(БҰРЫНҒЫ РЕДАКЦИЯ) ҚР ҮКІМЕТІНІҢ 2013.24.10 № 1143 ҚАУЛЫСЫ

Энергия өндіруші ұйымдар үшін күзгі-қысқы кезеңде пайдаланылатын отын қорының нормаларын бекіту туралы
Қазақстан Республикасы Үкіметінің 2013 жылғы 24 қазандағы № 1143 Қаулысы

Осы редакция 2014 жылғы 5 тамызда енгізілген өзгерістеріне дейін қолданылды

«Электр энергетикасы туралы» 2004 жылғы 9 шілдедегі Қазақстан Республикасының Заңы 4-бабының 38-6), 38-7) тармақшаларына сәйкес Қазақстан Республикасының Үкіметі ҚАУЛЫ ЕТЕДІ:

1. Қоса беріліп отырған энергия өндіруші ұйымдар үшін күзгі-қысқы кезеңде пайдаланылатын отын қорының нормалары бекітілсін.

2. «Энергия өндіруші ұйымдар үшін күзгі-қысқы кезеңде пайдаланылатын отын қорының нормаларын айқындау қағидаларын бекіту туралы» Қазақстан Республикасы Үкіметінің 2013 жылғы 19 наурыздағы № 261 қаулысына (Қазақстан Республикасының ПҮАЖ-ы, 2013 ж., № 22, 353-құжат.) мынадай толықтыру енгізілсін:

көрсетілген қаулымен бекітілген Энергия өндіруші ұйымдар үшін күзгі-қысқы кезеңде пайдаланылатын отын қорының нормаларын айқындау қағидалары:

мынадай мазмұндағы 7-1-тармақпен толықтырылсын:

«7-1. Энергия өндіруші ұйымдағы отынның орташа тәуліктік шығысы мынадай формулаларға сәйкес есептеледі:

В = В^тэ + В^ээ, [тонна],

мұндағы:

В - энергия өндіруші ұйымдағы отынның орташа тәуліктік шығысы;

В^жэ - жылу энергиясын өндіруге арналған отынның орташа тәуліктік шығысы;

В^ээ - электр энергиясын өндіруге арналған отынның орташа тәуліктік шығысы.

Жылу энергиясын өндіруге жұмсалатын отынның орташа тәуліктік шығысының мөлшерін айқындау.

В^жэ = В^жэ_шарт / Э, [тонна];

мұндағы:

В^жэ_шарт - жылу энергиясын өндіруге арналған шартты отынның орташа тәуліктік шығысы [шартты отынның тоннасы];

Э - отынның жылу шығару қабілетінің шартты отынға қатынасына тең калориялы коэффициенті:

Э = Q^p_т / 7000,

мұндағы:

Q^р_т - отынның төменгі жылу шығару қабілеті, [килокалория/килограмм];

7000 - шартты отынның төменгі жылу шығару қабілеті, [килокалория/килограмм].

В^жэ_шарт = Q_тәу * b_т * 10^-3, [шартты отынның тоннасы],

мұндағы:

Q_тәу - тәулігіне алынатын жылу энергиясының мөлшері [гигакалория];

b_о - шартты отынның жылу энергиясын жіберудегі үлес шығысы, [килограмм/гигакалория].

Q_тәу = Q * t,

мандаты:

Q_тәу - тәулігіне алынатын жылу энергиясының мөлшері [гигакалория];

Q - белгіленген жылу қуатын пайдалану коэффициентін ескере отырып есептелген жылу қуаты [гигакалория /сағат];

t - тәуліктегі сағат саны [сағат];

Q = Q_белг * К_о, [гигакалория /сағат], мұндағы:

Q_белг - станцияның белгіленген жылу қуаты, [гигакалория /сағат];

К_о - белгіленген жылу қуатын пайдалану коэффициенті;

К_о = Q_өнд / (Q_белг. * n) мұндағы:

Q_өнд - жыл бойы өндірілген жылу энергиясының мөлшері [гигакалория];

n - өткен жылдағы күнтізбелік сағат саны.

Тәулігіне электр энергиясын өндіруге жұмсалатын шартты отын мөлшерін айқындау:

В^ээ = В^ээ_шарт / Э, [тонна], мұндағы:

В^ээ_шарт - электр энергиясын өндіруге арналған шартты отынның орташа тәуліктік шығысы, [шартты отынның тоннасы];

Э - отынның жылу шығару қабілетінің шартты отынға қатынасына тең калориялық коэффициенті:

Э = Q^p_т / 7000, [килокалория/килограмм],

мұндағы:

Q^p_т - отынның төменгі жылу шығару қабілеті, [килокалория/килограмм];

7000 - шартты отынның төменгі жылу шығару қабілеті, [килокалория/килограмм].

В^ээ_шарт = Э_тәу * b_э * 10^-3, [шартты отынның тоннасы],

мұндағы:

Э_тәу - тәулігіне алынған электр энергиясының мөлшері [мың киловатт* сағат];

b_э - шартты отынның электр энергиясын жіберудегі үлес шығысы, [грамм/киловатт* сағат];

Э_тәу = N * t, мұндағы:

N - белгіленген электр қуатын пайдалану коэффициентін ескере отырып есептелген электр қуаты [мегаватт];

t_тәy - тәуліктегі сағат саны, сағат;

N = N_белг. * К_э, [мегаватт], мұндағы:

N_белг. - станцияның белгіленген электр қуаты, [мегаватт];

К_э - белгіленген электр қуатын пайдалану коэффициенті;

К_э = Э_өнд /(N_белг * n), мұндағы:

Э_өнд - өткен жылы өндірілген электр энергиясының мөлшері [мың киловатт* сағат];

n - өткен жылдағы күнтізбелік сағат саны.».

3. «Отын пайдалану қорының нормасы туралы» Қазақстан Республикасы Премьер-Министрінің 1996 жылғы 19 желтоқсандағы № 577-ө өкімінің күші жойылды деп танылсын.

4. Осы қаулы алғашқы ресми жарияланған күнінен бастап күнтізбелік он күн өткен соң қолданысқа енгізіледі.

Қазақстан Республикасы

Үкіметінің

2013 жылғы 24 қазандағы

№ 1143 қаулысымен

бекітілген

Энергия өндіруші ұйымдар үшін күзгі-қысқы кезеңде пайдаланылатын
отын қорының нормасы

1. Қатты және сұйық отынмен жұмыс істейтін энергия өндіруші ұйымдар үшін:

100 километрге дейінгі жеткізу қашықтығында 10 тәулікке арналған негізгі және резервті отын мөлшері;

100 километрден асатын жеткізу қашықтығында 20 тәулікке арналған негізгі және резервті отын мөлшері.

2. Газ тәрізді отынмен жұмыс істейтін энергия өндіруші ұйымдар үшін, оларда мазут:

авариялық отын, 5 тәулікке арналған отын мөлшері;

резервтік отын, 10 тәулікке арналған отын мөлшері болып табылады.

3. Мазут жағатын отын болып табылатын энергия өндіруші ұйымдар үшін:

10 тәулікке арналған отын мөлшері, бұл ретте бір мезгілде жағылатын агрегаттар саны:

номиналды өнімділігінен 30%-ға дейін жүктемесі бар 4x200 мегаватт, 3x300 мегаватт және одан жоғары электр станциясында - блоктарда;

номиналды өнімділігінен 30%-ға дейін жүктемесі бар жылу электр орталығының екі ең үлкен қазанынан жоғары болмауы тиіс.