«Республикалық бюджеттің атқарылуына сыртқы бақылауды жүргізу ережесін бекіту туралы» Қазақстан Республикалық бюджеттің атқарылуын бақылау жөніндегі есеп комитеті төрағасының 2006 жылғы 8 қыркүйектегі № 57 Қаулысы (2008.10.01. берілген өзгерістер мен толықтыруларымен) (күші жойылды)

Қазақстан Республикасының Бюджет кодексінің 57-бабына сәйкес Республикалық бюджеттің атқарылуын бақылау жөніндегі есеп комитеті ҚАУЛЫ ЕТЕДI:

1. Қоса беріліп отырған Республикалық бюджеттің атқарылуына сыртқы бақылауды жүргізу ережесі бекітілсін.

2. Есеп комитетінің аппарат басшысы бір ай мерзімде Қазақстан Республикасының Әділет министрлігінде осы қаулының мемлекеттік тіркелуін қамтамасыз етсін.

3. Осы қаулы алғаш ресми жарияланған күнінен бастап он күнтізбелік күн өткен соң қолданысқа енгізіледі.

Республикалық бюджеттің

атқарылуын бақылау жөніндегі

есеп комитетінің

2006 жылғы 8 қыркүйектегі

№ 57 қаулысымен бекітілген

Республикалық бюджеттің атқарылуына сыртқы бақылауды жүргізу ережесi

1. Жалпы ережелер

1. Республикалық бюджеттің атқарылуына сыртқы бақылауды жүргізу ережесі (бұдан әрі - Ереже) Қазақстан Республикасы Бюджет кодексіне, Қазақстан Республикасы Президентінің 2002 жылғы 5 тамыздағы № 917 Жарлығымен бекітілген Республикалық бюджеттің атқарылуын бақылау жөніндегі есеп комитеті (бұдан әрі - Есеп комитеті) туралы ережеге, Мемлекеттік қаржы бақылауы стандарттарына (бұдан әрі - Стандарттар) және Есеп комитетінің регламентіне (бұдан әрі - Регламент) сәйкес әзірленген.

Ереже бақылауды жоспарлау, оны жүргізу, оның нәтижелерін ресімдеу тәртібін айқындайды.