Қазақстан Республикасы Мемлекеттік кіріс министрлігі Кеден комитетінің «Кинологиялық орталығы» мемлекеттік мекемесін құру туралы Қазақстан Республикасы Үкіметінің 2001 жылғы 15 ақпандағы № 230 қаулысы (ҚР Үкіметінің 14.04.03 ж. № 357;24.06.04 ж. № 604 қаулыларымен енгізілген өзгерістерімен)

Қазақстан Республикасы Мемлекеттік кіріс министрлігі Кеден комитетінің
"Кинологиялық орталығы" мемлекеттік мекемесін құру
туралы Қазақстан Республикасы Үкіметінің 2001 жылғы
15 ақпандағы № 230 қаулысы
(ҚР Үкіметінің 14.04.03 ж. № 357;24.06.04 ж. № 604
қаулыларымен енгізілген өзгерістерімен)

Қазақстан Республикасы Президентінің "Қазақстан Республикасында нашақорлыққа және есірткі бизнесіне қарсы күрестің 2000-2001 жылдарға арналған мемлекеттік бағдарламасы туралы" 2000 жылғы 16 мамырдағы № 395 Жарлығына және "Қазақстан Республикасының кеден қызметін реформалау бағдарламасын бекіту туралы" Қазақстан Республикасы Үкіметінің 2000 жылғы 22 қарашадағы № 1746 қаулысына сәйкес Қазақстан Республикасының Үкіметі қаулы етеді:

1. Қазақстан Республикасының Мемлекеттік кіріс министрлігі Кеден комитетінің "Кинологиялық орталығы" мемлекеттік мекемесі (бұдан әрі - Кинологиялық орталық) құрылсын.

2. Қазақстан Республикасы Мемлекеттік кіріс министрлігінің Кеден комитеті Қазақстан Республикасының заңнамасында белгіленген тәртіппен:

1) Кинологиялық орталықтың жарғысын бекітсін және оның әділет органдарында тіркелуін қамтамасыз етсін;

2) осы қаулыдан туындайтын өзге де шараларды қабылдасын.

3. Кинологиялық орталықты қаржыландыру 2001 жылға арналған республикалық бюджетте "Кеден постыларының құрылысын салу, кеден органдарының инфрақұрылымдары" бағдарламасы бойынша Қазақстан Республикасының Мемлекеттік кіріс министрлігіне көзделген қаражаттың есебінен және шегінде жүзеге асырылатын болады деп белгіленсін.

4. Қазақстан Республикасының Қаржы министрлігі 2002 жылдан бастап республикалық бюджеттің тиісті бағдарламасы бойынша Кинологиялық орталықты ұстауға арналған шығыстарды көздесін.

ҚР Үкіметінің 14.04.03 ж. № 357;24.06.04 ж. № 604 қаулысымен 5-тармақ өзгертілді

5. Қазақстан Республикасы Үкіметінің кейбір шешімдеріне мынадай толықтырулар енгізілсін:

1) "Қазақстан Республикасы Кеден комитетінің жекелеген мәселелері" туралы Қазақстан Республикасы Үкіметінің 1996 жылғы 18 қыркүйектегі № 1135 қаулысына:

көрсетілген қаулыға қосымша мынадай мазмұндағы реттік нөмірі 30-жолмен толықтырылсын:

     "30. Кинологиялық орталық   40";

2) "Қазақстан Республикасының орталық атқарушы органдарына ведомстволық бағыныстағы мемлекеттік мекемелер штат санының лимиттерін бекіту туралы" Қазақстан Республикасы Үкіметінің 2000 жылғы 12 ақпандағы № 229 қаулысына:

көрсетілген қаулымен бекітілген республикалық бюджеттің қаражаты есебінен қаржыландырылатын Қазақстан Республикасының орталық атқарушы органдарына ведомстволық бағыныстағы мемлекеттік мекемелер штат санының лимиттерінде:

10 "Қазақстан Республикасының Мемлекеттік кіріс министрлігі" бөлімі мынадай мазмұндағы жолмен толықтырылсын:

     "Кинологиялық орталық    40".

6. Қазақстан Республикасы Мемлекеттік кіріс министрлігінің Кеден комитеті бір айлық мерзімде Қазақстан Республикасы Үкіметінің бұрын қабылданған шешімдерін осы қаулыға сәйкес келтіру жөнінде ұсыныстар енгізсін.

7. Осы қаулы қол қойылған күнінен бастап күшіне енеді.

Қазақстан Республикасының

Премьер-Министрі