Қазақстан Республикасы Министрлер Кабинетінің 1994 жылғы 6 қазандағы
№ 1120 қаулысына өзгертулер мен толықтырулар енгізу
туралы және Қазақстан Республикасы Зейнетақы қорының қызметiн
жетiлдiру жөніндегі шаралар туралы Қазақстан Республикасы
Үкіметінiң 1996 жылғы 23 қыркүйектегі № 1156 Қаулысы
ҚР Үкіметінің 2005 ж. 9 ақпандағы № 124 қаулысымен күші жойылды
Зейнетақы қорына төлеушiлерден сақтандыру жарналарының барынша толығырақ түсуiн қамтамасыз ету, төлемдер бойынша берешектердi өтеу, мемлекеттік әлеуметтiк сақтандыруға арналған жарнаны төлеуден бас тарту және оның сомасын төмендету фактiлерiне жол бермеу мақсатында Қазақстан Республикасының Үкіметі қаулы етедi:
1. "Қазақстан Республикасы Зейнетақы қорының қаржылары бойынша өзара есеп айырысу, есепке алу және жұмсау операцияларын жүргiзу тәртібін бекіту туралы" Қазақстан Республикасы Министрлер Кабинетінің 1994 жылғы 6 қазандағы № 1120 қаулысымен (Қазақстан Республикасының ПҮАЖ-ы, 1994 ж.,№ 42, 455-бап) бекітілген, Қазақстан Республикасы Зейнетақы қорының қаржылары бойынша өзара есеп айырысу, есепке алу және жұмсау операцияларын жүргiзу тәртібіне мынадай өзгертулер мен толықтырулар енгiзiлсiн:
12 және 42-тармақтары мынадай редакцияда жазылсын:
"12. Төлеушiлер сақтандыру жарналарын Қазақстан Республикасының Зейнетақы қорына төлеушiлердiң жекелеген санаттары үшiн жарна төлеудiң белгiленген басқа мерзiмiнен өзге реттерде ай сайын жалақы төлеу үшiн белгiленген мерзiмде, бiрақ келесi айдың 10-ынан кешiктiрмей аударуға мiндеттi.
42. Төлеушiлер сақтандыру жарналарының сомасын Зейнетақы қорына уақтылы және толық аудармағаны үшiн төленбеген сомаға Қазақстан Республикасының Ұлттық Банкi осы сомаларды төлеу күнiнен белгiлеген қайта қаржыландырудың 1,5 еселенген ставкасы мөлшерiнде, оның кешiктiрiлген әрбiр күнi үшiн төленбеген соманың өсiмiн төлейдi.
1-тармақтан абзацтар алынып тасталды - ҚРҮ-нiң 1997.01.31. № 133 қаулысымен.
2. Қазақстан Республикасы Зейнетақы қорының орталықтандырылған шотына түсетiн 30 процент сақтандыру жарналарының есебiн тәртiпке келтiру мақсатында осы қаржыларды жинайтын аудандық және қалалық банк бөлiмдерiнiң, бөлiмшелерiнiң жанынан халықты әлеуметтiк қорғау органдары үшiн қосалқы шот ашу жөнiнде өкiлеттi банкке ұсыныс жасалсын.
3. Қазақстан Республикасының Халықты әлеуметтiк қорғау министрлігі:
сақтандыру жарналарын төлеушiлерге бұрынырақта есептелген өсiмдердi есептен шығаруға қатысты жұмыстарды жүргiзу Тәртібін екi апталық мерзiм iшiнде әзiрлесiн және Қазақстан Республикасы Үкіметінiң бекітуiне енгiзсiн;
Қазақстан Республикасының Зейнетақы қорына сақтандыру жарналарын төлеуге коммерциялық ұйымдарды тарту тетiгiнiң құқықтық негiздерiн көздей отырып, осындай ұйымдардың зейнетақы төлеуге арналған қаржыларды қалыптастыруға қатысуын қамтамасыз ету мақсатында, "Қазақстан Республикасының мемлекеттік Зейнетақы қоры туралы" Қазақстан Республикасы Заңының жобасын жетiлдiру және оны мүдделi министрлiктермен келiсудi тездетсiн;
3-тармағының 3-абзацы күшiн жойған - ҚРҮ-нiң 1997.03.26. № 419 қаулысымен.
4. Қазақстан Республикасының Халықты әлеуметтiк қорғау министрлігі және Қазақстан Республикасының Мемлекеттік салық комитетi бiр ай мерзiм iшiнде кәсiпкерлiк қызметпен шұғылданатын жеке адамдардан Қазақстан Республикасының Зейнетақы қорына осы адамдардан алынатын патенттер мен алымдар құрамындағы мiндеттi төлемдердi тартудың мүмкiндiгi туралы осы патенттер мен алымдар сомаларының тиiстi бөлiгiн алдағы уақытта Қазақстан Республикасының Зейнетақы қорына берудiң тетiгiн құру туралы Қазақстан Республикасының Үкіметіне өзара келісілген ұсыныс енгiзсiн;
Қазақстан Республикасының Зейнетақы қорына қосымша төлемдердi тартуға байланысты қолданылып жүрген салық заңына өзгертулер мен толықтырулар енгізу мәселелерiн қарасын.
5. Қазақстан Республикасының Мемлекеттік салық комитетi:
Қазақстан Республикасының Зейнетақы қорына сақтандыру жарналарын төлеуге коммерциялық ұйымдарды тартудың барынша жетiлдiрiлген жаңа тетiгiн әзiрлеу жұмысына қатыссын және осы тетiктi iс жүзiнде қолданысқа енгізуде Қазақстан Республикасының Халықты әлеуметтiк қорғау министрлігіне көмек көрсетсiн;
салық қызметiнiң ведомстволық бағынышты органдарына салық төлеушiлердiң қызметiн тексерген кезде халықты әлеуметтiк қорғау органдарын iле-шала хабардар ете отырып, Қазақстан Республикасының Зейнетақы қорына сақтандыру жарналарының толық және уақытылы төленуi мәселелерiн мiндеттi түрде тексерудi тапсырсын.
Қазақстан Республикасының
Премьер-Министрi
