Қазақстан Республикасы Үкіметінің жанындағы консультациялық-кеңесші органдар мен жұмыс топтарын құру тәртібі, қызметі мен таратылуы туралы нұсқаулықты бекіту туралы
Қазақстан Республикасы Үкіметінің 1999 жылғы 16 наурыздағы № 247 Қаулысы
(2022.02.06. берілген өзгерістер мен толықтыруларымен)
Осы редакция 2022 жылғы 17 тамызда енгізілген өзгерістеріне дейін қолданылды
ҚР Үкіметінің 10.05.00 ж. № 696 Қаулысымен тақырыбы өзгертілді
ҚР Үкіметінің 2006.06.04. № 251 Қаулысымен кіріспе өзгертілді (бұр. ред. қара)
Қазақстан Республикасы Үкіметінің жанындағы консультациялық-кеңесші органдар мен жұмыс топтарының қызметін ретке келтіру мақсатында Қазақстан Республикасының Үкіметі қаулы етеді:
ҚР Үкіметінің 10.05.00 ж. № 696 Қаулысымен 1-тармақ өзгертілді
1. Қазақстан Республикасы Үкіметінің жанындағы консультациялық-кеңесші органдар мен жұмыс топтарын құру тәртібі, қызметі мен таратылуы туралы қоса беріліп отырған Нұсқаулық бекітілсін.
2. Осы қаулының орындалуын бақылау Қазақстан Республикасы Премьер-Министрінің Кеңсесіне жүктелсін.
Қазақстан Республикасының
| Премьер-Министрі | | | | | Н. Балғымбаев |
Қазақстан Республикасы Үкіметінің
1999 жылғы 16 наурыздағы № 247 Қаулысымен
бекітілген
Қазақстан Республикасы Үкіметінің жанындағы консультативтік-кеңесші
органдар мен жұмыс топтарын құру тәртібі, қызметі мен таратылуы туралы
Нұсқаулық
ҚР Үкіметінің 10.05.00 ж. № 696 Қаулысымен тақырыбы өзгертілді
1. Жалпы ережелер
ҚР Үкіметінің 10.05.00 ж. № 696 Қаулысымен 1-тармақ өзгертілді
1. Осы Нұсқаулықтың «Қазақстан Республикасының Үкіметі туралы» Қазақстан Республикасының Конституциялық заңының 26-бабына сәйкес Қазақстан Республикасы Үкіметінің жанынан құрылатын консультативтік-кеңесші органдар (бұдан әрі - комиссиялар) мен жұмыс топтарын құру, қызметі және таратылуы мәселелерін реттейді. Құрылуы заң актілерімен тікелей кез-келген комиссияларға осы Нұсқаулық тиісті заң актілеріне қайшы келмейтін бөлігінде қолданылады.
ҚР Үкіметінің 05.03.04 ж. № 279 (бұр. ред. қара); 2005.10.02. № 135 (бұр. ред. қара) Қаулыларымен 2-тармақ өзгерді
2. Комиссия Қазақстан Республикасы Үкіметінің құзыретіне жатқызылған мәселелер бойынша ұсыныстар әзірлеу үшін құрылады.
ҚР Үкіметінің 2005.10.02. № 135 Қаулысымен 2-1-тармақпен толықтырылды; ҚР Үкіметінің 2006.06.04. № 251 Қаулысымен (бұр. ред. қара); 2018.26.01. № 34 Қаулысымен (бұр. ред. қара) 2-1-тармақ өзгертілді
2-1. Қазақстан Республикасының Премьер-Министрi кейiннен Қазақстан Республикасының Yкiметi мүшелерiнiң алқалы шешiм қабылдауын талап ететiн аса маңызды мәселелер бойынша комиссияларды басқарады. Қазақстан Республикасының Премьер-Министрi басқаратын комиссиялардың құрамына мемлекеттiк органдардың бiрiншi басшылары немесе олардың мiндеттерiн атқаратын адамдар немесе алмастыру құқығынсыз мемлекеттiк органдардың бiрiншi басшыларының орынбасарларынан төмен емес мәртебесi бар лауазымды адамдар кiредi.
Қазақстан Республикасы Премьер-Министрінің орынбасары Қазақстан Республикасының Премьер-Министрi мен оның орынбасары арасындағы мiндеттердi бөлуге сәйкес оның құзыретiне жатқызылған мәселелер бойынша не Қазақстан Республикасы Премьер-Министрінің тапсырмасы бойынша комиссияларды басқарады. Қазақстан Республикасы Премьер-Министрінің орынбасары басқаратын комиссиялардың құрамына алмастыру құқығынсыз мемлекеттік органдардың бiрiншi басшыларының орынбасарларынан төмен емес мәртебесi бар лауазымды тұлғалар кiредi.
Салааралық және ведомствоаралық мәселелер бойынша ұсыныстар әзiрлеу үшiн құрылатын комиссияларды Қазақстан Республикасы Үкіметінiң өзге де мүшелерi басқарады.
Осындай комиссиялардың мүшелері болып табылатын мемлекеттік органдардың лауазымды тұлғаларының мәртебесі департамент директорынан төмен емес болуы тиiс.
ҚР Үкіметінің 2006.06.04. № 251 Қаулысымен 3-тармақ өзгертілді (бұр. ред. қара)
3. Жұмыс топтары Қазақстан Республикасы Үкіметінің құзыретіне жатқызылған нақты проблемалар мен мәселелер бойынша ұсыныстар әзірлеу үшін құрылады. Жұмыс топтарының қызметі, әдетте, қысқа мерзімдік сипатта (6 айдан аз) болады және тиісті проблема және/немесе мәселе бойынша бір рет шешім қабылданғаннан кейін аяқталады. Жұмыс топтарының құрамына жұмыс тобына жүктелген міндеттерді орындайтын тікелей орындаушылар енгізіледі.
4. Комиссиялар мен жұмыс топтарының шешімдері ұсыныс сипатында болады.
ҚР Үкіметінің 2015.07.08. № 613 Қаулысымен 5-тармақ жаңа редакцияда (бұр. ред. қара)
5. Қазақстан Республикасы Үкіметінің жанындағы комиссиялар мен жұмыс топтары Қазақстан Республикасы Премьер-Министрінің өкімімен құрылады және таратылады.
ҚР Үкіметінің 2022.02.06. № 355 Қаулысымен 5-1-тармақпен толықтырылды
5-1. Құрылған комиссиялар консультативтік-кеңесші органдар тізіліміне (бұдан әрі – тізілім) енгізіледі, оны Қазақстан Республикасы Премьер-Министрінің Кеңсесі осы Нұсқаулыққа 1-қосымшаға сәйкес нысан бойынша жүргізеді.
Тізілім Қазақстан Республикасы Үкіметінің ресми интернет-ресурсында орналастырылады және консультативтік-кеңесші органдар құрылған немесе таратылған күннен бастап үш жұмыс күні ішінде өзектілендіріліп отырады.
2. Комиссиялар мен жұмыс топтарын құрудың тәртібі
ҚР Үкіметінің 2014.09.04. № 329 Қаулысымен 6-тармақ өзгертілді (бұр. ред. қара); ҚР Үкіметінің 2015.07.08. № 613 Қаулысымен (бұр. ред. қара); 2016.04.02. № 54 Қаулысымен (бұр. ред. қара) 6-тармақ жаңа редакцияда
6. Комиссияның құрамы және қажет болған жағдайда ол туралы ереже, сондай-ақ жұмыс тобының құрамы, оның міндеттері Қазақстан Республикасы Премьер-Министрінің өкімімен айқындалады.
Комиссия жұмысының ұйымдастырылуы және тәртібі осы Нұсқаулыққа сәйкес жүзеге асырылады, бұл туралы Комиссия туралы ережеде көрсетіледі.
Бұл ретте, Комиссия туралы ережеде міндеттері, комиссия отырыстарының кезеңділігі, сондай-ақ жұмыс органы көзделеді.
Бекітілген лауазымдық құрам негізінде комиссияның дербес құрамы хаттамалық шешіммен айқындалады.
ҚР Үкіметінің 05.03.04 ж. № 279 Қаулысымен 7-тармақ өзгертілді (бұр. ред. қара)
7. Мемлекеттік органдар комиссияны немесе жұмыс тобын құруға белгілі бір мәселені шешу оның құзыретінің шегінен асып, басқа мемлекеттік органдардың қызмет аясын қамтығанда не оған осы органдардың немесе Қазақстан Республикасы Үкіметінің көмегі қажет болғанда бастамашылық жасайды. Мұндай жағдайда, комиссияны немесе жұмыс тобын құруға бастамашылық жасаған мемлекеттік орган барлық мүдделі мемлекеттік органдардан, ұйымдардан және өзге де тұлғалардан тиісті проблема немесе мәселе бойынша олардың қызметіне қатысу ықтималдығы туралы ұсыныстарын сұратады.
ҚР Үкіметінің 05.03.04 ж. № 279 (бұр. ред. қара); 2005.10.02. № 135 (бұр. ред. қара) Қаулыларымен; 2016.04.02. № 54 Қаулысымен (бұр. ред. қара) 8-тармақ өзгерді
8. Комиссияны немесе жұмыс тобын құруға бастамашылық жасаған мемлекеттік орган Қазақстан Республикасының Үкіметіне комиссияны (жұмыс тобын) құру қажеттілігінің анықтама-негіздемесін (алдын-ала келісу сатысы) ұсынады, онда мыналар көзделеді:
1) комиссияны/жұмыс тобын құру негіздемесі;
2) комиссияға/жұмыс тобына жүктелетін міндеттер;
3) комиссияның жұмыс органының функциясын орындау жүктелетін министрлік не ведомство;
4) комиссияны/жұмыс тобын басқаратын лауазымды тұлға, сондай-ақ мемлекеттік органдардың ұйымдардың және өзге де тұлғалардың комиссияның/жұмыс тобының құрамына кандидатуралар бойынша ұсыныстары;
5) қажет болған жағдайда - комиссияның/жұмыс тобының қызметін қаржыландыру көздері;
6) комиссия/жұмыс тобы қызметінің мерзімі;
7) комиссияны/жұмыс тобын құру қажеттілігіне байланысты өзге де мән-жайлар.
9. Қазақстан Республикасы Премьер-Министрінің Кеңсесі 10 күн мерзімнен кешіктірмей комиссияны/жұмыс тобын құруға бастамашылық жасаған мемлекеттік органның ұсынысын қарайды және мынадай шешімдердің бірін шығарады:
1) комиссияны/жұмыс тобын құруға бастамашылық жасаған мемлекеттік органның ұсынысымен келіседі;
2) ҚР Үкіметінің 2006.06.04. № 251 Қаулысымен алып тасталды (бұр. ред. қара)
3) комиссияны/жұмыс тобын құру туралы ұсынысты қабылдамай, бастама көтерген органға негізді жауап жібереді.
ҚР Үкіметінің 2005.10.02. № 135 (бұр. ред. қара); 2006.06.04. № 251 (бұр. ред. қара) Қаулыларымен 10-тармақ өзгертілді; ҚР Үкіметінің 2015.07.08. № 613 Қаулысымен (бұр. ред. қара); 2016.04.02. № 54 Қаулысымен (бұр. ред. қара) 10-тармақ жаңа редакцияда
10. Осы Нұсқаулықтың 9-тармағының 1) тармақшаcында көзделген жағдайда комиссияны/жұмыс тобын құруға бастама жасаған мемлекеттік орган Қазақстан Республикасы Үкіметінің Регламентіне сәйкес мүдделі министрліктермен және ведомстволармен келісілген Қазақстан Республикасының Премьер-Министрi өкімінің жобасын әзірлеп, Үкіметке енгізеді.
ҚР Үкіметінің 2015.07.08. № 613 Қаулысымен (бұр. ред. қара); 2018.26.01. № 34 Қаулысымен (бұр. ред. қара) 11-тармақ жаңа редакцияда
11. Комиссияны не жұмыс тобын құру заңда немесе Қазақстан Республикасы Үкiметiнiң актісінде көзделген жағдайларда не Премьер-Министрдің, оның орынбасарларының немесе Премьер-Министр Кеңсесінің бастамасы бойынша жүзеге асырылса, осы Нұсқаулықтың 7 және 8-тармақтарында көзделген комиссия құру туралы Премьер-Министр өкімінің жобасын Премьер-Министрдің Кеңсесімен алдын ала келісу талап етілмейді.
ҚР Үкіметінің 05.03.04 ж. № 279 (бұр. ред. қара); 2006.06.04. № 251 (бұр. ред. қара) Қаулыларымен 12-тармақ өзгертілді; ҚР Үкіметінің 2014.09.04. № 329 Қаулысымен 12-тармақ жаңа редакцияда (бұр. ред. қара)
12. Комиссиялардың/жұмыс топтарының лауазымдық құрамына комиссияға/жұмыс тобына жүктелген міндеттерді шешу заңнамаға сәйкес құзыретіне кіретін министрліктердің, ведомстволар мен ұйымдардың өкілдері енгізіледі.
Жекелеген жағдайларда комиссиялардың/жұмыс топтарының құрамына өздерімен келісім бойынша ғылыми, үкiметтік емес және басқа да ұйымдардың өкiлдерi, ғалымдар, мамандар және өзге де адамдар енгiзiлуi мүмкiн.
Комиссиялардың/жұмыс топтарының мүшелері олардың қызметіне ауыстыру құқығынсыз қатысады.
ҚР Үкіметінің 2016.04.02. № 54 Қаулысымен 3-тарау жаңа редакцияда (бұр. ред. қара)
3. Комиссияның/жұмыс тобының міндеттері
13. Комиссияның/жұмыс тобының міндеттері Премьер-Министрдің өкімінде белгіленеді.
4. Комиссияның/жұмыс тобының органдары
ҚР Үкіметінің 05.03.04 ж. № 279 Қаулысымен 14-тармақ өзгертілді (бұр. ред. қара)
14. Комиссияның/жұмыс тобының органдары:
1) жұмысшы орган (тек комиссияда жұмыс істейді);
2) төраға/жетекші;
3) төрағаның/жетекшінің орынбасары;
4) хатшы;
5) ҚР Үкіметінің 2005.10.02. № 135 Қаулысымен алынып тасталды (бұр. ред. қара)
ҚР Үкіметінің 2005.10.02. № 135 Қаулысымен 15-тармақ жаңа редакцияда (бұр. ред. қара); ҚР Үкіметінің 2014.09.04. № 329 Қаулысымен (бұр. ред. қара); 2015.07.08. № 613 Қаулысымен (бұр. ред. қара) 15-тармақ өзгертілді; ҚР Үкіметінің 2016.04.02. № 54 Қаулысымен 15-тармақ жаңа редакцияда (бұр. ред. қара); ҚР Үкіметінің 2017.19.08. № 491 Қаулысымен (бұр. ред. қара); 2018.26.01. № 34 Қаулысымен (бұр. ред. қара); 2019.20.04. № 216 Қаулысымен (бұр. ред. қара) 15-тармақ өзгертілді
15. Комиссияны құруға бастама жасаған мемлекеттік орган болып табылатын оның жұмыс органы, комиссия төрағасы болып табылатын лауазымды тұлға не өзге ұйым Комиссия туралы ережеде көрсетіледі.
Комиссияның қызметін қамтамасыз ету мақсатында жұмыс органы:
1) комиссия жұмысын ұйымдастырушылық-техникалық жағынан қамтамасыз етуді жүзеге асырады, оның ішінде комиссия отырысының күн тәртібі бойынша ұсыныстарды, қажетті құжаттарды, материалдарды дайындайды, олар хаттама жобасын қоса бере отырып, Қазақстан Республикасының Премьер-Министрі не оның орынбасарлары басшылық жасайтын комиссия отырысы өткізілгенге дейін жеті жұмыс күні бұрын немесе хаттама жобасын қоса бере отырып, мемлекеттік органның лауазымды адамы басшылық жасайтын комиссия отырысы өткізілгенге дейін үш жұмыс күні бұрын хатшының ЭЦҚ қойылған электрондық құжат форматында комиссия мүшелеріне жіберілуге тиіс;
2) комиссия отырыстарына мемлекеттік органдардың, өзге де ұйымдардың өкілдерін және тұлғаларды (келісім бойынша) шақырады;
3) мемлекеттік органдардың, өзге де ұйымдарың өкілдерінен және тұлғалардан (келісім бойынша) қажетті ақпарат сұратады;
4) мемлекеттік органдардың, өзге де ұйымдардың мамандарын және тұлғаларды (келісім бойынша) тартады.
Материалдары осы тармақтың 1) тармақшасында белгіленген мерзімдерді бұза отырып енгізілген, сондай-ақ өткізілетін отырыстың күн тәртібінен тыс көтерілетін мәселелер қарауға жіберілмейді.
Мемлекеттік органның басшысы басқаратын Қазақстан Республикасы Үкіметінің жанындағы комиссияның жұмыс органы жылына бір рет, есепті жылдан кейінгі айдың 20-күнінен кешіктірмей Қазақстан Республикасының Үкіметіне комиссияның жұмысы туралы есепті ұсынады.
ҚР Үкіметінің 2006.06.04. № 251 Қаулысымен 16-тармақ өзгертілді (бұр. ред. қара)
16. Комиссияның/жұмыс тобының төрағасы/жетекшісі оның қызметіне басшылық жасайды, комиссия отырыстарына төрағалық етеді, оның жұмысын жоспарлайды, оның шешімдерінің іске асырылуына жалпы бақылауды жүзеге асырады және комиссия/жұмыс тобы жүзеге асыратын қызмет, сондай-ақ салааралық, ведомствоаралық үйлестіру үшін және комиссия/жұмыс тобы әзірлейтін шешімдер үшін қолданыстағы заңнамаға сәйкес дербес жауап береді. Төраға болмаған кезде оның функцияларын орынбасары атқарады.
ҚР Үкіметінің 2016.04.02. № 54 Қаулысымен 16-1-тармақпен толықтырылды
16-1. Отырыстың күн тәртібін, сондай-ақ өткізілетін күнін, уақытын және орнын комиссия төрағасы айқындайды.
Комиссия отырыстары, егер оған комиссия мүшелерінің жалпы санының кемінде үштен екісі қатысатын болса, заңды болып саналады.
ҚР Үкіметінің 2006.06.04. № 251 Қаулысымен (бұр. ред. қара); 2014.09.04. № 329 Қаулысымен (бұр. ред. қара); 2018.26.01. № 34 Қаулысымен (бұр. ред. қара) 17-тармақ өзгертілді
17. Комиссияның/жұмыс тобының отырыстары өткізілгеннен кейін комиссияның/жұмыс тобының хатшысы электрондық құжат форматында хаттаманы ресімдейді.
Хатшы комиссияның/жұмыс тобының мүшесі болып табылмайды.
ҚР Үкіметінің 2005.10.02. № 135 Қаулысымен (бұр. ред. қара); 2014.09.04. № 329 Қаулысымен (бұр. ред. қара); 2016.04.02. № 54 Қаулысымен (бұр. ред. қара); 2017.19.08. № 491 Қаулысымен (бұр. ред. қара); 2018.26.01. № 34 Қаулысымен (бұр. ред. қара) 18-тармақ жаңа редакцияда
18. Жұмыс тобының жұмысын ұйымдастырушылық-техникалық жағынан қамтамасыз етуді оны құруға бастамашылық жасаған мемлекеттік орган жүзеге асырады, ол жұмыс тобы отырысының күн тәртібі бойынша ұсыныстарды, қажетті құжаттарды, материалдарды дайындайды және хаттама жобасын қоса бере отырып, оларды жұмыс тобының отырысы өткізілгенге дейін жеті жұмыс күні бұрын жұмыс тобының мүшелеріне ЭЦҚ қойылған электрондық құжат форматында жібереді.
ҚР Үкіметінің 2005.10.02. № 135 (бұр. ред. қара); 2006.06.04. № 251 (бұр. ред. қара) Қаулыларымен 19-тармақ өзгертілді; ҚР Үкіметінің 2014.09.04. № 329 Қаулысымен (бұр. ред. қара); 2017.19.08. № 491 Қаулысымен (бұр. ред. қара); 2018.26.01. № 34 Қаулысымен (бұр. ред. қара) 19-тармақ жаңа редакцияда; ҚР Үкіметінің 2022.02.06. № 355 Қаулысымен 19-тармақ өзгертілді (бұр. ред. қара)
19. Комиссияның/жұмыс тобының шешімдері ашық және/немесе жабық дауыс беру арқылы қабылданады және комиссия/жұмыс тобы мүшелерінің жалпы санының көпшілігі дауыс берсе, қабылданды деп саналады. Дауыс беру осы Нұсқаулыққа 2-қосымшаға сәйкес нысан бойынша дауыс беру парағын ЭЦҚ қойылған электрондық құжат форматында жіберу арқылы жүргізіледі. Дауыстар тең болған жағдайда төраға/жетекші дауыс берген шешім қабылданды деп саналады.
Комиссия/жұмыс тобы мүшелерінің ерекше пікір білдіруге құқығы бар, оны білдірген жағдайда, ол ЭЦҚ қойылған электрондық құжат форматында жіберіліп, осы Нұсқаулықтың 24-тармағында көзделген комиссияның/жұмыс тобының есеп-хатына қоса берілуге тиіс.
Комиссияның/жұмыс тобының отырыстарын өткізудің нәтижелері бойынша және дауыс беру парақтарының негізінде 5 (бес) жұмыс күні ішінде төраға ЭЦҚ арқылы қол қоятын электрондық құжат форматындағы хаттама жасалады.
Комиссияның/жұмыс тобы мүшелерінің хаттаманы келісу нәтижелері туралы хатшының анықтамасы хаттамаға қоса беріліп, ЭЦҚ қойылған электрондық құжат форматында төрағаның атына жіберіледі. Анықтамада отырысқа қатысқан комиссияның/жұмыс тобының әрбір мүшесінің комиссияның/жұмыс тобының әрбір шешімі бойынша жеке дауыс беру нәтижелері, оның ішінде негізді себептері көрсетіле отырып, шешім қабылдауға қолдау көрсеткен дауыстардың жалпы саны, шешім қабылдауды қолдамаған дауыстардың жалпы саны, сондай-ақ хаттамаға қол қою мүмкіндігі туралы қорытынды көрсетіледі.
Егер қаралатын мәселелер бойынша дауыс беру парағында көзделмеген шешімдер болса, комиссия хатшысы 2 (екі) жұмыс күні ішінде хаттаманың жобасын жасап, комиссияның/жұмыс тобының мүшелеріне дауыс беру үшін ЭЦҚ қойылған электрондық құжат форматында жібереді.
Хаттама жобасын алғаннан кейін комиссияның/жұмыс тобының мүшелері 3 (үш) жұмыс күні ішінде ЭЦҚ қойылған электрондық құжат форматындағы хаттарды жіберу арқылы дауыс беруі қажет. Егер комиссияның/жұмыс тобының мүшесі белгіленген мерзімде дауыс бермесе, хаттама жобасына ескертулерсіз дауыс берілді деп саналады.
Егер комиссияның/жұмыс тобының құрамында ЭЦҚ-сы жоқ жекелеген мүшелер болса, дауыс беру осы Нұсқаулықтың 19-тармағында көзделген хаттамаға қоса берілетін, хатшының анықтамасында нәтижелері көрсетілетін дауыс беру парағын толтыру арқылы жүргізіледі.
ҚР Үкіметінің 2014.09.04. № 329 Қаулысымен 19-1-тармақпен толықтырылды; ҚР Үкіметінің 2016.29.09. № 551 Қаулысымен 19-1-тармақ жаңа редакцияда (бұр. ред. қара)
19-1. Комиссиялардың/жұмыс топтарының дауыс беру парақтары қоса берілген материалдары мен хаттамалық шешімдерін есепке алуды және сақтауды:
1) комиссияны/жұмыс тобын мемлекеттік органның лауазымды адамы басқарған жағдайда - комиссияның/жұмыс тобының жұмыс органы;
2) комиссияны/жұмыс тобын Қазақстан Республикасының Премьер-Министрі не оның орынбасарлары басқарған жағдайда - Қазақстан Республикасы Премьер-Министрінің Кеңсесі жүзеге асырады.
5. Комиссиялар мен жұмыс топтарының қызметін тоқтату
ҚР Үкіметінің 2006.06.04. № 251 Қаулысымен 20-тармақ өзгертілді (бұр. ред. қара)
20. Комиссия/жұмыс тобы қызметін тоқтатуға:
1) комиссия/жұмыс тобы қызметі мерзімінің аяқталуы;
2) комиссияға/жұмыс тобына жүктелген міндеттердің орындалуы;
3) бұрын комиссияға/жұмыс тобына жүктелген міндеттерді жүзеге асыратын мемлекеттік органдардың немесе өзге комиссияның/жұмыс тобының құрылуы;
4) комиссия/жұмыс тобы міндетінің орындалуына мүмкіндік бермейтін не орның орындалуын қажет етпейтін өзге мән-жайлар негіз болады.
ҚР Үкіметінің 2006.06.04. № 251 Қаулысымен 21-тармақ жаңа редакцияда (бұр. ред. қара); ҚР Үкіметінің 2015.07.08. № 613 Қаулысымен 21-тармақ өзгертілді (бұр. ред. қара)
21. Комиссияның/жұмыс тобының қызметін тоқтату үшін осы Нұсқаулықтың 20-тармағында көрсетілген жағдайлар туындаған немесе комиссияның/жұмыс тобының құрамына немесе функцияларына өзгерістер енгізу қажет болған кезде комиссияның жұмыс органы болып табылатын не лауазымды адамы жұмыс тобының жетекшісі болып табылатын мемлекеттік орган белгіленген тәртіппен Қазақстан Республикасының Премьер-Министрі өкімінің тиісті жобасын Қазақстан Республикасының Үкіметіне уақтылы енгізеді.
Егер Қазақстан Республикасының Премьер-Министрі, оның орынбасары, Қазақстан Республикасының Премьер-Министрі Кеңсесінің Басшысы немесе оның орынбасары жұмыс тобының жетекшісі болып табылған жағдайда Қазақстан Республикасы Премьер-Министрінің тиісті өкімін жұмыс тобы жетекшісінің тапсырмасы бойынша осындай тапсырмада көрсетілген мемлекеттік орган енгізеді.
22. ҚР Үкіметінің 2006.06.04. № 251 Қаулысымен алып тасталды (бұр. ред. қара)
ҚР Үкіметінің 2006.06.04. № 251 Қаулысымен 23-тармақ өзгертілді (бұр. ред. қара); ҚР Үкіметінің 2015.07.08. № 613 Қаулысымен 23-тармақ жаңа редакцияда (бұр. ред. қара)
23. Комиссияның/жұмыс тобының қызметін тоқтатуға әкеп соғатын жағдай туындаған кезде Премьер-Министрдің Кеңсесіне оған сәйкес комиссия/жұмыс тобы құрылған Қазақстан Республикасының Премьер-Министрі өкімінің күші жойылды деп тану туралы шешімнің жобасымен бір мезгілде оның атқарған жұмысы туралы есеп-хат жіберіледі.
ҚР Үкіметінің 2006.06.04. № 251 Қаулысымен 24-тармақ өзгертілді (бұр. ред. қара)
24. Есеп-хат:
1) комиссия/жұмыс тобы әзірлеген қорытынды құжаттан;
2) комиссия/жұмыс тобы өз қызметін тоқтатуды қажет деп есептеуінің негіздерін қамтиды.
25. ҚР Үкіметінің 2006.06.04. № 251 Қаулысымен алып тасталды (бұр. ред. қара)
ҚР Үкіметінің 10.05.00 ж. № 696 Қаулысымен 5-1-бөліммен толықтырылды
5-1. Жедел жұмыс топтары
ҚР Үкіметінің 2006.06.04. № 251 Қаулысымен 25-1-тармақ өзгертілді (бұр. ред. қара)
25-1. Қазақстан Республикасы Премьер-Министрінің орынбасары мен Премьер-Министрдiң Кеңсесi Басшысының құзыретiне жатқызылған мәселелер бойынша, сондай-ақ нақты проблемалар бойынша және түрлi министрлiктер мен ведомстволардың өкiлдерiн тарта отырып кiдiрiссiз және жедел шешудi қажет ететiн мәселелер бойынша ұсыныстарды әзiрлеу мақсатында жедел жұмыс топтары құрылуы мүмкiн.
Жедел жұмыс топтары өздерiнiң мәртебесi бойынша Қазақстан Республикасы Үкіметінiң консультативтiк-кеңесшi органы болып табылмайды, олардың арасындағы мiндеттердiң бөлiнуiне сәйкес Қазақстан Республикасы Премьер-Министрінің орынбасары мен Премьер-Министр Кеңсесiнiң Басшысы қызметiнiң тиiстi бағыттары бойынша тиiстi ұсынымдар (ұсыныстар) әзiрлеуге арналған.
25-2. Жедел жұмыс топтарының қызметi, әдетте, қысқа мерзiмдi (3 айдан
аз) сипатта болады және тиiстi проблема және/немесе мәселе бойынша бiрмәрте ұсынымдық шешiм қабылдаумен аяқталады.
Жедел жұмыс топтарының құрамына әдетте, жедел жұмыс тобына жүктелген мiндеттердi тiкелей атқарушылар, сондай-ақ олардың келісімi жағдайында мемлекеттік және өзге де ұйымдардың мамандары кiредi.
ҚР Үкіметінің 2006.06.04. № 251 Қаулысымен 25-3-тармақ өзгертілді (бұр. ред. қара)
25-3. Жедел жұмыс топтары Қазақстан Республикасы Премьер-Министрінің орынбасарының және/немесе Қазақстан Республикасы Премьер-Министрінің Кеңсесi Басшысының шешiмi бойынша құрылады.
Жедел жұмыс тобының құрамын, оның мақсаттары мен мiндеттерiн Қазақстан Республикасы Премьер-Министрінің орынбасары және/немесе Қазақстан Республикасының Премьер-Министрi Кеңсесiнiң Басшысы бекiтедi.
ҚР Үкіметінің 2006.06.04. № 251 Қаулысымен 25-4-тармақ өзгертілді (бұр. ред. қара)
25-4. Жедел жұмыс тобының қызметi осы Нұсқаулықтың 20-тармағында көзделген негiздемелер бойынша тоқтатылады.
Жедел жұмыс тобының қызметiн тоқтатуына әкеп соқтыратын жағдайлар пайда болған кезде, жедел жұмыс тобының жетекшiсi iстелген жұмыстар туралы есеп-хат ұсынады.
Премьер-Министрдiң орынбасары және/немесе Премьер-Министр Кеңсесiнiң Басшысы жедел жұмыс тобының қорытындыларына келісім бiлдiрген жағдайда, оның қызметi тоқтатылған болып есептеледi.
6. Ерекше жағдайлар
26. Осы Нұсқаулық төтенше жағдайлар туындаған кезде комиссия/жұмыс тобын құру туралы шешім қабылдауға қолданылмайды.
ҚР Үкіметінің 2022.02.06. № 355 Қаулысымен 1-қосымшамен толықтырылды
Қазақстан Республикасы
Үкіметінің жанындағы
консультациялық-кеңесші
органдар мен жұмыс топтарын
құру тәртібі, қызметі мен
таратылуы туралы
нұсқаулыққа
1-қосымша
Нысан
Қазақстан Республикасының Үкіметі жанындағы консультативтік-кеңесші органдардың тізілімі
| Р/с № | Комиссия атауы | Комиссияның жұмыс органы | Комиссияға басшылық жасайтын лауазымды адам | Комиссияның функциялары мен міндеттері | Комиссия құру туралы актінің деректемелері |
| 1 | 2 | 3 | 4 | 5 | 6 |
ҚР Үкіметінің 2014.09.04. № 329 Қаулысымен қосымшамен толықтырылды; ҚР Үкіметінің 2018.26.01. № 34 Қаулысымен қосымша өзгертілді (бұр. ред. қара); ҚР Үкіметінің 2022.02.06. № 355 Қаулысымен жоғарғы оң жақ бұрыштағы мәтіні жаңа редакцияда (бұр. ред. қара)
Қазақстан Республикасы
Үкіметінің жанындағы
консультациялық-кеңесші
органдар мен жұмыс топтарын
құру тәртібі, қызметі мен
таратылуы туралы нұсқаулыққа
2-қосымша
Комиссиялар/жұмыс топтары мүшелерінің
ДАУЫС БЕРУ ПАРАҒЫ
___________________________________________
Т.А.Ә., лауазымы
№ мәжіліс күні:
