Патронат тәрбиешiлерге берiлген баланы (балаларды) асырап-бағуға арналған ақша қаражатын төлеу ережесін бекіту туралы
Қазақстан Республикасы Үкіметінің 2004 жылғы 11 наурыздағы № 306 Қаулысы
ҚР Үкіметінің 2012 жылғы 30 наурыздағы № 381 Қаулысымен күші жойылды
Қазақстан Республикасының «Неке және отбасы туралы» 1998 жылғы 17 желтоқсандағы Заңының 123-бабын iске асыру мақсатында Қазақстан Республикасының Үкiметі қаулы етеді:
1. Қоса берілiп отырған Патронат тәрбиешiлерге берiлген баланы (балаларды) асырап-бағуға арналған ақша қаражатын төлеу ережесі бекітілсiн.
2. Осы қаулы қол қойылған күнінен бастап күшiне енедi.
Қазақстан Республикасының
| Премьер-Министрі | | | | | Д. Ахметов |
Қазақстан Республикасы Үкіметінiң
2004 жылғы 11 наурыздағы № 306 қаулысымен
бекiтілген
Патронат тәрбиешiлерге берiлген баланы (балаларды)
асырап-бағуға арналған ақша қаражатын төлеу
Ережесі
1. Жалпы ережелер
1. Осы Ереже (бұдан әрi - Ереже) патронат тәрбиешiлерге берiлген баланы (балаларды) асырап-бағуға арналған ақша қаражатының ай сайынғы төлемдерiнiң тәртібі мен мөлшерiн белгiлейдi.
2. Патронат тәрбиешiлерге берілген баланы (балаларды) асырапбағуға арналған ай сайынғы ақша қаражатының төлемi олардың ата- аналық құқықтарының шектелуiне немесе айрылуына, ата-аналарды хабарсыз кеткен деп тануға, оларды қайтыс болды деп жариялауға, әрекет етуге қабiлетсiз (әрекет ету қабiлетi шектеулi) деп тануға, ата-аналардың бас еркiнен айыру орындарында жазаларын өтеуiне, ата- аналардың баланы тәрбиелеуден немесе оның құқықтары мен мүдделерiн қорғаудан жалтаруына байланысты, оның iшiнде ата-аналардың өз баласын тәрбие немесе емдеу мекемесiнен алудан бас тартқан жағдайда ата-аналарының бiрiнiң немесе екеуiнiң де қамқорлығынсыз қалған кәмелетке толмаған балаға жүргiзіледi.
2. Патронат тәрбиешiлерге берiлген баланы (балаларды)
асырап-бағуға арналған ақша қаражатын төлеу тәртібі
3. Патронат тәрбиешiге берiлген баланы (балаларды) асырапбағуға арналған ақша қаражатын төлеу патронат тәрбиешi мен қорғаншылық қамқоршылыққа алу органы арасындағы Баланы (балаларды) патронатқа тәрбиеге беру туралы үлгi шарт (қосымшаға сәйкес) жасасу негiзiнде ақша қаражатын тағайындау туралы шешiм шыққан күннен бастап жүргiзіледi.
Патронат белгiленген жағдайда патронат тәрбиешi қамқорлыққа алынушы есепте тұрған қорғаншылық және қамқоршылық органына ақша қаражатын тағайындау туралы жазбаша өтiнiш және осы Ереженiң 4-тармағында көрсетiлген құжаттарды бередi.
4. Балаға ақша қаражатын алу үшiн патронат тәрбиешi баланың тұратын жерi бойынша қорғаншылық және қамқоршылық органына:
1) ақша қаражатын тағайындау туралы өтiнiш;
2) баланың туу туралы куәлiгiнiң көшiрмесiн;
3) балаға ата-аналарының бiрiнiң немесе екеуiнiң де қамқорлығының жоқтығын (ата-аналарды ата-аналық құқықтан айыру туралы сот шешiмi, өлiмi туралы куәлiк және басқалар) растайтын құжаттардың көшiрмесiн;
4) баланың білім беру ұйымында оқитындығы туралы анықтаманы;
5) патронаттық тәрбиешi мен қорғаншылық және қамқоршылық органы арасындағы шартты ұсынады.
5. Қорғаншылық және қамқоршылық органы патронат тәрбиешi өтiнiш берген сәттен бастап 15 күндiк мерзiмде ақша қаражатын тағайындау туралы шешiм қабылдайды, оның көшiрмесi патронат тәрбиешiге берiледi.
6. Ақша қаражаты, меншiк нысандарына қарамастан, білім беру ұйымдарында толық мемлекеттік қамтамасыз етуде тұрған қамқорлыққа алынған балаларға төленбейдi.
Қорғаншылық пен қамқоршылық органының қамқорлыққа алынушыға ақша қаражатын тағайындаудан бас тартуы туралы шешiмiне патронат тәрбиешi сотқа шағымдана алады.
7. Патронат тәрбиешiге баланы (балаларды) асырап-бағуға көзделген ақша қаражатын төлеу қорғаншылық және қамқоршылық органының шешiмi мен патронат тәрбиешi мен қорғаншылық және қамқоршылық органы арасындағы шарттың негiзiнде облыстардың (қалалардың, аудандардың), республикалық маңызы бар қаланың және астананың білім беру басқармаларының жергіліктi органдары арқылы жүзеге асырылады.
8. Қамқоршылыққа алынушыға арналған ақша қаражаты патронат тәрбиешiге ай сайын толық мөлшерде өткен айдың 15-күнiнен кешiктiрмей, облыстардың (қалалардың, аудандардың), республикалық маңызы бар қаланың және астананың білім беру басқармаларының жергiлiктi органдары арқылы қорғаншылық және қамқоршылық органы төлейдi.
9. Қамқоршылыққа алынған балаға арналған ақша қаражаты, оның туған айын қоса алғанда, қамқоршылыққа алынушы 18 жасқа толғанға дейiн, оларды төлеудi мерзiмiнен бұрын тоқтатуға соқтыратын жағдайларды қоспағанда, тағайындалады және патронат тәрбиешiге төленедi.
16-дан 18 жасқа дейiнгi оқып жүрген қамқорлыққа алынушыға ақша қаражаты патронат тәрбиешi үлгiсiне, түрiне және ведомстволық бағыныстылығына қарамастан, білім беру ұйымынан анықтама ұсынған жағдайда төленедi. Анықтама оқу жылында екi рет қазанның 1-нен 15-не дейін және наурыздың 1-нен 15-не дейiн берiледi.
10. Денсаулық жағдайына байланысты оқымайтын және жұмысқа орналаспаған (медициналық қорытындысы болған кезде) және жұмыс орнының жоқтығына немесе өзге де негiздемелерге байланысты жұмыс iстемейтiн 16-дан 18 жасқа дейiнгi қамқорлыққа алынған балаларға ақша қаражатын төлеу кезiнде патронат тәрбиешi тоқсан сайын ақша қаражатын төлеудi жалғастыру үшiн осы негiздемелердiң барлығын растайтын тиiстi құжаттарды қорғаншылық және қамқоршылық органына ұсынады.
3. Патронат тәрбиешiге берiлген баланы (балаларды) асырап-
бағуға арналған ақша қаражатын төлеу мөлшерi мен тоқтату
негiздемелерi
11. Патронат тәрбиешілерге берiлген баланы (балаларды) асырап-бағуға арналған ақша қаражатының төлемi ай-сайын (патронат тәрбиешi мен қорғаншылық және қамқоршылық органының арасында шарт жасалған күннен бастап) мынадай мөлшерде жүргiзiледi:
мектеп жасына дейiнгi бiр бала үшiн тамақтану - 6 айлық есептiк көрсеткiш;
мектеп жасындағы бiр бала үшiн тамақтану - 7 айлық есептiк көрсеткiш;
бір баланың киім-кешегi, аяқ киімi, жұмсақ мүкәммәлi - 3 айлық есептiк көрсеткiш.
12. Патронат тәрбиешiге ақша қаражатын төлеу мынадай негiздемелер бойынша тоқтатылады:
1) қамқорлыққа алынушының кәмелетке толуы;
2) қамқорлыққа алынушының толық мемлекеттік қамтамасыз ету үшiн тәрбие, емдеу мекемесiне, жетiм балалар мен ата-аналарының қамқорлығынсыз қалған балаларға арналған халықты әлеуметтiк қорғау мекемесiне және басқа да ұқсас мекемелерге орналасуы;
3) қамқорлыққа алынған баланы асырап алу;
4) кәмелетке толмағанның жұмысқа орналасуы;
5) патронат тәрбиешiнiң өз мiндеттерiн атқарудан аластатылуы;
6) шарт мерзiмiнiң өтуi немесе мерзiмiнен бұрын бұзылуы.
13. Ақша қаражатын төлеудi тоқтату қорғаншылық және қамқоршылық органының шешiмi бойынша, төлемдi тоқтатуға әкеп соқтырған жағдайлар туындаған айдан кейiнгi айдан бастап жүргiзiледi.
14. Ақша қаражатын төлеудiң тоқтатылғаны туралы патронат тәрбиешіге шешім қабылданған күнінен бастап бір айлық мерзiмде қорғаншылық және қамқоршылық органы хабарлайды.
15. Патронат тәрбиешілерге жүктелген баланы (балаларды) асырап-бағу, тәрбиелеу және оған білiм беру міндеттерін орындауға бақылауды қорғаншы және қамқоршы орган жүзеге асырады.
4. Қорытынды ережелер
16. Патронат тәрбиеші уақытылы алмаған есептелген ақша қаражаты, егер ол үшiн өтiніш қамқорлыққа алынушы 18 жасқа толғанға дейін берілсе, онда өткен кезең үшiн төленедi.
Қорғаншылық және қамқоршылық органының кiнәсінен алынбаған ақша қаражаты барлық өткен кезең үшін төленеді.
17. Заңсыз төленген және алынған ақша қаражаты, егер артық төлем алушының тарапынан терiс пайдаланудың нәтижесiнде болса, патронат тәрбиешіден өндiрiлiп алынады.
Артық төленген қаражатты өндiрiп алу сот шешiмiнiң негізiнде жүргiзіледi.
18. Патронат тәрбиешi қорғаншылық және қамқоршылық органын өзінің көшiп-қонуы туралы хабардар етедi. Қамқоршылыққа алынушыға ақша қаражатын алатын патронат тәрбиешi көшіп-қонған жағдайда, төлемдi қамқорлыққа алушының жеке iс қағаздарын алғаннан және оны тiркегеннен кейiн қорғаншылық және қамқоршылық органы жаңа тұрған жері бойынша жүргізеді.
19. Қамқорлықтағы балалардың тамағына, киім-кешек, аяқ киім, жұмсақ мүкәммал сатып алуларына ақша қаражатын тағайындау және төлеу жөніндегі құжаттар қорғаншылық және қамқоршылық органында қамқорлыққа алынушылардың жеке iс қағаздарында сақталады.
Патронат тәрбиешiлерге баланы
(балаларды) асырап-бағуға арналған
ақша қаражатын төлеу ережесіне
қосымша
Баланы (балаларды) патронаттық тәрбиелеуге беру туралы үлгі шарт
_________________ 200 ж.»__»______________
(қала, аудан) №_______
1. «Неке және отбасы туралы» Қазақстан Республикасының 1998 жылғы 17
желтоқсандағы Заңы 100-бабының негiзiнде iс-әрекет ететiн қорғаншылық
және қамқоршылық органы
___________________________________________________________________ атынан
(лауазымы, тегi, аты, әкесінің аты)
және_____________________________________________ азаматтар (-т,-ша)
(лауазымы, тегi, аты, әкесiнiң аты, төлқұжаттық деректер)
________________________________________________ мекен-жайда тұратын
(мекен-жайы)
бұдан әрi - патронат тәрбиешi (патронат отбасы) деп аталатын
төмендегілер туралы осы шартты жасасты:
Шарттың мәнi
2. Қорғаншылық және қамқоршылық органы патронат тәрбиешіге
(патронат отбасына) ______________________________________________
(тегі, аты, әкесiнiң аты)
тәрбиелеуге ал патронат тәрбиешi (патронат отбасы) баланы
(балаларды)
__________________________________________________________________
(балалардың тегі, аты, әкесінің аты, тууы туралы куәлiгiнiң №,
сериясы, кiм және қашан берiлдi)
________________________________________________________ патронаттық
тәрбиелеуге (патронат отбасына) алады және тұруы, тәрбиеленуі мен
оқуы, сондай-ақ дене, психикалық, адамгершiлiк және рухани дамуы үшiн
қажеттi тұрғын үй-тұрмыстық жағдай туғызуға мiндеттенедi.
3. Баланы (балаларды) патронат тәрбиешiге (патронат отбасына) беру
қорғаншылық және қамқоршылық органының шешiмiмен ресімделеді.
10 жасқа толған бала патронаттық тәрбиелеуге патронат тәрбиешіге
(патронат отбасына) осы Шарттың бөлiнбейтiн бөлiгi болып табылатын оның
жазбаша келісімiмен беріледi.
Тараптардың құқықтары мен мiндеттері
4. Қорғаншылық және қамқоршылық органының құқығы мен міндеттері:
баланы асырап-бағуға және тәрбиелеуге, оның денсаулық жағдайына
бақылауды, оның мүлкін басқаруды жүзеге асырады;
оқыту мен тәрбиелеудiң нысандары мен әдістерін ұсынады;
патронат тәрбиешiге (патронат отбасына) мынадай құжаттарды
тапсырады:
туу туралы куәлiк;
денсаулығының жағдайы туралы медициналық анықтаманы және баланың
ауру тарихынан үзiндi;
білімi туралы құжат;
ата-аналары туралы құжаттар (қайтыс болғаны туралы куәлiктiң
көшiрмесi, соттың үкімі немесе шешiмi, ауруы, ата-аналарының іздеуде
жүргенi немесе ата-аналық қамқорлықтың болмауының өзге де жағдайлары
туралы анықтама);
бауырлары немесе әпкелерiнiң болуы, олардың тұрған жерi туралы
анықтама;
балаға қатысты мүлiктердiң тiзiмдемесi және оның сақталуына жауап
беретiн адамдар туралы мәлiметтер;
кәмелетке толмағандарға бұрын тұратын тұрғын үй алаңы бекітілгендiгi
туралы құжаттар;
алименттердi өндiрiп алу туралы сот шешiмiнiң көшiрмесi, сондай-ақ
жәрдемақыға, зейнетақыға және басқа да әлеуметтiк төлемдерге құқығын
растайтын құжаттар;
банк мекемесiнде баланың (балалардың) атына ашылған шоттың болуы
туралы құжат;
өзге да құжаттар.
5. Қорғаншылық және қамқоршылық органы білім беру басқармалары мен
бөлiмдерi арқылы ай сайын, өткен айдың 15-нен кешіктiрмей патронат
тәрбиешiнiң (патронат отбасының) банк шотына Ережеге сәйкес белгіленген
материалдық қамтамасыз ету нормасын ескере отырып, ақшалай қаражат
аударуға мiндеттеледi.
6. Патронат тәрбиешінiң (патронат отбасының) құқықтары мен
мiндеттерi:
оның (олардың) пiкiрi мен қорғаншылық және қамқоршылық органының
ұсынымдарын ескере отырып, баланы (балаларды) тәрбиелеудiң тәсiлдерiн
белгiлейдi;
білім беру мекемесi мен оқытудың нысанын таңдайды;
баланың (балалардың) тиiстi білім алуына арналған жағдайларды
қамтамасыз етедi;
баланың (балалардың) патронат тәрбиешiге (патронат отбасына)
берілген құжаттарының сақталуын қамтамасыз етедi;
баланы (балаларды) тәрбиелейдi, Қазақстан Республикасының
қолданыстағы заңнамасына сәйкес оның денсаулығына, дене, психикалық,
адамгершілік және рухани дамуына қамқорлық жасайды;
баланы (балаларды) асырап-бағу, тәрбиелеу және оған білім беруде
қолайсыз жағдайлар туындағаны туралы қорғаншылық және қамқоршылық органын
хабардар етедi.
7. Осы шарт _______________________ мерзiмге жасалған және қол
қойылған сәтiнен бастап күшiне енедi.
8. Осы шарттың қолданыс мерзiмi тараптардың өзара келісімi бойынша
оның аяқталуына дейiн _____________________ бұрын ұзартылуы мүмкін.
9. Осы шартты орындау процесiнде тараптар арасында туындаған
келiспеушiлiктердi келісілген шешiмдi әзiрлеу мақсатында олар
туындағаннан кейiн ___________________ мерзiмде тараптар қарайды, ал
келісімге қол жеткiзiлмеген жағдайда шешу үшін сотқа берiледi.
Шартты мерзiмінен бұрын бұзу
10. Шарт мынадай негiздемелер бойынша тоқтатылуы мүмкiн:
дәлелдi себептер болған жағдайда патронат тәрбиешiнiң (патронат
отбасының) бастамасы бойынша (аурулар, отбасы немесе мүлiктiк жағдайы
өзгергенде, баламен (балалармен) өзара түсiнушiлiк болмағанда);
патронат тәрбиешiнiң (патронат отбасының) баланы (балаларды)
асырап-бағу, тәрбиелеу және оған білім беру үшiн қолайсыз жағдайларында
немесе баланы (балаларды) ата-аналарына қайтарған немесе баланы
(балаларды) асырап алған жағдайда қорғаншылық және қамқоршылық органының
бастамасы бойынша.
11. Шарт екi данада жасалды, олардың eкeуi де бiрдей заң күшiне ие.
12. Осы шарттың талаптары орындалмаған кезде (шарттық бұзылу
жағдайын көрсету) оны тараптар бұзуға құқылы.
Қорғаншылық және Патронат тәрбиешi
қамқоршылық органы (патронат отбасы)
_______________________ __________________
(есеп шоты, мекен-жайы) (тегi)
_______________________ қолы______________
(тегi, лауазымы)
қолы __________________
