37) республиканың су және орман ресурстарын, жануарлар дүниесі ресурстары мен ерекше қорғалатын табиғи аумақтарын, аңшылық, балық ресурстарын пайдалану мен қорғау, сондай-ақ олардың өсіп-өнуі мен үтымды пайдаланылуы, ауыл шаруашылығы дақылдарын зиянкестерден, аурулардан қорғау, республика аумағына аса қауіпті жұқпалы мал ауруларының енуінен, ауыл шаруашылығы өсімдіктерінің зиянкестерінен және ауруларынан қорғау жөніндегі іс-шараларды, мал мен өсімдік тектес өнімдеріне, шикізаттарына ветеринариялық-санитарлық және фитосанитарлық сараптама жүргізуді ұйымдастырады;
38) өз құзыретінің шегінде облыстардың, Астана және Алматы қалаларының әлеуметтік-экономикалық даму жоспарларын келіседі;
39) елді мекендердің, жекелеген аймақтардың экономикалық перспективалылығын анықтау үшін негізгі өлшемдерді әзірлейді;
40) агроөнеркәсіп саласындағы бюджет қаражаты, мемлекеттік және мемлекет кепілдік берген қарыздар есебінен қаржыландырылатын инвестициялық жобаларға қорытындылар береді;
41) өз құзыреті шегінде ауыл шаруашылығы ғылымы саласындағы мемлекеттік саясатты іске асырады;
42) мемлекеттік органдарға аймақтық саясатты жүргізуге жәрдем көрсетеді;
43) мемлекеттің аймақтық саясатын іске асыру және Министрліктің өз өкілеттіктерін іске асыруы жөніндегі өзге де шараларды әзірлеу жөнінде ұсыныстар енгізеді;
44) елдің экономикалық перспективалы аймақтары мен елді мекендеріне басқа аймақтар мен елді мекендерден көшірілуі ынталандыруға жататын адамдардың санын келіседі;
45) жеке және заңды тұлғалардың Қазақстан Республикасының ветеринария саласындағы заңнамасын орындауына мемлекеттік ветеринарлық қадағалауды ұйымдастырады және жүзеге асырады;
46) алдын алу, диагностика және жою республикалық бюджет қаражаты есебінен жүзеге асырылатын аса қауіпті мал ауруларының тізбесін әзірлейді;
47) аса қауіпті аурулармен ауыратын мал ауруының алдын алу, диагностикасы және оларды емдеу жөніндегі ветеринариялық іс-шаралардың жүргізілуін ұйымдастырады және қамтамасыз етеді;
48) мал ауруларының эпизоотиялық мониторингін ұйымдастырады және эпизоотиялық ахуалды зерделейді;
49) ветеринариялық препараттарды, аспаптарды, құрал-жабдықтарды, мал азықтары мен жемшөп қоспаларын, оларға наразылық түскен кезде, апробациялау, тіркеу сынақтарын, олардың топтарын (серияларын) бақылауды, сондай-ақ Қазақстан Республикасындағы ветеринариялық препараттардың мемлекеттік тізілімін жүргізуді ұйымдастырады;
50) жаңа ветеринариялық препараттарға, аспаптарға, құрал-жабдықтарға, мал азықтары мен жемшөп қоспаларына қорытындылар береді;
51) мал шаруашылығы объектілерін пайдалануға қабылдау жөніндегі мемлекеттік комиссияларға және мал өнімін өндіру, дайындау (сою), мал өнімдері мен шикізаттарын қайта өңдеу жөніндегі ұйымдарға қатысады;
52) су ресурстарын, мелиорацияны, ирригация мен дренажды ұтымды пайдалану және қорғау, мемлекеттің аумақтық саясаты саласында мемлекеттік саясатты іске асыруға қатысады ;
53) ауыл шаруашылығы машиналарын жасау, тамақ өнімдерін өндіру бөлігіндегі, сусындарды, темекі бұйымдарын, былғары (тері илеу және өңдеу), талшықты мақта мен жүнді қайта өңдеуді қоса алғанда, өңдеуші өнеркәсіп саласында мемлекеттік саясатты іске асыруға қатысады;
54) Каспий теңізі жағалауындағы мемлекеттердің балық шаруашылығын мемлекеттік басқару органдарымен Каспий теңізінің биологиялық ресурстарын сақтау және ұтымды пайдалану мәселелерінде өзара іс-қимыл жасайды;
55) табиғи ресурстардың өсімін молайту мен оларды ұтымды пайдалану жөнінде шаралар әзірлейді және жүзеге асырады ;
56) астық туралы, ветеринария, фитосанитария және асыл тұқымды мал шаруашылығы туралы заңнаманың орындалуын мемлекеттік бақылауды жүргізеді;
57) асыл тұқымды өнімнің (материалдың) асыл тұқымдық құндылығын анықтау жөнінде қызмет көрсету жөніндегі жеке және заңды тұлғаларды қоспағанда, асыл түқымды мал шаруашылығы саласындағы субъектілерге аттестат бере отырып, аттестаттауды жүргізеді;
58) мал шаруашылығындағы жаңа селекциялық жетістіктерді сынауды және оларды апробациялауды жүргізеді;
59) өндірісте пайдалануға жіберілген асыл тұқымды малдың мемлекеттік кітабын, асыл тұқымды малдың мемлекеттік тіркелімі мен селекциялық жетістіктердің мемлекеттік тізілімін жүргізеді және басып шығарады;
60) Қазақстан Республикасының асыл тұқымды мал шаруашылығы туралы заңнамасының нормаларын бұзған жағдайда аттестаттың қолданылуын тоқтатады, бұзуды қайталаған жағдайда, аттестаттан айыру туралы талап-арызбен сотқа жүгінеді;
61) тракторлар мен өзі жүретін ауыл шаруашылығы және мелиоративтік машиналардың есебі мен техникалық жағдайын тексеруді жүргізеді, сондай-ақ оларды жүргізу тәртібін белгілейді;
62) доңғалақты тракторлардың базасында дайындалған өзі жүретін шассилер мен доңғалақты тракторлардың құрамында қозғалуға арналған тетіктерді, тіркемелерді қоса алғанда, доңғалақты тракторларды мемлекеттік тіркеуді және олардың техникалық жағдайын тексеруді жүргізеді, сондай-ақ оларды жүргізудің тәртібін анықтайды;
63) астықтың сапасын мемлекеттік бақылауды, сондай-ақ мемлекеттік астық ресурстарының сақталуын бақылауды жүзеге асырады;
64) өз құзыретінің шегінде мемлекеттік астық ресурстарын басқаруды жүзеге асырады;
65) астық рыногының мониторингін жүргізеді;
66) ауыл шаруашылығы техникасының лизингін ұйымдастыру, селекция мен тұқым шаруашылығын дамыту, дәнді дақылдарды өңдеу технологиясы және өсімдіктерді қорғау, ауыл шаруашылығы саласындағы ғылыми зерттеулер жөніндегі мемлекеттік бағдарламаларды әзірлейді және іске асыруға қатысады;
67) заңнамалық кесімдерде белгіленген жағдайларда астық қабылдау кәсіпорындарын уақытша басқаруды енгізуге бастамашы болады, оны жүзеге асыруға қатысады және шешім қабылдайды;
68) астық қолхаттарының нысандарын, оларды беру, олардың айналысы мен өтелуі ережесін бекітеді;
69) тұқымды сараптау (сертификаттау) және олардың сорттық әрі егіс сапасын куәландыратын тиісті құжаттарды беру тәртібін анықтайды;
70) тұқымға сорттық үстемелердің нормаларын анықтайды;
71) республикалық бюджеттің қаражаты есебінен тауарлар мен қызмет көрсетулерді мемлекеттік сатып алуды жүзеге асырады;
72) ішкі және сыртқы азық-түлік рыноктарындағы жағдайды зерделейді және оны ауылдық тауар өндірушілерінің назарына жеткізеді;
73) өз құзыретінің шегінде агроөнеркәсіп кешені шаруашылық жүргізуші субъектілерінің бюджеттік кредиттерді, үкіметтік және Үкімет кепілдік берген сыртқы қарыздарды игеру және қайтару жөніндегі қызметін бақылауды және үйлестіруді жүзеге асырады;
74) республикалық бюджетті әзірлеуге және атқаруға қатысады;
75) асыл тұқымды мал шаруашылығын мемлекетті қолдау жөніндегі бюджеттік бағдарламаларды әзірлейді;
76) көрсетілген мақсаттарға бюджетте көзделген қаражат шегінде асыл түқымды мал шаруашылығы саласында әр субъектінің әрбір түріне және жеке алғанда субсидиялауға жататын сататын асыл тұқымды өнімнің (материалдың) жыл сайынғы квотасын анықтайды, олардың мақсатты пайдаланылуын бақылайды;
77) республикалық меншіктегі ұйымдар акцияларының мемлекеттік пакеті мен мемлекеттік үлестеріне иелік ету және оларды пайдалану қүқығын жүзеге асырады;
78) Қазақстан Республикасының заңнамасында белгіленген тәртіппен ветеринарлық препараттарды мемлекеттік сатып алуды, сақтауды, тасымалдауды (жеткізуді) және пайдалануды ұйымдастырады;
79) ветеринарлық препараттарды мемлекеттік сатып алу, ветеринария саласындағы жұмыстарды, ветеринарлық ғылыми зерттеулерге және ветеринария саласындағы мамандарды қайта даярлауға тапсырыстар беру саласындағы жүмыстарды орындау жөніндегі республикалық бюджеттік бағдарламаларды, нормативтік конкурстық және тендерлік құжаттамаларды әзірлеуге қатысады;
80) заңнамаға сәйкес өзге де функцияларды.
11. Министрліктің негізгі міндеттерін іске асыру және өзіне жүктелген функцияларды жүзеге асыру үшін заңнамада белгіленген тәртіппен мыналарға құқығы бар:
1) өз құзыретінің шегінде орындау үшін міндетті нормативтік құқықтық кесімдерді қабылдауға;
2) мемлекеттік кәсіпорындардың құрылтайшысы болуға, олардың жарғыларын бекітуге, оларға қатысты мемлекеттік меншік құқығы субъектісінің функцияларын жүзеге асыруға;
3) Министрлікке жүктелген міндеттерді жүзеге асыру үшін мемлекеттік органдардан және өзге де ұйымдардан қажетті ақпарат сұратуға және алуға;
4) заңнамада белгіленген жағдайларда лицензиялауды және сертификаттар беруді жүзеге асыруға;
5) мемлекеттік астық ресурстарының сақталуын қамтамасыз ету мақсатында оны мемлекеттік астық ресурстарын сақтайтын астық қабылдау кәсіпорындарынан тиеуді келісуге;
6) астық қолхаттарының нысанын бекітуге;
7) таңдаулы тұқымдарды өндірумен және сатумен айналысатын жеке және заңды тұлғаларды атестаттауды жүргізуге;
8) тұқым шаруашылығындағы сорттық және тұқымдық бақылауды жүзеге асыруға;
9) тұқымға сорттық үстеме нормаларын айқындауға;
10) өз құзыреті мен өкілеттіктерінің шегінде мемлекеттік меншіктегі мүлікті пайдалануды жүзеге асыруға;
11) мелиорациялық іс-шаралардың жүргізілуін мемлекеттік бақылауды және суармалы жерлердің мониторингін жүзеге асыруға;
12) мыналардың: астық туралы, фитосанитарлық қадағалау, мал тұқымын асылдандыру ісі, ветеринария, өсімдіктерді қорғау жөніндегі нормативтік құқықтық кесімдердің сақталуына;
уәкілетті мемлекеттік органдармен бірлесіп орман және су ресурстарын, жануарлар дүниесі ресурстарын және ерекше қорғалатын табиғи аумақтардың үтымды пайдаланылуын, өсімінің молайтылуын және қорғалуына;
ветеринарлық препараттардың өндірілуіне және олардың сапасына;
мемлекеттік астық ресурстарын тиеуге және тасымалдауға;
астық сапасына мемлекеттік бақылауды жүзеге асыруға.
12. Министрліктің барлық деңгейдегі мемлекеттік инспекторларының бақылау және қадағалау саласындағы өздерінің құзыретіне жататын мәселелер бойынша шешімдері, талаптары мен нұсқауларын барлық жеке және заңды тұлғалардың орындауы міндетті.
3. Министрліктің мүлкі
13. Министрліктің жедел басқару құқығында оқшауланған мүлкі болады.
Министрліктің мүлкі оған мемлекет берген мүліктің есебінен құралады және негізгі қорлар мен айналым қаражатынан, сондай-ақ құны Министрліктің теңгерімінде көрсетілетін өзге де мүліктен тұрады.
14. Министрлікке бекітіліп берілген мүлік республикалық меншікке жатады.
15. Министрліктің бекітіліп берілген мүлікті өз бетінше иеліктен шығаруға немесе оған өзге тәсілмен билік етуге құқығы жоқ.
Министрлікке заңнамада белгіленген жағдайда және шектерде мүлікке билік ету құқығы берілуі мүмкін.
4. Министрліктің қызметін ұйымдастыру
16. Министрлікті Қазақстан Республикасы Премьер-Министрінің ұсынуы бойынша Қазақстан Республикасының Президенті қызметке тағайындайтын және қызметтен босататын Министр басқарады.
Министрдің оның ұсынуымен Қазақстан Республикасының Үкіметі қызметке тағайындайтын және қызметтен босататын орынбасарлары (вице-министрлері) болады.
17. Министр Министрліктің жұмысын ұйымдастырады және оған басшылық жасайды әрі Министрлікке жүктелген міндеттердің орындалуы мен оның өз функцияларын жүзеге асыруына жеке жауап береді.
18. Министр осы мақсатта:
1) өзінің орынбасарларының және Министрліктің құрылымдық бөлімшелері мен Министрліктің аумақтық органдары басшыларының міндеттері мен өкілеттіктерін айқындайды;
2) заңнамаға сәйкес Министрліктің қызметкерлері мен аумақтық органдарының басшыларын қызметке тағайындайды және қызметтен босатады;
3) заңнамада белгіленген тәртіппен Министрліктің қызметкерлері мен аумақтық органдарының басшыларына тәртіптік жаза және оларды көтермелеу шараларын қолданады;
4) Қазақстан Республикасының Үкіметі бекіткен штат санының лимиті шегінде Министрліктің және оның аумақтық органдарының құрылымын, Министрліктің құрылымдық бөлімшелері мен аумақтық органдары туралы ережелерді бекітеді;
5) Министрліктің бұйрықтарына қол қояды;
6) мемлекеттік органдарда, өзге де ұйымдарда Министрліктің мүдделерін білдіреді;
7) заңнамаға сәйкес өзге де өкілеттіктерді жүзеге асырады.
19. Бірінші вице-министр министр болмаған кезде оның орнында қалады, Министрлік құрылымдық бөлімшелерінің қызметін үйлестіреді, оған Министр жүктеген өзге де міндеттерді орындайды.
20. Министрліктің, Министрдің жанындағы консультативтік-кеңесші орган болып табылатын алқасы болады.
Алқаның сандық және жеке қүрамын Министрліктің құрылымдық бөлімшелері басшыларының қатарынан Министр бекітеді.
5. Министрлікті қайта ұйымдастыру және тарату
21. Министрлікті қайта ұйымдастыру және тарату Қазақстан Республикасының заңнамасына сәйкес жүзеге асырылады.
Қазақстан Республикасы
Үкіметінің 2002 ж.
7 қазандағы N 1096
қаулысына қосымша
Қазақстан Республикасы Үкіметінің күші жойылған
кейбір шешімдерінің тізбесі
1. Қазақстан Республикасының Ауыл шаруашылығы министрлігі туралы ережені бекіту туралы Қазақстан Республикасы Үкіметінің 1999 жылғы 16 қарашадағы N 1731 қаулысы (Қазақстан Республикасының ПҮКЖ-ы, 1999 ж., N 51, 498-құжат).
2. Мемлекеттік астық ресурстарын қалыптастыру, сақтау және пайдалану ережесін бекіту туралы Қазақстан Республикасы Үкіметінің 2001 жылғы 28 наурыздағы N 394 қаулысының 3-тармағы (Қазақстан Республикасының ПҮКЖ-ы, 2001 ж., N 12, 129-құжат).
3. Қазақстан Республикасы Үкіметінің 1999 жылғы 16 қарашадағы N 1731 қаулысына өзгерістер мен толықтырулар енгізу туралы Қазақстан Республикасы Үкіметінің 2001 жылғы 2 мамырдағы N 584 қаулысы (Қазақстан Республикасының ПҮКЖ-ы, 2001 ж., N 16, 207-құжат).
4. Қазақстан Республикасы Үкіметінің кейбір шешімдеріне өзгерістер мен толықтырулар енгізу туралы Қазақстан Республикасы Үкіметінің 2001 жылғы 22 қыркүйектегі N 1222 қаулысымен бекітілген Қазақстан Республикасы Үкіметінің кейбір шешімдеріне енгізілген өзгерістер мен толықтырулардың 1-тармағы (Қазақстан Республикасының ПҮКЖ-ы, 2001 ж., N 33, 431-құжат).
5. Қазақстан Республикасы Ауыл шаруашылығы министрлігінің қызметіне байланысты жекелеген мәселелер туралы Қазақстан Республикасы Үкіметінің 2002 жылғы 28 маусымдағы N 704 қаулысымен бекітілген Қазақстан Республикасы Үкіметінің кейбір шешімдеріне енгізілген өзгерістер мен толықтырулардың 4-тармағы (Қазақстан Республикасының ПҮКЖ-ы, 2001 ж., N 20, 215-құжат).
6. Қазақстан Республикасында ауыл шаруашылық және мелиоративтік техниканың есебін жүргізу, оны мемлекеттік тіркеу және техникалық жай-күйін тексеру мәселелері туралы Қазақстан Республикасы Үкіметінің 2002 жылғы 30 шілдедегі N 846 қаулысының 1-тармағының 1) тармақшасы (Қазақстан Республикасының ПҮКЖ-ы, 2002 ж., N 25, 266-құжат).
