Қазақстан Республикасы Төтенше жағдайлар жөніндегі агенттігінің әскери
қызметшілері мен Өртке қарсы мемлекеттік қызметтің белгіленген тәртіппен
тұрғын үйді ұстауға және коммуналдық қызмет көрсетулерге ақшалай
өтемақыға құқығы бар арнаулы атақ берілген қызметкерлері лауазымдарының
тізбесін бекіту туралы Қазақстан Республикасы Үкіметінің 2000 жылғы 14
қаңтардағы № 43 қаулысы
(ҚР Үкіметінің 29.05.02 ж. № 593 қаулысымен енгізілген өзгерістерімен)
ҚР Үкіметінің 2005 жылғы 4 сәуірдегі № 302 Қаулысымен күші жойылды
"Әскери қызметшілер мен олардың отбасы мүшелерінің мәртебесі және оларды әлеуметтік қорғау туралы" 1993 жылғы 20 қаңтардағы Қазақстан Республикасы Заңы мен "1999 жылға арналған республикалық бюджет туралы" 1998 жылғы 16 желтоқсандағы Қазақстан Республикасының Заңын орындау үшін Қазақстан Республикасының Үкіметі қаулы етеді:
1. Қоса беріліп отырған Қазақстан Республикасы Төтенше жағдайлар жөніндегі агенттігінің әскери қызметшілері мен Өртке қарсы мемлекеттік қызметтің белгіленген тәртіппен тұрғын үйді ұстауға және коммуналдық қызмет көрсетулерге ақшалай өтемақыға құқығы бар арнаулы атақ берілген қызметкерлері лауазымдарының тізбесі бекітілсін.
2. Осы қаулы 1999 жылдың 1 сәуірінен бастап қолдануға енгізіледі.
Қазақстан Республикасының
Премьер-Министрі
Қазақстан Республикасы Үкіметінiң
2000 жылғы 11 қаңтардағы № 43 қаулысымен
бекітілген
Қазақстан Республикасы Төтенше жағдайлар жөніндегі агенттiгiнiң
әскери қызметшiлерi мен Өртке қарсы мемлекеттік қызметтiң
белгiленген тәртiппен тұрғын үйдi ұстауға және коммуналдық
қызмет көрсетулерге ақшалай өтемақыға құқығы бар арнаулы атақ
берiлген қызметкерлерi лауазымдарының
Тізбесі
I Бөлім.
ҚР Үкіметінің 29.05.02 ж. № 593 қаулысымен 1-бөлімнің күші жойылды (бұр. ред. қара)
II Бөлім. Өртке қарсы мемлекеттік қызметтiң белгіленген
тәртiппен арнаулы атақ берiлген қызметкерлерi
1. Департаменттердiң, бас басқармалардың, басқармалардың, дербес бөлiмдердiң, мамандандырылған отрядтардың, отрядтардың, бөлiмдердiң, секторлардың, бөлiмшелердің, мамандандырылған өрт сөндiру бөлiмдерінің, өрт сөндiру бөлiмдерiнiң, лабораториялардың, күштердi басқару орталықтарының, автоматтандырылған байланыс жүйелерiнiң, сүңгуiр қызметтердiң, өрт сөндiру байланыстары орталық пункттерiнiң, сынақ полигонының, қарауылдардың, жеке постылардың (кадрлықты, қаржылықты, медициналықты және шаруашылықты қоспағанда) бастықтары
2. Департамент, бас басқармалар, басқармалар, дербес бөлімдер, мамандандырылған отрядтар, отрядтар, бөлiмдер, секторлар, бөлiмшелер, мамандандырылған өрт сөндiру бөлiмдерi, өрт сөндiру бөлімдерi, лабораториялар, күштердi басқару орталықтары (кадрлықты, қаржылықты, медициналықты және шаруашылықты қоспағанда) бастықтарының орынбасарлары
3. Ерекше тапсырмалар бойынша аға инспекторлар, аға инженерлер, аға анықтаушылар, ерекше маңызды iстер жөніндегі аға анықтаушылар, аға ғылыми қызметкерлер, аға инспекторлар, аға сарапшылар, аға диспетчерлер, өрт сөндiру жетекшiсiнiң аға көмекшiлерi (кадрлықты, қаржылықты, медициналықты және шаруашылықты қоспағанда)
4. Бас инспекторлар, бас мамандар (кадрлықты, қаржылықты, медициналықты және шаруашылықты қоспағанда); экипаждардың командирлерi, оң жақтағы ұшқыштар, штурмандар, борт-техниктер, өрт сөндiру жетекшiсiнiң орынбасарлары, өрт сөндiру жетекшiлерiнiң көмекшiлерi, сүңгуiр мамандар, отрядтар бастығының көмекшiлерi (жедел кезекшiлер), инженерлер, инспекторлар, анықтаушылар
5. Химиялық және радиациялық барлаудың, газ-түтiннен қорғау қызметтерінің, құтқарушылардың, өрт сөндiру машиналарын жүргiзу жөніндегі жүргiзушiлердiң, сүңгуiрлердiң аға инструкторлары
6. Газ-түтiннен қорғау қызметiнiң, байланыстың, байланыс пен арнаулы жабдықтардың аға шеберлерi
7. Аға механиктер, аға жүргiзушiлер, аға шеберлер, аға респираторшылар, аға техниктер, аға радиотелеграфшылар, аға өрт сөндiрушiлер, аға прожекторшылар (кадрлықты, қаржылықты, медициналықты және шаруашылықты қоспағанда)
8. Радиостанциялардың бастықтары, бөлiмшелердiң командирлерi, құтқарушы-шеберлер, сүңгуiрлер, жүргiзушiлер, диспетчерлер, газ-түтіннен қорғау қызметтерінің шеберлері, кіші инспекторлар, мотористер, радиотелеграфшылар, радиотелефоншылар, өрт сөндірушілер, өрт сөндіруші-құтқарушылар, прожекторшылар
