2) кiрiспе алып тасталсын;
3) мәтiнде "Жарлықты", "Жарлықтың", "Жарлық" деген сөздер "Заңды", "Заңның", "Заң" деген сөздермен ауыстырылсын;
4) 3-бапта:
бірiншi бөлiкте "денсаулық сақтау мекемелерi" деген сөздер "мемлекеттік денсаулық сақтау ұйымдары" деген сөздермен ауыстырылсын;
үшiншi бөлiкте "денсаулық сақтау органына" деген сөздер "денсаулық сақтау саласын басқару органына" деген сөздермен ауыстырылсын;
5) 4-баптың бірiншi бөлiгiнде "денсаулық сақтау органдары" деген сөздер "мемлекеттік денсаулық сақтау ұйымдары" деген сөздермен ауыстырылсын;
6) 6-бап "Министрлер Кабинетi" деген сөздер "Үкіметі" деген сөзбен ауыстырылсын;
7) 8-баптың бірiншi бөлiгiнде "осы мекемелерден" деген сөздер "мамандандырылған емдеу-алдын алу мекемелерiнен" деген сөздермен ауыстырылсын;
8) 9-бап мынадай редакцияда жазылсын:
"9-бап. Мамандандырылған емдеу-алдын алу мекемелерiнен
шыққан адамдарды жұмысқа және тұрмыстық орналастыру
Мамандандырылған емдеу-алдын-алу мекемелерiнен шыққан адамдарды жұмысқа және тұрмыстық орналастыру тұрғылықты жерi бойынша жүзеге асырылады және аудандардың (облыстық маңызы бар қаланың), республикалық маңызы бар қаланың, астананың жергiлiктi атқарушы органдарына жүктеледі";
9) 10-баптағы "Прокуратурасы" деген сөз "прокуратура органдары" деген сөздермен ауыстырылсын.
26. Қазақстан Республикасы Президентінің "Ұлы Отан соғысының қатысушылары мен мүгедектерiне және соларға теңестірілген адамдарға берiлетiн жеңiлдiктер мен оларды әлеуметтiк қорғау туралы" 1995 жылғы 28 сәуірдегі № 2247 заң күшi бар Жарлығына (Қазақстан Республикасы Жоғарғы Кеңесiнiң Жаршысы, 1995 ж., № 6, 45-құжат; № 14, 98-құжат; Қазақстан Республикасы Парламентiнiң Жаршысы, 1997 ж., № 7, 79-құжат; № 12, 184-құжат; 1999 ж., № 8, 247-құжат; № 23, 925-құжат):
1) актiнiң нысаны және тақырыбы мынадай редакцияда жазылсын:
"Ұлы Отан соғысының қатысушылары мен мүгедектерiне және соларға теңестiрiлген адамдарға берiлетiн жеңiлдiктер мен оларды әлеуметтік қорғау туралы" Қазақстан Республикасының Заңы";
2) кiрiспе мынадай редакцияда жазылсын:
"Осы Заң Ұлы Отан соғысының қатысушылары мен мүгедектерiне және соларға теңестiрiлген адамдарға әлеуметтiк кепiлдiктер берудiң ұйымдастырушылық, экономикалық және құқықтық негiздерiн белгiлейдi, сондай-ақ олардың құқықтық мәртебесiн айқындайды.";
3) мәтiнде "тарау" деген сөздiң алдындағы "I - IV" деген цифрлар тиiсiнше "1 - 4" деген цифрлармен ауыстырылсын; "Жарлықты", "Жарлықтан", "Жарлықтың", "Жарлық", "Жарлықта", "Жарлыққа" деген сөздер тиiсiнше "Заңды", "Заңнан", "Заңның", "Заң", "Заңда", "Заңға" деген сөздермен ауыстырылсын;
4) 17-баптың бірiншi бөлiгіндегi "республикалық және жергiлiктi бюджеттердiң" деген сөздер "бюджет қаражатының" деген сөздермен ауыстырылсын;
5) 20-бапта "әкiмдер" деген сөз "өкiлдi органдардың шешiмi бойынша жергiлiктi атқарушы органдардың әкiмдерi" деген сөздермен ауыстырылсын.
27. "Мұнай туралы" 1995 жылғы 28 маусымдағы Қазақстан Республикасының Заңына (Қазақстан Республикасы Жоғарғы Кеңесiнiң Жаршысы, 1995 ж., № 11, 76-құжат; Қазақстан Республикасы Парламентiнiң Жаршысы, 1997 ж., № 11, 150-құжат; 1999 ж., № 21, 787-құжат; 2003 ж., № 6, 34-құжат; № 11, 56-құжат; "Егемен Қазақстан" газетiнде 2004 жылғы 11 желтоқсанда және "Казахстанская правда" газетiнде 2004 жылғы 8 желтоқсанда жарияланған "Қазақстан Республикасының кейбір заң актілеріне Қазақстан Республикасында жер қойнауын пайдалану және мұнай операцияларын жүргiзу мәселелерi бойынша өзгерістер мен толықтырулар енгізу туралы" 2004 жылғы 1 желтоқсандағы Қазақстан Республикасының Заңы):
1) 6-баптың 1-тармағы мынадай мазмұндағы 8) - 10) тармақшалармен толықтырылсын:
"8) әрбір жер қойнауын пайдаланушының бірдей қол жеткізу принциптерiне сүйенiп, магистральдық құбырлар мен темір жол эстакадаларының қуатын пайдалануды бекiтедi.
Бұл ретте өздерiнiң ресурстарын тасымалдау үшiн балама техникалық мүмкiндiгi жоқ (автокөлiктен басқа) жер қойнауын пайдаланушылар нақты үлгiдегi (түрдегi) көлiк жүйесiне кiрудiң басым құқығын пайдаланады;
9) жер қойнауын пайдаланушылар үшiн техникалық-экономикалық негiздемеде қабылданған мұнай өткізудiң есептеу бағалары шегiнде, келісім-шартқа қол қою кезіндегі техникалық-экономикалық негiздеменiң экономикалық көрсеткiштерiн негiзге ала отырып, Қазақстан Республикасының iшкi нарығына қайта өңдеу үшiн шикi мұнай жеткізу көлемiн анықтайды;
10) осындай қажеттілік болған жағдайда iшкi нарықтың жанар-жағар май материалдарына мұқтаждығын жабуға қажеттi көлемде, Қазақстан Республикасының iшкi нарығында қайта өңдеуге арналған мұнайдың көлемiн графиктермен (жылдық және ай сайынғы) белгiлейдi.";
2) 7-бапта:
тақырыбы мен бірiншi абзац мынадай редакцияда жазылсын:
"7-бап. Облыстық (республикалық маңызы бар қаланың,
астананың) атқарушы органдардың құзыретi
Облыстық (республикалық маңызы бар қаланың, астананың) атқарушы органдар:";
3) 8-2-баптың 3-тармағында: "Теңiзде Мұнайгаз құбырларын Салуға" деген сөздер "Теңiз түбiн онда мұнай операцияларын жүргiзу үшiн пайдалануға" деген сөздермен ауыстырылсын; "тиiстi мемлекеттік" деген сөздер "жер ресурстарын пайдалану және қорғау саласындағы уәкiлетті" деген сөздермен ауыстырылсын;
4) 30-баптың 5-тармағында "Қазақстан Республикасының тиiстi мемлекеттік органы жүргiзетiн" деген сөздер "Қазақстан Республикасының пайдалы қазбалар қорлары жөніндегі мемлекеттік комиссиясында" деген сөздермен ауыстырылсын;
5) 30-2-баптың 2-тармағында "жер қойнауын пайдалану және қорғау жөніндегі мемлекеттік органда" деген сөздер "қоршаған ортаны қорғау жөніндегі уәкiлеттi органда" деген сөздермен ауыстырылсын;
6) 43-баптың 3-тармағында "жергiлiктi өкiлдi және" деген сөздер "облыстық (республикалық маңызы бар қаланың, астананың)" деген сөздермен ауыстырылсын.
28. "Қазақстан Республикасы Президентінің Күзет қызметi туралы" 1995 жылғы 3 қазандағы Қазақстан Республикасының Заңына (Қазақстан Республикасы Жоғарғы Кеңесiнiң Жаршысы, 1995 ж., № 19, 118-құжат; № 23, 142-құжат; Қазақстан Республикасы Парламентiнiң Жаршысы, 1997 ж., № 10, 108-құжат; № 12, 184, 190-құжаттар; 2001 ж., № 20, 257-құжат; 2002 ж., № 13-14, 144-құжат):
1) 1-баптың екiншi бөлiгіндегі "банктерде" деген сөз алып тасталсын;
2) 19-баптың алтыншы бөлiгіндегі "республикалық" деген сөз алып тасталсын;
3) 21-бап мынадай редакцияда жазылсын:
"21-бап. Қазақстан Республикасы Президентi Күзет
қызметiнiң жұмысын қаржыландыру
Қазақстан Республикасы Президентi Күзет қызметiнiң жұмысы бюджет қаражаты есебiнен қаржыландырылады.".
29. "Республикалық ұлан туралы" 1995 жылғы 5 желтоқсандағы Қазақстан Республикасының Заңына (Қазақстан Республикасы Жоғарғы Кеңесiнiң Жаршысы, 1995 ж., № 22, 139-құжат; Қазақстан Республикасы Парламентiнiң Жаршысы, 1997 ж., № 12, 184, 190-құжаттар; 1998 ж., № 11-12, 174-құжат; № 24, 436-құжат; 2001 ж., № 20, 257-құжат; 2002 ж., № 15, 147-құжат; 2004 ж., № 1, 2-құжат):
1) 1-бапта:
екiншi бөлiктегi "банктерде" деген сөз алып тасталсын;
үшiншi бөлiк алып тасталсын;
2) 11-баптың 1-тармағының 8) тармақшасындағы "құқығы берiледi" деген сөздер алып тасталып, мынадай мазмұндағы 9) тармақшамен толықтырылсын:
"9) Республикалық ұланды материалдық-техникалық қамтамасыз ету тәртібі мен нормаларын айқындау жөнiнде Қазақстан Республикасының Үкіметіне ұсыныстар енгізу құқығы берiледi.";
3) 18-баптың 3-тармағында "кепiлдiктерiн Қазақстан Республикасының Yкіметі белгiлеуi мүмкiн" деген сөздер "кепiлдiктерi Қазақстан Республикасының заң актілерінде белгiленедi" деген сөздермен ауыстырылсын;
4) 19-бап мынадай редакцияда жазылсын:
"19-бап. Республикалық ұланды материалдық-техникалық
қамтамасыз ету
Республикалық ұланды материалдық-техникалық қамтамасыз етудiң тәртібі мен нормаларын Қазақстан Республикасының Үкіметі белгiлейдi.";
5) 22-бап алып тасталсын.
30. Қазақстан Республикасы Президентінің "Қазақстан Республикасының әуе кеңiстiгiн пайдалану және авиация қызметi туралы" 1995 жылғы 20 желтоқсандағы № 2697 заң күшi бар Жарлығына (Қазақстан Республикасы Жоғарғы Кеңесiнiң Жаршысы, 1995 ж., № 23, 148-құжат; Қазақстан Республикасы Парламентiнiң Жаршысы, 2001 ж., № 23, 321-құжат; № 24, 338-құжат; 2002 ж., № 15, 147-құжат; 2003 ж., № 10, 54-құжат):
1) актiнiң нысаны және тақырыбы мынадай редакцияда жазылсын:
"Қазақстан Республикасының әуе кеңiстiгiн пайдалану және авиация қызметi туралы" Қазақстан Республикасының Заңы";
2) кiрiспе алып тасталсын;
3) мәтiнде "тарау" деген сөздiң алдындағы "I - XV" деген цифрлар тиiсiнше "1 - 15" деген цифрлармен ауыстырылсын; "Жарлықты", "Жарлықта", "Жарлықпен", "Жарлық", "Жарлықтың" деген сөздер тиiсiнше "Заңды", "Заңда", "Заңмен", "Заң", "Заңның" деген сөздермен ауыстырылсын; "әуе қозғалысына қызмет көрсетушi органдар", "әуе қозғалысына қызмет көрсетушi органның", "әуе қозғалысына қызмет көрсетушi орган", "әуе қозғалысына қызмет көрсетушi органға" деген сөздер тиісінше "аэронавигациялық ұйымдар", "аэронавигациялық ұйымның", "аэронавигациялық ұйым", "аэронавигациялық ұйымға" деген сөздермен ауыстырылсын;
4) 1-бапта:
он бесiншi бөлiк алып тасталсын;
он алтыншы бөлiкте:
бірiншi абзацта орыс тілінде түзету енгiзiлдi, мемлекеттік тiлдегi мәтiн өзгермейдi;
а) тармақшасындағы "екi" деген сөзден кейiн "немесе одан да көп" деген сөздермен толықтырылсын;
мынадай мазмұндағы он жетiншi бөлiкпен толықтырылсын:
"Аэронавигациялық ұйым - әуе қозғалысына қызмет көрсетудi жүзеге асыратын, аэронавигациялық және метеорологиялық ақпаратпен қамтамасыз ететiн ұйым.";
отыз екiншi бөлiкте орыс тілінде түзету енгiзiлдi, мемлекеттік тiлдегi мәтiн өзгермейдi;
5) 4-бапта:
бірiншi бөлiктегi "заң актілерімен, осы Жарлықпен белгiленген құзыретi шегiнде мемлекеттік басқару органдары шығарған нормативтiк құқықтық актiлермен" деген сөздер "нормативтiк құқықтық актілерімен" деген сөздермен ауыстырылсын;
екiншi бөлiк мынадай редакцияда жазылсын:
"Егер Қазақстан Республикасы бекiткен халықаралық шартта осы Заңдағыдан өзгеше ережелер белгiленсе, онда халықаралық шарттың ережелерi қолданылады.";
6) 5-бапта:
тақырыбы мынадай редакцияда жазылсын:
"5-бап. Осы Заңның қолданылу саласы";
бірiншi бөлiкте "Қазақстан Республикасы Президентінің "Қазақстан Республикасының әуе кеңiстiгiн пайдалану және авиация қызметi туралы" Жарлығы" деген сөздер "Осы Заң" деген сөздермен ауыстырылсын;
7) 7-бап мынадай редакцияда жазылсын:
"7-бап. Әуе кеңiстiгiн пайдалану саласындағы мемлекеттік
басқару мен бақылау
Әуе кеңiстiгiн пайдалану саласындағы мемлекеттік басқару мен бақылауды уәкiлеттi орган жүзеге асырады, ол өз құзыретi шегiнде азаматтық авиация саласындағы қызметтi жүзеге асыратын барлық жеке және заңды тұлғалар үшiн міндетті азаматтық авиация саласындағы ережелерді, нұсқауларды және басқа да нормативтiк құқықтық актiлердi шығарады, олардың орындалуын бақылайды, мемлекеттік органдармен бірлесiп, олардың құзыретiне сәйкес авиациялық iздестiру-құтқару жұмыстарын ұйымдастыруды жүзеге асырады.
Уәкiлеттi орган мен Қазақстан Республикасының Қорғаныс министрлігінiң өзара iс-қимылын аталған мемлекеттік органдардың шешiмiмен құрылған Ведомствоаралық комиссия жүзеге асырады.";
8) 12-бапта "орыс тілінде" деген сөздер "мемлекеттік тiлде және (немесе) орыс тілінде" деген сөздермен ауыстырылсын;
9) 13-баптың к) тармақшасы алып тасталсын;
10) 14-баптың бірiншi бөлiгiнде "әуе кеңiстiгін пайдалану және әуе қозғалысын басқару жөніндегі мемлекеттік орган" деген сөздер "уәкiлеттi орган" деген сөздермен ауыстырылсын;
11) 15-баптың бірiншi бөлiгiнде "әуe кеңiстiгін пайдалану және әуе қозғалысын басқару жөніндегі мемлекеттік органмен" деген сөздер "аэронавигациялық ұйыммен" деген сөздермен ауыстырылсын;
12) 16-баптың үшiншi бөлiгiнде "органдар" деген сөз "уәкiлеттi орган мен Қазақстан Республикасының Қорғаныс министрлігі өз құзыретiне сәйкес" деген сөздермен ауыстырылсын;
13) 17-баптың бірiншi бөлiгiнде "әуe кеңiстiгiн пайдалану тәртібінiң сақталуына бақылау жасайтын органдардың" деген сөздер "уәкiлеттi органның және (немесе) Қазақстан Республикасы Қорғаныс министрлігінiң" деген сөздермен ауыстырылсын;
14) 18-баптың төртiншi және бесiншi бөлiктерiнде "әуе кеңiстiгiн пайдалану және әуе қозғалысын басқару жөніндегі мемлекеттік" деген сөздер "уәкiлеттi" деген сөзбен ауыстырылсын;
15) 25-бап "жағдайда" деген сөзден кейiн "уәкiлеттi орган оны Қазақстан Республикасының Үкіметі белгiлеген тәртiппен" деген сөздермен толықтырылсын; "танылады" деген сөз "таниды" деген сөзбен ауыстырылсын;
16) 26-баптың бірiншi бөлiгi мынадай редакцияда жазылсын:
"Азаматтық және мемлекеттік әуе кемелерi мiндеттi түрде мемлекеттік тiркелуге жатады. Азаматтық әуе кемелерiн уәкiлеттi орган Қазақстан Республикасы Азаматтық әуе кемелерiнiң мемлекеттік тiзiлiмiне тiркейдi. Мемлекеттік әуе кемелерiн Қазақстан Республикасының Қорғаныс министрлігі Қазақстан Республикасы Мемлекеттік әуе кемелерiнiң тiзiлiмiне тiркейдi.";
17) 30-баптың жетiншi бөлiгiнде "сертификаты немесе соларға ұқсас құжаттар танылады" деген сөздер "сертификатын немесе соларға ұқсас құжаттарды уәкiлеттi орган Қазақстан Республикасының Үкіметі белгiлеген тәртiппен таниды" деген сөздермен ауыстырылсын;
18) 31-2-баптың екiншi бөлiгiнде "республикалық" деген сөз алып тасталсын;
19) 43-бапта:
тақырыбы мынадай редакцияда жазылсын:
"43-бап. Әуе кемесiнiң аэронавигациялық ұйыммен
радиобайланысы";
екiншi бөлiкте "оның ұшуына диспетчерлiк қызмет көрсетушi орган" деген сөздер "аэронавигациялық ұйым" деген сөздермен ауыстырылсын;
20) 44-баптың екiншi сөйлеміндегі ", ал адамдар өмiрiн сақтап қалу үшiн ұшып өту қажет болғанда және өзге де ерекше жағдайларда Қазақстан Республикасы Yкіметінiң шешiмi бойынша" деген сөздер "немесе адамдар өмiрiн сақтап қалу үшiн ұшып өту қажет болғанда, ал өзге де ерекше жағдайларда Қазақстан Республикасы Үкіметінiң шешiмi бойынша" деген сөздермен ауыстырылсын;
21) 52-баптың екiншi бөлiгiнде "министрлiктiң, мемлекеттік комитеттiң" деген сөздер "мемлекеттік органдардың" деген сөздермен ауыстырылсын;
22) 58-бапта:
екiншi бөлiк алып тасталсын;
үшiншi бөлiкте "министрлiктер, мемлекеттік комитеттер, ведомстволар, ұйымдар" деген сөздер "өз құзыретiне сәйкес мемлекеттік органдардың, сондай-ақ авиакомпаниялардың" деген сөздермен ауыстырылсын;
23) 96-баптың төртiншi бөлiгiнде "уәкiлеттi" деген сөз алып тасталсын;
24) 100-баптың екiншi бөлiгiнде "Мемлекеттік авиация органдарының" деген сөздер "Уәкiлеттi органның" деген сөздермен ауыстырылсын;
25) 101-баптың 1-тармағында "Қазақстан Республикасы Президентінің "Қазақстан Республикасының әуе кеңiстiгiн пайдалану және авиация қызметi туралы" Заң күшi бар Жарлығына", "Қазақстан Республикасы Президентінің "Қазақстан Республикасының әуе кеңiстiгiн пайдалану және авиация қызметi туралы" Заң күшi бар Жарлығын" деген сөздер тиiсiнше "осы Заңға", "осы Заңды" деген сөздермен ауыстырылсын.
31. Қазақстан Республикасы Президентінің "Қазақстан Республикасының iшкi iстер органдары туралы" 1995 жылғы 21 желтоқсандағы № 2707 заң күшi бар Жарлығына (Қазақстан Республикасы Жоғарғы Кеңесiнiң Жаршысы, 1995 ж., № 23, 154-құжат; Қазақстан Республикасы Парламентiнiң Жаршысы, 1997 ж., № 7, 79-құжат; № 12, 184-құжат; 1998 ж., № 17-18, 225-құжат; № 23, 416-құжат; № 24, 436-құжат; 1999 ж., № 8, 223, 247-құжаттар; № 23, 920-құжат; 2000 ж., № 3-4, 66-құжат; 2001 ж., № 13-14, 174-құжат; № 17-18, 245-құжат; № 20, 257-құжат; № 23, 309-құжат; 2002 ж., № 17, 155-құжат; 2003 ж., № 12, 82-құжат):
1) мәтiнде "тарау" деген сөздiң алдындағы "I - VIII" деген цифрлар тиiсiнше "1 - 8" деген цифрлармен ауыстырылсын;
2) 4-баптың төртiншi бөлiгiнде "Республикалық бюджеттен қаржыландырылатын iшкi" деген сөздер "Iшкi" деген сөзбен ауыстырылсын;
3) 4-2-бапта:
бірiншi бөлiкте "өзге де мiндеттердi" деген сөздер "лицензиялау мен рұқсат ету қызметiн" деген сөздермен ауыстырылсын;
үшiншi бөлiк алып тасталсын;
4) мынадай мазмұндағы 5-1-баппен толықтырылсын:
"5-1-бап. Iшкi iстер министрлiгінiң және оның аумақтық
органдарының құзыретi
1. Iшкi iстер министрлігі:
1) қоғамдық тәртiптi сақтау, қоғамдық қауiпсiздiк және қылмысқа қарсы күрес саласында мемлекеттік саясатты жүргiзудi қамтамасыз етедi;
2) криминалдық, әкiмшiлiк полициясы және iшкi iстер органдарының өзге де қызметтерiнiң, iшкi әскерлердiң, әскери-тергеу органдарының, әскери, арнаулы полицияның және көлiктегi iшкi iстер органдары бөлiмшелерiнiң қызметiне басшылықты жүзеге асырады;
3) қоғамдық тәртiп, қоғамдық қауiпсiздiк және қылмысқа қарсы күрес саласында мемлекеттік бағдарламаларды әзiрлейдi және iске асырады;
4) iшкi iстер органдары жүйесiнде бірыңғай мемлекеттік кадр саясатының iске асырылуын қамтамасыз етедi;
5) халықаралық ынтымақтастықтың басым бағыттарын айқындайды;
6) қоғамдық тәртiптi сақтау мен қылмысқа қарсы күрестi ұйымдастыруды жетiлдiруге бағытталған шараларды әзiрлейдi;
7) Iшкi iстер министрлігінiң қоғамдық тәртiптi сақтау, қоғамдық қауiпсiздiк және қылмысқа қарсы күрес саласындағы нормативтiк құқықтық актілері мен нормативтiк құжаттарын әзiрлейдi және бекiтедi;
8) өз қауiпсiздiгiн қамтамасыз етедi;
9) iшкi iстер органдарында iс жүргiзудiң бірыңғай мемлекеттік жүйесiнiң жұмыс iстеуiн қамтамасыз етедi;
10) мемлекеттік құпияларды құрайтын мәлiметтердi қорғауды және қоғамдық тәртiптi сақтау, қоғамдық қауiпсiздiк және қылмысқа қарсы күрес саласында құпиялылық режимiнiң сақталуына ведомстволық бақылауды қамтамасыз етедi;
11) криминалдық, әкiмшiлiк полициясының және полицияның өзге де қызметтерiнiң, сондай-ақ iшкi әскерлердiң, әскери полиция мен әскери-тергеу органдарының, арнаулы полицияның, көлiктегi iшкi iстер органдарының өзара iс-қимыл жасау тәртібін айқындайды;
12) iшкi iстер органдарының жұмылдыру даярлығы бойынша, бейбiт уақытта төтенше жағдайлар туындаған кезде және соғыс уақытында олардың жұмысының орнықтылығын арттыру, iшкi iстер органдары арнаулы бөлiмшелерiнiң толық және дер кезiнде жұмылдыруға тұрақты даярлығын қамтамасыз ету жөніндегі шараларды әзiрлейдi және жүзеге асырады;
13) iшкi iстер органдарының жедел iздестiру iс-шараларын жүргiзуге құқығы бар бөлiмшелерi мен қызметкерлерiн бақылауды жүзеге асырады;
14) Қазақстан Республикасының заңдарына сәйкес iшкi iстер органдарының құзыретiне жататын мәселелер бойынша лицензиялар мен рұқсаттар берудi жүзеге асырады;
15) iшкi iстер органдарының құзыретiне жататын мәселелер бойынша лицензиялар мен рұқсаттар беру ережелерiнiң сақталуына мемлекеттік бақылауды жүзеге асырады;
16) полиция органдары бөлiмшелерiнiң режимдiк және ерекше қорғалатын объектiлердегi қызметiн қамтамасыз етедi;
17) авариялардың, өрттiң, апатты жағдайлардың зардаптарын жою кезiнде және басқа да төтенше жағдайларда қоғамдық тәртiптi сақтауды ұйымдастырады, қоғамдық қауiпсiздiктi қамтамасыз етедi;
18) арнаулы және әскери тасымалдарды ұйымдастырады;
19) қылмыстық процеске қатысушылар мен өзге де адамдар өмiрiнiң, денсаулығының, абыройы мен беделiнiң және мүлкiнiң қорғалуын бақылауды жүзеге асырады;
20) жергiлiктi iшкi iстер органдары, iшкi әскерлер басшыларының және ұйымдар басшыларының кәсiби біліктілігiне аттестаттау жүргiзедi;
21) лауазымдар санаттары бойынша үлгiлiк біліктілік талаптарын, iшкi iстер органдарының номенклатурасын, олардың қызметi туралы ережелердi, лауазымдар мен мамандықтар номенклатурасын, iшкi iстер органдарының құрылымын, үлгi штаты мен штаттық нормативтерiн, жүктелiм көлемiнiң нормативтерiн әзiрлеп, бекiтедi және iшкi iстер органдары қызметкерлерi мен қызметшiлерiнiң деңгейiн айқындайды;
22) iшкi iстер органдарының жүйесi үшiн кадрларды даярлау мен оқытуды ұйымдастырады;
23) ведомстволық ғылымды дамытуды қамтамасыз етедi және қоғамдық тәртiп, қоғамдық қауiпсiздiктi сақтау және қылмысқа қарсы күрес саласындағы ғылыми қызметтi үйлестiредi;
24) қоғамдық тәртiптi сақтау және қылмысқа қарсы күрес саласындағы республикалық ақпараттық және коммуникациялық жүйелердi құруды және оның жұмыс iстеуiн қамтамасыз етедi;
25) iшкi iстер органдарын қаржылық, материалдық-техникалық және медициналық қамтамасыз етудi жүзеге асырады;
26) iшкi iстер органдары жүйесiн жарақтандыруды қамтамасыз етедi;
27) iздестiру, тергеу және Қазақстан Республикасының заң актілерінде көзделген өзге де iс жүргiзу кезiнде соттардың ұйғарымдарын, судьялардың қаулыларын, прокурордың, тергеушiлердiң, алдын ала жауап алушылардың жазбаша тапсырмаларын орындауды жүзеге асырады;
28) жол қозғалысы қауiпсiздiгiн қамтамасыз етудiң ұйымдастырылуын үйлестiреді, көлік құралдарының жекелеген түрлерiн мемлекеттік тiркеу мен есепке алу, оларға мемлекеттік техникалық тексеру жүргiзу, оларды пайдаланушы адамдарды, соның iшiнде сенімхат бойынша пайдаланушы адамдарды тiркеу мен есепке алу, емтихан қабылдау және жүргiзу құқығына арналған куәлiктер беру тәртібін айқындайды, көлiк құралдарының жекелеген түрлерiн жол қозғалысына қатысуға жiбередi және оларды жүргiзуге құқық бередi;
29) қоғамдық тәртiптi сақтау және қылмысқа қарсы күрес саласында, сондай-ақ iшкi iстер органдарының қарауына жататын өзге де мәселелер бойынша халықаралық ынтымақтастықты жүзеге асырады;
30) режимдiк, ерекше қорғалатын объектiлердi және мемлекеттік қорғауға жататын объектiлердi күзетудi қамтамасыз етедi;
31) Қазақстан Республикасының заңдарына сәйкес қылмысты ашуды және тергеудi, алдын ала жауап алу, тергеу және сот органдарынан жасырынып жүрген адамдарды, сондай-ақ хабарсыз кеткен адамдарды iздестiрудi жүзеге асырады;
32) iшкi iстер органдары жүйесiн құқықтық қамтамасыз етудi жүзеге асырады;
33) соттарда, өзге де мемлекеттік органдарда министрлiктiң мүддесiн қорғауды және жергiлiктi жерлерде осы жұмысты үйлестiрудi қамтамасыз етедi;
34) сол министрлiктiң iшкi әскерлерiнiң қамауға алынғандар мен сотталғандарды күзетуiн және айдап алып жүруiн бақылауды жүзеге асырады;
35) iшкi iстер органдары арнаулы мекемелерiнiң қызметiн ұйымдастыруды және бақылауды, сондай-ақ айдап алып жүрудi жүзеге асырады;
36) Қазақстан Республикасының көшiп кету мен көшiп келу саласындағы заңдарының сақталуын ведомстволық бақылауды және азаматтық мәселелерi бойынша жұмысты ұйымдастырады;
37) халықты құқықтық тәрбиелеуге қатысады, құқықтық тәртiптiң жай-күйi мен iшкi iстер органдары қызметiнiң тиiмдiлiгiн арттыру жөніндегі iс-шаралар туралы қоғамдық пiкiрдi зерделейдi;
38) күзет қызметi саласында, сондай-ақ күзет дабылы құралдарын монтаждау, жөндеу және оларға техникалық қызмет көрсету жөніндегі жеке және Заңды тұлғалардың қызметiн үйлестiрудi қамтамасыз етедi.
2. Облыстардың (республикалық маңызы бар қаланың, астананың) және көлiктегi iшкi iстер органдары:
1) қоғамдық тәртiптi сақтау, қоғамдық қауiпсiздiк және қылмысқа қарсы күрес саласында мемлекеттік саясатты iске асырады;
2) Қазақстан Республикасының қоғамдық тәртiптi сақтау, қоғамдық қауiпсiздiк және қылмысқа қарсы күрес саласындағы заңдарының орындалуын қамтамасыз етедi;
3) криминалдық, әкiмшiлiк полициясы мен iшкi iстер органдарының өзге де қызметтерiнiң қызметiн бақылауды, сондай-ақ iшкi әскерлер бөлiмдерiн, бөлiмшелерiн жедел басқаруды ұйымдастырады және жүзеге асырады;
4) Қазақстан Республикасының заңдарын iске асыру жөнiнде шаралар қолданады және қоғамдық тәртiптi сақтау, қоғамдық қауiпсiздiк және қылмысқа қарсы күрес саласындағы нормативтiк құқықтық құжаттардың орындалуын қамтамасыз етудi жүзеге асырады;
