1. Мыналарды өндiру және қолдану: 1) химиялық заттар мен қосындылар: азот қышқылын, азот тотығын, аммиакты; акриль қышқылын, метакрил қышқылын, олардың эфирлерiн, нитрилдерін (A); тринитротолуолды, динитрофенолды, динитробензолды, анилинді, гексогенді; динитрохлорбензолды және басқаларды, уротропинді, ксилидинді, крeозолдарды, пикрин қышқылдарын; майлы қатардың амин қосындыларын және тектестерді; хош иiстi қатардың аминдерiн: бензидин мен оның қосындыларын, дианидизиндi, толуидин мен оның қосындыларын, нафтиламиндердi (олардың негізiнде бояғыштарды қолдану және зертханалық жағдайда пайдалану); барийдың еритiн және ерiмейтiн қосындыларын; бензол және ол тектестердi (толуолды, ксилолды, стиролды және басқаларды), хош иiстi қатардың галоид тектестерiн, галоид бензилдерi мен хлорлы бензилиденiн (сондай-ақ зертханалық жағдайда пайдалану); азобояғыштарды, антрахинонды, фталоцианилдi бояғыштарды; металл бериллийiн және оның қосындыларын, берилл тотығынан керамикалық бұйымдарды механикалық өңдеу, берилийден шихталар, қорытпалар дайындау; бета-нафтолдарды; бромды және оның қосындыларын; галоид тектес майлы қатардың көмiрсутегiлерiн (дихлорэтанды, төрт хлорлы көмiртегiн, винилдi хлоридтi, хлорлы метилдi, хлороформды, бромэтилдi, трихпорэтилендi, хлоропрендi және басқаларды); гидразинді және оның қосындыларын; диметилформамидтi, диметилацетамидтi және басқа да майлы қышқылдардың амидтерiн; изоцианаттарды (А); сондай-ақ, жасанды және синтетикалық талшықтарды (көмiртектi оксалонды, СВМ-дi, аримидті) механикалық қайта өңдеу, бояу, термоөңдеу; майлағыштарды дайындау; қолдану; кадмийді және оның қосындыларын; кокс пен кокс газын; кокстеу өнімдерін жинақтау, жинақталған көмiр сутегiлердi ректификациялау, коксті химиялық зауыттарда таскөмiр қара майларын тазарту және қайта өңдеу, сондай-ақ, кокс-химиялық өнеркәсіп өнiмдерiнен жасалған (қара майлар, шайырлар, құмдар және т.с. асфальт- бетон төсеніштерін қалауға байланысты жұмыстар; кремний органикалық қосындыларын және олардың негiзiнде (А) майлағыштарды; литийдi және оның қосындыларын; марганецті және оның қосындыларын, марганец тотығын, дәнекерлеу материалдарын (электродтарды, ұнтақты сымдар мен флюстердi); марганецтi болатты және құрамында 10%-дан астам марганец бар металдарды балқыту; кен өндiру, марганец қосындыларын ұсақталған түрiнде қайта өңдеу және қолдану; метанолды; мышьякты және оның қосындыларын, сондай-ақ оларды өндіру; никельді және оның қосындыларын; органикалық жеделдеткiштердi, тозуға қарсы вулканизациялау, вулканизация ингибиторларын (каптаксты, тиурамды, Д неозонын және басқаларды); сондай-ақ, хлорлы органикалық, фосфорлы органикалық пестицидтердi, карбамин тектес қышқылдарды, металды органикалық және басқа да пестицидтерді қоймаларда сақтау; мақтаны және оны алғашқы өңдеуді; платина металдарын, алтын, күмiс және олардың қосындылары мен қорытпаларын; мұнайды, табиғи газды, пиробензолды, сондай-ақ озокериттi өндiру және өңдеу, автомобиль және авиация майларын қайта қалпына келтiру; шектеулi және шектеусiз көмiр сутегілерiн (полиэтилендi, дивинилдi, изопрендi және басқаларды) бензин-ерiткішті бөлу; мұнай құятын кемелерi, цистерналарды, резервуарларды тазалау; тауар парктерiне қызмет көрсету, сынамаларды iрiктеу, мұнайдың аралық және соңғы өнiмдерiнің шикiзаттарын зертханалық бақылау; мұнай өндiру жөніндегі ұңғымалар мен қондырғыларды пайдалану, жөндеу; жерде сирек кездесетiн элементтердiң аэрозольдарын және олардың қосындыларын; сондай-ақ, сынап және оның қосындыларын өндіру, балқыту, қоспалардан тазарту; сынапты термометрлердi, люмисценттiк шамдарды, басқа да физикалық және жарық техникалық приборларды, бояуларды, сынапты органикалық қосындыларды өндiру; сынаптық электролизді; ашық сынаппен байланыс кезіндегі жұмыстарды; шатырлауық сынаптарды өндiру, сынап түзеткіштерiмен жұмыстарды; жабық сынапты, амалигамды (стоматологияда) приборларды, фармацевтикалық және косметикалық препараттарды өндiру; кендер мен концентраттардан алынған қорғасынды; қорытпаларды, құрамында қорғасын, ақ бояуы бар құрғақ пигменттердi алу; жабық кеңiстiктерде қорғасынмен қаптау, бұйымдарды жұқарту, тығыздау, қорғасындау; қорғасынды механикалық және қолмен өңдеу; агломерация; подшипниктердi құю; қорғасынды аккумуляторларды, бояулардан, жылтырақтардан тұратын үгітілген қорғасындарды өндiру; қорғасынды ванналарда шынықтыру; шыныдан және шыны талшықтарынан тұратын қорғасындарды өндiру және өңдеу; қорғасыннан тұратын топырақтармен жабылған үстiңгi беттерiн дәнекерлеу және кесу; қорғасын бояулары үнемi қолданылатын майлау жұмыстары; қорғасыннан бұйымдар дайындау; пьезокерамика мен шыны кристалды цементтi өндiру және қолдану; қорғасын кенiн байыту: ұсақтау, араластыру және қорғасын сульфидінен тұратын шаң-тозаңның пайда болуымен байланысты басқа да процестер; қорғасынның аз мөлшерiн жекелей балқыту: жабыстыру, полиграфиялық өндiру (линотиптiк жұмыстар, қолмен жинау және басқалары); селенді, телурды; күкіртті органикалық қосындыларды; сульфанат жиынтықтарын, метил күкiрттi қосындыларды, күкiрттi, күкiрт қышқылын өндiру; күкiртті және күкiрттi ангидридтердi, күкiрттi сутегілерiн, күкiрттi көмiртегiлерiн бөлу; цианистік қосындыларды, цианды сутектi қышқылы мен оның қосындыларын, цианамидтердi; синтетикалық каучукті, резеңке қоспаларын дайындау, резеңкенi вулканизациялау; синтетикалық шайырлар мен пластикалық массаларды мынадай негізде: стиролды (стиролдың полимерлерi мен тең полимерлерiн, полиэфир шайырларын, лактарды, желiмдердi, шыны пластикаларды және басқаларды); шайырларды, пластмассаларды, лактар мен желiмдердi қайта өңдеу, қолдану; фенолды және формальдегидтi (А) (шайырларды, лактарды, желімдердi, басқаларды); пресс-ұнтақтарды, пресс-материалдарды қайта өңдеу; желiмдердi, лактарды, сіңіpy құрамдарын, байланыстырғыштарды және басқаларды қолдану; кремний - органикалық қосындыларды (шайырларды, лактарды, сұйық силикондарды, полимерлердi, пресс материалдарды қайта өңдеу); изоцианаттарды (А) (полиуретандарды, полиуретандардың көбiгiн, полимочевиндердi және басқаларды); фторорганикалық қосындыларды (полимерлер мен тең полимерлердi), фторпластарды қыздыру арқылы және механикалық қайта өңдеу; винилхлоридтi және винилдехлоридтi, олардың полимерлерi мен тең полимерлерiн, перхлорвинилдi, желiмдердi, лакты және басқаларды; шайырлар мен пластмассаларды қайта өңдеу, желiмдердi, лактарды және басқаларды қолдану; эпихлоргидриндi (А); эпоксидті шайырлар мен олардың негізіндегi пластмассаларды, компаундарды; акрилдi және метакрилдi қышқылдарды (А), олардың полимерлерiн, тең полим. ерлерiн; эмульсияларды, лактарды, бояуларды және басқаларды қолдану; алифаттық және шектеусiз көмірсутегі. лерін (полиэтиленді, полипропилендi), олардың полимерлері мен тең полимерлерін; тақтатасты шайырларды (А) және олардың бөлiну процестерін; сурьмаларды және оның қосындыларын, таллийдiң монокристалдарын және оның қосындыларын (сондай-ақ өcipy); қорғасын мен этил сұйығының тетраэтилiн; этил сұйығын; жанғыш заттармен араластыру; этилдендiрiлген бензиндi: авиация және автомобиль моторларын сынау, жөндеу, бөлшектеу, жуу; ұшу аппараттары мен автомобиль көлiктерiне жанар май құю; механикаландырылмаған станцияларда этилдендiрілген бензиндi ағызу, құю; мұнай базаларында, бензин қоймаларында, бензоколонкаларда қондырғылар мен ыдыстарды тазалау; кобальтты және оның қосындыларын; бестотықты ванадийдi, феррованадийдi; ванадийден тұратын шлактарды қайта өңдеу; молибдендi, вольфрамды және олардың қосындыларын; титанды, оны өңдеу, металды титанды және оның қосындыларын қалпына келтіру; цирконийдi, вольфрамды және олардың қосындыларын (вольфрамды-кобальтты, титанды-кобальтты қорытпаларды, цирконийдiң металл ұнтақтарын); урсолды және урсолды бояғыштарды (А) (жүндердi бояу); фторды және оның қосындыларын; алюминийдi (электролиздiк алу), балқытылған шпатты өндіру және қолдану; хромды (А), хром қышқылын (А), олардың жанама компоненттерi түріндегі хром қосындысынан тұратын заттарды қоса алғанда, қосындыларын және қорытпаларын; 2) фармакологиялық заттар: морфиндi және ол тектестердi; витаминдердi; сульфаниламидтi препараттарды; пиразолонды препараттарды; iсікке қарсы препараттарды; гормональды препараттарды; нейролептиктердi; антикоагулянттарды; анестетиктердi (фторотан); фенолдарды және олар тектестердi; формальдегидтердi (А) және майлы қатардағы басқа да альдегидтерді; фосфорларды (сары және қызыл), фосфорлы органикалық қосындыларды, оның iшінде фосфаттардың пластификаторларын; фтал қышқылын, фтал ангидридiн және олар тектестердi; фурандарды және олар тектестердi: фурфуролдарды, тетрагидрофурандарды және басқаларды; хлорды және оның қосындыларын, хлоры бар қоспаларды; хлорнафталиндерді (А) және қосындыларын, гидрооксинафталинді және нафтолдарды; 3) биологиялық препараттарды: медициналық практикадағы және дәріханалық мекемелердегi антибиотиктердi (А); микробиологиялық синтездің өнiмдерiн: саңырауқұлақтар- продуценттердi, белокты-витаминдi концентраттарды (БВК), жем ашытқыларын, құрама азықтарды (А); медициналық практикада, дәрiханалық мекемелерде ауыл шаруашылығында және экономиканың басқа да салаларындағы ферменттi препараттарды, биоширатқыштарды; диагностикалауға, емдеуге арналған аллергендерді; қан препараттарын (А), иммунды биологиялық препараттарды; жұқтырылған материалды; гельминттер жұққан материалды; бруцеллез қоздырғышын; мал шаруашылығындағы (бруцеллез бойынша эпизооттық жай-күйге қарамастан), меншiк нысанына қарамастан, малдан өндiрiлген шикiзаттар мен азық-түлiктердi қайта өңдеу жөніндегі кәсiпорындардағы жұмыстар кезiнде; КУ-қызбасы бойынша қолайсыз аумақтардағы мал шаруашылығындағы, КУ қызбасымен ауыратын ауыл шаруашылығы малдарынан өндiрiлетiн шикiзаттар мен азық-түлiктердi қайта өңдейтiн кәсiпорындардағы КУ- қызбасы қоздырғышын; 4) өнеркәсіптік аэрозолдар: абразивтердi және абразивтерден тұратын материалдарды (қалыпты ақ, хромды электрлi корундтар, монокорундтар); бор карбидiн, эльборды, кремний карбидiн және басқа да кремнийлерден тұратын материалдарды (кремнийдің еркiн; және аморфты қос қышқылы): әйнектi, династы, кремнийлi мыс қорытпаларын, силуминдi және басқаларды; кендік және кендiк емес қазбаларды, көмiрді барлау, таулы жерде ашық және жер астында өндiру, оларды байыту және қайта өңдеу кезінде; құю жұмыстары кезінде: жер дайындау, құйманы қалыптау, сындыру, кесу, тазалау, тазарту және құм құю жұмыстары; сондай-ақ, металдар мен қорытпаларды құрғақ тегiстеу, металдарды жалату, олардан металдық ұнтақтар мен бұйымдар алу кезiнде; сондай-ақ, асбесттен тұратын кендердi барлау, өндiру (10% асбест және одан да көп), құрамында асбест 10%-ға дейiн болатын жасанды асбесттi, ас бесттi цемент бұйымдарын, асбесттi бакелиттi, волокниндi, асбесттi резеңкелерді қайта өңдеу кезінде; сондай-ақ, басқа да силикатты және құрамында силикат бар бұйымдарды қайта өңдеу кезiнде: шыны және минералды талшықтарды, цементтi, сазды, шамотты, бокситтi, нефелиндi сиениттердi, дистексиллиманиттi, оливиндi, апатиттердi, слюдаларды, дуниттi, хроммагнезиттi, форстериттi, әк тастарды, бариттi, котленитті, туфтарды, пемзаларды, перлиттi, темір-кендi концентраттарды және металлургиядағы агломераттарды және басқаларды; сондай-ақ, көмiрдi, қара күйенi, жасанды графиттi, коксты (мұнайлы, тақтатасты және басқаларды) өндіру, қайта өңдеу кезiнде, табиғи және жасанды алмаздарды өңдеу және қолдану кезiнде; мақтаны, зығырды, қара қурайды, жүндi, кендiрдi, дәндi, темекiні, ағашты, шымтезекті, құлмақты қайта өңдеу кезінде, қағазды, табиғи жiбектi және басқа да материалдарды өндiру кезiнде алынатын өсiмдiк, жануар тектес шаң-тозаңдарын; органикалық емес люминофорлардың (оның iшiнде 5%-дан кем кадмийден тұратын) шаң-тозаңдарын; доғалы плазмалы, газ жалынымен дәнекерлеу, ерiту және кесу, ұштастыра жанастырып дәнекерлеу (балқыта отырып), электрқожды дәнекерлеу кезiнде алынатын дәнекерленген: құрамында 20% және одан көп марганецi бар (никель, хром, фтор қосындылары, бериллий, қорғасын) металдарды; құрамында 20%-ға дейiн марганецi бар темір, аллюминий, магний, титан, мыс, мырыш, молибден, ванадий, вольфрам тотықтарын; 5) физикалық факторларды: иондаушы сәулелердi, радиоактивтік заттар мен иондаушы сәулелердiң көздерiн (олармен барлық жұмыстың түрлерiн); иондамайтын сәулелердi: 30 мГц - 300 ГГц (ОВЧ, УВЧ, СВЧ, КВЧ) және 30 мГЦ (BЧ, CЧ, НЧ, ОНЧ, ИНЧ, СНЧ, КНЧ) төмен ағымдағы радиожиіліктiң лазерлi электрлі магнитті өрiстерiн және тұрақты электр және магнит өрістерін (жұмыстың барлық түрлерi); өндiрiстік дiрiлдердi: жергiлiктi немесе жалпы; өндiрiстiк, қарқынды шуы бар, сондай-ақ 8І ДЦБ-дан және одан жоғары шуы бар едәуiр кернеулi есту анализаторын; ультрадыбыстарды (байланыстық берiлу), ультрадыбысты дефектескоптармен және медициналық аппаратурамен жұмыс; кессондарда, барокамераларда және сүңгуiр костюмдерде жұмыс кезіндегі жоғары атмосфералық қысымды; өндiрiстiк үй-жайлардағы жұмыс аймағындағы ауаның төмен температурасын (өндiрiстік үй-жайлар микроклиматының санитарлық нормалары бойынша рұқсат етiлген мәнiнен төмен); жұмыс аймағындағы жоғары температураны (өндiрiстiк үй- жайлардағы микроклиматтың санитарлық нормалары бойынша рұқсат етілген мәнiнен жоғары) және қарқынды сәулелерiн (140 Вт/кв.м-дан жоғары); көзге күш түсіретін жұмыстар кезіндегi: дәлдiк разрядтары 0,15 мм-ге дейiнгi және 0,15 мм-ден 0,3 мм-ге дейiнгi объектiмен прецизионды жұмыстарда; CHE бойынша дәлдiк разрядтары III және IV дәрежедегi (0,5 - 1 мм) көзге күш түсiретiн жұмыстарда және дисплейлердiң экрандарын қадағалауға және басқа да ақпараттарды бейнелейтiн құралдарға байланысты жұмыстарда; шамадан тыс физикалық жүктемелердi: ауысым iшiнде ер адамдар үшiн қолмен (кг есептегендегi жүк) немесе күш салып Н-ға, (H=0,1 кг/с) үнемi - 30 кг-нан артық немесе 300 H-дан артық орындалатын жүктердi ауыстыру кезiнде; ауысым iшiнде қолмен ауыстыратын және көтеретiн жүк салмағының шамасы кезiнде (ауысымдық жүк айналымы), жұмыс жасап жатқан жер бетiнен 12 тоннадан артық көтеру кезінде, еденнен немесе жұмыс жасап жатқан жер бетiнен едәуiр төмен деңгейден 5 тоннадан артық көтеру кезiнде; қолайсыз қалыпта ұзақ тұруына, оның iшiнде, түрегеліп тұрып немесе локальдық бұрыштық еттердің ширығуына, саусақ және бiлек бұлшық еттерiне ерекше күш түсiруге байланысты жұмыстар кезiнде; қос қолмен салмағы 10 кг-нан артық жүкті немесе бір қолмен салмағы 5 кг-нан артық жүктi оқтын-оқтын ұстап тұру кезiнде (ep адамдар үшін); дененің бiр ауысымда 300-ден артық оқтын-оқтын еңкеюiне байланысты (көзбен шамалағанда тігінен 30 градустан артық шамада); ауысымның 50%-ынан астам уақытында қолайсыз қалыпта тұруға тура келетiн (тiзерлеп отыратын, жүрелеп отыратын, етбетiмен жататын, аспалы орындағы, түрегеп тұратын) жұмыстар кезiнде; дыбыс аппаратына күш түсiруге байланысты жұмыстар кезiнде: оқытушылық, дикторлық, актерлік жұмыстың вокальды-әңгiмелесу түрлеріндегі, телефон станциясындағы жұмыстарда. | 
