(БҰРЫНҒЫ РЕДАКЦИЯ)

7. Бюджеттік бағдарламаны орындаудан күтілетін нәтижелер: Тікелей нәтиже:

- қазақ тілінің бірыңғай терминологиялық жүйесін әзірлеу мақсатында Қазақстан Республикасы Yкіметінің жанындағы Мемлекеттік терминология комиссиясының 4 отырысын өткізу;

- гуманитарлық, экономикалық-қаржылық, техникалық, білім беру және басқа бағыттар бойынша 29 салалық терминологиялық секция құру;

- республика аумағында топонимикалық атауларды фонетикалық, лексикалық және графикалық принциптерін сәйкестендіру және ретке келтіру мақсатында Қазақстан Республикасы Үкіметінің жанындағы ономастика комиссиясының 2 отырысын өткізу;

- Мемлекеттік тіл саясатын одан әрі жетілдіру жөніндегі Үкіметтік комиссиясы мен оның жанындағы тұрақты түрде жұмыс істейтін тілдерді дамыту, терминология және ономастика мәселелері жөніндегі сараптама топтардың кемінде 4 отырысын өткізу;

- отандастар ісі жөніндегі комиссияның 4 отырысын өткізу;

- тілдерді дамытуға арналған кемінде 20 жалпы республикалық іс-шара (конференциялар, семинарлар, жиналыстар, дөңгелек үстелдер, конкурстар, байқаулар) өткізу;

- шетелде тұратын отандастардың өзекті мәселелері бойынша кемінде 4 іс-шара (конференциялар, семинарлар, жиналыстар, дөңгелек үстелдер) өткізу;

- Қазақстан халықтары тілдерінің 1 республикалық фестивалін және шетелде тұратын қазақ жастарының 1 өнер және спорт фестивалін өткізу;

- кемінде 2000 мемлекеттік қызметшіні мемлекеттік тілге оқыту;

- республикалық ұлттық-мәдени орталықтарының жексенбілік мектептерінде 660 оқушыға қазақ тілін оқыту;

- мемлекеттік органдардың пилоттық топтарында мемлекеттік тілді білу деңгейіне тестілеу жүргізу;

- «Басқару», «Құқық қорғау органдары», «Қызмет көрсету саласы» номинациялары бойынша мемлекеттік тілді оқытудың бағдарламаларын әзірлегені және жасағаны үшін сыйлық алушы номинанттарды анықтау;

- тілдерді дамыту мәселелері бойынша 2 әлеуметтік зерттеу жүргізу;

- шетелдерде тұратын отандастардың проблемалары жөнінде 2 әлеуметтік зерттеу жүргізу;

- қоғамда қазақ тілін дамытуға бағытталған «Тіл және қоғам» мамандандырылған альманағының 4 нөмірін басып шығару;

- мектепке дейінгі және мектеп жасындағы балалардың қажеттіліктерін қамтамасыз ететін қазақ тіліндегі «Балапан» журналының 6 нөмірін шығару;

- терминология мен ономастиканы жетілдіру бойынша Қазақстан Республикасы Үкіметінің жанындағы Мемлекеттік терминология комиссиясы бюллетендерінің 4 және Мемлекеттік ономастика комиссиясы бюллетеньдерінің 4 нөмірін шығару;

- шетелде тұратын отандастардың ғылыми және шығармашылық ұйымдарымен тұрақты қатынасты қолдау үшін "Туған тіл" мамандандырылған альманағының 2 нөмірін әзірлеу және басып шығару;

- республика аумақтарының әкімшілік аумақтық елді мекендерді, барлық түрдегі объектілердің көрнекі атауларын мәдениет, білім беру, денсаулық сақтау, бизнес, гидронимдер (көл, өзендер) атауларын қамтитын 16 ономастикалық көрсеткіш құрастыру және шығару;

- кемінде 20000 дана қазақ тілін жеделдетіп оқыту оқулықтар мен оқыту-әдістемелік құралдарын, терминология мен ономастиканың өзекті мәселелері бойынша анықтамалықтар шығару;

- шетелде тұратын қазақ диаспорасына қазақ тілін жеделдетіп оқыту  бойынша кемінде 7000 дана оқу-әдістемелік құралдар шығару;

- «Орысша-қазақша сөздігін», «Қазақша-орысша сөздігін», «Қазақ тілінің орфоэпиялық сөздігін», «Қазақ тілінің фразеологиялық сөздігін» қалыпқа келтіру, қайта өңдеу және әрқайсысын 100000 дана таралыммен шығару.

Түпкі нәтиже:

- қоғамдық өмірдің барлық салаларында мемлекеттік тілдің ролін арттыру;

- этникалық топтардың тілдерін дамыту;

- шетелдерде тұратын отандастардың ұлттық-мәдени, рухани және тілдік қажеттіліктерін қанағаттандыру.

Қаржылық-экономикалық нәтиже:

- мемлекеттік тілді дамытудың іс-шараларын (конференциялар, семинарлар, байқау, жиналыстар және т.б.) өткізу шығындарының орташа құны - 1 874 000 теңге;

- әлеуметтік зерттеулер жүргізудің орташа шығыны - 1 478 000 теңге;

- қазақ тілін жеделдетіп оқыту жөнінде оқулықтар, оқу-әдістемелік құралдарын және мемлекеттік тілдің өзекті мәселелері жөніндегі анықтамалықтарды, шетелде тұратын қазақ диаспорасына арналған оқулықтар, оқу-әдістемелік құралдар әзірлеудің және шығарудың орташа шығыны - 862 теңге;

- сөздіктерді қалыпқа келтіру, қайта өңдеу және шығарудың орташа шығыны - 981 теңге;

- жексенбілік мектептердің оқушыларын қазақ тіліне оқытудың орташа шығыны - 15 014 теңге;

- мемлекеттік қызметкерлерді мемлекеттік тілге оқытудың орташа шығыны - 49 234 теңге.

Уақтылығы:

- тілдерді қолдану мен дамытудың және шет елдерде тұратын отандастарды қолдаудың мемлекеттік бағдарламаларына сәйкес іс-шаралар өткізу;

- іс-шараларды жоспарда белгіленген мерзімдерге сәйкес өткізу.

Сапасы:

- республика азаматтарының қазақ тілін меңгеру деңгейін жетілдіру;

- шетелдерде тұратын отандастардың тілдік қажеттіліктерін толыққанды іске асыруды қамтамасыз ету.

Қазақстан Республикасы Үкіметінің

2006 жылғы 15 желтоқсандағы

№ 1220 қаулысына

70-ҚОСЫМША

206 - Қазақстан Республикасы Мәдениет және ақпарат министрлігi

Бюджеттік бағдарламаның әкімшісi

2007 жылға арналған

«Облыстық бюджеттерге, Астана және Алматы қалаларының бюджеттеріне

мәдениет объектілерін дамытуға берілетін нысаналы даму трансферттері»

деген 006 республикалық бюджеттік бағдарламаның

ПАСПОРТЫ

ҚР Үкіметінің 2007.13.07. № 597 Қаулысымен 1-тармақ жаңа редакцияда (бұр.ред.қара)

1. Құны: 10 663 511 мың теңге (он миллиард алты жүз алпыс үш миллион бес жүз он бір мың теңге).

2. Бюджеттік бағдарламаның нормативтік құқықтық негізi: Қазақстан Республикасының 2006 жылғы 8 желтоқсандағы «2007 жылға арналған республикалық бюджет туралы» Заңы; Қазақстан Республикасы Президентінің 2006 жылғы 4 мамырдағы № 111 «Астана қаласының әлеуметтік-экономикалық дамуының 2006-2010 жылдарға арналған мемлекеттік бағдарламасы туралы» Жарлығы; Қазақстан Республикасы Үкіметінің 2006 жылғы 30 маусымдағы № 624 «Астана қаласының әлеуметтік-экономикалық дамуының 2006-2010 жылдарға арналған мемлекеттік бағдарламасын іске асыру жөніндегі іс-шаралар жоспарын бекіту туралы» қаулысы; Қазақстан Республикасы Yкіметінің 2004 жылғы 30 қыркүйектегі № 1009 «Көне Отырарды қалпына келтірудің» 2005-2009 жылдарға арналған бағдарламасы туралы» қаулысы.

3. Бюджеттік бағдарламаны қаржыландыру көздерi: республикалық бюджеттің қаражаты.

4. Бюджеттік бағдарламаның мақсаты: тұрғындардың демалысы, мәдениеті жүйесін қамтамасыз ету және қалыптастыру, мәдени мұралар, театр және концерт мәдениетін дамыту.

5. Бюджеттік бағдарламаның міндеттерi: мәдениет инфрақұрылымын дамыту.

ҚР Үкіметінің 2007.13.07. № 597 Қаулысымен 6-тармақ өзгертілді (бұр.ред.қара)

6. Бюджеттік бағдарламаны іске асыру жөніндегі іс-шаралар жоспары:

ҚР Үкіметінің 2007.13.07. № 597 Қаулысымен 7-тармақ өзгертілді (бұр.ред.қара)

7. Бюджеттік бағдарламаны орындаудан күтілетін нәтижелер: Тікелей нәтиже: Астана қаласының тұрғындары үшін «Қоянды» су қоймасындағы қысқамерзімді демалыс аймағының және С.Сейфуллин атындағы Қарағанды облыстық қазақ драма театрының ғимаратын салу және Астана қаласында 3500 орындық әмбебап киноконцерт залының құрылыс жұмыстарының орындалуы. Алматы облысы Қарасай ауданы Шамалған ауылындағы мәдениет үйіне жаңғырту жүргізу және Отырар қалашығы мен Отырар шұратындағы қазбалар үстіне жабынды құрастырма салу жұмыстарының орындалуы Мемлекеттік ведомстводан тыс сараптамадан өткен бекітілген жобалау-сметалық құжаттама және Конгресс-холл мен «Шабыт» шығармашылық сарайының құрылысын бастау.

Түпкі нәтиже: мәдени нысандарды пайдалануға беру.

Қаржылық-экономикалық нәтиже: жобалардың жүзеге асу тиімділігіне жүргізілген талдау қорытындысы бойынша.

Уақтылығы: жасалған келісімшарттар мен жұмыс өндірісіне байланысты кестесіне сәйкес.

Сапасы: құрылыс нормалары мен ережелеріне сәйкес.

Қазақстан Республикасы Үкіметінің

2006 жылғы 15 желтоқсандағы

№ 1220 қаулысына

71-ҚОСЫМША

206 - Қазақстан Республикасы Мәдениет және ақпарат министрлігi

Бюджеттік бағдарламаның әкімшісi

2007 жылға арналған

«Тарихи-мәдени құндылықтарды сақтау»

деген 007 республикалық бюджеттік бағдарламаның

ПАСПОРТЫ

1. Құны: 811253 мың теңге (сегіз жүз он бір миллион екі жүз елу үш мың теңге).

2. Бюджеттік бағдарламаның нормативтік құқықтық негізi: Қазақстан Республикасының 2006 жылғы 15 желтоқсандағы «Мәдениет туралы» Заңының 31-бабы; Қазақстан Республикасы Үкіметінің 2004 жылғы 29 қазандағы № 1130 «Қазақстан Республикасы Мәдениет және ақпарат министрлігінің мәселелері» қаулысы; Қазақстан Республикасы Yкіметінің 2005 жылғы 24 қарашадағы № 1161 «2006-2008 жылдарға арналған мәдениет саласын дамыту бағдарламасын бекіту туралы» қаулысы.

3. Бюджеттік бағдарламаны қаржыландыру көздерi: республикалық бюджеттің қаражаты.

4. Бюджеттік бағдарламаның мақсаты: мәдениетті дамытуға және тарихи-мәдени құндылықтарды сақтауға жағдай жасау.

5. Бюджеттік бағдарламаның міндеттерi: жүйелік комплектілеу негізінде мәдени-ағарту және ғылыми-зерттеу жұмысын жүзеге асыру, тарихи-мәдени ескерткіштер мен мұражайлық маңызы бар заттарды зерттеу мен әйгілендіру, еліміздің ұлттық мәдени игілігін мұражай ісі саласында қолдану мен зерттеу үрдісін материалдық-техникалық, технологиялық, ұйымдастырушылық, ғылыми-әдістемелік жағынан қамтамасыз ету.

6. Бюджеттік бағдарламаны іске асыру жөніндегі іс-шаралар жоспары:

7. Бюджеттік бағдарламаны орындаудан күтілетін нәтижелер:

Тікелей нәтиже:

- мұражайтану жөнінде 250 лекция өткізу;

- 4100 экскурсия өткізу;

- мұражайтану саласында 150 ғылыми мақала жариялау;

- 30 халықаралық ғылыми-практикалық конференцияға қатысу;

- 5 халықаралық ғылыми-форумға қатысу;

- 15 халықаралық ғылыми-практикалық семинарға қатысу;

- мұражай тану мәселесі бойынша 400 ғылыми кеңес өткізу;

- 110 тақырыптық көрме өткізу;

- 3 ғылыми-теориялық симпозиумға қатысу;

- 35 жылжымалы көрме өткізу;

- 27 басқа іс-шаралар өткізу (дөңгелек үстелдер және т.б.);

- 1000 экспонатты қалпына келтіру.

Алтын және бағалы металдар мемлекеттік мұражайы қорларын толықтыру үшін экспонаттар, Қазақстан территориясының археологиялық картасын және археологиялық бұйымдардың көшірмесін сатып алу.

Қазақстан Республикасының Президенттік мәдени орталығына әдебиеттер, 3 бірліктен аз емес активтер сатып алу.

«Қазақстан Республикасының Ә. Қастеев атындағы Мемлекеттік өнер мұражайы» республикалық мемлекеттік қазыналық кәсіпорны ғимаратында күрделі жөндеудің 1-кезеңін жүргізу.

Қазақстан Республикасының Президенттік мәдени орталығы ғимаратында күрделі жөндеудің 1 кезеңін жүргізу.

Түпкі нәтиже: мұражайлық мәндегі және тарихи мәдени ескерткіштерді танымалдандыру және жүйелі комплектілеу негізінде мәдени-ағарту және ғылыми зерттеу қызметін жүргізу. "Қазақстан Республикасының Ә.Қастеев атындағы Мемлекеттік өнер мұражайы" республикалық мемлекеттік қазыналық кәсіпорны ғимаратында күрделі жөндеу жүргізудің 19 пайыз және Қазақстан Республикасының Президенттік мәдени орталығы ғимаратында күрделі жөндеу жүргізудің 33 пайыз орындау.

Қаржылық-экономикалық нәтиже: бір экспонаттың сақталуын қамтамасыз етудің орташа шығыны - 2026 теңге.

Уақтылығы: іс-шараларды бекітілген жұмыс кестесіне сәйкес атқару.

Сапасы: республика халқының мәдени-рухани деңгейін арттыру және Қазақстанның ерекше тарихи-мәдени мұраларымен әлемдік қауымдастықты таныстыру.

Қазақстан Республикасы Үкіметінің

2006 жылғы 15 желтоқсандағы

№ 1220 қаулысына

72-ҚОСЫМША

206 - Қазақстан Республикасы Мәдениет және ақпарат министрлігi

Бюджеттік бағдарламаның әкімшісi

2007 жылға арналған

«Тарихи-мәдени мұра ескерткіштерін сақтауды қамтамасыз ету»

деген 008 республикалық бюджеттік бағдарламаның

ПАСПОРТЫ

ҚР Үкіметінің 2007.13.07. № 597 Қаулысымен 1-тармақ жаңа редакцияда (бұр.ред.қара)

1. Құны: 1 060 820 мың теңге (бір миллиард алпыс миллион сегіз жүз жиырма мың тенге).

2. Бюджеттік бағдарламаның нормативтік құқықтық негізi: 2006 жылғы 15 желтоқсандағы «Мәдениет туралы» Қазақстан Республикасы Заңының 31-бабы, 1992 жылғы 2 шілдедегі «Тарихи-мәдени мұраны қорғау және пайдалану туралы» Қазақстан Республикасының Заңының 34 және 36-баптары, Қазақстан Республикасы Үкіметінің 2003 жылғы 14 қазандағы № 1052 «Алматы облысында «Тамғалы» мемлекеттік тарихи-мәдени және табиғи мұражай-қорығы» мемлекеттік мекемесін құру туралы» қаулысы, Қазақстан Республикасы Үкіметінің 2004 жылғы 30 қыркүйектегі № 1009 «2005-2009 жылдарға арналған «Көне Отырарды қалпына келтіру» бағдарламасы» атты қаулысы, Қазақстан Республикасы Yкіметінің 2004 жылғы 29 қазандағы № 1130 «Қазақстан Республикасы Мәдениет және ақпарат министрлігінің мәселелері» қаулысы.

3. Бюджеттік бағдарламаны қаржыландыру көздерi: республикалық бюджеттің қаражаты.

4. Бюджеттік бағдарламаның мақсаты: мұражай-қорықтардың құрамына кіретін мәдениет тарихы ескерткіштерінің сақталуын қамтамасыз ету, тарихи және мәдени ескерткіштерді салу және жаңғырту, елдің мәдени мұрасын тиімді пайдалану, туризмді дамыту.

5. Бюджеттік бағдарламаның міндеттерi: ескерткіштер мен еске алу орындарын мемлекеттік есепке алуды қамтамасыз ету, жаңа ескерткіштерді анықтау, археологиялық экспедициялар мен экскурсияларды жүргізу, ескерткіштерді қайта жаңғырту. Тарихи және мәдени ескерткіштерді қайта жаңарту, консервациялау және салу.

ҚР Үкіметінің 2007.13.07. № 597 Қаулысымен 6-тармақ өзгертілді (бұр.ред.қара)

6. Бюджеттік бағдарламаны іске асыру жөніндегі іс-шаралар жоспары:

ҚР Үкіметінің 2007.13.07. № 597 Қаулысымен 7-тармақ өзгертілді (бұр.ред.қара)

7. Бюджеттік бағдарламаны орындаудан күтілетін нәтижелер:

Тікелей нәтиже:

- Отырар мемлекеттік археологиялық қорық-мұражайы: тасымал компьютер, компьютер қондырғыларының комплектісін сатып алу - 2 комплект сатып алу;

- «Ұлытау» ұлттық тарихи-мәдени және табиғи қорығы: компьютер қондырғыларының комплектісін сатып алу - 2 бірлік, үстелдер - 6 дана, тумбалық үстелдер - 10 дана және орындықтар - 11 дана сатып алу;

- «Әзірет Сұлтан» мемлекеттік тарихи-мәдени қорық-мұражайы: мұражай экспозициясына арналған экспонаттар сатып алу - 150 дана, мұражайдың ғылыми кітапхана қорын толықтыру үшін әдебиеттер - 600 дана, археология және этнография музейі үшін кондиционерлер және кеңсе жиһазын сатып алу;

- «Жидебай-Бөрілі» Абай мемлекеттік тарихи-мәдени және әдеби-мемориалды қорық-мұражайы: тоңазытқыш, компьютер қондырғыларының комплектісін - 5 комплект, экспонаттар - 25 бірлік, сандық бейнекамера және кескіш сатып алу;

- «Тамғалы» мемлекеттік тарихи-мәдени және табиғи қорық-мұражайы: далалық археологиялық құрал және газбен дәнекерлеуші аппарат сатып алу.

«Жидебай-Бөрілі» Абай мемлекеттік тарихи-мәдени және әдеби-мемориалдық қорық-мұражайында күрделі жөндеу жүргізу.

2006 жылы басталған жалғасатын тарихи кешендерді қалпына келтіру және консервациялау жүргізу: Семей қаласындағы ежелгі бірмұнаралы және екімұнаралы мешіттер, XIX ғасыр, Берел қорымынан алтын археологиялық бұйымдар (б.з.д. Y-IV ғ.); Ақыртас сарай кешені (VI-VIII ғғ.); Қожа Ахмет Яссауи кесенесінің әшекейлеу және өңдеу бөліктерінде жөндеу жұмыстары және шатырын қайта құру; Тұрбат архитектуралық-мәдени кешені нысандарын қайта жаңарту (Ысқақ ата және Жәбірейіл ата мавзолейлері, XIII-XVI ғ.); Баба ата қорғанды-сарай кешені ескерткіштері (XVII ғ.).

2007 жылға жоспарлаған кесенелерді қайта жаңарту және консервациялау жұмыстарын жүргізу: "Ботағай" кесенесі, XI-XII ғғ. "Қарақожа" мешіті, XVIII ғасыр; "Қара-сопы" кесенесі; "Қараман-Ата" ескерткіші, XVII ғасыр; Мақыл-Там кесенесі XIX ғасыр; ежелгі қала Сайрамның архитектуралық ескерткіштері, VI-XVII ғасыр; Шаян ауылында мешіт-медіресе, XIX ғасыр; Жүсіп-Ата мешіті мен кесенесі, XVI-XIX ғ.; Қалжан-Ахун мешіт-медіресесі; Мола-Қалан кесенесі; Бөкей Ордасының Хан тағының кешені; Ақкесене мұражайы; "Қарақұла" кесенесі; Орал қаласында бірінші әскери училищесінің ғимараты, Дамаск қаласында (Сирия) Сұлтан Бейбарыс кесенесі.

Қазақ халқының мәдени мұрасын ЮНЕСКО-ның алдын-ала тізіміне қойылған мәдени және аралас объектілерді қорғау зонасы мен территориясының шекарасын анықтау бойынша жұмыстар жүргізуді қарастыратын 4 бағыт бойынша зерттеу жүйесін жасау; Қазақстанның тарих және мәдениет ескерткіштерінің тізімін қайта қарау және нақтылау, Қазақстанның дүниежүзілік республикалық және жергілікті маңыздағы тарих және мәдениет ескерткіштерінің мемлекеттік тізімін басып шығару үшін материалдар дайындау; Ақмола, Ақтөбе және Павлодар облыстарының тарих және мәдениет ескерткіштерінің Жиынтығын басылымға дайындау, Монғолия территориясында табылған руникалық жазумен жазылған ескі түріктік тас мүсінінің көшірмесін қайта жаңарту.