Резиденттік елдегі мекен-жай, телефон_____________________________________________________________________
______________________________________________________________________________________________________
«Қолданыстағы Қазақстан Республикасына шетелдік жұмыс күшін тарту және квота белгілеу ережесімен таныстым».
Басшы ________________________________________________________________________________________________
(қолы, тегі, аты-жөні, дауазымы)
М.О.
20_жылғы «__» _________
Өтініш қарауға қабылданды 20_жылғы «__»________________
____________________________________________________________
(жауапты тұлғаның тегі, аты-жөні, қолы)
ҚР Үкіметінің 2009.19.02 № 189 Қаулысымен (бұр. ред. қара); 2009.30.09 № 1486 қаулысымен (бұр.ред.қара); 2010.14.04. № 303 Қаулысымен (бұр. ред. қара); 2011.02.02. № 71 Қаулысымен (бұр.ред.қара); 2011.14.10. № 1168 Қаулысымен (бұр.ред.қара) 8-қосымша өзгертілді
Ережеге
8-қосымша
Бірінші және екінші санат бойынша шетелдік жұмыс күшін тартуға рұқсат алу үшін:
1) орталық атқарушы орган бекіткен Басшылар, мамандар мен қызметшілер лауазымдарының біліктілік анықтамалығына сәйкес лауазымға қойылатын біліктілік талаптарын көрсете отырып, уәкілетті органға өтініш бергенге дейін күнтізбелік он бес күн бұрын және екі айдан аспайтын мемлекеттік және орыс тілдерінде жарияланған бос орындар туралы хабарландырулар бар республикалық және жергілікті мерзімді басылымдардың түпнұсқасы;
2) өткен және ағымдағы күнтізбелік жылдар үшін берілген рұқсаттардың орындалу мерзімі келген ерекше шарттарының (олар болған жағдайда) орындалуы туралы ақпарат;
3) ішкі еңбек рыногында ұсыныстар болған жағдайда, жұмыс берушінің бос орынға қазақстандық азаматтарды алудан бас тартуының негіздемесі;
4) осы Ереженің 34-тармағында көзделген жағдайда шетелдік қызметкерді тарту кезінде рұқсаттың түпнұсқасы;
5) тегі, аты, әкесінің аты (оның ішінде латын әріптерімен), туған күні мен жылы, азаматтығы, төлқұжатының (жеке басын куәландыратын құжаттың) нөмірі, берілген күні және берген орган, тұрақты тұратын елі, шыққан елі, білімі, орталық атқарушы орган бекітетін Қазақстан Республикасында қолданылатын Басшылар, мамандар және басқа да қызметшілер лауазымдарының біліктілік анықтамалығына, ұйымдардың басшылары, мамандары мен басқа да қызметшілері лауазымдарының үлгілік біліктілік сипаттамаларына және 01-99 «Кәсіптер сыныптауышы» Қазақстан Республикасының мемлекеттік сыныптауышына сәйкес мамандығының, біліктілігінің (лауазымының) атаулары көрсетіле отырып, тартылатын шетелдік қызметкерлер туралы мәліметтер;
6) тартылатын шетелдік қызметкерлердің біліктілігін растайтын құжаттар немесе Қазақстан Республикасында танылатын өзге де растаушы құжаттар:
Қазақстан Республикасының күшіне енген халықаралық шарттарында көзделген жағдайларды қоспағанда, Қазақстан Республикасының заңнамасында белгіленген тәртіппен заңдастырылған білімі туралы құжаттардың нотариалды расталған аудармалары (егер құжат мемлекеттік немесе орыс тілінде толтырылған болса, көшірмелері);
оның бұрын істеген жұмыс берушісінің ресми бланкісінде жазылған қызметкердің еңбек қызметі туралы жазбаша растауы қоса берілген қызметкердің еңбек қызметі туралы ақпарат (тиісті кәсіп бойынша жұмыс стажы жөнінде біліктілік талаптары болған кезде);
ҚР Үкіметінің 2008 ж. 31 желтоқсандағы № 1315 Қаулысымен 7) тармақша өзгертілді (бұр. ред. қара) (2009 жылғы 1 қаңтардан бастап қолданысқа енгізілді)
7) жоғары оқу орындары мен ғылыми ұйымдардың оқытушылары мен ғылыми қызметкерлері ретінде шетелдіктер мен азаматтығы жоқ адамдарды тарту кезінде шетелдік маманның кәсіптік деңгейінің сәйкестігі туралы Қазақстан Республикасының білім беру және ғылым саласындағы орталық атқарушы органының қорытындысы туралы құжаттар;
ҚР Үкіметінің 2008 ж. 31 желтоқсандағы № 1315 Қаулысымен 8) тармақшамен толықтырылды (2009 жылғы 1 қаңтардан бастап қолданысқа енгізілді)
8) шетелдік жұмыс беруші мен тартылатын шетелдік қызметкер арасында жасалған, шетелдік қызметкердің табыс сомасы көрсетіле отырып, еңбек шартының (мемлекеттік немесе орыс тіліндегі аудармасымен) нотариалды куәландырылған көшірмесі (егер шетелдік қызметкер осы ережеге 20-1-тармағына сәйкес тартылса);
ҚР Үкіметінің 2008 ж. 31 желтоқсандағы № 1315 Қаулысымен 9) тармақшамен толықтырылды (2009 жылғы 1 қаңтардан бастап қолданысқа енгізілді)
9) жұмысты орындауға, қызмет көрсетуге арналған келісім-шарттың (мемлекеттік немесе орыс тіліндегі аудармасымен) нотариалды куәландырылған көшірмесі (егер шетелдік қызметкер осы ереженің 20-1-тармағына сәйкес тартылса);
10) Ережеге 6-1-қосымшаға сәйкес нысан бойынша кадрлардағы қазақстандық қамтудың есебі;
11) Қарашығанақ, Солтүстік Каспий, Теңіз жобаларының жер қойнауын пайдаланушылары, сондай-ақ олардың операторлары, мердігерлік және қосалқы мердігерлік ұйымдары мынадай растаушы құжаттардың бірін:
салыстырып тексеру үшін міндетті түрде түпнұсқасын көрсете отырып, жер қойнауын пайдалануға келісімшарттың көшірмесін (үзінді көшірмесін) не осы құжаттың нотариалды куәландырылған көшірмесін;
салыстырып тексеру үшін міндетті түрде түпнұсқасын көрсете отырып, бірлескен қызмет туралы шарттың көшірмесін (үзінді көшірмесін) не осы құжаттың нотариалды куәландырылған көшірмесін;
салыстырып тексеру үшін міндетті түрде түпнұсқасын көрсете отырып, қызметтер көрсету шартының көшірмесін (үзінді көшірмесін) не осы құжаттың нотариалды куәландырылған көшірмесін ұсынады.
Мыналар:
1) жарғылық капиталындағы шетелдік заңды және (немесе) жеке тұлғалардың қатысуы кемінде 50%-ды құрайтын Қазақстан Республикасының заңды тұлғаларының бірінші басшылары ретінде;
акцияларының кемінде 50%-ы мемлекетке немесе шетелдік заңды немесе жеке тұлғаларға тиесілі Қазақстан Республикасының акционерлік қоғамдарының директорлары кеңесінің мүшелері ретінде шетелдік қызметкерді тартқан кезде осы қосымшаның 1), 2) және 3) тармақшаларында көзделген;
2) жоғары оқу орындары мен ғылыми ұйымдардың оқытушылары мен ғылыми қызметкерлері ретінде;
Қазақстанды индустрияландырудың 2010 - 2014 жылдарға арналған картасына енгізілген жобаларды іске асыруға қатысатын, сондай-ақ олардың мердігер ұйымдарында технологиялық жабдықты іске қосу, баптау және монтаждау жөніндегі жұмысты орындайтын ұйымдарға;
Шетелдік қызметкерлерді тартқан кезде осы қосымшаның 1) және 3) тармақшаларында көзделген құжаттарды ұсыну талап етілмейді.
ҚР Үкіметінің 2008 ж. 31 желтоқсандағы № 1315 Қаулысымен (бұр. ред. қара); 2009 жылғы 19 ақпандағы № 189 Қаулысымен (бұр. ред. қара); 2009.30.09 № 1486 қаулысымен (бұр.ред.қара); 2010.14.04. № 303 Қаулысымен (бұр. ред. қара); 2011.02.02. № 71 Қаулысымен (бұр.ред.қара); 2011.14.10. № 1168 Қаулысымен (бұр.ред.қара) 9-қосымша өзгертілді
Ережеге
9-қосымша
Үшінші санат бойынша шетелдік жұмыс күшін тартуға рұқсат алу үшін ұсынылатын құжаттар:
1) орталық атқарушы орган бекіткен Жұмысшылардың жұмыстары мен кәсіптерінің бірыңғай тарифтік-біліктілік анықтамалығына, Жұмысшылар кәсіптерінің тарифтік-біліктілік сипаттамасына сәйкес кәсіпке қойылатын біліктілік талаптарын көрсете отырып, уәкілетті органға өтініш бергенге дейін кемінде күнтізбелік он бес күн бұрын және екі айдан аспайтын мемлекеттік және орыс тілдерінде жарияланған бос орындар туралы хабарландырулар бар республикалық және жергілікті мерзімді басылымдардың түпнұсқасы;
Қазақстандық азаматтардың мәліметтерді жіберуі үшін хабарландыруларда жұмыс беруші мен уәкілетті органның атауы, орналасқан жері мен байланыс телефондары қосымша көрсетіледі.
Үшінші санат бойынша (білікті жұмысшылар) бос жұмыс орындарына үміткер қазақстандық азаматтар уәкілетті орган атына мәлімет жібереді;
2) өткен және ағымдағы күнтізбелік жылдар үшін берілген рұқсаттардың орындалу мерзімі келген ерекше шарттарының (олар болған жағдайда) орындалуы туралы ақпарат;
3) ішкі еңбек рыногында ұсыныстар болған жағдайда, жұмыс берушінің қазақстандық азаматтарды бос орынға алудан бас тарту негіздемесі;
4) осы Ереженің 34-тармағында көзделген жағдайда шетелдік қызметкерді тарту кезінде рұқсаттың түпнұсқасы;
5) тегі, аты, әкесінің аты (оның ішінде латын әріптерімен), туған күні мен жылы, азаматтығы, төлқұжатының (жеке басын куәландыратын құжаттың) нөмірі, берілген күні және берген орган, тұрақты тұратын елі, шыққан елі, білімі, орталық атқарушы орган бекітетін Қазақстан Республикасында қолданылатын Жұмысшылардың жұмыстары мен кәсіптерінің бірыңғай тарифтік-біліктілік анықтамалығына, жұмысшылар кәсіптерінің тарифтік-біліктілік сипаттамаларына және орталық атқарушы орган бекітетін 01-99 «Кәсіптер сыныптауышы» Қазақстан Республикасының мемлекеттік сыныптауышына сәйкес мамандығының, біліктілігінің (кәсібінің) атаулары көрсетіле отырып, тартылатын шетелдік қызметкерлер туралы мәліметтер;
6) тартылатын шетелдік қызметкерлердің біліктілігін растайтын құжаттар:
Қазақстан Республикасының күшіне енген халықаралық шарттарында көзделген жағдайларды қоспағанда, Қазақстан Республикасының заңнамасында белгіленген тәртіппен заңдастырылған білімі туралы құжаттардың (бар болса) нотариалды расталған аудармалары (егер құжат мемлекеттік немесе орыс тілінде толтырылған болса, көшірмелері);
қызметкер бұрын жұмыс істеген жұмыс берушінің ресми бланкісінде жазылған қызметкердің еңбек қызметі туралы жазбаша растамамен коса, қызметкердің еңбек қызметі туралы ақпарат (тиісті кәсіп бойынша жұмыс стажы жөнінде біліктілік талаптары болған кезде) немесе Қазақстан Республикасында танылатын өзге де растаушы құжаттар;
7) шетелдік жұмыс беруші мен тартылатын шетелдік қызметкер арасында жасалған, шетелдік қызметкердің табыс сомасы көрсетіле отырып, еңбек шартының (мемлекеттік немесе орыс тіліндегі аудармасымен) нотариалды куәландырылған көшірмесі (егер шетелдік қызметкер осы ереженің 20-1-тармағына сәйкес тартылса);
8) жұмысты орындауға, қызмет көрсетуге арналған келісім-шарттың (мемлекеттік немесе орыс тіліндегі аудармасымен) нотариалды куәландырылған көшірмесі (егер шетелдік қызметкер осы ереженің 20-1-тармағына сәйкес тартылса).
9) Ережеге 6-1-қосымшаға сәйкес кадрлардағы қазақстандық қамту есебі.
Қазақстанды индустрияландырудың 2010 - 2014 жылдарға арналған картасына енгізілген жобаларды іске асыруға қатысатын ұйымдарға, сондай-ақ олардың мердігер ұйымдарында технологиялық жабдықты іске қосу, баптау және монтаждау жөніндегі жұмысты орындайтын ұйымдарға шетелдік қызметкерлерді тартқан кезде осы қосымшаның 1) және 3) тармақшаларында көзделген құжаттарды ұсыну талап етілмейді;
10) Қарашығанақ, Солтүстік Каспий, Теңіз жобаларының жер қойнауын пайдаланушылары мынадай растаушы құжаттардың бірін:
салыстырып тексеру үшін міндетті түрде түпнұсқасын көрсете отырып, жер қойнауын пайдалануға келісімшарттың көшірмесін (үзінді көшірмесін) не осы құжаттың нотариалды куәландырылған көшірмесін;
салыстырып тексеру үшін міндетті түрде түпнұсқасын көрсете отырып, бірлескен қызмет туралы шарттың көшірмесін (үзінді көшірмесін) не осы құжаттың нотариалды куәландырылған көшірмесін;
салыстырып тексеру үшін міндетті түрде түпнұсқасын көрсете отырып, қызметтер көрсету шартының көшірмесін (үзінді көшірмесін) не осы құжаттың нотариалды куәландырылған көшірмесін ұсынады.
