Бұл ретте, шарт нысанындағы азаматтық-құқықтық мәмілелер бойынша аванстық (алдын ала) төлемге осы Ереженің 87-91-тармақтарында белгіленген тәртіппен және мөлшерде жол беріледі.
272. Өздеріне қаржыландырудың ерекше тәртібі белгіленген мемлекеттік органдардың ақпарат ұсынуы және бюджетті атқару жөніндегі операцияларды есепке алуы мен есеп беруі тиісті мемлекеттік органдар бюджетті атқару жөніндегі орталық уәкілетті органмен бірлесе отырып анықтайтын тәртіпке сәйкес жүргізіледі.
7-бөлім. Мемлекеттік мекемелер өздерінің билігінде қалатын тауарларды (жұмыстарды, қызметтерді) сатудан алатын ақшаны, демеушілік және қайырымдылық көмектен түсетін түсімдерді, жеке немесе заңды тұлға оны қайтарып алу шартымен мемлекеттік мекемеге беретін ақшаны пайдалану
35-тарау. Жалпы ережелер
273. Демеушілік және қайырымдылық көмек, жеке немесе заңды тұлғалардың ақшасын уақытша орналастыру, ақылы қызмет көрсету жөнінде ҚБШ ашу, жүргізу және жабу тәртібін бюджетті атқару жөніндегі орталық уәкілетті орган анықтайды.
274. Демеушілік және қайырымдылық көмектен түсетін түсімдер, оларды қайтарып алу шартымен берілген ақша ұлттық та және шетел валютасында да түсе алады.
275. Мемлекеттік мекеме кассаға қабылдаған қолма-қол ақша оларды қабылдаған күннен бастап үш жұмыс күнінен кешіктірмей тиісті ҚБШ-ға есептелуі тиіс.
Мемлекеттік мекеме мемлекеттік мекемеге түскен қолма-қол ақшаны тиісті ҚБШ-ға уақтылы және толық тапсыруды қамтамасыз етеді.
36-тарау. Демеушілік және қайырымдылық көмектен түсетін түсімдер бойынша операцияларды жүзеге асыру
276. Демеушілік және қайырымдылық көмектің ҚБШ бойынша операциялар Қазақстан Республикасының заңнамалық актілері негізінде жүзеге асырылады.
277. Демеушілік және қайырымдылық көмектің ҚБШ бойынша операцияларды есепке алу мемлекеттік мекемелердің кодтары бойынша жүзеге асырылады.
278. Демеушілік және қайырымдылық көмек бойынша ҚБШ бюджетті атқару жөніндегі орталық уәкілетті органда ашылады.
279. Демеушілік және қайырымдылық көмектің ҚБШ бойынша операцияларды есепке алу үшін рұқсат беру жүзеге асырылады:
бюджетті атқару жөніндегі орталық уәкілетті орган республикалық бюджеттік бағдарламалары әкімшісінің қолдаухаты негізінде республикалық бюджеттен қаржыландырылатын мемлекеттік мекемелерге;
бюджетті атқару жөніндегі жергілікті уәкілетті орган олардың өтініштері негізінде жергілікті бюджеттерден қаржыландырылатын мемлекеттік мекемелерге.
280. Демеушілік және қайырымдылық көмектің ҚБШ бойынша операциялар жүргізу үшін мемлекеттік мекеме аумақтық қазынашылық бөлімшесіне рұқсат және қол және мөр бедерінің үлгілері бар құжатты береді.
281. Мемлекеттік мекеме демеушілік және қайырымдылық көмектен түсетін түсімдерді жоспарламайды.
Нысаналы сипатқа ие демеушілік, қайырымдылық көмектен түсетін түсімдерді мемлекеттік мекеме орынды жұмсайды.
Мемлекеттік мекеме демеушілік және қайырымдылық көмектен түсетін түсімдердің орынды жұмсалуын қамтамасыз етеді.
282. Демеушілік және қайырымдылық көмектен түсетін түсімдерді ағымдағы жылы орынды пайдаланбаған мемлекеттік мекеме оны келесі жылы орынды пайдалана алады.
Демеушілік және қайырымдылық көмек ақшасын ағымдағы қаржы жылы жете пайдаланбаған жағдайда, осы ақшаны салған тұлға оны қайтарып алуға құқығы бар.
283. Демеушілік, қайырымдылық көмектен түсетін түсімдерді жұмсау осы Ережеде белгіленген тәртіппен ресімделген және ұсынылған төлеуге берілетін шот негізінде тиісті ҚБШ-дағы ақша қалдығының шеңберінде жүзеге асырылады.
284. Демеушілік, қайырымдылық көмектен түсетін түсімдер бойынша қолма-қол ақшамен жасалатын операциялар жөніндегі банктік қызметтерге ақы төлеуді мемлекеттік мекеме өзі және банк арасындағы кассалық қызмет көрсетуге арналған шарт негізінде демеушілік және қайырымдылық көмек ақшасы есебінен жүргізеді.
285. Мемлекеттік мекеме бюджетті атқару жөніндегі орталық уәкілетті орган анықтайтын тәртіппен, нысанда және мерзімде демеушілік және қайырымдылық көмектен түскен түсімдер және оларды жұмсау туралы есеп жасайды және береді.
37-тарау. Мемлекеттік мекемеге оларды қайтарып алу шартымен берілетін ақша бойынша операцияларды жүзеге асыру
286. Жеке немесе заңды тұлғалар ақшасын уақытша орналастырудың ҚБШ бойынша операциялар Қазақстан Республикасының заңнама актілерінде жеке немесе заңды тұлғалардың мемлекеттік мекемелерге қайтарып алу шартында немесе тиісті бюджетке ақша беру көзделген жағдайда жүзеге асырылады.
287. Жеке немесе заңды тұлғалар ақшасын уақытша орналастырудың ҚБШ бойынша операцияларды есепке алу мемлекеттік мекемелердің кодтары бойынша жүзеге асырылады.
288. Жеке немесе заңды тұлғалар ақшасын уақытша орналастыру ҚБШ бюджетті атқару жөніндегі орталық уәкілетті органда ашылады.
289. Жеке немесе заңды тұлғалар ақшасын уақытша орналастырудың ҚБШ бойынша операцияларды есепке алу үшін рұқсат беру жүзеге асырылады:
бюджетті атқару жөніндегі орталық уәкілетті орган республикалық бюджеттік бағдарламалары әкімшісінің қолдаухаты негізінде республикалық бюджеттен қаржыландырылатын мемлекеттік мекемелерге;
бюджетті атқару жөніндегі жергілікті уәкілетті орган олардың өтініштері негізінде жергілікті бюджеттерден қаржыландырылатын мемлекеттік мекемелерге.
290. Жеке немесе заңды тұлғалардың ақшасын уақытша орналастырудың ҚБШ бойынша операциялар жүргізу үшін мемлекеттік мекеме аумақтық қазынашылық бөлімшесіне рұқсат және қол және мөр бедерінің үлгілері бар құжатты береді.
291. Мемлекеттік мекеме жеке немесе заңды тұлғалар оларды қайтарып алу шартында беретін ақша бойынша жоспар құрмайды.
292. Жеке немесе заңды тұлғалар оларды қайтарып алу шартында мемлекеттік мекемеге беретін ақша Қазақстан Республикасының заңнамасында анықталған шарт басталған күннен бастап үш жұмыс күні ішінде оларды салған тұлғаларға қайтарылуы не тиісті бюджетке аударылуы тиіс.
Мемлекеттік мекеме жеке немесе заңды тұлға оларды қайтарып алу шартында мемлекеттік мекемеге беретін ақшаны уақтылы қайтарып алуды не оларды тиісті бюджетке аударуды (бұдан әрі - қайтарып алу/аудару) қамтамасыз етеді.
293. Қайтарып алу/аудару осы Ережеде белгіленген тәртіппен ресімделген және ұсынылған төлеуге берілетін шот негізінде тиісті ҚБШ-дағы ақша қалдығы шеңберінде жүзеге асырылады.
Жеке немесе заңды тұлғалар оларды қайтарып алу шартында мемлекеттік мекемеге беретін ақшаны оларды салған тұлғаларға не тиісті бюджеттің кірісіне қайтарып алу/аудару оларды ҚБШ-ға есептемей жол берілмейді.
Қолма-қол ақшаны есептеу және қайтарып алу үшін ҚБШ-дан алу бойынша қолма-қол ақшамен жасалатын операциялар үшін банктік қызметтерге ақы төлеу ақшаны салған тұлға есебінен мемлекеттік мекеме мен банк арасындағы кассалық қызмет көрсетуге арналған шарт негізінде жүргізіледі, оған мынадай жағдайлар қосылмайды:
ҚБШ-ға тез бұзылатын және оларды сақтау елеулі материалдық мүлік шығынын талап ететін заттай айғақты сатудан алынған ақша Қазақстан Республикасының заңнама актілеріне сәйкес өкілеттік берілген органдардың міндеттемелер мен төлемдер бойынша бюджеттік бағдарламаларын (кіші бағдарламаларын) жеке қаржыландыру жоспары есебінен жүргізіледі.
294. Мемлекеттік мекеме, бюджеттік бағдарламалар әкімшілері жеке немесе заңды тұлғалар оларды қайтарып алу шартында мемлекеттік мекемеге беретін ақша бойынша бюджетті атқару жөніндегі орталық уәкілетті орган анықтаған тәртіппен, нысанда және мерзімде есеп жасайды және ұсынады.
38-тарау. Мемлекеттік мекемелер өздерінің билігінде қалатын тауарларды (жұмыстарды, қызметтерді) сатудан түсетін ақша
295. Ақылы қызметтер бойынша ҚБШ жөніндегі операцияларды мемлекеттік мекеме Қазақстан Республикасының Үкіметі қаулысының, мемлекеттік бюджеттің есебінен ұсталатын, оларды сатқан ақша өздерінің билігінде қалатын Мемлекеттік мекемелердің тауарлары (жұмыстары, қызметтері) тізбесінің сыныптаушысы негізінде жүзеге асырады.
296. Мемлекеттік мекеменің есебінен ұсталатын, оларды сатқан ақша өздерінің билігінде қалатын Мемлекеттік мекемелердің тауарлары (жұмыстары, қызметтері) тізбесінің сыныптаушысы (бұдан әрі - Сыныптаушы) бюджетті атқару жөніндегі орталық уәкілетті органның бұйрығымен бекітіледі және шығыстардың функционалдық сыныптамасының, тауарлар (жұмыстар, қызметтер) түрлерінің кодтарын, Қазақстан Республикасының заңнама актілеріне сәйкес рұқсат етілген пайда болу көздері мен түсімдерді пайдалану бағыттарын қамтиды.
297. Ақылы қызметтер бойынша ҚБШ жөніндегі операцияларды есепке алу ББС кодтарына және мемлекеттік мекемелер кодтарына сәйкес жүзеге асырылады.
298. Ақылы қызметтер бойынша ҚБШ бюджетті атқару жөніндегі орталық уәкілетті органда ашылады.
299. Ақылы қызметтер бойынша ҚБШ жөніндегі операцияларды жүргізу үшін мемлекеттік мекеме аумақтық қазынашылық бөлімшесіне мемлекеттік мекеме тауарларды (жұмыстарды, қызметтерді) сатудан түскен ақшаның түсімі мен жұмсалу жоспарын береді.
39-тарау. Мемлекеттік мекеме өздерінің билігінде қалатын тауарларды (жұмыстарды, қызметтерді) сатудан түсетін ақшаның түсімі мен жұмсалу жоспарларын қалыптастыру және бекіту
300. Мемлекеттік мекеме өздерінің билігінде қалатын тауарларды (жұмыстарды, қызметтерді) сатудан түсетін ақшаның есебінен операция жүргізу үшін жыл сайын мемлекеттік мекеменің өздерінің билігінде қалатын тауарларды (жұмыстарды, қызметтерді) сатудан түсетін ақшаның түсімі мен жұмсалу жоспарын (бұдан әрі - жоспар) жасайды.
301. Жоспар тауарлардың (жұмыстардың, қызметтердің) әрбір түрі бойынша жасалады.
302. Жоспарды мемлекеттік мекеме осы Ережеге 51-қосымшаға сәйкес нысан бойынша мынадай тәртіппен жасайды:
Кіріс бөлігі:
010 "Барлығы кірістер" жолында есептіден кейінгі қаржы жылының 1 қаңтарындағы жағдай бойынша қалыптасқан ақша қалдығын өзіне қамтитын кірістердің жалпы сомасы және жаңа қаржы жылында түсетін ақшаның жоспарланған сомасы көрсетіледі (011-жол+012-жол),
011 "Қаржы жылының басындағы қаражат қалдығы" жолында есептіден кейінгі қаржы жылының 1 қаңтарындағы жағдай бойынша қалыптасқан ақша қалдығы көрсетіледі,
012 "Ағымдағы жыл түсімдері" жолында жаңа қаржы жылы тауарларды (жұмыстарды, қызметтерді) сатудан түсетін ақша түсімдерінің жоспарланған сомасы көрсетіледі;
Шығыс бөлігі:
020 "Барлығы шығыстар, оның ішінде ерекшеліктер бойынша" жолында шығыстардың экономикалық сыныптамасының барлық ерекшеліктері бойынша және шығыстардың экономикалық сыныптамасының ерекшеліктері бөлігіндегі жоспарланған шығыстар сомасын көрсете отырып шығыстардың жоспарланған жалпы сомасы көрсетіледі,
021 "олардың ішінде, бюджет кірісіне аударуға жататын" деген жол бойынша тиісті бюджет кірісіне аударуға жататын сома анықтамалы түрде көрсетіледі.
Жоспардың кіріс және шығыс бөліктері әрбір тоқсан бойынша және тұтастай жыл бойынша теңгерілуі тиіс. Бұл ретте, 010 жолының көрсеткіші 020 жолының көрсеткішіне теңестірілуі тиіс.
303. Мемлекеттік мекемелер бюджеттік бағдарламалар әкімшісіне түсіндірме жазбаны және мемлекеттік мекеменің тиісті құрылымдық бөлімшесінің басшысы қол қойған бюджет шығыстарының экономикалық сыныптамасының әрбір ерекшелігі бойынша кірістер мен шығыстар жөнінде негізделген есептерді қоса бере отырып 3 (үш) данадағы жоспарды бекітуге береді.
304. Бюджеттік бағдарламалар әкімшісі:
жоспарлар негізінде мемлекеттік мекеме өздерінің билігінде қалатын тауарларды (жұмыстарды, қызметтерді) сатудан түсетін ақшаның түсімдер мен жұмсалу жоспарын қалыптастырады және бекітеді (бұдан әрі - мемлекеттік мекемелер бойынша жоспар),
келесі қаржы жылының 15 қаңтарына дейінгі мерзімде бюджетті атқару жөніндегі орталық уәкілетті органға немесе бюджетті атқару жөніндегі жергілікті уәкілетті органға әрбір ведомстволық бағыныстағы мемлекеттік мекеме жөніндегі жоспарлармен бірге мемлекеттік мекемелер жөніндегі жоспарды береді.
Мемлекеттік мекемелер жөніндегі жоспар тауарлардың (жұмыстардың, қызметтердің) әрбір түрі бойынша осы Ережеге 52-қосымшаға сәйкес нысан бойынша қалыптастырады және 2 (екі) данада бекітеді.
Мемлекеттік мекемелер жөніндегі жоспарға түсіндірме жазба мен бюджеттік бағдарламалар әкімшісінің тиісті құрылымдық бөлімшесінің басшысы қол қойған бюджет шығыстарының экономикалық сыныптамасының әрбір ерекшелігі бойынша түсімдер мен шығыстардың әрбір түрі жөнінде негізделген есептер қоса беріледі.
305. Жоспар және мемлекеттік мекемелер жөніндегі жоспар бөлшек қалдығымен, үтірден кейін бір белгімен мың теңгеде қалыптастырылады.
306. Жоспарлардың жалпы сомасы сатылатын тауарлардың (жұмыстардың, қызметтердің) әрбір түрі бойынша және жоспардың әрбір көрсеткіші бойынша мемлекеттік мекемелер жөніндегі жоспар сомасына теңестірілуі тиіс.
307. Бюджеттік бағдарламалар әкімшісі мемлекеттік мекемелер жөніндегі жоспардың, оған есептердің жасалу дұрыстығын қамтамасыз етеді.
308. Бюджетті атқару жөніндегі орталық уәкілетті орган немесе бюджетті атқару жөніндегі жергілікті уәкілетті орган келісуге ұсынған мемлекеттік мекемелер жөніндегі жоспарлар осы Ережеге, Сыныптаушыға сәйкес келу тұрғысынан, шығыстардың экономикалық сыныптамасының әрбір ерекшелігі бойынша кірістер мен шығыстарды дұрыс есептеу тұрғысынан тексеріледі, бюджетті атқару жөніндегі орталық уәкілетті орган немесе бюджетті атқару жөніндегі жергілікті уәкілетті орган басшысымен келісіледі және елтаңбалы мөр бедерімен расталады.
309. Мемлекеттік мекемелер жөніндегі келісілген жоспардың бір данасы бюджетті атқару жөніндегі орталық уәкілетті органда немесе бюджетті атқару жөніндегі жергілікті уәкілетті органда қалады, екіншісі - бюджеттік бағдарламалар әкімшісіне беріледі.
310. Мемлекеттік мекемелер жөніндегі жоспардың бюджетті атқару жөніндегі орталық уәкілетті органмен немесе бюджетті атқару жөніндегі жергілікті уәкілетті органмен келіскеннен кейін бюджеттік бағдарламалар әкімшісі әрбір мемлекеттік мекеме бойынша жоспарды 3 данада бекітеді, оның бірі бюджеттік бағдарламалар әкімшісінде қалады, екеуі - мемлекеттік мекемеге беріледі.
Мемлекеттік мекеме бекітілген жоспардың бір данасын өзінде қалдырады, екіншісін - аумақтық қазынашылық бөлімшесіне береді.
311. Қаржы жылының 15 қаңтарына дейін жоспарды бекітпеген жағдайда, мемлекеттік мекемелер ағымдағы қаржы жылының 1 ақпанына дейінгі мерзімде жаңа қаржы жылының 1 қаңтарындағы тауарларды (жұмыстарды, қызметтерді) сатудан түсетін ақша қалдығы шеңберінде жасалған шығыстар сомасын ағымдағы қаржы жылының жоспарына міндетті қосу арқылы шығыстар жүргізе алады.
312. Егер мемлекеттік мекемелер бойынша жоспар 15 ақпанға дейін бюджетті атқару жөніндегі орталық уәкілетті органға немесе бюджетті атқару жөніндегі жергілікті уәкілетті органға келісуге ұсынылмаса және 1 наурызға дейін келісілмесе, онда қаржы жылының 1 қаңтарынан бастап 1 наурызына дейін түскен ақша және есептіден кейінгі қаржы жылының 1 қаңтарындағы жағдай бойынша қалыптасқан және 1 ақпандағы жағдай бойынша пайдаланылмаған қаражат қалдығы 1 наурыздан кейін үш жұмыс күні ішінде тиісті бюджет кірісіне аударуға жатады.
Мемлекеттік мекеме аумақтық қазынашылық бөлімшесіне белгіленген мерзімде ағымдағы жылдың 1 наурызындағы ҚБШ-дағы ақша қалдығын тиісті бюджеттің кірісіне аударуға арналған төлеуге берілетін шотты ұсынбаған жағдайда, аумақтық қазынашылық бөлімшесі белгіленген мерзім аяқталған күннен бастап келесі жұмыс күнінен кешіктірмей бюджет қаражаты есебінен мемлекеттік мекеменің төлемдері мен ақша аударымын жүзеге асыруды тоқтатады.
313. ҚБШ бойынша қолма-қол ақшамен жасалатын операциялар жөніндегі банктік қызметтерге ақы төлеуді мемлекеттік мекеме тауарларды (жұмыстарды, қызметтерді) сатудан түсетін ақша есебінен, мемлекеттік мекеме мен банк арасындағы кассалық қызмет көрсетуге арналған шарт негізінде жүргізеді. Банктік қызметтерге ақы төлеуге арналған шығындар қолма-қол ақшамен операциялар жүргізілетін тауарлардың (жұмыстардың, қызметтердің) коды бойынша бюджет шығыстарының экономикалық сыныптамасының тиісті ерекшелігі бойынша жоспардың шығыстар бөлігінде көрсетіледі.
314. Бекітілген және келісілген жоспарлардың жұмыс істеуі қаржы жылының 31 желтоқсанында тоқтатылады.
40-тарау. Мемлекеттік мекемелер өздерінің билігінде қалатын тауарларды (жұмыстарды, қызметтерді) сатудан түсетін ақшаның түсімі мен жұмсалу жоспарларына өзгерістер енгізу
315. Қаржы жылы ішінде жоспарда көзделген сомадан тыс түскен кірістер жоспарды және мемлекеттік мекемелер бойынша жоспарды нақтылау шартымен оларға өзгерістер енгізу арқылы ағымдағы жылы жұмсалуы мүмкін.
Жоспарда көзделген сомадан тыс кіріс түскен кезде жоспарға және мемлекеттік мекемелер бойынша жоспарға өзгерістер, әрбір ақылы қызмет түрлері бойынша жылдық сома шеңберінде ерекшеліктер мен тоқсандар арасында өзгерістер енгізу мынадай тәртіппен жүзеге асырылады:
мемлекеттік мекеме бюджеттік бағдарламалар әкімшісіне енгізілетін өзгерістер бойынша негіздемелер мен есептерді қоса бере отырып, осы Ережеге 53-қосымшаға сәйкес нысан бойынша жоспарға өзгерістер енгізу туралы анықтама береді;
бюджеттік бағдарламалар әкімшісі олар түскен күннен бастап он жұмыс күні ішінде енгізілетін өзгерістер бойынша негіздемелер мен есептерді тексереді, осы Ережеге 54-қосымшаға сәйкес нысан бойынша мемлекеттік мекемелер жөніндегі жоспарға өзгерістер енгізу туралы анықтаманы бекітеді және бюджетті атқару жөніндегі уәкілетті органға келісуге береді.
316. Бюджетті атқару жөніндегі орталық уәкілетті орган немесе бюджетті атқару жөніндегі жергілікті уәкілетті орган олар түскен күннен бастап бес жұмыс күні ішінде мемлекеттік мекемелер жөніндегі жоспарға өзгерістер енгізу туралы ұсынылған анықтаманы қарастырады, енгізілетін өзгерістер бойынша негіздемелер мен есептерді тексереді.
317. Мемлекеттік мекемелер жөніндегі жоспарға өзгерістер енгізу туралы анықтама екі данада бекітіледі және келісіледі.
318. Анықтаманың бір данасы бюджетті атқару жөніндегі уәкілетті органда қалады, екінші данасы бюджеттік бағдарламалар әкімшісіне беріледі.
319. Мемлекеттік мекемелер жөніндегі жоспарға өзгерістер енгізу туралы бекітілген және келісілген анықтаманың негізінде бюджеттік бағдарламалар әкімшісі жоспарға өзгерістер енгізу туралы анықтаманы үш данада бекітеді.
Бекітілген анықтаманың бір данасы бюджеттік бағдарламалар әкімшісінде қалады, екі данасы мемлекеттік мекемеге беріледі.
Мемлекеттік мекеме жоспарға өзгерістер енгізу туралы бекітілген анықтаманың бір данасын өзіне қалдырады, екіншісін аумақтық қазынашылық бөлімшесіне береді.
320. Мемлекеттік мекемелер жөніндегі жоспарларды және бюджеттік бағдарламалар әкімшілерімен бекітілген және бюджетті атқару жөніндегі уәкілетті органмен келісілген мемлекеттік мекемелер жөніндегі жоспарға өзгерістер енгізу туралы анықтаманы тіркеуді бюджетті атқару жөніндегі уәкілетті орган жүзеге асырады, ал жоспарлар мен бюджеттік бағдарламалар әкімшілерімен бекітілген жоспарға өзгерістер енгізу туралы анықтамаларды тіркеуді бюджеттік бағдарламалар әкімшілері жүзеге асырады. Тіркеу жоспарларға және мемлекеттік мекемелер жөніндегі жоспарларға, жоспарларға және мемлекеттік мекемелер жөніндегі жоспарларға өзгерістер енгізу туралы анықтамаларға хронологиялық тәртіппен нөмір бере отырып еркін түрде журналда жүргізіледі.
321. Сатылатын тауарлардың (жұмыстардың, қызметтердің) түрлерін сақтаған кезде қаржы жылы ішінде мемлекеттік мекемелер жөніндегі жоспарларды бекіткеннен және келіскеннен кейін және жоспарларды бекіткеннен кейін ББС-нің бюджет шығыстарының функционалдық сыныптамасының кодтарын өзгерткен жағдайда, жоспарлар мен мемлекеттік мекемелер жөніндегі жоспарлар Сыныптаушыға тиісті өзгерістер енгізілгеннен кейін бір ай ішінде осы Ережеде белгіленген тәртіппен қайта бекітіледі және қайта келісіледі.
Қаржы жылы ішінде ББС-нің бюджет шығыстарының функционалдық сыныптамасының жаңа кодтары енгізілген жағдайда жоспарлар мен мемлекеттік мекемелер жөніндегі жоспарлар осы Ережеде белгіленген тәртіппен жаңа кодтар бойынша бекітіледі және келісіледі.
322. Қазақстан Республикасының заңнамалық актілеріне сәйкес Сыныптаушыға тауарлардың (жұмыстардың, қызметтердің) жаңа түрлері енгізілген жағдайда, осы Ережеде белгіленген тәртіппен жаңа жоспар мен мемлекеттік мекемелер жөніндегі жоспар жасалады, келісіледі және бекітіледі.
323. Жоспар мен мемлекеттік мекемелер жөніндегі жоспар бекітілгеннен және келісілгеннен кейін қаржы жылы ішінде жаңа мемлекеттік мекеме құрылған немесе Қазақстан Республикасының заңнамасында белгіленген тәртіппен қосу немесе бөлу арқылы мемлекеттік мекемелерді қайта ұйымдастырған және мұндай мемлекеттік мекемелерге оларды сатқаннан түсетін ақша өздерінің билігінде қалатын тауарларды (жұмыстарды, қызметтерді) сатуға арналған құқық берілген жағдайда (бұдан әрі - құрылған немесе қайта ұйымдастырылған мемлекеттік мекеме), мынадай іс-әрекеттер жүзеге асырылады:
құрылған немесе қайта ұйымдастырылған мемлекеттік мекеме бюджеттік бағдарламалар әкімшісіне осы Ереженің 279-тармағында белгіленген нысан бойынша және тәртіппен жоспар береді;
бюджеттік бағдарламалар әкімшісі олар түскен күннен бастап он жұмыс күні ішінде кірістер мен шығыстар бойынша негіздеме мен есептерді тексереді, жоспардың негізінде осы Ережеге 52-қосымшаға сәйкес нысан бойынша мемлекеттік мекемелер жөніндегі жоспарға тиісті өзгерістер енгізу туралы анықтаманы жасайды және бекітеді және құрылған немесе қайта ұйымдастырылған мемлекеттік мекеменің жоспарына сәйкес бюджетті атқару жөніндегі уәкілетті органға келісуге береді;
бюджетті атқару жөніндегі уәкілетті орган осы Ережеде белгіленген тәртіппен мемлекеттік мекемелер жөніндегі жоспарға өзгерістер енгізу туралы ұсынылған анықтаманы қарайды және келіседі;
бекітілген және келісілген анықтаманың негізінде бюджеттік бағдарламалар әкімшісі әрбір құрылған немесе қайта ұйымдастырылған мемлекеттік мекеме бойынша жоспарды бекітеді және береді.
41-тарау. Мемлекеттік мекемелердің билігінде қалатын тауарларды (жұмыстарды, қызметтерді) сатудан түсетін ақшаны есепке алу және бақылау
324. Тауарларды сатудан түсетін ақшаның есебінен тауарларды (жұмыстарды, қызметтерді) сатып алу Қазақстан Республикасының мемлекеттік сатып алу жөніндегі заңнамасының талаптарын ескере отырып, Қазақстан Республикасының заңнамасына сәйкес жүзеге асырылады.
Мемлекеттік мекеменің билігінде қалатын тауарларды (жұмыстарды, қызметтерді) сатудан түсетін ақша есебінен жасалатын шарт тауарлардың (жұмыстардың, қызметтердің) түрлері бойынша шығыстардың бюджеттік сыныптамасының тиісті коды бойынша көзделген сома шеңберінде жасалады.
Бұл ретте, Қазақстан Республикасының Қаржы министрі бекітетін ерекшеліктер тізбесіне енгізілген шығыстардың экономикалық сыныптамасының ерекшеліктері бойынша жасалған мемлекеттік мекемелердің шарттары осы Ереженің 81-тармағының екінші абзацына сәйкес аумақтық қазынашылық бөлімшесінде тіркеуге жатады.
Мемлекеттік мекеме өзінің билігінде қалатын тауарларды (жұмыстарды, қызметтерді) сатудан түсетін ақша есебінен жасаған шартты тіркеу осы Ереженің 15-20-тарауларында белгіленген тәртіппен ресімделген және ұсынылған міндеттемелерді тіркеуге арналған өтінім негізінде жүзеге асырылады.
325. Тауарларды (жұмыстарды, қызметтерді) сатудан түсетін ақша төлеушілерден қолма-қол емес не қолма-қол ақша түрінде тікелей мемлекеттік мекеменің кассасына түсе алады.
326. Мемлекеттік мекеме өзінің билігінде қалатын тауарларды (жұмыстарды, қызметтерді) сатудан түсетін ақшаның орынды пайдаланылуын қамтамасыз етеді.
Мемлекеттік мекеменің билігінде қалатын тауарларды (жұмыстарды, қызметтерді) сатудан түсетін ақша есебінен жасалатын төлемдер:
олар бойынша шарттар жасалған және тіркелген шығыстар түрлері бойынша - тауарлар (жұмыстар, қызметтер) түрлері бойынша ҚБШ-дағы нақты қолма-қол ақшаның және тауарлар (жұмыстар, қызметтер) түрлері бойынша шығыстардың бюджеттік сыныптамасының коды бойынша шарт сомасы шеңберінде;
қалған шығыстар түрлері бойынша - тауарлар (жұмыстар, қызметтер) түрлері бойынша ҚБШ-дағы нақты қолма-қол ақшаның және тауарлар (жұмыстар, қызметтер) түрлері бойынша шығыстардың бюджеттік сыныптамасының тиісті коды бойынша бекітілген сома шеңберінде жүзеге асырылады.
Тауарларды сатудан түсетін түсімдерді жұмсау осы Ережеде белгіленген тәртіппен ресімделген және ұсынылған төлеуге берілетін шот негізінде жүзеге асырылады.
327. Тауарларды сатудан түсетін түсімдер жоспармен бекітілген сомадан тыс түскен кезде мемлекеттік мекеме жоспарды нақтылағанға дейін жұмсау құқығынсыз ҚБШ-ға оған өзгерістер енгізу арқылы есептеледі.
Ағымдағы қаржы жылының аяғына дейін аумақтық қазынашылық бөлімшесіне жоспарға өзгерістер енгізуге арналған анықтаманы бермеген жағдайда, мемлекеттік мекеме жаңа қаржы жылының он күнтізбелік күні ішінде оларды тиісті бюджеттің кірісіне аударуға төлеуге берілетін шотты береді.
Мемлекеттік мекеме аумақтық қазынашылық бөлімшесіне белгіленген мерзімде төлеуге берілетін шотты ұсынбаған жағдайда, аумақтық қазынашылық бөлімшесі белгіленген мерзім өткен күннен бастап келесі жұмыс күнінен кешіктірмей бюджет қаражаты есебінен мемлекеттік мекеменің төлемдері мен ақша аударымын тоқтата тұрады.
328. Бекітілген жоспарда көзделмеген тауарлар (жұмыстар, қызметтер) түрлері бойынша ақша түскен кезде түсімдер сомасы 902 "Анықталғанға дейін өзара есеп айырысу бойынша ұлттық валютада аударылған сома" деген шотта (бұдан әрі - 902-шот) есепке алынады. Түсімдерді 902-шотқа есептеген күннен кейінгі келесі жұмыс күнінен кешіктірмей аумақтық қазынашылық бөлімшесінің жауапты орындаушысы бюджетті атқару жөніндегі орталық уәкілетті орган бекіткен 2-38 нысан бойынша төлем тапсырмасын екі данада басып шығарады және ақша алушы болып көрсетілген мемлекеттік мекемеге аумақтық қазынашылық бөлімшесінің құрылымдық бөлімшесі басшысының қолы және өз мөртабанының бедері және қолы бар бір дананы жібереді.
