"Атакент" еркiн сауда аймағының мәселелерi Қазақстан Республикасы
Министрлер Кабинетінің 1994 ж. 23 тамыздағы № 950 қаулысы
Қазақстан Республикасы Үкіметінің 2005 жылғы 9 ақпандағы № 124 Қаулысымен күші жойылды
Қазақстан Республикасы Президентінің "Атакент" еркiн сауда аймағы туралы" 1994 жылғы 18 сәуірдегі № 1663 Жарлығын орындау үшiн Қазақстан Республикасының Министрлер Кабинетi қаулы етедi:
1. Мыналар бекітілсiн:
"Атакент" еркiн сауда аймағының Әкiмшiлiк кеңесi туралы Ереже;
1-шi тармақтың 2-шi абзацы алынып тасталды - ҚРМК-нiң 13.10.1995 ж. № 1327 қаулысымен.
2.
2-шi тармақ алынып тасталды - ҚРМК-нiң 13.10.1995 ж. № 1327 қаулысымен.
3. Қазақстан Республикасының Мемлекеттік мүлiк жөніндегі мемлекеттік комитетi Қазақстан iскерлiк ынтымақтастық орталығы "Атакент" акционерлік қоғамы акцияларының мемлекеттік пакетiн еркiн сауда аймағы қызмет атқаратын мерзiмiнiң iшiнде басқару және пайдалану құқығын "Атакент" еркiн сауда аймағының Әкiмшiлiк кеңесiне белгiленген тәртiппен табыс етсiн.
4. Қазақстан Республикасының Қаржы министрлігі "Атакент" еркiн сауда аймағының Әкiмшiлiк кеңесiнiң қатысуымен бiр ай мерзiмде кеден бөлiмшелерi мен пункттерiн құрсын, әрi олардың қызметiнiң және оларды ұстаудың тәртібін анықтасын.
Қазақстан Республикасының Премьер-министрi
Қазақстан Республикасы
Министрлер Кабинетінің
1994 жылғы 23 тамыздағы
№ 950 қаулысымен
Бекiтiлген
"Атакент" еркiн сауда аймағының Әкiмшiлiк
кеңесi туралы
ЕРЕЖЕ
I. Жалпы ережелер
1. "Атакент" еркiн сауда аймағының (бұдан былай - "Атакент" ЕСА) Әкiмшiлiк кеңесi осы еркiн сауда аймағының дамуы мен қызметi үшiн жауап беретiн оның аумағындағы жоғары басқару органы болып табылады.
Әкiмшiлiк кеңес "Атакент" ЕСА құрылымдық бөлiмшелерiнiң Қазақстан Республикасының мемлекеттік органдарымен, сондай-ақ шаруашылық жүргiзушi және өзге субъектiлер, олардың iшiнде "Атакент" ЕСА аумағында тiркелген және қызмет атқаратын субъектiлермен өзара қарым-қатынасын реттеуге жәрдемдеседi.
2. Әкiмшiлiк кеңес өз қызметiнде Қазақстан Республикасы Президентінің "Атакент" еркiн сауда аймағы туралы" 1994 жылғы 18 сәуірдегі № 1663 Жарлығында көзделген ерекшелiктердi ескере отырып, Қазақстан Республикасының Конституциясы мен заңдарын, Қазақстан Республикасы Президентінің және Қазақстан Республикасы Үкіметінiң басқа да шешiмдерiн, сондай-ақ осы Ереженi басшылыққа алады.
3. Әкiмшiлiк кеңестiң негiзгi мiндеттерi:
"Атакент" ЕСА дамуының негiзгi бағыттарын әзiрлеу және оларды жүзеге асыру тетiктерiн анықтау;
"Атакент" ЕСА аумағында халықаралық маңызы бар бiртұтас сауда экономикалық және экспозициялық-ақпараттық кешен құру, әрi осы мақсат үшiн белгiленген тәртiппен отандық және шетелдiк инвестициялар мен кредиттердi тарту;
"Атакент" ЕСА аумағында тiркелген және қызмет атқаратын шаруашылық жүргiзушi және өзге субъектiлерге өзара тиiмдi iскерлiк ынтымақтастық орнатуға, тауар ресурстарының келiп түсуiн молайтуға және өнеркәсiптiк-технологиялық кооперацияны жолға қоюға жәрдемдесетiн жағдай туғызылуын қамтамасыз ету;
ноу-хау, озық технологиялар енгiзуге, өнiмдер шығаруға бағдарланған өнеркәсiп, ауыл шаруашылығы және басқа өндiрiстердi дамыту жобаларына сараптамалар ұйымдастыру;
ұйымдастыру тәжiрибесiн дәйектеу, жинақтау және оларды республиканың басқа өңiрлерiнде қолдану үшiн нарықтық қатынастардың экономикалық-құқықтық нормаларын жетiлдiру;
"Атакент" ЕСА аумағында инжиниринг, ақпарат, консалтинг, маркетинг және өзге сервис қызметiн қамтитын қызмет көрсету индустриясын ұйымдастырып, дамыту болып табылады.
4. Әкiмшiлiк кеңес барлық шаруашылық жүргiзушi және өзге субъектiлермен, соның iшiнде "Атакент" ЕСА аумағында тiркелген және қызмет атқаратын субъектiлермен өзiнiң қарым-қатынасын шарттардың негiзiнде құрады.
II. Әкiмшiлiк кеңестiң негiзгi функциялары
5. "Атакент" ЕСА Әкiмшiлiк кеңесi өзiнiң негiзгi мiндеттерiне сүйенiп:
"Атакент" ЕСА дамуының ағымдағы және перспективалық бағдарламаларын әзiрлеу мен жүзеге асыруды қамтамасыз етедi;
"Атакент" ЕСА бюджетiн қарап бекiтедi;
"Атакент" ЕСА мен оның құрылымдық бөлiмшелерiнiң қызметiне басшылық етедi;
(бесiншi абзац)
"Атакент" ЕСА-ын дамыту, оның объектiлерiн қайта жаңарту мен салу үшiн отандық және шетелдiк инвестициялар мен кредит қаражатын тарту жөніндегі жұмысты ұйымдастырады;
"Атакент" ЕСА қорларын және басқа қаржы ресурстарын құру мен пайдалану жөнiнде шешiм қабылдайды;
шаруашылық жүргiзушi және өзге субъектiлердiң "Атакент" ЕСА бюджетiне алымдар мен төлемдердi уақтылы енгiзуiн қамтамасыз ету жөнiнде шаралар қолданады;
мемлекеттік және басқа органдарда "Атакент" ЕСА-ның мүддесiн бiлдiредi, мемлекеттік органдарға "Атакент" ЕСА қызметiнiң экономикалық және құқықтық режимiн өзгерту жайында ұсыныстар енгiзедi;
"Атакент" ЕСА аумағындағы мемлекет меншiгіндегі объектiлердi мемлекет иелiгiнен алу мен жекешелендiру жөнiнде Қазақстан Республикасының Мемлекеттік мүлiк жөніндегі мемлекеттік комитетiне ұсыныстар енгiзедi;
"Атакент" ЕСА аумағында табиғат қорғау қызметiн ұйымдастырады және тарихи-мәдени құндылықтардың сақталуын қамтамасыз етедi;
өз қызметiн "Атакент" ЕСА бюджетiнiң есебiнен жүзеге асырады.
5-шi тармақтың бесiншi абзацы алынып тасталды - ҚРМК-нiң 13.10.1995 ж. № 1327 қаулысымен.
III. Әкiмшiлiк кеңестiң құзыретi
6. Өзiне жүктелген функцияларды орындау үшiн Әкiмшiлiк кеңестiң:
"Атакент" ЕСА-ның аумағында өзiн өзi ақтау мен өзiн өзi қаржыландыру принциптерi негiзiнде қызмет атқаратын құрылымдық бөлiмшелер, дербес ұйымдар, оның iшiнде шетел капиталы қатысатын ұйымдар жасақтауға;
"Атакент" ЕСА аумағында тiркелген және өзi қызмет атқаратын шаруашылық жүргiзушi және өзге субъектiлерден ағымдағы және перспективалық бағдарламаларды әзiрлеуге қажет жекелеген анықтамалық материалдар мен ақпаратты сұратып алдыруға;
"Атакент" ЕСА-ның қатысуымен жүзеге асырылатын аса маңызды проблемалары мен жобалар бойынша үйлестiру, ғылыми-техникалық және сараптау комиссиялары мен топтарын құруға;
"Атакент" ЕСА аумағында тiркелген және өз қызметiн жүзеге асыратын шаруашылық жүргiзушi және өзге субъектiлер басшыларының ЕСА дамуының бағдарламалары мен жобаларын жүзеге асыру, олардың қабылдаған мiндеттемелерiн орындау жөніндегі мәселелер бойынша есептерiн тыңдауға;
шаруашылық жүргiзушi және өзге субъектiлердiң табиғатты пайдалану және айналадағы орта мен инфрақұрылым объектiлерiн қорғау ережелерiн сақтауына бақылауды жүзеге асыруға;
ЕСА аумағында тiркелген және қызмет атқаратын шаруашылық жүргiзушi және өзге субъектiлердiң қаржы-шаруашылық қызметiне белгiленген тәртiппен тиiстi бақылаушы органдарды қатыстыру арқылы бақылау мен тексерудi жүзеге асыруға;
"Қазақстан Республикасының заңдарын, "Атакент" ЕСА-ның нормативтiк актілерін, құрылтайшы құжаттар мен контракттарда баянды етiлген мiндеттемелердi, сондай-ақ осы Ереженi бұзған жағдайда шаруашылық жүргiзушi немесе өзге субъектiнiң қызметiнiң жекелеген түрлерiн кiдiрту, тыйым салу немесе бүкiл қызметiн доғарту туралы шешiм қабылдауға құқығы бар.
Әкiмшiлiк кеңестiң шешiмi Қазақстан Республикасының заңдарына сәйкес тәртiппен жойылуы мүмкiн.
6-шы тармақтың сегiзiншi абзацындағы сөздер алынып тасталды - ҚРМК-нiң 13.10.1995 ж. № 1327 қаулысымен.
7. Әкiмшiлiк кеңес шаруашылық жүргiзушi және өзге субъектiлердiң шаруашылық, қаржы және өзге қызметiне, егер бұл қызмет "Атакент" ЕСА аумағында қолданылатын Қазақстан Республикасының заңдарына қайшы келмесе, араласа алмайды.
8. Әкiмшiлiк кеңес "Атакент" ЕСА аумағында тiркелген және шаруашылық қызметтi жүзеге асыратын шаруашылық жүргiзушi және өзге субъектiлерге Қазақстан Республикасы Президентінің "Атакент" еркiн сауда аймағын құру туралы" 1994 жылғы 18 сәуірдегі № 1663 Жарлығына сәйкес ынталандыратын жағдайлар туғызу мен жеңiлдiктер беру тәртібін, сондай-ақ шаруашылық жүргiзушi және өзге субъектiлерге Қазақстан Республикасының заңдарына сәйкес жалға жер беру құқығын табыстау тәртібін анықтайды.
IV. Әкiмшiлiк кеңестiң қызметiн ұйымдастырудың
негiзгi мәселелерi
9. Әкiмшiлiк кеңеске Қазақстан Республикасының Президентi тағайындайтын Төраға басшылық етедi.
Әкiмшiлiк кеңес төрағасының үш орынбасары болады.
Әкiмшiлiк кеңес мүшелерiнiң арасындағы мiндеттердi Төраға бөледi және бекiтедi.
10. Әкiмшiлiк кеңестiң төрағасы "Атакент" ЕСА-на жүктелген мiндеттер мен функциялардың орындалуы үшiн жеке дара жауап бередi, төраға орынбасарларының және құрылымдық бөлiмшелер басшыларының ЕСА қызметiнiң жекелеген бағыттарына басшылығы үшiн жауапкершiлiк деңгейiн белгiлейдi.
Әкiмшiлiк кеңестiң төрағасы:
өз құзырының шегiнде оған бағынысты барлық құрылымдардың орындауы үшiн мiндеттi бұйрықтар шығарып, нұсқаулар бередi;
өзiнiң орынбасарларын, әкiмшiлiк кеңестiң құрылымдық бөлiмшелерiнiң басшыларын және олардың орынбасарларын қызметке тағайындайды және қызметтен босатады;
атқарушы дирекцияның және басқа бөлiмшелердiң штатын, құрылымын, еңбекке ақы төлеу шарттарын бекiтедi;
оның Қазақстан Республикасының заңдарына және осы Ережеге сәйкес басқа да құқықтары болады.
11. Әкiмшiлiк кеңесi 11 адамнан құрылады, оның құрамына Төраға мен оның лауазым бойынша орынбасарлары, "Атакент" ЕСА аумағында тiркелген және өз қызметiн жүзеге асыратын шаруашылық жүргiзушi және өзге субъектiлердiң басшылары, әрi мемлекеттік басқару органдарының өкiлдерi кiредi.
Әкiмшiлiк кеңестiң дербес құрамын Әкiмшiлiк кеңес төрағасының ұсынуы бойынша Қазақстан Республикасының Министрлер Кабинетi бекiтедi.
12. Әкiмшiлiк кеңестi қажетiне қарай, бiрақ кемiнде тоқсанына бiр рет төраға немесе оның тапсыруы бойынша орынбасарларының бiрi шақырып отырады. Кеңестiң мәжілісiне қажет болған жағдайларда талқыланып отырған мәселелерге тiкелей қатысы бар шаруашылық жүргiзушi және өзге субъектiлердiң, мемлекеттік органдардың басшылары, ғалымдар мен мамандар қатысады.
Әкiмшiлiк кеңестiң мәжілістерiнде қаралған мәселелер қаулымен ресiмделедi және кеңес мүшелерiнiң үштен екiсi жақтап дауыс берген жағдайда шешiм қабылданды деп саналады.
Әкiмшiлiк кеңестiң өз құзырының шегiнде қабылдаған шешiмдерi ЕСА аумағында тiркелген және өз қызметiн жүзеге асыратын барлық шаруашылық жүргiзушi және өзге субъектiлердiң орындауы үшiн мiндеттi.
13. "Атакент" ЕСА-ның басқарушы жұмыс органы Әкiмшiлiк кеңес жасақтайтын атқарушы дирекция болып табылады.
Атқарушы дирекцияға бас директор басшылық етедi, ол сонымен қатар Әкiмшiлiк кеңес төрағасының бiрiншi орынбасары болып табылады.
Атқарушы дирекцияның және бас директордың құқықтары мен мiндеттерiн Әкiмшiлiк кеңес бекiтетiн Ереже анықтайды.
14. Әкiмшiлiк кеңес пен шаруашылық жүргiзушi және өзге субъектiлер арасындағы даулар Қазақстан Республикасының сот және төрелiк сот органдарында немесе тараптардың уағдаласуы бойынша аралық сотта қаралады.
15. "Атакент" ЕСА Әкiмшiлiк кеңесiнiң есеп айырысу шоты, қазақ және орыс тiлдерiнде өз атауы жазылған мөрi болады.
Қазақстан Республикасы
Министрлер Кабинетінің
1994 жылғы 23 тамыздағы
№ 950 қаулысымен
Бекiтiлген
"Атакент" еркiн сауда аймағы аумағында шаруашылық
жүргiзушi субъектiлердi тiркеу тәртібі туралы
Ереже
Бұл Ереженiң күшi жойылған - ҚРМК-нiң 13.10.1995 ж. № 1327 қаулысымен.
