(БҰРЫНҒЫ РЕДАКЦИЯ) ҚР БЮДЖЕТ КОДЕКСІ (2004 Ж. 24 СӘУІР № 548-II)

коммуналдық тұрғын үй қорының тұрғын үй құрылысы;

авариялық және ескiрген тұрғын үйлердi Қазақстан Республикасының заң актілеріне сәйкес бұзу;

7) мәдениет, спорт, туризм және ақпараттық кеңiстiк:

жергiлiктi маңызы бар театр және музыка өнерiн қолдау;

жергiлiктi маңызы бар тарихи-мәдени мұралардың сақталуын және оған қолжетiмдi болуын қамтамасыз ету;

мәдени-демалыс жұмысын қолдау;

зоопарктер мен дендропарктердiң жұмыс iстеуiн қамтамасыз ету;

жергiлiктi деңгейде спорттық жарыстар өткізу;

республикалық және халықаралық спорт жарыстарына әртүрлi спорт түрлерi бойынша республикалық маңызы бар қала, астана құрама командаларының мүшелерiн дайындау және олардың қатысуы;

жергіліктi деңгейде туристiк қызметтi реттеу;

жергiлiктi маңызы бар мұрағат қорының сақталуын қамтамасыз ету;

қалалық кiтапханалардың жұмыс iстеуiн қамтамасыз ету;

бұқаралық ақпарат құралдары арқылы жергiлiктi деңгейде мемлекеттік ақпарат саясатын жүргiзу;

жергiлiктi деңгейде мемлекеттік тiлдi және Қазақстан халықтарының басқа да тiлдерiн дамыту;

жастар саясаты саласындағы аймақтық бағдарламаларды iскеасыру;

2004.20.12 № 13-III ҚР Заңымен 8) тармақша өзгертілді (2005.01.01. бастап қолданысқа енгiзiлдi) (бұр. ред. қара)

8) ауыл, су шаруашылығы, ерекше қорғалатын табиғи аумақтар, қоршаған ортаны қорғау және жер қатынастары:

өсiмдiк шаруашылығы мен мал шаруашылығында пайдаланылатын арнаулы қоймаларды (көмiндiлердi) салу, ұстау;

ауру жануарларды санитарлық союды ұйымдастыру;

республикалық маңызы бар қала, астана су құбырларының құрылысын салу және реконструкциялау;

су қорғау аймақтарын, ауызсумен қамтамасыз ету көздерiнiң санитарлық қорғау белдеулерi мен аймақтарын белгiлеу;

республикалық маңызы бар қалалардың, астананың авариялық қаупi ерекше су шаруашылығы құрылыстарын және гидромелиорациялық жүйелерiн қалпына келтiру;

жергiлiктi маңызы бар ерекше қорғалатын табиғи аумақтарды күтiп-ұстау және қорғау;

қоршаған ортаны қорғау жөнiнде iс-шаралар өткізу;

қаржыландыру республикалық бюджет есебiнен жүзеге асырылатын сараптаманы қоспағанда, мемлекеттік экологиялық сараптаманы қамтамасыз ету;

жердi аймақтарға бөлу жөніндегі жұмыстарды ұйымдастыру;

қаладағы аудандар шекарасын белгiлеу кезiнде жүргiзiлетiн жерге орналастыру;

ауыл шаруашылығы алқаптарын бiр түрден екiншiсiне ауыстыру жөніндегі жұмыстар;

елдi мекендердi жер-шаруашылық орналастыру;

9) сәулет, қала құрылысы және құрылыс қызметi:

республикалық бюджеттен қаржыландырылатын шығыстарды қоспағанда, сәулет, қала құрылысы және құрылыс қызметiн ұйымдастыру және бақылау;

10) көлiк және коммуникациялар:

әлеуметтiк маңызы бар iшкi қатынастар бойынша жолаушы тасымалдарын ұйымдастыру;

жергiлiктi маңызы бар автомобиль жолдарын салу, реконструкциялау, жөндеу және күтiп-ұстау;

11) экономикалық қызметтi реттеу:

кәсiпкерлiк қызметтi қолдау;

12) басқа да бағыттар:

республикалық бюджетке берiлетiн ресми трансферттер;

жергiлiктi атқарушы органдардың борышына қызмет көрсету;

Қазақстан Республикасының Ұлттық қорына берiлетiн ресми трансферттер.

2. Республикалық маңызы бар қала, астана бюджеттерiнен:

1) кадрларды қайта даярлауды және көрсетiлген мемлекеттік мекемелер қызметкерлерiнiң біліктiлiгiн арттыруды қоса алғанда, осы баптың 1-тармағында көрсетiлген қызмет түрлерiн орындайтын мемлекеттік мекемелердiң қызметiн қамтамасыз етуге;

2) осы баптың 1-тармағында көрсетiлген бағыттар бойынша бюджеттік инвестициялық жобалар мен бағдарламаларға;

3) республикалық маңызы бар қаланың, астананың, жергiлiктi мемлекеттік басқару органдарының Қазақстан Республикасының заңдарымен көзделген өзге де функцияларына жұмсалатын шығындар да қаржыландырылады.

3. Республикалық маңызы бар қала, астана бюджетiнен қаржыландырылатын жергiлiктi атқарушы органдарды ұстауға арналған шығындар Қазақстан Республикасының Yкіметі бекiтетiн штат санының жалпы лимитi және заттай нормалар негiзiнде жоспарланады.

4. Республикалық маңызы бар қала, астана бюджетiнiң құрамында қаладағы ауданның бюджеттік бағдарламалары мынадай бағыттар бойынша көзделедi:

1) қаладағы аудан әкімі аппаратының жұмыс iстеуi;

2) шаруашылықтар бойынша статистикалық есепке алуды жүзеге асыру;

3) 2004.20.12 № 13-III ҚР Заңымен алып тасталды (2005.01.01. бастап қолданысқа енгiзiлдi) (бұр. ред. қара)

4) мектепке дейiнгi тәрбие беру мекемелерiн материалдық-техникалық қамтамасыз ету;

5) ерекше жағдайларда сырқаты ауыр адамдарды дәрiгерлiк көмек көрсететiн ең жақын денсаулық сақтау ұйымына жеткізудi ұйымдастыру;

6) мұқтаж азаматтарға үйiнде әлеуметтiк көмек көрсету;

7) елдi мекендердiң санитариясын қамтамасыз ету;

8) жерлеу орындарын күтiп-ұстау және туысы жоқ адамдарды жерлеу;

9) елдi мекендерде көшелердi жарықтандыру;

10) елдi мекендердi абаттандыру мен көгалдандыру;

11) мәдениет мекемелерiн материалдық-техникалық қамтамасыз ету.

53-бап. Аудан (облыстық маңызы бар қала) бюджетiнiң шығыстары

1. Аудан (облыстық маңызы бар қала) бюджетiнiң шығыстары мына бағыттар бойынша жүзеге асырылады:

1) жалпы сипаттағы мемлекеттік қызмет көрсетулер:

аудандық (қалалық) деңгейдегi жергiлiктi өкiлдi және атқарушы органдардың жұмыс iстеуi;

аудандық (қалалық) деңгейде экономикалық және бюджеттік жоспарлау;

аудандық (қалалық) бюджеттiң атқарылуын ұйымдастыру;

салық салу мақсатында мүлiктi бағалауды жүргiзу;

аудандық (қалалық) деңгейдегi коммуналдық меншiктi басқару;

2004.20.12 № 13-III ҚР Заңымен 2) тармақша өзгертілді (2005.01.01. бастап қолданысқа енгiзiлдi) (бұр. ред. қара)

2) қорғаныс, қоғамдық тәртiп, қауiпсiздiк:

аудандық әскери басқару органдарын жабдықталған шақыру (жинау) пункттерiмен, дәрi-дәрмекпен, құрал-сайманмен, медициналық және шаруашылық мүлiкпен, автомобиль көлігімен, байланыс құралдарымен, медициналық және техникалық қызметкерлермен, қызмет көрсететiн адамдармен қамтамасыз ету бойынша әскери мiндеттердi атқару шеңберіндегі iс-шаралар және медициналық комиссиялар құру;

аудандық (қалалық) ауқымдағы төтенше жағдайлардың алдын-алу және оларды жою;

елдi мекендерде жол жүрiсi қауiпсiздiгін қамтамасыз ету;

2004.20.12 № 13-III ҚР Заңымен 3) тармақша өзгертілді (2005.01.01. бастап қолданысқа енгiзiлдi) (бұр. ред. қара)

3) білім беру:

балаларды мектепке дейiнгi тәрбиелеу мен оқыту;

оқытудың кешкi (ауысымдық) нысанын және интернаттық ұйымдар арқылы мiндеттi тегiн орта білім берудi қоса алғанда, мемлекеттік оқу орындарында азаматтарға мiндеттi тегiн орта білім берудi ұйымдастыру және қамтамасыз ету;

аудандық (қалалық) ауқымдағы мектеп олимпиадаларын өткізу;

ауданның (облыстық маңызы бар қаланың) мемлекеттік білім беру ұйымдары үшiн оқулықтар сатып алу және жеткізу;

балалар мен жасөспiрiмдерге арналған қосымша білім беру;

4) әлеуметтiк көмек және әлеуметтiк қамсыздандыру:

тұрғын үй көмегi;

мұқтаж азаматтарға үйде әлеуметтiк көмек көрсету;

белгiлi бiр тұрғылықты орны жоқ адамдарды әлеуметтiк бейiмдеу;

халықтың жұмыспен қамтылуын қамтамасыз ету;

мемлекеттік атаулы әлеуметтік көмек;

жергіліктi өкiлдi органдардың шешiмдерi бойынша мұқтаж азаматтардың жекелеген санаттарына әлеуметтiк көмек;

5) тұрғын үй-коммуналдық шаруашылық:

ауданның (облыстық маңызы бар қаланың) мемлекеттік тұрғын үй қорының сақталуын ұйымдастыру;

тұрғын үй қорын түгендеу;

азаматтардың жекелеген санаттарын Қазақстан Республикасының заң актілеріне сәйкес тұрғын үймен қамтамасыз ету;

Қазақстан Республикасының заң актілеріне сәйкес мемлекеттік қажеттiлiктер үшiн жер учаскелерiн алып қою, оның iшiнде сатып алу жолымен алып қою және осыған байланысты жылжымайтын мүлiктi иелiктен айыру;

авариялық және ескiрген тұрғын үйлердi Қазақстан Республикасының заң актілеріне сәйкес бұзу;

коммуналдық тұрғын үй қорының тұрғын үйлерiн салу;

республиканың сейсмикалық қауiптi аймақтарында орналасқан тұрғын үйлердiң сейсмикалық берiктiгiн қамтамасыз етуге бағытталған, Қазақстан Республикасының заң актілеріне сәйкес iс-шаралар;

коммуналдық меншiктегi сумен жабдықтау объектiлерiн, тазарту, сорғыту жүйелерiн, кәрiз, жылу және электр желiлерiн құру, және реконструкциялау;

елдi мекендердiң санитариясын қамтамасыз ету;

жерлеу орындарын күтiп-ұстау және туысы жоқтарды жерлеу;

елдi мекендердегi көшелердi жарықтандыру;

елдi мекендердi абаттандыру және көгалдандыру;

2004.20.12 № 13-III ҚР Заңымен 6) тармақша өзгертілді (2005.01.01. бастап қолданысқа енгiзiлдi) (бұр. ред. қара)

6) мәдениет және спорт:

жергiлiктi деңгейде мәдени-демалыс жұмысын қолдау;

аудандық (қалалық) кiтапханалардың жұмыс iстеуi;

зоопарктер мен дендропарктердiң жұмыс iстеуiн қамтамасыз ету;

бұқаралық спортты және спорттың ұлттық түрлерiн дамыту;

аудан (облыстық маңызы бар қала) деңгейiнде спорт жарыстарын өткізу; облыстық спорт жарыстарына спорттың әр түрi бойынша аудандық (облыстық маңызы бар қалалық) құрама команда мүшелерiн дайындау және олардың қатысуы;

бұқаралық ақпарат құралдары арқылы жергiлiктi деңгейде мемлекеттік ақпарат саясатын жүргiзу;

жергiлiктi деңгейде мемлекеттік тiлдi және Қазақстан халықтарының басқа да тiлдерiн дамыту;

жергiлiктi деңгейде жастар саясатын жүргiзу;

7) ауыл шаруашылығы, жер қатынастары:

мал шаруашылығында пайдаланылатын арнаулы қоймаларды (көмiндiлердi) салу, күтiп-ұстау;

ауру жануарларды санитарлық союды ұйымдастыру;

жердi аймақтарға бөлу жөніндегі жұмыстарды ұйымдастыру;

аудандық маңызы бар қалалардың, кенттердiң, ауылдардың (селолардың), ауылдық (селолық) округтердiң шекарасын белгiлеу кезiнде жүргiзiлетiн жерге орналастыру;

ауыл шаруашылығы алқаптарын бiр түрден екiншiсiне ауыстыру жөніндегі жұмыстар;

елдi мекендердi жер-шаруашылық орналастыру;

8) көлiк және коммуникациялар:

аудандық (қалалық) маңызы бар автомобиль жолдарын салу, реконструкциялау, жөндеу және күтiп-ұстау;

кент iшіндегі (қала iшіндегі) және аудан iшіндегі қоғамдық жолаушылар тасымалдарын ұйымдастыру;

9) басқа да бағыттар:

Қазақстан Республикасының Ұлттық қорына берiлетiн ресми трансферттер;

облыстық бюджетке берiлетiн ресми трансферттер.

2. Аудандар (облыстық маңызы бар қалалар) бюджеттерiнен:

1) осы баптың 1-тармағында көрсетiлген қызмет түрлерiн орындайтын мемлекеттік мекемелердiң қызметiн қамтамасыз етуге;

2) осы баптың 1-тармағында көрсетiлген бағыттар бойынша бюджеттік инвестициялық жобалар мен бағдарламаларға;

3) ауданның (облыстық маңызы бар қаланың) жергiлiктi мемлекеттік басқару органдарының Қазақстан Республикасының заңдарында көзделген өзге де функцияларына жұмсалатын шығындар да қаржыландырылады.

3. Аудан (облыстық маңызы бар қала) бюджетiнен қаржыландырылатын жергiлiктi атқарушы органдарды ұстауға арналған шығындар Қазақстан Республикасының Үкіметі бекiтетiн штат санының жалпы лимитi және заттай нормалар негiзiнде жоспарланады.

4. Аудан (облыстық маңызы бар қала) бюджетiнiң құрамында қаладағы ауданның, аудандық маңызы бар қаланың, кенттiң, ауылдың (селоның), ауылдық (селолық) округтiң бюджеттік бағдарламалары мынадай бағыттар бойынша көзделедi:

1) қаладағы ауданның, аудандық маңызы бар қаланың, кенттiң, ауылдың (селоның), ауылдық (селолық) округтің әкімі аппаратының жұмыс iстеуi;

2) шаруашылықтар бойынша статистикалық есепке алуды жүзеге асыру;

3) азаматтық хал актілерін тiркеу жөніндегі қызметтi қамтамасыз ету;

4) мектепке дейiнгі тәрбие беру мекемелерiн материалдық-техникалық қамтамасыз ету;

5) ауылдық (селолық) жерлерде балаларды мектепке дейiн тегiн алып баруды және керi алып келудi ұйымдастыру;

6) ерекше жағдайларда сырқаты ауыр адамдарды дәрiгерлiк көмек көрсететiн ең жақын денсаулық сақтау ұйымына жеткізудi ұйымдастыру;

7) мұқтаж азаматтарға үйiнде әлеуметтiк көмек көрсету;

8) аудандық маңызы бар қаланың, кенттiң, ауылдың (селоның), ауылдық (селолық) округтiң мемлекеттік тұрғын үй қорының сақталуын ұйымдастыру;

9) елдi мекендердiң санитариясын қамтамасыз ету;

10) жерлеу орындарын күтiп-ұстау және туысы жоқ адамдарды жерлеу;

11) елдi мекендерде көшелердi жарықтандыру;

12) елдi мекендердi абаттандыру мен көгалдандыру;

13) мәдениет мекемелерiн материалдық-техникалық қамтамасыз ету;

14) аудандық маңызы бар қалаларда, кенттерде, ауылдарда (селоларда), ауылдық (селолық) округтерде автомобиль жолдарын салу, реконструкциялау, жөндеу және күтіп-ұстау;

2004.20.12 № 13-III ҚР Заңымен 15) тармақшамен толықтырылды (2005.01.01. бастап қолданысқа енгiзiлдi)

15) елдi мекендердi сумен жабдықтауды ұйымдастыру;

3-бөлім. Бюджеттік қатынастарды реттеу

саласындағы мемлекеттік басқару

9-тарау. Мемлекеттік басқару органдарының бюджеттік қатынастарды

реттеу саласындағы құзыреті

54-бап. Мемлекеттік басқарудың бюджеттік қатынастарды реттеу саласындағы құрылымы

Мемлекеттік басқарудың бюджеттік қатынастарды реттеу саласындағы құрылымын:

Қазақстан Республикасының Президентi;

Қазақстан Республикасының Парламентi;

Республикалық бюджеттiң атқарылуын бақылау жөніндегі есеп комитетi;

Қазақстан Республикасының Үкіметі;

экономикалық жоспарлау жөніндегі орталық уәкiлеттi орган;

бюджеттік жоспарлау жөніндегі орталық уәкiлеттi орган;

бюджеттi атқару жөніндегі орталық уәкiлеттi орган;

iшкi бақылау жөніндегі орталық уәкiлеттi орган;

мәслихат;

жергiлiктi атқарушы орган құрайды.

55-бап. Қазақстан Республикасы Президентінің құзыретi

Қазақстан Республикасының Президентi бюджеттік қатынастарды реттеу саласында:

1) республикалық бюджеттi әзiрлеу және оның атқарылуы туралы есеп беру тәртібін айқындайды;

2) Республикалық бюджет комиссиясын құрады, ол туралы ереженi бекiтедi, оның құрамын айқындайды;

3) Қазақстан Республикасының аумағында төтенше мемлекеттік бюджет енгізу туралы шешiм қабылдайды және оны әзiрлеу тәртібін айқындайды;

4) мемлекеттегi жағдай мен республиканың iшкi және сыртқы саясатының негiзгi бағыттары туралы Қазақстан халқына жыл сайынғы жолдауда алдағы жылға арналған Қазақстан Республикасының бюджет саясатының негiзгi бағыттарын айқындайды;

5) Қазақстан Республикасының Ұлттық қорын басқару жөніндегі кеңес құрады және ол туралы ереженi бекiтедi;

6) Қазақстан Республикасының Ұлттық қорын қалыптастыру және пайдалану тиiмдiлiгiн арттыру жөнiнде, сондай-ақ оны пайдаланудың көлемi мен бағыттары жөнiнде шешiмдер қабылдайды;

7) Қазақстан Республикасының Ұлттық қорын қалыптастыру және пайдалану туралы есептердi бекiтедi;

8) осы Кодексте көзделген жағдайларда тиiстi қаржы жылының бiрiншi тоқсанына арналған республикалық қаржы жоспарын бекiтедi;

2004.20.12 № 13-III ҚР Заңымен 9) тармақша жаңа редакцияда (2005.01.01. бастап қолданысқа енгiзiлдi) (бұр. ред. қара)

9) Қазақстан Республикасының Конституциясына және заңдарына сәйкес өзге де өкiлеттiктердi жүзеге асырады.

56-бап. Қазақстан Республикасы Парламентiнiң құзыретi

Қазақстан Республикасының Парламентi бюджеттік қатынастарды реттеу саласында:

1) республикалық бюджеттi, сондай-ақ республикалық бюджетке өзгерістер мен толықтырулар енгізудi бекiтедi;

2) Қазақстан Республикасының Үкіметі мен Республикалық бюджеттiң атқарылуын бақылау жөніндегі есеп комитетiнiң республикалық бюджеттiң атқарылуы туралы есептерiн бекiтедi;

2004.20.12 № 13-III ҚР Заңымен 3) тармақша өзгертілді (2005.01.01. бастап қолданысқа енгiзiлдi) (бұр. ред. қара)

3) Қазақстан Республикасының Конституциясында Парламентке жүктелген өзге де өкiлеттiктердi жүзеге асырады.

57-бап. Республикалық бюджеттiң атқарылуын бақылау жөніндегі есеп комитетiнiң құзыретi

Республикалық бюджеттiң атқарылуын бақылау жөніндегі есеп комитетi бюджеттік қатынастарды реттеу саласында:

1) республикалық бюджеттiң атқарылуына сыртқы бақылауды жүргiзу тәртібін белгiлейдi;

2) iшкi бақылау жөніндегі орталық уәкiлеттi органмен бiрлесiп мемлекеттік қаржы бақылауының стандарттарын әзiрлейдi, сондай-ақ оларды бекiтедi және олардың сақталуына бақылауды жүзеге асырады;

3) республикалық бюджеттiң атқарылуына сыртқы бақылауды жүзеге асырады;

4) төтенше мемлекеттік бюджеттiң атқарылуына бақылауды жүзеге асырады;

5) бақылау iс-шараларының қорытындылары бойынша қабылданған шешiмдердiң орындалуын бақылауды жүзеге асырады;

6) Қазақстан Республикасының заңдарына сәйкес өзге де өкiлеттiктердi жүзеге асырады.

58-бап. Қазақстан Республикасы Үкіметінiң құзыретi

Қазақстан Республикасының Үкіметі бюджеттік қатынастарды реттеу саласында:

1) Қазақстан Республикасының Парламентiне республикалық бюджеттi және оның атқарылуы туралы жылдық есептi табыс етедi;

2) Республикалық бюджеттiң атқарылуын бақылау жөніндегі есеп комитетiне республикалық бюджеттiң атқарылуы туралы жылдық есептi табыс етедi;

3) жергiлiктi бюджеттердiң жобаларын әзiрлеу тәртібін айқындайды;

4) республикалық бюджеттiң атқарылуын қамтамасыз етедi, республикалық және жергiлiктi бюджеттердi атқару тәртібін айқындайды;

5) тиiстi қаржы жылына арналған республикалық бюджет туралы заңды iске асыру туралы қаулы қабылдайды;

6) қарыз алуды жүзеге асырады;

7) шикiзат секторы ұйымдарының тiзбесiн бекiтедi;

8) орта мерзiмдi фискалдық саясат жобасын әзiрлеу тәртібін айқындайды;

9) бюджеттік инвестициялық жобаларды (бағдарламаларды) қарау тәртібін айқындайды;

10) салықтық емес түсiмдердi алуға жауапты және олардың түсуiне бақылауды жүзеге асыратын уәкiлеттi мемлекеттік органдардың тiзбесiн, оларды бюджетке аудару тәртібін айқындайды;

11) мемлекеттік емес қарыздар бойынша мемлекеттік кепiлдiктер беру қажеттiгi туралы шешiмдер қабылдайды;

2004.20.12 № 13-III ҚР Заңымен 12) тармақша өзгертілді (2005.01.01. бастап қолданысқа енгiзiлдi) (бұр. ред. қара)

12) Қазақстан Республикасы Үкіметінiң мемлекеттік емес қарыздар бойынша мемлекеттік кепiлдiктер беру тәртібін, Қазақстан Республикасы Үкіметінiң, жергiлiктi атқарушы органдардың қарыздарын және мемлекет кепiлдiк берген қарыздарды алу, пайдалану, өтеу және оларға қызмет көрсету, оларды тiркеу мен есепке алу, мемлекеттік және мемлекет кепiлдiк берген борыштың мониторингi мен оны басқару тәртібін айқындайды;

13) мемлекеттік мекемелердiң өз иелiгiнде қалған тауарларды (жұмыстарды, көрсетiлетiн қызметтердi) өткізуден түсетiн ақшаны пайдалану тәртібін айқындайды;

14) Қазақстан Республикасы Үкіметінiң және жергiлiктi атқарушы органдардың резервiн пайдалану тәртібін айқындайды;

15) Қазақстан Республикасының Ұлттық қорына активтердi есептеу, Қазақстан Республикасының Ұлттық қорын пайдалану тәртібін айқындайды;

16) Қазақстан Республикасының Ұлттық Банкiмен бiрлесiп Қазақстан Республикасының Ұлттық қорын орналастыру үшiн рұқсат етiлген қаржылық активтердiң және, материалдық емес активтерді қоспағанда, өзге мүліктің тiзбесiн айқындайды;

17) Қазақстан Республикасы Ұлттық қорының жыл сайынғы аудитiнiң өткiзiлуiн қамтамасыз етедi;

18) төмен тұрған бюджеттерден жоғары тұрған бюджетке бюджеттік алып қоюлардың және жоғары тұрған бюджеттен төмен тұрған бюджеттерге бюджеттік субвенцияларды аударудың тәртібі мен кезеңдiлiгiн айқындайды;

19) жалпы сипаттағы ресми трансферттер көлемдерi есептерiнiң әдiстемесiн айқындайды;

20) Қазақстан Республикасы Үкіметінiң орта мерзiмдi фискалдық саясатын бекiтедi;

21) заттай нормаларды бекiтедi;

22) бiрыңғай бюджеттік сыныптаманы бекiтедi және оны жасау тәртібін айқындайды;

23) бюджеттік бағдарламалардың тиiмдiлiгiн бағалауды жүргiзу тәртібін айқындайды;

24) iшкi бақылау жүргiзу тәртібін белгiлейдi;

25) орталық атқарушы органдардың, сондай-ақ олардың аумақтық органдарының және оларға ведомстволық бағынысты мемлекеттік мекемелердiң штат санының лимитiн бекiтедi;

26) жергiлiктi мемлекеттік басқарудың үлгiлiк құрылымын және жергiлiктi атқарушы органдардың штат саны лимитiн бекiтедi;

27) Қазақстан Республикасының Ұлттық Банкiмен бiрлесiп Қазақстан Республикасының Ұлттық қорын қалыптастыру және пайдалану туралы жылдық есептi жасайды;

2004.20.12 № 13-III ҚР Заңымен 28) тармақша жаңа редакцияда (2005.01.01. бастап қолданысқа енгiзiлдi) (бұр. ред. қара)

28) Қазақстан Республикасының Конституциясымен, заңдарымен және Қазақстан Республикасы Президентінің актілерімен өзiне жүктелген өзге де функцияларды орындайды.

59-бап. Бюджеттік жоспарлау жөніндегі орталық уәкiлеттi органның құзыретi

Бюджеттік жоспарлау жөніндегі орталық уәкiлеттi орган:

1) Қазақстан Республикасы Yкіметінiң орта мерзiмдi фискалдық саясатының жобасын әзiрлейдi;

2) тиiстi қаржы жылына арналған республикалық бюджет туралы, бюджетке өзгерістер мен толықтырулар енгізу туралы заңдардың жобаларын әзiрлейдi және оларды қарауға Қазақстан Республикасының Үкіметіне табыс етедi;

3) тиiстi қаржы жылына арналған республикалық бюджет туралы заңды iске асыру туралы Қазақстан Республикасы Үкіметі қаулысының жобасын әзiрлейдi;

4) бюджеттік өтiнiм жасаудың және табыс етудiң тәртібін айқындайды;

5) мемлекеттік мекемелердiң өз иелiгiнде қалатын тауарларды (жұмыстарды, көрсетiлетiн қызметтердi) өткізуден түсетiн түсiмдер мен ақша шығыстарының болжамын жасау нысанын белгiлейдi;

6) бюджет түсiмдерiн болжау әдiстемесiн айқындайды;

7) бiрыңғай бюджет сыныптамасының жобасын әзiрлейдi;

8) жылдық қаржыландыру жоспарын әзiрлейдi және бекiтедi;

9) республикалық бюджетті нақтылау (түзету) жөнiнде ұсыныстар енгiзедi;

10) бюджеттік бағдарламалардың тиiмдiлiгiн бағалауды жүзеге асырады;

11) мемлекеттік және мемлекет кепiлдiк берген қарыз алуды және борышты жоспарлау мен талдауды жүзеге асырады;

12) бюджеттік кредиттеудi жоспарлау мен талдауды жүзеге асырады;

13) Қазақстан Республикасының заңдарына сәйкес өзге де өкiлеттiктердi жүзеге асырады.

60-бап. Экономикалық жоспарлау жөніндегі орталық уәкiлеттi органның құзыретi

Экономикалық жоспарлау жөніндегі орталық уәкiлеттi орган бюджеттік қатынастарды реттеу саласында:

1) республиканың әлеуметтiк-экономикалық дамуының орта мерзiмдi жоспарының жобасын әзiрлейдi;

2) басым бюджеттік инвестициялық жобалардың (бағдарламалардың) тiзбесiн қалыптастырады;

2004.20.12 № 13-III ҚР Заңымен 3) тармақша толықтырылды (2005.01.01. бастап қолданысқа енгiзiлдi)

3) байланысты гранттарды тартуға басымдығы бар өтiнiмдердiң тiзбесiн қалыптастырады және оны Қазақстан Республикасының Yкіметіне бекітуге енгiзедi;

2004.20.12 № 13-III ҚР Заңымен 4) тармақша толықтырылды (2005.01.01. бастап қолданысқа енгiзiлдi)

4) бюджеттік инвестициялар мен байланысты гранттардың тиiмдiлiгiн бағалауды жүргiзедi;

5) Қазақстан Республикасының заңдарына сәйкес өзге де өкiлеттiктердi жүзеге асырады.

61-бап. Бюджеттiң атқарылуы жөніндегі орталық уәкiлеттi органның құзыретi

Бюджеттiң атқарылуы жөніндегі орталық уәкiлеттi орган:

1) республикалық бюджеттi атқарады және жергiлiктi бюджеттердiң атқарылуына қызмет көрсетудi жүзеге асырады;

2) тиiстi қаржы жылына арналған республикалық бюджет туралы, бюджетке өзгерістер мен толықтырулар енгізу туралы заңдардың жобаларын әзiрлеуге қатысады;

3) тиiстi қаржы жылына арналған республикалық бюджет туралы заңды iске асыру туралы Қазақстан Республикасы Үкіметі қаулысының жобасын әзiрлеуге қатысады;

4) бюджетке түсетiн түсiмдердi болжауға және мемлекеттік бюджетке кiрiстердiң түсуi саласындағы мемлекеттік саясаттың мақсаттары мен басымдықтарын айқындауға қатысады;

5) республикалық бюджеттiң түсiмдерi мен оны қаржыландырудың жиынтық жоспарларын бекiтедi және оларға өзгерістер енгiзедi;

6) республикалық бюджеттік бағдарламалардың әкiмшiлерiне рұқсаттар бередi;

7) мемлекеттік мекемелердiң азаматтық-құқықтық мәмiлелерiн тiркеудi жүзеге асырады;

8) мемлекеттік мекемелердiң мiндеттемелерi бойынша төлемдердi жүзеге асырады;

9) уақытша бос бюджеттік ақшаны Қазақстан Республикасының Ұлттық Банкіндегі салымдарға (депозиттерге) орналастырады;

10) банктiк шоттардан шетел валютасын қайта айырбастау тәртібін айқындайды;

11) осы Кодексте белгіленген жағдайларда қаржыландыруды тоқтата тұрады;

12) бюджеттi атқару жөніндегі орталық уәкiлеттi органда мемлекеттік мекемелердiң шоттарын ашу, жабу және жүргiзу тәртібін айқындайды;

13) бюджеттік есепке алуды жүргiзу тәртібін айқындайды;

14) есептiлiк жасаудың және табыс етудiң тәртібін айқындайды;

15) Қазақстан Республикасы Yкіметінiң қарыздарын алады, пайдаланады, тiркейдi, өтейдi және оларға қызмет көрсетедi, бағалы қағаздардың ұйымдастырылған рыногында өзi шығарған мемлекеттік эмиссиялық бағалы қағаздарды сатып алу мен сатуды жүзеге асырады;

16) мемлекеттік емес қарыздардың мемлекеттік кепiлдiктерi бойынша мiндеттемелердiң орындалуын қамтамасыз етедi;

17) бюджет қаражатын игеру мониторингiн жүзеге асырады;

18) республикалық бюджеттің атқарылуы барысында республикалық бюджеттік бағдарламалардың тиiмділігiн бағалауды жүзеге асырады;

19) республикалық және жергiлiктi бюджеттердiң атқарылуы, бюджеттік есепке алу, есептiлiк жөніндегі әдiстемелiк басшылықты жүзеге асырады;

20) Қазақстан Республикасы Үкіметінiң тапсырмасы бойынша келiссөздер жүргiзедi, Қазақстан Республикасы Үкіметінiң қарыздар шарттарына қол қояды, Қазақстан Республикасы Үкіметінiң мемлекеттік эмиссиялық бағалы қағаздарын шығарады, мемлекеттік емес қарыздар бойынша мемлекеттік кепiлдiктер бередi;