Дәрi-дәрмек өнiмдерiнiң, медициналық мақсаттағы бұйымдардың және
емдеу-профилактикалық тағам өнiмдерiнiң сапасын мемлекеттік бақылау
туралы Қазақстан Республикасы Министрлер Кабинетінің 1993 ж. 2 қарашадағы
№ 1090 қаулысы
Қазақстан Республикасы Үкіметінің 2005 жылғы 9 ақпандағы № 124 Қаулысымен күші жойылды
Медициналық мақсаттағы өнiмдердi стандарттаудың, сертификаттаудың мемлекеттік жүйесiн жетiлдiру мақсатында Қазақстан Республикасының Министрлер Кабинетi қаулы етедi:
1. Қазақстан Республикасының Денсаулық сақтау министрлігіне республикада өндiрiлетiн және басқа мемлекеттерден әкелiнетiн аталған өнiмдерге фармакопиялық баптар мен техникалық шарттарды белгiленген тәртiппен бекіту үшiн сапаны мемлекеттік бақылау, "Қазақстан Республикасының сертификаттау жүйесiне" сәйкес стандарттау, тiркеу, сертификаттау, дәрi-дәрмектiк, профилактикалық және диагностикалық өнiмдердi, медициналық мақсаттағы бұйымдарды, медициналық техниканы және емдеу-профилактикалық тағам өнiмдерiн лицензиялау мен сараптауды жүзеге асыру жүктелсiн.
2. Қазақстан Республикасының Денсаулық сақтау министрлігі:
дәрi-дәрмек өнiмдерiн, гигиеналық мақсаттағы бұйымдардың, медициналық техниканың, емдеу-профилактикалық тағам өнiмдерiнiң сапасын белгiленген тәртiппен бекітілген фармакопиялық бағыттарға, нормативтiк техникалық құжаттамаларға және техникалық шарттарға сәйкес, меншiк нысандарына қарамастан кәсiпорындар мен ұйымдардың, басқа да заңды ұйымдар мен жеке адамдардың олардың дайындауының, өндiруiнiң, сақтауының, тасымалдауы мен өткiзуiнiң барлық сатыларында бақылауды жүзеге асырсын;
белгiленген тәртiппен бекітілген фармакопиялық баптар, стандарттар мен техникалық шарттар жоқ болса немесе олар бұзылса, дәрi-дәрмек шикiзатын, дайын дәрi-дәрмек нысандарын, жинақтаушы бөлшектердi, гигиеналық бұйымдарды, медициналық техниканы, емдеу-профилактикалық тағам өнiмдерiн сатып алуға, дайындауға және сатуға тыйым салатын болсын;
дәрi-дәрмек өнiмдерiнiң, гигиеналық мақсаттағы бұйымдардың, медициналық техниканың және емдеу-профилактикалық тағам өнiмдерiнiң сапасын нормативтiк техникалық құжаттаманың талаптарына сәйкес сақтауды қамтамасыз етпейтiн технологиялық жабдық пен өндiрiстiк үй-жайларды пайдалануды тоқтатсын;
меншiк нысандарына қарамастан кәсiпорындар мен ұйымдардан және жеке адамдардан дәрi-дәрмек шикiзатының, емдеу, диагностикалық және профилактикалық препараттардың, медициналық мақсаттағы бұйымдардың, емдеу-профилактикалық тағам өнiмдерiнiң сапасын сипаттайтын техникалық құжаттаманы, сондай-ақ өнiмдердiң құнын олардың иесi болып табылатын кәсiпорындардың, ұйымдардың және жеке адамдардың есебiне жатқыза отырып, тексерiп, сынап көру үшiн үлгiлерiн талап етсiн.
3. Денсаулық сақтау министрлігі мен Қазақстан Республикасының Министрлер Кабинетi жанындағы Стандарттау және метрология жөніндегі бас басқарма екi ай мерзiмде фармацевтика өнiмiнiң, медициналық мақсаттағы бұйымдардың және емдеу-профилактикалық тағам өнiмдерiнiң сапасын бақылаудың, сертификаттаудың және стандарттаудың бiртұтас мемлекеттік жүйесiн құру жөнiнде ұсыныс әзiрлеп, табыс етсiн.
4. Қазақстан Республикасы Министрлер Кабинетінің "Фармация" мемлекеттік холдинг компаниясы туралы" 1993 жылғы 4 тамыздағы № 672 (Қазақстан Республикасының ПҮАЖ-ы, 1993 ж., № 31, 365-бап) қаулысының 3 тармағының күшi жойылды деп танылсын.
Қазақстан Республикасының
Премьер-министрi
