Қазақстан Республикасының Индустрия және сауда министрлігі "Салааралық
ақпарат ғылыми-техникалық орталығы" республикалық мемлекеттiк қазыналық
кәсіпорнының кейбiр мәселелерi Қазақстан Республикасы Үкіметінің 2004
жылғы 31 тамыздағы N 921 қаулысы
Осы редакция 2004 ж. 28 қазанда енгізілген өзгерістеріне дейін қолданылды
Қазақстан Республикасының Үкiметi қаулы етеді:
1. Қазақстан Республикасы Индустрия және сауда министрлiгiнiң "Салааралық ақпарат ғылыми-техникалық орталығы" республикалық мемлекеттік қазыналық кәсіпорны (бұдан әрi - Орталық) Қазақстан Республикасы Бiлiм және ғылым министрлiгiнiң қарамағына берiлсiн.
2. Орталықтың мемлекеттiк басқару органы болып Қазақстан Республикасының Бiлiм және ғылым министрлігі белгiленсiн.
3. Қазақстан Республикасының Бiлiм және ғылым министрлiгi Қазақстан Республикасының заңнамасында белгiленген тәртiппен:
1) Орталықтың жарғысын Қазақстан Республикасы Қаржы министрлігінің Мемлекеттiк мүлiк және жекешелендiру комитетiне бекiтуге ұсынсын;
2) Орталықты әдiлет органдарында мемлекеттiк қайта тiркеудi қамтамасыз етсiн;
3) осы қаулыдан туындайтын өзге де шараларды қабылдасын.
4. Қоса берiліп отырған Қазақстан Республикасы Үкiметiнiң кейбiр шешiмдерiне енгiзiлетiн өзгерiстер мен толықтырулар бекiтiлсiн.
5. Осы қаулы қол қойылған күнінен бастап күшiне енедi.
Қазақстан Республикасының
| Премьер-Министрі | | | | | | | Д. Ахметов
|
Қазақстан Республикасы Үкіметінің
2004 жылғы 31 тамыздағы N 921 қаулысымен
бекiтiлген
Қазақстан Республикасы Үкіметінің кейбiр шешiмдерiне енгiзiлетін
өзгерiстер мен толықтырулар
1. "Республикалық мемлекеттiк кәсiпорындардың тiзбесi туралы" Қазақстан Республикасы Үкiметiнiң 1996 жылғы 25 маусымдағы N 790 қаулысына (Қазақстан Республикасының ПYКЖ-ы, 1996 ж., N 29, 256-құжат):
көрсетiлген қаулымен бекiтiлген Республикалық мемлекеттік кәсіпорындардың тiзбесiнде:
"Қазақстан Республикасының Индустрия және сауда министрлiгi" деген бөлiмде реттiк нөмiрi 527-жол алынып тасталсын;
"Қазақстан Республикасының Бiлiм және ғылым министрлiгі" деген бөлiм мынадай мазмұндағы реттік нөмiрi 470-184-жолмен толықтырылсын:
"470-184. "Салааралық ақпарат ғылыми-
техникалық орталығы" республикалық
мемлекеттiк қазыналық кәсіпорны Алматы қаласы".
2. "Қазақстан Республикасында жүргiзiлетiн, басталған, жалғастырылып жатқан және аяқталған жабық ғылыми-зерттеу, тәжiрибе-конструкторлық және жобалау-технологиялық жұмыстарды мемлекеттiк тiркеудiң тәртiбiн бекiту туралы" Қазақстан Республикасы Үкiметiнiң 1998 жылғы 11 наурыздағы N 198 қаулысына (Қазақстан Республикасының ПҮКЖ-ы, 1998 ж., N 8, 51-құжат):
тақырыбы мен мәтінінде "жабық ғылыми-зерттеу, тәжiрибе-конструкторлық және жобалау-технологиялық жұмыстардың, "жабық ғылыми-зерттеу, тәжiрибе-конструкторлық және жобалау-технологиялық жұмыстар", деген сөздер тиiсiнше "мемлекеттiк құпиялардан тұратын мәлiметтерi бар ғылыми-зерттеу, тәжiрибе-конструкторлық және жобалау-технологиялық жұмыстарды", "мемлекеттiк құпиялардан тұратын мәлiметтерi бар ғылыми-зерттеу, тәжiрибе-конструкторлық және жобалау-технологиялық жұмыстар" деген сөздермен ауыстырылсын;
4-тармақтағы "жабық тақырып" деген сөздер "мемлекеттiк құпиялардан тұратын мәлiметтерi бар тақырып" деген сөздермен ауыстырылсын;
көрсетiлген қаулымен бекiтiлген Қазақстан Республикасында басталған, жалғастырылып жатқан және аяқталған жабық ғылыми-зерттеу, тәжiрибе-конструкторлық және жобалау-технологиялық жұмыстарды мемлекеттiк тiркеудiң тәртiбiнде:
тақырыбы мен мәтінiнде: "жабық ғылыми-зерттеу, тәжiрибе-конструкторлық және жобалау-технологиялық жұмыстарды", "жабық ҒЗТКЖ" деген сөздер тиiсiнше "мемлекеттiк құпиялардан тұратын мәлiметтерi бар ғылыми-зерттеу, тәжiрибе-конструкторлық және жобалау-технологиялық жұмыстарды"; "құпиялы ҒЗТКжЖТЖ" деген сөздермен ауыстырылсын;
"FЗТКЖ" деген аббревиатура "ҒЗТКжЖТЖ" деген аббревиатурамен ауыстырылсын;
3-тармақтағы:
"ғылыми мекемеге" деген сөздер "қазыналық кәсiпорынға" деген сөздермен ауыстырылсын;
"Салааралық" деген сөздің алдынан "Қазақстан Республикасы Бiлiм және ғылым министрлігінің" деген сөздермен толықтырылсын;
11-тармақтағы "жабық тақырыптар" деген сөздер "мемлекеттiк құпиялардан тұратын мәлiметтерi бар тақырыптар" деген сөздермен ауыстырылсын.
3. "Қазақстан Республикасы Бiлiм және ғылым министрлiгiнiң мәселелерi" туралы Қазақстан Республикасы Үкiметiнің 1999 жылғы 19 қарашадағы N 1754 қаулысына (Қазақстан Республикасының ПYКЖ-ы, 1999 ж., N 51, 504-құжат):
көрсетiлген қаулымен бекiтілген Қазақстан Республикасы Бiлiм және ғылым министрлігінің қарауындағы ұйымдардың тізбесінде:
"1. Республикалық мемлекеттік кәсiпорындар" деген бөлiм мынадай мазмұндағы реттік нөмiрi 157-35-жолмен толықтырылсын:
"157-35. "Салааралық ақпарат ғылыми-техникалық орталығы".
4. "Қазақстан Республикасы Индустрия және сауда министрлiгінiң мәселелері" туралы Қазақстан Республикасы Yкiметінің 2002 жылғы 12 қыркүйектегi N 996 қаулысына (Қазақстан Республикасының ПYКЖ-ы, 2002 ж., N 30, 330-құжат):
көрсетілген қаулымен бекітілген Қазақстан Республикасы Индустрия және сауда министрлігінің қарауындағы ұйымдардың тізбесінде:
"Республикалық мемлекеттік кәсіпорындар" деген бөлімдегі реттік нөмірі 4-жол алынып тасталсын.
