Қазақ мемлекеттік заң университетiнде әскери кафедра құру туралы
Қазақстан Республикасы Үкіметінiң 1997 жылғы 25
наурыздағы № 412 Қаулысы
(2006.24.05. берілген өзгерістерімен)
Қазақ мемлекеттік заң университетiнiң студенттерiнiң қатарынан Қазақстан Республикасы Қорғаныс министрлігінiң жүйесiне запастағы офицерлер даярлау мақсатында Қазақстан Республикасының Үкіметі қаулы етедi:
1. Қазақ мемлекеттік заң университетiнде әскери кафедра құрылсын.
2. Қазақстан Республикасының Бiлiм және мәдениет министрлігі Қорғаныс министрлігімен бiрлесiп:
әскери кафедраның құрылымы мен штат санын әзiрлесiн және бекiтсiн;
әскери кафедраны профессор-оқытушылар құрамы мен қосымша-оқу қызметкерлерiмен толықтырылсын;
әскери даярлық бейiнiн ескере отырып оқу жоспарлары мен бағдарламаларын дайындасын және бекiтсiн;
әскери кафедраның оқу-материалдық базасын жинақтасын.
3. Қазақстан Республикасының Қорғаныс министрлігі оқу процесiн жүргiзу үшiн әскери кафедраны әскери даярлық бейiнiне және оқу жоспарларына сәйкес әскери мүлiктермен қамтамасыз етсiн.
4. ҚР Үкіметінің 2006 жылғы 24 мамырдағы № 449 Қаулысымен алып тасталды (бұр. ред. қара)
Қазақстан Республикасының
Премьер-Министрi
