9) VII тарау алып тасталсын;
10) 31-бапта "арнайы уәкiлдiк берiлген мемлекеттік органдар және жергiлiктi атқарушы органдар" деген сөздер "Қазақстан Республикасының төтенше жағдайлар жөніндегі орталық атқарушы органы мен жергiлiктi атқарушы органдар" деген сөздермен ауыстырылсын;
11) 32-бапта "министрлiктер, мемлекеттік комитеттер, Қазақстан Республикасы Үкіметі құрамына кiрмейтiн орталық атқарушы органдар" деген сөздер "орталық мемлекеттік органдар" деген сөздермен ауыстырылсын.
38. "Жол жүрiсi қауiпсiздiгi туралы" 1996 жылғы 15 шiлдедегi Қазақстан Республикасының Заңына (Қазақстан Республикасы Парламентiнiң Жаршысы, 1996 ж., № 14, 273-құжат; 2001 ж., № 24, 338-құжат; 2003 ж., № 10, 54-құжат; № 12, 82-құжат):
1) мәтiнде "тарау" деген сөздiң алдындағы "I - IV" деген цифрлар тиiсiнше "1 - 4" деген цифрлармен ауыстырылсын;
2) 3-баптың алтыншы абзацы алып тасталсын;
3) 5-бапта:
екiншi абзацтағы "Үкiметтiң, министрлiктердiң, мемлекеттік комитеттердiң, өзге" деген сөздер "Қазақстан Республикасы Үкіметінiң," деген сөздермен ауыстырылсын; "органдардың" деген сөз "органдарының" деген сөзбен ауыстырылсын;
үшiншi абзацтағы "министрлiктердiң, мемлекеттік комитеттердiң, өзге де" деген сөздер алып тасталсын;
4) 6-бапта:
бесiншi абзацтағы "министрлiктердiң, мемлекеттік комитеттердiң, өзге де" деген сөздер алып тасталсын;
жетiншi абзац алып тасталсын;
5) 7-бапта:
тақырыбы мен бірiншi абзацы мынадай редакцияда жазылсын:
"7-бап. Жол жүрiсi қауiпсiздігі жөніндегі
орталық атқарушы органның өкiлеттiктерi
Жол жүрiсi қауiпсiздiгi жөніндегі орталық атқарушы органның өкiлеттiктерiне мыналар жатады:";
үшiншi абзацта "мемлекеттік" деген сөз алып тасталсын;
бесiншi абзац алып тасталсын;
жетiншi абзацта ", сондай-ақ мамандар даярлау" деген сөздер алып тасталсын;
тоғызыншы абзац мынадай редакцияда жазылсын:
"халықаралық және республикалық маңызы бар жолдарды салу, қайта жаңарту, жөндеу және күтiп ұстау кезiнде жұмыстың барлық түрлерiне жол жүрiсi қауiпсiздiгiне қатысты бақылау жасауды ұйымдастыру және жүзеге асыру;";
оныншы абзацта "мен сертификаттауды" деген сөздер алып тасталсын;
он бірiншi абзац "республикалық" деген сөздiң алдынан "халықаралық және" деген сөздермен толықтырылсын;
6) 8-бапта:
тақырыбында және 1-тармақтың бірiншi абзацында "Жергiлiктi өкiлдi және атқарушы органдардың", "жергiлiктi өкiлдi органдардың" деген сөздер "Аудандардың (қалалардың) жергiлiктi өкiлдi және атқарушы органдарының", "аудандардың (қалалардың) жергiлiктi өкiлдi органдарының" деген сөздермен ауыстырылсын;
2-тармақта:
бірiншi абзацта "жергiлiктi атқарушы органдардың" деген сөздер "аудандардың (қалалардың) жергiлiктi атқарушы органдарының" деген сөздермен ауыстырылсын;
төртiншi абзац алып тасталсын;
бесiншi абзацта "министрлiктердiң, мемлекеттік комитеттердiң, өзге де орталық атқарушы органдардың" деген сөздер алып тасталсын, "қауiпсiздiгiн қамтамасыз ету мәселелерi жөніндегі" деген сөздер "қауiпсiздiгi жөніндегі орталық атқарушы орган" деген сөздермен ауыстырылсын;
сегiзiншi және он бірiншi абзацтар мынадай редакцияда жазылсын:
"аудандардың (қалалардың) автомобиль жолдарында, қалалардың, аудандардың (қалалардың) елдi мекендерiнiң жол тораптарында салу, қайта жаңарту, жөндеу, оларда жол жүрiсiн реттеудiң техникалық құралдарын енгізу және күтiп ұстау, оларды күтiп ұстау, күзету және жолдарда қызмет көрсету объектілерін жайғастыру жөніндегі жұмыстарды орындау кезiнде жұмыстың барлық түрлерiнiң орындалуын қамтамасыз ету және бақылау;";
"жол жүрiсiн қамтамасыз ету саласында мамандар даярлау.";
7) 10-баптың 3-тармағы мынадай редакцияда жазылсын:
"3. Орталық және жергiлiктi атқарушы органдар есептілік жүйесiне кiретiн мәлiметтердi белгiленген тәртiппен сұратып алуға құқылы.";
8) 11-бапта:
1-тармақта "мемлекеттік" деген сөз "салалық" деген сөзбен ауыстырылсын;
2-тармақта "мемлекеттік" деген сөз "салалық" деген сөзбен ауыстырылсын; "тиiстi бюджеттер" деген сөздер "бюджет қаражаты" деген сөздермен ауыстырылсын;
9) 15-бапта:
3-тармақта "азаматтарға" деген сөз "адамдарға" деген сөзбен ауыстырылсын;
6-тармақта "Азаматтарды", "азаматтың" деген сөздер "Адамдарды", "адамдардың" деген сөздермен ауыстырылсын;
10) 17-бапта:
мынадай мазмұндағы 1-1-тармақпен толықтырылсын:
"1-1. Жол жүрiсi қауiпсiздiгiн медициналық қамтамасыз ету жөніндегі қызметтi үйлестiрудi денсаулық сақтау саласындағы уәкiлеттi орган жүзеге асырады.";
3-тармақ мынадай редакцияда жазылсын:
"3. Адамдардың көлiк құралдарын жүргiзуiне тыйым салуға негiз болатын медициналық кiнәраттардың тiзбесiн, медициналық куәландыру, тексеру тәртібін және олардың мерзiмдiлiгiн денсаулық сақтау саласындағы уәкiлеттi орган белгiлейдi.";
11) 18-бапта:
3-тармақта:
үшiншi бөлiк мынадай мазмұндағы 5) тармақшамен толықтырылсын:
"5) басқа мемлекеттерде тiркелген және Қазақстан Республикасының аумағына екi айдан артық мерзiмге әкелiнген жеңiл, жүк автомобильдерi мен автобустар, бұған қоса олардың шассилерiнде жасалған арнайы автомобильдер, мотоциклдер мен мотороллерлер, автомобильдердiң құрамында жүруге арналған тiркемелер";
төртiншi бөлiктiң 4) тармақшасы "мотоциклдер мен мотороллерлер" деген сөздерден кейiн ", автомобильдердiң құрамында жүруге арналған тiркемелер." деген сөздермен толықтырылсын;
12) 22-баптың 1-тармағы мынадай редакцияда жазылсын:
"1. Жол жүрiсiн ұйымдастыру жөніндегі iс-шараларды оның қауiпсiздiгi мен жолдардың өткізу қабiлетiн арттыру мақсатында автомобиль жолдарын дамытуды, сақтауды, жөндеудi және күтiп ұстауды қамтамасыз ететiн уәкiлеттi мемлекеттік орган, қарамағында автомобиль жолдары бар жергiлiктi атқарушы органдар, жеке және заңды тұлғалар, сондай-ақ жол жүрiсi қауiпсiздiгi жөніндегі орталық атқарушы органның аумақтық бөлiмшелерi жүзеге асырады.".
39. "Өрт қауiпсiздiгi туралы" 1996 жылғы 22 қарашадағы Қазақстан Республикасының Заңына (Қазақстан Республикасы Парламентiнiң Жаршысы, 1996 ж., № 18, 368-құжат; 1998 ж., № 23, 416-құжат; 1999 ж., № 20, 728-құжат; № 23, 931-құжат; 2000 ж., № 6, 142-құжат; 2002 ж., № 17, 155-құжат; 2003 ж., № 14, 112-құжат; № 24, 177-құжат):
1) мәтіндегі "Қазақстан Республикасының өрт қауiпсiздiгi жөніндегі орталық атқарушы органының", "Қазақстан Республикасының өрт қауiпсiздiгi жөніндегі орталық атқарушы органы", "Қазақстан Республикасының өрт қауiпсiздiгi жөніндегі орталық атқарушы органына", "Қазақстан Республикасының өрт қауiпсiздiгi жөніндегі орталық атқарушы органымен", "өрт қауiпсiздiгi жөніндегі орталық атқарушы орган" деген сөздер тиiсiнше "өрт қауiпсiздiгi саласындағы уәкiлеттi органның", "Өрт қауiпсiздiгi саласындағы уәкiлеттi орган", "өрт қауiпсiздiгi саласындағы уәкiлеттi органға", "өрт қауiпсiздiгi саласындағы уәкiлеттi органмен", "өрт қауiпсiздiгi саласындағы уәкiлеттi орган" деген сөздермен ауыстырылсын;
2) 1-бапта:
төртiншi абзацтағы "мемлекеттік" деген сөз алып тасталсын;
бесiншi абзацтағы ", уәкiлеттi мемлекеттік органның нормативтiк актілерімен" деген сөздер алып тасталсын;
оныншы абзацтағы "өртке қарсы қызметтiң" деген сөздер алып тасталсын;
мынадай мазмұндағы он екiншi - он төртiншi абзацтармен толықтырылсын:
"қоныстану аумағы - елдi мекен аумағының тұрғын үй қорын, қоғамдық ғимараттар мен құрылыстарды, сондай-ақ жекелеген коммуналдық және өнеркәсiптiк объектiлердi орналастыруға арналған бөлiгi;
өртке қарсы ерiктi құралымдар - азаматтардың елдi мекендерде және ұйымдарда өрттiң алдын алу мен оны сөндiрудi ұйымдастыруға қатысу нысаны;
ерiктi өрт сөндiрушi - өрттiң алдын алу және (немесе) сөндiру жөніндегі қызметке ерiктi негiзде (жеке еңбек шартын жасаспай) тiкелей қатысатын азамат;";
3) 4-баптың екiншi бөлiгіндегі "Мемлекеттік" деген сөз алып тасталсын;
4) 2-тараудың тақырыбындағы "органдары мен жергiлiктi өзiн-өзi басқару" деген сөздер алып тасталсын;
5) 5-бапта:
төртiншi абзацтағы "Қазақстан Республикасы Үкіметі құрамына кiрмейтiн министрлiктер, және орталық атқарушы органдар, жергiлiктi атқарушы" деген сөздер "мемлекеттік" деген сөзбен ауыстырылсын;
жетiншi және сегiзiншi абзацтар мынадай редакцияда жазылсын:
"бюджет қаражаты есебiнен қамтылатын өртке қарсы қызметтiң штат саны лимитiн белгiлейдi;
қоныстану аумақтарының және өртке қарсы қызмет өрттен қорғайтын мемлекеттік меншiктегi аса маңызды объектiлердiң тiзбесiн белгiлейдi;";
оныншы абзацтағы "мемлекеттік" деген сөз алып тасталсын;
6) 6-бап мынадай редакцияда жазылсын:
"6-бап. Өрт қауiпсiздiгi саласындағы уәкiлеттi
органның өкiлеттiктерi
Өрт қауiпсiздiгi саласындағы уәкiлеттi орган өрт қауiпсiздiгi саласындағы атқарушы, бақылау және қадағалау функцияларын, сондай-ақ салааралық үйлестiрудi жүзеге асырады және оның аумақтық органдары, ведомстволық бағыныстағы мемлекеттік мекемелерi болады.
Өрт қауiпсiздiгi саласындағы уәкiлеттi орган:
1) бірыңғай мемлекеттік саясатты жүргiзедi, салааралық үйлестiру мен мемлекеттік бақылауды жүзеге асырады;
2) нормативтердi, стандарттар мен ережелердi бекiтедi және келiседi, өрт қауiпсiздiгi саласындағы мемлекеттік есепке алуды жүргiзедi;
3) Қазақстан Республикасындағы мемлекеттік өрт қадағалауын жүзеге асырады;
4) өрт қауiпсiздiгi саласындағы зерттеу қызметiн, білімдi насихаттауды, азаматтар мен мамандарды оқытып-үйретудi ұйымдастырады;
5) өрт қауiпсiздiгi саласындағы лицензиялау мен сертификаттауды Қазақстан Республикасының заңдарында белгiленген тәртiппен жүзеге асырады;
6) өз өкiлеттiктерi шегiнде өрттер бойынша анықтауды жүзеге асырады;
7) меншiк нысанына қарамастан өртке қарсы қызметтердiң жұмысын үйлестiредi;
8) Өртке қарсы қызмет органдарының қатардағы және басшы құрамының қызмет өткеруi туралы ереженi әзiрлейдi;
9) өз құзыретi шегiнде өртке қарсы қызмет органдарының қатардағы және басшы құрамындағы адамдарды қызметке қабылдауды, қызмет бабында ауыстыруды, қызметтен босатуды, арнаулы атақтар беру мәселелерiн шешудi жүзеге асырады.";
7) 7 және 8-баптар мынадай редакцияда жазылсын:
"7-бап. Орталық мемлекеттік органдардың өрт қауiпсiздiгi
саласындағы өкiлеттiктерi
Орталық мемлекеттік органдар өз құзыретi шегiнде:
1) өрт қауiпсiздiгi саласындағы нормативтердi, стандарттар мен ережелердi әзiрлеп, келiседi, мемлекеттік есепке алуды жүргiзедi және оның деректерiн өрт қауiпсiздiгi саласындағы уәкiлеттi органға бередi;
2) салалық өрттен қорғау-техникалық комиссияларын құрады;
3) мемлекеттік органдардағы өрт қауiпсiздiгiнiң жай-күйiн бақылауды қамтамасыз етедi, өрттiң алдын алу жөніндегі iс-шараларды жүргiзедi.
8-бап. Республикалық маңызы бар қаланың, астананың,
аудандардың (облыстық маңызы бар қаланың) жергiлiктi
атқарушы органдарының өрт қауiпсiздiгi саласындағы
өкiлеттiктерi
Республикалық маңызы бар қаланың, астананың, аудандардың (облыстық маңызы бар қаланың) жергiлiктi атқарушы органдарының өрт қауiпсiздiгi саласындағы өкiлеттiктерiне мыналар жатады:
1) тұрғын халықты және ұйымдарды өрт қaуiпсiздiгi саласындағы шаралар туралы хабардар ету;
2) өрт салдарынан зардап шеккен азаматтар мен қызметкерлердiң әлеуметтiк қорғалуын өз құзыретi шегiнде қамтамасыз ету, азаматтардың денсаулығы мен мүлкiне, қоршаған ортаға және шаруашылық жүргiзушi объектiлерге келтiрiлген зиянды өтеу.";
8) 9-бапта:
тақырыбындағы "түрлерi мен" деген сөздер алып тасталсын;
бірiншi бөлiк алып тасталсын;
9) мынадай мазмұндағы 9-1, 9-2, 9-3 және 9-4-баптармен толықтырылсын:
"9-1-бап. Өртке қарсы қызмет органдары
Өртке қарсы қызмет органдары қоныстану аумақтарында орналасқан ғимараттар мен құрылыстарды, сондай-ақ Қазақстан Республикасының Үкіметі айқындайтын, мемлекеттік меншiктегi аса маңызды объектiлердi өрттен қорғауға арналған, осы аумақтарда және аса маңызды объектiлерде мемлекеттік өрт сөндiрудi қадағалауды жүзеге асырады.
Егер Қазақстан Республикасының халықаралық шарттарында өзгеше көзделмесе, Қазақстан Республикасының дипломатиялық консулдық мекемелерiнде, сондай-ақ Қазақстан Республикасының шет елдердегi өкiлдiктерiнде өрт қауiпсiздiгiн қамтамасыз етуге бақылау жасауды Қазақстан Республикасының заңдарына сәйкес жүзеге асырады.
Қоныстану аумақтарында, мемлекеттік меншiктегi аса маңызды объектiлерде өрт сөндiрудi облыстардағы (республикалық маңызы бар қаладағы, астанадағы) мемлекеттік өрт сөндiру мекемелерi жүзеге асырады.
Басқа объектiлерде өрт сөндiрудi меншiк нысанына қарамастан салалық өртке қарсы қызметтер немесе ерiктi өртке қарсы құралымдар жүзеге асырады.
Өртке қарсы қызмет органдары бірыңғай дербес жедел қызмет ретiнде Қазақстан Республикасындағы өртке қарсы қызметтiң негiзгi түрi болып табылады.
Өртке қарсы қызмет органдарының құрамына:
1) өртке қарсы қызмет органдары:
өрт қауiпсiздiгi саласындағы уәкiлеттi орган;
облыстардағы (республикалық маңызы бар қаладағы, астанадағы) аумақтық өртке қарсы қызмет органдары;
2) облыстардың (республикалық маңызы бар қаланың, астананың) мемлекеттік өрт сөндiру мекемелерi, өрт сөндiру-техникалық оқу орындары кiредi.
Өрт қауiпсiздiгi саласындағы уәкiлеттi органның, облыстардағы (республикалық маңызы бар қаладағы, астанадағы) аумақтық өртке қарсы қызмет органдарының, облыстардың (республикалық маңызы бар қаланың, астананың) мемлекеттік өрт сөндiру мекемелерiнiң және өрт сөндiру-техникалық оқу орындарының тулары болады. Өртке қарсы қызмет органдары туларының сипаттамасын Қазақстан Республикасының Президентi бекiтедi.
9-2-бап. Өрт қауiпсiздiгi саласындағы уәкiлеттi органның,
аумақтық өртке қарсы қызмет органдарының
өкiлеттiктерi
Өрт қауiпсiздiгi саласындағы уәкiлеттi органның, аумақтық өртке қарсы қызмет органдарының өкiлеттiктерiне мыналар жатады:
1) мемлекеттік органдарда, сондай-ақ ұйымдарда өрт қауiпсiздiгi мәселелерi бойынша нормативтiк құқықтық актiлердiң орындалуын бақылауды жүзеге асыру;
2) барлық мемлекеттік органдар, сондай-ақ азаматтар, ұйымдар мiндеттi түрде орындауға тиiс өрт қауiпсiздiгi нормалары мен ережелерiн және өрт қауiпсiздiгi мәселелерiн реттейтiн басқа да нормативтiк құқықтық актiлердi әзiрлеу мен бекіту;
3) жеке және заңды тұлғаларға өрт қауiпсiздiгiн қамтамасыз етуге байланысты жұмыстар жүргiзуге және қызмет көрсетулерге лицензиялар беру;
4) өрттер және өрт қауiпсiздiгi ережелерiн бұзу туралы iстер бойынша анықтауды жүзеге асыру;
5) әкiмшiлiк құқық бұзушылықтар туралы iс жүргiзудiң жүзеге асырылуын бақылау;
6) өрт қауiпсiздiгiн қамтамасыз ету бөлiгiнде Қазақстан Республикасының Үкіметі белгiлеген тәртiппен ғимараттарды, құрылыстар мен олардың кешендерiн, коммуникацияларды салуға (кеңейтуге, жаңғыртуға, техникалық қайта жарақтандыруға, қайта жаңартуға, қалпына келтiруге, күрделi жөндеуге) арналған жобалардың мемлекеттік сараптамасын жүргiзуге қатысу;
7) нормалары мен ережелерi белгiленбеген объектiлердi салуға арналған өрт қауiпсiздiгi талаптарын белгiлейтiн стандарттардың, нормалардың және ережелердiң жобаларын Қазақстан Республикасының Үкіметі айқындайтын тәртiппен келiсу;
8) өртке қарсы қызмет бөлiмшелерiнiң жұмылдыру дайындығы және оларды жұмылдыру, бейбiт уақытта және соғыс жағдайы кезеңiнде төтенше жағдайлар туындаған кезде олардың жұмысының орнықтылығын арттыру жөніндегі шараларды әзiрлеу, мемлекеттік өрт сөндiру мекемелерiнiң жұмылдыруға ұдайы дайын болуын қамтамасыз ету;
9) ұйымдарда, кәсiпорындарда және тұрғын үйлерде өрт қауiпсiздiгi мәселелерi жөніндегі нормативтiк құқықтық актiлердiң орындалуын бақылауды жүзеге асыру;
10) азаматтарға, кәсiпорын басшыларына анықталған тәртiп бұзушылықтарды жою және өрттi болдырмау жөніндегі iс-шараларды жүргiзу туралы ұйғарымдар беру;
11) заңда белгiленген құзырет шегiнде әкiмшiлiк құқық бұзушылық туралы iс жүргiзудi жүзеге асыру;
12) мемлекеттік өрт сөндiру мекемелерiнiң ведомстволық бағыныстылығына қарамастан елдi мекендерде және объектiлерде өртке қарсы күресуге дайындығын бақылау;
13) жер учаскелерiн таңдау және ұйымдарды, ғимараттар мен құрылыстарды пайдалануға қабылдау жөніндегі комиссиялардың жұмысына қатысу;
14) халықтың өртке қарсы ерiктi құралымдарының өрт қауiпсiздiгi саласындағы жұмысына жәрдемдесу;
15) өрт қауiпсiздiгiнiң нормалары мен ережелерiн бұзған кезде, сондай-ақ ұйымдарды, объектiнi, құрылыстарды, ғимараттарды салу, қайта жаңарту, кеңейту немесе техникалық қайта жарақтандыру кезiнде жобаларда көзделген өрт қауiпсiздiгi талаптары орындалмаған кезде ұйымдардың, жекелеген өндiрiстердiң, өндiрiстiк учаскелердiң, агрегаттардың жұмысын iшiнара немесе толық тоқтата тұруды, ғимараттарды, құрылыстарды, электр желiлерiн, жылыту приборларын пайдалануға және субъектiлердiң өрт шығу қаупi бар жұмыстарды жүргiзуiне тыйым салуды сот жиырма төрт сағат iшiнде прокурорға мiндеттi түрде жазбаша хабарлай отырып, өрт қауiпсiздiгi саласындағы уәкiлеттi органның және облыстардағы (республикалық маңызы бар қаладағы, астанадағы) аумақтық өртке қарсы қызмет органдарының өтiнiшi бойынша жүргiзедi.
Субъектiнiң жұмысына iшiнара немесе толық тыйым салу немесе тоқтата тұру туралы талап-арызды өрт қауiпсiздiгi саласындағы уәкiлеттi орган және облыстардағы (республикалық маңызы бар қаладағы, астанадағы) аумақтық өртке қарсы қызмет органдары Қазақстан Республикасының заң актілерінде белгiленген тәртiппен және негiздерде сотқа жiбередi.
Айрықша жағдайларда, адамдардың өмiрi мен денсаулығына айқын қатер төндiретiн, өртке қарсы нормалар мен ережелер бұзылған кезде жиырма төрт сағат iшiнде прокурорға мiндеттi түрде жазбаша хабарлай отырып, субъектiнiң қызметiне үш күннен аспайтын мерзiмге тыйым салуға немесе тоқтата тұруға көрсетiлген мерзiм iшiнде мiндеттi түрде сотқа талап-арыз ұсыну арқылы жол берiледi. Бұл ретте өрт қауiпсiздiгi саласындағы уәкiлеттi органның және облыстардағы (республикалық маңызы бар қаладағы, астанадағы) аумақтық өртке қарсы қызмет органдарының жұмысына тыйым салу немесе оны тоқтата тұру туралы актiсi сот шешiмi шығарылғанға дейiн қолданылады.
Хабарлама алғаннан кейiн прокурор жасалған iс-әрекеттiң заңдылығын тексередi және олар заңсыз жүргiзiлген жағдайда өз қаулысымен тыйым салу-шектеу сипатындағы шаралардың күшiн жояды немесе оларды алып тастайды.
9-3-бап. Облыстардағы (республикалық маңызы бар қаладағы,
астанадағы) мемлекеттік өрт сөндiру мекемелерi
Облыстардағы (республикалық маңызы бар қаладағы, астанадағы) мемлекеттік өрт сөндiру мекемелерi:
1) меншiк нысанына қарамастан елдi мекендердiң қоныстану аумақтарында және объектiлерде өрт сөндiрудi;
2) Қазақстан Республикасының Үкіметі айқындайтын, мемлекеттік меншiктегi аса маңызды объектiлердi өрттен қорғау жөніндегі қызметтi;
3) өрт сөндiруге өртке қарсы қызметтердiң күштерi мен құралдарын, көлiк және басқа да материалдық-техникалық құралдарды тартуды;
4) өрттi сөндiру мен жою жұмыстарын жүргiзу кезеңiнде цехтар және объектiлер жұмысын тоқтата тұруды жүзеге асырады, қажет болғанда адамдарды, материалдық құндылықтарды қауiптi аймақтан көшiруге өкiмдер бередi;
5) өрт кезiнде азаматтардың қауiпсiздiгiн қамтамасыз ету мақсатында олардың жекелеген учаскелерге, аумақтарға, ғимараттың үй-жайларына кiруiн шектеудi немесе уақытша тыйым салуды;
6) өрт кезiнде азаматтардың жеке қауiпсiздiгiн қамтамасыз ету мақсатында азаматтарды құтқаруға, оттың өршуiн болдырмауға және өрттi жоюға бағытталған шараларды қолдану үшiн азаматтардың ұйымдарға, тұрғын үйлерге және өзге де үй-жайларға, оларға тиесiлi жер учаскелерiне, дипломатиялық иммунитетi бар шет мемлекеттердiң және халықаралық ұйымдардың өкiлдiктерiнен басқа аумақтар мен үй-жайларға бөгетсiз кiрудi;
7) адамдарды құтқару және өрттi сөндiру үшiн қажет болған жағдайларда жабық есiктер мен терезелердi, сондай-ақ қоршау конструкцияларын ашуды;
8) адамдарды құтқару үшiн және мәжбүрлiк қажеттілік жағдайда өрттi сөндiру мен жою кезiнде ұйымдардың байланыс құралдарын, мүлкiн және өзге де материалдық құралдарын, көлiктi олардың меншiк нысанына қарамастан, нұқсан келтiрiлген жағдайда иелерiне шығынды өтей отырып, Қазақстан Республикасының Үкіметі белгiлеген тәртiппен пайдалануды жүзеге асырады.
9-4-бап. Өрт қауiпсiздiгi саласындағы оқу орындары
Өрт қауiпсiздiгi саласындағы оқу орындары өртке қарсы қызмет қызметкерлерiне білім беру және олардың біліктілігiн арттыру саласындағы орталық атқарушы орган айқындайтын мамандықтар бойынша жоғары кәсiптiк білімi бар мамандарды даярлау мақсатында құрылады.
Өрт қауiпсiздiгi саласындағы оқу орындарының басты мiндеттерi:
1) өртке қарсы қызмет органдары қызметкерлерiнiң кәсiби өсуi мен жетiлуiне жағдай жасау;
2) өртке қарсы қызмет органдары үшiн мамандар даярлау;
3) мамандар даярлау бейiнiне сәйкес қызметтi жетiлдiрудiң өзектi проблемалары бойынша ғылыми зерттеулер жүргiзу, алынған зерттеу нәтижелерiн оқу процесiне және практикаға енгізу болып табылады.";
10) 10-бап алып тасталсын;
11) 10-1-бапта:
мәтіндегі "Мемлекеттік" деген сөз алып тасталсын;
екiншi бөлiк мынадай редакцияда жазылсын:
"Өртке қарсы қызмет органдарының арнаулы атақтар берiлген қызметкерлерiне Қазақстан Республикасының заңдарында iшкi iстер органдарының қызметкерлерi үшiн белгiленген медициналық, санаторий-курорттық және зейнетақымен қамсыздандыру тәртібі қолданылады.";
үшiншi бөлiктегi "iшкi iстер" деген сөздер "өртке қарсы қызмет" деген сөздермен ауыстырылсын;
12) 10-2 - 10-9-баптардағы "Мемлекеттік" деген сөз алып тасталсын;
13) 10-10-бап мынадай редакцияда жазылсын:
"10-10-бап. Өртке қарсы қызмет органдарын қаржыландыру
Өртке қарсы қызмет органдарын қаржыландыру бюджет қаражаты есебiнен жүзеге асырылады.
Мемлекеттік мекемелер болып табылмайтын, Қазақстан Республикасының Үкіметі айқындайтын мемлекеттік меншiктiң аса маңызды объектiлерi тiзбесiне кiретiн ұйымдар мемлекеттік өрт сөндiру мекемелерiнiң өрттен қорғау және өрт сөндiру жөнiнде көрсететiн қызметтерi үшiн бюджетке ақы төлейдi.
Мемлекеттік өрт сөндiру мекемелерiнiң мемлекеттік меншiктiң аса маңызды объектiлерi тiзбесiне кiрмейтiн және мемлекеттік мекемелер болып табылмайтын объектiлерде өрт сөндiруi ақылы негiзде жүзеге асырылады. Ақы бюджетке аударылады.
Өрттен қорғау және өрт сөндiру бойынша осы бапта көзделген қызмет көрсетулерге ақы төлеу есебiнiң тәртібін Қазақстан Республикасының Үкіметі айқындайды.";
14) 10-11-баптағы "Мемлекеттік" деген сөз алып тасталсын;
15) 11-бап алып тасталсын;
16) 12-баптың бірiншi бөлiгiнде "Мемлекеттік органдар, меншiк" деген сөздер "Меншiк" деген сөзбен ауыстырылсын;
17) 13-баптың тақырыбындағы және мәтiніндегі "Қоғамдық өрттен қорғау бірлестiгi", "Қоғамдық өрттен қорғау бірлестiктерi" деген сөздер "Қоғамдық бірлестiктер (халықтың өртке қарсы ерiктi құралымдары)" деген сөздермен ауыстырылсын;
18) 14-бапта:
бірiншi бөлiк алып тасталсын;
екiншi бөлiктегi "уәкiлеттi мемлекеттік органдардың" деген сөздер "өрт қауiпсiздiгi саласындағы уәкiлеттi органның" деген сөздермен ауыстырылсын;
19) 15-баптың бесiншi бөлiгіндегі ", жергiлiктi өзiн-өзi басқару органдары" деген сөздер алып тасталсын;
20) 16-бапта:
мынадай мазмұндағы жетiншi және сегiзiншi бөлiктермен толықтырылсын:
"Өрт қауiпсiздiгi саласындағы уәкiлеттi органның басшысы Қазақстан Республикасының аумағында орналасқан аумақтық өртке қарсы қызмет органдарының, мемлекеттік өрт сөндiру мекемелерiнiң басшыларына қатысты аға жедел бастық болып табылады.
Облыстардағы (республикалық маңызы бар қаладағы, астанадағы) аумақтық өртке қарсы қызмет органдарының басшылары меншiк нысанына қарамастан, тиiстi облыстың (республикалық маңызы бар қаланың, астананың) аумағында орналасқан мемлекеттік өрт сөндiру мекемелерiнiң, салалық өртке қарсы қызметтiң және өртке қарсы ерiктi құралымдардың басшыларына қатысты аға жедел бастық болып табылады.";
сегiзiншi бөлiктегi "орталық атқарушы" деген сөздер "уәкiлеттi" деген сөзбен ауыстырылсын;
тоғызыншы бөлiктегi "Мемлекеттік өртке қарсы қызметтiң" деген сөздер "өртке қарсы қызмет органдарының" деген сөздермен ауыстырылсын;
