикасы Үкіметінің 1999 жылғы 16 наурыздағы № 247 қаулысымен бекітілген Қазақстан Республикасы Үкіметінің жанындағы консультативтік-кеңесші органдар мен жұмыс топтарын құру тәртібі, қызметі мен таратылуы туралы нұсқаулыққа сәйкес жүзеге асырылады.
ҚР Үкіметінің 2006.07.07. № 644 (бұр.ред.қара); 2006.17.11. № 1088 (бұр.ред.қара); 2007.20.04. № 320 (бұр.ред.қара); 2007.15.10 № 904 (бұр.ред.қара); 2007.29.12. № 1384 (бұр.ред.қара); 2008.27.11. № 1098 (бұр.ред.қара); 2010.25.05. № 461 (бұр.ред.қара) қаулыларымен құрам өзгертілді; ҚР Үкіметінің 2011.29.07. № 875 Қаулысымен (бұр.ред.қара); 2012.15.05. № 614 Қаулысымен (бұр.ред.қара) құрам жаңа редакцияда; ҚР Үкіметінің 2012.13.11. № 1445 Қаулысымен құрамы өзгертілді (бұр.ред.қара); ҚР Үкіметінің 2014.11.03. № 215 Қаулысымен (бұр.ред.қара); 2014.09.04. № 329 Қаулысымен (бұр.ред.қара); 2014.04.09. № 970 Қаулысымен (бұр.ред.қара) құрамы жаңа редакцияда; ҚР Үкіметінің 2017.18.02. № 81 Қаулысымен (бұр.ред.қара); 2019.18.04. № 204 Қаулысымен (бұр.ред.қара) құрамы өзгертілді
Қазақстан Республикасы
Үкіметінің
2005 жылғы 21 желтоқсандағы
№ 1266 қаулысымен
бекітілген
Мүгедектерді әлеуметтік қорғау саласындағы үйлестіру кеңесінің
құрамы
Қазақстан Республикасы Премьер-Министрінің орынбасары, төраға
Қазақстан Республикасының Еңбек және халықты әлеуметтік қорғау министрі, төрағаның орынбасары
Қазақстан Республикасы Еңбек және халықты әлеуметтік қорғау министрлігі Әлеуметтік қызметтер саясатын дамыту департаментінің директоры, хатшы
Қазақстан Республикасының Еңбек және халықты әлеуметтік қорғау вице-министрі
Қазақстан Республикасының Ұлттық экономика вице-министрі
Қазақстан Республикасының Индустрия және инфрақұрылымдық даму бірінші вице-министрі
Қазақстан Республикасының Білім және ғылым вице-министрі
Қазақстан Республикасының Мәдениет және спорт вице-министрі
Адам құқықтары жөніндегі ұлттық орталықтың басшысы (келісім бойынша)
Қазақстандағы мүгедектер ұйымы одағының төрағасы (келісім бойынша) «Қазақ зағиптар қоғамы» қоғамдық бірлестігі орталық басқармасының төрағасы (келісім бойынша)
«Мүгедек жастар қоғамы» қоғамдық бірлестігінің төрағасы (келісім бойынша)
«Ақтөбе қаласының сал ауруымен ауыратын азаматтарды қорғау қоғамы» қоғамдық бірлестігінің төрағасы (келісім бойынша)
«Қазақ саңыраулар қоғамы» қоғамдық бірлестігінің Ақмола филиалының басқарма төрағасы (келісім бойынша)
«ДОС» тәуелсіз өмір орталығы» қоғамдық бірлестігінің төрағасы (келісім бойынша)
«Қазақ зағиптар қоғамының Ақтөбе оқу-өндірістік кәсіпорны» жауапкершілігі шектеулі серіктестігінің директоры (келісім бойынша)
«Лайықты өмір» мүгедектерді оңалту орталығы» қоғамдық бірлестігінің төрағасы (келісім бойынша)
«Намыс» жоғары білімді мүгедектердің қоғамдық бірлестігінің төрағасы (келісім бойынша)
«Қазақ саңыраулар қоғамы» қоғамдық бірлестігінің президенті (келісім бойынша)
«Шырақ» мүгедектігі бар әйелдер қауымдастығы» қоғамдық бірлестігінің төрайымы (келісім бойынша)
Шығыс Қазақстан облысы мүгедектерінің ерікті қоғамының төрағасы (келісім бойынша)
«Қазақстандық мүгедектер конфедерациясы» республикалық қоғамдық бірлестігінің төрағасы (келісім бойынша)
«Мүгедек жастар қоғамы» қоғамдық бірлестігінің төрағасы (келісім бойынша)
«Павлодар қалалық мүгедектердің ерікті қоғамы» қоғамдық бірлестігінің төрағасы (келісім бойынша)
«Шанс» мүгедектерді оңалту орталығы» қоғамдық бірлестігінің төрағасы (келісім бойынша)
Қазақстан Республикасының Денсаулық сақтау вице-министрі
