«Қазақстан Республикасы ұлттық валютасының шетел валюталарына ресми бағамын белгілеу қағидаларын бекіту туралы» Қазақстан Республикасы Ұлттық Банкі Басқармасының 2012 жылғы 24 тамыздағы № 242 Қаулысы (2026.06.07. берілген өзгерістер мен толықтырулармен)

Қазақстан Республикасы ұлттық валютасының шетел валюталарына ресми бағамын белгілеу қағидаларын бекіту туралы
Қазақстан Республикасы Ұлттық Банкі Басқармасының 2012 жылғы 24 тамыздағы № 242 Қаулысы

(2026.06.07. берілген өзгерістер мен толықтырулармен)

Осы өзгерістер енгізу туралы ҚР Ұлттық Банкі Басқармасының 2026 жылғы 22 маусымдағы № 65 Қаулысын қараңыз (2026 ж. 12 шілдеден бастап қолданысқа енгізіледі)

ҚР Ұлттық Банкі Басқармасының 2015.20.10. № 192 Қаулысымен тақырыбы жаңа редакцияда (бұр.ред.қара)

ҚР Ұлттық Банкі Басқармасының 2026.22.06. № 65 Қаулысымен кіріспе жаңа редакцияда (2026 ж. 6 шілдеден бастап қолданысқа енгізілді) (бұр.ред.қара)

«Қазақстан Республикасының Ұлттық Банкі туралы» Қазақстан Республикасы Заңының 15-бабы 2-тармағының 5) тармақшасына және «Қазақстан Республикасы Ұлттық Банкінің ережесін және құрылымын бекіту туралы» Қазақстан Республикасы Президентінің 2003 жылғы 31 желтоқсандағы № 1271 Жарлығымен бекітілген Қазақстан Республикасының Ұлттық Банкі туралы ереженің 19-тармағының екінші бөлігі екінші абзацының 2) тармақшасына сәйкес Қазақстан Республикасы Ұлттық Банкінің Басқармасы ҚАУЛЫ ЕТЕДІ:

ҚР Ұлттық Банкі Басқармасының 2015.20.10. № 192 Қаулысымен 1-тармақ жаңа редакцияда (бұр.ред.қара)

1. Қоса беріліп отырған Қазақстан Республикасы ұлттық валютасының шетел валюталарына ресми бағамын белгілеу қағидалары бекітілсін.

2. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасының

Ұлттық Банкі Басқармасының

2012 жылғы 24 тамыздағы

№ 242 қаулысымен

бекітілген

ҚР Ұлттық Банкі Басқармасының 2015.20.10. № 192 Қаулысымен тақырыбы жаңа редакцияда (бұр.ред.қара)

Қазақстан Республикасы ұлттық валютасының шетел валюталарына ресми бағамын белгілеу

қағидалары

ҚР Ұлттық Банкі Басқармасының 2015.20.10. № 192 Қаулысымен (бұр.ред.қара); 2026.22.06. № 65 Қаулысымен (2026 ж. 6 шілдеден бастап қолданысқа енгізілді) (бұр.ред.қара) кіріспе жаңа редакцияда

Осы Қазақстан Республикасы ұлттық валютасының шетел валюталарына ресми бағамын белгілеу қағидалары (бұдан әрі - Қағидалар) «Қазақстан Республикасы Заңының 15-бабы 2-тармағының 5) тармақшасына және «Қазақстан Республикасы Ұлттық Банкінің ережесін және құрылымын бекіту туралы» Қазақстан Республикасы Президентінің 2003 жылғы 31 желтоқсандағы № 1271 Жарлығымен бекітілген Қазақстан Республикасының Ұлттық Банкі туралы ереженің 19-тармағының екінші бөлігі екінші абзацының 2) тармақшасына сәйкес әзірленді және онда Қазақстан Республикасы Ұлттық Банкінің (бұдан әрі - Ұлттық Банк) Қазақстан Республикасы ұлттық валютасының шетел валюталарына ресми бағамын белгілеу тәртібі айқындалады.

ҚР Ұлттық Банкі Басқармасының 2019.04.06. № 94 Қаулысымен 1-тараудың тақырыбы жаңа редакцияда (бұр.ред.қара)

1-тарау. Қағидаларда пайдаланылатын ұғымдар

ҚР Ұлттық Банкі Басқармасының 2015.20.10. № 192 Қаулысымен (бұр.ред.қара); 2018.27.04. № 71 Қаулысымен (бұр.ред.қара); 2026.22.06. № 65 Қаулысымен (2026 ж. 6 шілдеден бастап қолданысқа енгізілді) (бұр.ред.қара) 1-тармақ өзгертілді

1. Қағидаларда мынадай ұғымдар пайдаланылады:

1) ААЖ - Ұлттық Банктің автоматтандырылған ақпарат жүйелері;

2) кросс-бағам - екі валютаның АҚШ долларына қатысты бағамынан құралатын олардың арасындағы баға белгіленімі;

3) уәкілетті бөлімше - Ұлттық Банктің монетарлық операциялар бөлімшесі;

4) Ұлттық Банктің басшылығы - Ұлттық Банктің Төрағасы немесе Ұлттық Банк Төрағасының уәкілетті бөлімшеге жетекшілік ететін орынбасары;

5) ұлттық валютаның ресми бағамы - теңгенің Қағидаларға қосымшаға сәйкес шетел валюталарына қатысты Ұлттық Банк белгілейтін теңге бағамы. Ұлттық валютаның шетел валюталарына ресми бағамын белгілеу тәртібі валюталарды айырбастаудың нарықтық бағамын айқындау тәртібіне ұқсас. Ұлттық валютаның ресми бағамын және валюталарды айырбастаудың нарықтық бағамын пайдалану мақсаттары Қазақстан Республикасының Салық кодексімен, «Қазақстан Республикасындағы кедендік реттеу туралы» Қазақстан Республикасының Кодексімен, «Қазақстан Республикасының Ұлттық Банкі туралы» Қазақстан Республикасының Заңымен және Қазақстан Республикасының халықаралық келісімдерімен белгіленеді.

ҚР Ұлттық Банкі Басқармасының 2015.20.10. № 192 Қаулысымен (бұр.ред.қара); 2019.04.06. № 94 Қаулысымен (бұр.ред.қара) 2-тараудың тақырыбы жаңа редакцияда

2-тарау. Ұлттық валютаның шетел валюталарына ресми бағамын белгілеу

ҚР Ұлттық Банкі Басқармасының 2015.20.10. № 192 Қаулысымен 2-тармақ жаңа редакцияда (бұр.ред.қара)

2. Ұлттық Банк ұлттық валютаның шетел валюталарына ресми бағамын қор биржасы шетел валюталары бойынша сауда-саттық жүргізетін жұмыс күндері күн сайын белгілейді.

Ұлттық Банк оларға ұлттық валютаның ресми бағамын белгілейтін шетел валюталарының тізбесі Қағидаларға қосымшада (бұдан әрі - Қағидаларға қосымша) айқындалған.

ҚР Ұлттық Банкі Басқармасының 2015.20.10. № 192 Қаулысымен (бұр.ред.қара); 2019.04.06. № 94 Қаулысымен (бұр.ред.қара); 2026.22.06. № 65 Қаулысымен (2026 ж. 6 шілдеден бастап қолданысқа енгізілді) (бұр.ред.қара) 3-тармақ жаңа редакцияда

3. Ұлттық валютаның АҚШ долларына қатысты Астана қаласының уақытымен сағат 15-30-дағы жағдай бойынша қалыптасқан орташа алынған биржалық бағамы ұлттық валютаның АҚШ долларына қатысты сауда-саттық жүргізілген күннен кейінгі келесі жұмыс күніндегі ресми бағамы ретінде белгіленеді.

ҚР Ұлттық Банкі Басқармасының 2015.20.10. № 192 Қаулысымен (бұр.ред.қара); 2019.04.06. № 94 Қаулысымен (бұр.ред.қара); 2026.22.06. № 65 Қаулысымен (2026 ж. 6 шілдеден бастап қолданысқа енгізілді) (бұр.ред.қара) 4-тармақ жаңа редакцияда

4. Қағидаларға қосымшада көрсетілген басқа шетел валюталары бойынша ұлттық валютаның шетел валютасына қатысты бағамын Ұлттық Банк қор биржасында сауда-саттық жүргізілген күні Астана қаласының уақытымен сағат 16-00-дегі жағдай бойынша ақпараттық агенттіктің арналары бойынша алынған сұраныстың баға белгіленімдеріне сәйкес қалыптасқан АҚШ долларына кросс-бағамды пайдалана отырып есептейді және ол келесі жұмыс күніне ресми бағам ретінде белгіленеді.

5. Жұмыс емес күндері Ұлттық Банктің жұмыс емес күннің алдындағы жұмыс күніне белгілеген бағамдары қолданылады.

ҚР Ұлттық Банкі Басқармасының 2013.29.11. № 267 Қаулысымен 6-тармақ жаңа редакцияда (бұр.ред.қара)

6. Есептелген ресми бағамдардың сандық мәні екі ондық белгіден тұрады.

Егер есептеу кезінде шетел валютасының теңгеге қатысты ресми бағамы бірден кем болса, шетел валютасы номиналының сандық мәні қажетті мәнге дейін ұлғая отырып өзгереді.

ҚР Ұлттық Банкі Басқармасының 2013.29.11. № 267 Қаулысымен 6-1-тармақпен толықтырылды

6-1. Қағидалардың қосымшасында көзделген шетел валютасы айналыста болуын тоқтатқан кезде осы шетел валютасына қатысты бағам белгіленбейді.

ҚР Ұлттық Банкі Басқармасының 2015.20.10. № 192 Қаулысымен (бұр.ред.қара); 2019.04.06. № 94 Қаулысымен (бұр.ред.қара) 3-тараудың тақырыбы жаңа редакцияда

3-тарау. Ұлттық валютаның шетел валюталарына қатысты бағамын белгілеуді қамтамасыз ететін рәсімдер

ҚР Ұлттық Банкі Басқармасының 2015.20.10. № 192 Қаулысымен 7-тармақ жаңа редакцияда (бұр.ред.қара)

7. Ұлттық Банк ұлттық валютаның шетел валюталарына ресми бағамын белгілейді және шетел валюталарының ұлттық валютаға ресми бағамдарын Ұлттық Банктің көрсетілген валюталарды белгіленген бағам бойынша сатып алу немесе сату міндеттемесінсіз жариялайды.

ҚР Ұлттық Банкі Басқармасының 2015.20.10. № 192 Қаулысымен 8-тармақ жаңа редакцияда (бұр.ред.қара)

8. Ұлттық Банк ұлттық валютаның шетел валюталарына ресми бағамдарын Қағидаларға қосымшаға сәйкес ұлттық валютаның шетел валюталарына ресми бағамы белгіленген күні Ұлттық Банктің интернет-ресурсында жариялайды.

ҚР Ұлттық Банкі Басқармасының 2015.20.10. № 192 Қаулысымен 9-тармақ жаңа редакцияда (бұр.ред.қара)

9. Уәкілетті бөлімше шетел валюталарының ұлттық валютаға ресми бағамдары туралы құжатты Қағидаларға қосымшаның нысаны бойынша олардың қолданылу мерзімдерін көрсете отырып дайындайды. Құжатқа Ұлттық Банк басшылығы не шетел валюталарының ұлттық валютаға ресми бағамдары туралы құжатқа қол қоюға уәкілетті адам қол қояды.

ҚР Ұлттық Банкі Басқармасының 2015.20.10. № 192 Қаулысымен (бұр.ред.қара); 2019.04.06. № 94 Қаулысымен (бұр.ред.қара); 2026.22.06. № 65 Қаулысымен (2026 ж. 6 шілдеден бастап қолданысқа енгізілді) (бұр.ред.қара) 10-тармақ жаңа редакцияда

10. Шетел валюталарының ұлттық валютаға ресми бағамдары туралы құжат қол қойылған күні Астана қаласының уақытымен сағат 18.00-ге дейін Ұлттық Банктің бөлімшелеріне, екінші деңгейдегі банктерге және басқа мүдделі ұйымдарға деректерді ресми байланыс арналары (ақпарат берудің және төлемдер жасаудың банкаралық жүйесі (SWIFT)) және электрондық пошта арқылы беру жолымен жіберіледі.

ҚР Ұлттық Банкі Басқармасының 2015.20.10. № 192 Қаулысымен (бұр.ред.қара); 2019.04.06. № 94 Қаулысымен (бұр.ред.қара); 2026.22.06. № 65 Қаулысымен (2026 ж. 6 шілдеден бастап қолданысқа енгізілді) (бұр.ред.қара) 11-тармақ жаңа редакцияда

11. Ұлттық валютаның шетел валюталарына ресми бағамы (шетел валюталарының ұлттық валютаға ресми бағамдары) туралы ақпарат белгіленген күні Астана қаласының уақытымен сағат 24.00-ге дейін ААЖ-ға енгізіледі.

12. Шетел валюталарының ұлттық валютаға қатысты ресми бағамдары туралы қол қойылған құжаттың түпнұсқасы тігіледі және уәкілетті бөлімшеде сақталады.

ҚР Ұлттық Банкі Басқармасының 2013.29.11. № 267 Қаулысымен (бұр.ред.қара); 2014.16.07. № 141 Қаулысымен (бұр.ред.қара); 2015.20.10. № 192 Қаулысымен (бұр.ред.қара); 2016.27.06. № 168 Қаулысымен (бұр.ред.қара); 2026.22.06. № 65 Қаулысымен (2026 ж. 6 шілдеден бастап қолданысқа енгізілді) (бұр.ред.қара) қосымша жаңа редакцияда

Қазақстан Республикасы

ұлттық валютасының шетел валюталарына

қатысты ресми бағамын белгілеу

қағидаларына

қосымша

Қазақстан Республикасының Ұлттық Банкі ұлттық валютаның ресми бағамын белгілейтін шетел валюталарының

тізбесі