Маңғыстау мемлекеттік тарихи-мәдени қорығын коммуналдық меншiкке беру
туралы Қазақстан Республикасы Үкіметінің 2001 жылғы 19 қарашадағы № 1479
қаулысы (ҚР Үкіметінің 24.11.03 ж. № 1172; 24.06.04 ж. № 604
қаулыларымен енгізілген өзгерістерімен)
Қазақстан Республикасының Үкіметі қаулы етеді:
1. Маңғыстау облысы әкімінiң Маңғыстау мемлекеттік тарихи-мәдени қорығын республикалық меншiктен Маңғыстау облысының коммуналдық меншiгiне беру туралы ұсынысына келісім берiлсiн.
2. Қазақстан Республикасының Мәдениет, ақпарат және қоғамдық келісім министрлігі мен Маңғыстау облысының әкімі осы қаулыдан туындайтын қажеттi шараларды қабылдасын.
ҚР Үкіметінің 24.11.03 ж. № 1172 қаулысымен 3-тармақ өзгертілді;
ҚР Үкіметінің 24.06.04 ж. № 604 қаулысымен 3-тармақ күші жойылды
3. Қазақстан Республикасы Үкіметінiң кейбір шешiмдерiне мынадай өзгерістер енгiзiлсiн:
1) күші жойылды
2) "Қазақстан Республикасының орталық атқарушы органдарына ведомстволық бағыныстағы мемлекеттік мекемелер штат санының лимиттерiн бекіту туралы" Қазақстан Республикасы Үкіметінiң 2000 жылғы 12 ақпандағы № 229 қаулысына:
көрсетілген қаулымен бекiтілген Республикалық бюджеттiң қаражаты есебiнен қаржыландырылатын Қазақстан Республикасының орталық атқарушы органдарына ведомстволық бағыныстағы мемлекеттік мекемелер штат санының лимиттерінде:
"Қазақстан Республикасының Мәдениет, ақпарат және қоғамдық келісім министрлігі" деген бөлімдегі:
"Маңғыстау мемлекеттік тарихи-мәдени қорығы - 20" деген жол алынып тасталсын.
4. Осы қаулы 2002 жылғы 1 қаңтардан бастап күшіне енеді.
Қазақстан Республикасының
| Премьер-Министрі | Қ. Тоқаев |
