"Қазақпарат" ҰК" ААҚ
2002 жылмен салыстырғанда 2003 жылы кiрiстердiң 4 есе немесе 79,9 млн. теңгеге ұлғаюы байқалды. Бұл ретте шығыстар 78,9 млн. теңгеге немесе 3 есе өстi. Кiрiстердiң өсуiнiң шығыстардың 6 %-ға асып түсуi Компанияның қаржы жағдайының бiртiндеп оңалуының және дағдарыс алдындағы жағдайдан шығуын білдіредi.
Ақпараттық өнiм өндiрiсi өсуiнiң жандануы, жазылушылар санын ұлғайту жөнiнде алдын ала қабылданған шаралар, ұсынылатын өнiм сапасының артуы, тілшiлiк желiнi одан әрi iрiлендiру Компанияның белгiлi бiр нәтижелерге қол жеткізуiне мүмкiндiк бердi.
Компанияның өндірiстiк қуатының өсуiн егжей-тегжейлi қараған жағдайда 2002 жылмен салыстырғанда 2003 жылы шығарылатын жаңалық өнімiнiң абсолюттi мәндегi саны жыл сайын 15204 жаңалыққа немесе 83,4%-ға өсті.
2003 жылы жұмыс қорытындылары бойынша жалпы кiрiс 100,9 млн. теңгенi, шығыстық бөлiк 102,7 млн. теңгенi құрады, бұл 1,8 млн. теңге мөлшеріндегі залалды нәтижеге әкеп соқты.
2004 жылы негізгi қызметтен түсетiн кiрiс 142,9 млн. теңге сомасында жоспарланып отыр, бұл 2003 жылмен салыстырғанда 43%-ғa немесе 43,2 млн. теңгеге артық. Бұл ретте шығыстар 137,2 млн. теңге сомасында жоспарланған, бұл 2003 жылғы соған ұқсас кезеңмен салыстырғанда 34%-ға артық.
2004 жыл бойы қолданыстағы ұстанымдарды күшейту, әрi неғұрлым перспективалы ақпараттық рыноктарға шығу жоспарлануда. Осы тұрғыда сапалы компаниялар санын жүргiзу есебiнен клиенттік базаны одан әрi кеңейту, сондай-ақ жаңа пилоттық жобаларды енгізу, қосымша маркетингтiк әзiрлемелердi жүргiзу ұйғарылып отыр.
Қазақстанның индустриялық-инновациялық саясатын жария ету үшiн 2004 жылдың басында Компания сайтында "Индустриялық-инновациялық саясат" атты баннер орналастырылды, мұнда Қазақстан Республикасының индустриялық-инновациялық даму стратегиясының тарихына, ағымдағы жай-күйiне және перспективаларына қатысты барлық тақырыптар мен мәселелердiң жарияланымы көрiнiс тапты.
"Қазақстан инжиниринг" ҰК" ААҚ
Машина жасау саласындағы қызметтi жүзеге асыратын "Қазақстан инжиниринг" ҰК" ААҚ "Қазақстан Республикасы қорғаныс-өнеркәсiп кешенiнiң кейбір мәселелерi туралы" Қазақстан Республикасы Үкіметінiң 2003 жылғы 13 наурыздағы № 244 қаулысының негiзінде құрылды.
2002 жылы Компания өндiрген өнiм көлемi 4,4 млрд. теңгенi, 2003 жылы 3,9 млрд. теңгенi құрады, азаю 11,4%-ды құрады.
Негiзгi қызметтен түсетін кiрiс 2002 жылы 4,9 млрд. теңгенi, 2003 жылы 4,5 млрд. теңгенi құрады. Кiрiстердiң азаюы 8,6%-ды құрады.
2002 жылы таза залал 75 млн. теңге сомасында қалыптасты, 2003 жылы 609,7 млн. теңгенi құрады.
2003 жылы мұндай залалдық цифрларының пайда болуын туындатқан себептер: өткен жылдар шығыстарының 2003 жылы көрiнiс табуы, кәсiпорындарда жүйеленген әрi дұрыс бухгалтерлiк және салықтық есептiң болмауы, дебиторлық берешектi өндiрiп алу жөнiндегі қанағаттанғысыз жұмыс, өнiмнiң өзiндiк құнын қалыптастырудың дұрыстығын бақылаудың болмауы болып табылады, бұл тауарларды өзiндiк құнынан төмен өткізуге алып келдi.
2005-2007 жылдарға арналған перспективалар
"ҚазМұнайГаз" ҰК" ЖАҚ
Мақсаттары мен мiндеттерi
Компания өз алдына мынадай ұзақ мерзiмдi стратегиялық мақсаттарды қояды:
шикiзат базасын дамыту және шикiзат өндiрудiң жоғары өсу қарқынын ұстап тұру;
шикiзат ресурстарын пайдаланудың тиiмдiлігін арттыру;
мұнай операцияларын қолдау үшiн мұнай өңдеу саласын, мұнай-газ тасымалы жүйесi мен инфрақұрылымын дамыту;
жобаларды Компанияның Солтүстiк Каспий жобасын iске асыру шеңберiнде қатысуымен кеңейтудi қамтамасыз ету;
Каспий теңiзiнiң қазақстандық секторын игерудiң мемлекеттік бағдарламасына сәйкес функциялар мен iс-шараларды жүзеге асыру;
мұнай-газ саласы үшін ұлттық кадрларды дамыту;
өндiрiстегi қауiпсiздiктi қамтамасыз ету және қоршаған ортаны қорғау.
Қойылған мақсаттар мен міндеттерге қол жеткізу жолдары
Мұнай мен газ өндiру жөнiндегі қуаттың, техникалық деңгейдiң өсуi, инфрақұрылымды дамыту және әртараптандыру негiзiнде Компания мен оның еншiлес ұйымдарының көмiрсутектердi барлауды, өндiрудi, қайта өңдеудi, тасымалдауды және өткізудi қоса алғанда, инвестициялық қызметiнiң тиiмдiлігін қамтамасыз ететiн белсендi инвестициялық саясат қойылған мақсаттарға қол жеткізудегi негізгі құрал болып табылады.
2005 жылы мұнай өндiру 8,7 млн. тоннаға, ал 2006 және 2007 жылдары 8,85 млн. тоннаға жетедi деп жоспарлануда.
Атырау МӨЗ-де мұнай өңдеу көлемi 2005 жылы 2500 млн. тоннаны және 2006 мен 2007 жылдары 3100 млн. тоннаны құрайды.
2006 жылы мұнай тасымалдау көлемi 2007 жылы 52,3 млн. тоннаға ұлғаюымен 46,6 млн. тонна деңгейiнде жоспарлануда.
2005 жылы газ тасымалдау көлемi 133,3 млн. м.3, 2006 жылы 141,2 млн. м.3, 2007 жылы 154,7 млн. м.3 құрайды.
Компанияның жиынтық таза табысы 2006 жылы - 40,2 млрд. теңге және 2007 жылы - 45,7 млрд. теңге болып жоспарлануда.
Мұнайды өткізу барлық үш дәстүрлi бағыт бойынша жүзеге асырылады: iшкi рынок (Атырау МӨЗ), жақын және алыс шетелдерге экспорт, оның үстiне Атырау МӨЗ-ге және алыс шетелдерге жеткізу басымдылық сипатқа ие болады. Алыс шетелдерге экспорт шығару 2003 жылы 2,1 млрд. тоннадан 2007 жылы 2,2 млн. тоннаға дейiн ұлғаяды.
Бірқатар негiзгі инвестициялық жобаларды, оның iшiнде:
Өзен кен орнын оңалту (19,3 млрд. теңге) және Амангелдi топты газ кен орындарын игеру (21,5 млрд. теңге) жобаларын;
мынадай: Оңтүстiк Жамбай - Оңтүстiк Забурунье (310 млрд. теңге), Түпқараған (15,4 млрд. теңге), Аташ (3,5 млрд. теңге), C1 жағалау блогы, С2 жағалау блогы, Арал (14,2 млрд. теңге) кен орындарын геологиялық барлау және игеру жобаларын;
Атырау МӨЗ-дi қайта жаңарту жобасын (42,9 млрд. теңге);
Атырау қаласы әуежайының ұшу-қону алаңын салу жобасын (3,4 млрд. теңге);
Батыс Қазақстанда мультсервистік байланыс желісін салудың және Атырау-Теңiз-Ақтау, Шымкент-Құмкөл учаскелерiнде ТОБЖ салуды қаржыландыруға үлестік қатысудың бiрiктiрiлген жобасын (2,1 млрд. теңге); мұнай мен газды қайта өңдеу өнiмдерiн өткізу желісін құру және кеңейту жобасын (3,5 млрд. теңге) жүзеге асыру жоспарлануда.
"Қазатомөнеркәсiп" ҰAК" ЖАҚ
Мақсаттары мен міндеттерi
Уран өнеркәсiбi кәсiпорындарын басқару функцияларын қамтамасыз ету Қоғамның негізгі мақсаты болып табылады.
Мақсаттарға орай, болжамды кезеңде шешiлуi қажет мынадай мiндеттер қалыптасты.
Уран өндірiсiн дамыту бойынша
жылына BBЭP үлгiсiндегі реакторлар үшін 200 тонна отын таблеткаларын және РБМК үлгiсiндегі ресейлiк реакторлар үшін 200 тонна отын таблеткаларын өндiре отырып, УГФ мен қалпына келтiрiлген уранды отын таблеткаларына дейiн қайта өңдеу қызметтер көрсету рыногында өз ұстанымын сақтау;
құрамында уран бар материалдарды - қайталама балқымаларды жылына 150 тонна көлемінде қайта өңдеу қызметтері бар әлемдік уран рыногындағы өз ұстанымдарын сақтау және кеңейту;
ТУХК-тi уранның техникалық тотықша-тотығына дейін жылына 2400 тонна көлемiнде қайта өңдеудi қамтамасыз ету;
құрамында уран бар өнiмдермен - уран диоксиді ұнтағымен және ауырсу реакторлары үшін таблеткалармен, қазақстандық шикiзаттан уранның байытылмаған гексафторидiмен алыс шетел рыноктарына шығу.
Бериллий өндірісін дамыту бойынша:
бериллий лигатуралары мен құймакесектерiн өндiрудiң экономикалық тиiмдiлiгін арттыру;
мыс-бериллий қорытпаларын өндiру және сату көлемдерiн ұлғайту;
мыс-бериллий лигатураларын алудың карботермикалық технологиясын жетiлдiру;
карботермия әдiсiмен алынған лигатурадан құрамында 10% бериллий бар мыс-бериллий өндiрудi игеру.
Тантал-ниобий өндiрiсiн дамыту бойынша:
тантал-ниобий шикiзатының дербес шикiзат базасын құру және дамыту;
тантал-ниобий шикiзатын кешендi өңдеу жөнiндегі технологияларды әзiрлеу және қуаттарды құру;
ниобий өнiмiнiң толық спектрін өндiрудi игеру, дайын бұйымдарға шығумен қайта өңдеу дәрежесiн одан әрi арттыру.
2006 жылы 3552 млн. теңге, 2007 жылы 4391 млн. теңге таза пайда алу жоспарланып отыр.
Қойылған мақсаттар мен мiндеттерге қол жеткізу жолдары
бәсекеге қабiлеттi ядролық отын өндіру;
уран өнiмiнiң барлық түрi бойынша маркетингтік зерттеулердiң тиiмдiлiгін арттыру;
ғылыми-зерттеу жұмыстарын жүргізу және жартылай үзбей құю технологиясын енгізу;
конденсаторлар үшiн сыйымдылығы жоғары тантал ұнтақтарын және сым өндiру технологиясын құру;
жұмыс iстеп тұрған өндiрiстi техникалық қайта жарақтандыру.
Инвестициялық жобалар
Уран, бериллий және тантал өндiру жобаларын iске асыру өңiрi Шығыс Қазақстан облысы, Өскемен қаласы, "ҮМЗ" ААҚ.
Уран өндiрiсi:
"YMЗ" ААҚ-та "№ 600 корпуста апаттық дабыл беру жүйесiн қайта жаңарту" (жобаның жалпы құны - 4,85 млн. теңге);
№ 600 корпуста "Желдету және үйлестiру жүйесін оңтайландыру" (61 млн. теңге);
"АЭС үшiн отын элементтерін өндiрудi жетiлдiру. № 600 корпуста уран тотығын қалпына келтiрудiң зертханалық учаскесi" (28,6 млн. теңге);
"4.4A корпусында уранның күлi мен ашылуы қиын концентраттарын қайта өңдеу жөніндегi толық технологиялық цикл құру" (220,9 млн. теңге);
"Жұмыс iстеп тұрған өндiрiстi техникалық қайта жарақтандыру" (1072,1 млн. теңге);
"Қышқылдардың шығыстық қоймасы. 713-құрылыс" (69,5 млн. теңге).
Бериллий өндiрiсi:
"Жұмыс iстеп тұрған өндiрiстi техникалық қайта жарақтандыру" (313,1 млн. теңге).
Тантал өндiрiсi:
"Танталдан жасалған сыйымдылығы жоғары ұнтақтарды шығару технологиясын әзiрлеу және оны игеру" (1186,3 млн. теңгe);
"YМЗ - тау-кен байыту комбинаты". Меншiктi плавиктi шпат шикiзат базасын құру болжануда. Жобаның жалпы құны - 1129,4 млн. теңге;
"Булаушы тоғандарды қайта жаңалау" (562,5 млн. теңге).
"Азық-түлiк келісім-шарт корпорациясы" ЖАҚ
Мақсаттары мен міндеттері
2005-2007 жылдары елдiң азық-түлiк қауіпсiздiгін қамтамасыз ету, астық бағасының демпингiнiң алдын алу, астық өткізу рыноктарын кеңейту компанияның негiзгi мақсатына жатады.
Мыналар Корпорацияның негiзгi мiндетi болып табылады:
мемлекеттік астық ресурстарының сақталуын және жаңартылуын қамтамасыз ету;
қазақстандық астықты әлемдiк рыноктарға жылжыту және дәстүрлі рыноктардағы ұстанымдарды нығайту.
Қойылған мақсаттар мен мiндеттерге қол жеткізу жолдары
2005-2007 жылдары мынадай шаралар көзделеді:
тұқымдық материал сапасын жақсарту жөніндегі жұмыстарды жүргiзу;
iшкi рыноктағы астық бағасын реттеу;
мемлекеттік азық-түлiктiк астық резервінiң сақталу сенімдiлiгiн арттыру;
қазақстандық астықты, оның iшiнде оны тасымалдау жөніндегi проблемаларды шешу жолымен өткізудiң тиiмділігiн жоғарылату;
астық өңдеушi ұйымдарға астық өткізудiң тәртібін, оның уақтылы және тиiмдi өткiзiлуiн қамтамасыз ету мақсатында жетiлдiру;
қазақстандық астықты халықаралық рыноктарға жылжыту.
2005 жылға арналған жалпы кiрiс 36697,1 млн. теңге мөлшерiнде жоспарланған, оның iшiнде:
мемлекеттік астық ресурстарын басқарудан түсетiн кiрiс 4880,9 млн. теңге;
меншіктi қаржы-шаруашылық қызмет бойынша кiрiс - 31813,2 млн. теңге. 2005 жылы бюджетке мемлекеттік акциялар пакетiне 244,7 млн. теңге мөлшерiнде дивидендтер аудару жоспарланады.
2006 жылға арналған жалпы кiрiс 37407,4 млн. теңге мөлшерiнде жоспарланды, оның iшiнде:
мемлекеттік астық ресурстарын басқарудан түсетін кiрiс 4975,4 млн. теңге;
меншiктi қаржы-шаруашылық қызмет бойынша кiрiс - 32431,9 млн. теңге. 2006 жылы бюджетке мемлекеттік акциялар пакетiне 249,4 млн. теңге мөлшерiнде дивидендтер аудару жоспарланады.
2007 жылға арналған жалпы кiрiс 38131,4 млн. теңге мөлшерінде жоспарланды, оның ішінде:
мемлекеттік астық ресурстарын басқарудан түсетін кiріс 5071,7 млн. теңге;
меншiктi қаржы-шаруашылық қызмет бойынша кiрiс - 33059,7 млн. теңге. 2007 жылы бюджетке мемлекеттік акциялар пакетiне 254,2 млн. теңге мөлшерiнде дивидендтер аудару жоспарланады.
"Ұлттық ақпараттық технологиялар" ЖАҚ
Мақсаттары мен мiндеттерi
Қоғамның 2005-2007 жылдардағы негізгi мақсаты электрондық үкiметтi құру үшiн базаны қалыптастыру болып табылады.
Қоғамның негiзгі мiндеттерi болып мыналар табылады:
Қазақстан Республикасының ұлттық ақпараттық инфрақұрылымын қазiргi заманғы технологияларды қолдана отырып қалыптастыру, оның iшiнде электрондық үкiметтiң инфрақұрылымын құру iске асыру және оған қызмет көрсету, мемлекеттік органдардың ақпараттық ресурстарын бірiктiру;
мемлекеттік органдардың ақпараттық жүйесін жүйелiк-техникалық қызмет көрсету және сүйемелдеу, телекоммуникациялық қызметтер көрсетудi қамтамасыз ету үшін техникалық базаны қалыптастыру.
Қойылған мақсаттар мен мiндеттерге қол жеткізу жолдары
Мақсаттарға қол жеткізу және мiндеттердi iске асыру үшiн Қоғам 2005-2007 жылдары мынадай шараларды көздейдi:
ақпараттық технологиялар саласында тәжiрибенi зерттеу және озық халықаралық компаниялармен ынтымақтастық;
жоғары білікті ұжымды оқыту және қалыптастыру;
Қазақстан Республикасының ұлттық ақпараттық инфрақұрылымының нормативтiк құқықтық базасын қалыптастыруға қатысу және жетiлдiру;
мемлекеттік органдардың қолданыстағы және әзiрленетiн ақпараттық жүйелерiн бiрiктiру.
Қоғам 2005 жылы қаржылық-шаруашылық қызметiнен 51,9 млн.теңге мөлшерiнде таза табыс алуды жоспарлап отыр, оның бюджетке 4,9 млн.теңге мөлшерiнде акциялардың мемлекеттік пакетiне дивидендтердi аудару жоспарлануда.
Қоғам 2006 жылы қаржылық-шаруашылық қызметінен 67,2 млн.теңге мөлшерінде таза пайда алуды жоспарлап отыр, оның 30,2 млн.теңге мөлшерiнде бюджетке акциялардың мемлекеттік пакетіне дивидендтерді аудару жоспарлануда.
Қоғам 2007 жылы қаржылық-шаруашылық қызметiнен 71,8 млн.теңге мөлшерiнде таза пайда алуды жоспарлап отыр, оның 35,9 млн.теңге мөлшерінде бюджетке акциялардың мемлекеттік пакетiне дивидендтердi аудару жоспарлануда.
"Мемлекеттік жинақтаушы зейнетақы қоры" ЖАҚ
Мақсаттары мен мiндеттерi
Қордың 2005-2007 жылдардағы негiзгi мақсаты кәсiптiк менеджментпен тұрақты қаржы институты ретiнде Қазақстан Республикасы халқының барлық топтары мен өңiрлерi үшiн зейнетақы қызметтер көрсетуiнiң сапасы мен оған қол жеткізудiң жоғары деңгейiн ұсынатын қор ретiнде құрылуы болып табылады.
Осы мақсатты iске асыру үшiн мынадай мiндеттердi шешу жоспарланып отыр:
менеджмент пен қызметтер көрсету сапасының халықаралық стандарттарын енгізу және сақтау;
салымшылардың жеке зейнетақы шоттарындағы зейнетақы жинақтарын сақтау мен өсiру мүдделерiне сай зейнетақы активтерiн тиiмдi инвестициялық басқаруды қамтамасыз ету;
Қордың қаржылық орнықтылығын және салымшылардың зейнетақы жинақтарының сақталуын қамтамасыз ету мақсатында тәуекелдердi басқару жүйесiн әзiрлеу және енгізу;
Қордың қалыптасқан салымшыларымен олардың зейнетақы заңдары бойынша өз құқықтары мен мiндеттерi туралы білімдерiн арттыруды, сондай-ақ тұрғындар үшiн Қор қызметiнiң ашықтығын және айқындығын қамтамасыз ету мақсатында ақпараттық-түсiндiрме жұмысын күшейту;
жүйе арқылы өңiрлерде өңiрлiк өкiлдiктердiң, филиалдардың (Алматы қаласында филиал құруды қоса алғанда), агенттiк пункттердiң және жеке тұлға-агенттердiң жұмысын ұлғайта отырып, тұрғындар үшiн зейнетақы қызметтер көрсетуiнiң қол жеткізу мүмкiндiгiн және оның сапасын арттырудан тұратын өңiрлiк саясатты одан әрi белсендi дамыту;
бәсекелi орта жағдайларында Қордың тұрақты жұмыс iстеуiн қамтамасыз ету және көрсетілетiн зейнетақы қызметтерiнiң сапасын арттыру мақсатында Қорда маркетингтiк бөлiмшесiн құра отырып, маркетингтiк жұмысты күшейту;
салымшыларға арналған ақпараттық материалдардың саны мен сапасын арттыру;
салымшылардың, олардың жеке зейнетақы шоттарындағы зейнетақы жинақтар есебiнiң сенімдiлiгiн қамтамасыз ету және зейнетақы қызметтерi көрсетуiн жаңа ақпараттық технологияларды пайдалана отырып ұсыну мақсатында негізгі бизнес-процессорларды автоматтандырып, Қордың бағдарламалық-техникалық жағынан қамтамасыз етiлуiн жаңғырту жөнiнде басталған жұмысты аяқтау.
Қойылған мақсаттар мен міндеттерге қол жеткізу жолдары
Қор 2005-2007 жылдары мiндеттердi негiзгi төрт кезеңде iске асыруды жоспарлап отыр:
ИСО 9001-2000 халықаралық стандарттарына сәйкес сапаның менеджмент жүйесiн енгізу;
енгiзiлген сапаның менеджмент жүйесiн ИСО 9001-2000 стандарт талаптарына сәйкес жоғары деңгейде ұстап тұру;
қызметкерлердiң сапаның әзiрленген менеджмент жүйесiне сәйкес жұмысқа кәсiби дайындығы;
салымшының Қордың қаржылық орнықтылығын және оның тұрақты табыс беретiн қазiргi заманға сай сапалы қызмет көрсету мүмкiндiктерiне деген сенімiне ие болып, оны тұрақты сақтап қалу арқылы Қордың рыноктық бәсекеге жарамдылығын сақтау және жетiлдiру.
"KEGOC" ААҚ
Мақсаттары мен мiндеттерi
Қоғамның негiзгi мақсаты тұтынушыларды энергиямен сапалы және кiдiрiссiз жабдықтауға, Қазақстан экономикасының электр энергиясымен өзiн өзi қамтамасыз етуiне жету болып табылады.
Осыған байланысты 2005-2007 жылдары кезеңiне мынадай мiндеттердi шешу қажет:
"KEGOC" ААҚ-тың көлiк жүйесiн оңалтуға және энергия жүйенiң диспетчерлiк басқарылуын жетілдiруге бағытталған "Қазақстан Республикасының ұлттық электр торабын жаңғырту" жобасын аяқтау ХЖДБ мен ЕЖДБ алдындағы негізгi борышты төлеуге кiрiсу;
құрылысқа қажеттi қарыз қаражатын тарта отырып, "Қазақстанның Солтүстiк-Оңтүстiгi" транзитiнiң 500 кВ-тық екiншi электр беру желісін салуды бастау. Осы жобаны iске асыру қолданыстағы транзиттiң сенімдiлiгiн арттыруға, сондай-ақ Солтүстiк өңiрдегі iрi электр станцияларынан арзан электр энергиясын беру есебiнен Оңтүстiк Қазақстанда электр энергиясы мен қуат тапшылығын жабуға мүмкiндiк бередi;
электр тораптық объектiлердi жөндеу мен пайдалану жөнiнде қажеттi жұмыстарды жүргiзу;
Қоғамның шығынсыз қызметiн қамтамасыз ету.
Қойылған мақсаттар мен мiндеттерге қол жеткізу жолдары
Қоғам қойылған мiндеттердi шешу үшiн:
көрсетiлетiн қызметтердiң сапасы мен республиканың Бiртұтас энергетикалық жүйесiнiң жұмыс iстеу сенімдiлігін қамтамасыз ету мақсатында Қоғамды басқару құрылымын және Қазақстан Республикасының Бiртұтас энергетикалық жүйесiн жетiлдiру жөніндегі жұмыстар жүргiзу;
"Қазақстанның Солтүстiк-Оңтүстiгi" 500 кВ-тық транзитiнiң екiншi электр беру желісін салу үшiн қажеттi қарыз қаражатын алуды жүзеге асыру; әдiснаманың тарифтiк саясатын жетiлдiру бойынша жұмысты жалғастыру.
2005 жылы техникалық диспетчерлендіру жөніндегі қызметтер көлемi 62,1 млрд. кВт.сағатқа, ал 2006 жылы - 64,3 млрд. кВт.сағатқа, 2007 жылы 67,0 млрд. кВт.сағатқа дейiн деңгейде жоспарланып отыр.
Электр энергиясын беру көлемi 2006 жылы 747 млн.кВт.сағатқа ұлғаяды және 30,98 млрд.кВт.сағат, 2007 жылы - 32 млрд.кВт.сағатты құрайды.
Қоғам негiзгi қызметiнен кiрiстердi: 2005 жылы 17,2 млрд.теңге (2004 жылға 14%-ға ұлғаю), 2006 жылы 18,5 млрд.теңге және 2007 жылы 19,9 млрд.теңге мөлшерiнде алуды жоспарлап отыр.
Қоғам қарастырылған кезеңде мынадай жобаларды iске асыруды жоспарлайды:
1. Ұлттық электр торабын жаңғырту жобасы. 2005 жылы жоба бойынша инвестициялар сомасы 5,9 млрд.теңге мөлшерiнде, оның iшiнде ХЖДБ мен ЕЖДБ қаражаты есебiнен - 4,5 млрд.теңге, Қоғам қаражатынан - 1,3 млрд.теңге жоспарланып отыр.
Тұтастай алғанда 2005-2006 жылдары барлық көздерден осы жобаға 10,8 млрд.теңге жұмсау көзделiп отыр.
2. "Қазақстанның Солтүстiк-Оңтүстігi" 500 кВ-тық транзитiнiң екiншi желісін салу жобасы.
"Қазпочта" ААҚ
Мақсаттары мен міндеттері
Қоғамның таяу перспективада дамуының негiзгі мақсаты жоғары сапалы деңгейде ұсынылатын почта-жинақтау қызметтерге еркiн қол жетiмдiлiгiн қамтамасыз ете алатын өңiрлiк инфрақұрылымды дамыту болып табылады.
Қойылған мақсатқа қол жеткізу үшiн мынадай мiндеттердi шешу қажет:
Қоғамның материалдық-техникалық базасын жаңғырту және қазiргi заманғы технологияларды енгізу;
почта-жинақтау қызметтерiн ұсыну сапасын арттыру;
ауыл тұрғындары үшiн почта-жинақтау жүйесiнiң базалық қызметiне қол жетiмдiлiктi және қоғамға лайықты сапаны қамтамасыз ету;
көрсетіліп отырған қызметтер көрсету аясын кеңейту және қазiргi заманғы банктiк өнiмдердi және Интернетке бағдарланған қызметтер көрсетудi енгізу үшiн технологиялық база құру;
басқарудың қазiргі заманғы технологияларын енгізу.
Қойылған мiндеттерге қол жеткізу мынадай iс-шараларды жүзеге асыруды болжайды:
қалалық, аудандық және ауылдық деңгейлерде өңiрлiк желiнi дамыту;
корпорациялық ақпараттық жүйенi құру негiзiнде қазiргі заманғы технологияларды енгізу;
нормативтiк құқықтық базаны жетiлдiру, жаңа қызметтердi көрсету жөнiндегі Қоғам қызметiн регламенттейтiн әдiснамалық базаны қалыптастыру. Шетелдiк ұйымдармен және почта әкiмшiлiктерiмен халықаралық ынтымақтастықты дамыту саласында Қоғам мынадай бағыттарды айқындады:
бiртұтас почта аумағын сақтау, сала қызметкерлерiн оқыту үшiн Дүниежүзiлiк почта одағының органдарымен, өңiрлiк почта одақтарымен, шетелдiк почта әкiмшiлiктерiмен ынтымақтастықты дамыту;
Қазақстан Республикасы мен шетел мемлекеттерiнiң арасында авиа және жерүсті көлiктерiмен жiберiлетiн почта жөнелтілімдерiнiң жүрiп өтетiн бақылау мерзiмiн әзiрлеу және енгізу.
Қойылған мақсаттар мен мiндеттерге қол жеткізу жолдары
Қазiргi заманғы технологиялар мен жабдықтарды пайдалану қызметтердi ұсыну сапасын арттыруға және олардың аясын кеңейтуге мүмкiндiк бередi. Мынадай iс-шаралар басым болып айқындалған: почта байланысын пайдаланудың сапалық көрсеткiштерiн бағалау нормативтерiн және почта жөнелтiмдерiн жеткізудiң бақылау мерзiмдерiн қысқарту мақсатында қайта қарау, өңiрлiк желiнi және магистралдық бағыттарды оңтайландыру.
Алға қойылған мақсаттарға табысты қол жеткізу үшiн таяу перспективада көрсетiлетiн қызметтер аясын кеңейтуге, олардың жаңа түрлерiн енгізуге көп назар аударылады, оның iшiнде:
тапсырыстар бойынша сәлемдемелiк сауда жүйесiнiң шегінде сервистiк қызмет көрсету арқылы "Тауар-Почтамен" каталогтары бойынша почталық сауданы ұйымдастыру және дамыту, оның iшiнде Интернет арқылы;
трансфер-агенттiк қызметтердi ұсыну;
зейнетақы қорларына зейнетақы жинақтары туралы хабарламаларды жеткiзiп беруге байланысты салымшыларды шарт жасасуға тарту жөнiнде агенттiк қызмет көрсету саласын кеңейту;
жасасқан шарттар бойынша сақтандыру ұйымдарымен агенттік қызметтер көрсетудi дамыту.
Қазақстан экономикасының индустриялық-инновациялық дамуына жәрдемдесу үшiн Қоғам 2005-2007 жылдары бiртұтас ақпараттық кеңiстiкке қол жетiмдiлiктi қамтамасыз ететін және технологиялық дамудың базалық тұғыры болатын технологиялық процестердiң жаңғырту және автоматтандыру процесiн жалғастыру жоспарланып отыр. Негізгi iс-шаралар ретiнде мыналар айқындалды:
корпорациялық ақпараттық жүйенi енгізудi аяқтау;
Қоғамның ауылдық өңiрлiк желісін компьютерлендiру;
Қоғамның материалдық-техникалық базасын жаңғыртуды жүзеге асыру және қазiргi заманғы технологияларды енгізу;
жоғары технологиялық қызметтердi енгізу үшiн техникалық және әдiснамалық негіз құру.
2005-2007 жылдары шығатын жазбаша хат-хабардың көлемін 17,2 млн. бiрлiкке дейiн немесе 2003 жылға қарағанда 6,2%-ға ұлғайтуды қамтамасыз ету және 2005-2007 жылдары сәлемдемелерді қабылдау деңгейiн 1,4 млн. бiрлiкке дейiн немесе 2003 жылмен салыстырғанда 16,7%-ға арттыру, мерзiмдi баспа басылымдарының көлемiн 2003 жылмен салыстырғанда 2007 жылы 8,1 %-ға өсуiн қамтамасыз ете отырып, 2007 жылы 98,4 млн. бiрлiкке дейiн жеткізу жоспарланып отыр. 2007 жылы қабылданған жеделдетiлген почта жөнелтілімдерiнiң санын 350 мың бiрлiкке немесе 2003 жылмен салыстырғанда 9,4%-ға арттыру жоспарланады.
"Қазақтелеком" ААҚ
Мақсаттары мен мiндеттерi
Жоспарланып отырған кезеңге "Қазақтелеком" ААҚ жұмысының негiзгi мақсаты қоғамның және мемлекеттік басқару органдарының телекоммуникациялық қызметтер көрсетудiң барлық түрлерiн алудағы қажеттіліктерiн қанағаттандыру болып табылады.
"Қазақтелеком" ААҚ мiндеттері:
рынокта өзiнiң ұстанымын нығайту;
бизнеске бағдарланған iшкi және сыртқы саясатты қалыптастыру;
бәсекеге қабiлеттi әрi қазiргi заманғы телекоммуникациялық инфрақұрылымды қалыптастыру болып табылады.
Қойылған мақсаттар мен мiндеттерге қол жеткізу жолдары
қазiргi заманғы телекоммуникациялық инфрақұрылымды қалыптастыруды аяқтау;
жоғары табысты сегменттерде бизнестi жандандыру;
клиенттерге қызметтер көрсетумен қызмет көрсету сапасын арттыру.
Негiзгi телефон аппараттарының саны 2006 жылы 2004 жылмен салыстырғанда 5,9%-ғa өседi және 2,4 млн. бiрлiктi құрайды. Қалааралық, халықаралық телефон трафигі 13% өседi және 1,5 млрд. минутты құрайды.
Жай акцияларға дивидендтердi төлеу заңдарда белгiленген тәртiппен жүргiзiледi. 2005-2007 жылдары жай акцияларға дивидендтердi төлеуге таза пайданың 20%-ғa дейін бағыттау көзделуде.
