2) 27-бап мынадай редакцияда жазылсын:
«27-бап. Орталық мемлекеттік органдардың және облыстардың, республикалық маңызы бар қалалардың және астананың жергілікті атқарушы органдарының құзыреті
1. Мемлекеттік органдар өз құзыреті шегінде:
1) Қазақстан Республикасының дербес деректер және оларды қорғау саласындағы нормативтік құқықтық актілерін әзірлейді және (немесе) бекітеді;
2) жеке және (немесе) заңды тұлғалардың дербес деректер және оларды қорғау мәселелері жөніндегі жолданымдарын қарайды;
3) Қазақстан Республикасының дербес деректер және оларды қорғау туралы заңнамасының бұзылуына жол берген адамдарды Қазақстан Республикасының заңдарында белгіленген жауаптылыққа тарту жөніндегі шараларды қабылдайды;
4) Қазақстан Республикасының заңдарында, Қазақстан Республикасы Президентінің және Қазақстан Республикасы Үкіметінің актілерінде көзделген өзге де өкілеттіктерді жүзеге асырады.
2. Облыстың, республикалық маңызы бар қаланың және астананың жергілікті атқарушы органдары:
1) субъектінің немесе оның заңды өкілінің дербес деректер мазмұнының және оларды өңдеу тәсілдерінің оларды өңдеу мақсаттарына сәйкестігі туралы жолданымдарын қарайды және тиісті шешімдер қабылдайды;
2) тиісті әкімшілік-аумақтық бірлік шегінде жеке кәсіпкерлік субъектілеріне қатысты Қазақстан Республикасының дербес деректер және оларды қорғау туралы заңнамасының сақталуына мемлекеттік бақылауды жүзеге асырады;
3) Қазақстан Республикасының дербес деректер және оларды қорғау туралы заңнамасының бұзылуына жол берген адамдарды Қазақстан Республикасының заңдарында белгіленген жауаптылыққа тарту жөніндегі шараларды қабылдайды;
4) меншік иесінен және (немесе) оператордан, сондай-ақ үшінші тұлғадан анық емес немесе заңсыз жолмен алынған дербес деректерді нақтылауды, бұғаттауды немесе жоюды талап етеді;
5) субъектілердің құқықтарын қорғауды жетілдіруге бағытталған шараларды жүзеге асырады;
6) жергілікті мемлекеттік басқару мүддесінде облыстың, республикалық маңызы бар қалалардың және астананың жергілікті атқарушы органдарына Қазақстан Республикасының заңнамасында жүктелетін өзге де өкілеттіктерді жүзеге асырады.».
33-тармақ 2024 ж. 17 шілдеден бастап қолданысқа енгізілді
33. «Қазақстан Республикасының мемлекеттік қызметі туралы» 2015 жылғы 23 қарашадағы Қазақстан Республикасының Заңына:
1) 5-баптың 2-тармағының 7-2) тармақшасындағы «Қазақстан Республикасы Президентінің Әкімшілігімен және» деген сөздер алып тасталсын;
2) 10-баптың бірінші бөлігі 15) тармақшасының бірінші бөлігіндегі «Қазақстан Республикасы Президентінің Әкімшілігімен келісу бойынша» деген сөздер алып тасталсын;
3) 34-баптың 4-тармағындағы «Қазақстан Республикасы Президентінің Әкімшілігімен келісу бойынша» деген сөздер алып тасталсын;
4) 53-бапта:
3-тармақтың екінші бөлігіндегі «Қазақстан Республикасы Президентінің Әкімшілігімен келісу бойынша» деген сөздер алып тасталсын;
6-тармақтағы «Қазақстан Республикасы Президентінің Әкімшілігімен және» деген сөздер алып тасталсын.
34. «Ақпараттандыру туралы» 2015 жылғы 24 қарашадағы Қазақстан Республикасының Заңына:
1) 1-бапта:
25) тармақшадағы «(деректерді өңдеу орталықтары)» деген сөздер «, деректерді өңдеу орталықтары» деген сөздермен ауыстырылсын;
мынадай мазмұндағы 38-3) тармақшамен толықтырылсын:
«38-3) бұлттық есептеулер - интернет арқылы есептеу ресурстарының пулдарына сұрау салу бойынша желілік қол жеткізуді ұсынуды қамтамасыз ететін ақпараттық-коммуникациялық технология;»;
39-2) тармақша алып тасталсын;
мынадай мазмұндағы 39-3), 39-4), 39-5) және 68-1) тармақшалармен толықтырылсын:
«39-3) деректерді өңдеу орталығы - есептеу ресурстарының және телекоммуникациялық жабдықтың, сондай-ақ деректерді сақтау мен өңдеу жүйелерінің істен шығуға төзімді және іркіліссіз жұмыс істеуін қамтамасыз ететін ақпараттық-коммуникациялық инфрақұрылым объектісі;
39-4) деректерді өңдеу орталығының ұлттық техникалық аудиті - деректерді өңдеу орталықтарының сенімділігін ерікті түрде бағалау;
34-тармақтың 1) тармақшасының тоғызыншы абзацы 2024 ж. 17 шілдеден бастап қолданысқа енгізілді
39-5) деректерді талдау - шешім қабылдау үшін ақпарат пен тұжырымдар алу мақсатында деректерді өңдеу процесі;»;
«68-1) «электрондық үкіметтің» ақпараттық-коммуникациялық платформасының бағдарламалық өнімі (бұдан әрі - платформалық бағдарламалық өнім) - «электрондық үкіметтің» ақпараттық-коммуникациялық платформасында әзірленген және орналастырылған бағдарламалық қамтылым;»;
34-тармақтың 2) тармақшасы 2024 ж. 17 шілдеден бастап қолданысқа енгізілді
2) 4-баптың 2-тармағының 2) тармақшасындағы «деректерді басқару жөніндегі уәкілетті орган бекіткен» деген сөздер алып тасталсын;
3) 6-бапта:
34-тармақтың 3) тармақшасының екінші абзацы 2024 ж. 17 шілдеден бастап қолданысқа енгізілді
6) тармақша алып тасталсын;
мынадай мазмұндағы 8) тармақшамен толықтырылсын:
«8) бұлттық есептеулерге басымдық беру саясатын айқындайды.»;
4) 7-бапта:
34-тармақтың 4) тармақшасының екінші және үшінші абзацтары 2024 ж. 17 шілдеден бастап қолданысқа енгізілді
мынадай мазмұндағы 2-1) тармақшамен толықтырылсын:
«2-1) мемлекеттік электрондық ақпараттық ресурстардың құрамына енгізілетін жеке тұлғалардың дербес деректерінің тізбесін бекітеді;»;
5) тармақша «инфрақұрылымы объектілерінің» деген сөздерден кейін «, сондай-ақ платформалық бағдарламалық өнімдердің» деген сөздермен толықтырылсын;
6) тармақша «инфрақұрылымы объектілерінің» деген сөздерден кейін «, сондай-ақ платформалық бағдарламалық өнімдердің» деген сөздермен толықтырылсын;
5) 7-2-баптың 1-тармағы мынадай мазмұндағы 11) тармақшамен толықтырылсын:
«11) деректерді өңдеу орталықтарының ұлттық техникалық аудитін жүргізеді.»;
6) 9-баптың бірінші бөлігінде:
мынадай мазмұндағы 3-1) тармақшамен толықтырылсын:
«3-1) платформалық бағдарламалық өнімдерді әзірлейді және орналастырады;»;
9) тармақшадағы «құжаттамасының электрондық көшірмелерін» деген сөздер «құжаттамасын» деген сөзбен ауыстырылсын;
34-тармақтың 6) тармақшасының бесінші абзацы 2024 ж. 17 шілдеден бастап қолданысқа енгізілді
17-4) және 17-5) тармақшалардағы «деректерді басқару жөніндегі уәкілетті орган бекіткен» деген сөздер алып тасталсын;
7) 10-бапта:
34-тармақтың 7) тармақшасының екінші - алтыншы абзацтары 2024 ж. 17 шілдеден бастап қолданысқа енгізілді
мынадай мазмұндағы 1-1), 1-2), 1-3) және 3-1) тармақшалармен толықтырылсын:
«1-1) ақпараттық-коммуникациялық технологиялар және ақпараттық қауіпсіздікті қамтамасыз ету саласындағы бірыңғай талаптардың орындалуына мониторингті жүзеге асырады;
1-2) инвестициялар тарту жүйесін және ақпараттандыру саласындағы инвестициялық жобаларды әзірлеу мен іске асыруды ынталандыру тетіктерін жетілдіру жөніндегі қызметті жүзеге асырады;
1-3) ақпараттық-коммуникациялық технологиялар саласын дамыту үшін жағдай жасайды;»;
«3-1) платформалық бағдарламалық өнімдерді әзірлейді және орналастырады;»;
6) тармақшадағы «құжаттамасының электрондық көшірмелерін» деген сөздер «құжаттамасын» деген сөзбен ауыстырылсын;
34-тармақтың 7) тармақшасының сегізінші - оныншы абзацтары 2024 ж. 17 шілдеден бастап қолданысқа енгізілді
16-3) және 16-4) тармақшалардағы «деректерді басқару жөніндегі уәкілетті орган бекіткен» деген сөздер алып тасталсын;
мынадай мазмұндағы 16-5) тармақшамен толықтырылсын:
«16-5) тиісті әкімшілік-аумақтық бірліктің шегінде жеке кәсіпкерлік субъектілеріне қатысты ақпараттандыру саласындағы мемлекеттік бақылауды жүзеге асырады;»;
8) 12-бапта:
10) тармақшадағы «талаптарға» деген сөз «талаптарға сәйкестігіне» деген сөздермен ауыстырылсын;
16) тармақшадағы «есепке алуды және «электрондық үкіметтің» ақпараттандыру объектілерінің техникалық құжаттамасының электрондық көшірмелерін сақтауды» деген сөздер «және «электрондық үкіметтің» ақпараттандыру объектілерінің техникалық құжаттамасын есепке алуды» деген сөздермен ауыстырылсын;
9) 13-баптың 1-тармағында:
4) тармақша «ақпараттық-коммуникациялық қызметтер» деген сөздерден кейін «, оның ішінде уәкілетті орган бекіткен тізбеге сәйкес платформалық бағдарламалық өнімдерді әзірлеу арқылы қызметтер» деген сөздермен толықтырылсын;
8-1) тармақшадағы «құру,» деген сөз алып тасталсын;
мынадай мазмұндағы 8-2) тармақшамен толықтырылсын:
«8-2) платформалық бағдарламалық өнімдерді әзірлеу және орналастыру үшін «электрондық үкіметтің» ақпараттық-коммуникациялық платформасын ұсыну бойынша қызметтер көрсетеді;»;
34-тармақтың 9) тармақшасының алтыншы абзацы 2024 ж. 17 шілдеден бастап қолданысқа енгізілді
16) және 17) тармақшалардағы «деректерді басқару жөніндегі уәкілетті орган бекіткен» деген сөздер алып тасталсын;
10) мынадай мазмұндағы 13-3 және 13-4-баптармен толықтырылсын:
«13-3-бап. Деректерді өңдеу орталығы
1. Деректерді өңдеу орталығы жеке тұрған ғимаратта және (немесе) құрылысжайда немесе ғимараттың, құрылысжайдың арнайы жабдықталған бөлігінде орналасуға тиіс.
2. Деректерді өңдеу орталығының істен шығуға төзімді және іркіліссіз жұмыс істеуін қамтамасыз ететін инженерлік инфрақұрылымы болуға тиіс.
3. Деректерді өңдеу орталығының қызметін ұйымдастыру Қазақстан Республикасының Ұлттық қауіпсіздік комитетімен келісу бойынша уәкілетті орган айқындайтын тәртіпке сәйкес жүзеге асырылады.
4. Деректерді өңдеу орталықтары Қазақстан Республикасының Ұлттық қауіпсіздік комитетімен келісу бойынша уәкілетті орган айқындайтын тәртіппен халықаралық немесе ұлттық техникалық аудиттен өте алады.
13-4-бап. Бұлттық есептеулер
1. Бұлттық есептеулерді мемлекеттік органдар мен квазимемлекеттік сектор субъектілері бұлттық есептеулерге басымдық беру саясатына сәйкес қолданады.
2. Бұлттық көрсетілетін қызметтерді берушілер бұлттық көрсетілетін қызметтерді пайдаланушылар өздерінің ресурстарында орналастырған деректердің және (немесе) өзге де ақпараттың мазмұнына жауапты болмайды.
3. Бұлттық көрсетілетін қызметтерді пайдаланушылар бұлттық көрсетілетін қызметтерді берушілердің ресурстарына деректерді және (немесе) өзге де ақпаратты орналастыру арқылы үшінші тұлғалардың құқықтарын бұзған жағдайда берушілер Қазақстан Республикасының заңнамасына сәйкес оларды бұғаттау, тоқтата тұру және (немесе) жою жөніндегі шараларды қабылдауға міндетті.»;
11) 14-баптың 1-тармағы мынадай мазмұндағы 7-1) тармақшамен толықтырылсын:
«7-1) «электрондық үкіметтің» ақпараттық-коммуникациялық платформасының, платформалық бағдарламалық өнімдердің ақпараттық қауіпсіздік талаптарына сәйкестігіне сынақтар жүргізеді;»;
12) 16-баптың 2-тармағында:
2-1) тармақшадағы «құжаттамасының электрондық көшірмелерін» деген сөздер «құжаттамасын» деген сөзбен ауыстырылсын;
34-тармақтың 12) тармақшасының үшінші абзацы 2024 ж. 17 шілдеден бастап қолданысқа енгізілді
7-тармақтағы «деректерді басқару жөніндегі уәкілетті орган бекіткен» деген сөздер алып тасталсын;
13) 17-баптың 2-тармағының 3-1) тармақшасындағы «құжаттамасының электрондық көшірмелерін» деген сөздер «құжаттамасын» деген сөзбен ауыстырылсын;
14) 25-баптың 1-тармағында:
бірінші бөлік «ақпараттық-коммуникациялық көрсетілетін қызметтерді» деген сөздерден кейін «, платформалық бағдарламалық өнімдерді» деген сөздермен толықтырылсын;
екінші бөлік «ақпараттандыру объектісінің» деген сөздерден кейін «, платформалық бағдарламалық өнімдердің» деген сөздермен толықтырылсын;
15) 26-бапта:
1-тармақтың бірінші және екінші бөліктері мынадай редакцияда жазылсын:
«1. Мемлекеттік органның қызметін, мемлекеттік функцияларды және олардан туындайтын мемлекеттік қызметтер көрсетуді автоматтандыру Қазақстан Республикасының аумағында орналасқан «электрондық үкіметтің» ақпараттық-коммуникациялық платформасында жүзеге асырылады.
Оператор ақпараттық-коммуникациялық қызметтер көрсету арқылы платформалық бағдарламалық өнімді ұсынуға құқылы.»;
мынадай мазмұндағы 4 және 5-тармақтармен толықтырылсын:
«4. Платформалық бағдарламалық өнімдерді әзірлеу және орналастыру арқылы мемлекеттік функцияларды автоматтандыруды іске асыру және олардан туындайтын мемлекеттік қызметтерді көрсету уәкілетті орган айқындаған тәртіпке сәйкес жүзеге асырылады.
5. Мамандарға қойылатын біліктілік талаптарын және олардың «электрондық үкіметтің» ақпараттық-коммуникациялық платформасында жұмыс істеуіне рұқсат ету тәртібін уәкілетті орган айқындайды.»;
16) 31-бапта:
1-тармақ «мәліметтерді» деген сөзден кейін «, платформалық бағдарламалық өнімдерді» деген сөздер мен толықтырылсын;
2-тармақтың бірінші бөлігіндегі «құжаттамасының электрондық көшірмелерін орналастыру», «құжаттамасының электрондық көшірмелерін» деген сөздер тиісінше «құжаттамасын орналастыру», «құжаттамасын» деген сөздермен ауыстырылсын;
34-тармақтың 17) тармақшасы 2024 ж. 17 шілдеден бастап қолданысқа енгізілді
17) 34-баптың 1-1-тармағындағы «деректерді басқару жөніндегі уәкілетті орган бекіткен» деген сөздер алып тасталсын;
34-тармақтың 18) тармақшасы 2024 ж. 17 шілдеден бастап қолданысқа енгізілді
18) 35-баптың 2-1-тармағындағы «Деректерді басқару жөніндегі уәкілетті орган бекіткен деректерді басқару талаптарына сәйкес деректер операторға» деген сөздер «Деректер операторға деректерді басқару талаптарына сәйкес» деген сөздермен ауыстырылсын;
19) 36-бапта:
34-тармақтың 19) тармақшасының екінші абзацы 2024 ж. 17 шілдеден бастап қолданысқа енгізілді
7-тармақтағы «деректерді басқару жөніндегі уәкілетті орган бекіткен» деген сөздер алып тасталсын;
8-тармақтағы «аумағындағы серверлік үй-жайда орналасқан» деген сөздер «аумағында орналасқан серверлік үй-жайдағы немесе деректерді өңдеу орталығындағы» деген сөздермен ауыстырылсын;
20) 49-баптың 2-тармағының 1) тармақшасы мынадай редакцияда жазылсын:
«1) платформалық бағдарламалық өнім;».
35-тармақ 2024 ж. 17 шілдеден бастап қолданысқа енгізілді
35. «Бағалы металдар және асыл тастар туралы» 2016 жылғы 14 қаңтардағы Қазақстан Республикасының Заңына:
1) 3-баптың 2), 3) және 4) тармақшалары алып тасталсын;
2) 4-баптың 2), 3) және 4) тармақшалары «әзірлейді» деген сөзден кейін «және бекітеді» деген сөздермен толықтырылсын.
36. «Қарсы барлау қызметі туралы» 2016 жылғы 28 желтоқсандағы Қазақстан Республикасының Заңына:
1) 1-баптың 31) тармақшасында:
«желілері арқылы берілетін» деген сөздер «желілері арқылы берілетін, берілген» деген сөздермен ауыстырылсын;
«ақпаратты жедел» деген сөздер «, телекоммуникация құралдарында сақталатын ақпаратты жедел» деген сөздермен ауыстырылсын;
«жүйелер арқылы берілетін» деген сөздер «жүйелер арқылы берілетін, берілген» деген сөздермен ауыстырылсын;
2) 11-баптың 1-тармағының 13) тармақшасы мынадай редакцияда жазылсын:
«13) электр (телекоммуникация) байланысының желілері арқылы берілетін, берілген және оны қабылдау, беру, жеткізу және (немесе) өңдеу жүзеге асырылған кезден бастап үш ай ішінде телекоммуникация құралдарында сақталатын ақпаратты жедел түсіріп алу;».
37-тармақ 2024 ж. 17 шілдеден бастап қолданысқа енгізілді
37. «Дактилоскопиялық және геномдық тіркеу туралы» 2016 жылғы 30 желтоқсандағы Қазақстан Республикасының Заңына:
1) 10-баптың 3-тармағындағы «Үкіметі» деген сөз «ішкі істер органдары» деген сөздермен ауыстырылсын;
2) 31-баптың 2) тармақшасы алып тасталсын;
3) 32-баптың 1) тармақшасы «әзірлейді» деген сөзден кейін «және бекітеді» деген сөздермен толықтырылсын.
38-тармақ 2024 ж. 17 шілдеден бастап қолданысқа енгізілді
38. «Стандарттау туралы» 2018 жылғы 5 қазандағы Қазақстан Республикасының Заңына:
10-бапта:
2) тармақшадағы «және ұлттық техникалық-экономикалық ақпарат сыныптауыштарын» деген сөздер алып тасталсын;
мынадай мазмұндағы 2-1) тармақшамен толықтырылсын:
«2-1) уәкілетті органмен және мемлекеттік статистика саласындағы уәкілетті органмен келісу бойынша ұлттық техникалық-экономикалық ақпарат сыныптауыштарын әзірлеуді;».
39-тармақ 2024 ж. 17 шілдеден бастап қолданысқа енгізілді
39. «Агломерацияларды дамыту туралы» 2023 жылғы 1 қаңтардағы Қазақстан Республикасының Заңына:
5-баптың 2) және 3) тармақшаларындағы «Қазақстан Республикасы Президентінің Әкімшілігімен келісу бойынша» деген сөздер алып тасталсын.
40. «Қазақстан Республикасындағы цифрлық активтер туралы» 2023 жылғы 6 ақпандағы Қазақстан Республикасының Заңына:
1-бапта:
1) және 3) тармақшалар мынадай редакцияда жазылсын:
«1) қамтамасыз етілген цифрлық актив - қамтамасыз етілген цифрлық активке қойылатын талаптарға сәйкес келетін, қамтамасыз етілген цифрлық активтерді сақтау және айырбастау жөніндегі цифрлық платформа арқылы тіркелген цифрлық актив;»;
«3) қамтамасыз етілмеген цифрлық актив - қамтамасыз етілген цифрлық активке қойылатын талаптарға сәйкес келмейтін цифрлық актив;»;
4) тармақша «құрылған,» деген сөзден кейін «есеп айырысу ақша бірлігі және (немесе) заңды төлем құралы болып табылмайтын,» деген сөздермен толықтырылсын.
2-бап. Осы Заң, алғашқы ресми жарияланған күнінен кейін күнтізбелік он күн өткен соң қолданысқа енгізілетін 1-баптың 1-тармағын, 2-тармағының 1), 2) және 3) тармақшаларын, 3, 4, 5 және 6-тармақтарын, 7-тармағының 1) тармақшасын, 8 - 20-тармақтарын, 21-тармағының 1) тармақшасын, 22-тармағын, 23-тармағының 1) - 5) тармақшаларын, 24, 25, 26, 27, 28, 29, 30 және 31-тармақтарын, 32-тармағының 2) тармақшасын, 33-тармағын, 34-тармағының 1) тармақшасының тоғызыншы абзацын, 2) тармақшасын, 3) тармақшасының екінші абзацын, 4) тармақшасының екінші және үшінші абзацтарын, 6) тармақшасының бесінші абзацын, 7) тармақшасының екінші - алтыншы, сегізінші - оныншы абзацтарын, 9) тармақшасының алтыншы абзацын, 12) тармақшасының үшінші абзацын, 17) және 18) тармақшаларын, 19) тармақшасының екінші абзацын, 35, 37, 38 және 39-тармақтарын қоспағанда, алғашқы ресми жарияланған күнінен кейін алты ай өткен соң қолданысқа енгізіледі.
Қазақстан Республикасының
Президенті
Қ. ТОҚАЕВ
Астана, Ақорда, 2024 жылғы 5 шілде
№ 115-VIII ҚРЗ
