(БҰРЫНҒЫ РЕДАКЦИЯ) ҚР ҮКІМЕТІНІҢ 2005.29.12 № 1305 ҚАУЛЫСЫ

Автожол саласындағы сапаны арттырудың кейбір мәселелері туралы
Қазақстан Республикасы Үкіметінің 2005 жылғы 29 желтоқсандағы № 1305 Қаулысы

Осы редакция 2007 жылғы 6 желтоқсанға енгізілген өзгерістеріне дейін қолданылды

Жол-құрылыс жұмыстарының сапасын арттыру мақсатында Қазақстан Республикасының Үкіметі ҚАУЛЫ ЕТЕДІ:

1. Қосымшаға сәйкес Қазақстан Республикасы Көлік және коммуникация министрлігі Көлік инфрақұрылымын дамыту комитетінің мемлекеттік мекемелері (бұдан әрі - мекемелер) құрылсын.

2. Автомобиль жолдарын салу және жөндеу кезіндегі жұмыстар мен материалдардың сапасына сараптама жүргізу мекемелер қызметінің негізгі мәні болып белгіленсін.

3. Қазақстан Республикасы Көлік және коммуникация министрлігі белгіленген тәртіппен:

1) мекемелердің жарғыларын бекітсін және әділет органдарында олардың мемлекеттік тіркелуін қамтамасыз етсін;

2) осы қаулыдан туындайтын өзге де шараларды қабылдасын.

4. Қазақстан Республикасы Үкіметінің кейбір шешімдеріне мынадай өзгерістер мен толықтырулар енгізілсін:

1) "Қазақстан Республикасы Көлік және коммуникация министрлігінің мәселелері" туралы Қазақстан Республикасы Үкіметінің 2004 жылғы 24 қарашадағы № 1232 қаулысында (Қазақстан Республикасының ПҮКЖ-ы, 2004 ж., № 46, 582-құжат):

6-тармақтың 8) тармақшасындағы "бекітілсін" деген сөздің алдынан ";" белгісі қойылып, мынадай мазмұндағы 9) тармақшамен толықтырылсын:

"9) Қазақстан Республикасы Көлік және коммуникация министрлігі Көлік инфрақұрылымын дамыту комитетінің қарамағындағы мемлекеттік мекемелердің тізбесі";

осы қаулыға қосымшаға сәйкес қосымшамен толықтырылсын;

көрсетілген қаулымен бекітілген Қазақстан Республикасы Көлік және коммуникация министрлігінің Көлік инфрақұрылымын дамыту комитеті туралы ережеде:

"Жалпы ережелер" деген 1-бөлімде:

1-тармақта "облыстарда аумақтық органдары" деген сөздерден кейін "және мемлекеттік орган болып табылмайтын ведомстволық бағынысты мемлекеттік мекемелері" деген сөздермен толықтырылсын;

"Комитеттің қызметін ұйымдастыру" деген 4-бөлімде:

17-тармақта:

2) тармақша мынадай редакцияда жазылсын:

"заңнамаға сәйкес Комитеттің қызметкерлерін және мемлекеттік органдар болып табылмайтын ведомстволық бағынысты мемлекеттік мекемелердің басшыларын және Қазақстан Республикасының Көлік және коммуникация министрімен келісім бойынша аумақтық органдардың басшыларын қызметтерге тағайындайды және қызметтерден босатады;";

5) тармақшада "құрылымдық бөлімшелері туралы ережелерді" деген сөздерден кейін ", мемлекеттік орган болып табылмайтын мемлекеттік мекемелердің жарғыларын" деген сөздермен толықтырылсын;

көрсетілген қаулымен бекітілген Қазақстан Республикасы Көлік және коммуникация министрлігі Көлік инфрақұрылымын дамыту комитетінің мемлекеттік мекемелері - аумақтық органдарының тізбесінде:

11-тармақта "Маңғыстау" деген сөзден кейін "облыстық" деген сөзбен толықтырылсын;

2) "Қазақстан Республикасының орталық атқарушы органдарына ведомстволық бағынысты мемлекеттік мекемелер штат санының лимиттерін бекіту туралы" Қазақстан Республикасы Үкіметінің 2005 жылғы 5 наурыздағы № 214 қаулысында:

көрсетілген қаулымен бекітілген республикалық бюджет қаражаты есебінен қаржыландырылатын Қазақстан Республикасының орталық атқарушы органдарына ведомстволық бағынысты мемлекеттік мекемелер қызметкерлері штат санының лимиттері, мынадай мазмұндағы тармақпен толықтырылсын:

"13. Қазақстан Республикасы Көлік және коммуникация министрлігі

Көлік инфрақұрылымын дамыту комитеті

Ақмолажолзертханасы                 8

Ақтөбежолзертханасы                 8

Алматыжолзертханасы                 8

Атыраужолзертханасы                 8

Батысжолзертханасы                  8

Жамбылжолзертханасы                 8

Шығысжолзертханасы                  8

Қарағандыжолзертханасы              8

Қызылордажолзертханасы              8

Қостанайжолзертханасы               8

Маңғыстаужолзертханасы              8

Павлодаржолзертханасы               8

Солтүстікжолзертханасы              8

Оңтүстікжолзертханасы               8               ".

5. Осы қаулы 2006 жылғы 1 қаңтардан бастап қолданысқа енгізіледі.

Қазақстан Республикасының

Қазақстан Республикасы

Үкіметінің

2005 жылғы 29 желтоқсандағы

№ 1305 қаулысына

Қосымша

Қазақстан Республикасы Көлік және коммуникация

министрлігінің Көлік инфрақұрылымын дамыту комитеті

мемлекеттік мекемелерінің тізбесі