Д.Серікбаев атындағы Шығыс Қазақстан техникалық университетінде
әскери кафедра құру туралы Қазақстан Республикасы Үкіметінің
1999 жылғы 7 қыркүйек № 1319 Қаулысы
(2006.24.05. берілген өзгерістерімен)
Қазақстан Республикасының Қарулы Күштерi үшiн Д.Серiкбаев атындағы Шығыс Қазақстан техникалық университетiнiң студенттерi қатарынан запастағы офицерлер даярлау мақсатында Қазақстан Республикасының Үкіметі қаулы етеді:
1. Д.Серiкбаев атындағы Шығыс Қазақстан техникалық университетiнде оқу орнына бөлiнген қаражаттың шамасында және штат санының шегiнде әскери кафедра құрылсын.
2. Қазақстан Республикасының Ғылым және жоғары білім министрлігі Қорғаныс министрлігімен бiрлесiп осы қаулыны iске асыру жөнiнде заңдарда көзделген шараларды қабылдасын.
3. ҚР Үкіметінің 2006 жылғы 24 мамырдағы № 449 Қаулысымен алып тасталды (бұр. ред. қара)
4. Осы қаулы қол қойылған күнінен бастап күшіне енеді.
Қазақстан Республикасының
Премьер-Министрі
