Акцизделетін тауарлардың жекелеген түрлерін акциздік алым маркаларымен
таңбалаудың тәртібін бекіту туралы Қазақстан Республикасы
Үкіметінің 1999 ж. 26 тамыздағы N 1251 қаулысы
(ҚР Үкіметінің 10.07.00 ж. N 1040; 08.11.01 ж. N 1421; 14.11.02
ж. N 1207 қаулыларымен енгізілген өзгерістерімен)
Осы редакция ҚР Үкіметінің 2004 ж. 15 маусымдағы N 657 қаулысымен енгізілген өзгерістеріне дейін қолданылды
ҚР Үкіметінің 14.11.02 ж. N 1207 қаулысымен кіріспе өзгертілді
Акциздік алым маркаларының қозғалысын, акциздердің бюджетке уақытылы және толық түсуін бақылауды жүзеге асыру мақсатында, "Салық және бюджетке төленетін басқа да міндетті төлемдер туралы" Қазақстан Республикасының 1995 жылғы 24 сәуірдегі Заңының 76-бабына сәйкес Қазақстан Республикасының Үкіметі қаулы етеді:
1. Қоса беріліп отырған Акцизделетін тауарлардың жекелеген түрлерін акциздік алым маркаларымен таңбалаудың тәртібі бекітілсін.
2. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
Қазақстан Республикасы
Үкіметінің
1999 жылғы 26 тамыздағы
N 1251 қаулысымен
бекітілген
Акцизделетін тауарлардың жекелеген түрлерін акциздік
алым маркаларымен таңбалаудың тәртібі
1. Жалпы ережелер
ҚР Үкіметінің 14.11.02 ж. N 1207 қаулысымен 1-тармақ алынып тасталды
1. Осы Тәртіп "Салық және бюджетке төленетін басқа да міндетті төлемдер туралы" Қазақстан Республикасының 1995 жылғы 24 сәуірдегі Заңының 76-бабына және басқа да нормативтік-құқықтық актілерге сәйкес әзірленді.
2. Акцизделетін тауарлардың жекелеген түрлерін
акциздік алым маркаларымен таңбалаудың тәртібі
ҚР Үкіметінің 10.07.00 ж. N 1040; 08.11.01 ж. N 1421; 14.11.02 ж. N 1207 қаулыларымен 2-тармақ өзгертілді
2. Мыналар:
нормативтік-техникалық құжаттамаға сәйкес тұтыну ыдысына құйылған сыраны қоспағанда, спирттің барлық түрлері мен алкоголь өнімдері;
темекі бұйымдары (отандық өндірістің темекі бұйымдары: фильтрсіз сигареттер мен папиростарды қоспағанда).
3. Акцизделетін тауарларды өндірушілер Қазақстан Республикасының аумағында сатуға арналған дайын өнімге акциз маркаларын желімдеуді өндіріс процесінде не таңбалау үшін белгіленген технология бойынша өзінің аумағында басқа оқшау жерде жүргізеді.
4. Еркін айналысқа арналған тауарларды шығарудың кеден режиміне сәйкес Қазақстан Республикасының кеден аумағына әкелінетін акцизделетін тауарларды акциз алымының маркаларымен таңбалау, заңдарда белгіленген жағдайларды қоспағанда, Қазақстан Республикасының кеден аумағынан тысқары жерде жүзеге асырылады.
ҚР Үкіметінің 14.11.02 ж. N 1207 қаулысымен 5-тармақ толықтырылды
5. Акциз алымы маркаларымен міндетті таңбалануға жататын акцизделетін тауарлар акциз алымы маркаларының белгіленген түрлерімен және/немесе сыйымдылықпен таңбаланады.
Мыналарға акциздік алым маркаларының:
алкоголь өнімдерін - жеті таңбалы баспаханалық немірлеуі болады, түстері бойынша ажыратылады және алты түрге бөлінеді: спирт, арақ, күшті алкогольді ішімдіктер, әлсіз алкогольді ішімдіктер, шарап пен коньяк және пайдаланылатын сыйымдылығына (бұдан әрі - сыйымдылық) қарай 0-0,24 литр, 0,25 литр, 0,26 литр және одан көп болып бөлінеді;
темекі өнімдеріне - екі таңбалы сериясы және марканы шығарған жылы болады.
Алкоголь өнімдерін таңбалау мынадай түрде жүзеге асырылады:
Марканың түрі | Өнімнің атауы |
спирт | спирттің барлық түрлері |
арақ | арақ және ерекше арақтар |
күшті алкогольді сусындар | күшейтілген ликер-арақ бұйымдары және этил спиртінің көлемді үлесі 30 % жөне одан көп өзге күшті алкогольді ішімдіктер |
әлсіз алкогольді сусындар | шарап сусындары, әлсіз градус- ты ликер-арақ бұйымдары және этил спиртінің көлемді үлесі 30 %-тен аз өзге әлсіз алкогольді ішімдіктер |
шарап | шараптар, шампан |
коньяк | коньяк, бренди |
6. Мыналар:
Қазақстан Республикасынан тысқарыға экспортталатын;
Қазақстан Республикасының аумағына "бажсыз сауда жасайтын
дүкен", "кеден қоймасы" кеден режимдерінде әкелінетін;
Қазақстан Республикасының аумағына Қазақстан Республикасы
Мемлекеттік кіріс министрлігінің Алкоголь өнімінің өндірілуін және
айналымын мемлекеттік бақылау жөніндегі комитетінің рұқсаты болғанда
көрмелер өткізу үшін әкелінетін алкоголь өнімі;
Қазақстан Республикасының кеден аумағы арқылы тауар транзитінің
кеден режимінде өтетін;
Қазақстан Республикасының кеден аумағына Қазақстан Республикасының
Үкіметі белгілеген акцизсіз әкелу нормасының шектерінде жеке тұлғалар
әкелетін (жіберетін) акцизделетін тауарлар акциз алымы маркаларымен
міндетті таңбалануға жатпайды.
7. Қазақстан Республикасының аумағына әкелінетін, кеден режимдерінде
ресімделген және акциз алымы маркаларымен таңбалауды көздемейтін
акцизделетін тауарлар, Қазақстан Республикасының кеден аумағында сатылуы
жағдайында бажсыз сауда жасайтын дүкендерден басқа, заңдарда белгіленген
тәртіппен акциз салығын төлей отырып, акциз алымы маркаларымен міндетті
таңбалануға жатады.
8. Таңбаланбаған тәркіленген және мемлекеттің пайдасына бас тарту
режимінде ресімделген, сапасы бойынша ГОСТ-қа сәйкес келетін алкоголь
өнімі, мамандандырылған мемлекеттік кәсіпорынның таңбалауына жатады.
3. Акцизделетін тауарлардың жекелеген түрлеріне
акциздік алым маркаларын желімдеудің тәртібі
ҚР Үкіметінің 08.11.01 ж. N 1421 қаулысымен 2-тармақ өзгертілді және толықтырылды
9. Темекі бұйымдарына акциздік алым маркаларын желімдеудің тәртібі.
Қораптың аузын ашқан кезде акциз таңбасы бүлінуі тиіс.
Акциз таңбасы былайша орналастырылады:
1) сүзгiлi сигареттiң жұмсақ қорабындағы мәтін немесе үстіңгі бетін жабатын акциз алымының маркасындағы сурет қораптың алдыңғы бетінің бағытына бағдарлануы тиіс және орталықта орналасуы тиіс (оң және сол шетінен, алдыңғы және артқы қабырғадан бірдей аралықта). Қорапты целлофанмен қаптау (егер мұндай көзделсе) қорапқа желімделген акциз маркасының үстінен жүргізілуі тиіс;
2) сүзгiлi сигареттiң қайырма қақпақты қорабындағы марка артқы бетінде орналасуы және бұрышын жауып, қораптың бүйір бетіне өтуі тиіс. Қорапты целлофанмен қаптау (егер мұндай көзделсе) қорапқа желімделген акциз алымы маркасының үстінен жүргізілуі тиіс.
3) сүзгiсiз сигарет қорабында акциздiк алым маркасы қораптың сол және оң шетiнен бiрдей аралықта артқы бетiнде тiгінен орналасады әрi қорапты ашар жердi басып өтедi;
4) папирос қорабындағы мәтiн немесе үстiңгi бетiн жабатын акциз алымының маркасындағы сурет қораптың алдыңғы бетiнiң бағытына бағдарлануы тиiс және орталықта (оң және сол шетiнен, алдыңғы және артқы қабырғалардан бiрдей аралықта) орналасуы тиiс.
10. Алкоголь өніміне арналған акциз маркасын желімдеудің тәртібі:
1) Акциз алымының маркасы шөлмектегi (шыны, хрусталь, фарфор, керамика және т.б) аузына жақсы жабысып және оның аузын ашқан кезде бүлiнетiндей болып, ыдыстың тығындық қалпақшаларының (немесе полиэтилен тығындарының) үстiне желiмделедi. Желiмделген акциз таңбасының үстiне мөлдiр материалдан жасалғандарды (термоқалпақшаларды) қоспағанда, қандай да бiр болмасын капсулды қолдануға тыйым салынады.
2) "Тетра Пак" үлгiсiндегi қорапқа акциз алымының маркасы жоғарғы бiрiктiрме тiгiсiнiң ұзына бойына қораптың үстiн жаба отырып желiмделедi және орталығында орналасуы тиiс (қораптың алдыңғы және артқы қабырғасынан, оң және сол шетiнен бiрдей арақашықтықта).
11. Акциз маркаларын желiмдеу кезiнде марканы тауардан бүлдiрмей алуға мүмкiндiк бермейтiн желiм пайдаланылуы тиiс.
Акциз алымы маркаларын желiмдеуге арналған желiм оның кебуі мен тауардан ажыратылып қалуын болдырмау үшiн жоғары және төмен температураларға, ылғалдың түрлi деңгейлерiне төзiмдi болуы және акциз алымы маркасын қайталап пайдаланудың мүмкін болмауын қамтамасыз етуi тиiс.
