«Уәкілетті органның басқа телекоммуникация желілерін басым
байланыс операторының жалпы пайдаланымдағы телекоммуникация желілеріне
қосу қызметтерін көрсету шарттарын, сондай-ақ желілердің өзара іс-әрекет етуі және
трафикті өткізу жөніндегі онымен байланысты міндеттемелерді айқындайтын
қосылу шартын бекіту ережесін бекіту туралы»
Қазақстан Республикасы Үкіметінің 2006 жылғы 16 қазандағы № 996 Қаулысы
(2008.26.05. берілген өзгерістер мен толықтыруларымен)
ҚР Үкіметінің 2009 жылғы 14 мамырдағы № 709 Қаулысымен күші жойылды
ҚР Үкіметінің 2008.26.05. № 497 қаулысымен тақырып өзгертілді (бұр.ред.қара)
«Байланыс туралы» Қазақстан Республикасының 2004 жылғы 5 шілдедегі Заңы 26-бабының 1-тармағына сәйкес Қазақстан Республикасының Үкіметі ҚАУЛЫ ЕТЕДІ:
ҚР Үкіметінің 2008.26.05. № 497 қаулысымен 1-тармақ өзгертілді (бұр.ред.қара)
1. Қоса беріліп отырған Уәкілетті органның басқа телекоммуникация желілерін басым байланыс операторының жалпы пайдаланымдағы телекоммуникация желілеріне қосу қызметтерін көрсету шарттарын, сондай-ақ желілердің өзара іс-әрекет етуі және трафикті өткізу жөніндегі онымен байланысты міндеттемелерді айқындайтын қосылу шартын бекіту ережесі бекітілсін.
2. Осы қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі.
Қазақстан Республикасының
| Премьер-Министрі | Д. Ахметов |
Қазақстан Республикасы
Үкіметінің
2006 жылғы 16 қазандағы
№ 996 қаулысымен
Бекітілген
ҚР Үкіметінің 2008.26.05. № 497 қаулысымен тақырыбында және барлық мәтін бойынша «Монополияға қарсы органның», «монополияға қарсы орган», «монополияға қарсы органға» деген сөздер «Уәкілетті органның», «уәкілетті орган», «уәкілетті органға» деген сөздермен ауыстырылды (бұр.ред.қара)
Уәкілетті органның басқа телекоммуникация желілерін басым
байланыс операторының жалпы пайдаланымдағы телекоммуникация желілеріне
қосу қызметтерін көрсету шарттарын, сондай-ақ желілердің өзара іс-әрекет етуі және
трафикті өткізу жөніндегі онымен байланысты міндеттемелерді айқындайтын қосылу
шартын бекіту ережесі туралы
1. Жалпы ережелер
1. Осы Ақпараттандыру және байланыс саласындағы мемлекеттік реттеуді жүзеге асыратын уәкілетті органның (бұдан әрі - уәкілетті орган) басқа телекоммуникация желілерін басым байланыс операторының жалпы пайдаланымдағы телекоммуникация желілеріне қосу қызметтерін көрсету шарттарын, сондай-ақ желілердің өзара іс-әрекет етуі және трафикті өткізу жөніндегі онымен байланысты міндеттемелерді айқындайтын қосылу шартын бекіту ережесі (бұдан әрі - Ереже) «Бәсеке және монополистік қызметті шектеу туралы» және «Байланыс туралы» Қазақстан Республикасының заңдарына (бұдан әрі - заңдар) сәйкес әзірленді.
2. Осы Ережеде қолданылатын ұғымдар мен терминдер заңдарда айқындалатын мағыналарда пайдаланылады.
2. Қосу шартын бекіту тәртібi
3. Басым байланыс операторы кез келген байланыс операторымен жария болып табылатын қосу шартын жасағаннан кейін, жасалған күнінен бастап бес күнтізбелік күн ішінде оны уәкілетті органға бекітуге ұсынады.
4. Басым байланыс операторы ұсынған қосу шартын уәкілетті орган қосу шартын алған күнінен бастап он бес күнтізбелік күн ішінде қарайды.
5. Қосу шарты Қазақстан Республикасының монополияға қарсы заңнамасының талаптарына сәйкес келмеген жағдайда, уәкілетті орган басым байланыс операторына оларды жою жөніндегі ескертулері мен ұсыныстарын жібереді.
6. Басым байланыс операторы тиісті ескертулер мен ұсыныстарды алған күнінен бастап жеті күнтізбелік күн ішінде оларды жою жөнінде шаралар қабылдайды және қосу шартын уәкілетті органға қарау үшін қайта енгізеді.
7. Уәкілетті орган қосу шартын алған күннен бастап он күнтізбелік күн ішінде оны бекіту туралы түпкілікті шешім қабылдайды.
3. Қорытынды ережелер
8. Осы Ереженің шеңберінде монополияға қарсы орган мен басым байланыс операторының арасындағы келіспеушіліктер Қазақстан Республикасының заңнамасына сәйкес шешіледі.
