осы Ереженің 181-тармағына сәйкес мемлекеттік мекемеге инкассалық өкім шығарылған жағдайда орындау құжатының сомасына ақшасы мемлекеттік мекеменің билігінде қалатын тауарлардың (жұмыстардың, қызметтердің) коды бойынша міндеттемелерді тіркеу және төлемдерді жүргізу бойынша операцияларды тоқтата тұруды жүзеге асырады;
осы Ереженің 184-тармағына сәйкес ақылы қызметтер бойынша ҚБШ-ға инкассалық өкім шығарылған жағдайда орындау құжатының сомасына демеушілік, қайырымдылық көмек ҚБШ бойынша шығыс операцияларын тоқтата тұруды жүзеге асырады;
осы Ереженің 185-тармағына сәйкес демеушілік, қайырымдылық көмек ҚБШ-ға инкассалық өкім шығарылған жағдайда орындау құжатының сомасына ақшасы мемлекеттік мекеменің билігінде қалатын тауарлардың (жұмыстардың, қызметтердің) коды бойынша міндеттемелерді тіркеу және төлемдерді жүргізу бойынша операцияларды тоқтата тұруды жүзеге асырады.
Ақылы қызметтер бойынша ҚБШ операцияларын тоқтата тұруды аумақтық қазынашылық бөлімшесі мемлекеттік мекемемен жазбаша келісілген шығыстардың бюджеттік сыныптамасының коды және ақшасы мемлекеттік мекеменің билігінде қалатын тауарлардың (жұмыстардың, қызметтердің) коды бойынша жүзеге асырады.
Ақылы қызметтер не демеушілік, қайырымдылық көмек бойынша ҚБШ операцияларын қайта бастау инкассалық өкім орындалғаннан не инкассалық өкім кері қайтарылғаннан кейін жүзеге асырылады.
192. Аумақтық қазынашылық бөлімшесіне инкассалық өкім берілгенге дейін мемлекеттік мекеменің орындау құжатын өз еркімен орындауы ол белгілеген мерзімде төлеуге берілетін шот негізінде 155 "Орындау құжаттарын орындау" ерекшелігі бойынша жүзеге асырылады.
193. Салық төлеушінің дебиторлары шотынан оның салықтық берешегі сомасын өндіріп алуға арналған инкассалық өкімді аумақтық қазынашылық бөлімшесі аумақтық қазынашылық бөлімшесінде тіркелген шарттар бойынша орындауға қабылдайды.
Салықтық берешегі бар ақша алушыға қатысты дебитор болып табылатын мемлекеттік мекемеге инкассалық өкім шығарылған кезде, аумақтық қазынашылық бөлімшесі осы Ереженің 181-тармағында белгіленген тәртіппен мемлекеттік мекеменің шығыс операцияларын тоқтата тұрады.
Инкассалық өкімді орындау үшін мемлекеттік мекеме аумақтық қазынашылық бөлімшесіне қойылған берешек сомасын тиісті бюджет кірісіне аударуға арналған қосымша келісім береді. Мемлекеттік мекеменің аумақтық қазынашылық бөлімшесіне қосымша келісім беруі "түпкілікті" мәртебесі бар төлем жүргізгенге дейін жүзеге асырылады. Бұл ретте, мемлекеттік мекеме екі өтінім береді: бірі - тиісті бюджет кірісіне өндіріп алынатын берешек сомасын алып тастағанда негізгі шарт сомасына, екіншісі - шығыстардың бюджеттік сыныптамасының тиісті коды бойынша өндіріп алынатын салықтық берешек сомасына.
26-тарау. Құжаттық аккредитивті пайдалану
194. Құжаттық аккредитивті (бұдан әрі - аккредитив) қолдана отырып, есеп айырысу нысанын пайдалануға шетел валютасында төлемдерді және ақша аударымын жүзеге асырған жағдайда жол беріледі. Бұл ретте, шетел валютасында жасалған шарттарда аккредитив пайдалану көзделуі тиіс.
195. Аккредитив ағымдағы қаржы жылының шарт сомасына ашылады.
Шетел валютасындағы аккредитив шетел валютасындағы шарттың қолданылу мерзіміне ашылады. Бұл ретте қолданылу мерзімі ағымдағы қаржы жылының 31 желтоқсанына дейін немесе ағымдағы қаржы жылынан асып түсетін шартты жасасқан жағдайда, аккредитивтің қолданылу мерзімі ағымдағы қаржы жылының 15 желтоқсанынан кешіктірілмей белгіленеді.
196. Шетел валютасында аккредитив ашуға арналған өтінім ҚР ҰБ белгілеген тәртіппен жасалады және беріледі. Шетел валютасында аккредитив ашуға арналған өтінімге осы Ережеде белгіленген тәртіппен тіркелген шарт негіз болып табылады.
Шетел валютасындағы аккредитив аккредитив шарттарының мерзімінен бұрын орындалуына не аккредитивтің қолданылу мерзімінің аяқталуына байланысты жабылады.
197. Шетел валютасындағы аккредитивтің пайдаланылмаған сомалары оны қайта айырбастау жөніндегі рәсім жүзеге асырылғаннан кейін шетел валютасы айырбасталған шығыстардың БСК бойынша ағымдағы қаржы жылының кассалық шығыстарын қалпына келтіру арқылы есепке алынады.
27-тарау. Трансферттерді төмен тұрған бюджеттерге аудару тәртібi
198. Қазақстан Республикасының Үкіметі резервінің және облыстың жергілікті атқарушы органының қаражаты есебінен трансферттерді қоса алғанда, төмен тұрған бюджеттерге трансферттерді төлемдер бойынша тиісті бюджеттік бағдарламаны қаржыландырудың белгіленген тәртіппен бекітілген жоспарының негізінде және трансферттердің жалпы сомасын төмен тұрған бюджеттердің арасында бөлуді бекітетін нормативтік құқықтық актілерге сәйкес бюджеттік бағдарлама әкімшісі төмен тұрған бюджеттердің кірісіне аударады.
Бюджеттік субвенциялар жоғары тұрған бюджеттерден төмен тұрған бюджеттерге тиісті қаржы жылына арналған республикалық бюджет туралы заңмен немесе жергілікті бюджет туралы мәслихаттың шешімімен бекітілген сома шегінде беріледі. Аударуды жоғары тұрған бюджетті атқару жөніндегі уәкілетті орган айдың бірінші онкүндігі ішінде жоғары тұрған бюджет түсімдері мен оны қаржыландырудың жиынтық жоспарында көзделген сома шегінде жүзеге асырады.
Аударуды жоғары тұрған бюджеттің бюджеттік бағдарламалар әкімшісі төлем тағайындауды белгілеу үшін 02 "Мемлекеттік басқарудың жоғары тұрған органдарынан түсетін трансферттер" сыныбының 4-санатының ҚР ББС-нің түсімдер кодтарын қолдана және дамуға арналған нысаналы ағымдағы трансферттерді және нысаналы трансферттерді әрбір аудару бойынша төлеуге берілетін шоттар көшірмесін тиісті төмен тұрған бюджетті атқару жөніндегі уәкілетті органға жеткізе отырып, төлеуге берілетін шот негізінде жүргізеді.
199. Жоғары тұрған бюджеттің бюджеттік бағдарламалар әкімшісі аумақтық қазынашылық бөлімшесіне ұсынған төлеуге берілетін шоттың негізінде және кейіннен аудару кезінде төмен тұрған бюджеттің бюджеттік бағдарламалары әкімшісі төлемдерінің негізділігін растайтын, осы Ереженің 158-тармағында көзделген құжаттарды қоса бере отырып, төмен тұрған бюджеттің бюджеттік бағдарламаларының әкімшісі жасалған шарттар бойынша олардың есебінен шығыстарды жүзеге асыратын ағымдағы нысаналы трансферттерді және дамуға арналған нысаналы трансферттерді аударуды жүргізеді.
Жоғары тұрған бюджет бағдарламаларының әкімшісі берген төлеуге берілетін шоттың негізінде шарт жасаспай, олардың есебінен төмен тұрған бюджет бағдарламаларының әкімшісі шығыстарды жүзеге асыратын нысаналы ағымдағы трансферттерді аудару жүргізіледі.
Жоғары тұрған бюджеттен берілетін трансферттердің есебінен іске асырылатын жергілікті бюджеттік бағдарламалар бойынша төмен тұрған бюджет бағдарламалары әкімшілерінің шығыстары шығыстардың экономикалық сыныптамасының пайдаланылатын ерекшелігіне байланысты осы Ережеде белгіленген тәртіппен жүзеге асырылады.
200. Ағымдағы нысаналы трансферттер және дамуға арналған нысаналы трансферттер бойынша жоғары тұрған бюджеттің бюджеттік бағдарламалар әкімшілерін қаржыландыру жоспарларының төмен тұрған бюджеттерді қаржыландырудың тиісті жоспарларына сәйкес келмеген кезде қазынашылық бөлімшелері трансферттерді аударуды жүргізбейді.
Нысаналы трансферттер бойынша республикалық бюджетті және жергілікті бюджеттерді атқару туралы есептер деректерінде алшақтықтар болған жағдайда, бюджетті атқару жөніндегі уәкілетті орган заңнамада белгіленген тәртіппен тиісті бақылау объектісіндегі есеп деректерінің растылығын тексеру үшін ішкі бақылау жөніндегі уәкілетті органға материалдар жібереді.
201. Төмен тұрған бюджеттің бағдарламалар әкімшілерінің жоғары тұрған бюджеттен түсетін трансферттер есебінен іске асырылатын жергілікті бюджеттік бағдарламалар жөніндегі шығыстар пайдаланылатын шығыстардың экономикалық сыныптамасының ерекшелігіне байланысты осы Ережеде белгіленген тәртіппен жүзеге асырылады.
202. Жоғары тұрған бюджеттен, оның ішінде резерв есебінен алынған нысаналы трансферттердің орынсыз пайдаланылған сомалары ағымдағы жылғы нысаналы трансферттер ретінде де, сол сияқты өткен жылдың нысаналы трансферттері ретінде де мәслихаттың тиісті қаржы жылына арналған жергілікті бюджет туралы шешімін іске асыру туралы жергілікті атқарушы органның қаулысына Бюджеттік кодексте белгіленген тәртіппен өзгерістер мен толықтырулар енгізу жүргізіледі. Бұл сомалар жоғары тұрған бюджет үшін нысаналы трансферттерді өтеу сомалары, ал төмен тұрған бюджет үшін - нысаналы трансферттерді өтеу жөніндегі шығыстардың сомалары болып табылады.
Қаражат аударуды төмен тұрған бюджеттің тиісті бюджеттік бағдарламасының әкімшісі "Нысаналы трансферттерді қайтару" бағдарламасы бойынша төлеуге берілетін шот және ішкі бақылау жөніндегі уәкілетті органның ұйғарымы негізінде және үш күндік мерзімде жоғары тұрған бюджетке дейін орынсыз пайдаланылған қаражатты әрбір қайтару бойынша төлеуге берілетін шоттың көшірмесін және орынсыз пайдалануға жол берілген шығыстардың бюджеттік сыныптамасының кодтарын қамтитын негіздеме хаттың көшірмесін жеткізе отырып жүргізеді.
Ағымдағы қаржы жылының 31 желтоқсанына дейін нысаналы трансферттерді орынды пайдалану сомасын өтемеген жағдайда, өтеу жаңа қаржы жылының бюджеті есебінен жүргізіледі.
203. Қаржы жылы ішінде пайдаланылмаған (жете пайдаланылмаған, оның ішінде конкурстық рәсімдер нәтижелері бойынша үнемдеу есебінен) нысаналы трансферттердің сомалары оларды бөлген жоғары тұрған бюджетке:
1) жоғары тұрған бюджеттің бюджеттік бағдарлама әкімшісінің тиісті бюджеттік бағдарлама бойынша кассалық шығыстарын қалпына келтіру жолымен ағымдағы қаржы жылының желтоқсанында қайтарылады.
Жоғары тұрған бюджеттің бюджеттік бағдарлама әкімшісінің кассалық шығыстарын қалпына келтіру бойынша төмен тұрған бюджеттің шығыстары жергілікті бюджетті түзету негізінде қаржыландырудың жиынтық жоспарларына енгізілген өзгерістерге сәйкес жүзеге асырылатын нысаналы трансферттерді қайтару жөніндегі шығыстары болып табылады.
2) бюджет қаражатының бос қалдықтары есебінен қаржы жылы аяқталғаннан кейін бір ай ішінде қайтарылады.
Жоғары тұрған бюджет үшін бұл сома нысаналы трансферттерді қайтару бойынша түсімдер, төмен тұрған бюджет үшін - бюджетті түзету арқылы жергілікті бюджеттерді атқару жөніндегі уәкілетті орган жүзеге асыратын нысаналы трансферттерді қайтаруға байланысты шығыстар болып табылады.
Қаражатты қалпына келтіру мен аударуды төмен тұрған бюджеттің бюджеттік бағдарлама әкімшісі бөлінген қаражатты пайдаланбау (жете пайдаланбау) себептерін қамтитын негіздеме хатты қоса бере отырып және нысаналы трансферттерді әрбір қайтару жөнінде төлеуге берілетін шоттың көшірмесін және негіздеме хаттың көшірмесін жоғары тұрған бюджетке дейін жеткізе отырып "Нысаналы трансферттерді қайтару" бағдарламасы бойынша төлеуге берілетін шот негізінде жүргізеді.
204. Бөлінген бюджеттік бағдарламалардан алынған, бюджеттік бағдарламалар әкімшілері жете пайдаланбаған қаражат белгіленген тәртіппен әзірленген және қабылданған Қазақстан Республикасы Үкіметінің немесе жергілікті атқарушы органның Қазақстан Республикасы Yкіметінің немесе жергілікті атқарушы органның бөлінетін бюджеттік бағдарламалар есебінен қаражат бөлу туралы қаулысына өзгерістер енгізу туралы қаулысының негізінде қаржыландырудың жиынтық жоспарларына, мемлекеттік мекеменің жеке жоспарларына тиісті өзгерістер енгізу арқылы оларды қалпына келтіруге бағытталады.
Бұл ретте, бюджеттік бағдарламалар әкімшісінің жазбаша өтініші (еркін түрде) негізінде аумақтық қазынашылық бөлімшелері бөлінетін бюджеттік бағдарламалар есебінен іс-шаралар өткізумен байланысты шығыстарды тежейді.
205. Төмен тұрған бюджеттер ағымдағы қаржы жылы жоғары тұрған бюджеттің бөлінетін бюджеттік бағдарламасынан алынған қаражатты жете пайдаланбаған жағдайда осы ағымдағы жыл ішінде төмен тұрған бюджеттерге үнемдеуді немесе сұрауы жоқ соманы қайтару жоғары тұрған бюджеттің бөлінетін бюджеттік бағдарламасы әкімшісінің кассалық шығыстарын қалпына келтіру арқылы жүзеге асырылуы тиіс.
Бюджетті атқару жөніндегі жергілікті уәкілетті органның жоғары тұрған бюджеттің бөлінетін бюджеттік бағдарламасы әкімшісінің кассалық шығыстарын қалпына келтіру жөніндегі шығыстары жергілікті бюджетті түзету негізінде қаржыландырудың жиынтық жоспарларына енгізілген өзгерістерге сәйкес жүзеге асырылатын нысаналы трансферттерді қайтару жөніндегі шығыстары болып табылады.
206. Егер бекітілген (нақтыланған, түзетілген) жергілікті бюджетте бюджеттік алуларды және субвенцияларды есептеген кезде есепке алынған шығыстар көзделмесе, онда Қазақстан Республикасының Үкіметі немесе облыстың жергілікті атқарушы органы қаржы жылы ішінде тиісті мөлшерге бюджеттік субвенцияларды қысқарту немесе бюджеттік алуларды арттыру туралы шешім қабылдайды.
Қаржы жылы ішінде тиісті мөлшерге бюджеттік субвенцияларды қысқарту немесе бюджеттік алуларды арттыру туралы шешімді Республикалық бюджет комиссиясының тиісті шешімі кезінде Қазақстан Республикасының Үкіметі ішкі бақылау жөніндегі орталық уәкілетті органның тексеру материалдары негізінде және жергілікті атқарушы орган мәслихаттардың тексеру комиссияларының тексеру материалдарының негізінде қабылдайды.
28-тарау. Республикалық және жергілікті бюджеттерден бюджеттік субсидиялар төлеу тәртібi
207. Бюджеттік субсидиялар республикалық бюджет туралы заңда немесе тиісті қаржы жылына арналған жергілікті бюджет туралы мәслихаттар шешімінде, Қазақстан Республикасы Үкіметінің және жергілікті атқарушы органның тиісті қаржы жылына арналған республикалық бюджет туралы заңын іске асыру туралы қаулысында немесе тиісті қаржы жылына арналған жергілікті бюджет туралы мәслихат шешімінде анықталған сомалар шеңберінде беріледі.
208. Жоғары тұрған бюджеттерден төмен тұрған бюджеттерге нысаналы ағымдағы трансферттер түрінде бюджеттік субсидиялар аудару тәртібі осы Ереженің 27-тарауында айқындалған нормаларға сәйкес жүзеге асырылады.
209. Бюджеттік субсидиялар төлеу үшін оларды алушылар бюджеттік бағдарлама әкімшісіне олардың бюджеттен өтеуді талап ететін шығындарды жүзеге асырғандығын растайтын құжаттарды береді. Бюджеттік бағдарлама әкімшісі оларды қарағаннан кейін Қазақстан Республикасы Үкіметінің немесе жергілікті атқарушы органдардың шешімдерінде көзделген тәртіппен және нысанда бюджеттік субсидия беру жүзеге асырылған әр бюджеттік бағдарлама бойынша бюджеттік субсидияларды төлеуге арналған қорытындыны және төлеуге берілетін шоттарды қалыптастырады.
Бюджеттік бағдарлама әкімшісі тиесілі бюджеттік субсидияларды олардың тікелей алушыларына аудару үшін аумақтық қазынашылық бөлімшесіне осы Ереженің 37-қосымшасына сәйкес нысан бойынша төлеуге берілетін шоттардың тізілімін және төлеуге берілетін шоттарды екі данада береді.
Бюджеттік бағдарлама әкімшісі бюджеттік субсидияларды төлеудің негізділігін, бюджеттік субсидия алушыларға тиесілі соманы есептеудің дұрыстығын, бюджеттік субсидияларды аудару yшін аумақтық қазынашылық бөлімшесіне ұсынылған төлеуге берілетін шоттарды толтырудың растығын және толықтығын қамтамасыз етеді.
29-тарау. Шетел валютасында төлемдер мен ақша аударуды жүзеге асыру тәртібi
210. Қолма-қол және қолма-қол ақшасыз нысанда, оның ішінде Қазақстан Республикасының Ұлттық қорына аударуға арналған шетел валютасындағы түсімдер сомасын есептеу, Қазақстан Республикасының бейрезиденттерінің пайдасына шетел валютасын айырбастау, қайта айырбастау және айналдыру жөніндегі шетел валютасындағы операцияларды жүргізу үшін бюджетті атқару жөніндегі орталық уәкілетті органға ҚР ҰБ-да валюта түрлері бойынша шетел валютасында хат-хабар шоттары ашылады (бұдан әрі - шетел валютасындағы хат-хабар шоттары).
Бюджетті атқару жөніндегі орталық уәкілетті органның шетел валютасындағы хат-хабар шоттарына қызмет көрсетуді ҚР ҰБ шетел валютасындағы хат-хабар шоттарына қызмет көрсетуге арналған шарт және оған қосымша келісімдер негізінде жүзеге асырады.
211. Шетел валютасындағы шоттар мемлекеттік мекемеге валюта түрлері бойынша ҚБАЖ-да:
шетел валютасындағы консулдық алымдарды есептеу;
Қазақстан Республикасының заңнама актілерінде рұқсат етілген мемлекеттік мекемеге шетел валютасында түсімдерді есептеу және Қазақстан Республикасының резидент еместерінің пайдасына шетел валютасында төлемдер мен ақша аударуды жүзеге асыру үшін ашылады.
212. Республикалық немесе жергілікті бюджеттерден қаржыландырылатын мемлекеттік мекемеге шетел валютасында шот ашуды рұқсат берілгеннен кейін бюджетті атқару жөніндегі орталық уәкілетті орган жүзеге асырады. Рұқсатты бюджеттік бағдарламалар әкімшісінің қолдаухаты негізінде бюджетті атқару жөніндегі орталық уәкілетті орган береді. Бюджеттік бағдарлама әкімшісінің қолдаухаты мемлекеттік мекеменің толық атауын, Мемлекеттік мекемелер анықтамасына сәйкес оның жеті белгіден тұратын кодын, салық төлеушінің тіркеу нөмірін, шот түрін, валюта түрін, қаржыландыру көзін және шығыстар бағыттарының мақсаттарын, сондай-ақ оған сәйкес мемлекеттік мекеме құрылған немесе қайта құрылған Қазақстан Республикасының нормативтік құқықтық актісін қамтуы тиіс. Қолдаухатқа не:
1) Қазақстан Республикасының салалық заңнама актісі;
2) халықаралық қызмет немесе ынтымақтастық жөніндегі функцияларды жүзеге асыру көзделген мемлекеттік мекеменің ережесі (жарғысы);
3) Қазақстан Республикасы ратификациялаған халықаралық шарт;
4) мемлекеттік сатып алу Қазақстан Республикасының мемлекеттік сатып алу туралы заңнамасына сәйкес жүргізілгендігі туралы мемлекеттік сатып алу жөніндегі тиісті уәкілетті органның хатын қоса бере отырып, мемлекеттік мекеме өнім берушілермен - бейрезиденттермен жасасқан тауарларды (жұмыстарды, қызметтерді) сатып алуға арналған шарт қоса беріледі.
213. Шетел валютасындағы шот бойынша операция жүргізу үшін мемлекеттік мекеме аумақтық қазынашылық бөлімшесіне рұқсат және қол мен мөр бедерінің үлгілері бар құжатты береді.
214. Мемлекеттік мекемелердің шетел валютасында шоттар ашу, жүргізу және жабу тәртібін бюджетті атқару жөніндегі орталық уәкілетті орган анықтайды.
215. Мемлекеттік мекеме шетел валютасында операция жүргізу үшін аумақтық қазынашылық бөлімшесіне берілген құжаттардың растығын, оларды толық және дұрыс толтыруды қамтамасыз етеді.
216. Егер Қазақстан Республикасының заңнама актілерінде мемлекеттік мекемеге шетел валютасын түсіруге рұқсат берілсе, бюджетті атқару жөніндегі орталық уәкілетті орган шетел валютасындағы түсімдер сомасын мемлекеттік мекеменің осы Ереженің 30-тарауда айтылған тәртіпке ұқсас тәртіппен шетел валютасын қайта айырбастау жөніндегі рәсімдерді кейін жүзеге асыра отырып мемлекеттік мекеменің валюта түрлері бойынша шетел валютасындағы шоттарға есептейді.
217. Мемлекеттік мекеме Қазақстан Республикасының заңнамасында көзделген жағдайларда бюджет қаражатынан басқа өзге қаржыландыру көздері есебінен шетел валютасында төлемдер мен ақша аударымын жүзеге асыру қажет болған жағдайда, мемлекеттік мекеме осы Ереженің 31-тарауда айтылған тәртіпке ұқсас тәртіппен шетел валютасын айырбастауды және аударуды жүзеге асырады.
30-тарау. Шетел валютасын қайта айырбастау тәртібi
218. Шетел валютасын қайта айырбастау осы Ережеге 48-қосымшаға сәйкес нысан бойынша қайта айырбастауға арналған өтінім негізінде жүзеге асырылады.
219. Тиісті бюджетке және/немесе Қазақстан Республикасының Ұлттық қорына есептеуге арналған шетел валютасын қайта айырбастауды бюджетті атқару жөніндегі орталық уәкілетті орган ҚР ҰБ-дан электрондық түрдегі төлем құжаттарын қоса бере отырып шетел валютасындағы хат-хабар шоттары бойынша үзінді алған күннен бастап үш жұмыс күні ішінде жүзеге асырады.
220. Шетел валютасындағы түсімдер сомасын қайта айырбастауды аумақтық қазынашылық бөлімшесі мемлекеттік мекеменің қайта айырбастауға арналған өтінімі бойынша жүзеге асырады. Мемлекеттік мекеме шетел валютасын қайта айырбастауға арналған өтінімді шетел валютасындағы шоттар бойынша үзінді алған күннен бастап үш жұмыс күні ішінде аумақтық қазынашылық бөлімшесіне береді.
221. Төлем құжаттарында электрондық түрде шетел валютасындағы төлем тағайындауды анықтауға мүмкіндік бермейтін деректемелер жеткіліксіз немесе дұрыс емес көрсетілген жағдайда, бюджетті атқару жөніндегі орталық уәкілетті органның жауапты орындаушысы шетел валютасындағы түсімдер сомасын қазынашылықтың тиісті аумақтық бөлімшесінің 0900НП "Шетел валютасында анықтағанға дейінгі сома" ерекшелігі кодына есептейді.
222. Аумақтық қазынашылық бөлімшесі келесі жұмыс күнінен кешіктірмей салық қызметі органына және/немесе мемлекеттік мекемеге (төлем құжаттарында шетел валютасындағы түсімдерді алушы болып мемлекеттік мекеме көрсетілген жағдайда) электрондық төлем құжаттарында төлем тағайындауын, деректемелерді анықтау мүмкін емес шетел валютасындағы түсімдер туралы жазбаша хабар береді.
223. Салық қызметі органы төлем деректемелерін анықтау жөнінде жұмыс жүргізеді және хабар берілген күннен бастап жеті жұмыс күні ішінде аумақтық қазынашылық бөлімшесіне төлем тағайындау және деректемелер туралы мәлімет береді. Салық қызметі органы деректемелерді уақтылы беруді және олардың растылығын қамтамасыз етеді.
224. Мемлекеттік мекеме төлем деректемелерін анықтау жөнінде жұмыс жүргізеді және хабар берілген күннен бастап жеті жұмыс күні ішінде аумақтық қазынашылық бөлімшесіне төлем тағайындау және деректемелер туралы мәлімет береді. Берілген деректер негізінде аумақтық қазынашылық бөлімшесі шетел валютасындағы түсімдер сомасын тиісті аумақтық қазынашылық бөлімшесінің 0900НП "Шетел валютасында анықтағанға дейінгі сома" ерекшелігі кодынан есептен шығару және мемлекеттік мекеме шотына септеу жөніндегі операцияны жүргізу үшін бюджетті атқару жөніндегі орталық уәкілетті органға хат жібереді.
225. Мемлекеттік мекеме деректемелерді уақтылы беруді және олардың растылығын қамтамасыз етеді.
226. Шетел валютасын қайта айырбастауға арналған өтінімді мемлекеттік мекеме жасайды және шетел валютасын қайта айырбастау үшін екі данада аумақтық қазынашылық бөлімшесіне береді:
шетел валютасындағы консулдық алымдар;
осы Ережеде белгіленген мерзімде орынсыз пайдаланылған немесе жете пайдаланылмаған түрінде түскен.
227. Аумақтық қазынашылық бөлімшесі тексеруден кейін шетел валютасын қайта айырбастауға арналған өтінімді ҚБАЖ-ға енгізуді жүзеге асырады.
228. Қате табылған, шетел валютасын қайта айырбастауға арналған өтінімде түзету болған, қандай да бір талап етілетін деректемелер болмаған, шетел валютасындағы шотта қажет сома (валюта түрлері бойынша) жеткіліксіз не жоқ болған, қолдар және/немесе мөр бедері қолдар мен мөр бедерінің үлгілері бар құжатқа сәйкес келмеген жағдайда, шетел валютасын қайта айырбастауға арналған өтінім қайтару себептері көрсетіліп орындалмастан мемлекеттік мекемеге қайтарылады.
229. ҚР ҰБ-дан шетел валютасындағы хат-хабар шоттары бойынша үзінді және электрондық түрдегі төлем құжаттары алынғаннан кейін бюджетті атқару жөніндегі орталық уәкілетті орган мемлекеттік мекемелердің шетел валютасындағы шоттарынан ақшаны есептен шығаруды жүргізеді.
230. Мемлекеттік мекеменің шетел валютасындағы шоттары жөніндегі үзіндіні қалыптастыруды бюджетті атқару жөніндегі орталық уәкілетті орган мемлекеттік мекемелердің шетел валютасындағы шоттарынан ақшаны есептен шығарған күні жүзеге асырады. Сол күні мемлекеттік мекеменің шетел валютасын қайта айырбастауға арналған өтінімнің бір данасы жауапты орындаушының белгісімен және мемлекеттік мекеменің шетел валютасындағы шоттары жөніндегі үзіндімен бірге мемлекеттік мекемеге қайтарылады, шетел валютасын қайта айырбастауға арналған өтінімнің екінші данасы аумақтық қазынашылық бөлімшесінде қалады.
31-тарау. Шетел валютасын айырбастау және аудару тәртібi
231. Мемлекеттік мекемелер Қазақстан Республикасының бейрезиденттерінің пайдасына шетел валютасында төлемдер мен ақша аударуды жүргізу үшін шетел валютасын айырбастау және аудару жөніндегі операциялар жүзеге асырылады.
232. Валюта түрлері бойынша ҚР ҰБ белгілеген лимиттен асып түспейтін сомаға валюта түрлері бойынша шетел валютасын сатып алу жөніндегі операция алдын ала мәлімет берілместен жүзеге асырылады.
233. ҚР ҰБ белгілеген лимиттен асып түсетін сомаға шетел валютасын сатып алу жөніндегі операция мемлекеттік мекеменің валюта түрлері бойынша соманы көрсете отырып, шетел валютасын сатып алу қажеттілігі туралы өтінішін бергеннен кейін, сатып алу күніне дейін мынадай мерзімде:
еуро, ағылшын фунт стерлингі, швейцария франкісі, ресей рублі - үш күн бұрын;
жапония иенасы - бес күн бұрын жүзеге асырылады.
234. Аумақтық қазынашылық бөлімшесі мемлекеттік мекемеден алдын ала мәлімет алған күні оларды бюджетті атқару жөніндегі орталық уәкілетті органға береді, ол, өз кезегінде, оларды ҚР ҰБ-ға дейін жеткізеді.
235. Шетел валютасында төлемдер мен ақша аударымын жүзеге асыру үшін мемлекеттік мекеме осы Ережеге 49-қосымшаға сәйкес аумақтық қазынашылық бөлімшесіне төлеуге берілетін шот пен шетел валютасын айырбастауға арналған өтінімді береді.
236. Шетел валютасын айырбастауға арналған өтінімді мемлекеттік мекеме жасайды және екі данада береді.
237. Қате табылған, төлеуге берілетін шотта және/немесе шетел валютасын айырбастауға арналған өтінімде түзету болған, оларда қандай да бір талап етілетін деректемелер болмаған, қолдар және/немесе мөр бедері қолдар мен мөр бедерінің үлгілері бар құжатқа сәйкес келмеген, төлеуге берілетін шот сомасы шетел валютасын айырбастауға арналған өтінім сомасына сәйкес келмеген жағдайда, төлеуге берілетін шот және шетел валютасын айырбастауға арналған өтінім қайтару себептері көрсетіліп орындалмастан мемлекеттік мекемеге қайтарылады.
