Қазақстан Республикасына шетелдік жұмыс күшін тартуға квота белгілеу ережесі, жұмыс берушілерге рұқсат беру шарттары мен тәртібі (ҚР Үкіметінің 19.06.01 ж. № 836 қаулысымен бекітілген) (2011.14.10. берілген өзгерістер мен толықтыруларымен) (күші жойылды)

ҚР Үкіметінің 2009.30.09  № 1486 қаулысымен 27-тармақ өзгертілді (бұр.ред.қара)

27. Уәкілетті орган жұмыс берушіні шешім қабылданған күннен бастап бес жұмыс күні ішінде қабылданған шешім туралы жазбаша хабардар етеді.

Жұмыс беруші хабарлама алғаннан кейін жиырма жұмыс күні ішінде уәкілетті органға рұқсаттың қолданылу мерзімі аяқталғаннан кейін шетелдік жұмыс күшінің тұрғылықты тұратын жеріне кетуіне кепілдік беретін құжаттарды (банк пен жұмыс берушінің арасындағы шарттың көшірмесі мен жұмыс берушінің банктегі шотына кепілді жарнасының енгізілгенін растайтын құжат) ұсынады.

Рұқсат беруден бас тарту туралы шешім қабылданған жағдайда уәкілетті орган осы Ереженің 35-тармағына сәйкес оның негіздемесін көрсетеді.

Уәкілетті орган рұқсаттың қолданылу мерзімі аяқталғаннан кейін шетелдік жұмыс күшінің тұрғылықты тұратын жеріне кетуіне кепілдік беретін құжаттарды алған күннен бастап үш жұмыс күні ішінде уәкілетті орган жұмыс берушіге рұқсат береді.

28. Еңбек рыногында ұсыныстар болған жағдайда уәкілетті орган жұмыс беруші өкілінің қатысуымен бос жұмыс орнына үміткер қазақстандық азаматтардың кандидатурасын қарайды. Кездесудің орны мен уақытын уәкілетті орган белгілейді, бұл туралы жұмыс беруші мен тиісті үміткер хабардар етіледі.

29. Жұмыс беруші арнайы білімдерінің, дағдыларының жеткіліксіз болуы себепті бос жұмыс орнына орналасуға үміткер тиісті кәсіптік білімі мен жұмыс тәжірибесі бар қазақстандық азаматтардың кандидатураларынан бас тартқан жағдайда, шетелдік қызметкерді тартуға арналған рұқсат кандидатураларынан бас тартылған қазақстандық азаматтарды не жұмыс берушінің қызметкерлерінің ішінен кәсіптік даярлау, қайта даярлау, олардың біліктілігін арттыру кезеңіне беріледі.

ҚР Үкіметінің 2009.30.09  № 1486 қаулысымен 30-тармақ жаңа редакцияда (бұр.ред.қара)

30. Уәкілетті орган рұқсат беру (мерзімін ұзарту) туралы шешім қабылдаған күнінен бастап бес жұмыс күні ішінде орталық атқарушы органның, Қазақстан Республикасы Ішкі істер министрлігі мен Қазақстан Республикасы Ұлттық қауіпсіздік комитеті ведомстволарының аумақтық органдарына тегі, аты, әкесінің аты, туған күні, азаматтығы, төлқұжатының (жеке басын куәландыратын құжатының) нөмірі, берілген күні мен берген орган, тұрақты тұратын елі, шыққан елі, білімі, мамандығының, біліктілігінің (кәсібінің, лауазымының) атауын көрсете отырып, тартылатын шетелдік қызметкерлер туралы мәліметтер береді.

ҚР Үкіметінің 2011.02.02. № 71 Қаулысымен 30-1-тармақпен толықтырылды

30-1. Қазақстанды индустрияландырудың 2010 - 2014 жылдарға арналған картасының тізбесіне енгізілген жобаларды іске асыруға қатысатын ұйымға берілген рұқсатта тиісті жобаның атауы көрсетіледі.

31. ҚР Үкіметінің 2010.14.04. № 303 Қаулысымен алып тасталды (бұр. ред. қара) 

ҚР Үкіметінің 2009.30.09  № 1486 қаулысымен (бұр.ред.қара); 2011.02.02. № 71 Қаулысымен (бұр.ред.қара) 32-тармақ жаңа редакцияда

32. Осы Ереженің 32-1-тармағында көзделген жағдайларды, сондай-ақ рұқсат алынған шетелдік қызметкерлерді басқа әкімшілік-аумақтық бірлік аумағындағы кәсіпорындарға, ұйымдарға күнтізбелік бір жыл ішінде 60 күнтізбелік күннен аспайтын мерзімге іссапарға жіберуді қоспағанда, уәкілетті орган берген рұқсатты басқа жұмыс берушілерге беруге болмайды, ол тиісті әкімшілік-аумақтық бірліктің аумағында ғана қолданылады.

ҚР Үкіметінің 2011.02.02. № 71 Қаулысымен 32-1-тармақпен толықтырылды

32-1. Шетелдік қызметкерлер функционалдық міндеттемелерін күнтізбелік бір жыл ішінде 60 күнтізбелік күннен артық бірнеше әкімшілік-аумақтық бірліктің аумағында орындауы үшін уәкілетті орган жұмыс берушінің өтініші бойынша және орталық атқарушы органмен келісім бойынша шетелдік жұмыс күшін екі және одан да көп әкімшілік-аумақтық бірлікте еңбек қызметін жүзеге асыру үшін тартуға рұқсат береді (рұқсатты ұзартады).

Мұндай рұқсаттарды беру (ұзарту) жұмыс беруші бұдан бұрын ұсынған құжаттардың негізінде бір әкімшілік-аумақтық бірлікте қолданылатын бастапқы рұқсатты алғаннан кейін жүргізіледі. Бүл жағдайда жаңа рұқсаттың қолданылу мерзімі жұмыс беруші уәкілетті органға кері қайтаратын бастапқы берілген рұқсаттың қолданылу мерзімімен шектеледі.

Бірнеше әкімшілік-аумақтық бірлікте қолданылатын рұқсат беруге (ұзартуға) келісім алу үшін уәкілетті орган жұмыс берушінің құжаттарын алдын ала қарау кезеңінде орталық атқарушы органға рұқсат берудің (ұзартудың) жазбаша негіздемесін жібереді.

Орталық атқарушы орган негіздемені алған күннен бастап жеті жұмыс күні ішінде уәкілетті органға келісу немесе келісуден бас тарту туралы хат жібереді.

Уәкілетті органның бір және одан да көп әкімшілік-аумақтық бірлікте қолданылатын рұқсатты беруі (ұзартуы) келісім алынған күннен бастап бес жұмыс күні ішінде жүргізіледі.

33. ҚР Үкіметінің 2009.30.09  № 1486 қаулысымен алып тасталды (бұр.ред.қара)

ҚР Үкіметінің 2009.30.09  № 1486 қаулысымен 34-тармақ жаңа редакцияда (бұр.ред.қара)

34. Рұқсат берілген адам жұмыс орнына келмеген және (немесе) рұқсаттың қолданылу мерзімі аяқталғанға дейін бірінші, екінші немесе үшінші санаттар бойынша тартылған шетелдік қызметкерлермен еңбек шарты бұзылған жағдайда, жұмыс беруші осы лауазым (кәсіп) үшін белгіленген біліктілік талаптарына сәйкес келген кезде басқа шетелдік қызметкерді бастапқы берілген рұқсаттың қолданылу мерзімінің қалған кезеңіне осы Ережеде белгіленген тәртіппен тартуға рұқсат алу үшін уәкілетті органға бара алады. Бүл ретте осы Ереженің 8, 9-қосымшалардың 1), 2) және 3) тармақшаларында көзделген құжаттарды ұсыну талап етілмейді.

Шетелдік қызметкермен еңбек шарты бұзылған күннен бастап үш жұмыс күні ішінде және (немесе) рұқсат берілген адам жұмыс орнына келмеген жағдайда, жұмыс беруші шетелдік қызметкер туралы мәліметтерді: тегін, атын, әкесінің атын, туған күнін, азаматтығын, рұқсаттың нөмірі мен берілген күнін, еңбек шарты бұзылған жағдайда - бұйрықтың нөмірі мен күнін көрсете отырып, уәкілетті органды жазбаша хабардар етеді.

Уәкілетті орган жұмыс берушінің хабарламасын алған күннен бастап үш жұмыс күні ішінде Қазақстан Республикасы Ұлттық қауіпсіздік комитетінің, Қазақстан Республикасы Ішкі істер министрлігінің аумақтық органдарын рұқсат берілген адамның жұмыс орнына келмегені немесе шетелдік қызметкермен еңбек шартының бұзылғаны туралы хабардар етеді.

ҚР Үкіметінің 2009.30.09  № 1486 қаулысымен (бұр.ред.қара); 2011.02.02. № 71 Қаулысымен (бұр.ред.қара) 35-тармақ өзгертілді

35. Рұқсат мынадай:

1) осы Ережеде көзделген құжаттар толық ұсынылмаған және (немесе) тиісінше ресімделмеген;

2) өткен және ағымдағы күнтізбелік жылдарға берілген рұқсаттардың орындалу мерзімі келген ерекше шарттар (олар болған жағдайда) орындалмаған;

3) бөлінген квотадан асып кеткен;

4) тартылатын шетелдік қызметкер талап етілетін санат пен біліктілікке сай келмеген;

5) егер тартылатын шетелдік қызметкердің біліктілік сипаттамасын бағалау нәтижелері осы Ереженің 16-тармағында белгіленген төменгі мәннен төмен болған;

6) ішкі еңбек рыногында тиісті ұсыныстар болған;

7) жұмыс беруші шетелдік қызметкерлерді рұқсатсыз тартқан, шетелдік қызметкерлерді басқа заңды және (немесе) жеке тұлғаларға жалға берген, сондай-ақ осы Ереженің 19-1-тармағында көзделген шарттарды бұзған жағдайда. Мұндай жағдайларда осындай факті анықталған күннен бастап он екі ай бойы рұқсат берілмейді;

8) жұмыс беруші рұқсат алу үшін өтініш берген кезде осы Ереженің 19-1-тармағында белгіленген шарттарды сақтамаған жағдайларда берілмейді.

ҚР Үкіметінің 2011.02.02. № 71 Қаулысымен 36-тармақ жаңа редакцияда (бұр.ред.қара)

36. Жұмыс беруші уәкілетті органның шешімімен келіспеген кезде қабылданған шешімнің негізділігі мәні бойынша орталық атқарушы органға өтініш жасай алады.

Орталық атқарушы орган жұмыс берушінің өтінішін қарау нәтижесі бойынша өз қорытындысын тиісті уәкілетті органға жібереді, ол туралы жұмыс берушіге хабарлайды.

Оң шешім қабылданған жағдайда уәкілетті орган орталық атқарушы органның қорытындысын оны алған күннен бастап он жұмыс күнінен асырмай орындауға тиіс.

Орталық атқарушы орган теріс қорытынды шығарған кезде жұмыс беруші оған сот тәртібімен шағымдана алады.

ҚР Үкіметінің 2009.30.09  № 1486 қаулысымен 37-тармақ жаңа редакцияда (бұр.ред.қара)

37 Рұқсаттың мерзімін ұзартуды уәкілетті орган жұмыс берушінің өтініші бойынша тиісті облыс, Астана және Алматы қалалары үшін бөлінген квота шегінде жүзеге асырады.

Бірінші және екінші санаттар үшін рұқсат мерзімін ұзарту екі реттен артық жүзеге асырылмайды. Үшінші және төртінші санаттар үшін рұқсаттың мерзімін ұзарту жүзеге асырылмайды.

Рұқсат мерзімін ұзарту немесе бұған дейін рұқсат берілген, ол бойынша ерекше шарттың орындалу мерзімі басталмаған лауазымға (кәсіпке) жаңа рұқсат алу жұмыс берушіге қосымша ерекше шарттар жүктелмей жүргізіледі. Қалған жағдайларда ерекше шарттарды жүктеу осы Ереженің 20-тармағына сәйкес жүзеге асырылады.

Қазақстан Республикасының аумағында еңбек қызметін жүзеге асыру үшін келген және Қазақстан Республикасының азаматтығын қабылдау туралы өтініш берген, сондай-ақ «Нұрлы көш» бағдарламасына қатысушы Қазақстанның бұрынғы азаматтарына бірінші, екінші немесе үшінші санат бойынша берілген рұқсаттардың мерзімін ұзарту Қазақстан Республикасының азаматтығын алу сәтіне дейінгі қалған мерзімге жүзеге асырылуы мүмкін. Бұл ретте жұмыс берушіге ерекше шарттар жүктелмейді.

38. Рұқсаттың мерзімін ұзарту үшін жұмыс беруші рұқсаттың қолданылу мерзімі аяқталғанға дейін кемінде жиырма жұмыс күні бұрын уәкілетті органға мынадай құжаттарды жібереді:

1) өтініш;

2) рұқсаттың түпнұсқасы;

3) өткен және ағымдағы күнтізбелік жылдар үшін берілген рұқсаттардың орындалу мерзімі келген ерекше шарттарының (олар болған жағдайда) орындалуы туралы ақпарат;

4) рұқсаттың мерзімін ұзарту негіздемесі.

ҚР Үкіметінің 2009.30.09  № 1486 қаулысымен (бұр.ред.қара); 2011.02.02. № 71 Қаулысымен (бұр.ред.қара) 39-тармақ өзгертілді

39. Уәкілетті орган ұсынылған құжаттардың негізінде құжаттар берілген күннен бастап бес жұмыс күні ішінде рұқсаттың мерзімін ұзарту немесе ұзартудан бас тарту туралы шешім қабылдайды және бас тартқан жағдайда себебін көрсете отырып жұмыс берушіні қабылданған шешім туралы бес жұмыс күні ішінде жазбаша түрде хабардар етеді.

ҚР Үкіметінің 2009.30.09  № 1486 қаулысымен (бұр.ред.қара); 2011.02.02. № 71 Қаулысымен (бұр.ред.қара) 40-тармақ өзгертілді

40. Рұқсаттың мерзімін ұзарту:

1) осы Ережеде көзделген құжаттар толық берілмеген және (немесе); тиісінше ресімделмеген;

2) өткен және ағымдағы күнтізбелік жылдар үшін берілген рұқсаттардың орындалу мерзімі келген ерекше шарттары (олар болған жағдайда) орындалмаған;

2-1) жұмыс беруші осы Ереженің 19-1-тармағында белгіленген рұқсат беру шарттарын сақтамаған жағдайларда жүзеге асырылмайды.

3) ҚР Үкіметінің 2009.30.09  № 1486 қаулысымен алып тасталды (бұр.ред.қара)

4) ҚР Үкіметінің 2009.30.09  № 1486 қаулысымен алып тасталды (бұр.ред.қара)

ҚР Үкіметінің 2009.30.09  № 1486 қаулысымен 41-тармақ өзгертілді (бұр.ред.қара)

41. Жұмыс берушінің ұсынудың белгіленген мерзімі аяқталғаннан кейін рұқсатты ұзарту үшін ұсынған құжаттарын уәкілетті орган қарауға қабылдамайды.

42. Уәкілетті орган жұмыс берушіні себебін көрсете отырып, жазбаша хабардар етіп, рұқсаттың қолданылуын үш айға дейінгі мерзімге тоқтата тұруға немесе рұқсатты қайтарып алуға құқылы.

43. Рұқсатты тоқтата тұру шетелдік жұмыс күшінің рұқсаттың қолдану мерзімі аяқталғанға дейін тұрғылықты тұратын жеріне кетуіне кепілдік беретін құжаттарды (банк пен жұмыс берушінің арасындағы шарттық көшірмесі мен жұмыс берушінің банктегі шотына кепілді жарнасын енгізуді растайтын құжат) уәкілетті органға осы Ереженің 27-тармағында белгіленген мерзімде ұсынбаған жағдайда жүргізіледі.

44. Тоқтатылған рұқсаттың қолданылуы уәкілетті органның шешімі бойынша анықталған бұзушылықтар жойылғаннан кейін қалпына келтіріледі, бұл туралы жұмыс берушіге қалпына келтіру туралы шешім қабылданған күннен бастап он жұмыс күні ішінде жазбаша түрде хабарланады.

ҚР Үкіметінің 2009.30.09  № 1486 қаулысымен 45-тармақ жаңа редакцияда (бұр.ред.қара)

45. Рұқсатты осы Ереженің 46-тармағының 1)-3) тармақшаларында көзделген негіздеме бойынша қайтарып алған жағдайда, уәкілетті орган бұл туралы жұмыс берушіні тиісті негіздемені көрсете отырып, кемінде бір ай бұрын жазбаша хабардар етеді.

ҚР Үкіметінің 2009.30.09  № 1486 қаулысымен (бұр.ред.қара); 2011.02.02. № 71 Қаулысымен (бұр.ред.қара) 46-тармақ өзгертілді

46. Уәкілетті орган рұқсатты кері қайтарып алуды:

1) жұмыс беруші осы Ережеде көзделген рұқсат берудің ерекше шарттарын орындамаған;

2) жұмыс беруші осы Ережеде көзделген рұқсат берудің ерекше шарттарын орындамаған;

3) шетелдік қызметкерді рұқсатта көрсетілген лауазымға (кәсіп немесе мамандыққа) сәйкес келмейтін лауазымға (кәсіп немесе мамандыққа) тартқан жағдайда;

4) жұмыс берушінің бастамасы бойынша;

5) жұмыс беруші осы Ереженің 19-1-тармағында белгіленген рұқсат беру шарттарын сақтамаған жағдайда;

6) жұмыс беруші шетелдік қызметкерлерді басқа заңды және (немесе) жеке тұлғаларға жалға берген жағдайда жүргізеді.

ҚР Үкіметінің 2009.30.09  № 1486 қаулысымен 47-тармақ жаңа редакцияда (бұр.ред.қара)

47. Жұмыс беруші рұқсатты қайтарып алу туралы хабарлама алғаннан кейін уәкілетті органның шешіміне сәйкес оның қолданылуы тоқтатылған сәттен бастап үш жұмыс күні ішінде рұқсатты уәкілетті органға тапсырады.

4. Қорытынды ережелер

48. Уәкілетті орган шетелдік жұмыс күшін тарту, жұмыс берушінің орталық атқарушы орган белгілеген нысан бойынша рұқсаттың ерекше шарттарын орындауы жөніндегі есепті орталық атқарушы органға ай сайын ұсынады.

ҚР Үкіметінің 2011.02.02. № 71 Қаулысымен 1-қосымша жаңа редакцияда (бұр.ред.қара)

Ережеге

1-қосымша

Жұмыс берушімен рұқсат берудің ерекше шарттарын келісу

Ережеге 2-қосымша

Іссапарға жіберілгендердің тізімі

Ережеге 3-қосымша

Жұмысқа тартылатын шетелдік қызметкерлер туралы мәліметтер

Басшы________________________________________________________

(қолы, тегі, аты-жөні, лауазымы)

М.О.

Ережеге 4-қосымша

Жұмыс берушінің алдағы жылға шетелдік жұмыс күшін тартуының

Негіздемесі

Басшы_______________________________________________

(қолы, тегі, аты-жөні, лауазымы)

М.О.

ҚР Үкіметінің 2009.30.09  № 1486 қаулысымен 5-қосымша өзгертілді (бұр.ред.қара)

Ережеге 5-қосымша

Шетелдік қызметкердің біліктілік сипаттамасын бағалау

нәтижесі бойынша

АНЫҚТАМА

1) білімі:__балл;

2) кәсібі (мамандығы) бойынша жұмыс стажы:__балл;

3) жергілікті атқарушы органдар ұсынысының негізінде жыл сайын орталық атқарушы орган белгілейтін тізімге сәйкес ішкі еңбек рыногында анағұрлым сұранысқа ие кәсіптердің тізбесіне енген мамандық (кәсіп):___балл.

Басшы__________________________________________________

(қолы, тегі, лауазымы)

200__жылғы «___»_____________»

ҚР Үкіметінің 2009.30.09  № 1486 қаулысымен 6-қосымша өзгертілді (бұр.ред.қара)

Ережеге 6-қосымша

Рұқсат берудің ерекше шарттары бойынша жұмыс берушімен келісу

ҚР Үкіметінің 2011.02.02. № 71 Қаулысымен 6-1-қосымшамен толықтырылды

Ережеге 6-1-қосымша

Кадрлардағы қазақстандық қамту есебі туралы ақпарат

Басшы:_____________________________________________________________

(қолы, тегі, аты-жөні, лауазымы)

М.О.

ҚР Үкіметінің 2008 ж. 31 желтоқсандағы № 1315 Қаулысымен  7-қосымша жаңа редакцияда (бұр. ред. қара) (2009 жылғы 1 қаңтардан бастап қолданысқа енгізілді)

Ережеге

7-қосымша

Жұмыспен қамтуды үйлестіру және әлеуметтік бағдарламалар

Басқармасына

_____________________________________________________________________________________________________

                                                                                    (облыс атауы, Астана, Алматы қалалары)

кімнен _______________________________________________________________________________________________

(заңды немесе жеке тұлғаның толық атауы)

ӨТІНІШ

___________________________________________________________облысында(Астана немесе Алматы қалаларында)

_____________________________________________________________________________________________________

                     (лауазымы мен мамандығын көрсете отырып, тартылатын шетелдік жұмыс күшінің санаты, саны)

шетелдік жұмыс күшін тартуға рұқсат беруді/ұзартуды сұраймын

_____________________________________________________________________________________________________

                                                                                (керегі сызып көрсетілсін)

Негіздеме: ____________________________________________________________________________________________

                                      (шетелдік жұмыс күшін бірнеше облыста және (немесе) Астана мен

_____________________________________________________________________________________________________

                                                         (немесе) Алматы қалаларында пайдалану қажеттігі)

_____________________________________________________________________________________________________

Жұмыс беруші туралы мәліметтер

Меншік нысаны _______________________________________________________________________________________

Құрылған күні ________________________________________________________________________________________

Қазақстан Республикасының әділет органдарында тіркелу туралы куәлік

______________________________________________________________________________________________________

                                                                             (№, кім және қашан берген)

СТН / БИН / ЖИН ______________________________________________________________________________________

                                                                               (керегі сызып көрсетілсін)

Жүзеге асырылатын қызмет түрі __________________________________________________________________________

Мекен-жай, телефон, факс _______________________________________________________________________________

Қоса берілетін құжаттар _________________________________________________________________________________

______________________________________________________________________________________________________

______________________________________________________________________________________________________

______________________________________________________________________________________________________

______________________________________________________________________________________________________

______________________________________________________________________________________________________

Егер шетелдік қызметкер Қазақстан Республикасындағы кызметін филиал, өкілдік құрмай жүзеге асыратын шетелдік

заңды тұлғаның қызметкері болып табылған жағдайда, онда шетелдік заңды тұлға-жұмыс беруші туралы келесі деректер толтырылады:

______________________________________________________________________________________________________

                                                                  (шетелдік заңды тұлға-жұмыс берушінің толық атауы)

______________________________________________________________________________________________________

Резиденттік еліндегі тіркеу туралы деректер

______________________________________________________________________________________________________

                                                                  (№, мемлекеттік тіркеу күні және тіркеу органының атауы)

______________________________________________________________________________________________________

Резиденттік елдегі салықтық тіркеу нөмірі немесе оның аналогі

______________________________________________________________________________________________________

Жүзеге асырылатын қызмет түрі __________________________________________________________________________