Жануарлар дүниесi объектiлерiн пайдалануға шектеулер мен тыйым салуларды белгілеу ережесін бекіту туралы
Қазақстан Республикасы Үкіметінің 2005 жылғы 5 қаңтардағы № 2 Қаулысы
Осы редакция 2012 жылғы 22 ақпанда енгізілген өзгерістеріне дейін қолданылды
«Жануарлар дүниесiн қорғау, өсiмiн молайту және пайдалану туралы» Қазақстан Республикасының 2004 жылғы 9 шiлдедегi Заңының 8-бабының 16) тармақшасына сәйкес Қазақстан Республикасының Үкіметі ҚАУЛЫ ЕТЕДI:
1. Қоса берiлiп отырған Жануарлар дүниесi объектiлерiн пайдалануға шектеулер мен тыйым салуларды белгiлеу ережесi бекітілсiн.
2. Осы қаулы қол қойылған күнiнен бастап күшiне енедi және жариялануға тиiс.
Қазақстан Республикасы
Премьер-Министрінің
| міндетін атқарушы | | | | | | | | | | А. Есімов |
Қазақстан Республикасы
Үкіметінiң
2005 жылғы 5 қаңтардағы
№ 2 қаулысымен
бекітілген
Жануарлар дүниесi объектiлерiн пайдалануға
шектеулер мен тыйым салуды белгiлеу
ережесi
1. Жалпы ережелер
Осы Жануарлар дүниесi объектiлерiн пайдалануға шектеулер мен тыйым салуды белгілеу ережесi (бұдан әрi - Ереже) «Жануарлар дүниесiн қорғау, өсiмiн молайту және пайдалану туралы» Қазақстан Республикасының Заңына сәйкес әзiрлендi және жануарлар дүниесi объектiлерiн пайдалануға шектеулер мен тыйым салуды белгiлеу тәртібін айқындайды.
2. Жануарлар дүниесi объектiлерiн пайдалануға
шектеулер мен тыйым салу
1. Жануарлар дүниесi объектілерiн пайдалануға шектеулер мен тыйым салу жануарлар дүниесi мен олар мекендейтiн ортаны сақтау мен оның өсiмiн молайту мақсатында белгiленедi.
2. Жануарлар дүниесiн жалпы пайдалану кезiнде антропогендiк әсер етудi төмендету, соның iшiнде жануарлар дүниесi объектілерiнiң мазасыздануына жол бермеу үшiн:
1) қоныс аудару және көбею кезеңдерiнде жануарлардың жаппай шоғырланатын жерлеріндегі дамылдау аймағына;
2) құстардың жаппай ұя салуы белгiленген жерлерге (ұялық колониялар);
3) балықтардың уылдырық шашуы белгіленген жерлерге келуге уақытша шектеулер мен тыйым салу белгiленедi.
3. Жануарлар дүниесi объектiлерiн пайдалануға шектеулер мен тыйым салу жануарлар дүниесiн арнайы пайдалану кезiнде:
1) аумақтық сипаты бойынша: Қазақстан Республикасының бүкіл аумағында және өңiраралық деңгейде, сондай-ақ аңшылық алқаптардың резервтiк қорында (уәкiлеттi орган); жекелеген аумақтық бiрлiктердiң әкiмшiлiк шекараларында немесе олардың бөлiктерiнде, пайдаланушыларға бекітілiп берiлген аңшылық алқаптар аумақтарында (уәкiлеттi органның аумақтық органы);
2) мерзiмi бойынша: тұрақты (қолданылу мерзiмдерi көрсетiлмей), не белгiлi бiр мерзiмдерге;
3) жануарлар дүниесi объектiлерiн аулаудың әдiстерiн, тәсiлдерiн және қаруларын қолдану бойынша;
4) жануарлардың жекелеген түрлерiн немесе топтарын, олардың белгiлi бiр популяциясын алу нормаларын шектеу мен өзгерту қажеттiгi туындағанда жануарлар түрлерi бойынша не жынысы немесе жасы бойынша;
5) жануарлар дүниесiн пайдаланушылар санын шектеу бойынша белгiленуi мүмкiн.
3. Жануарлар дүниесi объектiлерiн пайдалануға
шектеулер мен тыйым салуды белгiлеу тәртібі
4. Жануарлар дүниесi объектiлерiн пайдалануға шектеулер мен тыйым салуды белгiлеу туралы мәселе қарау қажеттiгi:
1) жеке және заңды тұлғалар, қоршаған ортаны қорғау саласындағы мемлекеттік органдардың, ветеринариялық қадағалау органдарының, жергiлiктi атқарушы және өзге мемлекеттік органдар өтiнiш жасаған;
2) жануарлар дүниесiн қорғау, өсiмiн молайту және пайдалану саласындағы зерттеу нәтижелерi бойынша ғылыми ұйымдар ұсыным жасаған;
3) жануарлар дүниесiн қорғау, өсiмiн молайту және пайдалану жөніндегі мемлекеттік, өңiрлiк және салалық бағдарламаларды iске асырған;
4) Қазақстан Республикасы бекiткен халықаралық келісімдер нормаларын iске асырған;
5) жануарлар дүниесiн пайдалану мәселелерi бойынша сот органдарының шешiмдерiн орындаған;
6) Қазақстан Республикасының заңнамалық және өзге де нормативтiк құқықтық кесiмдерiнiң талаптары қойылған жағдайларда туындайды.
5. Жануарлар дүниесi объектiлерiн пайдалануға шектеулер мен тыйым салуды белгiлеу қажеттiгi туралы мәселенi шешу үшiн жануарлар дүниесiн қорғау, өсiмiн молайту және пайдалану саласындағы уәкiлеттi орган (бұдан әрi - уәкiлеттi орган) мен оның аумақтық органдары тиiстi комиссиялар (бұдан әрi - Комиссия) құрады. Комиссия құрамына уәкiлеттi органның және/немесе оның аумақтық органдарының, жергiлiктi атқарушы органдардың, қоршаған ортаны қорғау, денсаулық сақтау, ветеринариялық қадағалау саласындағы уәкiлеттi мемлекеттік органдардың өкiлдерi кiредi. Комиссияның шешiмi ұсынымдық сипатта болады.
6. Комиссияның материалдары бойынша уәкiлеттi орган немесе оның аумақтық органдары жануарлар дүниесi объектiлерiн пайдалануға шектеулер мен тыйым салуды белгiлеудiң орындылығы туралы биологиялық негiздеме әзiрлеу туралы шешiм қабылдайды.
7. Жануарлар дүниесi объектiлерiн пайдалануға шектеулер мен тыйым салуды белгiлеу туралы шешiмдi комиссияның қорытындысы және биологиялық негiздемеге мемлекеттік экологиялық сараптаманың оң қорытындысы негiзiнде уәкiлеттi орган немесе оның аумақтық органы қабылдайды. Шешiм аумағында белгiленетiн шектеулер мен тыйым салу түрлерi, негiздемелер, сондай-ақ қолдану мерзiмдерi көрсетiлiп, бұйрық нысанында ресiмделедi.
8. Уәкiлеттi органның аумақтық органдары уәкiлеттi орган белгілеген құзыретi шегiнде жануарлар дүниесi объектiлерiн пайдалануға мынадай шектеулер мен тыйым салуды белгiлеу туралы шешімдер қабылдайды:
1) аң аулаудың басталуын табиғи-климаттық жағдайларға байланысты өңiрлер бойынша 15 күнтiзбелiк күннен аспайтын мерзiмге азайту жағына қарай ауыстыру;
2) балық аулауға тыйым салу мерзiмiн табиғи-климаттық жағдайларға байланысты тыйым салу кезеңiнiң жалпы ұзақтығын өзгертпей 15 күн ерте немесе кеш мерзiмге ауыстыру;
3) жануарлар дүниесi объектiлерiнiң дамылдау аймақтары мен күндерi;
4) балықтардың уылдырық шашатын жерлерi;
5) жануарлар дүниесiн пайдаланушылардың санын шектеу.
9. Жануарлар дүниесiн пайдалануға белгіленген шектеулер мен тыйым салудың орындалуын бақылауды уәкiлеттi орган және оның аумақтық органдары жүзеге асырады.
